|
رد: فوق هام السحب ( الشعر الشعبي) على متن القوافي
كل مابيّن خمال الصاحب أرفه
التغاضي فيه نوع من الرجوله زينة الرجال يـوم يغضّ طرفه عن سفايف كلمةً ماهيب حوله لو تدوّر لـ اختلاف الراي صرفه لاتجي من يمك الكلمه عجوله التعامل بـ الكلام الزين ' حرفه ماحدً يقدر عليها بالسهووله ما يهم انك تقول اللي تعرفه المهم انك تعرف اللي تقوله ! |
رد: فوق هام السحب ( الشعر الشعبي) على متن القوافي
يالله عفوك يوم تصفية الحساب
يومٍ حصاد لما زرعنا في السنين يوم الحشر قرب ولا معنا زهاب اليوم في الدنيا وبكره راحلين نجمع ذنوب ونرتجي عفو وثواب وعلى نصر ربي لنا مستعجلين تدرون ليه آمالنا كنها سراب ؟ تدرون ليه النصر سيف الأولين؟ الأولين أعمالهم وفق الكتاب قاموا عليه وباعوا الدنيا بدين وحنا غفلنا بين ما لذ وطــاب والنصر سيف ما يسله غافلين نصبح على شوف انتهاكات وخراب ونمسي على دمع وتنهات ونين بصدورنا شي تذوب إله الهضاب وأفعالنا والواقع رياح وطحين وعلى العيون من الفتن مثل الضباب ماعاد ندري من يسار ومن يمين ما للضعيف إلا الدعا لو ما يجاب ما غيره إلا الشوف مكتوف اليدين يالله زلزل تحت الأعداء التراب والطف بنا واحقن دماء المسلمين ندعيك يا قادر على جعل السحاب جيش لنصر قلة مستضعفين أغرقهم بنوع من أنواع العقاب غرق الغلام اللي يحسب أنه فطين لو ما عصا نوح نجابه في رحاب سفينته وأمضى معه ف العمر حين لكنه اختار الخسارة والذهاب إصنع بهم صنعك به وأنت المتين وإلا خذهم يا مجريٍ سود الحقاب أخذ العجوز اللي بقت في الغابرين ذوقهم اللهم أنواع العذاب اللي عثوا في أرضك من المفسدين وألطف بمن لبسوا من التقوى ثياب عبادك المستهدفين المتقين تكالبت عليهم أنياب الذئاب ولا غير عونك يا معين الصابرين من بينهم شيبة يعجزون الشباب من وقفته من طولها في الركعتين ومن بينهم عذرا توّن بلا حجاب حجابها لفوا به الجرح المكين تصيح ما هو من ألم ولا صواب تبغي الحجاب اللي خذوه المسعفين وطفل عن عيون أمه الثنتين غاب تبكيه عين وتلتفت لأخيه عين من هول ما يجري لهم شاب الغراب يا وسع حلمك وأنت ما فوقك مدين أدعيك وأنت أدرى بحال أهل المصاب وأمد كفي لك يا أكرم الأكرمين محمد بن فطيس المري |
رد: فوق هام السحب ( الشعر الشعبي) على متن القوافي
ياللي تحاسبني على مدّ يمناي
ما أنت بشريكٍ لي بحالي ومالي ابي أبذل المعروف وأطنخ بدنياي ولا متّ لي قبرٍ يسعني لحالي !! |
رد: فوق هام السحب ( الشعر الشعبي) على متن القوافي
على الله يزين الوقت وان زان وان مازان
مقاسيم ربي كلها عندنا خيره فلا غيره المعطي ولاغيره المنان وآمور البشر تخضع لـ حكمه وتقديره |
رد: فوق هام السحب ( الشعر الشعبي) على متن القوافي
الصبر نكوي به قلوب الحواسيد
لو كآن مانملك من الزاد وجبه والصمت نجرح به كبود المقاريد أللي تدور سرنا وتهرجبه |
رد: فوق هام السحب ( الشعر الشعبي) على متن القوافي
أمك ماغير أمك وطن يابن الاجواد
فرصة حياتك ( برها ) وإغتنمها في حضنها رحمه وقصه وميلاد ويكفيك بالجنه ! مواطي قدمها |
رد: فوق هام السحب ( الشعر الشعبي) على متن القوافي
بشرت غلطا تى بحسن التصاريف
واخذت من نفسي لنفسي بشاره وش يحرج الانسان غيرالمواقيف اللي تنزل هيبته واعتباره والله لوتعرض رقبتى على السيف *أهون علي من الندم والخساره ! |
رد: فوق هام السحب ( الشعر الشعبي) على متن القوافي
كنت أحب الليل وأحب القمر
يوم كان الليل يعني لي كثير من عرفتك وأنت لأحلامي عمر ومن فقدتك مابقى بالحب خير |
رد: فوق هام السحب ( الشعر الشعبي) على متن القوافي
ياسكون الليل ياصوت المطر
مانويت اذكر زمانه مانويت مرني طيفه على بالي خطر مرني قبل المنام ومارتويت بين حرفي والكتابه والسطر اذكره بين القوافي بيت بيت اكتب روايه حزينه من خطر ياسكون الليل فيها ماقريت |
رد: فوق هام السحب ( الشعر الشعبي) على متن القوافي
أستحلي فيّة القلب مادونك ستار
يابعد من شاقه البرق وأغراه الحيا شايفك من عاد الأحلام بعيونك صغار قبل معك الوجد يكبر والأرواح تحيا |
رد: فوق هام السحب ( الشعر الشعبي) على متن القوافي
انت وجهك من لقاه اصلًا عشان يخلّا ؟
يالقبال اللي به ظروف الدهر منّانه ماينافسني على صادق محبتك .. إلا العقيم اللي تعلّق في عيال أخوانه |
رد: فوق هام السحب ( الشعر الشعبي) على متن القوافي
بسيطه انك حلمي ولا تحققت
الموت من عض الندم بالنواجد طالبك لا عاد اتغيّر مع الوقت خايف يقللك الزمن وانت واااجد |
رد: فوق هام السحب ( الشعر الشعبي) على متن القوافي
ألمَس حنانك في يدينك و استريـح
من وين ما يوجعني يدينك تمسَحه هان التّعب لأني إذا فكرت اطيـح اتـذكّر إنّك فـي حياتي و انزحَـه .. |
رد: فوق هام السحب ( الشعر الشعبي) على متن القوافي
ملامح ٍ هامت عيوني فيها
والله ما تِمسي وهي زعلانه من حقّها تزعل علي وأرضيها حتى لو إنها كانت الغلطانه |
رد: فوق هام السحب ( الشعر الشعبي) على متن القوافي
والله انك ياعديل الـروح غاليي
واثمن من السر بأعماق الضمـاير فـرحه عيّــوني ليا شفتــك قبالـي فرحه الكسبان مـن بعد الخـساير |
رد: فوق هام السحب ( الشعر الشعبي) على متن القوافي
بين ميراد الهقاوي ومصدار الظنون
صار في نفسي قناعه وفي سمعي ثقل تكتفي رواد الابداع عن مايكتبون لا اصبح الاعلام تطبيل والساحه نقل كل يوم يزودون العدد ويلمعون لين صار الشعر مفقود والمبدع مقل من يتيه شرد الافكار في ريف الشجون مستحيل انقول موهبته بحاجة صقل العرب والله ماعاد ندري وش يبون والصدور من المشاريه صارت معتقل تغلط العقال ونقول لـ الطيب يمون وتغلط الجهال وانقول تكبر وتعقل مايهم انهم يذمون ولا يمدحون الاهم ، ارتاح عن ، مايلي ، على الاقل |
رد: فوق هام السحب ( الشعر الشعبي) على متن القوافي
قالوا تجامل قلت لابد أجامل
ادرى واداري وادفع الشي بالشي واللي مايعرف كيف فن التعامل يعيش ماله لاصديقٍ ولا خي لأني أعلم ماحد مخلوق كامل بعض المرض ماينفعه كثرة الكي الوقت هذا فيه تقرير شامل يودع الميت ويستقبل الحي عبدالله الجبرتي |
رد: فوق هام السحب ( الشعر الشعبي) على متن القوافي
مايفرح الرجال طيحة بناخيه
ولايزعل الطيب نجاح ابن عمه واللي يحارب بالمواقف عوانيه انا اشهد ان الحسد يجري بدمه |
رد: فوق هام السحب ( الشعر الشعبي) على متن القوافي
اثبت وجودك في صفوف المصلين
واقرأ حديث الترمذي وابن ماجه واطلب من الله يصلح الحال ويعين فالثلث الآخر مدّ يدّك وناجه |
رد: فوق هام السحب ( الشعر الشعبي) على متن القوافي
الآ يالله أنا طالبك كل ما صليت
تغفر الذنوب و كل الاحزان تفرجها وانا من سلاح الصبر لو طال مامليت عسى النفس بامرالله تحصل مخارجها |
رد: فوق هام السحب ( الشعر الشعبي) على متن القوافي
اثنين تلقى قربهم راحة البال
ومن برّ فيهم عند ربه جزاته واثنين تلقى قربهم سو الاحوال من قاطع ارحامه وقاطع صلاته |
رد: فوق هام السحب ( الشعر الشعبي) على متن القوافي
الذيب لا جاع ما يأكل من الحرجه
واليا شبع ما دفن للقابلة سوره الرزق مقسوم و الضيقات منفرجه والحمد لله دام الحال مستوره |
رد: فوق هام السحب ( الشعر الشعبي) على متن القوافي
حاول تخلي جلستك عند العرب ركعة وتر
خفيفةٍ تقضي لزومك اذا صليتها وحاول تخلي كلمتك عند العرب ليلة قدر كلٍ يدورها ولا يدري متى توقيتها وحاول تخلي كلمتك وقت العتب رشة عطر يفطن لها المخطي ولا تندم اذا رشيتها |
رد: فوق هام السحب ( الشعر الشعبي) على متن القوافي
يا صاحبي والعيب ما عـاد به عيب
واللــي يــدارون المنــاقيــد ماتـو باالحيل لو دققت شفت العذاريب وعقيّلنــا مــع مايــل الوقت هاتو الوقـت هـذا طلّـع بروسنا شيـــب نبكــي علــى أياماً جميلات فاتو |
رد: فوق هام السحب ( الشعر الشعبي) على متن القوافي
حنيـن حنيت لـك يـا لابــس الخنة
يا مـن لك اعيان كحـلا ســود قتالة ما ظـن قلبـي ابـد ينســاك ما ظنه ولا اقدر انسى غرامك طول ماطاله يـا فـاتنـــي يـا دوى قلبــي و يافنه مـن حب مـزيون مثلك حلو يهنالة في بعدك اصبحت بين النار والجنة عـايش بـدونك مبهـذل حالتي حالة |
رد: فوق هام السحب ( الشعر الشعبي) على متن القوافي
آه من قلبي اللي دايمٍ في ذهول
والله انه ثقيلٍ لين جوه الثقال ياقطاة العبيه ياهيام الذلول ياعيون النداوي يارقبة الغزال نور وجهك على من شاف منك القبول نور صبحٍ تبسم في رهاد الجبال كني اقرا على طُرّة جبينك تقول انا قلبي يحبك ياحبيبـي تعال كان قدمي حدٍ فالحب راح مهبول والله انه خطيرٍ لايجيني هبال المحبه جملها مرسلٍ ومعقول لنعنبو من يقول ان المحبه خبال والذي ليلة الاسراء عرج بالرسول ان حبك لحال وحب غيرك لحال سعد بن جدلان |
رد: فوق هام السحب ( الشعر الشعبي) على متن القوافي
ماحب الرفيق اللي يحب يتجمل في
احب الرفيق اللي ماقد شفت معروفه هذا مااشعر بحريتي معه دامه حي وذاك اشعر بحريتي كل ماشوفه. |
رد: فوق هام السحب ( الشعر الشعبي) على متن القوافي
الي على الفطره وصافي مع الناس
في هالزمن محسوب "دقه قديمه" واللي على غرات الاجواد بلاس يلقى من الغادين حشمه وقيمه |
رد: فوق هام السحب ( الشعر الشعبي) على متن القوافي
يا صاحبي مهما يميلن الاوضاع
الله كريم وكل صعب يحله وكسب ينزلنا من الرجم للقاع لو كان ياقف في نصدنا نزله نشوم شومة عز عن بعض الاطماع لا صار تلحق عزة النفس خله حنا عزاز ولا نحب التخضاع والله خلق فينا الكرامه جبله نكره وجيه الكبر في كل الاصقاع والكبر يرخص كل نفس تشله من عاش عمره للمخاليق تباع يشرب فناجيل الغبن والمذله وراع المعزه لو من الوقت يلتاع يعيش شامخ ما انحنى غير لله خليل بن هدلان |
رد: فوق هام السحب ( الشعر الشعبي) على متن القوافي
يا كثر صدقان الصحن والمعاميل
ويا قلهم لامن تقادح شررها إعلم ترى الخوه فعول وغرابيل في دورة الأيام يجنا ثمرها بعض العرب للتمشيه والتساهيل وبعض العرب للمعضلات وخطرها أحدن توصل به بعيد المواصيل وإذا معه لك حاجتن ما ذخرها وأحدن هبيل ويحسب انا مهابيل نستر عيوبه والله اللي سترها ظهره ظهر عقرب وبطنه بطن فيل ووقفات سمحين اللحى ماقدرها رشيد الزلامي |
رد: فوق هام السحب ( الشعر الشعبي) على متن القوافي
يا صاحبي مافي عسل من ذبابة
وِلَأّ حليب اسمه حليب العصافير صٌأّحٌبِ يِّطّلَعٌ صٌأّحٌبِهِ لَلََّسحٌأّأّبِهِ وِصٌأّأّحٌبِ يِّنِزِّلَ صٌأّحٌبِهِ قِأّعٌةّ أّلَبِيِّر وِبِعٌضّ أّلَصٌدِأّقِهِ لَعٌنِ أّبِوِهِأّ صٌدِأّقِهِ مَثّلَ أّلَنِجِأّرهِ ع«لَ أّبِوِوِهِأّ مََّسأّأّمَيِّر |
رد: فوق هام السحب ( الشعر الشعبي) على متن القوافي
لاصرت ترمي لك جبل غلطةٍ منك
وامرٍ طبيعي لارميته تصيبه بلاه كبره وانت محدٍ درا عنْك يزداد هيبه وانت تزداد خيبه الشاعر الكويتي حمد السعيد |
رد: فوق هام السحب ( الشعر الشعبي) على متن القوافي
لا جزا الله حمامه فوق الأبراج ناحت
أشغلتني ولا أدري وش بلاها تنوحي سامره ليلها في بِرجها ما أستراحت لو هي تندب لها حيٍ لزومٍ بيُوحي ذكّرتني ليالٍ بأول العمر راحت قبل تظهر مغاتيرٍ بوجهي تلوحي أه يافرصتي ضيّعتها يوم ناحت أحسب إن الليالي الممتعة ماتروحي كبدي اللّي تشادي دلّةٍ يوم فاحت سَج عنها المقهوي فوق جَمرٍ تفُوحي شعر: سليمان الهويدي |
رد: فوق هام السحب ( الشعر الشعبي) على متن القوافي
أنا الذي شفت البـلاوي وصديـت
ومن باعد الصدات قلّـت شطونـه ماني ونا بندر بهيـت ولـد هيـت هيـت يجامـل خمـة يكرهونـه من كثر ما جربت واقبلت واقفيـت قولك هلا لمن لا يـودك مهمونـه والله يا لولا قول يا رجـل زليـت لاعـد شـي مـا ترقـع شنونـه سلط على النصراني اللي لقى الزيت ياعل نبع الزيت يعمـي عيونـه لولاه تحتـاج المراجـل شفاليـت تحتاج شي يقصـر النـذل دونـه عزب على الفرجه وقطع الخلاليت حتى عيال البـوم مـا يقطعونـه ثلاث مـن كـل المعانـي تنقيـت اللي بقـى كـل المـلا يقدرونـه مابي جزاهن غير من خالق البيـت عن مالهـن للنـاس مـا ينفعونـه بندر بن سرور |
رد: فوق هام السحب ( الشعر الشعبي) على متن القوافي
من لا يداري خاطرك لا تداريه
بعض المدارى لـلخواطر مذله كم واحدآ تتعب على شان ترضيه ويصير ظنك فيه ماهو محله والصحبه اللي من وراها مشاريه احظر تجامل صحبته رح وخله عليك باللي كل ماحل طاريه كلمة نعم تنساقله وتحصله |
رد: فوق هام السحب ( الشعر الشعبي) على متن القوافي
يالله عسي بيت الكرم والمواجيب
يبقي عزيز وشامخات(ن) ركونه بيت الذي به منقع الجود والطيب للضيف والمحتاج واللي يجونه |
رد: فوق هام السحب ( الشعر الشعبي) على متن القوافي
صحيح ماندري عن الي يكنّون
ولحدٍ عـن قلـوب الأوادم تـنّبا مهما الليالي تستر اللي يخبّون تبــدي لـك الأيـام شيٍ مــخبّا |
رد: فوق هام السحب ( الشعر الشعبي) على متن القوافي
احوالنا ماهي بدايم على دوك
ولا لــقيـنـاهـا بكـار ٍ حــلايــب ناخذ قروض بنوك ونسدد بنوك واحيان ماتقضى يكون بطلايب ونصبر ولوقدنا من الحملة بروك ونقوم ولو تضلع خفاف الركايب يابوك انا في حكم الايام مملوك مره تزين ومرتينٍ غلايب سعيد بن مقبل |
رد: فوق هام السحب ( الشعر الشعبي) على متن القوافي
لو ابجادل بالزمن كل هرّاج
قللت من عرفي ونزلت قدري واليا بلاني بالسواليف هلباج سلّكت له واللي بصدري بصدري ! |
رد: فوق هام السحب ( الشعر الشعبي) على متن القوافي
العسر معه اليسر والصبر بابه
ولا يقطع الفرجه ضعيف الأشاوير والمرجله جوٍ تطارد سرابه عليه من صلفات الأريا معاصير ما يقطعه كود أبلجٍ ينغزا به اللي يوردها على جمة البير على خويه غشنةٍ من سحابه وعلى عدوه قطعةٍ من زمهرير |
| الساعة الآن 01:09 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية