رد: ديوان شعراء السعودية في العصر الحديث (متجدد)☘️☘️
 

قصيدة حلم لقياك
الشاعر: غازي بن عالي غازي بن عالي
#العصر الحديث
#المملكة العربية السعودية
0
90 مشاهدة

سافرت من صدك على حلم لقياك
ولا جنيت الا التعب والغبينه
طول البعاد انهك خفوقٍ تمناك
امسى يعيشك عقب غيبه تجينه
تعبت ألملم حزن روحي بذكراك
لقيت روحك ارض مابه مدينه
كل المشاعر ضاميه ودها ماك
والعين ل دموع المفارق سجينه
والقلب من بعدك ولا يوم خلاك
مدام صرتي.. نسمته في وتينه
والشوق من فيض المشاعر تعلاك
يرقى على ضلع الملاقى حنينه
يكتب أحبك.. والمعاني ترجاك
ويكتبك شعري بالغلا ياسمينه
ماكنك الا حرف والروح تهواك
ومن الغلا يضوي جبيني جبينه
مرت سنه عايش على حلم لقياك
وعيني تراقب.. للمواني سفينه

رد: ديوان شعراء السعودية في العصر الحديث (متجدد)☘️☘️
 

قصيدة سمسر جميل الشعر
الشاعر: غازي بن عالي غازي بن عالي
#العصر الحديث
#المملكة العربية السعودية
0
91 مشاهدة

سمسر جميل الشعر واستبشر التاق

وغنّت.. قرايح.. داحمين.. الكلايف

الي لهم.. ف الترجمه.. بدع وآفاق

شامو.. على.. صُم.. الجبال النوايف

وخطيت قافي ميّ.. في نشف الأرياق

في معتلى.. القمه.. بلوغ.. النصايف

الليله.. الهاجوس.. للشعر.. منساق

مابه.. وليف.. اشعور.. ولابه ولايف

ومابه.. مضيّع.. خافقه.. حب عشاق

الي.. يهل.. إدموع.. مثل العصايف

ومابه.. معاني.. بين ركزآ.. ودقاق

دون.. السماين.. وردوهن.. خفايف

فيه النصيحه.. تعتلي.. فوق.. مالاق

بن.. القصيد.. قناد ل الراس كايف

يامسندي.. ماقلتها.. لك.. تشفاق

ياعنك.. مايضرب.. عليها.. سوايف

الخوه.. الي.. وصلها شر ونفاق

ماعنها.. ياكود.. هم.. وكسايف

خوة.. مصالح.. بين خاين وبواق

ماتهتني.. حتى.. تشوف الحسايف

واحذر من الي لاعطيته من اعماق

واكرمت.. حاله.. عن قليل الضعايف

إحسان بالمحدود ينجيك من عاق

بعض الحِسان..رماح وسط النحايف

اخذ النصيحه من فهيمين وصداق

الي على امثال.. السلف.. ماتزايف

خطو معانيهم من الطاق ل الطاق

نجومٍ.. تلالى.. في لميع.. الرهايف

قولٍ على مبدا ومعنى وميثاق

قولٍ تفاخر به.. جموع وطوايف..!!

إحشم بنان الشعر لاجيت مشتاق

وأكتب كلامٍ.. صدق.. ماهوب زايف

دام الحقيقه مُبتغى الحي لا ساق

جزل.. المعاني بين سامع وشايف

رد: ديوان شعراء السعودية في العصر الحديث (متجدد)☘️☘️
 

قصيدة بعد حيي


https://diwandb.com/images/poets/thu...om_qcbebpj.jpg غازي بن عالي

#العصر الحديث #المملكة العربية السعودية

0

90 مشاهدة


الشوق في داخلي قد زاد
مجنونتي يابعد حيي
مشتاق والشوق بي يزداد
اجيك من اقصاي متهيي
ياباشة الغيد حظي ساد
باباشة الغيد من زيي
بعزفلك الشعر بالأنشاد
وبكتب جنونك على إيديي
شاعرك ماهو ترى قصاد
شاعرك نوره كما الضيي
دايم حروفه تجيك إجداد
ولا جات صارت كما الفيي
يقلعك ياحظ مالك فاد
ما زاد زرعي على ريي
حبيتها حب بنت الضاد
لهجة غلا يا بعد حيي
كل ماكتبته حزن ينقاد
قلبٍ من العشق به كيي
ملعون ابوحال منهو راد
عشق الهوى والهوى غيي

رد: ديوان شعراء السعودية في العصر الحديث (متجدد)☘️☘️
 

قصيدة يمه
الشاعر: غازي بن عالي غازي بن عالي
#العصر الحديث
#المملكة العربية السعودية
0
88 مشاهدة

ياضيقة الخاطر تجلي عن ضلوعي وابعدي

مالي ومال الضيق واحزان الزمان الخايبه

تعبت اغني من شعوري وانشدك يامجّدي

وانا دموعي من عنا فرقاك يمه ذايبه!

تسعة شهورآ من قبل القاك يحلى مولدي

في ساعةٍ وافراح قلبك من شعوره غايبه..!

خلي غيومك من غلا روحك تزوم وترعدي

وش السحاب ان مر ارضي وازهرت جدايبه

قولي لهم ان الغلا يسكن ضلوعي وجسدي

واني بدون الي يبوني من شقايا هايبه.!

ثلاثةٍ يسوون روحي هم دياري وبلدي

والرابع الي ناف حبه من غلا سحايبه..!!

وان جيت اقول وغايتي يمه عليك ارددي

اجيب لك حلو الكلام الي تفاخر جايبه..!!

ماهي تصانيفٍ اخطه وابدع القاف المدي

الا وربي شعرآ آسمى من سمي عذايبه..!!

عليه حرفي في وصوفه لو ذكرته اجودي

فيه الفخر يرقى سنام المجد لاجت نايبه..!

يمه وربي ماهنى ل عيني تنام بمرقدي

والنوم سل سيوف حربه في لقى حرايبه..!!

هاتي وصالك ارقي حدودي على حد الجدي

القلب يطلب جنته وانتي احد طلايبه..!!

رد: ديوان شعراء السعودية في العصر الحديث (متجدد)☘️☘️
 

قصيدة المماليك البحرية
الشاعر: غازي بن عالي غازي بن عالي
#العصر الحديث
#المملكة العربية السعودية
0
87 مشاهدة

اتابك الاحساس في داخلي ناح

وأمطر علي بوابلٍ من جديده!

وخطيت من فخري على كل ملواح

لو كان فخر اسلامنا من عبيده

دولة مماليك الفخر بنّها فااااح

من وصفها والعز يكتب قصيده

يوم الفتن تقدح على الناس ياصاح

ماهيبت روس الرجال العنيده

تكاتفو في عزهم فوق الاطماح

العز بالجمعا تسامع نشيده

للدين ركن وركننا لابس وشاح

وشاحٍ ستر طهر النفوس الرغيده

الله..! لو قومات الايام تنزاح

عن فتنةٍ هدت صروحٍ تليده

قاموا يشبون الفتايل على الناح

قاموا علينا وافسدو ب العقيده!

اشباه هولاكو تتارٍ على رماح

صابوا صدور إم الكرام المجيده!

وتكاتفوا بالحلم لو حلمهم صاح

على دماء الناس في وقت عيده؟

من قال نور النصر بالعين لواح

مالاح غير الذل واهل المكيده

باعوا اساس اعلامنا يوم يجتاح

فكر التطور للعقول الزهيده

مازاح وان قلنا ترى فعلهم زاح

وعيوننا ترقب رسايل بريده!

عفوآ بقول العلم من داخلي باح

مثايلٍ ماكل واحد يجيده..!

هذي فعايل فتنة الغرب ياصاح

عشنا وشفنا صمتنا وش جديده!

رد: ديوان شعراء السعودية في العصر الحديث (متجدد)☘️☘️
 

قصيدة الا السهر مع حضرتك شي ثاني
الشاعر: غازي بن عالي غازي بن عالي
#العصر الحديث
#المملكة العربية السعودية
0
87 مشاهدة

الا السهر مع حضرتك شي ثاني
يشبه جنون المنتشي ريح خمره
لاهام في نشوة جنونه وجاني
يعزف على ناي المشاعر بشعره
غنيت له من ضيقتي للأماني
أحلام ذكرى عاشت بضيق صدره
اموّل احساسي على قاف آني
وارسم معاني ضيق والحزن سطره
واعلم احساس المشاعر أغاني
حتى يذوب الشمع وتموت سهره
ياهيه يامِكرِه عيوني تعاني
شفني قليل احب واحيان مُكره
ألقى من الصدات فيني مواني
الشوق سفنٍ ضاقت بجوف بحره
والغايب الي بالموده جفاني
بالله قولوا لارجع ويش عذره
اجيه من طول المسافات عاني
وألقاه في طيشه يغنيه كِبره
واعلمه وشلون حلم الاماني
الي زرعته شوق للحين بذره
وينه يشوف الضيق يرأف عشاني
مليت اخط الحرف ويذوب حبره
ومن يومها للحين مابان باني
الا على صدرٍ تعب طول صبره
تدري بلاش من السهر والمعاني
مابي اقول اشتاق وازيد حسره

رد: ديوان شعراء السعودية في العصر الحديث (متجدد)☘️☘️
 

قصيدة مازلت اهذري في شموخ العزيزين
الشاعر: غازي بن عالي غازي بن عالي
#العصر الحديث
#المملكة العربية السعودية
0
84 مشاهدة

مازلت اهذري في شموخ العزيزين

واذكر تفاصيل الليال القديمه

يابشيّر اسمع من قبل عام الألفين

ظلم الهموم الموجعات السقيمه

حظي وحظك عام الاربع وتسعين

يوم النوايا لا ذكرنا سليمه!!!!!!

من قبل تسقط في عيون الرديين

وتصبح حياة اليوم جدآ وخيمه

ناديت وين وجاوب الصمت بعدين

منهو قوانا يوم وقت الظليمه..

منهو عرفنا يوم،، حنا قويين

منهو جهلنا يوم فك الخصيمه

منهو قرانا في كتاب الاديبين

منهو سمعنا يوم غنت يتيمه

منهو على ضحكاتنا قاب قوسين

على بساط اهل القلوب الرحيمه

منهو ومنهو بين لو قلتلك بين

صوب عيونه للحياة الحميمه

ايه اعترف والله للحين للحين

للحين انا طفلٍ ويذكر قديمه..!

من مُبلغ الحيين لو قلت حيِين

سالم غدى ياهل القلوب العديمه

قصة شعوري لو ذكرته ب حرفين

عاثت قسى بين الصميم وصميمه

حصريةٍ شوفه على العين ياعين

وليدةٍ ه الحين ماهي قديمه!!

رد: ديوان شعراء السعودية في العصر الحديث (متجدد)☘️☘️
 

قصيدة حظ خايب
الشاعر: غازي بن عالي غازي بن عالي
#العصر الحديث
#المملكة العربية السعودية
0
86 مشاهدة

تعتير يادنيا الغلابى المساكين

هو ليه حظي دايم الدوم خايب

ماهلت الدمعه على ناظر العين

ولا مرت البسمه على عود شايب

سلطان انا ياخوك من وين لاوين

همي غدابي بين ضيق ونشايب

ياوجد حالي وجد ناسٍ مساجين

من سجنهم ماذاقوا الا المصايب

امسوا على هالحال اربع وثنتين

مع السنين الي برتها النكايب!!

ماهمهم لو طوّل الحال ب سنين

يرجون من يجزى كثير الوهايب

هذا جداي وسقت قافي ب حرفين

من هم قلبي صرت ماني بطايب

قصيدةٍ ارجي بها العلم ويبين

لعلها تبري جروحٍ عطايب

خطيتها من ضيق وسط الشرايين

خطيتها وانا من الحظ خايب

رد: ديوان شعراء السعودية في العصر الحديث (متجدد)☘️☘️
 

قصيدة ماعدت شاره
الشاعر: غازي بن عالي غازي بن عالي
#العصر الحديث
#المملكة العربية السعودية
0
85 مشاهدة

لا لا تزيد..بشرهتك يوم تجتاح

علومك خذت من سيتك وحسناتك

كان انت تقوى تصدح الصوت لاناح

صوتٍ.. تبرى.. من فعايل.. سواتك

ياصاحبي والعلم في موقفك لاح

مابل.. مشروهي.. عذايب.. فراتك

خوة إسنينٍ.. بين فرح وتمزاح

ماخالطه.. الا الكِبر.. في جفاتك..

تقدر تغيب اليوم مادمت سواح

وإن شفتني لا تزيد.. ب مجاملاتك

خل المرور اللي مثل خف مرواح

يمر في.. صمت.. الكلام وسكاتك

تجارب.. الايام تنبي بالايضاح

تبين لا بانت.. وضايح.. صفاتك

ماعدت شاره بين قاسي وسمّاح

بيّن ولو.. هليت.. كثر إعبراتك

لو تكنز المكنون في بر الارواح

ماكل روحٍ.. عامره.. في زكاتك

عسى تسوق البعد في درب الافلاح

المغني الله.. مالنا.. في غناتك

رد: ديوان شعراء السعودية في العصر الحديث (متجدد)☘️☘️
 

قصيدة ديسمبر الجوع
الشاعر: غازي بن عالي غازي بن عالي
#العصر الحديث
#المملكة العربية السعودية
0
85 مشاهدة

ياعُرب وين الي ينادي ل عُربه

قبل يتلاشى ف المدى طول صوته

ياما كتب عن ضيقته صوت كُربه

فقير عينه تنتظر شوف قوته

وياما سلك ممشاه والحلم دربه

يمكن يروف الي ف بشته يشوته

وياما كتب ياموطني ليش غربه

واحلامنا طفلٍ شرآ الجوع موته

ملت ضلوعه ترجف الصدر ضربه

ديسمبره ماسلفه سعر كوته

هذي حقيقه سنها سن حربه

كرتونها الدافي ذبح حلم نوته

شاعر كتب واشعل قناديل سربه

ترجح وزن لاقيل وشهي بيوته

ياعُرب وين الي ينادي ل عُربه

قبل يتلاشى ف المدى طول صوته

رد: ديوان شعراء السعودية في العصر الحديث (متجدد)☘️☘️
 

قصيدة رثاء اُمي
الشاعر: غازي بن عالي غازي بن عالي
#العصر الحديث
#المملكة العربية السعودية
0
85 مشاهدة

ياوجد حالي يوم انا اصبحت شايب

كلي عنا وهموم مع ضيق واتعاس

شيّب شعر راسي من غياب غايب

روّح وانا حالي.. تلاوح به الياس

ماعدت مثل أول مع الناس طايب

في معزلآ مالي هوى شوفة الناس

يادباس وين الي تسوق الطرايب

همي مثل همك مع الوقت يادباس

مير انت وصى لك من الخلق شايب

حيآ..وصلته.. يوم الأرياق.. يبّاس

اما أنا.. وصلت عوج النصايب

الي بها أمي من اللول والماس

أمرآ.. علينا ساريٍ بالكتايب

في سنّة الي خالقٍ.. كل الأجناس

غصبٍ عليّه..دون كل الطلايب

ذريت من حزني.. عليها بالأرماس

أشوفها.. بوجيه.. كل القرايب

في بيتها الي خاويٍ..فيه مجلاس

صندوقها الاحمر رتاع الحبايب

أغراضها الي ريحن ريح الأنفاس

اصورنا.. في محفظتها نجايب

أشوفها في صبح يومي والأدماس

وشلون أبنسى دمعي اليوم ذايب

اليا تهامل شب وأحرق بي احساس

مع ذكرياتي عايشٍ في نحاااااايب

أشهق فقد.. أزفر تناهيدي أتعاس

قبل يتلاشى ف المدى طول صوته

رد: ديوان شعراء السعودية في العصر الحديث (متجدد)☘️☘️
 

قصيدة صويب الوهنيا
الشاعر: غازي بن عالي غازي بن عالي
#العصر الحديث
#المملكة العربية السعودية
0
85 مشاهدة

القاف هاض وناض لي بارق أوزان

ولاحت لي الجزله.. ترام وتبنيا

وغنيت به في كان لو كان ماكان

ماضيه بين.. اليوم.. قام وقونيا

وتجمعت بي صادحاتٍ بقيفان

أبيات شعرآ ب الجزايل.. سمنيا

جدايدٍ تشدى على بدع الالحان

محبوكةٍ في قاف يشدى المعنيا

من شي وردته.. تساما.. للأعيان

وسط.. الحنايا.. ب الجفيا رمنيا

احترت ويش اكتب على خافيٍ بان

يوم القريّب.. شان.. حاله جفنيا

وش حيلتي لاقلت في موقفٍ شان

يشد..يقطع في.. طواه وطونيا

اعاتب.. الايام.. واقول.. ماهان

اللي غدى حظه صويب الوهنيا

لو كثروا باللوم.. هرّاجة إللسان

في هرجها جاني الكثير وسطنيا

صدّق بهم من كان لي عز وحصان

فارق.. وخلاها.. ل ناسه.. علنيا

احدآ عنز فوق الطويلات منشان

يرقى على القمه وينسى الطمنيا

يبين عِرفه حق لا قيل به حان

وقتٍ به.. القانع.. ل حقه رهنيا

حظ الذي مشهاه طاول به وزان

حظوظ الخليقه.. عند منهو تهنيا

وهايبٍ تعطى عطى رب الاكوان

والحمد لله.. يوم.. ربي.. عطنيا

رد: ديوان شعراء السعودية في العصر الحديث (متجدد)☘️☘️
 

قصيدة ياوارفه
الشاعر: غازي بن عالي غازي بن عالي
#العصر الحديث
#المملكة العربية السعودية
0
83 مشاهدة

ياغايبه.. في.. غربتي.. ياهنيّك

وشلون مرتاحه.. وانا حيل مجروح

عامين انا ارقب طلّتك في مجيّك

عامين دمعي فوق الاوجان مسفوح

الليل حالك ناقصه شوف ضيّك

عتيم غربه مالقى شوفة الضوح..!

جرح المشاعر غارس ب شمريّك

عامين ينزف بك من الجرح وينوح

بستان وصلك ذابلٍ دون ريّك

في صدري اللي ممتلي هم وجروح

ضامي لقى والوصل في جال ميّك

مدي وصالك.. تشربك داخلي روح

ياوارفه هاتي.. وصالك.. وفيّك

ظلّي على قلبٍ من البُعد مذبوح..

يسأل عليك الوقت مابان غيّك

مع النسيم وهدهدة نايح الدوح

يومي أغني بك شعر حي حيّك

واجر صوتٍ من عنا البُعد مبحوح

رحت وتركتن.. للهجر.. ياهنيّك

مرتاح وانا منك.. بالحيل مجروح

رد: ديوان شعراء السعودية في العصر الحديث (متجدد)☘️☘️
 

قصيدة حاجه وانا من حاجتي ماتعلمت
الشاعر: غازي بن عالي غازي بن عالي
#العصر الحديث
#المملكة العربية السعودية
0
82 مشاهدة

حاجه وانا من حاجتي ماتعلمت

ان الذي ينفعكْ ه الوقت جيبك

للحكمه الي عانقت صمتنا صمت

ماشفتها لحتجت واقفى قريبك

ماكنت ابيهم ف اليسر يوم عزّمت

مثل العسر لا قام يندا طليبك!!

ياطالب المكتوب عن وصفتي شُمت

رميت حاجة غايتي في قليبك!!

ياما كتبت وقلت وقلت وتكلمت

ولا بان قولي والليالي تريبك..!!

قامت تموح وتستوينا على الكمت

وحنّا لها يامهيب وربي يجيبك

ماتبت عن زرع الاماني وسلهمت

في موطني يادار وكني غريبك!

قصدتها فكره وفيها تسلمت..؟

دفتر سنادات الفخر في صحيبك

خطيتها في قاف لامن تزهمت..!

لبى لها شعري وغنا طريبك..!!

حاجه وانا من حاجتي ماتعلمت

ان الذي ينفعكْ ه الوقت جيبك

رد: ديوان شعراء السعودية في العصر الحديث (متجدد)☘️☘️
 

قصيدة المجامل بالمدايح لي رياء
الشاعر: غازي بن عالي غازي بن عالي
#العصر الحديث
#المملكة العربية السعودية
0
82 مشاهدة

أحسب اني من جموع الأغنياء

مادريت اني من احظوظي شقي

ياكتاب أحوال.. حال الأنقياء

هذا انا مابين طياتك نقي

أستبد الصدق ضمن الأوفياء

قُشعمان الحِلم في درسي رُقي

ل أختزال العِرف في علم الحياء

ياغيومه امطري بي.. وأغدقي

أشتكي لله.. وضع الأبرياء

من نفوسٍ.. بس تطول وتسرقي

المجامل ب المدايح لي رياء

من يدينٍ.. ب الكفوف تصفقي

أعرف الي كانوا أول.. أردياء

صاروا.. اشيوخٍ.. تزيد وتنفقي

المهمْ الهرج في ذاتي ضياء

يلزِم إلساني.. ب صدقه ينطقي

غِيبة اهروجٍ سمت ف الأغبياء

ماعرفنا.. منّهمْ.. واحد.. تقي

البساطه في... عيون الأشقياء

مثل.. بحرآ.. يحتمي في مغرقي

رد: ديوان شعراء السعودية في العصر الحديث (متجدد)☘️☘️
 

قصيدة عذاريب الزمن
الشاعر: غازي بن عالي غازي بن عالي
#العصر الحديث
#المملكة العربية السعودية
0
82 مشاهدة

عذاريب الزمن خلّت معانينا هموم أحزان

وانا أدري عيني ب حزني عطياها رهاويّه

سهير الطرف ياحيّك انا كلي رماد إنسان

سهر.. يكتب.. تعابيره على هبّت مناويّه

ربيع القلب مابيّن خضارآ ينعش الاوطان

تلاويح المطر لدت على الرقعي وصداويّه

أحب اسج في خبتٍ عليه الديدحان يبان

بعيده ديرة أفراحي عن العالم خلاويّه

يعيشك ياشعر حالم رجل غنّا مع الألحان

رجل نفسه من احظوظه شقاويّه شقاويّه

رجل يزرع تباريحه على علمٍ يجي بهتان

سمت فيها وساويسه على ضيقة بلاويّه

أحبك ياطفل يائس رسم حلمه على الاوزان

يسولف للحنين الي تساوى في مساويّه

وأحبك كثر ماغنت تعابير الظروف ازمان

وكثير الوقت لاحطم شموخه في مراويّه

مثل ذاك الزمان الي تنحى وإندثر بنيان

رفيع الطود مايرضى طمانه في سناويّه

كثير أحلام نرسمها على جِيد الليال ألوان

تشادي لوحةٍ صارت على البرواز غاويّه

تهب الآه من يمّة طريق البؤس والخذلان

وأضمْ إكفوف تدعيلي عسى تِقبل دعاويّه

يموت الحلم في صدر الكريم الممتلي حرمان

ولا يبقى سوى كفن عطاياها رهاويه

رد: ديوان شعراء السعودية في العصر الحديث (متجدد)☘️☘️
 

قصيدة إكتم خوافيّك
الشاعر: غازي بن عالي غازي بن عالي
#العصر الحديث
#المملكة العربية السعودية
0
80 مشاهدة

إكتم خوافيّك ولاتقول عنها

إكتم بها غيضك على مر الايام

لاتبيّح الخافي وصدرك دفنها

اتبع تعاليم السلف يابن الاكرام

الوقت هذا فيه حملك وزنها

وعن مايشوبك يارجل منت ملام

إدمح على الثنتين منها ومنها

والثالثه تثبت على فعل الاحكام

كانه قريبٍ من لسااانه علنها

إجنح بها من فوق ماحايمٍ حام

تلقى وقارك بين ربعك وطنها

شعبٍ يودك في تعاريف الاقوام

والكلمه اللي تجرحك في وهنها

صمتك عليها يجعلك فوق الاقزام

بالك تشاقي من يلاحي ضعنها

نمامةٍ.. ب الهرج.. قطاعة..أرحام

شومك عليهم يافتى الجود كنها

هيبة مهيبٍ يوم.. ماهاب الاعدام

للموت شامخ راس ماهو جبنها

ردد شهادة حق في ركن الاسلام

خسس بهم من كثرهم ماومنها

ماهابهم ولا هاب.. للموت صدام

كلٍ.. ب فعله.. شاهدآ لو زمنها

طوّل وطالت سالفة فعله أعوام

علوم المراجل باقيه في سكنها

وسط الضمير الحي تكتب بالاقلام

رد: ديوان شعراء السعودية في العصر الحديث (متجدد)☘️☘️
 

قصيدة هو قدوتي فارق على كل مقدمْ
الشاعر: غازي بن عالي غازي بن عالي
#العصر الحديث
#المملكة العربية السعودية
0
79 مشاهدة

ياهاجسي هات العتاد وتولمْ
قدامنا حبكه وسبكة معاني!
أخطها من فوق عالي جبل رمْ
واصوغها وارسم عليها كياني
لعيون ابوي وكل معلمْ معلمْ
علمي عليه من الليالي دعاني
هو قدوتي فارق على كل مقدمْ
اليا تقدم سرت والرآي جاني
مير النصايح ماتجي كسب مغنمْ
قول الكبير أول ولا فيه ثاني!
بلاش تسأل خوف وقتك تندمْ
جرح الهوى في عمر الازهار فاني
نصيحتي أكبر من الشعر والكمْ
وأكبر من الي بجور كذبه بلاني
لا قلت لك حرفي وراثه تعلمْ
ماكل من يقرى حروفي قراني
بس انت اخصك يمكن ايام تسلمْ
دون المواجه جور غدرك غشاني
الله يسهل لك دروبك ويتممْ
عليك قلبٍ يحترق لا طراني
ماهي حسايف صدتك يامسممْ
افكار بعض الخلق جآت تعداني
لنت بصديق ولنت حتى ولد عمْ
انت الغريب الي بناره كواني

رد: ديوان شعراء السعودية في العصر الحديث (متجدد)☘️☘️
 

قصيدة أمانينا
الشاعر: غازي بن عالي غازي بن عالي
#العصر الحديث
#المملكة العربية السعودية
0
80 مشاهدة

أمانينا صدر مُنهك ضفافه بالأمل يسقيك

حيتَ كل الغصون الذابله طاريك وإسترّت

أماني شوق لو نادت عسى منهو يبيك يجيك

على الي نفسه بشوفك من الحرمان مابرّت

قليل احظوظ يامرسى الغياب ورحلته تبكيك

سفن وصلك على روحي لها أعوام مامرّت

غريبه يالحبيبه ماسمعتي الصوت يوم أدعيك

تباريحي سليل سيوف.. حربٍ.. كرّت وفرّت

يموتك حلم يحيابك رجل ميّت اساسآ فيك

على عين سهرت وصلك تبي شوفك ولا قرّت

وش أكتب فيك ياجرح الشمالي لاغدا يرجيك

لقى نضره من عيونك عشيرك نفسه إنضرّت

رد: ديوان شعراء السعودية في العصر الحديث (متجدد)☘️☘️
 

قصيدة هآك الوعود وشمريّك
الشاعر: غازي بن عالي غازي بن عالي
#العصر الحديث
#المملكة العربية السعودية
0
78 مشاهدة

الا الجروح القابعه وسط صدري

سري وسري فوق عن وصف غايه

لو قلت لي وشلون ب أقول مدري

عذري بصمتي وفي وعودي وصايه

ي آنسه وشلون لا قلت عذري

والصدر بيتٍ.. مايوضح خفايه

شوفي أنا وسنين الأيام تسري

والجرح همٍ زاد.. زوّد بلايه

يعني غيابك موت لا قلت بدري

في وسط حكم الشيخ يعني جنايه

بسك تزيد الصد ويزيد قهري

وأنا كذآ منكوب.. حظي معايه

أكتب حنيني ضيق ويمل سطري

فكرة حزن! ماهي مجرد حِكايه

مدام انا والحب والشوق عمري

لبيه ي أغلا من سكن في حنايه

هآك الوعود وشمريّك وفكري

يكتب أحبك ي هوآي وشقايه

فمان جرحك ايه وحروف شعري

ياطب جرح الشوق انتي دوايه

الا الجروح القابعه وسط صدري

سري وسري فوق عن وصف غايه

رد: ديوان شعراء السعودية في العصر الحديث (متجدد)☘️☘️
 

قصيدة تحويشة الثنتين
الشاعر: غازي بن عالي غازي بن عالي
#العصر الحديث
#المملكة العربية السعودية
0
78 مشاهدة

الآ ياحظ ماعندي سوى تحويشة الثنتين
وعيون أمي اليا وصت ياغازي لا يجيله سي)
هذاك.. الي اليا منه ترجل.. لوحن كفين
عظيمآ مايجي مثله اليا نادى هلابك خي)
وش أكتب فيه والرحله تلوّح من ورى التسعين
طوتها طول ترحاله على جال المواجع طي)
ربع قرنآ.. مواجيعه سنين القرن ف الثلثين
نحمد الله على القسمه ليا منه عطاها حي)
تولع.. بالفكر عانق غرايز قِلّة ال تنوين
تشاكيل اللغه طالت عتيمه وانبرى له ضي)
صخر.. ي أوّل تصانيعٍ صنعها كارهين الدين
هطل فيها فكر طفلٍ.. تغنى للبدايع مي)
(كرم حاتم)على كفه رسم للموجبه تكوين
على كثر العطايا.. يحس انه عطاه شوي)
عظيم الذات ي إسمٍ صنع من معجزاته لين
غدى قلبه مثل حال البسيط المنزوي عن غي)
تطيح أصفاد مارفّت عليها غاراسات الطين
تهاوت من على برجٍ طويلٍ في بيوت الحي)
من القمه على اليمه جبالٍ ف السراة إتبين
جمع سربٍ يسوقه من يزيد النار جرح وكي)
عجيب الفكر وش باقي عسى حال الليال يزين
على الي يرتقب حلمه عسى تورق غصونه في)
تصاريف القدر حطت سبايبها ب نظرة عين
ونبت في تربة الآمال حلمٍ والدُعاء بِه ري)

رد: ديوان شعراء السعودية في العصر الحديث (متجدد)☘️☘️
 

قصيدة اللهفه اللي ترتقب للمواعيد
الشاعر: غازي بن عالي غازي بن عالي
#العصر الحديث
#المملكة العربية السعودية
0
78 مشاهدة

اللهفه اللي ترتقب ل المواعيد

جتنا فرح من يوم حنا إلتقينا

وياصدفةٍ حطت غلاها مواريد

فيها ضمانا ب اللقى يرتجينا

يافرحة الدنيا معا طلّة العيد

تحلى بشوفك دون ضمّة يدينا

ياروعتي يازاهية نايض الجيد

يالفاتنه سحرآ.. طُبع ب الجبينا

أشتاقلك وأذوب وأشتاق وأزيد

وإتزيد بِعدآ ب القسى محتوينا

وتشتاق لي وإتذوب ياباشة الغيد

وتحلى بك الدنيا شهور وسنينا

وانا بدونك.. ممتلي ب التناهيد

أشهق وصالك ضيق ينفث كنينا

يعني بلاش تغيب وتزيدني قيد

وانا بك الي من غيابك سجينا

زاد الغلا سمّاك يازارع البيد

متعشبٍ ب أقصى ضلوع الوتينا

ويوم العهد ناداك يابنت ترديد

رحتي وداعٍ بين مرسى ومينا

رد: ديوان شعراء السعودية في العصر الحديث (متجدد)☘️☘️
 

قصيدة غيرك حرام اعشق بشر صدقيني
الشاعر: غازي بن عالي غازي بن عالي
#العصر الحديث
#المملكة العربية السعودية
0
78 مشاهدة

طالت دروب البعد وين المسافات
كل الطرق.. تقفلت صدقيني
كل الاماني شارفت للنهايات
وكل الغصون الذابله تنتشيني
شوفي عيوني تنثر اليوم عبرات
لا نوم يقبل والسهر معتليني
عشرينتي والدرب كله متاهات
من بعد شوفك مابقى شيً فيني
عمري قضيته بين صبر ومعانات
راحت سنيني والفرح يرتجيني
راحت سنيني ضايقن طول الأوقات
راحت سنيني والاسى محتويني
كتبتلك من نبض قلبي عبارات
بإحساس مُفعم من بقايا حنيني
غنيتها وصوت الحزن فيه نبرات
والضيق يصرخ بين قلبي وبيني
عساك ترجع يالغلا للبدايات
كانك على عهد المحبه تبيني
دام الهوى عندك غياب ومسافات
انا بدونك اسأل الوقت ويني
وختام هرجي كلمةٍ واسمع الآت
غيرك حرام اعشق بشر صدقيني

رد: ديوان شعراء السعودية في العصر الحديث (متجدد)☘️☘️
 

قصيدة شعور متبني
الشاعر: غازي بن عالي غازي بن عالي
#العصر الحديث
#المملكة العربية السعودية
0
76 مشاهدة

أبذبح إحساسي علشان ترضين

وب أعيش ب إحساسك شعور متبنّي

يامفارقه طيّرتلك ضي من عين

طيّرته.. البارح.. نصاك.. متعنّي

في ليلةٍ غنيت يامسافره وين؟

عن شوف عيني.. ماطرالك تحنّي

ايّوه ياليل التعب والقسى بين

كم لي أسولف بك على حلم ظني

كم لي أسطر بك شعر يوم تطرين

وكم لي أعزفك دندنة عود فنّي

أحسبك لا من قلت تكفين تكفين

تضحك قبل يضحك من الشوق سنّي

وشفت الفرح من غيبتك ماله إيدين

من يطرد الأهات لا من لفنّي

من يمسح كفوفه على وجنتي لين

يغفى طفل مبطي وهو ممتحني

أشهق وجودك ب الغلا لين تحكين

وصلٍ من الحرمان..زاد التمني

بسك غياب وبس مابيك تجفين

شوفي جروحي..من غيابك..بلنّي

رد: ديوان شعراء السعودية في العصر الحديث (متجدد)☘️☘️
 

قصيدة عندم ريتام
الشاعر: غازي بن عالي غازي بن عالي
#العصر الحديث
#المملكة العربية السعودية
0
77 مشاهدة

فقر وطواري ليل ضيقي وفحواه

واللي زرعته ماتبيّن حصاده

وين التكلُف في كلام المبالاه..!

ليت السعاده تلتحفني وساده

كل العيون تشوف هم المعاناه..!!؟

كن العنا سيّر جيوشه إباده!!

تمتمت لحظة حس تروي مُجاراه

وخطيت قافي من شعوري جلاده

كلي بلادة حس معناه معناه..!؟

غازي شعوره تحتويه البلاده!!

شاعر كتب ضيقه معاني خفاياه

ينسج تباريحٍ تبِيّن سهاده..!!!

كان العتب للوقت للهم لل آه..!

للي رسم حلمه تحقق نكاده..!!!

يلعنك ياحظ الشقى صحت ويلاه

ل التايه الي ضيقته في جهاده..!

ل التايه الي ينسج الحلم ذكراه

في ليلة المسرى تعثر جواده..!!!

في زايد الاحيان تقراه تقراه؟؟

نقشٍ عليه السومري ك القلاده..!!

جنن حلم ينسج جنونه ل منفاه

في شبته والدرب طوّل بعاده..!!!

عندم رحيق الطيب تنزف حناياه

ريتام اُنثى جن تعشق وداده..!

كن الضحيه يوم نادى ب ليلاه!؟

فج السماء نورن تكاثر براده..!

اقبل عليهم إنسيٍ هم بلواه..!؟

في طلسم التفريق جمّع عتاده!

دمّر قلوبٍ مالها وصف واشباه

وأشعل فتيل الحرب نار ورماده

همّه يشب النار لو جاه ماجاه

يشب نارن صلوها في عناده!!

كاهن صنع فعله على كف يمناه

للرايه الي لطِخت من سواده..!!

قصة تفاريقٍ نسج حلمها شاه

البهلوي والي رماها زناده..!!!

إسقاط مُبدع بس وين المساواه

دام الجنون إبداع حسب إعتقاده

دام الحيا يسكن صدورٍ تمناه

غنيت انا عندم ونادت سعاده!!!

رد: ديوان شعراء السعودية في العصر الحديث (متجدد)☘️☘️
 

قصيدة غربة حزن
الشاعر: غازي بن عالي غازي بن عالي
#العصر الحديث
#المملكة العربية السعودية
0
76 مشاهدة

للحزن في صدري صروح ومقامات

وللضيق ياضيق المسافات فيني

من موقد اشواقي اشب العبارات

وأحرق بها شوق السهر وسط عيني

من علم الفرحه تسافر مسافات

وتترك لي الاشواق تكتب حنيني

الليل ماهو غير فوضى متاهات

يكتب على وجه الليالي آنيني

فيني معاني شعرها مابعد مات

فيني شعور إنسان يصدح يبيني

فيني وفيني بالوصف آه وآهات

وفيني بعد للآه ماتشتهيني

ياما كتبت ابيات وابيات وابيات

من حزني الي ساكنٍ في وتيني

اخطها وارسم عليها علامات

من نزف فقدي لا ندهته يجيني

ماهو كلامٍ ينكتب فالغيابات

ولا هو بعد شوقٍ على غايبيني

غربة حزن من ضيقها دآيم اقتات

الجوع شوقي والعطش ضحكتيني

بلآش آفضفض حالتي بالعبارات

وانا عباراتي.. حزن محتويني

رد: ديوان شعراء السعودية في العصر الحديث (متجدد)☘️☘️
 

قصيدة عظيمه هالمشاعر


https://diwandb.com/images/poets/thu...om_qcbebpj.jpg غازي بن عالي

#العصر الحديث #المملكة العربية السعودية

0

75 مشاهدة


عظيمه.. هالمشاعر لو كتبها واحدٍ مجنون
على نهج القصيد الي سرابه صبحه وامسه!
تعللني سواليفٍ على نور الصباح عيون
وعصافيره تغنيني شجون وحالتي عمسه!
سكت حلمي على نبرة مشاعر وجهنا المغبون
ولقيت الليل يجمعنا مشاعر والامل لمسه!
الآ ياعازف القيتار اعزف من شجونك نون
ابي ليل الهوى فينا يقوم ويحتظن شمسه!
فقِد يهوى عِشق ثامل هواه ومطلبه مرهون
تعال وقولّي اسف على كلمه على همسه!
تعبت اسولفك غيبه مواجعها تجي هاللون
حنيني دلتي بني تقهويته على حمسه!
تنام الخلق يصحابي حنيني للرجا مصيون
واشوف الحلم في جوفي ظلام ودنيتي دمسه!
عجب يهوى تجاريحي وانادي للقى ياعون
تفرعن في قساه وشب أحقاده على نفسه!
مثل دمعة مواليفٍ عثت في جوف ابن لعبون
على ميّه نثر دمعه يغنيها على امسه!
هِنا كانت دهاليز الغياب العون يافرعون
هِنا كانت طلاسم رحلة الاشواق منطمسه

رد: ديوان شعراء السعودية في العصر الحديث (متجدد)☘️☘️
 

قصيدة رماد إنسان
الشاعر: غازي بن عالي غازي بن عالي
#العصر الحديث
#المملكة العربية السعودية
0
76 مشاهدة

أرق..! وهموم الليالي تبي عون

والضيق صدّر لي مآسي قوية

مسجون ضيقه وأكثري يآس مركون

في وسط صدرٍ فاقدٍ معنوية

ياعون مالي في قسى الوقت فرعون

ونفوس تقسى كل صبح وعشية

ماني من الي بالمعاني يقولون؟

يشرب مرارٍ صبته شاذلية..!؟

من بادي الاحساس لاصرت مغبون

عيشة قسى يا ذالحياة الشقية

آتمتم شعور السوالف على لحون

ويطغى لحن حزني معاني عذية

هذا انا والحال من دون لا دون؟

عايش كآبة بؤس ماهي هنية!

عقيم حظ وغير هذا يعرفون؟؟

عق الزمان ويم حظي خطية..!

اصلآ انا ماني من الي تشوفون

أنا رماد إنسان في مهمية..!!!!!!

ياما كتب ممنون ممنون ممنون

رد الزمن مالك،، علينا عطية...!!!

حظ التعاسه عانق انسان مسجون

والي سجنه الحظ بليا قضية؟؟؟

رد: ديوان شعراء السعودية في العصر الحديث (متجدد)☘️☘️
 

قصيدة عظيمه هالمشاعر
الشاعر: غازي بن عالي غازي بن عالي
#العصر الحديث
#المملكة العربية السعودية
0
75 مشاهدة

عظيمه.. هالمشاعر لو كتبها واحدٍ مجنون

على نهج القصيد الي سرابه صبحه وامسه!

تعللني سواليفٍ على نور الصباح عيون

وعصافيره تغنيني شجون وحالتي عمسه!

سكت حلمي على نبرة مشاعر وجهنا المغبون

ولقيت الليل يجمعنا مشاعر والامل لمسه!

الآ ياعازف القيتار اعزف من شجونك نون

ابي ليل الهوى فينا يقوم ويحتظن شمسه!

فقِد يهوى عِشق ثامل هواه ومطلبه مرهون

تعال وقولّي اسف على كلمه على همسه!

تعبت اسولفك غيبه مواجعها تجي هاللون

حنيني دلتي بني تقهويته على حمسه!

تنام الخلق يصحابي حنيني للرجا مصيون

واشوف الحلم في جوفي ظلام ودنيتي دمسه!

عجب يهوى تجاريحي وانادي للقى ياعون

تفرعن في قساه وشب أحقاده على نفسه!

مثل دمعة مواليفٍ عثت في جوف ابن لعبون

على ميّه نثر دمعه يغنيها على امسه!

هِنا كانت دهاليز الغياب العون يافرعون

هِنا كانت طلاسم رحلة الاشواق منطمسه

رد: ديوان شعراء السعودية في العصر الحديث (متجدد)☘️☘️
 

قصيدة ياديننا عُذرآ
الشاعر: غازي بن عالي غازي بن عالي
#العصر الحديث
#المملكة العربية السعودية
0
75 مشاهدة

ياموسم الارقاب كم طاحت ارقاب

من سيف مسلم ماسلم من دعى به

الله أكبر رددت كل الاقطاب

وصلوا جميع المسلمين بمهابه

وصلى بهم واحد من الذنب قد تاب

وكفر عن ذنوبٍ زمانه مضى به

حقٍ برز من فوق حيدٍ له أجذاب

يضرب كثيره سامعٍ ينحكى به

بدد جهل ماكان يقرى بالانساب

وحدد نفيره فوق غرن سرابه

ماكان همه غير تكفير واضراب

حتى يخالف ماهوآه بشبابه

فتنة يهودي يزرعه سيف ونصاب

وعيالنا بالجهل تحصد نصابه

هذا يسد الرآي يقفل معه باب

وهذا بجهله ضاع ضيّع صوابه

بين التحالف ضاعت اسراب واسراب

احلاف تُجمع بين هم وكآبه

موسادهم عايش على جمع الاحزاب

من فوق ارضٍ ماسقتها سحابه

وحقق مطاليبه على كل مزراب

وعلق بسم عيب التشدد ركابه

فتنه! تهز المجتمع كل ماشاب

أفكار ناسٍ بالظنون إتشابه

ياديننا عُذرآ على كل ماصاب

في ارض غزه والعراق ومصابه

وفي شامنا والي حكى صار طلاب

وفي بورما والي عثى به عثى به

عُذرآ وعُذرآ صمتنا صار عرّاب

والفعل فينا ضاع وإنسد بابه

رد: ديوان شعراء السعودية في العصر الحديث (متجدد)☘️☘️
 

قصيدة معالي توفيق الربيعه
الشاعر: غازي بن عالي غازي بن عالي
#العصر الحديث
#المملكة العربية السعودية
0
75 مشاهدة

لا للجشع في حلم كل البسيطين

ولا للتجاره دام مامن تجاره!!!

سلم على سلمان عز المساكين

الي صنع من حلم شعبه حضاره

وسلم على توفيق بالعسر واللين

بالصدق يمشي لين حدد مساره

توفيق وفق وابتدع فكرته لين

كوّن نزاهه صدقها في عِباره...!!

مامن وزير اليوم يرسم عناوين

إلا يحط من الوزاره إماره..!!!

لا للمناصب وآوها بين قوسين

إلا دمارٍ مايعمّر وزاره..!!!

ولا للتقاعس في حقوق البريين

حتى يراعي حِجته في قراره..!!

يابشت من فضلك بليا براهين

أعط الوزير اليوم نقطه إشاره..!!

قلّه يقول مواطنٍ ملّ عامين؟؟

لأمسى عليه الليل يرقب نهاره...!

تمثالنا بالصبر أصبح لنا طين

والحل مايجدي كثير انتظاره..!!!

عفوآ بلادي وضعنا صار نصفين

نصف التشبث صار فن وشطاره

والآخر أكثر ذنب بين الكثيرين

الي دبوره من فعايل صغاره..!!

ي الله على توفيق تنصى له معين؟

توفيق بأمرك نال فيه ب جداره...!

بدأ ظروف مواطنينه على العين

وأعلن حدود الصدق داخل مداره

توفيق إسمع خاطري قول حرفين

بال حب لو نفقدكْ والله خساره..!

خذها صريحه وأغتنم كلمتي زين

لاتلتفت ل أقلام تُدفع إيجاره..!!!

خلك كما نجمٍ على العالم إتبين

تصدح ل صوت الحق رد إعتباره!!

شاعر كتب بلسان كل العزيزين

شاعر يقول الحق صدقه شعاره..!

سلم على الاعداد خمسه وعشرين

مرر سلام الشعب وخص الوزاره..!

مادامنا في عهد سقم المعادين

لبيه ياحزم الفخر والنعاره..!!

رد: ديوان شعراء السعودية في العصر الحديث (متجدد)☘️☘️
 

قصيدة متى اشوفك للقى تحتويني
الشاعر: غازي بن عالي غازي بن عالي
#العصر الحديث
#المملكة العربية السعودية
0
75 مشاهدة

ماكنت ادوّر عذر واعذارك إكثار

من وين اجيب الحرف واكتبك فيني

اعاتب الفكره واغنيّك تذكار

في حنجرة خالد غلا من حنيني

اسولفك اكتبك ب إصرار وإصرار

واخلق مساحة ضيق ل متابعيني

وافرد جناح الوجد وأطيّر أفكار

من اولك لآخر غلاك الدفيني

تعال اسمع من حكاياي مقدآر

وعلّم جنون الحرف لا يرتجيني

ان كان مر مواصلك دون تذكار

تذكارك آسمى من حروفٍ تجيني

ياما كتبتك وسط غربه من اسوار

وياما زرعتك شوف في موق عيني

وياما عزفتك في مواويل الاشعار

حتى غديت من الليالي حزيني

تعبت من كوني غريبٍ عن الدار

في غربتي عايش واحسب سنيني

تعال وإنسى الهم مابيلك اعذار

مبطي غيابك يكتبك في جبيني

ملت امانيي على الوجد تختار

متى اشوفك للقى تحتويني

رد: ديوان شعراء السعودية في العصر الحديث (متجدد)☘️☘️
 

قصيدة حب الرعاييب
الشاعر: غازي بن عالي غازي بن عالي
#العصر الحديث
#المملكة العربية السعودية
0
74 مشاهدة

يامال فرقا العين حب الرعابيب

وحظٍ مع الخفرات زاد عوجاجه

يامل حظٍ كل ماقلت له جِيب

أدمس ب ليلٍ مايضوي سراجه

ألين حظي ممتلي به عذاريب

متعومسن مايوم شفت ابتهاجه

الي نبيه اليوم قفى تغاريب

مقفي وتتلي به سموم العجاجه

خلى جروحه في ضميري معاطيب

لو يرجهن بالي فلا قلت حاجه

لاوحتهن من طايلات المراقيب

في جرح مايلقى طبايب علاجه

وأثر المعنّى مالقى له مطاليب

ماغير يتوّه ضيقته ب إندراجه

سجة فكر لو زوّدت راسي الشيب

أخير من.. حالٍ.. يلّوع مزاجه

أقدار والأقدار مثل الدواليب

تدور في.. فلّكٍ.. تهاوت ابراجه

لا ميزوها كاسبين التجاريب

وقتٍ بِه القانع يعرف المواجه

والا الغرير الي جهل بالشلاهيب

اليا أدلهمت يبتلش ب إنفراجه

رد: ديوان شعراء السعودية في العصر الحديث (متجدد)☘️☘️
 

قصيدة ذواري الفرقى
الشاعر: غازي بن عالي غازي بن عالي
#العصر الحديث
#المملكة العربية السعودية
0
75 مشاهدة

لا لا.. تخليني وحيدآ ابلياك

والموت ب غيابك وقربك نجاتي

يموتك اللي عايشٍ في رجاياك

على لقى الايام.. ف المقبلاتي

يادُرتي مامرني.. ليل مسراك

وذواري الفرقى تلملم شتاتي

لا ماسألتي شمريّك اليا جاك

عن الاماني واللقى في وصاتي

اتوق لأخبارك واسولف بطرياك

واسلى واشوفك راسخه ب ذكرياتي

لا ياغلا منهو كتب لك انا اهواك

في درب تيهٍ.. وجهك انتي جهاتي

تايه ادوّر وهلة الشوق بجداك

يوم انتي أعظم.. اُمنيه ب اُمنياتي

دايم اليا رحتي انادي بلاماك

واصرخ دخيلك في غيابك مماتي

بالله ويش العمر من دون لقياك

ياواحدن عندي.. تساوي حياتي

رد: ديوان شعراء السعودية في العصر الحديث (متجدد)☘️☘️
 

قصيدة خوف تشره رجاجيل
الشاعر: غازي بن عالي غازي بن عالي
#العصر الحديث
#المملكة العربية السعودية
0
73 مشاهدة

والله يالولا خوف تشره رجاجيل

وتفرح علينا ناقلين النشاير

لا أخلي العدله غصب عنها إتميل

وأسقيك من كاسٍ شرابه مراير

عديتها لجل الرجال المشاكيل

وخليتها بين (الكباير.. صغاير)

وشيّمت عنها دون حد البهاذيل

وعن قول وشو كان ماكان صاير

واليوم من فضل الولي بالتساهيل

عادت علينا عفوها ب النصاير

شب الجمر يافهيد وهات المعاميل

فنجال كيفٍ من يمينك يغاير

هذي مواجيب الرجال الحلاحيل

الي على الزلات.. تدمح كباير

دام الضياغم عزوتي لي مكاميل

(مكاسر العنبر).. مردَ العشاير

قومٍ فعايلها.. رعود وهماليل

في جِرد بقعاء لا اشلهبت سعاير

عزآ يفوق العز جيلٍ بعد جيل

حكم الجبل ينبيك شوف البصاير

وآل الرشيد الي سمو بالاقاويل

للحين واعلوم السياده خباير

حكام سادوها على الضمّر الحِيل

من عهد عبدالله ذحاح الضماير

حقآ سما بين الملى يوم لا قيل

هم عزوة الي ضامه الوقت جاير

يوم المناوي والعزاوي على الخيل

يتلون دحّام الجموع الغزاير

لو يختلط عج الرمك من ورى النيل

نادوا حمّيا ماعليهم عساير

نفخر ب فعلٍ مايجي دونه الميل

وندمح فعول اهل العقول الشراير

عديتها لجل الرجال المشاكيل

يوم الكبار إتغض فعل الصغاير

رد: ديوان شعراء السعودية في العصر الحديث (متجدد)☘️☘️
 

قصيدة أحوالنا
الشاعر: غازي بن عالي غازي بن عالي
#العصر الحديث
#المملكة العربية السعودية
0
74 مشاهدة

كلي حزن لا عانقن همي الزفت

ومريت ماسلمت قدام جاري

أثر التحسف يوم انا اقول ماشفت

عذر الشجر شوفي ولاني ب داري

شاعر شموخي كل ماقلت له عفت

شفته.. يشجعني.. أغيّر مساري

يا للوقاحه لا لفيت وتسلفت

أشتاق أناظر في يميني.. يساري

تشومني العِزه ليا من تعففت

وشفت القهر معبد هموم ومزاري

أحوالنا بالضبط لامن تصنفت

تشبه ل حمزه يوم يتبع مشاري!!

أهيم في قولٍ كتبته وعرّفت

يحكي مفاهيم الظما فالصحاري

رد: ديوان شعراء السعودية في العصر الحديث (متجدد)☘️☘️
 

قصيدة آل رشيد من شمر
الشاعر: غازي بن عالي غازي بن عالي
#العصر الحديث
#المملكة العربية السعودية
0
73 مشاهدة

تاريخنا يابوي قد حرفوا فيه

واصبح هبيل القوم يتليه عنا

لو الزمن يرجع وتذكر مباديه

ماكان هرجات المخبل لفنا

ياهاجسي والشعر غنت قوافيه

شعرٍ عليه الحق ماقد تتنى

اقول شعري والبدا فيه واثنيه

وألقى من حروفي بيوتٍ تبنا

يامغالطة هرج الصحيح ومعانيه

لحن البدو منا ليا قيل منا

قال الرشيد وقلت ما شي نخفيه

في عصرهم حنا والى الحين حنا

قال الرشيد وقلت بالدم نشريه

لا مانسينا لو تباعد زمنا

قال الرشيد وقلت بالروح نفديه

حب الولاء مثل المليك ووطنا

ماعاث وان زوّد وزادت مضانيه

زادت وزّود من علينا تجنى

ان قلت بطري طار ماقلت بطريه

فوق السما طنيت للراس طنا

على بساط المعجزه شي يقريه

شجاعته ترهب من الحي جنا

عبدالعزيز الي وضع شي يكفيه

فوق الوصايف والفعايل كفنا

يسلم ويسلم عِد ماخط قاريه

بالشعر حرفي من وصوفه تغنى

نفخر ونفخر والفخر شي حاويه

غيمٍ بيارق نورها خايلنا

فعلٍ على وضح النقا مايجاريه

لادن نجر القاف ماقيل دنا

قلت الحقيقه فعل ماهو ب تشويه

مثل النجوم بليلها لا ضونا

من راس شاعر والحقايق قوافيه

لا جلجلت ماقيل عنا جبنا

اسمه تغزا فوق ماقيل عاليه

غازي وغازي ظاهرٍ في زمنا

تسعة عشر بيتٍ على قاف بانيه

شعرآ يحرر من يميني رهنا

رد: ديوان شعراء السعودية في العصر الحديث (متجدد)☘️☘️
 

قصيدة متلازمة داون
الشاعر: غازي بن عالي غازي بن عالي
#العصر الحديث
#المملكة العربية السعودية
0
72 مشاهدة

لله ياوجيه البشر لو تحسون
حتى يبين العلم ويبين قولي
فكره تبي احساس ولسان وعيون
بالحرف داون خطها كيم جولي
هذي ترى ماهي عبارات وافنون
للي عزفها حرف ابطى ينولي
بالمختصر افواهنا صابها جنون
ماتعترف بالحق حتى يحولي
مدري غبا فطره كذا جآت هلون
للميم ميم ونونها صار غولي
قسمه من الخلاق لو قلتها تهون
الا الشكر والعافية لا تزولي
لفتة شعوري كلها حس وشجون
كتبتها يوم المعاني حلولي
عسى مع الايام لا قلت وشلون؟
يبين ب أفواه البشر صدق قولي

رد: ديوان شعراء السعودية في العصر الحديث (متجدد)☘️☘️
 

قصيدة راحت وانا للحين ارقب شفقها
الشاعر: غازي بن عالي غازي بن عالي
#العصر الحديث
#المملكة العربية السعودية
0
73 مشاهدة

حنيت انا ل معانق الزين ياسعود
عشرينةن سبحان ربٍ خلقها
ياقلّني لا شفت انا عيونها السود
وفاض الجمال الي بزينه فرقها
مفتونها غازي على الطيب مشهود
نسل الضياغم طيبته ماسرقها
عسى الوصل حبله على طول مشدود
للي خذت روحي وقلبي عشقها
ماعاثني في حبها كل منقود
نقيةن بالزين ربي عتقها
خلتني ابعد بالخطى حيل وازود
كل الخطاوي في رجايا رمقها
صدت وانا وآمال قلبي لها تزود
وآخر بقايا ذكرياتي حلقها
نست خويٍ كان وافي بالعهود
ماخان كلمه من لسانه نطقها
ماعاد ينفع كثرت اللوم ياسعود
راحت وانا للحين ارقب شفقها

رد: ديوان شعراء السعودية في العصر الحديث (متجدد)☘️☘️
 

قصيدة كاديها ونرجسها
الشاعر: غازي بن عالي غازي بن عالي
#العصر الحديث
#المملكة العربية السعودية
0
72 مشاهدة

جمال الفجر في طلّة مفاتنك البهيّه نور

عليك الصبح غنى لك مع النسمه تنفسها

عصافير الفرح حطت على شهدك عبير زهور

وغنت لك زهور الحلم.. كاديها ونرجسها

وتغلغل من شعورك.. كل نسمه لالفت بالدور

رحيق زهور باريسه.. على العِناب غارسها

رسمتك حلم من.. لون النجوم.. الباهره بلور

بياض الصبح في خدك على الاضواء عاكسها

عليك الله ياوجد.. القصيد.. وروعته ب شعور

انا من صدتك عفت الليالي.. مع توجسها

تبختر بي مادامي شاعرآ لجلك يغوص بحور

يجيب اللول.. لعيونك.. ولا همه.. يقيسها

سناعيسي فخر شاعر تغنى للملى جمهور

وصارت قصته طنيه وعلى.. الطنيه اسنعسها

واداري بك عن العالم من اللي تهتوي ف الزور

تعالي نامي.. بصدري.. وعيني.. في تنعسها

مادامك صرتي ل غازي أميره تعتلين الحور

انا لك معركة..عمرك.. متوج صرت فارسها

يعيشك من يخطك فلسفه في طلسمه وسطور

قصايد ملحمة شاعر شعم.. لجلك مقابسها

يناديلك اذا تسمح (تعال مسامحك معذور)

قصايد شاعرك.. دايم على الفرقى يكرسها

تعبت اخايلك وبلٍ.. تهاطل غيمه الممطور

على اللي شحت اللقيا عليه وزاد هاجسها

تعبت اصبر تجي يمي اشوفك صرت لي مجبور

وانا اعذر ظرفك القاسي على جمله وأقوسها

عسى تقبل عسى تاتي عسى وصلك يجيب جسور

عقب.. شح اللقى.. كبدي.. تزايد به تيبسها