رد: اخترنا لكم شعر نبطي وفصيح
 

يا مسساء الشعر لا*غازل عيونك
واستلمها من هدبـها لا هدبــها

والمساء العذب مايكمل بدونك
وانتي اجمل صدفــةٍ ربـي كتبها

.....

رد: اخترنا لكم شعر نبطي وفصيح
 

‏تعبنا من الايام والعالم الفاضين
‏نجامل وآثر ساس البلا يوم جاملنا

.....

رد: اخترنا لكم شعر نبطي وفصيح
 

‏تهلَي في خطاويك النسايم والسحاب يهلّ
‏واغني لك بصوتي بين برّاقه و رّعاده

‏قلايد من عقود الياسمين ومن عقود الفلُ
‏لعنقك وانتي عنقك يستحق اكثر من قلاده

‏شعورك بالزهر فايح وشعرك بالمطر مبتل
‏ووجهك عادته يفتن وانا مفتون كالعاده

.....

رد: اخترنا لكم شعر نبطي وفصيح
 

‏يا سيد الظبا من كل لمحه وشكل ولون
‏ياليت المشاعر معكْ ماهيب جيّاشه

‏يا طول العمر للي على بالك يعيشون
‏ويا قصر العمر للي معك ما بعد عاشه

‏احبك على وضح النقا والعرب يدرون
‏يوم ان اكثر العالم محبتهم خْشاشه

‏لو اني موّطي النور في شاشة الايفون
‏انا لا فتحت صوّرك تنوّر الشاشه

.....

رد: اخترنا لكم شعر نبطي وفصيح
 

‏تعبت من ملحك وجرحك وطبَّك
‏ومن الخيال الكذب والواقع الكذب

‏ماجيت باستوطنك جيت أغترب بك
‏واقفيت ما لجروحك المدميَّة طب

‏مع إن ما بلّ الحشا إلا مصبّك
‏ما أحيّيت لي لهفة ولا أحيّيت لي قلب

‏ولا تطري الحب وتقول احبك
‏ما تعرف احبك ولا تعرف الحب

.....

رد: اخترنا لكم شعر نبطي وفصيح
 

‏ولا زلت رغم الخوف والبعد والتشكيك
‏اراهن على زود المحبه وكبر الشوق

‏من الناس ومن الحظ الاقشر ومن ماضيك
‏سرقتك وكان السارق اطيب من المسروق

‏على كل حال البارحه مرّني طاريك
‏تطرّق لك اللي شيب القاف والطاروق

‏ونشدني وقلت ان المعاريف تثمر فيك
‏مثل من يداري بالخفا جيبه المشقوق

.....

رد: اخترنا لكم شعر نبطي وفصيح
 

‏لك مدادي من سماي وفيك ظِلّي
‏كلّما شحّت على الأرض السحابة

‏كم توقّى في دقاق حْماك جِلّي
‏وكم بحثتك فَالقصيد وْفَي الكتابة

‏كنت أجيك من أوَّل الأيّام كِلّي
‏لين أكون أكبر سماء وأكثر رحابة

‏إن تبدّى لك نحيل الدّار طِلّي
‏ طلةٍ تجلَا عن النفس الكآبة

.....

رد: اخترنا لكم شعر نبطي وفصيح
 

‏انتهى عمرٍ من الحب يا سرع السنين
‏انجلا والله مدري على ويش انجلا

‏النهايه طعمها مر والتهميش شين
‏لو يحس المبتلي بنكسار المبتلى

‏المشاعر كنها القبر ما تاخذ ثنين
‏واحدٍ يدله و يسلى وواحدٍ ماسلا

‏سعد عينيّ قبل لا اكون مثل الاخرين
‏وبري حالي يوم بدلت لبيه بهلا

.....

رد: اخترنا لكم شعر نبطي وفصيح
 

‏يا ملح حلوات النسب فتنة الجيل
‏ سيرة مناسبك العريقه ما تحصى

‏اهلك لا ركبو على الجيش والخيل
‏مركاضهم يومي بالادنى والاقصى

‏ معهم تعوّد كل صعبه تساهيل
‏وعليهم خطوب الليالي ما تعصى

‏ابوك منصى في لزوم الرياجيل
‏وانتي لسمحات الغنادير منصى

.....

رد: اخترنا لكم شعر نبطي وفصيح
 

‏غلبني غرامه واشهد ان المطمة جات
‏جعل ماني بمتردي الحظ والمدبْر

‏نكسني ودحمول الهواجيس راح اشتات
‏مثل صفة القدحان لا حافها العثبْر

‏يقولون يبغى الشوق منك صبر وسكات
‏وانا واحد معاد يسكت ولا يصبْر

.....

رد: اخترنا لكم شعر نبطي وفصيح
 

‏لا تضرب الاخماس بالاسداس
‏مفروض من كثر التجارب فقت

‏الشخص ينضج مع مرور الناس
‏ماهوب ينضج مع مرور الوقت

.....

رد: اخترنا لكم شعر نبطي وفصيح
 

‏ذرابة المنطوق ماقلّ و ندر
‏وترى اللسان العايب يسبب حرج

‏بعض الرجال هروجه تزيده قدر
‏وبعض الرجال تقدّره لين يهرج

.....

رد: اخترنا لكم شعر نبطي وفصيح
 

‏اتثاقل خطوتي للناس وأحزم لك متاعي
‏واستلذ بريبة شعورك وفي صِدقه وزيفه

‏في رجاك اعرف حضوري مثلما اعَرف انقطاعي
‏الحياه بدون ضحكاتك مساريها كِليفه

‏ فيك احس بخفّة احساسي ونفسي واتّساعي
‏معك روحي رغم ثقل الأرض واهلها خفيـفه

.....

رد: اخترنا لكم شعر نبطي وفصيح
 

‏لا تطري الحب ويضيق المكان الرحيب
‏ولاتسرق اعجابي بطبعك ولا مواخذه

‏أخاف أعشق تفاصيلك واشوفك حبيب
‏واحط قلبي على كفي ولا تاخذه

.....

رد: اخترنا لكم شعر نبطي وفصيح
 

صوتـك جذبنـي والمعـانـي تنـاديـك
‏يا صاحبي قل لي وش اسباب حبك

‏كـل القصـايـد شفتـهـا بـيـن ايـاديـك
‏سبحـان مـن ســواك ربــي وربك

.....

رد: اخترنا لكم شعر نبطي وفصيح
 

مبارك_الشهري ... https://vm.tiktok.com/ZSHWnt1DKxxTW-wZDG7

رد: اخترنا لكم شعر نبطي وفصيح
 

‏حبي يزيد وينقصون المحبين.
‏وقلبي يضم التضحيه والنظافه

‏وللحب ماكل البشر مستحقين
‏وعرفت تبذير المحبه حسافه

.....

رد: اخترنا لكم شعر نبطي وفصيح
 

‏ما بقى في خارطة صدري لا شعب ولا قيادة
‏يالوحيد اللي جمع ضدّين راحل ومتبقّي

‏أنت حقٍ دونه الرجّال ما يذخر عتاده
‏واعتقد ما جيتك آطالب بشيّ الا بحقي

‏أشهد إن ابوك عقّب غادةٍ من بطن غادة
‏وأشهد إنه يوم نقّاها من الغيد متنقي

‏أحسب ان حظي من عيونك مثل حظ القلادة
‏وين ما لقّيت واجهت السعد يمّي ملقّي

‏واقتنعت إنك قدر ما تردعه قو ارادة
‏لو تواجهني بحد السيف ماني بمتوقي

‏اعتبر كل الضلوع فداك يا ظبي الحمادة
‏أخذ كل اللي تبي تاخذ وبقّ اللي تبقّي

.....

رد: اخترنا لكم شعر نبطي وفصيح
 

ان عشت ما عاد للحب المبجّل بلاد
‏وان مت قبلي ضحايا العالم الميتين

‏انكرت سلم الهوى شريعةً واعتقاد
‏بعد إرتكاب الغِوايه وإنحراف السنين

‏كيف اتبع ملة العشاق وانا ما عاد
‏امنت بالحب من بعدك مع الاخرين

‏أبائي الاولين معسفيّن الجياد
‏والله ربٌي ورب ابائي الاوليّن

.....

رد: اخترنا لكم شعر نبطي وفصيح
 

‏أقبل الليل والليلة سناء البدر ضاوي
‏طيب يا خاطري وأقطف ثواني سهرها

‏كيف أوصفّكْ يا وجهٍ بحسنه سماوي
‏وأنت حسنك ملى سمع الحياة وبصرها

‏جادلٍ يوم جات الريح في ثوب غاوي
‏كل ما جت تعرّيها سترها شعرها

‏ضاع عقل الرزين وتاه طرف الحياوي
‏بين لـولـو قلادتها ولـولـو ثغرها

.....

رد: اخترنا لكم شعر نبطي وفصيح
 

‏حمامة سلام ساقك الله لقلبي لين
‏ربيتي ورى عوج الضلوع وتمكنتي

‏عليك السلام الصادق ايلين يوم الدين
‏سلام يحفك بالرضى وين ما كنتي

‏ياكثر الوله من يوم غبتي اللى هالحين
‏وياكبر الفراغ اللي ما يملاه غير انتي

‏لعل العوض فالليله اللي تضم ثنين
‏اللى امنّت بعد الفاتحه وانتي امنتي

.....

رد: اخترنا لكم شعر نبطي وفصيح
 

‏الأرض من بعض الأوادم تعاني
‏تدور وتدور الحياة وسننها

‏ودي أوقّفها ولو لثواني
‏وأنزل أشباه الرياجيل منها

.....

رد: اخترنا لكم شعر نبطي وفصيح
 

‏ تراجعنا وجزنا عن خطانا والوله ما تاب
‏توديه المشاغل والنسيم العذب ياتي به

‏يانسناس الهوى شاب الغراب وملو الكتاب
‏ تلذذ بك عباد الله وأنا القى فيك تغريبه

‏ أنا جرحٍ قديم عالجه كف الزمان وطاب
‏عقب ماغابو اللي رسموه وطالت الغيبه

.....

رد: اخترنا لكم شعر نبطي وفصيح
 

‏تمايلي صوب عاشق في هواك أمعذور
‏ باقي بصدره مشاعر ما بعد قالها

‏مفاتنك ما تلام أليا عطتك الغرور
‏ كل العذارى معك مشروب فنجالها

‏أنتي محطة عمر منتي محطة عبور
‏تأقف عليك الحياه وتبني أمالها

.....

رد: اخترنا لكم شعر نبطي وفصيح
 

‏ماعاد بي شدّه على طرد السراب
‏ومراقبة شمسٍ توارت للغروب

‏أما وجودٍ يلوي ذراع الغياب
‏ولّا غيابٍ يفضح الوصل الكذوب

.....

رد: اخترنا لكم شعر نبطي وفصيح
 

‏ يا رب أنا قلبي عزيز وحياويّ
‏شي يهين النفس لا تقسمه لي

‏حتى لو إني له شفوق وشفاوي
‏ تغسل فؤادي منه قبل اغسل ايدي

آمين

رد: اخترنا لكم شعر نبطي وفصيح
 

‏ولا زلت رغم الخوف والبعد والتشكيك
‏اراهن على زود المحبه وكبر الشوق

‏من الناس ومن الحظ الاقشر ومن ماضيك
‏سرقتك وكان السارق اطيب من المسروق

‏على كل حال البارحه مرّني طاريك
‏تطرّق لك اللي شيب القاف والطاروق

‏ونشدني وقلت ان المعاريف تثمر فيك
‏مثل من يداري بالخفا جيبه المشقوق

.....

رد: اخترنا لكم شعر نبطي وفصيح
 

‏وإنّ عناءً أنْ تُفَهّمَ جاهلًا
ويَحسبُ جهلًا أنّهُ منكَ أعلَمُ

.....

رد: اخترنا لكم شعر نبطي وفصيح
 

أقسى الجراح التي نُخْفي توجُّعها
عمّنْ نحب لكي لا يبصروا الألما

.....

رد: اخترنا لكم شعر نبطي وفصيح
 

‏طويت المدى مانيب منهي ولا مامور
‏مع مسلكٍ مندلّه اغوى من التايه

‏عوادي الامل ماجوره وسعيها مشكور
‏ماطاحت لها الدنيا عزيمه ولا رايه

‏محكّ الليالي يحذف من البشر بالدور
‏الافواه حكّايه والافعال محّايه

‏لولا هقوةٍ تشرق علي كل مطلع نور
‏ماحققت من غايات عمري ولا غايه

.....

رد: اخترنا لكم شعر نبطي وفصيح
 

‏انا يوم جرّبت الليالي وجيت ورحت
‏عذرت القلوب اللي من الوقت مشتكيه

‏ياكم مرة ٍ شرّفت باطول طويل وبحت
‏وجرّيتها ونه ودقّيتها بكيه

‏وكم واحدٍ كنت احسبه فوق واثره تحت
‏خدعني بلمعة طبعه وبهرجة حكيه

‏وهو واحدٍ لو تعتنز فوق متنه طحت
‏مثل من هوى واخطت يده صيدة التكيه

.....

رد: اخترنا لكم شعر نبطي وفصيح
 

ياليل ماني وحيد إن غابو أحبابي
‏معي قصايد شجن وأحلام ورديه
‏
‏ياليل كان الحضور يمون بغيابي
‏من يحضن السفن لا شحّت موانيه

.....

رد: اخترنا لكم شعر نبطي وفصيح
 

ضاق صدري يوم شفت اقل مني في مكاني
‏يا وجيه الخير حطوا كل واحد في مكانه

.....

رد: اخترنا لكم شعر نبطي وفصيح
 

‏يعلّمنا الأمل ناقف لأمانينا كما الثوَّار
‏وأنا لولا الأمل ما كان لي في هالمدى ثورة

‏تركت بداخلي طفلٍ أحب إحساسه المكَّار
‏مثل ما أحبّ يتمرَّد عليّ بصادق شعوره

‏يحبّ المُبهر اللي ما تعمَّد فكرة الإبهار
‏كذا من دون ما يقصد تجيه النَّاس مبهورة

.....

رد: اخترنا لكم شعر نبطي وفصيح
 

معاد ابي حاجه ولا عاد ابي شي
‏قانع من الدنيـــا ومن اللي فيها

‏لو العـزاء فالميت ينقال فالحي
‏يا كثـــر نــاس ٍ باترحـــم عليها

.....

رد: اخترنا لكم شعر نبطي وفصيح
 

مهوب ذنبي لا عصتني المقادير
‏واصبح خفوقي للمصايب وطنها
‏
‏أحدٍ فراقه عن عيوني تباشير
‏وأحدٍ فراقه يآخذ الشوف منها

.....

رد: اخترنا لكم شعر نبطي وفصيح
 

‏الحياة فراقها لا يستشـار ولا يمهّد
‏ممكن الواحد بغمضة عين بيفارق حياته

‏جعلني مثل استقامة إصبعي وأنا أتشهد
‏في دروب العالم الفاني وزحمة مغرياته

.....

رد: اخترنا لكم شعر نبطي وفصيح
 

‏أنا مـع أصحابي على مايحبّون
‏علاقتي زينه ومرفوع راسي

‏رجلٍ على مبداي والعلم مضمون
‏ثابت مثل صم الجبال الرواسي

‏ولا أتسمّع في وكالة يقولون
‏ولا لبست لباس ماهو مقاسي

‏واللي لهم غايات وأهداف يبطون
‏ماشلت هم أهل القلوب النجاسي

.....

رد: اخترنا لكم شعر نبطي وفصيح
 

‏العمر رحله واكثر العمر لحظات
‏فيها اماني امنيات ورجاوي

‏لاحد يقول ان المفارق بالاوقات
‏الوقت وقتك والمشاعر هقاوي

.....

رد: اخترنا لكم شعر نبطي وفصيح
 

‏رجلاً تحطه في يمينك كما السيف
‏ورجلاً مكانه يا فهد في يسارك

‏هذاك مثل السيف وقت المواقيف
‏وهذا تحطه للولائم جوارك

.....