رد: ديوان شعراء السعودية في العصر الحديث (متجدد)☘️☘️
 

قصيدة خمر الأرياق
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
345 مشاهدة

أشتاق لك وكلمك كل ما أشتاق
عنك الثواني كنها شهور وسنين
عليك قلبي من ضنا الشوق خفاق
أبيك لكن وين دارك وأنا وين
أي والله أحبك وحبك فا الأعماق
وقصايدي بك للمفارق عناوين
في حضن عيني صورتك كل ما راق
طيفٍ يجيبك من خفا الروح للعين
طيفك يونس وحشتي كل ما ضاق
صدري من الفرقا وبعد المحبين
لو أقدر اسيطر على حر الأشواق
ما قلت أحبك عند الأقصى والأدنين
أحب فيك الأصل مع حسن الاخلاق
وأحب فيك العطف والستر والزين
والسكرة اللي من لما خمر الأرياق
أسرار حبٍ خالدٍ بين روحين

رد: ديوان شعراء السعودية في العصر الحديث (متجدد)☘️☘️
 

قصيدة متولع برضاك
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
318 مشاهدة

.

ما غير أدور ما يسرك ويرضيك

متولعٍ برضاك ورضاك كايد

يا فاتني طالت مسافة تماديك

جورك طغا وأنا بيّ الشوق زايد

سر اهتمامي فيك ماهوب خافيك

عَلمك قلبك قبل تقرا القصايد

قصايدي نبضات قلبٍ يناجيك

متعودٍ من رمش عينك عوايد

عوايدٍ عنها قبل عام ناهيك

أقول صد إلين تطفي الوقايد

لا تجرح رماح الهدب قلب مغليك

ما به مكانٍ للجروح الجدايد

تعرف غلاك ومقصدك من تعلّيك

تبيني أسلا عن قريبٍ ونايد

رد: ديوان شعراء السعودية في العصر الحديث (متجدد)☘️☘️
 

قصيدة جيش الشعر
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
265 مشاهدة

هذا الورق من حربة الحبر خايف
ويحفظ لها ما تستبيحه من البوق
أجرَّح المعنى بحدّ الرهايف
لحدّ القلم فالبوح غارات وفتوق
وجيش الشعر تومي عليه السفايف
ومطرود غايات الرجاجيل ملحوق
أركب على شقر المهار العسايف
وانطح وجيه القوم سابق ومسبوق
وأردّ فارس لهفة الروح عايف
واكتب على كل الزهر زاهي الشوق
نجدي وفي وجهي سمار النوايف
وفي كفَّي أنهار الرمل نفد وعروق
وأنا وما ينبت ترابه ولايف
متخاشرينٍ بالنخل ظل وعذوق
وروضٍ على ماترغب النفس رايف
أركز به المشعاب وأرعى به النوق
والنفس تبري بالزهور الحسايف
ما تقطف إلاّ رأس مختال زملوق

رد: ديوان شعراء السعودية في العصر الحديث (متجدد)☘️☘️
 

قصيدة للطير طبع
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
255 مشاهدة

يا طير كانك يوم صديت صايد

تراي سامح وأنت يا طير مسموح

غلاك عندي لو تنكرت زايد

قربت وإلا بالغلا تبعد الشوح

اللي تنكر بالليال الشدايد

وقت الرخا ما من مصافاه مصلوح

للطير طبع وللأوادم عوايد

وكلٍ على طبعه له الباب مفتوح

إما غدا ولا بقى له شرايد

وإلا يجي ما جاه بالدرب ساموح

بعض الطيور أنكر ولا من بعايد

على الحمامة غيبة الشمس مطروح

ترى الوفا والطيب والفعل كايد

ما هي على الفرغة سواليف ومزوح

وأنا بحيل الله صدوق الوعايد

أصبر ولو قلبي معذب ومجروح

لو رأس مال مدورين الفوايد

بقي لهم ما صار ناصح ومنصوح

وللي بخيصٍ في معان القصايد

لازم يعرف القصة اللي لهاروح

رد: ديوان شعراء السعودية في العصر الحديث (متجدد)☘️☘️
 

قصيدة ودعيها ياعيوني
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
239 مشاهدة

ياعيوني ناظريها وادمعي

شوفي الأيام وش سوَّت بنا

هي هناي وهي مناي ومطمعي

أبعدت وإلاّ بها حظي دنا

حكيها ودَّي يعانق مسمعي

ليتها ما تعرف اسمي من أنا

لجل تأخذها سوالفها معي

ويستعير الشوق لحظات الهنا

لو تظاهر بالصدود وتدّعي

حيرة العاشق مفاتيح المنى

ودَّعيها يا عيوني وارجعي

ينتصر للحب يأسي والضنا

ودّعي بالشوق حب مودَّعي

للهموم اللَّي سحايبها عنا

حبنا ما صار مخلوف السعي

والرجاء بك طيف حلمٍ مرّنا

رد: ديوان شعراء السعودية في العصر الحديث (متجدد)☘️☘️
 

قصيدة اجمع الغره
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
233 مشاهدة

اجمَعْ الغرّه ورجّعهَا جميع
لا تخليها على وهج الشعاع
لأجلْ نور الخد فيها ما يضيع
الظلام إلى أمر فأمره مطاع
إن نهيت القلب عيّا لا يطيع
يا عيونٍ ما خذتني للضياع
كيف نشري بالهوى العف ونبيع
والغلا مثل الضماير ما يباع
الوداعة مايضيَّعْهَا الوديع
لا تكفنها بنظرات الوداع
ليت لي صدرٍ على هجرك وسيع
وليت حظَّيْ بالهوى ساق الشراع

رد: ديوان شعراء السعودية في العصر الحديث (متجدد)☘️☘️
 

قصيدة السكوت ارحم
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
231 مشاهدة

السكوت أرحم ولا الشكوى لظالم

اشتكي له منه وأنشده العداله

الصراحة فيه معدومة معالم

وإن شكيت من الهوى قالوا جهاله

قاله اللَّي من جروح الحب سالم

يحسب إنَّي مثله بدنياي داله

جهّلوني بالهوى تجهيل عالم

مارعوا حبي ولا خلّوا مجاله

مثني بمواصلٍ به كنت حالم

ودَّي أحيا لحظة العشق ودلاله

رد: ديوان شعراء السعودية في العصر الحديث (متجدد)☘️☘️
 

قصيدة يا للأسف
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
227 مشاهدة

دمعي يهلّ وعيني تجيب ماجاب

قلبٍ تولّع بالهوى حال حوله

خدعتني واغريتني وأنت كذّاب

ويا للأسف صدّقت هرجٍ تقوله

تلقى لك احبابٍ وانا القى لي أحباب

حبِّي بعيدٍ عنك تعجز تطوله

وللِّي مثل شرواك مانحسب حساب

الحب خلّه عنك عرضه وطوله

لا تحسب إنِّيْ يوم ترمش بالاهداب

أهين عزة خاطري في ميوله

صبري عليك العام يازين ماثاب

واليوم عنك انهار ماي معدوله

غيرك سكن قلبي من الناس جذّاب

ناظر على وجهي ملامح مثوله

خلٍّ عليه القلب مخطر ومنصاب

بالزين منتب لو تشيَّكْت حوله

رد: ديوان شعراء السعودية في العصر الحديث (متجدد)☘️☘️
 

قصيدة شوارد
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
216 مشاهدة

.

أطلقت قيد هموم وقتٍ محابيس

قناعة ما ودي أبحث خفاها

أدوس رأي كايدٍ ما بعد ديس

نفسي رفيعٍ الهوى مستواها

أحب أناظر طلوع الشمس من بدري

أفظع من إشعاعها نورٍ براضيها

يا معاتبني على طيف الخطيه

زلتي وحده وزلاتك كثيره

ما يجرح القلب غير عيون

ظبي غريبٍ مثل عينك

تنثر شتاتي بروس الرمش والمه

على مطاف العيون أحرمت بحرامي

حسبي الله على طيفك ونعم الوكيل

كل ما سج قلبي بالغلا ذكره

الطير لو أنه عطيب المضاريب

الى نكسر خطوا سبوقه ويعوقه

وتسوقه الأقدار يصبح عشا الذيب

يوم أن حظه قلل الله وفوقه

رد: ديوان شعراء السعودية في العصر الحديث (متجدد)☘️☘️
 

قصيدة الضايعه
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
206 مشاهدة

الضايعه تبدا من القيل والقال

لوكان ما للخلق عندك مطاليب

دنياك لو تغري مقامك بالاقبال

عن وجهها جود لكفك مقاضيب

اقضب عنان العقل عن كل مختال

ولا توقف ماقف الشك والريب

كم هرجة يفرط بها حرص عذال

تظهر فوات الحرص عندالأجانيب

ويركب ظهرها كل مبغض وختال

ويسوقها سوق العرب للمناجيب

الناس دون احساس ما ترحم الزال

إلا عليه يوثقون التعاجيب

مشاكل ايامك عريضات وطوال

تفرق بها خبث الونوايا من الطيب

هذا وحظي طول الايام ما مال

راسي رفيعٍ عند سئّال ومجيب

حنيفي بالفعل من حومة ابطال

حظي من التاريخ بيض المكاتيب

من فضل رب بالخفا يعلم الحال

نارد على عسر الموارد لياهيب

ياللي تحسب العز في كثرة المال

فقد الجماله والتجمّل هو العيب

العود لو هو ميت جاله اظلال

جاله ظلال عن سموم اللواهيب

المال مثل الفي في كل الاحوال

حظٍ من اللي يعلم السر والغيب

من لا يموت الحظ به مات ماطال

ولا غنم يوم السعد بالمواجيب

الدين عز ورايته طيب الاعمال

فزعة خفا على النقا للأصاحيب

وثق كلامك فالمواقف بالافعال

ولا تطاول من على حق ومصيب

اصبر على الميلات والرب حلال

الصبر مفتاح لصافي المشاريب

الصبر مفتاح الفرج ما به اشكال

يرقى به الرجال روس المراقيب

رد: ديوان شعراء السعودية في العصر الحديث (متجدد)☘️☘️
 

قصيدة سلطان حبك
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
170 مشاهدة

مع كل أشعة شمس تشرق قصيده
أكتب قصيدي بك على رؤوس الأطلال
خضر النخيل دواه رأس الجريده
أكتب بها شعري على رأس ما طال
حبي زمانٍ وأنت يومه وعيده
شوفك رخا وقتٍ عطالي بالأقبال
سلطان حبك.. خافقي من عبيده
استعبد فؤادي على كل الأحوال
يا صاحبي داو الجروح الجديده
داو آخر جروح الغلا يا هوى البال
وركز على روح الجروح العنيده
إن طاب طبت أيام يا طيب الفال
وإن طاب وإلا فتركه لا تزيده
ترى الجروح أبواب عجلات الأجال
أخاف من يوم الدواء ما يفيده
وتصبح علي بكيلة الحزن تكتال!!

رد: ديوان شعراء السعودية في العصر الحديث (متجدد)☘️☘️
 

قصيدة بين يأس ورجاء
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
168 مشاهدة

قلبي اللِّي من سهوم الهوى مانجا

راح بين العيون وبين ورد الشفاة

الخطر من عيونك بين ياس ورجا

اشرقت به ليالي عمرنا المقبلات

واحسايف سهر عيني بليل الدجا

آه ياليت مالي بالهوى ذكريات

حبّك اللِّي بقلبي ياحبيبي لجا

له غصونٍ بريضان الحشا مزهرات

واعذاب النواظر كلّ ما الليل جاء

يصبح الصبح طرفي ساهرٍ ما يبات

أحسب انّك ذرىً لي واحسب انك حجا

ومنك ياظالمي وشلون ادوِّرْ نجاة

ارحم عيوني اللِّي طرفها ما سجا

بالمنام وتهنا ياعيون المهاة

رد: ديوان شعراء السعودية في العصر الحديث (متجدد)☘️☘️
 

قصيدة بين يأس ورجاء
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
167 مشاهدة

قلبي اللِّي من سهوم الهوى مانجا

راح بين العيون وبين ورد الشفاة

الخطر من عيونك بين ياس ورجا

اشرقت به ليالي عمرنا المقبلات

واحسايف سهر عيني بليل الدجا

آه ياليت مالي بالهوى ذكريات

حبّك اللِّي بقلبي ياحبيبي لجا

له غصونٍ بريضان الحشا مزهرات

واعذاب النواظر كلّ ما الليل جاء

يصبح الصبح طرفي ساهرٍ ما يبات

أحسب انّك ذرىً لي واحسب انك حجا

ومنك ياظالمي وشلون ادوِّرْ نجاة

ارحم عيوني اللِّي طرفها ما سجا

بالمنام وتهنا ياعيون المهاة

رد: ديوان شعراء السعودية في العصر الحديث (متجدد)☘️☘️
 

قصيدة راي عنيد
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
165 مشاهدة

.

هم الأيام والجرح القديم الجديد

كل ما قلت طبت شوي جتني جميع

أتصبّر ولكن الصبر ما يفيد

والهقاوي تساقط دون رأسٍ رفيع

قلت للهاجس اللي منه همي يزيد

طاع قلبي ونفسي ترفضك ما تطيع

أرحم الحب شوفك يالقريب البعيد

في فياضٍ من الفرقا زهرها ربيع

تقطف الزهرة اللي بين شيح وعضيد

وزهره في فؤاد مشوكات النقيع

فيك أحلى الكلام وفيك أغلى القصيد

الصحيح أن عيني بك نظرها يضيع

من عشقتك وأن أعشق كل رأيٍ عنيد

للخطا منك في قلبٍ يودك شفيع

عيدهم الليالي في عيون الوحيد

وحلم ربي على ما قال الأول وسيع

رد: ديوان شعراء السعودية في العصر الحديث (متجدد)☘️☘️
 

قصيدة بلغت السلام
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
149 مشاهدة

يابوي بلّغتْ السلام وتوصيت

وأوميْت بكفوف الغلا عشر مرّات

لا والذي ياسيَّدي كوَّن البيت

إنَّي على العارض ثنيت التحيات

يابوي في ردة سلامك تقصّيتْ

بلّغت به كل الخشوم المنيفات

ياسيَّدي ضَجّتْ بوجهي وضجيت

تقول وين اللَّي له الجود عادات

تقول أنا لسعود ياما تحريت

نقَّضْ عليّ جروح وقتٍ قديمات

إن كان مصخيني فأنا فيه ماأصخيت

عليه كلّ ركاب شفَّيْ مشقّات

شوفه عزاء روحي عن الحي والميت

رد السلام لشوق بيضٍ عفيفات

رد: ديوان شعراء السعودية في العصر الحديث (متجدد)☘️☘️
 

قصيدة مجرد التفكير
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
133 مشاهدة

لو انها مره تتقيت عنها

لكنها مره ومره ومرات

مزاعمٍ ما ينصرف بي ثمنها

مجرد التفكير يا هل المروات

شرهة محبٍ ما تفارق وطنها

في خاطري تكبر ولا به مراوات

غلطة محبٍ بالصداقه دفنها

يبني من الغفله قصور ومقامات

ان كان تبغى عز نفسك فصنها

ومن طاح قدامك فقل له سلامات

وصيةٍ وصى بها من ضمنها

وصيةٍ يدرك بها الحي ما فات

ومن قال له كلمة خطا ما وزنها

خذله من القرآن تفصيل الآيات

كلمه غطاها طول الأيام منها

وكلمه دوافعها كبار وخفيات

والدار ما ضاقت من اللي سكنها

الله وعد خلقه بنارٍ وجنات

رد: ديوان شعراء السعودية في العصر الحديث (متجدد)☘️☘️
 

قصيدة دنيا السهر
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
133 مشاهدة

في عيونك دمعة الفرقا قدّرْ

وفي عيوني وحي مخدوع الضمير

لا تقول الحظ خانك وانعثر

ولا تقلل قيمة الحظ الكبير

خلّ عيني منك في دنيا السهر

للجفا تختال بثياب الحرير

ما على الآمال من ظلم الدهَر

به يصير القاك وإلاّ ما يصير

ظامي الوجدان وأشواقك نهَر

اسقني من عذب معسول الغدير

الرموش السود والطرف الحوَر

ليتها عن لحظها لي تستخير

أوّل المشوار في حبك قهر

وآخر المشوار عمري به خطير

نشوة المفتون بك نشوة زهر

ورد غصنٍ عانقه نفح العبير

رد: ديوان شعراء السعودية في العصر الحديث (متجدد)☘️☘️
 

قصيدة دموع الأيام
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
130 مشاهدة

وجهي حياة الهم ودموع الايام

أسال ملامح وجهي اليوم تنبيك

وتشوف هم العام واللي ورى العام

أكبرهموم الوقت ما تجني يديك

متعلق بين الحقيقه والاوهام

أقول ما أبي شيىء لاجل اني ارضيك

أظمأ الحب يسقي الظامي خصام

وأروى فراق في مراتع مظاميك

حال الظما من دون تحقيق الاحلام

وأقفيت كنك ماتبيني ولا أبيك

إلى قعد هاجوس قلبي معك قام

تامرني ابعد عنك اقول عاصيك

وأقول انا ما طاب للنفس مادام

ومادمت حي طول الايام برجيك

أنا احترق والأدمي روح عظام

وعند الملا ما كن لي رغةٍ فيك

رد: ديوان شعراء السعودية في العصر الحديث (متجدد)☘️☘️
 

قصيدة النجمة
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
128 مشاهدة

طاحت النجمة على صدر الشفق
وانتهى قبل العشا حلم النهار
وأقبل الليل بالعذراء رفق
بالهموم الحالكة يطو العمار
وثارت الأشواق والقلب اصطفق
وقلت ياروح الغلا قر القرار
كأس ماء قلبي من الوجد اندفق
ايه أحبك موت يا ظبي القفار
لو ربي ما كتب لي بك وفق
مت موت العشق بأحلام الكبار
كلما قلبي من الفرقا خفق
قالوا اللي عندنا ذا حس طار
في هواك القلب والشوف اتفق
جنتي قربك وبعدي عنك نار

رد: ديوان شعراء السعودية في العصر الحديث (متجدد)☘️☘️
 

قصيدة احبكاحبك
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
126 مشاهدة

أنا شوفتي وحده وعندك تصير أشتات

إلى جيت يمك فرق الرهب شوفاتي

يجيني زمل وأن الزمل ينهي الهقوات

أنا أقول وش حدك على كشف غراتي

أحبك وأحبك وأنت ما تجهل الغايات

ولا تجهل أني منك أصارع شقا ذاتي

أقول أنت غالي بس يا صاحبي هيهات

مواعيد حبك تشرب أنهار مشهاتي

عليك أنت إلى راحت هموم الغرام وجات

تزيد الظنون الضايعة منك حسراتي

ضحية عيونٍ من سواد السحر خدرات

سحر حسنها الفتان جدد روح رغباتي

على وردتينٍ من بياض الوجن شمسات

ظلال الرموش ايضيع أعزوم حيلاتي

وأنا يا حبيبي كلما ضاعت الحيلات

دريت إنك إقبالي ولكن هيهاتي

رد: ديوان شعراء السعودية في العصر الحديث (متجدد)☘️☘️
 

قصيدة حكم الليالي
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
117 مشاهدة

العتب جايز وخلّه باختصار

بس ما أقوى منك نظرات الشمات

البكا لك يا نظر عيني وقار

عزَّل الدمع الرموش الواقفات

مثل طلٍّ في زهور الورد حار

حار ما ساير دموعٍ نازلات

إن مسحته راح بكفوفٍ تغار

منه لا عانق ورودٍ ناعمات

كلّما ترخي عليها بالخمار

تجدف أطرافه دموعٍ حايرات

وغرّةٍ مفلولها حرِّك وطار

وطار معها عاشقٍ يقوى الثبات

اتجاهه وجّهَهْ لك واستدار

هام في حبك على كل الجهات

الليالي حكمها قاسي وجار

والعذر فيه المعاني قاصرات

رد: ديوان شعراء السعودية في العصر الحديث (متجدد)☘️☘️
 

قصيدة شهامة ملام
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
110 مشاهدة

ضيف العين شوفي لك يطيب المقام

بين جيدك وخدك للخلي الجريح

لأجلك العام الأول صرت أحب اللثام

حدر رمشٍ ظليل وفوق خدٍ مليح

قبل عينك تسلم بدني بالسلام

لا تخلي غلاها وأنت ساكت يصيح

في عيونك ولو تزعل شهامة ملام

والرضا كل ما حارب بها يستريح

أنت لولاك عندي رخص سعر الكلام

هرج غيرك مكسر وأنت هرجك فصيح

بين حد النهار وبين حد الظلام

احفر القبر وادفن به محبٍ ذبيح

من غلا غير عينك ما طلبت الغرام

قلبي بحب غيرك يا حبيبي شحيح

رد: ديوان شعراء السعودية في العصر الحديث (متجدد)☘️☘️
 

قصيدة ويلاه
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
107 مشاهدة

ويلاه من شوف الشعر في جبينك

طلايقه يوم انتثر قلت جنّيْ

شفتك ولكن وين حظي ووينك

وشفت العيون الساهيات وشجنّيْ

ويوم التوى بعض الشعر في يمينك

كل الحلا اللَي بك غريب وفتنِّيْ

عرش الهوى خلقت له رموش عينك

عكشٍ بحربة حبّهن صوّبنِّيْ

عطْ قاصرات الزين من زود زينك

عطهن ترى نصف المطالب تمنِّيْ

عمرك ينادي مامضى من سنينك

أيام عمرك كنهن يرجعنِّيْ

عيني وقلبي والعقل عاشقينك

شفتك وشفت الزود عن زود ظنِّيْ

وثق عهود الحب بيني وبينك

فتي معركة حبّك عيونك خذني

رد: ديوان شعراء السعودية في العصر الحديث (متجدد)☘️☘️
 

قصيدة فرحة لقانا
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
108 مشاهدة

لا تستحي قل أحبك تعبت أسماعي
أرجوك لا تستحي يا صاحبي قلها
اطلق أحجاجك وخله يرسل الداعي
فرحة لقانا ترى ما بيك تقتلها
ضاح إبجبينك لعيني نور وإشعاعي
وعيوني لشوفتك مع خافقي ولها
خذ جرحك العام بي من هاجس أو جاعي
وإّلا يابو ضحكةٍ بيديك كملها
وإن قالوا الناس عمري بالهوى
ضاعي بانت لك أسرار قبل اليوم تجهلها
يا صاحبي هاجسي بك دايمٍ واعي
فيك إنت نفسي تجادلني وأجادلها
مرٍ تكون الرعية والهوى راعي
ومرٍ أكون الرعية وأنت كافلها
أفرح بطيفٍ يجيبك وأرفع شراعي
والنفس بوعودك اللي كذب عللها

رد: ديوان شعراء السعودية في العصر الحديث (متجدد)☘️☘️
 

قصيدة مر اهل الهوى حالي
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
106 مشاهدة

في هاجسي لك وطن من قبل عرفي لك

وإحساس فكري يقول ابحث عن الغالي

أشوف وأحب لكن عقب شوفي لك

لقيتك الهاجس اللي مشغلٍ بالي

يا شعب روح المحبة كيف ما أصغي لك؟!

وأنت أول الناس فالأحباب والتالي

ودك تشوف الخفايا ويش تخفي لك

تقول أحبك وأنا أحبك ولا أبالي

بالحب لو ما وقف قلبي بصفي لك

برميه من بعد قطعه بالخلا الخالي

أفضل الموت أنا ما مات شفي لك

تبي الصحيح إن.. مُر أهل الهوى حالي

إن غبت شمعة عيون الحب تطفي لك

وأن جيت نوّر ضيا الجيه سما حالي

لو شفت منك الجفا ما جف عطفي لك

لا شك أنا في غرامك طيبٍ فالي

رد: ديوان شعراء السعودية في العصر الحديث (متجدد)☘️☘️
 

قصيدة منك وعليك أشكي
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
107 مشاهدة

ليت الزمن ياقف لنا لو ثواني

وإلاّ معه ياخذ قلوبٍ جريحات

وليت الهوى ما ياخذ اللِّي عطاني

ولا يبدِّل أُنسنا فيه باآهات

ولا يجدِّدْ جرحنا بالأماني

جرح الأماني مايعالَجْ بمأساة

بين الزمان وبين مرّ الحناني

شافت عيوني في سما الحب لوعات

يا صاحبي حيّرتني في زماني

منك وعليك أشكي وداعي الوفا مات

وراك ما ترحم خفوقٍ يعاني

صدِّك وتعذيبك يرى فيه راحات

يا جاعلٍ تالي هوانا هواني

تبات مسرورٍ وغاليك مابات

يمديك تعرف صادقات المعاني

تعبير صبٍّ يشتكي منك ما فات

سلبت زين الفاتنات الغواني

وسلبت عقلي وأسبلت فيك الأبيات

رد: ديوان شعراء السعودية في العصر الحديث (متجدد)☘️☘️
 

قصيدة لو تعذر
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
105 مشاهدة

علّموه إني بريٍّ من هواه

عفت حبه ما على بالي طرى

من هواي اليوم مقطوعٍ رجاه

عيني لقدّام ما ترجع ورا

عنه قلبي منه محجوبٍ سماه

بالغيوم اللِّي مناشيها سرى

لا يجيني خاضعٍ يبعد وراه

يشهد الله ماله بحبي ذرى

منه قلبٍ عذّبَه ودّع عناه

أحمد الله ناظروا جرحي برى

باع حبّه قلبي اللِّي قد شراه

باكر عيونه على عزّه ترى

لو تعذَّر ما نشدته عن خطاه

بس عذره شاهدٍ باللِّي جرى

رد: ديوان شعراء السعودية في العصر الحديث (متجدد)☘️☘️
 

قصيدة سود سها
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
105 مشاهدة

سودٍ سها ويلاه والهه عنها
عبث البنان بعبث غرّة محياه
شتقرٍ تحلف إن الذهب خلق منها
يوم الْتوَتْ شرطانها قلت ويلاه
ومن الولع بك زار نفسي شجنها
ياليت رمحٍ صوّب الخافق أخطاه
كبدي بحربة رمش نجله، طعنها
ولا فيه عنَّي من يردّه وينهاه
تجللّت من جور حسنه كفنها
نفسٍ دواها وردي لماه بشفاه
عينٍ عليّ بالموت تأمرت وتنهى
سلطانها حبِّيْ على ذبحي أغراه

رد: ديوان شعراء السعودية في العصر الحديث (متجدد)☘️☘️
 

قصيدة جرح الغلا
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
104 مشاهدة

يا منتهى حبي وياسي ورجواي قلبي

عليك من الغلا شب ناره

حيره وضيقة بال وقبال وقفاي

في ليلٍ أبطا ما تبيّن نهاره

أقول لنجومٍ سرت فيه مسراي

جرح الغلا منهو ضميني بثاره

ثارٍ يحقق لي مرامي بدنياي

مع من كمل زين ومقام ووقاره

ما بيه يجرح قلب من تعّب خطاي

أبي شعورٍ صدق حبي شعاره

مثل الشعور اللي تضمه حناياي

نورٍ يزود إن جاد طيفه وزارة

بين الحنايا ثابتٍ ما خلفه راي

مفتاحه الإحساس والروح داره

صدق الغلا يقصر عنه كل حكّاي

يا زارعه متى بتقطف ثماره

رد: ديوان شعراء السعودية في العصر الحديث (متجدد)☘️☘️
 

قصيدة الجرح الاول
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
104 مشاهدة

الجرح الأول برى يا مجدَّدْ الثاني

ترى الغلا بالغلا وبشارتي شوفك

أبجرحك بالهوى لاشك ما أمداني

الله على جرح قلبٍ في لجا جوفك

يومٍ عن الحب تأمرني وتنهاني

ويومٍ تناولني الإخلاص بكفوفك

أعاني اللَّي من هموم الغلا تعاني

لاشك رجواي بالله تسمح ظروفك

ألقاك يا صاحبي شفقٍ وتلقاني

سعادتي بين عرفك لي ومعروفك

متى تجيني على مرّ الزمن عاني

لأجلك على كل غالي عالي نوفك

غيرك إلى مرّ صديت يتعداني

ولّعتني بالهوى يا كامل وصوفك

رد: ديوان شعراء السعودية في العصر الحديث (متجدد)☘️☘️
 

قصيدة كبرياك
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
99 مشاهدة

كبرياك وكبريا عينك جميل
واحلو جرح العيون الظالمه
وردتينٍ فوقها رمشٍ ظليل
دايمٍ لجروح قلبي وألمه
وغرةٍ لو تحترك عفواً تميل
شفتها مرة وقلت مسالمه
كن في نظراتها حدٍ صقيل
تذبح العاشق بها وتكالمه
في نحرها قمت أحط وقمت أشيل
زاهيات البيض خلقت سالمه
بالهوى معها على ذبحي دليل
قبر رأسي بالحشا معالمه

رد: ديوان شعراء السعودية في العصر الحديث (متجدد)☘️☘️
 

قصيدة أعذب الحب أكذبه
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
102 مشاهدة

ان ظميت أشرب من اليأس أعذبه
يا وعودٍ مالها فرحة وعيد
اكتشفت أن أعذب الحب أكذبه
اكْذِبْ أغلى لك ترى حبك يزيد
مالحق قلبي بحبك مطلبه
أنت ناسيني وأنا راسي عنيد
تعب كفي مالقي بك مقضبه
جيت روحٍ مالها خدٍ وجيد
دورك اللَّي في عذابي تلعبه
انتهى التمثيل كلّه لا تعيد
ردْ قلبي بالهوى لا تنهبه
خلْ باقي الدم يدمع بالوريد
الوداد اللَّي بحبَّيْ تكسبه
انتهى والصبر لا يمكن يفيد
كلّ شعرٍ فيك من قلب اكتبه
ما يساوي بالجفا بيت القصيد

رد: ديوان شعراء السعودية في العصر الحديث (متجدد)☘️☘️
 

قصيدة سود عيون
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
101 مشاهدة

ألا يا عين ياللي ما تنام الليل سهرانه

تنوح من الفراق اللي معنّيها على الغالي

حبيبٍ كثرت همومي واساهرها على شانه

لك الله غير نور العين ما يطري على بالي

عليه ورود قلبي بالتوجّد هزت اغصانه

يميل الوقت ولا يعتدل بالحب ما مالي

محبٍ سامرت عينه على فرقاهم أحزانه

أهوجس والمهوجس بالهوى ماهوب أبد سالي

خلقها الله كامل زين سود عيون فتانه

إلي من غاب لا تنشد عن أخباري ولا حالي

على مهجة فؤادي كاتبٍ إسمه وعنوانه

على عيني وفوق رموشها طيفه يورّالي

عليه القلب من جور المحبه صك بيبانه

خذا نشوة غرامي والموده بأول وتالي

رد: ديوان شعراء السعودية في العصر الحديث (متجدد)☘️☘️
 

قصيدة أدري واغلط
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
99 مشاهدة

أسأل بقصدٍِ مبعده ماهقوا به
الناس يقرون الهوى في عيوني
أدري وأغالط كنهم مادروا به
وأجهل عليهم كلّما علموني
نفسي على شيءٍ تبيه مغلوبه
خلوني أوقع في هواه ونهوني
الله حسيب اللِّي خذوه وسروا به
ياليتهم خلوّه وإلا خذوني
قفوا ولا ودّه يروح ومشوا به
ثم التفت وأقفى وهيَّض شجوني
وراحوا وقلبٍ ولّعه روّحوا به
غصبٍ عليّ أقفوا ولا وادعوني
ياليتهم لا صادفوني حكوا به
بالصمت عن ذكر الحبيبْ احرقوني
عيني على شوفة سواه مغصوبه
كن الملاك أشباح لاقابلوني

رد: ديوان شعراء السعودية في العصر الحديث (متجدد)☘️☘️
 

قصيدة الجمال الطبيعي
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
99 مشاهدة

غط صافي جبينٍ يفضح الليل نوره
ضاع زين الصبايا واحترق في سناه
جيدك اللي مثل بدر الدجى في ظهوره
فيه برقٍ مقاديم السحاب اتحداه
الجمال الطبيعي ماخذٍ فيك طوره
وأنبل أخلاق خلق الله خذا بك مداه
تشكي رموش عينك ظلم وضعك وجوره
لاتخلي هجوس الحب تبحث خفاه
واهني من خذا فالحب برضاك دوره
أنت نهرٍ وأنا اللي ميتٍ من ظماه
بين عيني وروحي يرسم الحب صوره
الله اللي نحتها بالغلا في فضاه

رد: ديوان شعراء السعودية في العصر الحديث (متجدد)☘️☘️
 

قصيدة اهل الهوى
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
98 مشاهدة

.

إلى صفالي زماني بك

فما فوق كل التراب تراب

يوم انتشي من نشا طيبك

أشوف مجمل عداي اصحاب

وان اشتغل بي خفا غيبك

كني ملكت العرب بكتاب

أنا وقلبي معازيبك

ما دام جرح الغلا ما طاب

بعيد واسعى بتقريبك

أبيك تستوطن الالباب

والدمعه أغلى مناديبك

ما ظن طاحت بدون اسباب

كلمة غلا في مكاتيبك

مفادها ان الهوى غلاب

اسهر بليلي وأغني بك

اما غلا أو يكون اعجاب

واوقف بطولي وهلّي بك

قصور الغلا ما عليها باب

اناظر العين وادري بك

غايب وتنشد عن الغيّاب

أفخر بحبك واماري بك

لأهل الهوى ما حسبت حساب

رد: ديوان شعراء السعودية في العصر الحديث (متجدد)☘️☘️
 

قصيدة وقت الرد حان
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
96 مشاهدة

يا ملاكٍ لو تشوف الشمس خدّك
ويتحرر من ظلال الرمش كان
جا جمال الكون كلَّه تحت يدّك
والحسن منك اشتكى يبغى الأمان
شاغلك موجٍ من الغرّه وحدّك
تنشغل به والهوا موج الحنان
والغصون الخضر لو لدَّت بقدّك
أنثنت لرضاك يالغصن اللييان
وأنحنت لك في خضوع اللي يودك
وأزهرت لك بالغلا طول الزمان
كل ماصديت تجرحني بصدّك
الجروح اللِّي لها وين الضمان
جرني للحب ما جرّك وشدّك
والزمان يعاكسه ظرف المكان
يا ترى وشلون لي بتيكون ردّك
يا كحيل الطرف وقت الرد حان

رد: ديوان شعراء السعودية في العصر الحديث (متجدد)☘️☘️
 

قصيدة داعي الذكرى
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
96 مشاهدة

في سيرتك قلبي وطيفك يجيبه

لي داعيَ الذكرى على مرّ ذكراك

يمكن يكون فراقك أكبر مصيبه

وظروفه أكبر من فراقي وفرقاك

ويمكن تكون أفكار ليلي غريبه

ويمكن تصبّحْنِيْ بشاير محيّاك

وإلاّ تكون جروح قلبي عطيبه

وتسمع نداه إلى تضايق وناداك

أخاف تاخذ جوهره وتغدي به

والياس لا يامرك عنِّيْ وينهاك

وعذول حبي لك عسى الله حسيبه

خلاّك تجفاني وأنا مثلك أجفاك

وأوّل جروحي في ضميري صعيبه

والثانيه أضنت بها الروح يمناك

ومن آخر أيام الغلا شفت ريبه

وإلاّ فلا صدّقت هذا ولا ذاك

رد: ديوان شعراء السعودية في العصر الحديث (متجدد)☘️☘️
 

قصيدة طلعة البدر
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
96 مشاهدة

مربحي من هواك ومربحي من غلاك
سهم سودٍ تمكّنْ واستقر بحشاي
جدّدْ الجرح الأوّل شوفتك يا ملاك
وإن تقدّمت خطوة كنَّي أرجع وراي
طلعة البدر.. عيني علّقت في بهاك
يا عيوني ويا غاية مناي وهواي
أطلب الله لا يقطع رجاء من رجاك
الله إنه يحقق يا حبيبي مناي
أتنازل وأجي لك كله أتبع رضاك
وكلّه أرجيك تتبع يا حبيبي رضاي

رد: ديوان شعراء السعودية في العصر الحديث (متجدد)☘️☘️
 

قصيدة الحرف الأول
الشاعر: عبد العزيز بن سعود بن محمد آل سعود عبد العزيز بن سعود بن محمد آل سعود
#العصر الحديث
#المملكة العربية السعودية
0
94 مشاهدة

أكتب الحرف الأول وأترك اللي معه

من ملامحك أبقرأ هاجس المفردات

وانصب الحرف بالفتحه وأخوه أرفعه

والضمير أستره بردون ضاف العباة

وأقرب الناس لو هو بيننا ما أسمعه

وكل حيٍ أشوفه أحسبه منك مات

أكمل الزين كله في بعضك أجمعه

أنت روح الجواهر والعذارى حصاة

هاجسي فيك أحاول أنتبه وأقطعه

فيك ما ودي أني عشت بالذكريات

كلما شفت طيفك مقبلٍ أمنعه

كنك منقلٍ لي روح طيفك وصاة

اترجى سهيل الحب في مطلعه

يطلع.. اركاب روحي للندى ظاميات