رد: ديوان شعراء السعودية في العصر الحديث (متجدد)☘️☘️
 

قصيدة لاهو ب رجالٍ ولاهو رجيجيل
الشاعر: غازي بن عالي غازي بن عالي
#العصر الحديث
#المملكة العربية السعودية
0
70 مشاهدة

بلاش تاخذني على الشك والميل

وتطلع على كتفي سنود ورقايا

العام اخايل بك سما نجمة سهيل

واليوم أشوفك دون حد الوطايا

لا تنكر المعروف وتشيل وتعيل

يوم العفانه من وصوف الردايا

شيّدت لك رحب الشمالي مداهيل

تلوذ بك حدب الضلوع الحنايا

ولقيتني أطرد.. سرابٍ وتضليل

يوم الوجيه أشباه تطعن قفايا

وب اعطيك مماقلت عن ماضي الجيل

علومٍ درسناها.. ب كتب وقرايا

يوم الشرور الي تجي لك مقابيل

الي.. حسانيها.. تسوق المنايا

بعض الرجال اشباه طبع وتماثيل

متخالفينٍ.. بالوصف والمزايا

لاهو.. ب رجالٍ.. ولا هو رجيجيل

من عشرته تنبيك بعض الخفايا

حي الفتى لا صار طيبه هماليل

قوله.. فعل.. ماهو كلام وحكايا

ل اللازمة مع أول القوم لا قيل

يبرك لها..يعطي.. كثير العطايا

حيدآ تسابِق له جموع الرجاجيل

ثابت على الوقفات ماله زحايا

مايجني الا.. من.. كبار المكاميل

علوم المراجل في يدينه سبايا

علومٍ عليها وافي الطيب حلحيل

لا ميزوها كاسبين الثنايا

أفعل فعول الطيب تجني محاصيل

وصفْ البياض الي عليه النوايا

واترك كلام اهل الفتن والاقاويل

الي تبابي.. في.. هروج القفايا

وصلاة ربي.. عد مايدرج السيل

على..رسولٍ.. شافعٍ.. ل البرايا

رد: ديوان شعراء السعودية في العصر الحديث (متجدد)☘️☘️
 

قصيدة دين الكرامه
الشاعر: غازي بن عالي غازي بن عالي
#العصر الحديث
#المملكة العربية السعودية
0
71 مشاهدة

أسرفت بك حب وتذوق وتغرير

وأدمنت بك كيفٍ تعلى الوصوفي

وأنعشت بك راسٍ كتب له تعابير

يسوقها من فوق شين الظروفي

شاعر يداحم في كثير الطوابير

واليا أدلهم القاف عجلٍ شغوفي!!!

يرقى بها فوق السما كنه الطير

فوق السحاب الي جموعه اردوفي

اما تشوم اعن الوطا دون تحذير

والا تناثر حزنها وسط جوفي..!!!

واليوم ياصالح من الهم لاتصير

مثل الذي شانت عليه الكلوفي..!!

الدين مابه عيب لو فيه تبرير..!؟

خصّن ليا بانت وجيه الضيوفي!!!

إكرم وكرم طيب كل المناعير..!؟

دينك كرامة وجه مابه حسوفي..!!!

إكرم وكرم من نصى تالي عصير

واصبح مثل منهو بشين مخطوفي

يسرح بفكرن.. حالته بالمعاسير

لاكابدت ضيقات همه اصفوفي!!

يكزها من يم سلمى ليا النير

يحسب خلايف مير ماهو مخلوفي

دين الحسايف مالقي له معاذير

في ساعةن..تجفاك كل الكفوفي

هذا وعلمي جاك ينساق تصدير

مختوم للي لا وعد.. قال يوفي..!!

رد: ديوان شعراء السعودية في العصر الحديث (متجدد)☘️☘️
 

قصيدة إخوان وأكثر
الشاعر: غازي بن عالي غازي بن عالي
#العصر الحديث
#المملكة العربية السعودية
0
69 مشاهدة

يابشيّر دون الفقد والهم والياس

وأحلام عيّت.. ياعضيدي.. تباين

أحترت كيف أكتبك ياطيّب الساس

والخاطر اللي.. تعرفه.. صار شاين

الضيقه اللي تجلب الهم والباس

شفني بها.. ياخوك.. مانيب زاين

إن شمّرت دقت على كل الاجراس

خلت عضيدك.. بين هم وغباين

أسلى عن الاقصين والحظ محتاس

وألقى على الادنين.. خافيك باين

ماعدت باغي شي ياكود مجلاس

قربك..وقربك لي.. بالحيل ماين

أخايلك والباس مضرب على الطاس

ودرعٍ حمى لك دون مبغض وهاين

م أغلاك عندي لو غدت دنيتي ياس

إخوان وأكثر..من.. مسمى خداين

بيني وبينك شي.. ماهوب.. ينقاس

ياواحدآ.. خاطرك.. يسوى مداين

تكرم لعينك.. كلهن.. حق.. وقياس

ويكرم لك اللي بالعهد دوم صااااين

رد: ديوان شعراء السعودية في العصر الحديث (متجدد)☘️☘️
 

قصيدة الخنا طال النفوس الجايعه
الشاعر: غازي بن عالي غازي بن عالي
#العصر الحديث
#المملكة العربية السعودية
0
68 مشاهدة

ياشعر جيتك من اللهفه عجول

ودي أكتب بك قصيده رايعه

دامني فارد جناحيني وأجول

والحروف اليا زهمته طايعه

إيه ياقاف الشعور اللي يطول

فنّد اللي في.. سملها ذايعه

علّم اللي صوتها مثل الطبول

في..عقولٍ.. غيبت..برايعه

التصنع في فراغات العقول

عند أحمق.. بيّنت.. ورايعه

شهرةٍ فيها السماجه للجهول

بين كذب وبين نشر الشايعه

حايرآ وشلون يلقى له قبول

والكرامه وسط.. سوقه بايعه

هيه ياوقتٍ بِه الحمقاء تصول

وسط فكرآ.. مفرداته صايعه

يرتسم له.. كل خداعٍ عذول

ل التطور ساق.. حلم الضايعه

اختلط كل الحياء وسط الميول

والتشبه..بالوجوه.. المايعه

ماعلى الدنيا بعد هذا ذهول

الخنا طال..النفوس الجايع

رد: ديوان شعراء السعودية في العصر الحديث (متجدد)☘️☘️
 

قصيدة تمثال حلمي
الشاعر: غازي بن عالي غازي بن عالي
#العصر الحديث
#المملكة العربية السعودية
0
68 مشاهدة

ماعاد ابي شعري ولا عاد أبيني

مثلي كره نفسه وحوله تخلّو

الي رجيته مالفى في سنيني

الكل راحو؟ ليتهم بس ضلّو؟

ماقلت انا مليت يالايميني

همٍ غدالي كبت والناس ملّو!!

ياما ضرب كفي شمالي يميني

إمن الضجر قاعد اهيجن ب زِلّو

عسى مع النسيان ينفى وتيني

من عيشة الحرمان والي تبلّو..؟

تمثال حلمي اصبح اليوم طيني

إمن الحزن والناس فيني تسلّو؟؟

ياطيبين الذات بيني وبيني..؟

ماتشبهون الي بالأعداد قلّو..!!!

هذا أنا والهم مليان فيني

والي سمو ب أخلاقهم ماتحلّو..!!!

رد: ديوان شعراء السعودية في العصر الحديث (متجدد)☘️☘️
 

قصيدة فقر وضيق
الشاعر: غازي بن عالي غازي بن عالي
#العصر الحديث
#المملكة العربية السعودية
0
69 مشاهدة

فقر وضيق.. وكبت وهمومٍ إكثار
في وسط صدري ياعبادي تنادي
مليت اخط الحرف وأكتب لي اشعار
وانا شعوري من عنا الوقت غادي
خيالي العشرين.. بستان وازهار
فل وعبير وطيب عنبر وكادي
أبكار تُخلق من خفوقي وتختار
منزالها يكتب.. عليها بُعادي
من وين ماوجهت مقدار مقدار
جتني تسوق القاف.. تهدي ايادي
واكتب على طرقي مفارق ومحتار
في وصف جرحٍ بالعنا هو سهادي
ماهو ب عادي غيبته سر وجهار
أتعب انا واقول ماهو ب عادي
باتت مشاعرنا تسولف للأسفار
عن غيبة الي صار غاية مرادي
كني بعد عينه غريبٍ عن الدار
وكنه بلادي وأكثر أكثر بلادي
تعبت.. زاد الهم أمرار وأمرار
وعلقم غيابه ساكنٍ في فؤادي
ماسائني الا بُعاده وانا اختار
موتت مشاعر شاعرٍ فيه غادي
فقر وضيق وكبت وهمومٍ إكبار
في صدري الناحل تنادي عبادي

رد: ديوان شعراء السعودية في العصر الحديث (متجدد)☘️☘️
 

قصيدة جدايب رحله
الشاعر: غازي بن عالي غازي بن عالي
#العصر الحديث
#المملكة العربية السعودية
0
67 مشاهدة

على ذاك الطريق اللي مشيته قبل عام ألفين

تذكرت الذي أجزل على حزنه ب حرمانه

طريقٍ بؤسه الجاثم يضيّع وجهت السارين

مشيت اسوق خطواتي على العبقر ووديانه

على لافظ على هاذر على مسحل على التمكين

على جنن.. كتب جنن.. جنونه هام ب إمعانه

غزلت إمن الشعر فكره ونالت روعة الغاوين

وصفق من قرى شعرآ عشق فنه وقيفانه

وعرفت إن اللقى صعبٍ يفوقه موتت الغالين

لهايف حي في ميتٍ.. صعب لاقلت نسيانه

تعمقت ب غزيرآ لاهطل يحيي يباس إسنين

جدايب رحلةٍ ذابت قسى.. تستقسي أمزانه

وانا من وين ماوجهت اناظر للأمل ويبين

حنينه شب ب ضلوعي حروب أفواه خوانه

عجب مالي أرى منهو تعجرف بالكلام الشين

جبانٍ.. صعب..لو إنه يكون الند ب إحسانه

تعاليم الحياة.. اللي.. تخلينا نحط السين

سؤالٍ حطت.. أجوبته.. على نطقي وميزانه

تكامل بالكمال اللي تكمل من كماله لين

نشوفه ف السماء.. عالي علّوه فاق سبحانه

على ايش التعالي وانت نطفه من تراب وطين

تشوف الناس من تحتك غرورك نفس مرضانه

تشابيه الكلام اللي حقيقه مثل فرض عين

وجوب الهرج لا.. من بان.. يتمم فعله لسانه

رد: ديوان شعراء السعودية في العصر الحديث (متجدد)☘️☘️
 

قصيدة ليه الفساد بموطني له رياده
الشاعر: غازي بن عالي غازي بن عالي
#العصر الحديث
#المملكة العربية السعودية
0
67 مشاهدة

بلاط.. ساداتي على كل ساده
ياسادة الاحساس وين المساواه!
قولوا لمنهو عاش خارج بلاده
حب الوطن أكبر من المال والجاه!
ماكل من يكتب لقى له جلاده
غير الذي ذاق الالم والمعاناه!
عفوآ بقول الصدق بليا هواده
شاعر كتب ومن الشعر شب معناه
الي ينام ومحتظن له وساده
بالعون ماحسب ضياعه وفرقاه!
كنه يسوق ل طيب قلبه براده
ياخذ مابين الغرب جوله ومنصاه!
ماحسب لبعض العرب في نكاده
يومه ب شين الفعل قفى وخلاه!
شارع يسولف لي على غير عاده
كنه يبرر فعل ماكان سوآه!!
تاجر غدر واخفى معالم سواده
بين التراب الي من الطين روّاه!
تدفع له الارقام بصافي عِداده
يجي نهاية حول ماقيل وش جاه؟؟
ليه الفساد بموطني له رياده
بين المناصب والبشوت المخوّاه..!
وليه السكوت وحبرنا له عتاده
يقدح على بيض الورق لا كتبناه..!
ماقيل قالوا والفعايل إباده
بس قيل شفنا من فعولٍ مسماه..!!
ماهي ترى كبوه عليها جواده
ميدانها الذمه،، وفكري تغشاه..!!
لُغة كلام الحق مابه افاده؟
الا السكوت الي رضينا وخذيناه..!!

رد: ديوان شعراء السعودية في العصر الحديث (متجدد)☘️☘️
 

قصيدة ماتت عظيمه
الشاعر: غازي بن عالي غازي بن عالي
#العصر الحديث
#المملكة العربية السعودية
0
67 مشاهدة

هم هم شعور الشاعر اللي شعر هم

وكتب على جِيد القصيده رثاها

عدّى نصف حولٍ على فقدتي إم

الله يا مقسى.. رحيلٍ.. خذاها

ومن بعدها جدي على جرح م ألتمْ

ياجرح نفسي صبرها هو دواها

أنسج من الامال وأهيم وأحلمْ

جفت جوارح.. مهجتي نهل ماها

ياخال مدري قلت ياخال ياعم

مابين عم.. الجرح والخال جاها

أشقيت أغيض الهم في داخلي غم

أزريت انا أسلى بدنيتي عن سواها

أسج عن.. طاري.. تباريحٍ إتهمْ

في وادي..النسيان.. منهو نساها

لا والذي ياخال لو ماردي جمْ

لا أشرب..طواريها.. غلا من جزاها

دايم وشوفتها بنومي على الكم

شوقٍ..يطرّي.. مهجتي.. لا لفاها

دايم تضم اللي لها صار منضم

ذاك الغرير الحي دايم وصاها

لو صاحت الافواه في فعلتي ذم

لا أتمم.. حلوفي.. قصايد.. رثاها

مامات لي ياكود روحٍ بي تهِمْ

دمي جسد.. روحٍ.. نسمها هواها

كانت ولازالت لي الروح والدم

ماتت عظيمه في عيوني غلاها

رد: ديوان شعراء السعودية في العصر الحديث (متجدد)☘️☘️
 

قصيدة إغماءة فقد
الشاعر: غازي بن عالي غازي بن عالي
#العصر الحديث
#المملكة العربية السعودية
0
67 مشاهدة

كان الفراق الي جنيناه آسما
من عيشةٍ تجرح لقاي وحضوري
ياساكنه مايشبهك كود هالما
الي روى بالشوق باقة زهوري
لمّي بقايا حلمنا مابي اظما
يكفي شربت الذل وإنتك زوري
إغماءة الفرحه بها الشوق أعمى
تقدر! تحقق في وصالك عبوري؟
شوفي أنا وشلون لا جيت أدمى
أجرح علشانك واسيّح إشعوري
الوجد فيني يشبه اليوم سلمى
وآجا يخالط عبرته في سطوري
ممنون للذكرى على صوتٍ أكما
من بحته أخفت معالم ظهوري
كان الفراق الي جنيناه آسما
أنشهد إنه من دواعي سروري

رد: ديوان شعراء السعودية في العصر الحديث (متجدد)☘️☘️
 

قصيدة عشرينتي طفله
الشاعر: غازي بن عالي غازي بن عالي
#العصر الحديث
#المملكة العربية السعودية
0
67 مشاهدة

عشرينتي طفله اسرني هواها
ماتعشق الا من الثلاثين عمري
ناديتها واقفت وكني معاها
في موقفٍ شتت مسارات فكري
راحت ومدري ياعرب وش بلاها
راحت وانا من عقبها ضاق صدري
راحت وخلت لي عباير جفاها
تكتب معاناتي على حروف شعري
راحت وقفى خيرها من وراها
واقفت معاه سنين تسري.. وتسري
تبت يدين فراقها الي خذاها
وتبت يدين الي نواني ب غدري
ماطحت لو اني ف عالي سماها
ماطحت لو غيابها زآد كسري
صبري تقدا يابشر من وفاها
صبري حليم وماعزم يوم هجري
ببقى على عهدي وببقى معاها
عشقٍ نزيهٍ ماعرف يوم هذري

رد: ديوان شعراء السعودية في العصر الحديث (متجدد)☘️☘️
 

قصيدة طفلة أنفاسي
الشاعر: غازي بن عالي غازي بن عالي
#العصر الحديث
#المملكة العربية السعودية
0
63 مشاهدة

الحنين اللي تهجى بي غياب

لاطرى جاني عليّه ب أكثره

فاقدٍ أشياء معناها عِتاب

في شهيق الآه همي يزفره

تهت كلي طاردٍ ذاك السراب

ضاميٍ كلي ولا لي مقدره

غربتي همٍ غدابي فالنشاب

بين إثم وبين ذنب أستغفره

الغريب الي قضى بالاغتراب

من ظروف الوقت منهو يعذره

ضاعت الآمال ب عيونه وذاب

من دفن روحه معا ذيك المره

طفلة أنفاسي نسايمها هباب

شفتها تسكن هذيك المقبره

جيتها كهلٍ ذبل حاله وشاب

ذابلٍ.. عاف الحياة المزهره

جيت شاعر جيت زرياب العذاب

في مقامٍ.. ب البياتي.. أجهره

جيت رائي في روايات الكتاب

أرتشف خمر المعاني وأسكره

عند ضليّل القصايد ب إستهاب

لا بدى لافظ.. ينادي عبقره

تاهت الخطوه وضيعنا الصواب

والحظوظ اليوم صارت مدبره

قصتي مابين حرفينٍ.. تجاب

إن جيم الحلم عندي مكثره

من وهايب ذو الصفات الي تهاب

ماعلي من..الحظوظ المكدره

ماتهم احوال طاولها الغياب

احمد الله وسط قافي وأشكره

رد: ديوان شعراء السعودية في العصر الحديث (متجدد)☘️☘️
 

قصيدة بشار عاث وعاثت ذنوب بشار
الشاعر: غازي بن عالي غازي بن عالي
#العصر الحديث
#المملكة العربية السعودية
0
62 مشاهدة

بشار عاث وعاثت ذنوب بشار
وذنوبنا بالصمت صارت بدايل
ياامة التوحيد لو صار ماصار
لاتسكتين اليوم حنا قبايل
شومي على بشار شبي لنا النار
شبي حرايق واشعليها شعايل
نموت ماداست خنا الفرس مقدار
من شامنا ولكل شيطان عايل
مدامنا احرار بنعيش احرار
بنعيش ماذقنا هوان وذلايل
بنعيش حق وحقنا ياهل الدار
الشام تبقى غصب والشك زايل
هاتوا الطبول وجندو كل بيطار
على عدو الله حقن تهايل
دف دف ددف وصوتها يجهر جهار
بالله أكبر هل صوت الطبايل
اصوات حق المعركه لابغت ثار
للدين ثم اعراض اهل الحمايل
الي على دين الصحابه لهم عار
وصمة خنا يرقص بها كل شايل
لاملةٍ يكتب لها رد واعبار
ولادين حلل فعلهم بالرذايل
انجاس عاشو في كنف موطنن بار
واليوم عقو للوطن بالفعايل
ويالله عليك بنصرةٍ تجبر جبار
لكسور من ناجوك نصرن يخايل
عسى السعد يمطر تباشير ثوار
نصرن يكرر طيب فعل الاوايل
ابن الوليد الي سعى بين الاخيار
ماصار مثله في كثير وقلايل
دمر حكم كسرى وبجنودن ابرار
الكل منهم للشهاده يحايل
هذي فعايل من على العزه اشهار
شاموا على الطغيان شبوا فتايل
مانكتفي الا على راس بشار
ولا لنا غيره شروط وبدايل

رد: ديوان شعراء السعودية في العصر الحديث (متجدد)☘️☘️
 

قصيدة شمريّك
الشاعر: غازي بن عالي غازي بن عالي
#العصر الحديث
#المملكة العربية السعودية
0
63 مشاهدة

مُحاكاه مُتبعثره..
شمريّك
يعشقك في موعد لقى..
إنكتب من وحي صدفه..
وإنخلق من شوق عين..
و
آه وينك..
مالقينا حنينك!
.. كنت لحظه؟
إحتوتني وانزعت..
واسرقتني واظفرت..
واطعنتني وجاهرت..
لابكتني في غياب ولا سهرت..
ولاطرتني في ليال ولا سمرت؟
احتريته ليل هم!!
واشرقت بي شمس غم!!
احتريته للوداع..
وانكتب لي هالضياع!
اه ياليل الموادع..
مابقى للوجد شارع..
ومابقى للضيق رادع؟!
وآه ليتك تعلمين..
في غياب مفارقين..
إبتدو من وحي صدفه..
وإنتهو من ضيق شُرفه..
دون حب..
دون لقيا..
وهاك
هاك
صدر الشمري.. انتحربه..
وإنتهيني من عذاب?!

رد: ديوان شعراء السعودية في العصر الحديث (متجدد)☘️☘️
 

قصيدة بجروح صدر الشمري
الشاعر: غازي بن عالي غازي بن عالي
#العصر الحديث
#المملكة العربية السعودية
0
62 مشاهدة

بلاش تضحك لي وانا كلي إهموم

يللي تركت الهم فيني علامك؟

خليتني من شوفتك حيل محروم

اتبع علومك وأتحرى سلامك

واليوم شفني في كوابيس وحلوم

عايش كئيب ومحتويني ظلامك

عن شوفتك والله مازلت مضيوم

ولولا الغلا يمدي نسينا احترامك

ابطيت ماطليت في طلّتك يوم

وشلون عينك تهتني في منامك

للشوق حزه وللسهر وقت مشئوم

وللحرف غصه لاكتبني كلامك

وللبؤس في ناظر عيوني على الدوم

متكيّده بطعون تحمل سهامك

بسك تجرعني غيابات وإسموم

وانا على هجرك اعاتب هيامك

ان كنت عايف ياخيال بلا لوم

بجروح صدر الشمري مايضامك

سافر وخل الي غدى كله إهموم

يعيش في همه ويرقب سلامك!

رد: ديوان شعراء السعودية في العصر الحديث (متجدد)☘️☘️
 

قصيدة بجروح صدر الشمري
الشاعر: غازي بن عالي غازي بن عالي
#العصر الحديث
#المملكة العربية السعودية
0
61 مشاهدة

بلاش تضحك لي وانا كلي إهموم

يللي تركت الهم فيني علامك؟

خليتني من شوفتك حيل محروم

اتبع علومك وأتحرى سلامك

واليوم شفني في كوابيس وحلوم

عايش كئيب ومحتويني ظلامك

عن شوفتك والله مازلت مضيوم

ولولا الغلا يمدي نسينا احترامك

ابطيت ماطليت في طلّتك يوم

وشلون عينك تهتني في منامك

للشوق حزه وللسهر وقت مشئوم

وللحرف غصه لاكتبني كلامك

وللبؤس في ناظر عيوني على الدوم

متكيّده بطعون تحمل سهامك

بسك تجرعني غيابات وإسموم

وانا على هجرك اعاتب هيامك

ان كنت عايف ياخيال بلا لوم

بجروح صدر الشمري مايضامك

سافر وخل الي غدى كله إهموم

يعيش في همه ويرقب سلامك!

رد: ديوان شعراء السعودية في العصر الحديث (متجدد)☘️☘️
 

قصيدة دلع غنجا
الشاعر: غازي بن عالي غازي بن عالي
#العصر الحديث
#المملكة العربية السعودية
0
61 مشاهدة

لو بكتبك ياشهد قيفان

بيّن ب قافي.. دلع غنجا

احترت ويش أكتبك بأوزان

يومك لي الروح والملجا

اليا همستي تقول ألحان

صوت الدلع صوت كمنجا

بنت الحلا والحلا عنوان

أحلا من الزين في طنجا

ياوصفها الزين يالفتان

خوخة حلا..وسكرة منجا

غيبتك موتٍ عليّه حان

وقربك لي العون والمنجا

رد: ديوان شعراء السعودية في العصر الحديث (متجدد)☘️☘️
 

قصيدة مرت مواني رحلة الذات في غاء
الشاعر: غازي بن عالي غازي بن عالي
#العصر الحديث
#المملكة العربية السعودية
0
61 مشاهدة

متى يجينا شي من واقع اشياء

اشياء ماهي لو نبيها تجينا..!!!

بين الحروف الواو والجيم والباء

قول الصراحه من زمان ايحدينا

جيت اتوكآ انثر بدربي اشلاء

اشلاء فكرة طرح ماتهتوينا!!!!

آمالنا رُفات من باقي أحياء..!؟

احياء ماتو من قديم السنينا..!!

تحنطت في عِرفها وصف مُمياء

حتى غدى مفهومها مكتسينا!!!

من مُبلغ الحيين من داخل احياء

يا سليّكم مافيه علمن يقينا..!!

مرّت مواني رحلة الذات في غاء

واستلهم الغازي على كل مينا!!

وخطط على باءن تساوت له آباء

والشين قبل الياء والراء فينا..!!

طفلٍ نسج حلم المعارف على اء

حتى كسب تصفيقنا في يدينا..!!

هو كيف حال الوقت ياوقت الاعداء

جساس أمسى بين لحده دفينا..!!!

ماينفع الا مطاحن خشوم ي عاء

إسقاط حرفك صب همّه علينا..!!

رمزيّة المعنى تبي مني إضفاء

في دفتر خطوط الغريب السجينا

من مُبتدا ه الناس تعطيلك اراء؟

ياعونت الله مالقينا معينا..!!!

تشقدت افواه من جملة أصداء

تحكي عن أحوال الزمان المُهينا

بدايته صوتٍ يعدد لك اسماء!!

ونهايته هدام للي بنينا..!!!!!

رد: ديوان شعراء السعودية في العصر الحديث (متجدد)☘️☘️
 

قصيدة لا تشتكي ل هموم الايام ياصاح
الشاعر: غازي بن عالي غازي بن عالي
#العصر الحديث
#المملكة العربية السعودية
0
60 مشاهدة

لا تشتكي ل هموم الايام ياصاح

دنياك هاذي بين حزن ومسره

مرات ناخذه به على النقوه افراح

ومرات.. ناخذ به من الهم حره

لاتشتكي لا زاد في نفسك ال آآآآح

وال آح مبطي وسط..صدري أجره

شفني غريبٍ ينسج احلامه أتراح

همّه على.. المركون.. دايم يبره

أستلهم الاحساس في صوت صداح

على صدايا ضيق.. صدري مقره

وإستلهمت بي جُملةٍ كلها جراح

وأهملت.. أولها.. عقب كان ذره

وجتني سناينها على الغِره رماح

مترادفات.. ب مسرجات..الأغره

ياحظي البائس من أعماق الأصداح

هو..ليه.. حالينا.. يخالطه مُره

أعلّق.. آمالي.. على.. كل.. ملواح

وا هد طير..الحظ.. مره ومره

اما يجي كاسب من الهده امداح

على.. سنام.. القول.. لله دره

والا مثل ماراح ياليت.. ماراح

ماهوب طايل.. شامخات المجره

قسايم الخلاق تجزى ل الأرواح

أقدار..مكتوبه.. ب نفع ومضره

ولا تشتكي ل هموم الايام ياصاح

دنياك هاذي..بين حزن ومسره

رد: ديوان شعراء السعودية في العصر الحديث (متجدد)☘️☘️
 

قصيدة خذلان
الشاعر: غازي بن عالي غازي بن عالي
#العصر الحديث
#المملكة العربية السعودية
0
60 مشاهدة

خِذْلان يا درب العنا صابني ضيق

هجران والغربة لعيني منافي

أعطيتهم ب العهد كل المواثيق

ومأمنّهم في دنيتي صار وافي

الجرح بيّن من فعول المخاليق

اللي بجرحي تستفز الخوافي

فرشت خفاقي وضاقت معاليق

وشجون روحي غايره بالتلافي

ما عادت غصون الأمل لي مواريق

وما عادت الفرحة بعيني تشافي

اعطي وأزيد الزود من دون تفريق

لو كان دربي شوك أمشيه حافي

الله من قِل الوفاء والتوافيق

والله يا جرح القريب السنافي

اللي جعلني ب كربةٍ دون ما فيق

يذري علي من الغبن كل سافي

شفت القسا والهم لو كنت ما طيق

حتى تبين فالقصيد اعترافي

خليتها بين الضلوع المغاليق

عسى مع الأيام تصبح عوافي

رد: ديوان شعراء السعودية في العصر الحديث (متجدد)☘️☘️
 

قصيدة غازيك مستعمرآ غصاب
الشاعر: غازي بن عالي غازي بن عالي
#العصر الحديث
#المملكة العربية السعودية
0
59 مشاهدة

تعال قلي وش الاسباب

حتى مع الوقت تجفاني

العام كانوا لي الاحباب

واليوم بالحيل وحداني

يالشمريه عليك عتاب

زدتي مع الجور حرماني

غازيك شفقٍ على الاقراب

ونارك من البُعد تصلاني

غازيك مستعمرآ غصاب

وعندك يناجيك ويعاني

اعاتبك للوله وانصاب

من سيف الاقصين والداني

الدمع منّك غدا سكاب

يذرف غلا..فوق الاوجاني

تهت ب غلاتك هوى واعجاب

والقلب.. ل الحب.. وداني

شفت الهوى والهوى غلاب

جرحني.. اليوم.. وأدماني

ياليتني والوصل ينجاب

لا أشريه من دم.. شرياني

وش عاد لو زادو الاحباب

في غربتي عشت وحداني

رد: ديوان شعراء السعودية في العصر الحديث (متجدد)☘️☘️
 

قصيدة وتبقى لك العزوه عدود وعشاير
الشاعر: غازي بن عالي غازي بن عالي
#العصر الحديث
#المملكة العربية السعودية
0
60 مشاهدة

يامل حالن.. عذبته التفاكير

متهوجسن مابين ضايق وحاير

يرجي على الله يقبل الحظ ويصير

عزن عقب ضيقٍ على النفس جاير

لاياهجوس الشعر من دون تآخير

غيم القريحه ممتلي ب الغزاير

حالن.. شكيته يوم قِل التدابير

مع الهموم الي غدت لي حساير

متغلغله من دون حقن وتبرير

اليا لفت ب اجموعها ماتخاير

الي غدى حظه به اليوم تآثير

عليه من كسب الجميله خساير

الي مثل حالي يسوق التعابير

يسوقها والدم ب الحيل فاير

من شي يجفونه جميع المناعير

هم ينقدونه لا غدى ب النذاير

ياراغبن ب الشر مادونك الخير

وبليس يمك يشعبك ل السعاير

طاوعت ناسن بالبلاوي معاثير

واصبحت يامسكين ب الحال باير

هم سهلوا شرك وجولك طوابير

ماعنّها ياكود هم وشراير

منته على درب النشاما تبي تسير

وان سيروك اليوم منته ب ساير

بدّيت فعلن.. ماخذوه المغاوير

ولانته على الصملات يالفرد ثاير

ياحيف ثم ياحيف كسبك مخاسير

يوم إتلفت ب الفعل ل الصغاير

اقديت في وصفك على القاف تسخير

وخطيت ماتخفيه نفوس وضماير

وأدنيت لك ب العز كل التياسير

واخفيتها والحِلم ب عيني شعاير

عليك يافكرن.. غدى ب الدنانير

يامسيّرن راعيك بشر الجراير

منهو بغى ياخذ مع الناس تقدير

يلقى فعوله.. شوفها ب البصاير

بتشوف في عينك معاني وتعبير

لا بيّنت ب خطوطها والدواير

تعرف كلامٍ.. جربوه المخابير

لا خونت باردوتك ب الذخاير

تلقى رفيقك محزمك كنه الطير

للموت دونك محتمي لك وغاير

يبقى كبير الضيق في عينك إصغير

وتبقى لك العزوه عدود وعشاير

هذا وتم القول من دون تصغير

علمن عليه إمن المعاني نضاير

رد: ديوان شعراء السعودية في العصر الحديث (متجدد)☘️☘️
 

قصيدة شمريك ضاق صدره
الشاعر: غازي بن عالي غازي بن عالي
#العصر الحديث
#المملكة العربية السعودية
0
58 مشاهدة

شمريّك ضاق صدره بالغياب

يسألك.. بالله.. هاتي.. له لقى

الاماني كلها.. صارت هباب

والحظوظ اليوم يانشمي محقى

غربتي منفى ذهاب إبلا إياب

من طفولة.. بؤسنا ذقنا الشقى

جيتلك شاعر ذبل حاله وشاب

كيف ينولك..للسحاب اليا رقى

كيف يطولك لاغديتي له سراب

والروى بيديك.. وانتي له نقى

اعتقيني من تباريحك.. عذاب

واجمعي وصل اللقى ب الملتقى

يقترف بك شاعرآ.. مايوم تاب

عن ذنوب الحب.. ياخمري هقى

كانوا الاصحاب.. أسباب الغياب

وصرنا حنا.. يالغلا أحلا اصدقى

بالهجر والضيم.. وانواع التباب

وسط.. صدرآ لو.. توقى.. ماوقى

مطنيٍ بك كايد الحسن المُهاب

فارقٍ وصفك.. عن.. الغيد.. فرقى

احسن اسلى عن غيابك لو يصاب

صدري اللي يرسم ل شوفك لقى

رد: ديوان شعراء السعودية في العصر الحديث (متجدد)☘️☘️
 

قصيدة شهد بشار
الشاعر: غازي بن عالي غازي بن عالي
#العصر الحديث
#المملكة العربية السعودية
0
58 مشاهدة

هاتو شهد بشار هاتو غلاتي

هاتو ونيسة.. روح فيني تبدّت

لامن حكت هزت طوراف شفاتي

كل المعاني في خفوقي تجدّت

بنتن لنا شوفه يزيّن حياتي

ينبت بشوفي.. ورد كلما تلدّت

مشتاق له شوقٍ سما وسط ذاتي

لا شفتها نفسي من الضيق هدّت

لا قالت اسمي بين خاثي وخاتي

حكيً لها روحي.. ب ضمّه تودّت

هي مهجتي هي غلوتي هي غناتي

النفس عن غيره من العام سدّت

رد: ديوان شعراء السعودية في العصر الحديث (متجدد)☘️☘️
 

قصيدة ياكبر ضيقات الليالي والايام
الشاعر: غازي بن عالي غازي بن عالي
#العصر الحديث
#المملكة العربية السعودية
0
57 مشاهدة

ياكبر ضيقات الليالي والايام

لا حولت.. نبرك لها.. مانبالي

ماهمنا لو زادت أوهام وأوهام

يحلها.. الرحمن.. رب الجلالي

هاذي ثلاث سنين يابحر الأحلام

وعيني على الغالي تزيد احتمالي

ماهمني لو طالت المده أعوام

ولو كثّروا ب الصد..ماضاق بالي

الله وكيلك مابقى غير الاقلاااام

أكتبّها..شوقي على.. فقد غالي

وتجمعت بي في معاريف الأقوام

لاصار مالك مع هل الحظ والي

ي الضيقه الي تشتويني لها عام

اقصى لهايبها على القلب صالي

اسج عنها في مراقيب الاسنام

الي عليها.. شف.. حالي حلالي

الي بها حِدب الغوارب علت شام

ماتسكن الا فوق روس الجبالي

أسلى بها فكرآ على الطايله هام

على زراجٍ في.. عيوني صفالي

اخير لي من جلسةٍ تجلب اوهام

وتحط بي من كل..هجسٍ طرالي

شفي وانا شفي له سنين منضام

وسط البيوت الغلق هجسه عنالي

يطري لي الي نايحٍ يم الاكرام

متى على الله.. يقرب اللي سعالي

رد: ديوان شعراء السعودية في العصر الحديث (متجدد)☘️☘️
 

قصيدة تعال نشرب في معيتك الاشواق
الشاعر: غازي بن عالي غازي بن عالي
#العصر الحديث
#المملكة العربية السعودية
0
58 مشاهدة

تعال نشرب في معيتك الأشواق
صب الحنين وقهوني بزدهارك
تعبت أساير خافقٍ كل ماضاق
غنا على فقدك جنون إنتظارك
مابين حلم اشواق واعناق وفراق
مرت أماني لحظتي في مسارك
وغنيت لك مشتاق مشتاق مشتاق
بآهات تكويها من البُعد نارك..
لك الهوى والشوق والروح تنساق
والطيف لا منه تعنى وزارك
يذوقني من لهفتك كل ترياق
يمسي على دارك وتسعد ديارك
ادري بأن فراقنا صعب ينطاق!
مهما كتبت من الجُمل لأعتذارك
ضايع بدونك ياغروبي والاشراق
متى يبين الحلم وأقطف ثمارك
علمتني ان الغلا يسكن أحداق
لقيتني أجبر حنين إنكسارك
وعلمتني وشلون لا صرت تواق
واقف على باب الأمل وإنتظارك
مابه اماني حلم والحزن قد فاق
حرفي وهمي والغياب اختيارك
تعبت أغني في غيابك للأشواق
مر اللقا من دون يسدل ستارك

رد: ديوان شعراء السعودية في العصر الحديث (متجدد)☘️☘️
 

قصيدة عقولٍ تعشق الرأفه بليده دون فكرية
الشاعر: غازي بن عالي غازي بن عالي
#العصر الحديث
#المملكة العربية السعودية
0
56 مشاهدة

عظيمه لو كتبنا حلمنا وازهر بنا محتاج

يبس حلم الغنى يعيش في كفين فقرية

على لون القصيد الي يهدي ثورة الازعاج

حمامة فكري الباسق تغني كل فجرية!

تمولنا لحن خافت أغاني والشعور سراج

ضوى نوته مشاعرنا نسايم ليل سحرية..

اغنيها هوى جنن جنونه تلبس الديباج

على طروادها جينا نسوق الدرب عبرية!!

نكبل ماتكبل من نفوسٍ شايكه ب سياج

مساجينٍ تحلم تشوف نور الشمس عصرية

هِنا كل الشعور الي سكني وأثمر الانتاج

نسايم صوت لأم سالم على تلحين قمرية..

بيوت الشعر يكتبنا حنينه في رغيف الصاج

ودلة بنّ،،، تطربنا هوابل ذود صفرية

على حبه ندقه دق ودقتنا على المهباج

لذايذ طعم مايعرف سوا من ذاق برية

سكبنا النور في كف الفقير الحالم الوهاج

وبقى يرقب مساعي ناس للخيرات خيرية

تأثرنا وثرنا في ثرانا كننا حجاج

وكثيرٍ مننا يسكن مساكن ناس جبرية!!

هِنا وبكل بساطه والكلافه قلّة الابراج

تضيّع ساري الخطوه عتام ب ليل سبرية

نعلّم كيف نتعلم نروف ونرحم المحتاج

عقولٍ تعشق الرأفه بليده دون فكرية..!!!

رد: ديوان شعراء السعودية في العصر الحديث (متجدد)☘️☘️
 

قصيدة اخر مراسيلك
الشاعر: غازي بن عالي غازي بن عالي
#العصر الحديث
#المملكة العربية السعودية
0
55 مشاهدة

إذا تسمح حبيبي همس من بوحك يرد شعور

ذبل منهو كتب حلمه على لمة مراسيلك..

تعال وناظر ب عينك تشوف بداخلي مكسور

طفل ذابت أمانيّه يشوف الحلم في ليلك..

عجب!!وش غيّر قلوبٍ تعاف من السهر ديجور

وأنا أخبر من جميل الوقت ليلي في تعاليلك

غريبك أصله مهايب يشومك لا غديت تبور

نسج حلمه على كلمه كتبها في تفاصيلك..

نسجتك من بديع أشعاري الثكلى عبير زهور

نسايمها على النوته لحن ب إبداع أغني لك

شعور الشاعر اللي لاشعر بك بالوفاء معذور

عليك أستسقي.. آمالٍ بها تنثر هماليلك..

اجيلك بالغلا تحويشة إشعورآ يبي جمهور

أغني بك قصيده فاخره تسكن مداهيلك..

أحرّك شوقي العارم على ليلٍ بزغ به نور

حظن من صبحك الباهر حنينه في مواويلك

تبختر دامني شاعر فرش لك شوقه المنثور

عليك الله لو تطلب على أمرك أسمي لك..

تجيني صدق وأحيي عليك الشوق لك طابور

بيديني ورد من وردك رحيقه يسكن إكليلك

وأداري بك عن العالم اخاف اللي تجيب الزور

كلام الحب في سرك سكوت وكمل إجميلك

انا وش لي على حبك اخطه ف القصيد سطور

واشوف جموع من فرقى تدابك بي على خيلك

اذا قصدك هوى شمر انا في داخلي مقهور

طعنت.. الضيغمي.. مره ولا ظنيت ياتيلك..

عليك اليوم.. مالومك تجي تكتب كلام شعور

انا من كلمتك أول.. نسيت آخر مراسيلك..

رد: ديوان شعراء السعودية في العصر الحديث (متجدد)☘️☘️
 

قصيدة سلام ياهامة بعيدات الاذهان
الشاعر: غازي بن عالي غازي بن عالي
#العصر الحديث
#المملكة العربية السعودية
0
55 مشاهدة

سلام ياهامة بعيدات الاذهان

يلي عليك القاف يطرب سماعه!!!

مني عدد ماتندرج فيه الاوزان

تركيبته ماهي على وقت ساعه..!!

ايام والا شهور من ماضيٍ كان

لا حولت من حولها ب استطاعه..!!

عاتبتني من عام ياطيّب الشان

وخليت هرجك في ضميري وداعه

قلت العلو مكسب على مر الازمان

لا تتركه لو طال فيك امتناعه..!!!

وجيتك على علمٍ شعى يوم لي زان

جو الكلام الي سطى في شعاعه

جيتك على علم المعاني ب قيفان

اسوقها في جاه جاهك جماعه..!!

ابسألك عن واحدٍ ماله إحسان

يمشي دروبٍ مايحسّب ضياعه..!

وابسألك عن جيل خايب وتعبان

راعيه مايعرف امور انطباعه..!!!!!

وابسألك عن واحدٍ قال شتان؟؟

اسوق رجلي دربها للصياعه..!!!!

وابسألك عن شي ماهو بميزان

هو غاية الانسان يوم المجاعه..!!!

علمتني ان السوالف لها اثمان

وانت الثمن عندي بليا بضاعه..!!

قد قالها قبلي سلايل كحيلان

وانا على قوله وشعري متاعه..!!!!

عيبٍ على الي يتقي عقب مابان

وعيبٍ طمان النفس عقب ارتفاعه

رد: ديوان شعراء السعودية في العصر الحديث (متجدد)☘️☘️
 

قصيدة ناديت لكن مالقى صوتي مجيب
الشاعر: غازي بن عالي غازي بن عالي
#العصر الحديث
#المملكة العربية السعودية
0
52 مشاهدة

يابشيّر اسمع والحكايا تمني

ناديت لكن مالقى صوتي مجيب

دام السنين المقفيه ماعطني

غير الجروح الغايرات المعاطيب

ياخوي لو عانيت ماشفت مني

الا شموخ العز في داخل مهيب

ياخوي لو خطيت بالحرف عني

بعض المعاني ماتجي دون ترغيب!

وبعض الحظوظ الي رمتكْ ورمني

رمية حسيد العين وسط المحاديب

من سقمها ياما علتكْ وعلني

وخلت شقانا يشتعل ب اللواهيب

اركي عليها النار وازيد بني

اشرب مراره بالرضى والمغاصيب

واليوم انا ياخوك قد خاب ظني

بالصاحب الي كان من يمي إقريب

الي وصوفه بالعمر مثل سني

ياما عليه الطيب يرقى على الطيب

وياما غرسته من قديم وبلنْي

صلفات حقدٍ ماتعرف المواجيب

لو صدروها مكثرين التجني

في ليلةٍ يصدح بها عاوي الذيب

دام الغوالب بالقسى ماتحني

عمر الشجاعه ماعثت ف الغواليب

الي عليها وصفهم مستكني

لا لاحقه شكه ولا قيل به عيب

قلت الخفا ياخوي قصدي تمني

ناديت لكن مالقى صوتي مجيب

رد: ديوان شعراء السعودية في العصر الحديث (متجدد)☘️☘️
 

قصيدة أوركيدتي
الشاعر: غازي بن عالي غازي بن عالي
#العصر الحديث
#المملكة العربية السعودية
0
51 مشاهدة

شفت الزهر يرسم معانيه للنور

أوركيدتي بالشوق طوّل حضورك

كنا وكنتي حلم في صدر معمور

ما زاربك جور السنين ودهورك

ولامر بك قلبٍ يغنيك بشعور

حتى تباها صورته في سطورك

يكتبك شاعر خافقه كلّه زهور

طيبه نسايم نابعه من عطورك

يمطر مشاعر طيب في قلب ممطور

يكتب شعوره ويتغنى شعورك

أوركيدتي والشوق ماليني إحضور

كلما ندهت وجاوب الصمت جورك

بالله لا يبطي حنينك مع الحور

إليا لفن والشوق ينثر زهورك

لمي بقايا شوقنا وصل وجسور

مدي حبالي صوت تلقى جسورك

إلى متى والشوق عضوٍ ومبتور

من غرغرينا البُعد لآخر عبورك

حالي كذا في ظلمتي ارتقب نور

متى تبيني وأحظن اليوم نورك

رد: ديوان شعراء السعودية في العصر الحديث (متجدد)☘️☘️
 

قصيدة أقفى فمان الله إتمتم شفاتي
الشاعر: غازي بن عالي غازي بن عالي
#العصر الحديث
#المملكة العربية السعودية
0
50 مشاهدة

يافقد والله مابقى ل ناظري حلْ
وانته على الغالين تدبر وتاتي!
مرات اشوف الشوق مرات يرحلْ
من قلة الحيلات هذي سواتي!
شفني من التفكير والحال منسلْ
فاقد وليفٍ كان يسوى حياتي!
يامُر حال اليوم وشلون ب جهلْ
وانا عذابي راسخٍ..في جهاتي!
ثلاث ودتني،، على حل وآ ملْ
والرابعه نفسي وضيعة شتاتي!
اللهً من ضيقٍ على نفسي اجزلْ
من وين ماعفته.. لقيته يحاتي!!
رسمت به حلم الليالي وعلل؟
للصوره الي صايره من صفاتي!
همي وحزني نوح بالليل يقبِل
ماخالطه غير الآسى في مباتي!!
ليته يروف ب حالتي ويتجمل
واقتات من شوفه جميل اُمنياتي!
رآح وتباعد في دروبه على حِل
أقفى فمان الله.. إتمتم شفاتي..؟!

رد: ديوان شعراء السعودية في العصر الحديث (متجدد)☘️☘️
 

قصيدة قنوت الحلم
الشاعر: غازي بن عالي غازي بن عالي
#العصر الحديث
#المملكة العربية السعودية
0
45 مشاهدة

الليلة إشعور الغلا كله إحساس

مرّي علي بسمع ترانيم صوتك

مشتاق لك من قلب يا نبض الأنفاس

أحياك مرة وألف مرة أموتك

يلي جمالك طاغيً بين الأجناس

فيك اختلط مرجان لو لك ياقوتك

إبهارك إعجازآ سما فوق مقياس

في مبسمك حمار جمرك وتوتك

وعيونك الي سحرها بين الأقواس

سهامها تذبح.. عشيقن يموتك

رشيقة الأوصاف في در الألماس

بسكوتة المذاق سكر فروتك

حلمي نزفته يوم دقيت الأجراس

على كنيسة حبنا في قنوتك

استصعب الآمال في زحمة الياس

وداعتك يوم اللقى لا يفوتك

صدري ل قلبك يا غلا الروح مجلاس

وضلوع صدري لو بغيتي بيوتك

جيتك وأنا في داخلي أنزف إحساس

بوحي تفجر واحترق من سكوتك

رد: ديوان شعراء السعودية في العصر الحديث (متجدد)☘️☘️
 

قصيدة معك الضياغم راسية فوق منزال
الشاعر: غازي بن عالي غازي بن عالي
#العصر الحديث
#المملكة العربية السعودية
0
46 مشاهدة

اللابه الي من قديمٍ سطرها

فخرآ ينومسنا على مر الاجيال

تنبت بقاع الطيب صافي زهرها

وتفوح ريحة ذكرهم قول وأفعال

قلت الضياغم غيمها من مطرها

هداج نبع فعول من طيبها سال

يامفلح ادحم والمعاني جهرها

غازي وغازي محزمك لأشهب اللال

من يومها للحين بيّن شهرها

قصيدةٍ في وصفها مالها أمثال

نسوق ترفات القصايد مهرها

فكرٍ غشاه القرب من فوق ماطال؟

والطايله يمناك تغرف نهرها

منْك ي اخو سلمى معاني وتمثال

اقولها وانت القصيده فخرها

نورٍ شعى بالطيب وفعلك له ظلال

ادحم وخل السالفه من خبرها

معك الضياغم راسية فوق منزال

واللابه الي من قديمٍ سطرها

فخرآ ينومسنا على مر الاجيال

رد: ديوان شعراء السعودية في العصر الحديث (متجدد)☘️☘️
 

قصيدة انا غازي غزيتك
الشاعر: غازي بن عالي غازي بن عالي
#العصر الحديث
#المملكة العربية السعودية
0
45 مشاهدة

كيان الشعر جيتك ساريٍ ليلي حنين عتاب

ابي ارقى مراقيك الطويله وارقب اركانك

ابي انسج من حروفك معاني والجروح كتاب

تسولف بردي إ بدونك انا بالحيل بردانك

تسليني معانيّك،، اذا غنيت ياغيّاب

تعال وكرّم الخافق لقاك وزيد بآحسانك

انا عقبك طرب ريشه عزفها بالغلا زرياب

طروب الشعر وطروقه على دانك على دانك

مقام السيك وافنون الجمال وعزفتي والراب

تخلد فيني ابداعك وغنآ الشوق قيفانك

وقبل تبعد عرفت اني بدونك عايشٍ مرتاب

رتابة ضيق حدتني اوصف شوق حرمانك

انا غازي غزيتك والغلا جيشٍ من الاهداب

على رمشك رقيتك حلم زان البدع بلحانك

واغنيلك من الضيقه عيوني والهوى غلاب

حياتي حب يسكني ولدّ الشوف بآعيانك

غلبني حظي العاثر وزاد الوجد بالاحباب

ابي القى من اللهفه معاني ترسم جنانك

كيان الشعر جيتك ساريٍ ليلي حنين عتاب

ابي ارقى مراقيك الطويله وارقب اركانك..

رد: ديوان شعراء السعودية في العصر الحديث (متجدد)☘️☘️
 

قصيدة عُذرآ أعلم حاسدي
الشاعر: غازي بن عالي غازي بن عالي
#العصر الحديث
#المملكة العربية السعودية
0
45 مشاهدة

ياوقت انا شاعر وحظي خذلني

لا جيت أوصف حالتي كلها طيش

الي عرفته من قبل ماعرفني؟

والي عرفني عايشٍ ب التطانيش

يلعنك ياحظٍ ب جوره نكبني

وانا عليه اقول ي غايتي ليش!!!

ماقلت غايب مير حظي تركني

على رصيف احلام الآيام بخشيش

اكتب شعوري والقسى مايحني

مشاعرٍ تروي يباس المعاطيش

إيه اعترف ماكان تدريه عني

ان الكرامه تعتلي لقمة العيش

عُذرآ أعلم حاسدي لا نظرني

يفهم معاني مابها قول تشويش

دام العلو هو مكسبي والتمني

يحيا شموخ نفوسنا فوق ما نيش

رد: ديوان شعراء السعودية في العصر الحديث (متجدد)☘️☘️
 

قصيدة شموخ الذات
الشاعر: غازي بن عالي غازي بن عالي
#العصر الحديث
#المملكة العربية السعودية
0
40 مشاهدة

كتبتك يالشعور اللي خلق في داخلي حرمان

لفيتك شوق يا شوق الغلا في عين غاليّه

تعب يا حال من ضيّع هواه وصابه الخذلان

كبر واستوحش الدنيا ضياع وقل واليّه

قسى يا وحدة اللقيا نشف دمي من الشريان

وأنا وصلك على روحي أبد ما ذقت حاليّه

شموخ الذات غناني وغنيته على القيفان

رسمته والمعاني في شموخك يالشماليه

اشاهق بك على القمة أعانق في سماك امزان

تهلّك روحي الثكلى.. وصال وديم وبليّه

تراودني مع الذكرى حنين ب موتت الخلان

قبل م افقد عيون أمي تجيني كل ليليه

وأخطك حرف من همسي اغني للملى طربان

اردد ماضي الذكرى حياتي بك جماليه

أمانه كيف تجرحني.. وتقتل داخلي إنسان

تصور كيف تذبحني.. على صوره خياليه

على الصورة تخط الحلم تهديني حمار ألوان

وجع في لونك الأحمر قسى يا روح مبليّه

عسى ذاك الغياب اللي خذاك ل عالم النسيان

يقفّي بك عن عيوني.. ولا ترجع ابد ليّه

رد: ديوان شعراء السعودية في العصر الحديث (متجدد)☘️☘️
 

قصيدة ماملّ منهو يرقب الصبح عصفور
الشاعر: غازي بن عالي غازي بن عالي
#العصر الحديث
#المملكة العربية السعودية
0
38 مشاهدة

كلي بلادة حس وشعور مبتور

يكتب على وجه العبور إنكساري

يادولة الاحساس شاعرك مقهور

مابين بايع حلم،، وأحلام شاري!

هذا انا من ضيقتي حيل مجبور

لاصرت أنادي وين.. رد أعتباري!

ماقلت انا من بسمتي حيل مسرور

اضحك وحزني شب بالجوف ناري

يابربروس الذات مابيك معذور

هذا شموخك دفترك واعتذاري..!

اشمخ كما خيرآ على الدين مآمور

ماهيّبه من روم الاشباح طاري!!

سعى بحله والتراحيل طابور

يسعى بها حبٍ ب فعله يماري..!؟

آما انا لا قلت لك واسمع الشور

بلاش تجذبني ل شوف إنتحاري..!!

انا دخيلك من عنا الوقت لاتبور

لا طال لقيا حظ شوف انتصاري..!!

ماملّ منهو يرقب الصبح عصفور

على ورود الأمنظ°يات ب مداري..!

حلمٍ لقى له دور في داخل الزور

ياما رسمته وإهتنى منه جاري!!

اقسم بمن نزل تبارك مع الطور

لولا الأمل ماكان طال انتظاري.!!

صابر مع الي ماخذٍ بالصبر دور

يكتب على الله يقبل الحظ شاري..!!

رد: ديوان شعراء السعودية في العصر الحديث (متجدد)☘️☘️
 

قصيدة الحظوظ السود
الشاعر: غازي بن عالي غازي بن عالي
#العصر الحديث
#المملكة العربية السعودية
0
23 مشاهدة

يا ضيقتي والجروح شهود

من زود جورك لي أضدادي

عشتك قهر من قديم يزود

في داخلي جمر وقادي

يا ضيقتي وش بقالي زود

لا ضقت صدرت للوادي

الوادي اللي سكنه العود

مات وتركني على سهادي

العام أخايل فرجك يجود

لا تجتنب يوم ميعادي

لا تقول لي جودنا ما جود

ما جاد من جود الأجوادي

حظي اعرفه قليل الفود

ما ذاد لو قلت أنا ذادي

عايش معي من زمان جحود

مقرون فيني بميلادي

يا غربتي والملاذ عدود

يبست رواتك على جهادي

جيتك أسوقك على المردود

واثري على الوهم متهادي

مالي ومال الحظوظ السود

دامي معك صرت أنا الغادي

بغيتها بس لي تجود

وجادت لغيري على الهادي

انشهد إني أنا المقرود

من يوم ما جيت للوادي

رد: ديوان شعراء السعودية في العصر الحديث (متجدد)☘️☘️
 

قصيدة الحظوظ السود
الشاعر: غازي بن عالي غازي بن عالي
#العصر الحديث
#المملكة العربية السعودية
0
22 مشاهدة

يا ضيقتي والجروح شهود

من زود جورك لي أضدادي

عشتك قهر من قديم يزود

في داخلي جمر وقادي

يا ضيقتي وش بقالي زود

لا ضقت صدرت للوادي

الوادي اللي سكنه العود

مات وتركني على سهادي

العام أخايل فرجك يجود

لا تجتنب يوم ميعادي

لا تقول لي جودنا ما جود

ما جاد من جود الأجوادي

حظي اعرفه قليل الفود

ما ذاد لو قلت أنا ذادي

عايش معي من زمان جحود

مقرون فيني بميلادي

يا غربتي والملاذ عدود

يبست رواتك على جهادي

جيتك أسوقك على المردود

واثري على الوهم متهادي

مالي ومال الحظوظ السود

دامي معك صرت أنا الغادي

بغيتها بس لي تجود

وجادت لغيري على الهادي

انشهد إني أنا المقرود

من يوم ما جيت للوادي