منتديات قبائل شمران الرسمية

منتديات قبائل شمران الرسمية (http://vb.shmran.net/index.php)
-   المنقولات الأدبية (http://vb.shmran.net/forumdisplay.php?f=153)
-   -   فوق هام السحب ( الشعر الشعبي) على متن القوافي (http://vb.shmran.net/showthread.php?t=46693)

الحمدان 09-29-2024 02:27 AM

رد: فوق هام السحب ( الشعر الشعبي) على متن القوافي
 
استر عيوب الناس تستر عيوبك
يا اللـي لسانك للمخاليق فضّاح

واترك ذنوب الخلق وانظر ذنوبك
ترى الزمن دوّار والسّر ينباح

...

الحمدان 09-29-2024 02:30 AM

رد: فوق هام السحب ( الشعر الشعبي) على متن القوافي
 
الناس يابن الناس اشكال والوان
مايستوو في طبعهم والفصيله

احيان تلقا شخص عاقل وفهمان
واحيان تلقا شخص طبعه هبيله

انسان تلقا فيه طيبه واحسان
وانسان تافه ويعشق الرذيله

رجال حطه فوق راسك والاعيان
والبعض حطه في شوارع شميله

عند النوايب للرجاجيل ميزان
توزن بها كل الرجال فى القبيله

رجال يوزن بالذهب فوق الاطنان
والبعض ميزانه كما الزنجبيله

سايرت كل الناس والخافي ابتان
وابتانو اهل الجود واهل الرذيله

ماكنت متعلم ولا كنت فهمان
بس الزمان علمني اشيا جميله

من يرتضي بالهون يبقا كما كان
بين المهانه ما ترفع قليله

العز يبقاء للرجاجيل عنوان
عز القبيلي من رجال القبيله

...

الحمدان 09-29-2024 02:31 AM

رد: فوق هام السحب ( الشعر الشعبي) على متن القوافي
 
بالعرف نتعرف ونعــرف من عـــرف
للمعرفه مصـــحف ومافـــيها خلاف

نصطف ونتكاتف إذا شـــــب النكف
والقبيله مصـرف من اتقبيل وطاف

نعتز ونشــــرف مع الناس الشـــرف
للمرجله مشرف ومن شـرف مخاف

واللي خلف وارجف من العز انتسف
والمنــذله تلقف من اتخـــــلف يعاف

ياويل من خـــــرف وبالفــسله هتف
يخسف ويتغلف بافــعال الضــــعاف

ماله مكــان اريف ولا طرف طـــرف
منفي كما المكلف من القوم الشراف

...

الحمدان 09-29-2024 02:34 AM

رد: فوق هام السحب ( الشعر الشعبي) على متن القوافي
 
حكم القدر ماشي علا الكل ماشي
والكل للمكتوب لابد يلقاه

والحض ما ياتي نفاق وتراشي
من عزه الرحمن فالناس رقّاه

كم من فقير الأمس لازال ناشي
واليوم ناشط فوق ماحد تعداه

وكم من غني مغرور كاذب ولاشي
ورده ذبل مهما من الماء سقّاه

غره زمانه في نعيم وتماشي
حتى تناسى من له المال واغناه

ضن الخلايق عنده مواشي
ينذل راعي الفقر عنده اذا جاه

بالمختصر ياللي بغيتو نقاشي
الصدق والاخلاص للعبد منجاه

دنيا دنيه ما تساوي ولا شي
وياويل من يغتر في عز دنياه

...

الحمدان 09-29-2024 02:38 AM

رد: فوق هام السحب ( الشعر الشعبي) على متن القوافي
 
‏ليت المواجـع تبتعــــد عــن طريقي
وليت المأسي ماتجيني مــن الساس

وليت الملل واليـاس ماهـــو رفيقي
وليت الزهـق ماحـل قلبي والانفاس

وليت الامل يملا الشعــور العميقي
وليت الفرح يملاخفوقي والاحساس

وليت ان حظـي ما تعلـــق بضيقي
وليت ان قلبي ماعرف لحظةالياس

...

الحمدان 09-29-2024 02:42 AM

رد: فوق هام السحب ( الشعر الشعبي) على متن القوافي
 
البُنُّ في عينيكِ يغلبُ قهوتي
‏لاتحرميني لذة الفنجانِ

‏عربيةٌ تلك العيون أليمةٌ
‏جمعتْ مذاق البُنّ والهذيان

‏تحكي عن التاريخ تروي قصةً
‏عن أُسْدِ ذي قارٍ بَني شيْبانِ

‏كِسرى يغادر مِن رموشك هارباً
‏والعُرْبُ تكسر راية الطغيانِ

‏ويطول ليلي والعيون تروح بي
‏ ما بين سحر العين والإدمان

...

الحمدان 09-29-2024 11:48 AM

رد: فوق هام السحب ( الشعر الشعبي) على متن القوافي
 
اقــرب اشـــوفك يامكحل عيونك
واضمن نجــاك من كل زله ضمانه

تـعـال مـــالـــي روح تحيى بدونك
يامن خــذيت في قلبي اعلا مكانه

اظهر معي في الوصل كامل فنونك
مــادام روحـــك في حياتي مصانه

...

الحمدان 09-29-2024 11:50 AM

رد: فوق هام السحب ( الشعر الشعبي) على متن القوافي
 
‏يالله بصبحٍ يجتمع فيه ثنتين
سترك وعفوك ياكريم العطايا

وانك تثبتنا على منهج الدين
والرابعه تمحي جميع الخطايا

صباح الخير والعافيه

الحمدان 09-29-2024 11:51 AM

رد: فوق هام السحب ( الشعر الشعبي) على متن القوافي
 
على اللي يصبح كل يوم بصباح الخير
صباحك صباح النور ياسيد احبابي

صباح الغلا والحب والشوق والتقدير
مع اجمل تحياتي ولك خالص اعجابي

...

الحمدان 09-29-2024 11:53 AM

رد: فوق هام السحب ( الشعر الشعبي) على متن القوافي
 
قالت أحــــبك قلت أبغـى دلايل
لـ اني بـ حبك صرت يازين مجـنون

قالت ههه انتم فـ الخــــداع الأوايل
دايم تســوّوَا عكس ما انتم تقولون

قلت اعرف اعرف أيه بس القلايل
من كــــيدكن في كل وادي يهـيمون

لـولا البـنات الفـاتـنـات الأصـــايل
ماصار سلطان شاعر ولاقيس مجنون

...

الحمدان 09-29-2024 11:55 AM

رد: فوق هام السحب ( الشعر الشعبي) على متن القوافي
 
‏ياصباح الشوق والذوق وألحان القصيد
صبح يأتيني بطيفك صبــاح العافيـة

أسعدالله صبح من ساكن وسط الوريد
مالك قلبي واظن الأشــــاره كافيـة

الحمدان 09-29-2024 11:56 AM

رد: فوق هام السحب ( الشعر الشعبي) على متن القوافي
 
‏سبح وهلل واذكر الله دقايق
‏ما اظن تاخذ وقت ي مضيع الوقت

‏واطلب جليل المُلك لاصرت ضايق
‏عساه يفرج ضيقتك كل ماضقت

...

الحمدان 09-29-2024 11:57 AM

رد: فوق هام السحب ( الشعر الشعبي) على متن القوافي
 
‏يا لابسه البرقع على هونك شوي
من شوفتك ضيعت وزن القصيدة

طلة جبينك بالسماء تشعل الضيء
ونظرة عيونك في حلاها فريده

...

الحمدان 09-29-2024 12:22 PM

رد: فوق هام السحب ( الشعر الشعبي) على متن القوافي
 
لاطالت الغيبه تزيد التراحيب
يامرحبا يازهرة التلي وسراجه‏

نورتي يامنبع الذوق والطيب
ياقمر ياشمس بنوره وهاجه‏

...

الحمدان 09-29-2024 12:30 PM

رد: فوق هام السحب ( الشعر الشعبي) على متن القوافي
 
‏العافية والستر مع راحة البالم
‏هذي الثلاث اعدها راس مالي

‏ياللي تقول الغالي اشريه بالمال
‏اللي يجي بالمال ماهوب غالي

الحمدان 09-29-2024 12:33 PM

رد: فوق هام السحب ( الشعر الشعبي) على متن القوافي
 
لاشفت ماللسالفه رد اعتببار
وجهالها تغلط على عقالها

البعد عن بعض المخاليق انتصار
خل الطيور تطيح فوق اشكالها

...

الحمدان 09-29-2024 12:35 PM

رد: فوق هام السحب ( الشعر الشعبي) على متن القوافي
 
قاﻟوا ﺗﻤﻨى قلت يامم تمنيت
‏الحظ ضدي والأماني كثيره

‏ياما كتبت من القصايد ۈغنيت
‏الحظ عاثر واﻟﺨواطر كسيره

الحمدان 09-29-2024 12:36 PM

رد: فوق هام السحب ( الشعر الشعبي) على متن القوافي
 
‏عقب الغلا مالي مع الناس مجلاس
وش هي حياتي لافقدتك ثواني

جمعت لك حبي بقلبي على ساس
تبقى الوحيد ولا معك شخص ثاني

...

الحمدان 09-29-2024 12:38 PM

رد: فوق هام السحب ( الشعر الشعبي) على متن القوافي
 
ودي ابوح اليوم واقول ولهان
وافتح ملفات العشق في حياتي

حبه سكن قلبي من ايام وزمان
ليتك تحس بشوق قلبي وذاتي

...

الحمدان 09-29-2024 12:39 PM

رد: فوق هام السحب ( الشعر الشعبي) على متن القوافي
 
شفتك ولا مليــــت من نظرتــي فيك
سبحـان من زيــــــن حلاتك وسواك

فيك العيــــون اللـي كُحلها محليك
وفيك الوصوف اللي بها الرب حلاك

من يوم شفتك خافقي صــار بيديك
والعقل عنـــدك ماقـدر يوم ينساك

يفداك شاعر خـط شعــره لما فيك
وكتـب قصيـده في حلاتك وطرياك

...

الحمدان 09-29-2024 12:40 PM

رد: فوق هام السحب ( الشعر الشعبي) على متن القوافي
 
‏اكتفيت بوجودك ليــن عشتك حياه
شـوفتك نور بدر وبسمتك ممتعه

كل ما جيت ابحكي عن غلاك ومداه
ضاع تعبير شوقي ما قدرت اجمعه

...

الحمدان 09-29-2024 12:41 PM

رد: فوق هام السحب ( الشعر الشعبي) على متن القوافي
 
الشعر هذا ترى فيك مخصوص
ماكنت بكتب بك ولاني بناويك

مير الغلا جاب القلم قال مرخوص
يومٍ سرى هاجوس فكري بطاريك

...

الحمدان 09-29-2024 12:44 PM

رد: فوق هام السحب ( الشعر الشعبي) على متن القوافي
 
يازين لو حبــك يوزع علــى الناس
ماكان فــي الدنيا حروب ونزاعــات

مسكنك في قلبي وقدرك على الراس
والشــوق مـاله ياحبيبــي نهـايات

قوم اسقني من عذب حـبك ولو كاس
وافرش لك الدنيا زهــــور وفراشات

واسقيك من نهر الغــلا دون مقياس
واشغل بك العالم قصايد جزيـــلات

...

الحمدان 09-29-2024 12:47 PM

رد: فوق هام السحب ( الشعر الشعبي) على متن القوافي
 
‏بنت العرب بنت النسب دائماً غير
في حسنها في دينها في حياها

لها وصايف كنها الخيل والطير
ماكل واحد لابغاها لقاها

...

الحمدان 09-29-2024 12:49 PM

رد: فوق هام السحب ( الشعر الشعبي) على متن القوافي
 
‏تدري من اكثرشخص بالناس محبوب
شخصن إذا شاف الأوادم تبسّم


ماهوعلى الضحكه مع الناس مغصُوب
طبع التواضع في حياته ترسم

...

الحمدان 09-29-2024 12:52 PM

رد: فوق هام السحب ( الشعر الشعبي) على متن القوافي
 
‏أكتب معاناتك عبر نزف الأقلام
‏وسلم أمر دنياك للي خلقها

‏أرسل قصيدة عشق ماهي للاعلام
‏الحبر أحاسيسك وقلبك ورقهـا

...

الحمدان 09-29-2024 12:55 PM

رد: فوق هام السحب ( الشعر الشعبي) على متن القوافي
 
‏لولا الظنون الطيبه مات الإحساس
‏ولولا التسامح بالحياه إنقرضنا

‏ولولا الأمل تهنا على سكة الياس
‏ولولا مخاسير الزمن ما أتعضنا

بقلمي

الحمدان 09-29-2024 12:57 PM

رد: فوق هام السحب ( الشعر الشعبي) على متن القوافي
 
مـن عــرفتك صارت الدنيا جميلة
وشفت فـي حــبك تفاصيل الامان

في حنانك عشت ليلة ب الف ليلة
ودي اعــرف انتي وينك مـن زمان

...

الحمدان 09-29-2024 12:59 PM

رد: فوق هام السحب ( الشعر الشعبي) على متن القوافي
 
لك طلةٍ مثل القــمر بين إلافـلاك
ولك نظرةٍ يعجبني فيها كسوفك

مــن يوم تقبل يفز قلبي وحياك
وإذا رحلت ابقـى أسير لطيوفك

...

الحمدان 09-29-2024 01:01 PM

رد: فوق هام السحب ( الشعر الشعبي) على متن القوافي
 
‏ابشرك قلبـي علـى ما انت خابر
‏يحبك ويعشق لقاك وطواريك

‏قلبي كبير ولكـن احــيان يكابر
‏يقول ما احــبك وهو ميتٍ فيك

...

الحمدان 09-29-2024 01:03 PM

رد: فوق هام السحب ( الشعر الشعبي) على متن القوافي
 
‏ماهمني كم شخص عندي يتابع
والله ولو خمسه تراهم يكفون

يعجبهم احساسٍ من القلب نابع
واهدي لهم شعرٍ له سنين مدفون

بقلمي

الحمدان 09-29-2024 01:04 PM

رد: فوق هام السحب ( الشعر الشعبي) على متن القوافي
 
‏اشتقت لك واللي خلق حلو الاحساس
يامشغل قلبي ورحي وعيني

حبي لك اكبر من هوى الناس للناس
تبعد تقرب انت موجود فيني

...

الحمدان 09-29-2024 01:09 PM

رد: فوق هام السحب ( الشعر الشعبي) على متن القوافي
 
‏هذي هي الدنيا تجارب على الدوم
تعطي دروس وقيمة الدرس فكره

إن كان درس الامس مافادك اليوم
لايكثر عتابك على حال بكره

...

الحمدان 09-29-2024 01:12 PM

رد: فوق هام السحب ( الشعر الشعبي) على متن القوافي
 
‏من يريدك عن درووبه لاتميل
‏ومن يشوف إنك خسارة إخسره

‏ولا تجادل من طرق باب الرحيل
‏إبتسم له وفي رحيله إشكره

...

الحمدان 09-29-2024 01:19 PM

رد: فوق هام السحب ( الشعر الشعبي) على متن القوافي
 
يسعد صباح من شابه الورد خده
في ملمسه في صورته في عبيره

ويسعد صباح من شابه الغصن قده
في قامته في هامته في اثيره

...

الحمدان 09-29-2024 01:20 PM

رد: فوق هام السحب ( الشعر الشعبي) على متن القوافي
 
‏أجمل صباحات المحبه والغرام
لاطلعت شمس الصباح وحلتك

اول صباح الخير منك والسلام
وأرد لك بالخير يسعد طلتك

...

الحمدان 09-29-2024 01:22 PM

رد: فوق هام السحب ( الشعر الشعبي) على متن القوافي
 
‏ما قلتلك انك عن الباقين غير
‏وفي شوفتك معنى ملذات الحياه

‏يا مٌلهمي يا سيد الحب الكبير
‏يا أوّله يا أصدقه يا مُنتهاه


...

الحمدان 09-29-2024 01:24 PM

رد: فوق هام السحب ( الشعر الشعبي) على متن القوافي
 
أنأ أنكسر من واهج الشوق بدري
وهموم صدري يعتريها سكوتك

من تتصل وانا أبتسم ليه مدري
كيف إرتبط حس السعاده بصوتك

...

الحمدان 09-29-2024 01:26 PM

رد: فوق هام السحب ( الشعر الشعبي) على متن القوافي
 
يرضيني اني عشت وافي ولا برت
واعلنت بالهرج الصريح انطباعي

زاد النفاق الاجتماعي وانا صرت
ما عاد احب أصير شخص اجتماعي

...

الحمدان 09-29-2024 01:29 PM

رد: فوق هام السحب ( الشعر الشعبي) على متن القوافي
 
‏اللي فقدني في غيابي فديته
واللي نساني جعل دربه تساهيل

واللي تجاهلـني وانـا ماجفيته
ماعاد له في وسط قلبي مساهيل

...


الساعة الآن 11:14 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية