رد: اخترنا لكم شعر نبطي وفصيح
 

العمر يومين ماهو بخلدٍ ما يزول
‏والفرص هي لذة العمر والباقي سدا

‏والسنين تروح والعمر يقصر ما يطول
‏والزمن يجري ولا هاد لحظاتٍ عدا

‏والله اني مابعد عشت بأنصاف الحلول
‏ما تهيأ منه اخذته وما اقفى به فدا

.....

رد: اخترنا لكم شعر نبطي وفصيح
 

‏ليتك بقلبي عايش زحمة الشوق
‏وتعذر إحساسي لا قلت مشتاق

‏مشتاق لك بالحيل يا أعز مخلوق
‏مشتاق لك شـوق غلب شوق عشاق

.....

رد: اخترنا لكم شعر نبطي وفصيح
 

‏لاتخضّع ولا تخشى سوا المفني الخلاق
ترا الناس لاتفني ولا هيب خلاقه

ولا ترتجي غير الله المانع الرزاق
ترا الناس لاتمنع ولاهيب رزاقه

وحياة البشر مابين لمّة شمل وفراق
ولا يفقد إلا طيبٍ يوجع فراقه

.....

رد: اخترنا لكم شعر نبطي وفصيح
 

‏أنا ما كنت أخاف من الليالي السّود يا دكتور
‏ولاكان الكلام اللي على قلبي على لساني

‏نسانيس الفجر كنها ترجعني ثلاث شهور
‏دواك اللي صرفته مابرى جرحي ونساني

‏تموت الأمنيات ويجبر الله خاطر المكسور
‏مثل ما مت في ليله فراقه والله أحياني

.....

رد: اخترنا لكم شعر نبطي وفصيح
 

‏فمان الدرب لا تردعك خطوه والسنين بحِل
‏لو انك رحت واسباب الصدود تراود ظنوني

‏على باب العيون تْوايق الدمعه ولاهو ذل
‏فتق جفن الوصل تلويحك وخانتني عيوني

.....

رد: اخترنا لكم شعر نبطي وفصيح
 

ترى بيني وبين اللي مضى بالذاكره ميلاف
‏وإلين الحين ياخذني شعورٍ من أغانينا
‏ㅤ
‏عرفت إن القدر فرصه سعيده والحياه أعراف
‏لو إن الشوق من كثر البعاد المُرّ يصلينا
‏ㅤ
‏أزورك حلم من خلف الحقيقه والشعور لحاف
‏ما دام إن الوله واقف على سكة هقاوينا

.....

رد: اخترنا لكم شعر نبطي وفصيح
 

إضحكي والماضي اللي راح سجي من شريطه
‏حتى لو إن الزمن ذكراه في صدرك نحتها

‏الزمن يقدر يلملم جرحك ويقدر يخيطه
‏قبلك ضلوعي ترا شهب الليالي كسرتها

‏وكفي دموعك مدام إني على وجه البسيطه
‏وانثريهم كان قالو لك ترا قد هو تحتها

.....

رد: اخترنا لكم شعر نبطي وفصيح
 

إن زان حظك إلزم السر والصمت
وإن شان لا تجعل عدوك يشوفه

.....

رد: اخترنا لكم شعر نبطي وفصيح
 

‏دام الفكر يغلا المخاليق جابك
حزت مساء والشوق في خافقي زاد

زان المسا والقلب رحب هلابك
وستانس الخافق ومن دون ميعاد

هذا المسا يفرق وقلبي حكابك
مساى مع طلتك كما ليل الأعياد

.....

رد: اخترنا لكم شعر نبطي وفصيح
 

زلة لسان الآدمي بعض الاحيان
‏تقـطع علاقـات الرفيـق برفيقـه

.....

رد: اخترنا لكم شعر نبطي وفصيح
 

هرج القفى في غايب الناس تالف
‏قلّت حيا وذنوب من دون قيمه

.....

رد: اخترنا لكم شعر نبطي وفصيح
 

أنتي الفارقه والنادره والثمينه
عاد أساميك واجد لا تقولين قلها

لا انثنى عودك الريان من زود لينه
كل زينه بعد زينك تعود لآهلها

.....

رد: اخترنا لكم شعر نبطي وفصيح
 

‏خل النوايا الطيّبه نصب عينك
‏واعبر طريقك لا مشيت وترفّق

‏حتى لوّ إن أهل الردا محتسينك
‏من أخلص النيّه لربه توفّق
‏
.....

رد: اخترنا لكم شعر نبطي وفصيح
 

فداك الصبح وأحلام الصغار وضحكة الأصحاب
‏وبيضان القلوب ولابس النيّات مقلوبة

‏فداك الشك لا صاروا لي اخوان السنين أغراب
‏وغابوا و كل قلبٍ يحرق اللحظات باسلوبه

‏تعدّى الجرح في صدري معك مساحة استقطاب
‏تحاليت الجروح وكل حاجة منك مرغوبة

.....

رد: اخترنا لكم شعر نبطي وفصيح
 

‏على كثر الجروح اللي بصدري ما عرفت اعتاد
‏يجيني الجرح ما كن له دروب بداخلي رحبة

‏وعلى كثر المفارق في الزمان بخاطري ما فاد
‏أنا للحين فيني من الموادع والحزن رهبة

.....

رد: اخترنا لكم شعر نبطي وفصيح
 

من استباح الضيق في وجهي وبهَّت صورتي
‏من غيَّب البسمة عن عيوني ومن طرّف بكاي

‏من علَّم شعوري الشعر يوم اختنقت بعبرتي
‏من رقّق يديني وحَدّد حرفي وقسّى حكاي

‏من ثقّل الكلمة على لساني وضخّم نبرتي
‏من طلّع من احساسي الناعم ومن ليني قِساي

.....

رد: اخترنا لكم شعر نبطي وفصيح
 

كل حبٍ غير حبك ينكشف لي زيفه
‏وكل طيفٍ غير طيفك مايهزّ إحساسي

‏وكل وجهٍ غير وجهك فالوجيه اعيفه
‏وكل صوتٍ غير صوتك ما يقنّد راسي

.....

رد: اخترنا لكم شعر نبطي وفصيح
 

أخاف أبين مدى حبك و تتّكبر
وأخاف أبين صبر قلبي وتنساني

.....

رد: اخترنا لكم شعر نبطي وفصيح
 

‏يانصف عمر الحياة ومبتغى نصف دين
‏من عاش بك حاضره ماخاف مستقبله
‏
‏يادعوه مستجابه من حدا الوالدين
‏يافرحة اللي ضحك حظه وطاب عمله
‏
‏مايَكفي العمر لو عشته معك مرتين
‏والعمر مرّه ولا يعتاض وانت أجمله

.....

رد: اخترنا لكم شعر نبطي وفصيح
 

يا حبيبي لا تناساني لو إنّك بين ناسك
‏إلهوى غلّاب و إلدنيا حوادثها ، شنيعه

‏ما شكيت إلا غلاك و لا حَطبني غير فاسك
‏ولو قطعت إلوصل ما قلت لك يا مال إلقطيعه

‏حط قلبي في عيونك لا بغيت تحط راسك
‏والله إن الصدر كله ضيق وعيونك وسيعه

.....

رد: اخترنا لكم شعر نبطي وفصيح
 

أفعل الفعل المجمّل ولا تبحث جزاه
‏ المقام اللي يجمّلك ما يبغى شُكـر

.....

رد: اخترنا لكم شعر نبطي وفصيح
 

‏بعض البشر لـــو يطلب الروح تفداه ‍
نرخص غـلانا في غلا شخص نغليه

لان الوفـاء والطيب والصـدق مبـداه ‍
وكـل الصفات الطيبة تنوصف فـيـــه

.....

رد: اخترنا لكم شعر نبطي وفصيح
 

البنت يكمل زينها في حياها
ماهو بلبس الماركه وزود مكياج

في تربيتها ودينها ومستواها
تنحط فوق الرأس وتصير له تاج

.....

رد: اخترنا لكم شعر نبطي وفصيح
 

‏خلك مع اللي لادرا بضيقتك ضاق
‏وابعد عن اللي لادرا بضيقتك صد

.....

رد: اخترنا لكم شعر نبطي وفصيح
 

‏اعظم حمول القلب حمل الكلافه
‏يومـك تدوس النـار صـابر و حافي

‏وأكبر هموم القلب هم الحسافه
‏لاصرت مع كل البشر حيل صافي

.....

رد: اخترنا لكم شعر نبطي وفصيح
 

بعض العرب لا ضـاق جوك يسليك
وإن جـيت له زعــلان عـــودت رايق

هذا صحيح اللي عن الناس يغليك
واحد ويكــفي عن جميع الخــلايق

.....

رد: اخترنا لكم شعر نبطي وفصيح
 

قال لي ودعتك الله قلت روح دربك اخضر
رافقك قلبي وفكري يالغلا قبل السلامه

الفراق اصبح ضروري واللقاء ماهو مقدر
ما نقـول الا وداعاً نلتقــي يوم القيامه

والنصيب الله يعينه كم مفارق به تعذر
بينما وجه النصيب ابيض تعداه الملامه

كلنا نرمي خطايانا على الوقت الموقر
في الكبيره والصغيره تم ظلمه واتهامه

من تأمل في طباع الناس واتمعن وفكر
تتضح له صورة الواقع وتتجــلى امامه

من يضيع من يده فرصه ثمينه ما تكرر
بيجي له يوم يذكرها ويشعر بالندامه

الغلط لو يدمحه من كاهل المخطي مبرر
ما وعد بكر ابن وائل بالفنى عم اليمامه

وفي النهايه ما نفع صيته وسيفه والمشهر
طاح واصبح تحت رحمة سيف خيال النعامه

.....

رد: اخترنا لكم شعر نبطي وفصيح
 

يقولون مبطي من بغى الدح ماقال احّ
وهذي حكمةٍ ذا الوقت ماهي مرغوبه

علي بالحرام ان العقول تعطس و تكحّ
وعلي بالحرام ان كلمة الحق مضروبه

يدنق حكيم الراي كنه يقطع جح
ويفرض ردي الراي رايه و مطلوبه

ابرجع على شعر الغزل مثل قرطب قح
اسلوبي وكل أنسان يرتاح لاسلوبه

.....

رد: اخترنا لكم شعر نبطي وفصيح
 

خذلك من الدنيا تجاريب وادروس
ودروبن ترى فيها الردى لا تجيها

واصبر على حظك ولو كان منحوس
وحاجه بيد اللاش لا ترتجيها

خاوي سنافي فيه شيمه وناموس
الخوه اللي تنشرى فا اشتريها

ولا تصحب اللي خوته خوة افلوس
ربع المصالح في الحياه ما نبيها

.....

رد: اخترنا لكم شعر نبطي وفصيح
 

تبسّم لعنبو من لا مني في ضحكتك ورضاك
‏تبسّم واخذني من عالمي في عالمٍ ثاني
‏
‏تبسّم لي فداك اللي مضى واللي بقى يفداك
‏ترى لولا غلاك وضحكتك ما بعت خلانـي
‏
‏ولا جيت اتدارك ما بقى من فرحتي و ألقاك
‏وابيع العمر كله لا ابتسم ثغرك على شاني

.....

رد: اخترنا لكم شعر نبطي وفصيح
 

‏يا رب وإن طاحت من عيوني جبال
ماطاح من عيني عظيم الرجاء بك

سبحانه

رد: اخترنا لكم شعر نبطي وفصيح
 

قل للسنين اللي تراهني على كسرة عصاي
‏ضربت الأرض لين ثوّرت الغبار من الصدور

‏أنا على ما تشتهي نفسي ووين ألقى هواي
‏محدٍ يحرك وجهة شراعي على السبع البحور

‏ليا رضيت أطيّر الحاجة وأوصلها سماي
‏وليا زعلت أخلي الحاجة دبورٍ في دبور

.....

رد: اخترنا لكم شعر نبطي وفصيح
 

جعـل السعـاده يـا متابع لك غيوم
‏تمطر على ارض المشاعر وترويك

‏وان كان في صدرك تعاليل وهموم
‏تغسـل مجاري خافقك لين ترضيك

آمين

رد: اخترنا لكم شعر نبطي وفصيح
 

حاول يكـون لظرتك هيبه وصيت
لأن الثقه بالنفـس فضـل وفضيله

وجامل وعامل بالمثل وخلك ان جيت
جية مطـر وان غبـت غيبـة قبيـله

.....

رد: اخترنا لكم شعر نبطي وفصيح
 

‏من حب له شخص في دنياه يستاهـل
يقيم عرش الغلا ويشيد صروحـه

وانا اشهد الروح ما تنساق بالساهـل
إلّا لغالي يعادل بـالغـلا روحـه

.....

رد: اخترنا لكم شعر نبطي وفصيح
 

‏أنا مدري بعينك هو أنا الصادق أو الكذاب
‏لكنّي جيت لك والناس مالي غايةٍ فيها

‏معي عمر وبقايا أمنيات وضحكتين وباب
‏معك مفتاح لحلول الحياة اللي أنا أرجيها

‏دخيلك لا تساومني على الفرقا وانا مرتاب
‏أعيش العمر فاقد ضحكةٍ ماني بناسيها

.....

رد: اخترنا لكم شعر نبطي وفصيح
 

اذا شفـت دمـعه لاتـدور لهـا تفــــــسير
وخــل العيــون تـهل ع الخــد دمــعتها

يـقـولون مـن بطــن المعـــاناه يولد خير
ولازالــــت آمـــــالي أرقـــــب ولادتـــها

قـد ربمـا تأتــي بشــاره مـع أهـل العيـر
ترجـع ســرور ألنفــس وتعــيد فرحــتها

.....

رد: اخترنا لكم شعر نبطي وفصيح
 

‏غديت أودع المقفي ولا أحب أسمع التبرير
‏أشوف ان التفاصيل الكثيره مالها داعي

‏فأنا ياللي تظن اني بدونك ما أحسن التدبير
‏هجرتك وأشتعل نور الحياه وزانت أوضاعي

‏فلا شكراً على وقتك ولا أعذرني على التقصير
‏أنا من يوم فارقتك تلاشت معظم أوجاعي

.....

رد: اخترنا لكم شعر نبطي وفصيح
 

قالوا يدور الزمن وابطا الزمن ما استدار
‏والضحكة اللي خذاها الوقت ما جابها

.....

رد: اخترنا لكم شعر نبطي وفصيح
 

من يقول انساك يكذب ما نسيتك
كيف وانت القلب من دونك عصاني

انت لو تظمأ من عروقي سقيتك
وانت لو تبعد يصير العمر فاني

.....