رد: اخترنا لكم
 

وصالك يخيط الجرح ي الطيب السباق
‏وغلطتك مسموحة وزلتك مدموحة

‏عليك الأمور الكايدة والحزن مالاق
‏تعابير وجهك بين سمحة ومملوحة

.....

رد: اخترنا لكم
 

‏أنت تدري اني بنت ماني سريعة اعجاب
‏ولا كل حاجه عابره تكسب اعجابي

‏غلبت الهوى فتره لكن الهوى غلاب
‏تمادى ووقف في طريقي وانا مابي

‏دخلت فحياتي عرض من اوسع الابواب
‏وانا للحبايب ماني مشرّع ابوابي

‏وعطاك الله من الود والحب والاعجاب
‏مايجعلك سيد قلبي وسيد احبابي

.....

رد: اخترنا لكم
 

‏يقولون قاسي قلب واقول لا والله
‏ولكن علاج الصده ان طالت الصده

‏انا ويش اسوي ذا خفوقي وذا مبداه
‏اذا حب من جده واذا صد من جده

.....

رد: اخترنا لكم
 

والله إن القلب شفقٍ على بعض الأمور
بس عندي عزة النفس حاجه ثانيه

مساعد الرشيدي

رد: اخترنا لكم
 

خلك مـع أهـل المكارم صافيين القلوب
وأبعد عن الـلّي يحاول بالزمن يجرحك

الوقت يظهر لك الصادق ومن هوكذوب
ووقت الـشدايد بتعرف من تجمّل معك

.....

رد: اخترنا لكم
 

يـارب يـسرها على كـل ضايق
‏وارفع ستار الهم عن كل محزون

‏لـو كان في درب السعاده عوايق
‏تهون مع رحمتك يا خالق الكون

.....

رد: اخترنا لكم
 

حلمي معزالوقت تتحقق طموحاتي
ومـشـاعـري لـلـمـحبه دايــمٍ حــيّـه

أعـيش جـو الأمل في كل الأوقاتي
ومـواقـفي بـالـكرم والـطيب مـبنيه

.....

رد: اخترنا لكم
 

‏أنت وجهك من لقاه أصلًا عشان يخلّا
يالقبال اللي به ظروف الدهر منّانه

ماينافسني على صادق محبتك إلا
العقيم اللي تعلّق في عيال أخوانه

.....

رد: اخترنا لكم
 

‏وجودي عليك ووجد حالي ويامصعبك
ظروف حدتني عنـك مانـي بطايعهـا

أيا واحدٍ لـونك بعيـدٍ علـيّ مقربـك
سكنت العيون وكـن قلبـي منازعهـا

.....

رد: اخترنا لكم
 

ياصباح الرضا من قاضي الحاجة
‏للمحبّة مواصيلٍ نوثـّقها

‏وكل نفس ٍ لكسب الـرزق دوّاجة
‏سهـّل الله مساعيها ووفّقها

.....