رد: فوق هام السحب ( الشعر الشعبي) على متن القوافي
 

يامرحبـا ترحيـبة الروح للروح
ترحيبتن فيها غلا بين الارواح

فاحت قوافي الشعر ياصاحبي فوح
فوح الغلا مع اشقر البن لا فاح

....

رد: فوق هام السحب ( الشعر الشعبي) على متن القوافي
 

رغم صــكات الزمن ماني بـنادم
زودتني عــزم واصرار وجساره

والله إني ماخسرت من الاوادم
غير من كانت معرفتهم خساره

....

رد: فوق هام السحب ( الشعر الشعبي) على متن القوافي
 

مشكلتي اكتم ضيقتي كتم الانفاس
راسي عنيد وكبريائي زياده

لو مامعي منصب وموكب وحراس
معي ثقة حاكم وهيبة قياده

....

رد: فوق هام السحب ( الشعر الشعبي) على متن القوافي
 

غفلت عن عمري وسايرت الأيام
والعمر مثل العصر والعصر فوات

وكسبت من كثرالاماني والأحلام
حلمٍ تعلق لاتحقق ولا مات


....

رد: فوق هام السحب ( الشعر الشعبي) على متن القوافي
 

غفلت عن عمري وسايرت الأيام
والعمر مثل العصر والعصر فوات

وكسبت من كثرالاماني والأحلام
حلمٍ تعلق لاتحقق ولا مات

رد: فوق هام السحب ( الشعر الشعبي) على متن القوافي
 

لبيه ياصوتٍ سمعته وفـزيت
فزت غريب سامع صوت غاليه

من كثر حبي له على طول رديت
قال السلام وقلت من القلب لبيه

....

رد: فوق هام السحب ( الشعر الشعبي) على متن القوافي
 

العين سكرها عن العور والعرج
والأذن عن سمع الهزيلات صنها

واليا بغيت الطيب قلل من الهرج
ونفسك عن الهفوات قصر سنها

الهرج كثره ينزلك منزلٍ حرج
والصمت نعمه مايقدر ثمنها

حذراك لاتركب على مايل الخرج
والناس بالغرات لاتمتحنها


مشعل التريباني الشمري

رد: فوق هام السحب ( الشعر الشعبي) على متن القوافي
 

ماخاف شر المعاصي غير حي الضمير
الادمي مايسره غير طيب اعمله

ياقوم عز الحياة اللي مداها قصير
تغر قلب الغشيم اللي غشاه اجهله

كم طيرت من ملوك وحولت من وزير
لو عز قارون ماله فالاخير اخذله

مع انفتاح الحياه وشرها المستطير
ماغير نجمع ذنوب وبالصلاة اعجله


خالد المذعور

رد: فوق هام السحب ( الشعر الشعبي) على متن القوافي
 

الجمايـل يـوم سمـوها جـمــايــل
هي بنـات افعـال طلقيـن اليميني

صنعة المعروف من راعي الفعايل
هي الجميــلة والجميلة ما تشيني

وماتشيـن الا بشوف اهل الفشايل
معذربين الطيـب خـالين اليدينـي

يالكريم اللي ثبت والوقت مايــل
يالله انـك تجعـل ايـامـــك سنيني


صالح حاضر

رد: فوق هام السحب ( الشعر الشعبي) على متن القوافي
 

نكره اللي صدّ ونعاف من ينسى الجميل
راحلين تاركين الحياه الفانية

يعتقد مافيه غيره بهالدنيا بديل
الدقايق ما تحسّب حساب الثانية

للأسف بعض الخلايق رضاهم مستحيل
لو عطيته عين يسأل لمين الثانيه


عبادي الزهراني

رد: فوق هام السحب ( الشعر الشعبي) على متن القوافي
 

أربع تخلي الرجل من دون قيمه
ويصير من بين الرياجيل ممقوت

الكذب والغيبه ونقل النميمه
وكثر الكلام اللي بلا فعل وثبوت

وأربع سبب فرقى النديم ونديمه
المال والنسوان والحسد والموت


مهنا السعدي

رد: فوق هام السحب ( الشعر الشعبي) على متن القوافي
 

ياوجودي كل ماحال دون الراي راي
والضروف القاسيه ساريٍ مفعولها

كم نويت اقول كلمه تبيّن وش بلاي
ومنعتني شيمتي واستحيت اقولها

خايف ابدي بعض الاسرار وافرّح عداي
عالمٍ ياليت ربي يرد عقولها

اربع وعشرين ساعه وهي تمشي وراي
كنّي آخذ لقمة العيش من محصولها


سفر

رد: فوق هام السحب ( الشعر الشعبي) على متن القوافي
 

خمس الفرائض صلها بأمن وخشوع
حافظ عليها فالركوع وفالسجود

وصل الرواتب كلها لله طوع
انكان تبغا الفوز والجنه خلود

وانكان ضاعة لاسجود ولا ركوع
حسيبك المولى وحراصك شهود

في يوم شمسك ميل عن راسك يروع
والنار قدمك تصتلي ذات الوقود


زايد بن محيا

رد: فوق هام السحب ( الشعر الشعبي) على متن القوافي
 

تعبنا من اللي راح ونشيل همّ الجاي
ولا عاد ندري وين تمضي بنا الدنيا

هنا الفكر متشتّت ومابين راي وراي
نخاف العواقب وإن حكينا على استحيا

أحاسيسنا متبلّدة والفرح نسّاي
ونشوف الخطا ونصدّ وقلوبنا عميا


عبادي الزهراني

رد: فوق هام السحب ( الشعر الشعبي) على متن القوافي
 

الصبر مفتاح الفرج والغضب شين
والـنـاس مـاتـقـدر تـعـدل عـوجـها

احرص على فـعل الوفـا والنبا الزين
والارض مـاضـاقـت وسـاعٍ فجـجـها

دنـياك هـذي مـاصـفـت لسـلاطيـن
كـم واحـدٍ حـول مـن اعـلـى درجـها

اصبـر عـلى صـكاتـها وحفـظ الـديـن
وطلب مـن الله في سـجودك فرجـها


سعود بن سالم

رد: فوق هام السحب ( الشعر الشعبي) على متن القوافي
 

عندالرخاءيا كثر منهم حواليك
وعندالمِحَن بعداد روس الاصابع

لاتحتري لين الحوادث تفاجيك
وتكشف لك وجيهٍ مجرد طوابع

دقق مثل مايدقق البنك بالشيك
وأكرم جنابك عن ضعيف الروابع

ريال الذهب مافيه ريبه وتشكيك
يصعب على اللي يزيفون المطابع


عبدالرحمن المرخان

رد: فوق هام السحب ( الشعر الشعبي) على متن القوافي
 

‏تبي النعم يابعده على شاربك بعداه
مادامك تحب الروح والمال تقصربه

فلا يستحق النعم من ترتعد يمناه
من المد ولا في اللقا زرقة الحربه

ولابه بخيلٍ عند ربعه يجي له جاه
ولا به ذليل باللقا ينتستربه


مشعل بن ساير

رد: فوق هام السحب ( الشعر الشعبي) على متن القوافي
 

انا لاجفيت الرجل يوم الدروب رحاب
الى ضاقت الدنيا علي ما تذكرته

ولا احب من فرغه ولا اكره بدون اسباب
ولانيب لامنه صفى الود عكرته

مثل لو اصير امشي على قوقل ماب
لو ادل دربي قبل ماوصل ماسكرته

احس ان فيها دناه وسوء اداب
واحس اني ارخصت الجميل وتنكرته


محمد المقحم

رد: فوق هام السحب ( الشعر الشعبي) على متن القوافي
 

ارفع مقامك عن مهابيط الوطاه
ترى الرجل ماينحدر مهما حصل

لاتصير مثل اللي ردى نفسه دعاه
يفطر عقب صومه على ثوم وبصل


عبدالرحمن المرخان

رد: فوق هام السحب ( الشعر الشعبي) على متن القوافي
 

مانيب عايش لجل جمع الدنانير
ولاهمني منصب ولا زود رتبه

مادمت متعافي ومبسوط وبخير
ماجات به سود الليالي غدت به


مهنا السعدي

رد: فوق هام السحب ( الشعر الشعبي) على متن القوافي
 

‏قالها الشاعر/ رشيد الزلامي
الله يرحمه قبل 15 سنه

عسى الله يستر لاتصير النياق فحول
توقف تهادر والجمل رافعٍ ذيله

كلامي صحيح ويشهد الله على مااقول
أشوف الهوايل مير مافي يدي حيله

رد: فوق هام السحب ( الشعر الشعبي) على متن القوافي
 

سقى الله زمان فات عاد القلوب نظاف
قبل ما يجي وسط الشرايين جرثومه

تغيّر مسار الناس يالله ياروّاف
تروف بقلوبٍٍ من عنا الوقت مظلومه

....

رد: فوق هام السحب ( الشعر الشعبي) على متن القوافي
 

عليك السلام ورحمة الله ي هاك البيت
احييك والك العذر لو ماتحييني

ياليتك بعد شدوا هلك مع هلك شديت
علشان ماتقعد بدربي موازيني

حصيلي من الذكرى حسافه وليت وليت
سقى الله يوم ان الليالي تمنيني

رميت الهقاوي في رحابك ورحت وجيت
وضيعت معك سنين من زهرة سنيني


سفر الدغيلبي

رد: فوق هام السحب ( الشعر الشعبي) على متن القوافي
 

صباح المطر والنار والدله الرسلان
صباح القبال السمح والخاطر الراضي

صباح الرفيق الي لاجيته وانا زعلان
تلاشت جميع اهمومي وطابت امراضي

....

رد: فوق هام السحب ( الشعر الشعبي) على متن القوافي
 

ان جاتنا الطيبه بالطيب زدناها
الطيبه بالعسـل والسمـن نمزجهـا

وان جاتنا الثانيه نصبـر ونرفاهـا
يمكن اليـا فاق راعيهـا يعالجهـا

وان عادها عـودةٍ ماعـاد ينساهـا
من حربةٍ في صميم الصدر نولجهـا

مسمومةٍ يبلـش الدكتـور بدواهـا
مايقنـع الخبل لين انـه يلامجـهـا


عبدالله ابن زويبن رحمه الله

رد: فوق هام السحب ( الشعر الشعبي) على متن القوافي
 

كم على وجه الاراضين من ذيبٍ جويع
يجتلد ليله نهاره ولا يلقى عشاه

والكسل ماهوب يلحق لذات الربيع
والصلاه ابرك من النوم حي للصلاه

والجمايل في بنوك الجمايل ماتضيع
وراعي المعروف لاجاء يدورله لقاه

ولاتعرض صاحبك شدة الوقت السريع
اتركه للوقت والوقت يبحث لك مداه


سعد بن جدلان

رد: فوق هام السحب ( الشعر الشعبي) على متن القوافي
 

مجالسٍ تنصى لحاجات الاجواد
ومجالسٍ ماغير قهوه و شاهي

ولو القضيه بس دله وبرّاد
تكفي عن بيوت الرجال المقاهي


سعود الحافي

رد: فوق هام السحب ( الشعر الشعبي) على متن القوافي
 

رخص الحصان ورخصوا الطيبيني
وغلي الحمار وما اشتبه له من الناس

وقام الردي يدحـم بجنـب متيني
وابن الحموله قام يمشي مـع السـاس

وقلّ الرفيق وقـلّـوا الغانميـنـي
وكثر الحسد وأهل النمايـم والأنجـاس

وشان الزمان وشـان وجـه الضمينـي
وتغيّـرت كـل الطبـايـع والألـبـاس


سليمان بن شريم

رد: فوق هام السحب ( الشعر الشعبي) على متن القوافي
 

يالله يآرب يآمعبود رب العبآد
يامبصر ألنمله السودا بجنح الظلام

فيك الرجا والأماني والأمر لك يُعآد
تغفر لنا كل زلآت ألفعل والكلام

وتزيّل كرب القلوب ألي بها ألهمّ زآد
وظروف هذا الزمان تمر برد وسلام

اللهم آمين

النجم العالي

رد: فوق هام السحب ( الشعر الشعبي) على متن القوافي
 

أنا لابغيت أسج من طلعت المرقاب
تعرض لي المقرود حظي وتنكيده

تداوج همومي بالصدر دوجة الركاب
على تكسي والعيد باكـر مواعيده

على واحد قلبي معه عاد عمري شاب
ولا زال معلـوق الضماير مواريـده

نزح وانتزح مني ودبر مع الأجناب
يبي موتري دونه ثمانين تبريـده

....

رد: فوق هام السحب ( الشعر الشعبي) على متن القوافي
 

لاتبكين لامن غبت باليوم واليومين
ترى والله آن مـ اغلى من دموعك الا انتي

اهوّن على روحي معى كل ليه ووين
ولاهان عندي دمع عينك ولاهنتي

كبار الاسامي والبخت والجناب الزين
ماتقنعهم كبار المعاذير يابنتي


مبارك بن رادعه

رد: فوق هام السحب ( الشعر الشعبي) على متن القوافي
 

ودك أنّ الآدمي لا طرق سمح الدروب
ما يعوّد لـ المكان المريب ولا يجيه

دسمان بن مناحي

رد: فوق هام السحب ( الشعر الشعبي) على متن القوافي
 

خاطري داروه ياللي تدارون اليتيم
وان بكت عيني من الدمع لاتنهونها

ياعرب تكفون من كان له قلبٍ رحيم
كل نفسٍ صابها الحزن لاتقصونها

حالي اللي راحت اشجار وديانه هشيم
مبطـيٍ ن ما زيد دب الحيا بغصونها

لاجرى ماهــا ولا زيد حركها النسيم
مــن بطا الأمحال فيها تغير لونها

....

رد: فوق هام السحب ( الشعر الشعبي) على متن القوافي
 

اول حياة الفتى مشوار وعساسه
مسافه في عجاج العمر يقطعها

وثاني حياة الفتى تدريب ودراسه
تصعب ظروف الحياه وينشغل معها


رشيد الزلامي رحمه الله

رد: فوق هام السحب ( الشعر الشعبي) على متن القوافي
 

لاتحسب انك فالمواقف صتيمه
وأنك مع العربان راعي سياده

يوم انت سويت حفل وعزيمه
لو طبت مره ماتحمل زياده

تتعب يديك مع اليدين الكريمه
لاصار مال الطيب فالرأس عاده

سوات نارً ولعت في هشيمه
لو ولعت بالسرع ترجع رماده


مشعل عيد البقمي

رد: فوق هام السحب ( الشعر الشعبي) على متن القوافي
 

من وصايَا رشيد الزلاميّ


خلك على صكات الايام صبّار
ويومٍ يفوتك لاتمنى رجوعه

رد: فوق هام السحب ( الشعر الشعبي) على متن القوافي
 

كانك تصلي صلاتك بأمر ربي نجيت
من هول دنياء تشيب الروس من شيبها

اغنم ترى العمر فرصه واخر العمر ميت
الروح سلفه من الله وانت تدريبها

ولاتامن الوقت لو انك دلهت وسليت
تجر المقادير والله عالم بغيبها


سعد الجذع

رد: فوق هام السحب ( الشعر الشعبي) على متن القوافي
 

وجودي وجود اللي حداه الزمان ودج
تهايق عليه الفقر مع سبعة أرواعي

الا وآهني اللي دله فالمنام وسج
لاطالب ولا مطلوب والوقت مطواعي

أخذ له زيارة للمدينة وصام وحج
وصلى هويّد الليل والناس هجاعي


مصلح بن عياد

رد: فوق هام السحب ( الشعر الشعبي) على متن القوافي
 

رجال سوالفها نميمه وقيل وقال
ماترتاح في دنياك حتى تفارقها

طراة الرجال صدورها مغلقه باقفال
مايعلم بخافي سرها غير خالقها


مهنا السعدي

رد: فوق هام السحب ( الشعر الشعبي) على متن القوافي
 

مجاراة
مـعرضه دنياك للنقص والزود
الا العمر مافيه نـاقص وزايـد
بن زابن


دنياك تاخذ منك بذلٍوومجهود
لكن مـنـهـا لاترجـى فـوايـد

خالد بن حميد