|
رد: فوق هام السحب ( الشعر الشعبي) على متن القوافي
تعال أبنشدك يادكتور عن مرفت
الحق وجهه جري وأنته تقول الحق مدري دخلنا الكبر وعقولنا خفت ولا حدانا الزمان وحظنا الامحق البنت هذي ردايفها ليا قفت اللي تقول انتظر واللي تقول الحق ان كان ماعمرها دارت ولا لفت تستاهل الفلة الدورين والملحق سعد بن جدلان |
رد: فوق هام السحب ( الشعر الشعبي) على متن القوافي
اهديت باقة ورد من ضمن الابواق
لاقول لحد خذها ولا قول ذقها و دي بالأنفس كلها اصحاب واصداق ولا اخشى عقايبها ولا ارجي نفقها خلقت الاراضي و السموات بطباق و شع الاوادم طبقة من طبقها فا لآدمي لولا المكارم والاخلاق كا لحنظله من ساسها لا ورقها سعد بن جدلان |
رد: فوق هام السحب ( الشعر الشعبي) على متن القوافي
يامرحبا يادهر قلبي ورجعانه
ابكي لقربك وبعدك مني يسنيبي يابو عيون بخمر الحب سكرانه ياجرح قلبي عليك ويافري جيبي دامت حياتي وموتي عندك ارهانه الموت اريح لي من قهري وتعذيبي والا اركزي فوق حيد القبر ريحانه واقضي علي ياجميله مافعلتي بي والا اوقفي وقفة الوافي لديانه واعاملك لين نمشط روسنا شيبي والله مايشفي غليل القلب واحزانه الا سجود السهو بين التلابيبي ! والا ليا راح ابوي يخلص اثمانه والا يصك الشبيري في عراقيبي سعد بن جدلان |
رد: فوق هام السحب ( الشعر الشعبي) على متن القوافي
نوعين من كثر اختلاطي مع الناس
من اصعب الانواع .. طبع وغريزة حاول تجنـب تجرح انسان حساس واحذر اهانة شخص نفسه عزيزة |
رد: فوق هام السحب ( الشعر الشعبي) على متن القوافي
كل طيّب خوته تأمين شامل
لـ الظروف اللي توقف في طريقك تصدم الأيام ماتمسك فرامل لا ذكرت أنه على الشّده رفيقك |
رد: فوق هام السحب ( الشعر الشعبي) على متن القوافي
ما الله خلقنا نرضي فلان وفلان
إليا رضى ربي علينا اكتفينا نداري الخطر على حسب الامكان اما مشت بالطيب ولا مشينا |
رد: فوق هام السحب ( الشعر الشعبي) على متن القوافي
ما يضاهي عزّة النفس بالدنيا غناة
عن دروب الذل يا خطوة العز أنتحي الردي لو يشري المدح ما يخفى رداه ندري أن ما كل من خاف ربّه ملتحي مشكلتنا كل مخطي نبرّر له خطاه نستحي في وقت فيه العرب ما تستحي |
رد: فوق هام السحب ( الشعر الشعبي) على متن القوافي
يا بعيد الدار و أقرب من ضلوعي
أسقني حبك ومن صافي حنانك لو تجي دنياي في كيفي وطوعي كان ما يبعد مكاني عن مكانك |
رد: فوق هام السحب ( الشعر الشعبي) على متن القوافي
التغابي فن و إن دل دل أنك ذهيِن
عش غبي والناس تلعب على مكشوفها النفوُس جنود من جند رب العَالمين نفسٍ نوقف عليِها ونفس نطوفها المصَافح بالأحاسيس ماهو باليديِن البشر تستَخدم إحساسها بكفوُفها أرض نفسك أولى من الناس أجمعين إن تبعت الناس بتموت وأنت تحوفها |
رد: فوق هام السحب ( الشعر الشعبي) على متن القوافي
" العقل ، والتجربه نعمه " وسترة نجاه
والقل قل الثقه ، والضعف ضعف العزوم أقرب من اللي ما يدرون العرب وش وراه الآ لجات العلوم ، اللي عليها العلوم أبعد عن الي يحاول ، يلفت الأنتباه مثل ما تبعد عن اللي ما يسد اللزوم… |
رد: فوق هام السحب ( الشعر الشعبي) على متن القوافي
الناس نعمه ونقمه والثقه ماتدوم
مهما تكابرتها والا تصاغرتها بعض الاوادم ليا شفته نسيت الهموم وبعض الاوادم ليا شفته تذكرتها |
رد: فوق هام السحب ( الشعر الشعبي) على متن القوافي
الكلام أذواق والذوق يبغى له نبيه
يدري إن ما كل كلمة مودة لايقه مثل بيتٍ فيه قوة وبيتٍ لك عليه مايفرّق في بعضها عديم الذايقه |
رد: فوق هام السحب ( الشعر الشعبي) على متن القوافي
ألمَس حنانك في يدينك و استريـح
من وين ما يوجعني يدينك تمسَحه هان التّعب لأني إذا فكرت اطيـح اتـذكّر إنّك فـي حياتي و انزحَـه .. |
رد: فوق هام السحب ( الشعر الشعبي) على متن القوافي
ملامح ٍ هامت عيوني فيها
والله ما تِمسي وهي زعلانه من حقّها تزعل علي وأرضيها حتى لو إنها كانت الغلطانه |
رد: فوق هام السحب ( الشعر الشعبي) على متن القوافي
تفاصيلك لها سمعي شغوف وخاطري حواف
أجمعها بحرصٍ من بخيل وفطنة اعرابي عسى من لامني ينلام لا اعطيت الخلايق طاف من اللي عقب وجهك يستحق النيل بأعجابي ولو ما صابني منك سوى التخمين ما تنعاف خذيت القلب مني وش علي ان راحت اعصابي |
رد: فوق هام السحب ( الشعر الشعبي) على متن القوافي
والله انك ياعديل الـروح غاليي
واثمن من السر بأعماق الضمـاير فـرحه عيّــوني ليا شفتــك قبالـي فرحه الكسبان مـن بعد الخـساير |
رد: فوق هام السحب ( الشعر الشعبي) على متن القوافي
لمـلـم الليـل ثـوبـه واخـتـفـى والشـفـق بان والصبـح انبلج والضنك حاطني وجـه وقفا والـهـمـوم اقبلت من كل فج والـهـدب ياعيونـي مـاغـفـى لكـن الـصـبـر مفتـاح الفــرج كــل غـمّــة وتالـيـهـا صـفــاء من تصـبّـر على اوجاعه درج والنـزق والقطيعة والـجـفـاء تجعل المورد الصافي خمج يا مواطن على الدنيا الـعـفـا مال لصمّـامك اليـوم افتلـج مـدّ رجلك علـى قـدر الدفـاء واطلع السطح من باب الدرج واقـتـدي بالنبي الـمـصـطـفى في جميع القضايا و الحجج واحمي الدين في راس الشفا خير لك من مية عمرة وحج واجتنب شور مقلوب الحفاء واتركـه لو هـرج كـمّـا هــرج والذي ظاهــره غيـر الخـفـاء مايهــم الـمــلامـة والـحـرج ان فرقـتـه يذمّك في القـفـاء وان لـقـيـتـه تبـسّـم وابتـهـج وان ضفا في المواقف ماعفى وان حضر مايقادي لك عوج لكـن الكـفـو لا طـرّف كـفـى وان توسل به الحانب خرج عنده الصدق معيار الوفـاء والنصيحـة علامات الحنـج مايدور من اوجاعك شفاء لو تحمـل مدامـيـك الفلج |
رد: فوق هام السحب ( الشعر الشعبي) على متن القوافي
إن قلت وش لونك؟ فلانيب بالحيل
همي كبير وداخل القلب علّه عيّا يرد الصّبح مسترسل الليل وعيّا يقوم الحظ من طيحةٍ له رجلي وغيري راكبٍ صهوة الخيل أشقى وغيري ياخذ الكار كلّه يا بندر امزج فايح البنّ والهيل وبهّر بها يا بوك للكيف دلّه أبا اطرد هموم تلاطم كما السّيل كل ما بغى يدله فوادي تتلّه عجزت متوني وارتدم فوقي الشّيل والرّجل جاها من حصا الدرب خلّه تمشي جروح الوقت في خافقي غيل وتلمع سيوف الضّيم في الوجه سلّه إن قمت طقّ الغار راسي من الميل وإن جيت أبا اقعد فوق جمرٍ وملّه الأمير خالد الفيصل |
رد: فوق هام السحب ( الشعر الشعبي) على متن القوافي
يا ثقلي ويامقوا عزومي وياصبري
أجامل على جرحي وأنا أشوف دكتوره تزود عذابي وكل شين على خبري لا شين تغير لا طبيعه ولا صوره جبرني غرامك بالطيف الحشاء جبري على الموقف اللي فيه الانظار محصوره لا رحت منكم كني أحدا على قبري ولا جيتكم ودي بالأحوال مستوره متى يعلن أجهاد المحبه سبا هبري وترفع مساجين الهوى بيرق الثوره سعد بن جدلان |
رد: فوق هام السحب ( الشعر الشعبي) على متن القوافي
منهج كرامتنا على العز ما مات
نموت لـ أجل نصونها ما ارتخينا من طيبنا نرقى? بروس الطويلات ولا ننشد اللي قال وش قال فينا |
رد: فوق هام السحب ( الشعر الشعبي) على متن القوافي
ليت رَدّ الجمايلْ مثلْ ردّ السلام
لكنْ الله جعلها مثل دين وقضى كنّها في يدين اللاش برد وسلام وكنّهافي يدين الحُرّ جمرة غضى |
رد: فوق هام السحب ( الشعر الشعبي) على متن القوافي
من تأسف واعتذر عن خطا والا جهَل
مايردّه غير بعْض النفوس الجاهله العوارف لـ اولين ضْربوا فيها مثل (لحيةٍ ماتقبل العذر ما تستاهله) |
رد: فوق هام السحب ( الشعر الشعبي) على متن القوافي
اربع ليا جات فالرجال ياطيبه
الطيب والجود والاخلاق والذمه واربع ليا جات فالرجال والخيبه البخل والكذب والخذلان والنّمه |
رد: فوق هام السحب ( الشعر الشعبي) على متن القوافي
يالله عسى ماتكتبه من مقادير
خيرٍلنا ماهوب شرّ ( ن ) علينا ويالله عسى كل الليالي لناخير وفيهاالحظوظ الطيبة تحترينا |
رد: فوق هام السحب ( الشعر الشعبي) على متن القوافي
اربع؛ تخلي الرجل من دون قيمه
ويصير من بين الرياجيل ممقوت الكذب،والغيبه ، ونقل النميمه وكثر الكلام ..اللي بلا فعل وثبوت واربع؛ سبب فرقى النديم ونديمه المال والنسوان والحسد والموت |
رد: فوق هام السحب ( الشعر الشعبي) على متن القوافي
احذر ثلاثه بالخصــــامه عذاريب
الورع والحرمه وخبـل الجمــاعه الورع ناقص والمـــره ضربها عيب وخبل الجماعه عيب فيه الشجاعه . |
رد: فوق هام السحب ( الشعر الشعبي) على متن القوافي
يارب ياغافر ذنوب.. المصلين
إغفر جهلنا وأغفر ذنوبنا العمد والغافل اللي مادخل قلبه الدين وقت المنيّه يجلي عيونه الرّمد وحنّا على كل المقادير راضين بالخير والمكروه قلنا لك الحمد |
رد: فوق هام السحب ( الشعر الشعبي) على متن القوافي
اصحابنا بالرخا مثل ازدحام النجوم
نشوفهم واجد في كل صبح ومسا واليا نخينا حديهم عند وقت اللزوم قام يتناقص عددهم من مدار السما |
رد: فوق هام السحب ( الشعر الشعبي) على متن القوافي
سامح وغض الطرف لو كان ما كان
عمر البحر ما ضاق من لطمة الموج لو تلتفت في كل زلّة من أنسان كان البشر من حولك ارقابهم عوج |
رد: فوق هام السحب ( الشعر الشعبي) على متن القوافي
نجـود من مايجـود ربـي علينـا
ونعين ونعاون ونحتـاج للعـون إن سـاعفت مانـبذل إﻵ الثمينـا وان عاضبتنا..حـالنا ماتشوفون على سـلوم جـدودنـا اï»·وّلـينـا والناس فيها خير وابليس ملعون الله يديم أمن الوطن ويحمينا لاقاموا اهل الشر للشر يسعون |
رد: فوق هام السحب ( الشعر الشعبي) على متن القوافي
مساء الامل بـ الله والخير والتوفيق
مساء الظنـون الطيبه بـ الـقـدر كله ترا الابتسامه والبشاشه تفك الضيق تبسم وقل هـ الابتسامه لـ وجـه الله |
رد: فوق هام السحب ( الشعر الشعبي) على متن القوافي
1- قال بعضُ الشُّعَراءِ :
إذا المرءُ لم يمدحْه حُسنُ فِعالِه فمادِحُه يَهذي وإن كان مُفْصِحَا 2- وقال آخَرُ : إذا المرءُ لم يمدَحْه حُسنُ فِعالِه فليس له -واللهِ- ما عاش مادِحُ 3- وقال غيرُه : وما شَرَفٌ أن يَمدَحَ المرءُ نَفسَه ولكِنَّ أعمالًا تَذُمُّ وتَمدَحُ 4- وفي النَّهيِ عن الإفراط في المدحِ أنشَدَ الخطَّابيُّ : ولا تَغُلْ في شيءٍ من الأمرِ واقتَصِدْ كِلا طرَفَيْ قَصدِ الأمورِ ذَميمُ 5-وقال آخَرُ : عليك بأوساطِ الأمورِ فإنَّها نجاةٌ ولا تركَبْ ذَلولًا ولا صَعْبَا |
رد: فوق هام السحب ( الشعر الشعبي) على متن القوافي
زلة رفيقك صد عنها وجنب
لابد من يومن ليا حتجت ينفعك ادمح له الزله على شأن قربه حتى ولو هرجه مع الناس يوجعك ترى التسامح من صفات ظ*الرجالي تلجم عدوك قبل يضحك ويطمعك لا ترخي اسموعك لهرج المساكين احرص على اللي عند الاجواد يرفعك |
رد: فوق هام السحب ( الشعر الشعبي) على متن القوافي
يا غناة القلب يا مدهل الصدر الوسيع
يوم صدر الشاعر الذرب محدً يدهله جيّتك تكفيه عن جية العالم جميييع قافل مخرج مكانك و قافل مدخله انت شوفك خير و امطار و سيول و ربيع و شوف غيرك مثل شوف الديار الممحله |
رد: فوق هام السحب ( الشعر الشعبي) على متن القوافي
ايست الأخبار من صوبكـم ياهـل الجنـوب
داركم عقب البطاء سعد ابـو مـن زارهـا سيّفوا بشراعنا صـوب نسنـاس الهبـوب ضايـقٍ صـدري وعينـي تهـل اعبارهـا |
رد: فوق هام السحب ( الشعر الشعبي) على متن القوافي
ادري كبرت وصارت احلامي كبار
وبديت احس ان الليالي عجوله واللي اكتشفته بعد ماهالعمر دار إن اجمـل سنين الحيـاه الطفوله |
رد: فوق هام السحب ( الشعر الشعبي) على متن القوافي
ياقلب.. خل السر بينك وبيني
لاعاد تحكي قصتي للمخاليق ولا تعاتب صاحبي قد نسيني كم ناس خانو..ف القيم والمواثيق خل الألم.. والقهر.. والهم.. فيني قد صرت متعود على الهم والضيق حقيقة الواقع.. شرحها أنيني والحال ماتحتاج محضر وتحقيق تشهد على كثر المواجع.. سنيني ياكم شربت المر فيها.. على الريق مابا اقدر أمسح ما كتب في جبيني ولا معي خطه بديله.. وتنسيق واقدار ربي.. فوق راسي وعيني راضي بحظي.. والمعيشه توافيق |
رد: فوق هام السحب ( الشعر الشعبي) على متن القوافي
اهم حاجه تعيش و نظرتك عليا
لو ترخي السمع نص الناس هراجه وان جاك واحد مسوي .. فاهم الدنيا حاول تصير انت ماتفهم ولا حاجه . |
رد: فوق هام السحب ( الشعر الشعبي) على متن القوافي
ربع القوافي اللي لها طعم حلقوم
أبعث له ألأشواق صبح ومسيه ماكل من طاح البحر غاص ويعوم ولا من المرجان جاب الهديه بحر الشعر مسحوبها دوم وتزوم وتجيب در ن من جواهر شهيه |
رد: فوق هام السحب ( الشعر الشعبي) على متن القوافي
حدتني الفرقا .. على نظم الأبيات
واستهدف المعنى ضلوع وشرايين وإلا الحقيقه .. طبعنا فايتٍ فاااات مقفين عن نظمه ولا احنا بسالين |
| الساعة الآن 03:38 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية