رد: اخترنا لكم شعر نبطي وفصيح
 

‏يارب يا رحمـــــن ياعالــــي الشان
ادعيـك تجعـل دعوتــي مستجابه

تبعـد على قلبي همومـي والاحزان
وتزيــــــح عنـــي ضيقتي والكآبه

ويارب تـرزقني السكينه والايمـان
وتملى حياتــي بالفــرح والطرابه

وتحفظ بحق اليوم اهلي والاخوان
وتحفـظ لقلبي رفقتــه والصحابه

آمين

رد: اخترنا لكم شعر نبطي وفصيح
 

‏أنت وحدك تستفزّ الصمّت وتردّ الطواري
‏ما قدرت ألدّ لك تقدير وإلا أصدّ شيمة

‏ما عليّ من الجفاف إن طالت يدينه دياري
‏وين ما لدّيت أشوفك نوض بَرق ووبل غيمة

.....

رد: اخترنا لكم شعر نبطي وفصيح
 

كتبت في كل شي الا الوداع الاخير
‏ما زلت متوقع ان الشوق بيرجعك

.....

رد: اخترنا لكم شعر نبطي وفصيح
 

رميت الاحلام في وجه الزمان البخيل
‏وعزيت نفسي وعز النفس عصيانها

‏وعن الحضور المهمش مرحبا يالرحيل
‏ما دام تحفظ كرامة نفسي وشانها

.....

رد: اخترنا لكم شعر نبطي وفصيح
 

‏ان كسبنا القلوب الطيبه والنظاف
‏ما علينا من اهل الكذب واهل الردى

.....

رد: اخترنا لكم شعر نبطي وفصيح
 

انتي وعد لو باقي الناس صدفه
وانتي عمر لو اكثر الخلق لحظات

وانتي دفا لو اقرب الناس رجفه
وانتي فرح لو اصدق الناس عبرات

.....

رد: اخترنا لكم شعر نبطي وفصيح
 

‏حشى ما ينطفي ضيّي وأنا وسط السماء قمره
‏أعاند عتمة أيامٍ تعلّيني مقام و شان

أشوف إني عرفت أميز اللا شيء والكثّره
‏وعوافي ما مضى بعمري طويته بصفحة النسيان

‏ أعرف أني أجي اللحظة وأجي الموقف وأجي العبرة
‏ وأجي درس العمر الأصدق إذا مريت في إنسان

.....

رد: اخترنا لكم شعر نبطي وفصيح
 

إن قفّت الناس عنا ما لحقناها
ما نرخص النفس للي مَا يقدرها

.....

رد: اخترنا لكم شعر نبطي وفصيح
 

‏على سكة متاهات المشاعر واخر المشوار
‏خذتني لهفة اشواقي على ذكرى بداياتي

‏غريب استوطن اعماقي وسبب حالة استنفار
‏وضيع كل تفاصيلي بعد ما شتت شتاتي

‏نطق حرف ونزف جرح وتحرر عقلي المنهار
‏وكتبتك للسكوت اللي تكلم عن متاهاتي

.....

رد: اخترنا لكم شعر نبطي وفصيح
 

‏ماكنت اشوفك بعين الشك والاحتمال
‏وما كنت اشوف المحبه تعتبر مرحله

‏اشوفك الحاجه اللي ما تساوم بمال
‏تشرى بطيب الفعل واللين والمرجله

‏معك يطيب السهر والشعر والانعزال
‏اول مساء ما تمنيت الفجر يدهله

‏قربك غناة الفقير وشوفتك راس مال
‏شوفي بقايا الهموم قبالك مجندله

.....

رد: اخترنا لكم شعر نبطي وفصيح
 

خذيتك وعذالي ترى جعلهم يفنون
‏قصر شبر عشاقك وانا ماقصر شبري

‏لو اني ماحبك ما انكشف سري المدفون
‏ولا استسلم عنادي لك ولا رضخ كبري

.....

رد: اخترنا لكم شعر نبطي وفصيح
 

حاولت في قلبي أقول بنساك
وأعيش دنيا في حياتي جديدة

أثر الغلا ما تعجبة غير دنياك
والقلب غيرك ما سكن في وريده

أشتقت لعيونك وصوتك ونجواك
أشتقت لظروفك لو هي عنيدة

حبك شربتة كيف ما أقدر أظماك
حبك عرفتة كيف ماحـتاج اعيده

.....

رد: اخترنا لكم شعر نبطي وفصيح
 

شيخةٍ بالزين ما يوصف حلاها
‏بس فيها بخل في قلّ المواصل

‏ان نويت الهجر رجّعني غلاها
‏واعتبرت اللي مضى تحصيل حاصل

.....

رد: اخترنا لكم شعر نبطي وفصيح
 

لاذل راس الشجيع وهاش وجه الذليل
وكبر مقام الصغير وغاب راع المقام

وراع الجهل صارشيخ في زمانه جليل
والشيخ سلم يدين الجاهلين الزمام

واتعب سليم النوايا ابو ضمير عليل
وطعن بخصرالرفيق اللي يعده حزام

هذي علامات للساعة عليها دليل
يالله عفوك وفي حسن العمل في الختام

محمد القت

رد: اخترنا لكم شعر نبطي وفصيح
 

من يشكر انعام ربي زاده الله خير
وشكر النعم فيه ناسٍ ما يعدونها

ايو الله انا بخير وخير ربي وفير
ليت النعم كل خلق الله يحمدونها

يا رب من غدرها ومن الكفر نستجير
ياخالق الخلق واللي قايم بشؤونها

يارب يسر حسابي في النهار العسير
يوم الخلايق لهوله تشخص عيونها

محمد جبار

رد: اخترنا لكم شعر نبطي وفصيح
 

ياكــريــم الجــود يا خــالق عــباده للــعباده
يــاعــظيم الشــان يالــمعبود يــارب الــبريه

معتلي عرش الألوهيه على عروش السـياده
السمــاء والارض مـلكــه والحــياه البرزخيه

نطلبك عـفوك وغفرانك وتلهمـنا الشـــهاده
قبل تـوديع الحــياه وقــبل سـاعـات المنيه

آمين

رد: اخترنا لكم شعر نبطي وفصيح
 

بعض الرياجيل طيب مير عنده عيوب
أنــا اعتبـرها مصيبـه واعتبـرها خطــا

لـيـا قضـالك لـزوم وتحسب إنه ينـوب
كلٍ درا إنـه قضىظ° لازمك وإنــه عطــا

.....

رد: اخترنا لكم شعر نبطي وفصيح
 

أشوف اُهل المقابر كل يوم يحلّ معهم ضيف
يا سرع الرحلـه اللي ودت الضيـف لمعازيـبـه

ومزاهبنـا قليلـه والسفر فيـه التعب ومخيف
ومطايانا قـصـايــا ماتــودّ العـلــم وتجيـبــه

لكنّـا في رجاء راع الكـرم والعفـو والتخفيـف
ليـا صرنا ضيـوفـه مالحقنا الخـوف والريـبـه

.....

رد: اخترنا لكم شعر نبطي وفصيح
 

فـرق واضـح فالرياجيـل في كـل الامــور
فالفعـايل والطبـايـع وفي جـنـس العمــل

منهـم اللي كل ماطـالـت الـشـدّه صـبـور
ترتكي لحمــولهـا مـثـل مـايـرك الجمـل

ومنهم اللي فعلهم فالسعه خبط الصدور
ميـر لا جات المواجيـب تسملهـم سـمـل

.....

رد: اخترنا لكم شعر نبطي وفصيح
 

سكروا باب الجدال ولاحدن منكم يمره
شرعوا باب الوفا لاهل الوفا لا تقفلونه

لاتقول اني سهيل ومعتلي فوق المجره
خل في قلبك قساوه خل في راسك ليونه

من لبس ثوب الوفا لو جار وقته ما يزره
طبع ابوه وطبع جده والعرب ما يغبطونه

.....

رد: اخترنا لكم شعر نبطي وفصيح
 

الصدق بالنيات ساس العبادات
أخير من تسجيل رقمً قياسي

لو كان أجر مكة بكثر الزيارات
محدن تعدى سايقين التكاسي

سعيد مقبل الاكلبي

رد: اخترنا لكم شعر نبطي وفصيح
 

كل دربٍ تحسب ان ما فيه غيره فيه غيره
لا تعلّقها على شورٍ عطاك الله بداله

فيه رجالٍ يحطّ ونعم في شبه الجزيره
وفيه رجالٍ يردّ ونعم حتى من عياله

وبين طيات الحياه اللي مشاهيها كثيره
لعنبا اللي لا تجمل فيك عيّفك الجماله

.....

رد: اخترنا لكم شعر نبطي وفصيح
 

على الراحلين اللي بقى ذكرهم ماراح
سلام الفؤاد اللي يسلم وهو صادق

آمين

رد: اخترنا لكم شعر نبطي وفصيح
 

عبدك اللي تحت ظلّك يرتجي غفرانك
أنت عند ظنون عبدٍ فيك محسن ظنه

من تبع سنة محمد وأتبّع قرآنك
جاه من عندك بشير وبشّره بالجنه

.....

رد: اخترنا لكم شعر نبطي وفصيح
 

لا تغرك ظنون الطيب في اول مواجه
المقادير تفجع والهقاوي غشيشه

يوم للخيل في سوق المنايا عجاجه
ما يسرّ اشجع الشجعان سرج الكديشه

ينقل الحمل هرش في رقبته عواجه
وابرق الريش ما ردّه من الموت ريشه

خل قلبك جسور وواجه اللي تواجه
ما مع الذل عز وما مع الذل عيشه

.....

رد: اخترنا لكم شعر نبطي وفصيح
 

صديقي والصداقة لا خلت من قسوة التانيب
سرقها اللي يقول ان المواقف مالها خانه

يقولون العرب جساس بن مرّة غدر بكليب
واقول اللي غدر بكليب غطرسته وطغيانه

صواديف الزمن تشقر عصاها والبعير منيب
مع انْهم ما يعرفون البعير الا بنيبانه

.....

رد: اخترنا لكم شعر نبطي وفصيح
 

لا بد ما تصفي عدود المشاريب
ويبين من عقب السواد البياضي

الرجل يركض مثل ما يركض الذيب
ويصير عنده للحياه آنتهاضي

ولا ينسدح مثل البنات الرعابيب
ويربض سوات الي تحب الرباضي

.....

رد: اخترنا لكم شعر نبطي وفصيح
 

الراي يبغاله رجل والحمل يبغاله جمل
والطيب يبغاله رجالٍ ما تصر فلوسها

والدرب يبغاله خوي لوطال دربك ما يمل
وإلياحصل شدالحزام الكايدات يدوسها

والسر يبغا له ثقه والآخره تبغا عمل
وأنا تعلمت الحياة أللي حفظت دروسها

وإليا حصلك ما حصل لا تنحي خلك جبل
لا تصير لقمه للذياب أللي تحد ضروسها

.....

رد: اخترنا لكم شعر نبطي وفصيح
 

يا رب ترزقني وترزق صديقي
تعطيه من خيرك وتعطيني اعطيه

قبل امس وقفني وانا في طريقي
وقام ايتشكى لي وانا قمت اهدّيه

ازريت لا ابلع من شكاويه ريقي
وانا ما عندي غير روحي وتفديه

جاني من الاحراج شي ٍ حقيقي
في موقفاً ماودي احدن يجي فيه

آمين

رد: اخترنا لكم شعر نبطي وفصيح
 

ما الله موكلني على كل ضايع
خله ورانا بالهروج يتنفع

سوالفه كانها سوالف ربايع
وانا عن هروج الحريم اترفع

.....

رد: اخترنا لكم شعر نبطي وفصيح
 

طـبنا وشـبنا واتـعبتنا المـشـاريـف
والمـرقب العـالي هـبـوبـه عـنيفـه

ويا حظ من لا عرف منهو ولا شيف
ان طـاب يـحمد وان تـردى بكيـفـه

بدر عبدالمحسن

رد: اخترنا لكم شعر نبطي وفصيح
 

يا لبنادم لا تغرك ملذات الحياة
والله ان الموت فوقك طيورة حايمة

والله انك لو تذرا ورا حيد الصفاة
المنية حاصلة والقيامة قايمة

.....

رد: اخترنا لكم شعر نبطي وفصيح
 

صواديف بقعا لو تخلي الجبال طحين
ما ترخي على كسب الجمايل عزايمنا

صبرنا على اللوعه لا مره ولا ثنتين
ولا احدً على صبرً صبرناه لايمنا

صدوف اليالي صارت بيومنا روتين
واكلنا مطبات الزمن مع ولايمنا

ونطحنا الظروف القاسيه كلبوها لين
ثبتنا وحطونا النشامى على اليمنا

.....

رد: اخترنا لكم شعر نبطي وفصيح
 

الموقف اللي ضيق الصدر والجاش
ضاعت عوايدنا مع الوقت طوشه

ماعاد تفرق بين رعيان وأدباش
بعد التساوي بين لحية وشوشه

ناسٍ على دم المساكين تعتاش
وناسٍ تعيش الناس منما تحوشه

حتى نفوس الناس ماتقبل إنقاش
يبدأ جدال وينتهي له بهوشه

.....

رد: اخترنا لكم شعر نبطي وفصيح
 

يدور الزمن وبدورته تجربه ودروس
مقادير في صبح وعشيه تبارينا

دروسٍ نعايشها في الواقع الملموس
ويا كم دروسٍ كانت بعكس امانينا

ولكن درب العز والطيب والناموس
ثوابت من الفطره عليها تربينا

ولا نرخص الغالي ونبقى عزاز نفوس
ومهما نواجه ما تغيّر مبادينا

.....

رد: اخترنا لكم شعر نبطي وفصيح
 

‏المحبه غاليه بس المشاعر ما تثمن
‏والتهوّر في دروب الحب يبغي له جراوه

‏يحبيبي ودي اسأل لاتخاف ابغى اتطمّن
‏هو غلا والا كلامك بس من باب الفضاوه

‏خايف اسخي شعوري في دروب الحب ثمّن
‏يطلع الناتج من الاحداث خذلان وقساوه

.....

رد: اخترنا لكم شعر نبطي وفصيح
 

اغيب وابعد وانشغل واحاول انسى ما نسيت
‏ما تنّسى ذكرى السنين اللي معك قضيتها

‏حاولت كم مره وكم مره ولكن ما قويت
‏حتى لو ان ذكراك ما مرت علي مريتها

‏وشلون وانا كل ما تطري علي مت وحييت
‏لو ان معي قدره على نسيانها نسيتها

.....

رد: اخترنا لكم شعر نبطي وفصيح
 

يا ما فقدنا منهو اغلى من الروح
‏لكن عشنا عقبهم غصب عنا

‏هذي هي الدنيا مسرات وجروح
‏محدن يحـقق كـل ماهو تمنـا

.....

رد: اخترنا لكم شعر نبطي وفصيح
 

خذ لك مع العفو والتقدير حبة خشم
‏وإترك نوايا الأوادم داخل اصدورها

.....

رد: اخترنا لكم شعر نبطي وفصيح
 

لا صار الغلا من بين الاحباب ماله كرت
‏يموت الشعور اللي مع كل متأمل

‏مادام استوت في خاطرك لا تقول احترت
‏شف الموقف اللي يحسب لروحك وكمل

‏انا وجهي ابيض عند قلبك ولا قصرت
‏تجملت لكن انت ما فيك متجمل

.....