رد: اخترنا لكم شعر نبطي وفصيح
 

‏تدري وش أكثر شيئ فيني يحبك
قلـبي وروحي والمشاعر والإحساس

ماهـو بكيفي ذاك من جود ربك
وأنت الذي غالي زيادة على الناس

.....

رد: اخترنا لكم شعر نبطي وفصيح
 

ما معي لك حيل يا قلبي ولا لك معي حيله
‏صبرك اهون من مشاويرٍ ما تحمد عاقبتّهَا
‏
‏لانت ميّت من هوان ولانت ميت من فشيله
‏مالك إلا موتةٍ وحدة متى ما جتك متهَا

.....

رد: اخترنا لكم شعر نبطي وفصيح
 

نظافة القلب هي رزقك من الدنيا
‏مهما تضايقت لا تحقد ولا تكره

.....

رد: اخترنا لكم شعر نبطي وفصيح
 

عسى الماضي اللِي فات ما يلتفت للجاي
‏وعسى الجاي ما ياخذ طبوعه مِن الماضي

.....

رد: اخترنا لكم شعر نبطي وفصيح
 

يالله ثبتنا على دين الاسلام
يوم البشر هالوقت زلّت خطاها

ثم اكفنا شر الليالي والايام
واكتب لنا خير الحياة ورخاها

آمين

رد: اخترنا لكم شعر نبطي وفصيح
 

‏كشفتي لي ملامحك الفريدة كنّك تقولين
‏سلام الله سلامٍ يلجم الشعّار فرداً فرد

.....

رد: اخترنا لكم شعر نبطي وفصيح
 

تهقوَيْت المساء والناس عَجلى والسنين عجاف
‏معي من ويْن ما هبّ الهوى صفحة مواعيْده

‏وِش أتبع من مراوِيْح السحايب فأوَّل المشراف
‏وأنا نفسي عزيزة والبروْق تلوْح في جِيْده

‏يا أبو ظلٍّ وراه أسوْق عمري ما علي خلاف
‏أحبَّك وأنت قلبك وش خذاه إلَّا تقاليْده

.....

رد: اخترنا لكم شعر نبطي وفصيح
 

‏فديت عينـــك لو تبي العيــن خذها
وخذ النظـر مادمت في الروح غالي

واشلـــون اغليها وحبـــــك سكنها
وانت الوحيـد اللي سكن في خيالي

لا تسألونــــي يا هــل العشق عنها
ضاع الجواب وضاع معها السؤالي

اخفيــــــت طاريهـا وقلبـي علنها
وقال اعشقـك يا بعد حالـي ومالي

.....

رد: اخترنا لكم شعر نبطي وفصيح
 

‏بعض البشر لا غاب عن ناظر العين
احـس كل الناس في الكـون راحت

وبعض البشر لو غاب ايام واسنين
مااشتاق له قلبي ولا النفس ناحت

انا اشهد ان البعـض ماله شبيهين
بافعاله اللي مثلما الطيـب فاحت

غالي وحُبـــه حــل بين الشرايين
ومكانته وسـط القلوب استباحت

.....

رد: اخترنا لكم شعر نبطي وفصيح
 

‏اناشــــدك بالله يا شــــوق باللهون
قلبي فقـد يا شـــوق كامــل عزومه

على الحبيب اللي في الروح مدفون
الغايـــب اللي في خيالـــي رسومه

ياشوق خذنـــي وين ماكان ويكون
ودي ازور الحـــب واعــرف علومه

حتى ولو قالـــوا لي الناس مجنون
انا اعرف المجنــون ماحــد يلومه

.....

رد: اخترنا لكم شعر نبطي وفصيح
 

يا رب يا من في يدك طب الاجراح
اجبر خواطـر في الضماير نكيده

وافتــح لنا بالخيــر يا خيـر فتاح
فيك الامل يا الله وفيك العقيده

.....

رد: اخترنا لكم شعر نبطي وفصيح
 

‏يا وقـت امانه هــل تَغيـرت او الناس
هي مـن تغيــــر حالهــا والطبيعه

زمــان كان الطيـــب عـــــزه ونوماس
واليوم صار الطيـب مكر وخديعة

ياوقت ليت تشوف كيف صارو الناس
ضاع الوفاء فيهــم وقاموا ببيعه

قلبي من افعـال البشــر صابه الياس
والروح من كيــد الاوادم وجيعه

.....

رد: اخترنا لكم شعر نبطي وفصيح
 

ان كان تبغى كلمة الراس للراس
وتجارب الاجواد بعدي وقبلي

نصيحتي لاتفرح بغرة الناس
ولا تشمت بعاجز وتضحك بمبلي

.....

رد: اخترنا لكم شعر نبطي وفصيح
 

‏ودعتك الله ورحت أطوي طوال الدروب
‏ولا عليّ الملام ولا عليك الملام

‏أقبلت مثل السحاب ورحت مثل الهبوب
‏وكبرت في ليلة الفرقا ثلاثين عام

.....

رد: اخترنا لكم شعر نبطي وفصيح
 

‏غيابك حضورٍ له بصدر البيوت شهود
‏وش اللي يغيب ضحكتك والغلا ثابت

‏أحنك مثل ما أحن وجهي من المنقود
‏وأعدك ليا عديت الأيام وش جابت

.....

رد: اخترنا لكم شعر نبطي وفصيح
 

‏تقدّيت بكلامي ما تقدّيت بكلام الناس
‏خسارات الدروب آهمّ عندي من مكاسبها

‏أنا مانيب ناقص معرفة ولا بليد إحساس
‏عشان آحط نفسي في مكانٍ ما يناسبها

.....

رد: اخترنا لكم شعر نبطي وفصيح
 

ما تركتك في توقاد الهوى والشوق واعي
‏كيف عاد أترك دروبك والزِّمان يحد سيفه

‏أندفع لك من مغبات الجوَى وأنت إندفاعي
‏قلبك إن ماصدني برده أبى أهلك في مصيْفه

‏أذكرك وأعرِف تفاصيل آخرك وأسمعك داعي
‏ليش وجهك يوم عاد لديرته ما عاد طيفه

.....

رد: اخترنا لكم شعر نبطي وفصيح
 

‏جيتك غريبٍ ضايع الخطوات في ليلٍ طويل
‏أبصرت بك فجرٍ ضحك لي نوره وغيثه همى

‏من جرب وصالك معاد يطيب له غيرك بديل
‏يشوفك لحالك سحابه والبشر كلهم ظما

.....

رد: اخترنا لكم شعر نبطي وفصيح
 

‏ماتركته في حدود الممكنه والمستحيله
‏كنت اداري خاطره لو خاطره مدري علامه
‏
‏إن ثقل همّه على متنه فانا اوّل من يشيله
‏وان تمادى بالسهر ليله فانا اخر من ينامه

‏يدري ان الدمعه اللي في طرف عيني ثقيله
‏وادري ان عيونه اللي صدّت ابلغ من كلامه

.....

رد: اخترنا لكم شعر نبطي وفصيح
 

‏عنتر إللي تجفل الفرسان من سطوة ذراعه
‏يبكي إليا طرّو السمّار عبله بنت مالك

‏لا تخليني تـرا مافي أشد من القطاعـه
‏لا تخليني ومـريني إذا مـريت بـالك

‏أنتي النسوه ونون النسوه و واو الجماعه
‏أنتي إعجوبه ولا يعجب جمال إلا جمالك

.....

رد: اخترنا لكم شعر نبطي وفصيح
 

‏انا معـــي قلب طيـب لاكـــن اتعبني
وطيبتــي للبشـــــر زادت في اتعابي

اوفي مع الناس بـس الناس تخدعني
واكثر اكسار قلبـــــي من بلا اقرابي

كم يا متاعب فـــي اعماقي تعذبني
من جور طعنات اعز الناس واحبابي

وياكم جروحن بوسط الروح تحرقني
كانوا سببها رفاق العمــر واصحابي

.....

رد: اخترنا لكم شعر نبطي وفصيح
 

‏ان جرعت من المراره جزعت من الذهول
‏وان صبرت من الصلابه بكيت من الحنين

‏وان تمعنت الصور ما لقيت الا القبول
‏وان تذكرت الليالي لقيت الصبر زين

.....

رد: اخترنا لكم شعر نبطي وفصيح
 

اشوف السّفر ما بين فتره وفتره زين
‏أنا بحاجة غياب أتفحّص به أشواقي

‏تراودني الضّيقه لها حروة اسبوعين
‏وتاثيرها واضح عليّ وعلى أخلاقي

.....

رد: اخترنا لكم شعر نبطي وفصيح
 

‏ لـ محمد بن فطيس :


‏واللي يريـد الوصـل يـا مكثـر الطـرق
‏ لـو وقفـوا كـل العـرب فـي دروبـه

رد: اخترنا لكم شعر نبطي وفصيح
 

‏دافنيـن أوجاعنــــا بيـــن الضماير
مانحــب الناس تعــرف ما جرحنا

ويوم صرنا نكتـب ابيات المشاعر
بان كل الحـــزن فينــا وافتضحنا

يا جــروح الوقـت صابتنا الكساير
حـزننا غطــــــاء بدنيـــانا فرحنا

كل ما حاولـت مـــن حزنـي أكابر
هاجسـي قدام خلـق الله فضحنا

.....

رد: اخترنا لكم شعر نبطي وفصيح
 

صحيح الخطأ وارد لكن الأسف مطلوب
‏ما هو عيب لا زليت ثم جيت متأسف

‏لكن لا تحاول تلبس الثوب بالمقلوب
‏تزيد الخطأ بعنـاد وتصير متحسف

.....

رد: اخترنا لكم شعر نبطي وفصيح
 

‏مع غيرك أقسى مْن الحجر وأثقل من الطود
‏ومعاك النسانيس الخفيفة تمرجحني

‏على غيرك عما عين وجفا قلب وثقيل لسان
‏وعليك أنت الخطاوي تسبق أوّلها تواليها

‏يوم غيرك يبي منّي ولو ربع كلمة
‏كنت أسنّد عليك السالفة والقصيدة

.....

رد: اخترنا لكم شعر نبطي وفصيح
 

محبة انسان واحد صادق وفيه خير
أبرك من ألفين شخص يحبك مجامله

.....

رد: اخترنا لكم شعر نبطي وفصيح
 

‏من يعين في حياته على قلبك طريق
‏يختصر على السعاده مسافه كافيه

‏الله اللي حط وجهك يداوي كل ضيق
‏لبى والله وجهك اللي يجيب العافيه

.....

رد: اخترنا لكم شعر نبطي وفصيح
 

‏تبسم وهات السالفه جعلني ما ابكيك
‏لا تترك خيال البعد يجتاح تفكيرك

‏يا حلو العوض حلواه لا صار منك وفيك
‏ويا شين العوض شيناه لا صار من غيرك

.....

رد: اخترنا لكم شعر نبطي وفصيح
 

باب التلعثم عند لقاء الأحبه:

يغيم سماي إلى تواجهت انا وياه
وحتى الحكي ماعاد ينطق به لساني
- عامر بن نوطان

اجمع له سمان الهرج خوفٍ من التقصير
ولا جيت بشرح له كلامي تهيزلته
- سعد بن جدلان

بلساني الطلق لاشفتك تجي لكه
وانا محنك ليتك تفتهم ليتك
- سالم حمد

رد: اخترنا لكم شعر نبطي وفصيح
 

متساويه عندي الايام من تالي
ان زانت تزين وان عيت تزين ابرك

.....

رد: اخترنا لكم شعر نبطي وفصيح
 

البارحه جانا علشان معروف
عقب إنتهى معروفنا ما عرفنــا

ما نلحق المنّه ولا نلحق حسوف
الطيب موقف والجمايل هدفنا

.....

رد: اخترنا لكم شعر نبطي وفصيح
 

اللي ما تبغي تلاحقها عيون الرجال
تلبس عباية ستر ما هي عباية خصر

لا تظهرين المفاتن والدلع والجمال
وتطالبين الرجال تغض عنك البصر

.....

رد: اخترنا لكم شعر نبطي وفصيح
 

الاكرام لو تنوش شيٍ ماهو يناش
حدتها عن علومٍ كثيره كرامتها

اعزاز النفوس اللي على الذل ما تعتاش
تموت بشرف ما يرخي الوقت هامتها

خليل بن هدلان

رد: اخترنا لكم شعر نبطي وفصيح
 

يارفيقي ن يحد السيف ويسله
وكل ماقفاء رفيقه حش عرقوبه

رفقه مالها مذهب ولا مله
يالله العفو والغفران و التوبة

سلطان الهاجري

رد: اخترنا لكم شعر نبطي وفصيح
 

يامل قلب ٍ يلوعه طاري الفرقا
كما يلوع الحمام الورق شيهانـه

إن حوّلن حوّلت وإليا رقن ترقـا
متعليّتهـن وهـي حدمه وجيعانـه

على وليفٍ نحا مع روق عن برقا
عليه عيني بصاف الدمع غرقانه

أبوثـمـانٍ رهــاف ودقــةٍ زرقـــا
موتي ولا صدته عني وهجرانـه

.....

رد: اخترنا لكم شعر نبطي وفصيح
 

‏كان يتعبني شعوري كلّ مَا أتخيّل يغيب
‏كنت ما خاف ابتعادهً لين صار البعد عاده
‏
‏رغم قربه ما شعرت إنّه بأحاسيسه قريب
‏صار ما يفرق مع الأيام قربه وابتعاده
‏
‏مو ضروري من يعيش بخارج بلاده غريب
‏الغريب أحيان عايش غربته داخل بلاده

.....

رد: اخترنا لكم شعر نبطي وفصيح
 

أخاف أصارحك عن رغبتي وأندم على التصريح
‏معي موضوع لكن ما معي للحين مفتاحه

‏أدوّر في اللغة عن كلمة تعفيني التوضيح
‏أنا ويّاك عالق بين حد الياس والراحة

‏عذابي معك في حبس الشعور وكثرة التلميح
‏تعبت أكتم شعور أصعب علي من كتمه إفصاحه

.....

رد: اخترنا لكم شعر نبطي وفصيح
 

‏عليك الله لا تكسر خفوقٍ بالرضا يرجيك
‏ولا تستوطن بقلبي إذا لك مشرق لغيري

‏أمانة و الهوى طفل ٍهرب من جنّته يدعيك
‏يا كيف أشرح وأنا معطي قفاي أخر معاذيري

.....