|
رد: ديوان قصائد لشعراء المملكة العربية السعودية (متجدد)☘️☘️
(أهـ ثم أهـ من فواجع الايام) * قصيدة ارسلتها لشقيقي علي قبل وفاته رحمة الله عليه *
وانا اتصفح شبكة البشائر وجدت هذه القصيده اللتي كنت قد كتبتها اثناء وجودي بالمستشفى وبعد زيارة شقيقي (علي) رحمة الله عليه وعودته (ارسلت له هذه القصيده) ,,,,,,,,,,, يال لهذه الدنيا وحوادثها اللتي اصابتني وافجعتني بوفاة شقيقي (علي) رحمة الله عليه اتذكره ويالها من مراره اينما وجدت قصائدي غاب عني ولاكنه لم يغب عن وجداني ولو للحظة واحده اتذكره لادعو له (رحم الله علي رحمة واسعه وجمعني به ووالدي في جنات النعيم) ارجو واتمنى على كل من يقرأ هذه الصفحة ان يدعو (لشقيقي علي) واموات المسلمين بالرحمة والمغفره كما استأذن ادارة شبكة البشائر في نقل هذه القصيده الى ديواني في منتدى قبائل شمران ،،،،،،،،،،،،،،،،،،،، يقول الطبيب ارتاح واهدا وحاول نـام وانا اقول كيف ينام من كان موجوعي انا والله اني ياعلي من ثلاث ايـــــــــام اجاهد عنى نفسي ونومي على كــوعي تقاصربي ايامي ونا هقوتي قــــــــــدام وعيت تجي يابومحمد على طــــــوعي مقدر وانا لانيب كاره ولا ليــــــــــــام ومن رحمت الله جعل مانيب منزوعي لاشك الهجوس اللي تجيني كما الاحلام اغيبها ساعات واقوم مفزوعــــــــــــي صروف الليالي تخلف العاقل المقــدام ولو مر منها يوم ماهوب مرجوعــــي انا من عناها راح قلبي ثلاث اقســـــام تقطع شرايينه كما الحبل مقطوعــــــي لكن الوفاء ماينقطع والله العـــــــــــلام باني شفوق لشوفك وشوفت اربوعـي ليا شفتكم فزيت لو خافقي منضـــــــام وفاللرجال وداخل القلب مطبوعـــــــي فيالله يامن تحفظ الطير لمن حـــــــــام يامن في رضاك يسابق سجودي ادموعي اسألك بشهر فيه كل العباد صيــــــــام ليا مر نصف الليل سجاد وركوعـــــي واسألك بجاه الهاشمي سيد الانــــــــام تخفف عليه واهجا داخل اضلوعـــــي خواطر على قلبي تسابقبها الاقـــــلام وياعل قافي عن اهل العيب مرفوعي وتقبل تحياتي واقول السلام ختــــــام يطول الكلام ولا انتهى شرح موضوعي ،،،،، (رحمك الله ياعلي رحمة واسعة واسكنك فسيج جناته) |
رد: ديوان قصائد لشعراء المملكة العربية السعودية (متجدد)☘️☘️
من قديم بو نايف
-اهديكم هذه الابيات من قديم شاعرنا المحبوب (( ابو نايف ))قبل اكثر من 20 عام خذيني في حنانك وامسحي دمعت ألم تحرق جبيني وبيديك الرقيقة ساعديني وامسكي معصم يديه خذيني مثــل طفــل فــي يدينك قبلينــي واحضنيـني وبالشعر الحريري امسحي دمعه تساقط من عينيه خذيني من عيون الناس في داخل عيـونك خبئيني وغطـيني برمش عيـونك الحــلـوه أبـي تظفـي عليــه خذيني عقد لؤلؤ أو ذهب في العنـق دايــم علقيني ابي اعـرف واجـرب وآتعـلم مـن صدى شـوقك اليه انا ماني اناني لو طلبت انك بمثل اللي رجيته تغمريني لأنـي قبـل ما تعطينــه اعـطيتـك حيـــاتي لك هــــديه انا مابي علـى الــدرب الطـويل اجاملك وتجامليني تصير اخطاءنا متبادلة والخوف من تصحيحها يصبح أذيه ترى آخر أمل عندي هـو انتي لا يكــون تحطميني اذا ما الياس خــيم والأمــل حول مسٍاره عن خطيه كرامة نفسي اقوى من سخافات الزمن مهما يجيني ثقة نفسي بنفسي ماتشكل خوف وتزرع على قلبي قضيه وتقبلوا فائق أحترامي،،،،،،، الغثراء ( الجبيل ) |
رد: ديوان قصائد لشعراء المملكة العربية السعودية (متجدد)☘️☘️
ابيـــــــــــــــــــات مهداااااه (للاخ الكريم ابوبريك)
كثير هي تلك الرسائل اللتي نتلقاها عبر الجوال من اخوه واصدقاء اعزاء يستوقفني الكثير منها احيانا للرد عليها وخصوصا حينما تكون تحمل في كلماتها الوفا وصدق المشاعر اخترت لكم من بين هذه الرسائل رساله وصلتني من اخ عزيز على قلبي الاخ (( حسن بن عبدالعزيز بن بريك)) واعتبرت ان معنى ابيات القصيده يعنيني وفاءا لمرسلها ** الرساله ** يشتاق لك قلب العنا وين ماراح يلي غلاك ( أقرب ) من الروح للروح .. لا تحسب انك بالغلا طيف سواح يحوم حول القلب لحظاااات ويروح .. لا والذي خلاك للقلب جراح انك معي ياصاحبي وين ماروح .. ــــــــــــــــــــــــــــــــــــــــــــــــــ ــــــــ ** الرد ** الصدق لقلوب الرجاجيل مفتاح وللي قصر عرفه فلاهوب مسموح .. وطيب المشاعر واضحه عطرها فاح مثل العبير ليا نثرته وله فوح .. يابن بريك اهديتني كل الافراح رسالتك فيها الوفا يسبق البوح .. اهلا هلابك عد مابارق لاح يابن الشيوخ اللي لهم مجد وصروح .. اقولها صادق وللمدح مداح كل اجودي مثلك ليا ذكر ممدوح .. يطيح عن راسي عقاله ولاطاح قدر الرجال امثالكم صدق بوضوح .. ************************** مشاركه اردت ان اجدد بها مشاعر الوفاء والتواصل عبر هذا المنتدى وبوح القوافي لكل الاخوه والاصدقاء جميعا اتمنى ان اكون وفقت في الاختيار مع كل شكري وتقديري لكل من سأل عني اخوكم: الوافي |
رد: ديوان قصائد لشعراء المملكة العربية السعودية (متجدد)☘️☘️
وشلون اغير طباعي وانقلب ضدهـــــــا (ابيات مهداه الى مديرنا العام)
بسم الله الرحمن الرحيم استأذنك اخي العزيز (ابراهيم الشمراني) ان ارسل من خلال صفحتك بوح القوافي رسالة عتاب الى اخ عزيز على نفسي وهو مديرنا العام(عايض الشمراني) رأيته يتواصل مع الاخرين والظاهر انه ناسينا (عباره عن ابيات تحمل في طياتها معنى الاخوه والمحبه والتقدير بين الاصدقاء) ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ الى الاخ العزيز (ابومحمد) من قديمي الجديد (قصيدة محبه لها ذكرى اهديها لك بمناسبة هذا الشهر الكريم) ************************************************** ******** ياعايض الوضع شين وخوتك ماتشين ... تعال عطني علومك واستلم ردهـــــا انا سبوعين من بعض المواجع حزين ... بعض المواقف تهز النفس وتهدهـــا انشهد انه قسى وقتي وعيا يليــــــن ... ولا عاد دون الحلوق الا طرف يدهــــا من اول انهج ولا خاطي طريق اليمين ... واليوم رجلي عجزت احتال وامدهــــا لاني مهاوي وخليت الهوى من سنين ... ولاني مجافي واقول ان السبب صدها هي ضيقة في حنايا الصدر عيت تبين ... تشدني للعنا واحاول اشدهـــــــــــــا لون هم السنين يفيد فيها الونيـــــــن ... لابيح نفسي من الضيقه ومن سدهـــــا المشكله قلبي اللي متعبه حاجتيــــن ... الاوله طيبة زادت على حدهــــــــــــــــا والثانيه للوفى عندي مكان متيـــــن ... لا شفت بعض النفوس احترت في ودها كيف اتعايش مع وقت به الشين زين ... وشلون اغير طباعي وانقلب ضدهـــــــا فيارب مادام راح اللي حوته اليديـــن ... رضاك خير من الدنيا ومن كدهــــــــــا تستر عيوبي وجملني مع الطيبيـــــن ... ولا مواجيع قلبي محد يسدهـــــــــــــا تقبل تحياتي اخي ابومحمد وجميع الاخوه في المنتدى والعذر اذا هناك اخطاء املائيه (انا احاول ان اكتب الابيات حسب نطقها) اخوكم: الوافي |
رد: ديوان قصائد لشعراء المملكة العربية السعودية (متجدد)☘️☘️
ابن حمدان بوماجد رفيقي ويا نعم الرفيق (قصيده مسيره)
بسم الله الرحمن الرحيم محبه مني في المشاركه مع الاخوه الكرام في بوح القوافي وعبر هذا المنتدى الغالي علينا قلت هذه الابيات بمناسبه عزيزه عليه عند اخ عزيز على قلبي وهو شاعرنا الكبير (زهير بن مداوس بن حمدان الشمراني) رغم اني لا اجيد شعرالعرضه كثيرا الا اني في مجلس ابوماجد لا املك الا ان اجود بما استطيع وكنت اتمنى ان اسمعكم الابيات بالصوت ****************************************** (البدع) يالله ياخالق الانفس وياعالم مافي الصـــدور دلني للكلام اللي يجمل مواقيفي وحالــــــــي لا تعدى لساني عن حدود الرجال وشانهــــــا وياسلامي عدد مالاح برق ومادنا رعـــــــــود سايله سال من نجران لبها وغطى سد بيشــــه وامتلت منه الارض وسال من كل وادي سايلــه والدير ربعت من ريع ماها وجات ورودهـــــا .. والتساليم مثل الورد تهدى على روس الرجـال واتنصى زعيم القوم واللي دعانا لا محلـــــــــه ابن حمدان بوماجد رفيقي ويا نعم الرفيـــــــق نعم نعمين يللي وارث مجد جدانه وابـــــــــــوه .. جينا في قدر بوماجد محبه وهذا واجبــــــــي والله يجعل ليالينا فرح كلها وعلا محبـــــــــه فإنما يسعد اصحابي وربعي يفرح خاطـــري ****************************************** (الرد) حي من لا دعيته جملك فالورود وفالصـــــــــــدور الخوي هو خوي الجمب يشرب معي مر وحالــــي والتباغض الى جاء في نفوس الخلايق شانهـــــا ونا لاطفيت نار القلب جاء من يهب في النار عــود لين ماعاد في قلبي سوى جمره وعلى ربيشـــــه ليت راعي الردى يبعد بشره ولا احد سايلـــــــــــه فأن طيب العلوم إليا تبادت وجات ورودهــــــــــا .. شارب من زلال العرف ونقى الحلا والمرجــــــــال حتى لو كانت ارض المعرفه من ضماها مضمحله يمكن اغيب عن بعض المواقف بعذر ومر افيــــــق والنشاما تجنب عن طريق الخطأ مثلي وبـــــــــوه .. ودي اخذ من الطيب علومه ويسمع واجبـــــــــــــي وانشده عن معالم سوقنا الاوله واعلام حبـــــــــــه هو بعد فيه بيع ومشترى يلتقيه الخاطـــــــــــــري _________________ مع تحياتي وتقديري لاخي العزيز الغالي ابوماجد تذكرته في هذا الشهر الكريم وتذكرت وفاءه فخطرت على بالي القصيده وهو يستحقها لكم انتم ايضا اخواني واخواتي الاعزاء في هذا المنتدى كل محبه وتقدير والله يحفظكم اخوكم: الوافي |
رد: ديوان قصائد لشعراء المملكة العربية السعودية (متجدد)☘️☘️
قصائد قيلت في مناسبة الابن / خبتي بن علي بن عوضة الشمراني
بسم الله الرحمن الرحيم لقد تشرفت بحظور الاحتفال اللذي اقامه الشيخ / علي بن عوضة الشمراني بمناسبة زواج ابنه ( خبتي ) ونسأل الله سبحانه وتعالى ان يبارك له في هذا الزواج وكان لي شرف القاء بعض القصائد الى جانب اخواني الشعراء في هذه المناسبه ،،،،،،،،،،،،،،،، القصيدة الاولى (نبطيه) لو ان هقواتي يطاوعها زماني ماتعبــــــــــــــــت ... ولا شكت رجلي من الخطوة ليا مديتهـــــــــا يعذرني العاقل على بعض المواقف كان غــــــبت ... كم وقفة (ن) تفرحبها نفسي ولو ماجيتـــها الله عطاني خوة الاجواد يوم اني طلبــــــــــــــــــت ... ولا خير فيه كان محفظها ولا وفيتهــــــــــــا مادمت ضيف(ن) لابن عوضه والله اني ماحسبت ... لمقابل الدنيا تجي وتروح ماهميتهــــــــــــــا شاعر وامثل لابتي وامدح كريم ولا كذبــــــــــــت ... والكلمة اللي في فؤادي للخوي بديتهــــــــــا (ياحاتم الطائي) تعال وشف ولامنك قربـــــــــــت ... سلم مفاتيح الضيافه عند مرسي بيتهـــــــــــا عطه لابن عوضه علي وافهم ليامني كتبــــــــت ... في صفحة التاريخ كلمة حق واسمع صيتهـــا شمران (حاتمها علي) كان انت في شمر نسبت ... ياحي من هذي صفاته كل ماعديتهــــــــــــــــــا يابومحمد طاب راسي من مواقيفك وطبـــــــــــت ... ولا القصائد تنحنيلك مدح لا سويتهــــــــــــــــا ــــــــــــــــــــــــــــــــــــــــــــــــــ ــــــــــ القصيدة الثانيه (مسيره) ياسلام الله عليكم ياهل وقفات وهل شيمـــــــــــــات يالباس الجمب ربعي واللذي جاء في رضى داعينا عند بن عوضه علي (رمز الكرم في داعية شمران) يوم جينا للرجال اللي تقدر من يجيلهــــــــــــــــــــــا قلت ياهاجوس شعري وش معك تلقابه الاجــــوادي قال طيب المعرفه والصدق لاما قالو الشعـــــــــــار ياطويق ان كنت رمز للشجاعه والكرم في حــــايل عندنا ستة جبال راسيه تشبه جبال اطــــــــــــــويق ال عوضه جعلهم في خير مادامت حيــــــــــــــاتهم واسمحولي يال عوضه في فؤادي شـــي لابوعلي دعوة من كل صادق ينتمي لاداعية شمـــــــــراني يحفظه ربي لكم ولنا ولا نعدم مواقفــــــــــــــــــــه باذل حاله وماله في رضى ربعه وشانــــــــــــــــه والله يجعلنا معه وافيين ولا نخلف الهقـــــــــــــوات فأن راس المال صدق الرجل وافعاله وشيمة راسه والحياه اشرب حلاوتها ونشرب من مــــــــرورها والحياه اشرب حلاوتها ونشرب من مــــــــرورها ،،،،،،،، جزء من الرد يالله اني طالبك يامن خلقت الطير وله اقــــــــــوات في ذرى شمران ربعي جمل احوالي بشي متراسي فالوجيه الطيبه يسعد قبايلها مرورهـــــــــــــــــــــا ـــــــــــــــــــــــــــــــ والسلام عليكم ورحمة الله وبركاته |
رد: ديوان قصائد لشعراء المملكة العربية السعودية (متجدد)☘️☘️
قصيده قلتها في مناسبة زواج الاخ / محمد بن بركي الشمراني
قصيده قلتها في مناسبة زواج الاخ / محمد بن بركي الشمراني وكنت يومها غائبا لظروف صحية وارسلتها بواسطة احد الاخوان وحبيت ان اوثقها هنا في الديوان وبالمناسبة ادعو بالرحمة والمغفرة لوالد الجميع الشيخ/ علي بن بركي رحمة الله عليه فقد كان حاضرا في ذلك الوقت . ،،،،،،،،،،،،،،،،،،،،،،،،،، يالله يارب ان تكافينا صروف الوقت والايــــــــــــام وانك تجعلنا مفاتيح لباب الخير في مبـــــــــــــــدانا لانقول الا كلام طيب يسعد قلوب النـــــــــــــــــــاس بعد هذا ياسلام الله لكم يا نسابنا زهــــــــــــــــــران يارجال المدح والتاريخ يشهد حاضره والماضـــــي مثل بوماجد تشرفنا وتسعدنا عنوتـــــــــــــــــــــــــه ونا ارحب بالضيوف من القبائل واسمنا شمـــــران بالنيابه عن هل الدعوى ال بركي شانهم يعنـــــاني قدمهم شيخ على العليا رفع شانه ومنصبـــــــــــــه بومحمد سيف ربعه في نهار الأخذ والعطــــــــــــــا ان بغيت الشور حاضر وان دعيته للمواقف حاضر والله انه مايشيل الهم من ياقف بجانبــــــــــــــــــــه ونعم يادعوى ال بركي مالكبير الى صغيرهــــــــــم ونعم يادعوى ال بركي مالكبير الى صغيرهــــــــــم ،،،،،،،،،،،،،،،،،،،، رحم الله الشيخ علي بن بركي رحمة واسعه وبارك الله في اولاده من بعده |
رد: ديوان قصائد لشعراء المملكة العربية السعودية (متجدد)☘️☘️
مصعب على الرجال من دمعت العين ... الاّ فراق مابعده التواجه
الاخوة الاعزاء في بوح القوافي اسعد الله اوقات الجميع بكل خير ــــــــــــــــــــــــــــــــــــــــــــــ البارحه وانا لوحدي اخذني حديث النفس مستذكرا الاجازه وماتعنيه للكثير بما فيها من افراح وإلتقاء الاحبه والاهل والاصدقاء , وليت خيالي اقتصر على هذه الحدود لكنه جرني الى عالم اخر هو رفيق دربي رغم محاولتي ان اتناساه الا وهو( الحزن ) شتان بين عام انصرم وعام مقبل بين هذا وذاك جنح بي حديث النفس الى هذه الامنيات من خلال ابيات قليله اعلم ان الاماني فيها مستحيله لكني دعوت الله ان تتحقق ولو بالحلم ولا اعلم هل اسميها بوح ام ماذا وهل تصلح ان تكون في هذه الصفحه وهل يحق لي ان اقتحم ذائقة القارئ اتمنــــــــــــــى ان تقبلوها مني على علتها فلم استطع حبسها في صدري ************************************************** *********** مصعب على الرجال من دمعت العين ... الاّ فراق مابعده التواجه واصعب من الثنتين فقدي عزيزين ... اللي حياتي من بعدهم سماجه فياعمري اللي قبل خمسه وعشرين ... عود عليه ليبك اليوم حاجه ابيك تعطيني ولــــــو بس يوميـــن ... يمكن يجي للقلب فيها انفراجه اضحك ولو ساعه ونا خالي البين ... واطرد هموم القلب وشعل سراجه واشوف بعيوني واقبــل يـــــد اثنين ... امي واخوي اللي طليق حجاجه يطيب جرح ساكـــــن بين ضلعيــــن ... من وقتي اللي مقتفيني عجاجه انشهـــــد انه صيب قلبــــي بكسرين ... مثيل ماتكسر بيدك الزجاجه يارب ثبتني مع الصبـــــــــــر بالدين ... بيدك شقى قلبي وبيدك علاجه ـــــــــــــــــــــــــــــــــ مشاركه متواضعة حبيت من خلالها ان اعيد التواصل مع الجميع لكم شكري وتقديري والله يحفظكم اخوكم: ابونايف الشمراني |
رد: ديوان قصائد لشعراء المملكة العربية السعودية (متجدد)☘️☘️
قصايد بالفديو للشاعر بونايف في مناسبه ماجد بن زهير الشمراني لم يتم ادراجها في المناسبه |
رد: ديوان قصائد لشعراء المملكة العربية السعودية (متجدد)☘️☘️
قصيده مهداه لاخي الكريم والصديق الوفي > مسفر بن علي بن حزمي الشمراني < (رد على قصيده ارسلت لي في شهر رمضان الكريم)
بسم الله الرحمن الرحيم يعتز الانسان كثيرا بأصدقائه ويبقى الوفاء عنوان الرجال النبلاء أخي الكريم ،، العقيد / مسفر بن علي بن حزمي الشمراني احد الاصدقاء الاوفياء وقبل هذا هو رفيقي وابن قبيلتي اعتز وافتخر به وبأمثاله وصلتني منه ابيات جميله تمثل بها تتحدث عن الصداقه والوفاء ومحبتي لهذا الرجل دفعتني الى مجارات القصيده والرد فشكرا من هذا المنبر الاعلامي لقبيلة شمران لهذا الأخ والصديق الوفي رغم بعد المسافات بيننا الا انه يختصرها بوفائه .................................. هلا هلا بلي له القلب منـــــــــــزال ,, الاّ وقدره فوق راسي سياقــه ابوعلي زبن الخوي لحتمى الجـــال ,, مافيه عن وجه الرفيق ادراقه يارد على عد قراح وهيـــــــــــــــال ,, ويسقيك من طيبا تحس بمذاقه رفيق ومعزز وله قدر وجـــــــــــلال ,, ومنومس فعله بساس العراقه ارسلي بيوت اشغلت هاجس البـال ,, ونا هجوسي حاربتها الرواقــه ومرتني الابيات واقول وســــــــــال ,, عسى رفيقي مالحقه اللحاقه ونا فؤادي للمطاليق مدهـــــــــــال ,, إلا وتاخذني عليهم شفاقــــــــه دون الرفيق اقدم المال والحـــــال ,, وابني مع الطيب وثيق العلاقــه ويلزمني المعروف مع طيب الفال ,, مثله وشرواه ألتزم في وثاقـــه يابوعلي لولي على الوقت مدخال ,, فكيت من ضيق الزمان انغلاقه مانيب من لا ميل الوقت به مـــال ,, ولا تغيره العلوم الدقاقـــــــــــه الصاحب اللي مايبهــــــرلك ادلال ,, يكفيك في بعض المواقف فراقه لاصار ماهو للمهمات شيــــــــال ,, ويضيقبه ثوبه من اعلى البناقه خله ولاتنشد عنه وقت الافعــــال ,, يوم المنافق مايخلي نفاقــــــــه ,,,,,,,,,,,,,,,,,,,,,,,, طبعا قصيدة الأخ ابوعلي على نفس الوزن والقافيه ولكنني لم استأذن ابوعلي في نشرها تحياتي الصادقه لهذا الاخ الصديق الوفي كذلك لجميع اخواني واخواتي في هذا المنتدى |
| الساعة الآن 12:51 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية