|
رد: فوق هام السحب ( الشعر الشعبي) على متن القوافي
الله يزيل الضيق عن شـاكي الضيق
ويعوض الضـايق سـرور وسـعاده ويحـقـق الأحــلام للنـاس تحقيـق ويـزود الصـابـر صـمــود وجـلاده .... |
رد: فوق هام السحب ( الشعر الشعبي) على متن القوافي
صـــبرك على الدنيا ولا منّــة الناس
خـلِك سـماء ومن القدر لاتضايق من طاح فالدنيا وهو رافع الراس ما طاح قـدره من عيـــون الخلايق .... |
رد: فوق هام السحب ( الشعر الشعبي) على متن القوافي
بعض الظروف احيـان مثــل المنبّه
لاصرت غـافي عن رفيقك تصحيك تكشـف لك الكــاذب وزيـف المحبّه وتكشف لك الصادق اذا كـان يغليك .... |
رد: فوق هام السحب ( الشعر الشعبي) على متن القوافي
لاتشتكي للناس همٍ جرى فيك
ما للبشر في بعض الأحيان حاجه ان جيتهم في هم زادوا بلاويك وان جيتهم في فرح طفوا سراجه اثبت على رأيك وخله يداويك واصبرعلى همك لوكثرت أمواجه ترى الهموم الي تغير مباديك مثل السموم الي بوسط الزجاجه .... |
رد: فوق هام السحب ( الشعر الشعبي) على متن القوافي
لاتلتفـــت للنــاس وتقـــــول قالــوا
عليك فـــي نفسـك ولا تتــبع الناس وان كان هم في غفلة الوقـت مالوا خلك جبل واثبت على مبدأ وساس .... |
رد: فوق هام السحب ( الشعر الشعبي) على متن القوافي
يغنيك عن كــثر الحكي مجمل أبيات
ومن ياخذ المضمون يلقــى الأدله لاضاقـت الدنيا وع الكيف ماجــات اطلق حجاجك ثم توكل على الله .... |
رد: فوق هام السحب ( الشعر الشعبي) على متن القوافي
بعض العرب صندوق سره من حديد
مـا يكـشف الأسـرار لو تحـايلـه وبعض العرب ودك تسمّـيه الـــبريد ممتاز في ســرعة نـقل رسايـله .... |
رد: فوق هام السحب ( الشعر الشعبي) على متن القوافي
جتني تباشر بالمطر حي ذالعين
تقول الأجواء عندنا اللي تبيها خشفاً عطت وجه السماء وجهها الزين وجاها السحاب وقام يبكي عليها فهد قطنان |
رد: فوق هام السحب ( الشعر الشعبي) على متن القوافي
في عينها اليمنى بداوه اصيله
في عينها اليسرى مراسم حضاره فيها جمال البدو كله تشيله وفيها دلع بنت الحضر والشطاره .... |
رد: فوق هام السحب ( الشعر الشعبي) على متن القوافي
أحلـى هديـه في حياتي وجودك
جتني من دروب الصدف بابتسامه بالأمـس خايـف لاتعـدى حدودك واليوم اسمك فـي خفوقي فخامه .... |
رد: فوق هام السحب ( الشعر الشعبي) على متن القوافي
في غيبتك كل نبض ٍ في وريدي يعيد
عزف المشاعر ولهفتها ورغباتها ماينقص البعد من قدرك وباقي رصيد دام القريحه لعينك يصعب اسكاتها .... |
رد: فوق هام السحب ( الشعر الشعبي) على متن القوافي
حبيت فيك الصدق والطيب والذوق
كلك على بعضك ذهب في صفاتك نادر ومايشبه سجاياك مخلووق تعجز حروف الشعر توصف غلاتك .... |
رد: فوق هام السحب ( الشعر الشعبي) على متن القوافي
وكأنني دونَ الأحبةِ مُبحرٌ
في لُجَ بحرٍ مُوحشِ الأكنافِ والريحُ تَعصِفُ والظلامُ ومركبي من غير أشرعةٍ ولا مجدافِ .... |
رد: فوق هام السحب ( الشعر الشعبي) على متن القوافي
يحـــن قلبــــي للحبايـب ويشـتــاق
والشـوق يرسـم طيفهـم في منامـي لو يعـرف المحبـــوب قدره بالأعماق مايبتعـــد عــــن وصـل خلـه ثوانـي .... |
رد: فوق هام السحب ( الشعر الشعبي) على متن القوافي
زحمة مشاعر والمعاني تشابه
ماهي حروف اللي تشوفونها روح افكار صابتها جنون الكتابه ودي أبوح ولا عرفت اكتب البوح .... |
رد: فوق هام السحب ( الشعر الشعبي) على متن القوافي
اغنـي مع المجنون وامزح مع المـزاح
واجيـب الدرر من غبة البحر بالراحه تردد وانا اردد متى خاطري ينساح مقاديـر .. وصـدور المجاريح نواحـه .... |
رد: فوق هام السحب ( الشعر الشعبي) على متن القوافي
أبوي رباني وعلمني الطيبّ
وقال أسمعي يابنت علمٍ مبدا خلي مقامكّ مرتفع عن هل العيبّ ضعاف النفوس اللي رادهم تعدا أنتي حفيدة حافظين المواجيبّ شيوخ في صدور المجالسٍ تبدا .... |
رد: فوق هام السحب ( الشعر الشعبي) على متن القوافي
وبهارها اللي بالولايـات مزروع
على هماليل المطر والنقوعي عبدالله بن زويبن |
رد: فوق هام السحب ( الشعر الشعبي) على متن القوافي
عينك رواية نادرة عنوانها شيب العقول
نظراتها معنى الروايه والرموش ابطالها لاسلهمت ينتابني ما انتاب شرّاب الكحول لوّ الكحول محرّمه فال الله ولا فالها وأوصافك اللي ماتبي غير الصلاه عْلى الرسول من ساقك وخلخالها لرقبتك وسلسالها صارت عليّه مشكلة ما تقبل أنصاف الحلول أضيع معها واترك العقده وانا حلّالها احيان اقول انك فرس واحيان اقول انك ذلول واحيان اقول انك حمامه والخصال خصالها قلبي جرّي ما يخجل مْن الحبّ ولساني خجول كم كلمة ٍ ماقالها لساني وقلبي قالها .... |
رد: فوق هام السحب ( الشعر الشعبي) على متن القوافي
ضيّقت خاطري بنت الغلا والقصيد
وأسرفت فالعتاب وبالكلام إجرحت كل ماقلت قرب الصلح قالت بعيد وكل ماقلت أحبك دنقت وأستحت طفلةٍ ودها تكسر غرور العنيد حاولت والمصيبة حاولت وأنجحت ضعضعتني وقالت حبني من جديد قلت أحبك وقالت حبني وأسمحت .... |
رد: فوق هام السحب ( الشعر الشعبي) على متن القوافي
مجامل المخطي على فعله خطأ
وفـ المجتمع عـاده نفاق ورديه يامجامل المخطي ولوطال البطا لابد مـا تاصلك منه الخطيه .... |
رد: فوق هام السحب ( الشعر الشعبي) على متن القوافي
أستقبلك كن مالي قبل عرفك طراه
وأستدبر الأرض عنوه والبساط احمدي سمي دروبي بـ أساميها مضيق ونفاه وأخذي من الشعر إذعان الرضا واخلدي محتاج وجهٍ يرجعني أحب الحياة وأنتِ جميع الحلول الممكنة في يدي .... |
رد: فوق هام السحب ( الشعر الشعبي) على متن القوافي
احبها صح بس احبها باحترام
حتى من النفس صاينها ما ضريتها كتبت فيها البيوت اللي بعضها حرام وانا علي الحرام اني ما مسيّتها اطهر من الغيث لا وطاه بطن الغمام وانقى من انقى هناديبي لا غنيتها .... |
رد: فوق هام السحب ( الشعر الشعبي) على متن القوافي
توصّيني تقول الوصل خلّه في رقبتك دين
ترى الأيام ما تترك رداها وأنت عارفها ㅤ وأنا عاهدتها ما أبور فيها دامنا حييّن لها وجهي لو تبور الولايف في ولايفها ㅤ ترى حبٍ يغذّيه المواصل والجناب الزين حياةٍ ثانيه من ذاق لذّتها يوالفها .... |
رد: فوق هام السحب ( الشعر الشعبي) على متن القوافي
لو خذيتيني من عيون الأوادم راضي
ولو رميتي قلبي بـ حمل الجفيّا شاله ماعليك من الدوادي والكلام الفاضي واحدٍ صبّح على وجهك يسرّك حاله .... |
رد: فوق هام السحب ( الشعر الشعبي) على متن القوافي
أحـبه محبت من تولـع بحـب الـذود
تدابك خطاويها على صوت صاحبها وأحـبه محبت شايبن لأخر العنقـود تمكن غـلا بنـته في قلبه ويلاعبها وأحبه محبت من ذبحها غلات العود تلبي على زوله وعلى حس شايبها .... |
رد: فوق هام السحب ( الشعر الشعبي) على متن القوافي
فديتها اللي عليها لاعني لايع
قلبي لها خف ثقله واختلف طبعه تشبه ضياع الدليل ودلة الضايع في وصفها كل الاعجابات منجبعه ماشفت سبع العجايب لكن الرايع حصلت لي شي نساني من السبعه مدري وش اللي مخلي خصرها جايع واللي تحت خصرها ميت من الشبعه .... |
رد: فوق هام السحب ( الشعر الشعبي) على متن القوافي
عليك من العتب ليلٍ سمرته كنّ ماله نِدّ
مليته بالسهر كنّك معاي وما أنت قدّامي توارى فيه مرسول السلام وفي خفاه يعدّ على روس الأصابع كم بقى من ظالم أيامي .... |
رد: فوق هام السحب ( الشعر الشعبي) على متن القوافي
يا غناتي والليالي ما والله لها ولا عليها
سامريني في ذراها لين ما يسري قمرها ㅤㅤㅤ تشبهين الليله اللي تنتصر الاحباب فيها لا اكتمل وجه البدر والقاع غطاها مطرها .... |
رد: فوق هام السحب ( الشعر الشعبي) على متن القوافي
يامايس القد لا تحرمني المستحيل
نار المحبة تعبت آطى على جمرها انفاسك تداوي وبسمتك من سلسبيل راضي لو ابيع عمري في رجا خمرها لك فضل يشملني ويشمل بحور الخليل يا ملهم الروح ولا يا ولي أمرها فيك القصايد تجي من حالها والدليل الأربع بيوت هذي كاتبه عمرها |
رد: فوق هام السحب ( الشعر الشعبي) على متن القوافي
خذني على قد عقلي في طريق الغرام
إن كانك أعمى بصيره خذني أعمى بصر من كثر مانرتحل بين الدّير والأنام ماعاد ندري نصلي جمع ولا قصر إن كان حبك هزيمة فالهمام الهمام يامرحبا بالهزيمة في طريق النصر أنا أغرب إنسان في الدنيا علي الحرام عجزوا على ذبحي الناس وذبحني خصر .... |
رد: فوق هام السحب ( الشعر الشعبي) على متن القوافي
افرحي والله اني من كبار المقام
لاتلقيت لك غني طرب وافرحي عاد عندك كلام وعاد عندي كلام واستحيتي تقولينه وانا مستحي ان حكينا ندمنا وان سكتنا حرام سولفي لي بكيفك واكتبي وامسحي واجرحيني ولا يلحقك مني ملام اتشرف بجرحك بادري واجرحي .... |
رد: فوق هام السحب ( الشعر الشعبي) على متن القوافي
حفظتها في خافقي حفظ المصلّي للصلاه
وداريت سمعتها وصنت العهد لأجل عيونها صدّيت عن كل البنات ومن دعاني قلت هاه لبّيه ذاخرها لـ نبرتها وجرّ لحونها في كل صبح وكل ليل أعيد توثيق الوصاه لأجل الهوى وأهل الهوى يدرون ما انا أخونها .... |
رد: فوق هام السحب ( الشعر الشعبي) على متن القوافي
طاويٍ قلبي من اللوعات طاوي
لـ أطرقٍ كنه مـن الجنّه منزّل غير لبى العنق و عيون النداوي والحشا الملهوف والخصر المعزّل .... |
رد: فوق هام السحب ( الشعر الشعبي) على متن القوافي
مال القمر حضره ليا بان بدرك
والشمس غابت لـ اشرقت وجنتينك والليل ياخذ لون من لون شعرك والصبح ياخذ طلته من جبينك ومن شفتينك كيف تعطين خمرك والا الخمر مقطوع من شفتينك ولا ادري عيونك واسعة كبر خصرك او خصرك اللي ضيقٍ كبر عينك .... |
رد: فوق هام السحب ( الشعر الشعبي) على متن القوافي
التعلق لة مراحل واجد وفيه مرحله تعتبر من اقوى المراحل التعلق الي قال فيها عبدالله بن هندي :
ان خفتي ادور بدالك تحلمين الي تعلق فالهوى يموت فيه اشوف وجهك في وجيه العابرين مع فارق التشبيه يالوجه النزيه ابيك و الدنيا تبي و انتي تبين واليا اجتمعنا صار كل الي نبيه |
رد: فوق هام السحب ( الشعر الشعبي) على متن القوافي
لمّني مابين سلسالك و شالك
واسقني من ريقك الشهد المحلّى انحناءة خصرك ورسمة ظلالك ما تخلّي شفق بالصبر يتحلّى في لثامك ليل ماغطّى جمالك مدري وجهك نور والاّ صبح والاّ ادري ان الليل مهما كان حالك مايحجب البدر لا منه تجلّى .... |
رد: فوق هام السحب ( الشعر الشعبي) على متن القوافي
عليك السلام ورحمة الله على الباقين
وعلي الرضا لا ميّل الشوق خفاقي ياوجهٍ ماندري وش ترك للبشر من زين خذا نصف زين الناس وأعطاهم الباقي .... |
رد: فوق هام السحب ( الشعر الشعبي) على متن القوافي
كل ما فلّت شعرها سترها ستر ثوب
لين صرت اغار لا خشها مجدولها لا انثعى غطا على جيدها من كل صوب ون افهقته صار طوله مقارب طولها كل ما قالت متى ساري الغدرا يتوب قلت لا شحت سنين العمر بـ فصولها ماورى حب العفيفين شي من الذنوب وكان فيه ذنوب عنها بشيل حمولها .... |
رد: فوق هام السحب ( الشعر الشعبي) على متن القوافي
صف النوايا واذكر الله وترتاح
واللي تشوفه قابله بـ ابتسامه خلك وسيع البال طيب و مزاح ترى الزمن ما يستحق الملامه .... |
| الساعة الآن 06:11 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية