رد: فوق هام السحب ( الشعر الشعبي) على متن القوافي
 

‏الكتآبة تفضح إحسآس السكوت
السكوت : شعـور غربة وإغتراب

المفارق : كسرةٍ من دون : صوت
التمنّي : مرحلة بعد السرآب


.......

رد: فوق هام السحب ( الشعر الشعبي) على متن القوافي
 

‏اليوم لا عاد تستغرب ولا حاجه
لو بار فيك الخوي الصادق الخيّر

كم واحدٍ غيّرت الايام منهاجه
وانا احسب إن الكفو ماهو بمتغيّر



......

رد: فوق هام السحب ( الشعر الشعبي) على متن القوافي
 

‏اسلم وسلم وخذ من شعوري ما تبيه
ما بقى بسماء المعايير شمس ولا قمر

ودي اني ما اخسرك بس يالله ما عليه
خاسر قبل اخسرك هقوه وفرصة عمر



.......

رد: فوق هام السحب ( الشعر الشعبي) على متن القوافي
 

‏الود نعمة والتواصل براهين
واجب تواصل كل شخصٍ تودّه

وان كان في الزحمة تضيع العناوين
يا طير : خذ مني سلامي و ودّه


.......

رد: فوق هام السحب ( الشعر الشعبي) على متن القوافي
 

‏دام الفعايل هرج كب المشاريه
فنجال مدحگ لا تسوقه علينا

الطيب حنا مانقوله نسويه
افواهنا الله حطها في يدينا

.......

رد: فوق هام السحب ( الشعر الشعبي) على متن القوافي
 

‏عزت علي نفسي وأنا أطلب وصالك
أسكت ولو ماني على الوضع راضي

لاصرت تنساني بـوقت إنشغالك
مابيك تذكرني إذا صرت فاضي

.......

رد: فوق هام السحب ( الشعر الشعبي) على متن القوافي
 

من بـاع وصّـال الـود بعنا ديـاره
لابارك الله بشوفة النفس والتغلي

إن جيتني بالطيب ولو حتى زيارة
جيتك انا بالوفاء قاصد ومتعني

.......

رد: فوق هام السحب ( الشعر الشعبي) على متن القوافي
 

يالله ياللي تغسل الأرض بالسيل
اغسل قلوب أهل الحسد من حسدها


بارك لنا بالمد والصاع والكيل
ونفوسنا عطها القناعة وزدها


.......

رد: فوق هام السحب ( الشعر الشعبي) على متن القوافي
 

‏لا تعجّل خذ الدنيا على مهلك
‏كان تبغى مع الايام تتعلم

‏ماتجيك المشاكل غير من جهلك
‏من تعلم عرف وشلون يتكلم

‏لاتجـاوب سـؤالٍ ماتوجه لك
‏ولاتعاتب غريبٍ مر ماسلّم

‏خل شرهتك وميانتك عند اهلك
‏عند الاغـراب لاتشره وتتظلم


‏عبدالله الطلحي

رد: فوق هام السحب ( الشعر الشعبي) على متن القوافي
 

‏ِ
‏صبرك على الدنيا ولوكنت مهموم
‏كثـــر الزعل ما جاب للنفس راحة

‏تزعل وترضى والقـدر شي محتوم
‏والعبـــد يلقـــى بالتــوكل فلاحه

‏والله كتب للخلق ما كان مقسوم
‏ما ضاقت الدنيـــا وفيها مساحة

‏سامح وبايح واترك الحقد واللوم
‏خلك كريم وفيك عفوا وسماحة

.......