رد: فوق هام السحب ( الشعر الشعبي) على متن القوافي
 

‏محبّتك فوق العتب والمشاريه
ومشاعري شافت بـقربك دواها

على كثر ما شافت عيوني وجيه
مافيه وجهٍ غير وجـهك ملاها


.......

رد: فوق هام السحب ( الشعر الشعبي) على متن القوافي
 

‏رفقتك مثل الذهب بالهون والشده
‏ماتختلف بإختلاف العالم الحآلي

‏غيرك إليا غاب ما حسبه و لاعده
‏وإلا إنت غير البشر دايم على بالي

......

رد: فوق هام السحب ( الشعر الشعبي) على متن القوافي
 

انت الحضور اللي يجدد بالآمال
وانت القريب اللي تميّز مكانك

مالك شبيه الا انت ياسمح الاقبال
في روعتك في قمتك في حنانك

تبقى كذا بالعين مهما الزمن طال
عالي مقام وشامخٍوفي كيانك

.......

رد: فوق هام السحب ( الشعر الشعبي) على متن القوافي
 

‏برد الشتا لوهو قـوي فيه انسجـام
جمر الغضى لو جيت في جنبه كفى

المشكـله بـرد المحـبـه والغــرام
في ذمتيزمـاله عــلاج ولا دفى

.......

رد: فوق هام السحب ( الشعر الشعبي) على متن القوافي
 

يسأل عليك اللي من الناس يغليك
يسأل ويرسل مايبي غير ردك

سلام والخافق من الشوق يطريك
مشتاق لك ليت الرساله تشدك

.......

رد: فوق هام السحب ( الشعر الشعبي) على متن القوافي
 

‏ان شفتني مجنون من دون تدقيق
حبگ هو الجاني على العقل غطّاھ

وِنْ شفتني اعمى ودربي توافيق
الله بلاگ بشخص حبھ لگ اعماھ


.......

رد: فوق هام السحب ( الشعر الشعبي) على متن القوافي
 

‏لا تعجّل .. خذ الدنيا على مهلك
‏كان تبغى .. مع الايام .. تتعلم

‏ماتجيك المشاكل غير من جهلك
‏من تعلم .. عرف وشلون يتكلم

‏لاتجـاوب سـؤالٍ .. ماتوجه لك
‏ولاتعاتب .. غريبٍ مر .. ماسلّم

‏خل شرهتك وميانتك عند اهلك
‏عند الاغـراب .. لاتشره وتتظلم

‏عبدالله الطلحي

رد: فوق هام السحب ( الشعر الشعبي) على متن القوافي
 

‏مسّاكم الله ياهل الطيب بالخير
يالي على درب الشهامه خطاكم


سارت وتفرق بالوفا والوفاء غير
في منهج اهل الطيب يفرق نباكم


نطلب من المولا عليم المقادير
يسعد لياليكم ويسعد مساكم

بقلمي

رد: فوق هام السحب ( الشعر الشعبي) على متن القوافي
 

لا نفسي عصيّه و لا قلبي قطوع
‏أجفي الدنيا و أعوّد و أصير صحيبها

‏عن مشددة اللواحظ و مرخية السموع
‏قافلٍ بيبان ودّ العلوم و جيبها

‏ما درى باللي تكنّ الضلوع إلا الضلوع
‏وش تبي تنفعني الناس لو تدري بها

.......

رد: فوق هام السحب ( الشعر الشعبي) على متن القوافي
 

يـا ورد يـا رمـان يا لـوز حـالـي
يا ريحة الريحـان يـا يـاسمينـه

يـافـرحـة اللي غـربـلتـه الليالـي
لا تقطعين الـوصل لاتـقـطـعينـه

صبري قضى ماعاد بي احتمالي
هل تـفـهمين الوضع هل تدركينه

.......