رد: اخترنا لكم
 

مشينا على درب المعزه ونهج العود
وفي مدرسـة شيخ المراجل تعلمنا

عسى الله يبعدنا عن العيب والمنقود
وعسى الله فعيون النشاما يجملنا

.....

رد: اخترنا لكم
 

سكرت انا باب العتب والنقاشات
ماعاد لي خاطر افتش وابرر

كثر العتب شوّه جميل العلاقات
خل النوايا البيض عنك تقرر

.....

رد: اخترنا لكم
 

‏الصبر زين وعَزة النفس تغنيك
عن منّة العربان قاصي وداني

إن ما عطاك الله فلا أحدٍ بمعطِيك
اقتنع بمقسوُمك ترى العِمر فاني

.....

رد: اخترنا لكم
 

ما أحسن الصوم إن صامت جوارحنا
عن كـــــــــــــل مـاربنا الرحمن ينهانا

مضاعف الخيــــر والرحمـــات تغمره
وختمه العــــــــــتق مــن نار ستلقانا

صومــــــــوا تصحوا بأجساد وأفئدة
وسبحوا الخالق الرحمن يرعانا

توبوا إلى اللـــــــه واستجدوه مغفرة
فقـــــــــد تنالون فضل الصوم غفرانا

.....

رد: اخترنا لكم
 

إبدأ بأذكار الصباح يومك
واقرأ ورتل واتلو القرءان

إياك إياك يغلبك نومك
إن كنت ترجوا جنة الرضوان

إخـلـص لرب العالمـين صـومك
تـفـوز بالرحمـة وبالغفران

بِهمّـتك وبـقوّة عـزومك
بـابـك إلـى الجنة هو الريان

.....

رد: اخترنا لكم
 

‏لاتشيل همك لين بكــره وبعـدين
عـين الله بكــل الخــــلايق بصــيره

واعـرف مصـير الوقت لاشــان بيزين
ومصيـر ضيقـات الخـواطـر قصيـره

ماتــدري الله كاتـب الخيــر لك ويـن
احيـان تكـره شـي ويصـير خيـره

.....

رد: اخترنا لكم
 

لا يزعجك كثر حرصي لانك انت الوحيد
‏اللي المشاعر عليه تبيّن عتابها

‏اهم حاجه اشوفك طول عمرك سعيد
‏خل الجروح بخفوقي ينقفل بابها

‏انا احبك محبه والاكيد الاكيد
‏النفس مهما حصل ما تكره احبابها

.....

رد: اخترنا لكم
 

‏الردي لو يستره ثوب وش يستر رداه
دام مايحشم قرابه ولا يحشم وجيه

إنصحوه يبيع ثوبه ويشري له عباه
طاح من عين المراجل ولا عادت تبيه

والسفيه إن ما تبلاك ما تسلم غثاه
حاول إنك ماتقرب يدينك في ايديه

وصافح كفوف الزمن وإبتسم للحياه
وإعلم إن الله اذا احب عبده يبتليه

.....

رد: اخترنا لكم
 

‏على دلةٍ ماهي مثل قهوة الاتراك
‏بها زعفران وهيل والبن خولاني

‏اسلطن مع الفنجال الاول بدون إدراك
‏ويوقظ سبات الفكر فنجالها الثاني ‏

.....

رد: اخترنا لكم
 

‏نمسي على حالٍ ونصبح على حال
‏يوم لنـا واليـوم الآخـر علينا

‏يومٍ سـلى الخاطر ويوم غثا بال
‏طبع الـزمان وحكمـة اللّه فينا

.....