رد: فوق هام السحب ( الشعر الشعبي) على متن القوافي
 

العز للنفس واجب والحيا سنّه
وأنا يديني من الثنتين مليانه
ْ
ورزقي على اللي ليآ اعطى شي مامنه
والا يدين العرب تعطي ومنانه
ْ
وان شحوا الناس ربك يعطي الجنه
مايغني الا كريم الوجه سبحانـه
ْ

رشيد الزلامي رحمه الله

رد: فوق هام السحب ( الشعر الشعبي) على متن القوافي
 

عسى قبرك مثل قلبِك بياضٍ ممتلي بالنور
وتحتك جنةٍ خضراء وسحابة خير ممطورة

م

رد: فوق هام السحب ( الشعر الشعبي) على متن القوافي
 

ياربي وأنت جلَّاي الظلام الراحم المنَّان
يارب المرسلات ورب قلبي وأنت تاوي له

أعوذ بنور وجهك لاتصيِّرني ضعيف إيمان
تلقَّاني بعطفك يا كريم إن قلَّت الحيله

م

رد: فوق هام السحب ( الشعر الشعبي) على متن القوافي
 

ياوجـودي ليت مالي على الدنيا وجـود
او وجودي ليتني عشت بالكون اوّحدي
ِ
وياعذابي لادنى الليل وابـذلت الجهـود
ابغي ارقـد واثـر نـومي محارب مرقدي
ِ
اتقلب في فراشي وخلق الله رقـّود
وينه اللي يقسم النوم واقول بعدي
ِ
مرحباً ياقشر الاقدار لا جيتي وفود
فطرة الله في ضلوعي تحيّي موقدي

....

رد: فوق هام السحب ( الشعر الشعبي) على متن القوافي
 

الشيب ماهوعيب يامعذرب الشيب
الشيب في راس الـولد لـه سبايـب

اماكـريمٍ شاب يبحـث عـن الطيب
ولاشـجـاعــاً عـذبـتـه الـمـصـايـب

اذا جهلت انشد ترا مابها عيب
لاتنخـدع للجـهل وانت السبايـب

عيب الـفـتـى مافيه شك ولاريب
ترك الفروض وقطع وصل القرايب


رشيد الزلامي رحمه الله

رد: فوق هام السحب ( الشعر الشعبي) على متن القوافي
 

لا تحسف وأبذل الطيب في كل أتجاه
من قضى للناس حاجه قضى الله حاجته


فارس بن هضيب

رد: فوق هام السحب ( الشعر الشعبي) على متن القوافي
 

أجمّع له سْمان الهَرْج خوفٍ من التقصير
وإلى جيت بْشرح له كلامي تهيزلته

يجيني منْه هيبة معزَّة سحى تقدير
أقابله عندي علم وأروح ما قلته


سعد ابن جدلان

رد: فوق هام السحب ( الشعر الشعبي) على متن القوافي
 

شهبٍ جثا ميره مدا خيلهن حو
دخانهن ريحه تقل ريح جاوي

واليا تعزل واهج الجمر قم سو
كيفٍ يكيف محرقين القهاوي


سعد السلمي

رد: فوق هام السحب ( الشعر الشعبي) على متن القوافي
 

مايفرح الرجال طيحة بناخيه
ولايزعل الطيب نجاح ابن عمه

واللي يحارب بالمواقف عوانيه
انا اشهد ان الحسد يجري بدمه


المجاراة

والحسد علة قلب ابسط معانيه
يلبس الرجال ثوب المذمه

ولا ينجذب للعز والطيب راعيه
ولايندفع نحو الامور المهمه

بالمختصر راعيه محدن يدانيه
وهو سلعته مابين غيبه ونمه

....

رد: فوق هام السحب ( الشعر الشعبي) على متن القوافي
 

الفقر ماهو فقر قل الدراهم
آلفقر فقر اخلاق وسط الرياجيل

من دونها نلقاك ضايع وواهم
يقوله اللي جرب العدل والميل


فايز المنصوري

رد: فوق هام السحب ( الشعر الشعبي) على متن القوافي
 

يامل قلب ٍ يلوعه طاري الفرقا
كما يلوع الحمام الورق شيهانـه

إن حوّلن حوّلت وإليا رقن ترقـا
متعليّتهـن وهـي حدمه وجيعانـه

على وليفٍ نحا مع روق عن برقا
عليه عيني بصاف الدمع غرقانه

أبوثـمـانٍ رهــاف ودقــةٍ زرقـــا
موتي ولا صدته عني وهجرانـه

....

رد: فوق هام السحب ( الشعر الشعبي) على متن القوافي
 

طبـع الـردي مايحـسـن الـظن فالـنـاس
لانـه يـحـسـب الـناس مثله مترديه

ولـيـا سـمـع لــه كلـمـةٍ جــاه وســـواس
قال انت تقصدنيةوهرجك فيه ظنيه

قـلـه عـســاك ابـخـيـرومـاجور لابـــاس
انــتـــه مــريـــض وعــلــتــك بـاطـنــيــه


فهيد الرويس

رد: فوق هام السحب ( الشعر الشعبي) على متن القوافي
 

يـوم إنـهـا يا صـاحبي صارت عـنـاد
أنـتـه مـعي والا مـع النـاس ضـدي

حـلـمـت فـيـك الخـيـر لكـن م فـاد
حـظـك ليا طـال الـزمـان امـتـردي

تبغى الحقيقه ان ترديت وش عـاد
الـفـرق واضـح بين جـدك وجـدي


مسحل الميزاني

رد: فوق هام السحب ( الشعر الشعبي) على متن القوافي
 

عزي لمن عايش حياته بوجهين
ماهو غدر خوف العرب ينقدونه

وجه الحزن تقراه في نظرة العين
ويحط وجه المزح والضحك دونه


عبدالله الطلحي

رد: فوق هام السحب ( الشعر الشعبي) على متن القوافي
 

ياعزوتي تكفون وانتم تسوقون
لحدن يحاول يلتفت صوب جواله

الناس ماتت بالحوادث تشوفون
وش ذنب بيتك لافقد راس ماله

م

رد: فوق هام السحب ( الشعر الشعبي) على متن القوافي
 

علامة يعرف بها كل حَسّاد
النشده اللي فاضحه طبعه السي

والثانيه يبخس نجاحات الاجواد
يثني على الأموات ويعادي الحي

لو الهوا عنده قطع عنك الامداد
عنده محاذير المروه ولا شي


ضيف الله أبا العون

رد: فوق هام السحب ( الشعر الشعبي) على متن القوافي
 

إذا شفت بإسلوب التعامل سمو أخلاق
ترىَ يعتبر عنوان للشخص وأخلاقه

ياكم واحدٍ محبوب والبعض ما ينطاق
والعالم على شَين الخُلق مالهم طاقه


النجم العالي

رد: فوق هام السحب ( الشعر الشعبي) على متن القوافي
 

عسى من سعى بالشرّ بين العرب يلقاه
ويقطع جزيل المدّ رزقه ومطلوبه

....

رد: فوق هام السحب ( الشعر الشعبي) على متن القوافي
 

بيت من ذهب ....


تدري من اللي كليفٍ رد معروفه
اللي تجي نفعته قدام تطلبها


فهيد الرويس

رد: فوق هام السحب ( الشعر الشعبي) على متن القوافي
 

من معطيات التجارب وإختصار الكلام
أنجح عقول الخلايق فالزمان أربعة

من فضّل الصمت لازادت هروج الأنام
ومن ينثر الطيب لاشاف العرب تجمعه

ومن شاف زلّة رفيقه في طريقه وشام
ومن بر في والدينه برّه بينفعه


مسحل الميزاني

رد: فوق هام السحب ( الشعر الشعبي) على متن القوافي
 

‏من بلاغة الشعراء في وصف العيون :

‏يا فلذّة كبدي المتفرّده بين الصبايا
‏وش يقول الشاعر إللي عينك أوسع من خياله
‏جمال بندر

‏طرف خادرته لو أقرب منه وأقوس إتساعه
‏لاتغارب يمكن أحلف إنّه أوسع من خيالي
‏عويّد النجود

رد: فوق هام السحب ( الشعر الشعبي) على متن القوافي
 

روس الرجال الها مكانه وتقدير
ومن ضاق من شان البهيمة بهيمة


محمد بن هضيب

رد: فوق هام السحب ( الشعر الشعبي) على متن القوافي
 

ألا يا الله إني طالبٍ طاعتك ورضاك
وعلمٍ ليا ذكروا هل الخير نذكر به

أنا في رجى عطفك وأنا ملتجي بحماك
تفرج هموم القلب يافارج الكربه

إليا ذعذع الغربي وحرك غصون الراك
وناح الحمام بعالي الصوت يجهر به

أجاوب حمام الدار يا لايمي عساك
يحدك زمانك يم من لانبي تقربه


رشيد الزلامي رحمه الله

رد: فوق هام السحب ( الشعر الشعبي) على متن القوافي
 

الليا عطاك الوقت يانفس جودي
وان دبرت يانفس وشهو عليها

من خلقت الدنيا زمانك جحودي
شومي ليا ضاقت ولا تقتفيها

ثلاث تكفي دون حضرت شهودي
اغلا من الدنيا وما تحتويها

ارضي بدينك وارضي انك سعودي
ومن عزوت جهينه ومرباك فيها

تركي الحرازه

رد: فوق هام السحب ( الشعر الشعبي) على متن القوافي
 

صوت حسادنا واضح ومسموع جدّا
دايم أهل الحسد ما يثمر الطيب فيهم

أوجعتهم وهي مثل المريض المسدّا
كيف لو إنها فالجو حامت عليهم


عمران الزراقي

رد: فوق هام السحب ( الشعر الشعبي) على متن القوافي
 

شيخ المواقف غير ياشيخ الخيال
لاتحط نفسك في مواقف ضيّقة

ترى البشوت الي على متون الرجال
يبيعها هندي بسوق عتيّقه



مسحل الميزاني

رد: فوق هام السحب ( الشعر الشعبي) على متن القوافي
 

رساله لي ولك.....

لاتحمل هم الدنيا فانها لله
ولاتحمل هم الرزق فانه من الله
ولاتحمل هم المستقبل فانه بيد الله
فقط إحمل هما واحدا
كيف ترضي الله
لأنك لو أرضيت الله
رضي عنك وأرضاك
وكفاك وأغناك

رد: فوق هام السحب ( الشعر الشعبي) على متن القوافي
 

عساي ما اثقل على قلب مخلوق
ولا اسـوي ما يسـبب عـتــابه

انا احـب الذوق وادور الذوق
عند التعامل والحكي والكتابه

...

رد: فوق هام السحب ( الشعر الشعبي) على متن القوافي
 

رسالتي لك....

يُعجَبون بك
ثم يحبونك
ثم يملّون منك و يتركونك
هذه هي طبيعة البشر
هم يتغيرون كالفصول
ونحن علينا أن نرتدي
مايناسب كل فصل

بقلمي

رد: فوق هام السحب ( الشعر الشعبي) على متن القوافي
 

‏ياخاطري لاتحسب الضيق ذباح
ضاقت خواطر ناس قبلك وراحت

أصبر وتلقى للفرج فيه مفتاح
أصبر ولو كان السدود استباحت

...

رد: فوق هام السحب ( الشعر الشعبي) على متن القوافي
 

لك الغلا مـكنون بالحب والشووق
وأحلى المشاعر في سموك تجدد

محبتك فاقت على كل مخلوق
أسال خفوقي كان وودك تأكد

عندي على زود الغلا اربع شهود
قلبي ودمعي والسهرر والقصايد

وانت اذا تقول الغلا حي موجود
عطني على حبك لي إثبات واحد

...

رد: فوق هام السحب ( الشعر الشعبي) على متن القوافي
 

‏القلب قلبك مع عيوني والانفاس
كلي لاجل عينـك حـلالك حـلالك

مالي لزوم بقرب غيرك من الناس
يكفي وجـودك جـعل غيرك فدالك

....

رد: فوق هام السحب ( الشعر الشعبي) على متن القوافي
 

‏من مبتدى صمتي لنقطة عبـــورك
استرسل الفكره معك وقتل الصمت

هب النسيم وجاب ريحة عطــــورك
شميت عطرٍ فــاح من يوم سلمـت

ما تدري إن النــور لا جيت نــــــورك
ولا تدري إني في غيــــابـك تألـمـت

....

رد: فوق هام السحب ( الشعر الشعبي) على متن القوافي
 

‏من عيونٍ ترسل السهم المميت
من بروز الصدر والخصر النحيل

صابني سهم المحبه مادريت
والهوى قبلي حصدله كم قتيل

أشهدان الله بلاني وابتليت
في عنود الريم ضافيت الجديل

بنت شيخٍ له مقام وذيع صيت
من النجوم الي تلا لاهي سهيل

غيره من البيض اموت ولاهويت
من يرد العلم ويحوش الجميل

....

رد: فوق هام السحب ( الشعر الشعبي) على متن القوافي
 

‏حـي الله اللي عـليها الـكبد مـحتـره
اللي ذبـحـني غـلاهـا يـاحمد بـدري

تـلعب عـلى القلب والـشريان وتـفره
والـعقل سـلم لـها بـالغصب مايـدري

فـتـنة جـمـالـه غـريبـه حـيل بالمــره
والمشكله ياحمد صاب السهم صدري

...

رد: فوق هام السحب ( الشعر الشعبي) على متن القوافي
 

‏القاك في درب القصايد والاشعار
والقاك في كل المشاعر أحادي

مالك شريك بقلب حطك له اسوار
واشوف غيرك في عيوني جمادي

جتني طواريك مع الليل زوار
احسها كل ما تصيح وتنادي

اعبر بها يمك على موج الافكار
خيال لكنة بقلبي وكادي

....

رد: فوق هام السحب ( الشعر الشعبي) على متن القوافي
 

يـ عشق ماله نهايه لو يموت الغرام
يـ وجه أحبّه ليا منّه ضحك أو كدر

يـ أغلى من الكل واقربهم غلا وأهتمام
يـ درب أحبّه ولا لي عن طريقه مفر

...

رد: فوق هام السحب ( الشعر الشعبي) على متن القوافي
 

هذا المساء ما يشبه إلا مباديك
جدا جميل وطلتك به جميله

يسعد مساك ويسعد الله لياليك
عساك تسلم في مساء كل ليله

...

رد: فوق هام السحب ( الشعر الشعبي) على متن القوافي
 

تغيب ياغايب وأنا دوم مشتاق
حرقت قلبي طالبك خاف ربك

ان كان في غيبتك تلميحه افراق
لاشفتني ميت ترى الذنب ذنبك

...

رد: فوق هام السحب ( الشعر الشعبي) على متن القوافي
 

يامن علي روحي وقلبي تغليت
وقطعـت عـني يا الغـلأ إتصـالك

ما كان ودي ازعجك بس حبيت
أسـأل واطـمن كيـف صـار حـالك

فلا تفتكر إنـا من الشـوق حنيت
وإلا تفـكر جيـت طـالب وصالك

خُذ راحتك مع الذي أنت حبيت
وإلا سـؤالـي زاد فـي إنشـغالـك

...