رد: اخترنا لكم شعر نبطي وفصيح
 

‏طمن فؤادك اللي كان لي به حضور
‏لا صدفني فأنا مسلم وعابر سبيل

‏والسلام النبيه اللي حذفته عبور
‏ما أنتظرتك ترده جعل حالك جميل

‏كنت أسلم على قبر الغلا والشعور
‏غير دورة الأجر ما كنت أدور حصيل

‏لأني أعرفك أنت وساكنين القبور
‏هجركم ما يجوز وردكم مستحيل

.....

رد: اخترنا لكم شعر نبطي وفصيح
 

‏زهاك الحزن يا قلبٍ تخاطفْك الِّليال السود
‏وندهْك الطاري اللي جرَّتك في أعلى مشاريفه

‏سريت وغايتك غاية تلاحيها الهبُوب النود
‏على قمرى التعب ونجوم توجِس بالضِّيا خيفه

‏ينادمك الوهم والشوق وحلمٍ فالعمر مكمود
‏ووجهٍ كل ما أنفضُّوا مجاليسك حضر طيفه

.....

رد: اخترنا لكم شعر نبطي وفصيح
 

ما فيه مثل العافية ستر وغناة
إن جات للمسلم تراها كافيه

كم واحدٍ يطلب ملذات الحياة
وإذا مرض ما يطلب إلا العافيه

.....

رد: اخترنا لكم شعر نبطي وفصيح
 

يا صاحبي لو تسـمع هـروج عني
من ناس قالوا كلمة ما لها ساس

حاول تعــاملني بما شفت مني
ما هو تعـاملني بما قالـوا الناس

.....

رد: اخترنا لكم شعر نبطي وفصيح
 

مشينا على درب الوفاء والقلوب نظاف
وعلى منهج أهل الطيب هذي مبادينا

.....

رد: اخترنا لكم شعر نبطي وفصيح
 

حب من ودك تحب وعاد من ودك تعادي
‏بس عيب انك تشوه سمعة اللي ماتحبه

‏وانت ياللي لك من التقدير قسمك في فوادي
‏الوطن ما هو بلعبه للاودام ينلعب به

.....

رد: اخترنا لكم شعر نبطي وفصيح
 

لا من لقيت أحباب لا ترخص أحباب
عط كل من يذكرك بالخير حقه

.....

رد: اخترنا لكم شعر نبطي وفصيح
 

‏تراقبك العيون اللي تحبّك والمحب يخاف
‏عسى ربّي يجيرك من عيون الخلق عز وجل
‏
‏على ما خصّك بزود الجمال ونادر الأوصاف
‏أنا ما ألوم من خافوا عليك من الحسد والغل
‏
‏مع إني لو تكلّمت بحياديّة عن الانصاف
‏من الواجب عليهم يفرشون الارض ورد وفل

.....

رد: اخترنا لكم شعر نبطي وفصيح
 

كان الشاعر سعد بن فايز يعاتب حبيبته
ولما سمع عبره بصوتها سكت وقال :

معقول صوتك ينسمع فيه عبره
وأشوف عينك غارقه بالدموع

لا والذي ينزل من الغيم قطره
مالاق لك غير الفرح هاتي اللوع

وإذا أخطبتي للخطأ منك دبره
أبعتذر منك وننـهيه موضوع

رد: اخترنا لكم شعر نبطي وفصيح
 

يـالابس البــرقع فتنـة المـخاليـق
اسـتر عيونك لاتنـوش المخــاطر

زيـن بدويـه ريـقها ما بــعد ذيــق
دايـم على الخفـرات تنهى وتــامر

وانـا ثقيــل الطبع ماني مطيفـيق
ميــر البلا في وسط سود النواظــر

.....

رد: اخترنا لكم شعر نبطي وفصيح
 

أعاتبك من باب تقدير الحبايب للعتِاب
وأداري شعورك وأثمّن كل حرفٍ ينكتب

حتى تكبّرت وكبر قلبي على هم الغياب
وأقنعته أنّه ما على المقفي دموع ولاْ عتب

.....

رد: اخترنا لكم شعر نبطي وفصيح
 

‏مقامك مقامٍ ما يخّلى وأنا ملهوف
‏عليك العيون تلد والنفس طربانه

‏يا وجهٍ تقول انّه من العافيه مقطوف
‏ليا شافها المؤمن تزحزح عن ايمانه

.....

رد: اخترنا لكم شعر نبطي وفصيح
 

‏انعزل عن مجمل العالم واحب العزله
‏لين صار الانعزال من العرب روتيني

‏ولا يجوز لخاطري من البيوت الجزله
‏غير بيتٍ يحكي إحساسي ويثر فيني

.....

رد: اخترنا لكم شعر نبطي وفصيح
 

لا تلوم العاشق اللي على شوفك شفوق
‏ياحبيبي وانت خلك على ماتشتهي

‏الغلا والحب والشوق من صدري وفوق
‏لا تسولف لي عن الشوق وامره منتهي

‏الله يسامحك في كل حاجه يالسروق
‏قبل حبك كنت قاسي وقلبي عنجهي

‏جعلني من حبك السرمدي ماعاد افوق
‏خل عاد المنطق الزين والوجه البهي

.....

رد: اخترنا لكم شعر نبطي وفصيح
 

لابد من عقب المطاريش معواد
ولا بد من عقب المواجع عوافي

.....

رد: اخترنا لكم شعر نبطي وفصيح
 

إن طبت طبنا فوق طيبك وزدنا
‏ولا شنت ما كنّا على الأرض شفناك

.....

رد: اخترنا لكم شعر نبطي وفصيح
 

ياهل القلوب الحاقده وش كسبتم
يامدورين الشر لاخير فيكم

مهما تحدثتم ومهما كتبتم
ترى الكلام الشين يرجع عليكم

يامزورين الهرج والله كذبتم
خابت مساعيكم وتبت يديكم

ماخفتم الله ياهل الزور خبتم
لابد من يومٍ عقوبه تجيكم

.....

رد: اخترنا لكم شعر نبطي وفصيح
 

‏لوقـلت لك أغليك وشـهوشعورك
‏دام المحبه خصتك انت بـالذات

‏قـلـبـي تعلق فيك من بدغـيـرك
‏حكيك وشوفـتـك كلهالي ملذات

.....

رد: اخترنا لكم شعر نبطي وفصيح
 

الحياه اسرار والناس يجذبها القبول
وعينن ما تملا قناعه بيملاها التراب

.....

رد: اخترنا لكم شعر نبطي وفصيح
 

الجـو جو اثنين ثالثهم الشـوق
‏جينا أنا والشوق بس انت وينك

.....

رد: اخترنا لكم شعر نبطي وفصيح
 

اساير زماني واتمشى على ممشاه
لو ان النفوس احياناً ماهي بمقتنعه

.....

رد: اخترنا لكم شعر نبطي وفصيح
 

‎المهره اللي عذبت كل خيال
صعبه على غيري ومحد عسفها

اللي عجز عن وصلها كل رجال
هي مهرتي وماغير كفي لمسها

.....

رد: اخترنا لكم شعر نبطي وفصيح
 

‏صاحبك لا منّه بغى منك حاجة
لا صار طيب لا تسبب له إحراج

حاول عن العالم تسد احتياجه
يمكن بيوم الله يحدك وتحتاج

.....

رد: اخترنا لكم شعر نبطي وفصيح
 

‏الجاهل اللي دروبك مايجنبها
‏احيان ماتنفع الرحمه معا خصمك

‏دور له الكلمه اللي كن مضربها
‏مضراب شلفاً على بوابة المصمك

.....

رد: اخترنا لكم شعر نبطي وفصيح
 

‏وشلونكم يا أصحابنا اللي كوم . كوم
‏اللي مشاريه الرجال تحدّها

‏العام عقبانٍ على الصيده تحوم
‏واليوم صيدٍ في اليمين نمدّها

‏وين الكلام اللي مثل رمي السهوم
‏وين الامور اللي وصلنا حدها

‏وين الرجال اللي على دق الخشوم
‏متعاقبه ولا يصعّر خدها

‏اثر العلوم الاوله فيها علوم
‏والعالم ادنى ما يبيّح سدها

‏كان الحيا ماهوب قطاع الرخوم
‏الخوف يقطعها ويقطع جدها

.....

رد: اخترنا لكم شعر نبطي وفصيح
 

‏ما بقى في تالي الوقت شي من الأمان
‏يمسي الواحد معافى ويصبح في عبر

‏الله اللي يخلق الخلق في طور امتحان
‏والكره الارضيه اكبر من اكبر مختبر

‏إن يواجرنا على الصبر فالله المستعان
‏وإن يحاسبنا ف حسبي وحسب اللي صبر

‏كل يوم نقول هانت وعيّت لا تهان
‏لقمةٍ لا هي بترجع ولاهي بتعبر

‏والخبر ماهوب عند العرب مثل العيان
‏خل عاد اللي لا عاين ولا صدق خبر

‏الحقيقه صارت اوضح من الروس البيان
‏وين ما لدّيت في شي لاهي ذا الكبر

‏يالله انك لا تضيّق على مسلم مكان
‏وانك توسع على عبدك اللي فالقبر

.....

رد: اخترنا لكم شعر نبطي وفصيح
 

‏يا جميله والجفا اللي صار ماله سبه
‏لا وحق اللي من بطون السحايب صبّك

‏انك اصدق من سراب الما وعمق الغبه
‏وألطف من الغربي اللي كل صبح يهبّك

‏كان ساورتك ظنون العالم المشتبه
‏تبت ايد اللي على بعض الظنون يتبّك

‏لا تخلين آخر اللي فيك خايف ربّه
‏مرتع اللي ما يخاف العاقبه من ربّك

‏الجميع تغيّره الأيام حبه .. حبه
‏وانتي اول من تغيرتي عليه محبّك

.....

رد: اخترنا لكم شعر نبطي وفصيح
 

نعيش ونموت ما نقبل خطية وجور
‏وقلوبنا ما غشاها بغض ولا سواد

‏وعزومنا دون صكات الدواليب سور
‏جاك الكلام الصحيح وجاك علم الوكاد

.....

رد: اخترنا لكم شعر نبطي وفصيح
 

فيك القصايد غير وانتي بعد غير
‏تغري وصوفك يا عيـون القصايد

‏اوصـفك والشعر يا بنت تصـوير
‏لا صار فـيك الزين والحسن زايـد

‏زدتي على كــل البنات الغناديـر
‏الزيــن كايــد والحلا فيك كـايد

‏أهديتلك من بوح فكري تعابـيـر
‏يا عين شيهانـه عـلى رجــم نايـد

.....

رد: اخترنا لكم شعر نبطي وفصيح
 

له مجلسٍ من ثقلة حموله نصاه
‏دكوا خطاطيره هدب زوليته

‏يقضي لزوم اللي ماعين من قضاه
‏وأتلا العهد بالدين ديوانيته

.....

رد: اخترنا لكم شعر نبطي وفصيح
 

‏عز نفسك والحياه ايام يا مال الغناه
‏لا تضيعف لجل دنيا رحاها دايره

‏عيشتك في ماكر العز لو مالك عباه
‏خير لك من قاعٍ اشهب غبرته ثايره

.....

رد: اخترنا لكم شعر نبطي وفصيح
 

‏مادام ترقد ليلتك ومتعافي
‏وغيرك لذيذ النوم ماطب عينه

‏خذلك نصيحة ود من قلب صافي
‏استغفر الله واشكره واستعينه

.....

رد: اخترنا لكم شعر نبطي وفصيح
 

‏العمر تطويه دورات الزمان
‏والليالي بين بيض وعاتمه
‏
‏عابرين وماعلى الدنيا ضمان
‏يا الله الجنة وحسن الخاتمه
‏
.....

رد: اخترنا لكم شعر نبطي وفصيح
 

‏شفني معك وشلون راضي ومرتاح
‏مابي آحد غيرك وغيرك يبيني

‏مرتاح في قربك ولو راح من راح
‏انت الحنين اللي يجدّد سنيني

.....

رد: اخترنا لكم شعر نبطي وفصيح
 

‏سجيت لك من بحة الصوت مـوال
وكم قلت لك بأن المشاعر خجوله

مـا كـل حاجـة ياهوى القلب تنقال
بعض الحكـي فالصـدر محـد يقوله

.....

رد: اخترنا لكم شعر نبطي وفصيح
 

‏لا تدوّر ترى ما غير نسخه وحيده
‏تلقى غيري ولكن منت لاقي بدالي

‏الفقيده ماهوب اللي يموت الفقيده
‏غاليٍ صار مع الأيام ماهو بغالي

.....

رد: اخترنا لكم شعر نبطي وفصيح
 

‏نمشي على بيــــض النوايا والاسباب
لا همنا المقفــــــي ولا مــن جفانا

لا نسأل الواشــي عن العيب لا عاب
ولا ننشــــد اللي خاننا فـــي قفانا

بعض الصداقه مثلها مثل الاسراب
تغــــري نظرنا وقت لحظه ظمانا

وإن جيتهم ظميان صارو لنا اغراب
حتى قريـــب الناس ما عاد لفانا

.....

رد: اخترنا لكم شعر نبطي وفصيح
 

‏لولا الحياء والملام وهرج عذّالي
‏لا قول بيتٍ يراودني وخبّيته

‏فلاَن كل الوجيِه اللّي على بالي
‏وفلاَن كل القصيد اللّي تغنّيته

.....

رد: اخترنا لكم شعر نبطي وفصيح
 

‏حالي مع الناس يشبه حالة مصور
‏أجمل صور كاميراته ماطلع فيها

.....

رد: اخترنا لكم شعر نبطي وفصيح
 

‏الكلـمة الــــطيبة لو هي مجرد ســلام
يبــقى لها في نفوس الناس قيمة واثر

.....