رد: اخترنا لكم شعر نبطي وفصيح
 

في عزة النفس خلك سيد الساده
وحاول تقيس المسافات او تقربها

خل الثقه وإحترام الذات لك عاده
ماتمشي الساعه إلا بأمر صاحبها

.....

رد: اخترنا لكم شعر نبطي وفصيح
 

‏تعاملك خلـه عـلى قـد الـعـقول
ترا عـقـول الـنـاس ماخلقت سوا

احذر من الطلعات واحذر بالنزول
والصمت يدفـع شـر والحكمة دوا

.....

رد: اخترنا لكم شعر نبطي وفصيح
 

‏كرامتك هي مملكتك وحدودك
وأنت الذي تصنع لنفسك مهابه

ومن لا يقدر في حياته وجودك
لا تقدره فـي حضـرته وبغيـابه

.....

رد: اخترنا لكم شعر نبطي وفصيح
 

كلن يشوف الـنـاس بعيون طبعه
وانا اشوف الـنـاس بعيون طبعي

نسخت طبع الطيب مليون طبعه
وحسيت كل الناس بالطيب ربعي

.....

رد: اخترنا لكم شعر نبطي وفصيح
 

يا فاقدين أحبابكم وش تسوون
لا مدت الذكرى الحزينة يديها

كيف انتجاوز حزننا ما تعرفون
بعض الطواري موجعة ما نبيها

دايم على بال المواجع يمرون
ما فيه ضحكة ما لهم صوت فيها

ياليتهم عن ضيقة الفقد يدرون
ودروبهم وشلون دايم نجيها

من كثر ما صاروا على البال يطرون
حتى خطاياهم ولهنا عليها

.....

رد: اخترنا لكم شعر نبطي وفصيح
 

ان كنت رايق قالو الناس فاضي
وان كنت ضايق قالو الناس حساس

احيان ودك تترك الناس ماضي
واحيان تجبرك المصايب على الناس

.....

رد: اخترنا لكم شعر نبطي وفصيح
 

ابتسم للناس واضحك للحياه
لو تضيق اليوم قل بكره تزين

اعرف ان الله وحده لا سواه
قادر انه يبهج الصدر الحزين

.....

رد: اخترنا لكم شعر نبطي وفصيح
 

الزمن دوار والدنيا عوافي
والليالي العوج ترجع مستويه

الزمن لا دار يظهر كل خافي
يكشف المخفي ولو طول شويه

.....

رد: اخترنا لكم شعر نبطي وفصيح
 

‏يا محسن الظن لا تندم على طيبك
‏طيب النوايا فضيلة لا تخليها

.....

رد: اخترنا لكم شعر نبطي وفصيح
 

‏يا رب أنا عبدك وفي قلبي خشوع
‏والتجي بك كل ما ضاقت وساع السبل

‏كيف يلحقني من الوقت والأيام روع
‏وأنت مداتك سحابة وفزعاتك وبل

.....

رد: اخترنا لكم شعر نبطي وفصيح
 

‏الكـرم والطيب مايعـرف إلا الطيبين
والردي محدن يبي لاغداه ولاعشاه

الكفو مفتوح بابه على طول السنين
والـردي ما ينفتح بـابه إلا في عـزاه

.....

رد: اخترنا لكم شعر نبطي وفصيح
 

‏نمشي علـى حكم الزمن غصب عنا
ونقول ياقلـب العنا الف لا باس

حتــى ولو بالقلـب سـهم طعنا
نضحك ونخفي كل جرح عن الناس

.....

رد: اخترنا لكم شعر نبطي وفصيح
 

الدروب المستقيمة لو حصل فيها انعواجه
ما تهم اللي على العليا طموحاته كبيره

.....

رد: اخترنا لكم شعر نبطي وفصيح
 

العين تلمح في نظرهـا ملايين
والقلب يعشق من الملايين واحد

.....

رد: اخترنا لكم شعر نبطي وفصيح
 

ما نجيد الضرب من تحت الحزام
ضربنا في الوجه ماهو فالخفى

حيلة المغرور والنذل الخمام
يبتسم قدمْك ويطعن فالقفى

.....

رد: اخترنا لكم شعر نبطي وفصيح
 

‏ماعاد أنا واقعي يالواقع الجاحد
‏أضحك للأيام والواقع يبكّيها

‏لله درّ الخيال يخلي الواحد
‏يسوّي أشياء ماكان يقدر يسويها

.....

رد: اخترنا لكم شعر نبطي وفصيح
 

طبع الوفا بقلوب الاجواد سنه
جعل الردى يفنى ويبقون الاجواد

راع الوفا مشروب هيله وبنه
وراع الردى ماله مكانن ومقعاد

.....

رد: اخترنا لكم شعر نبطي وفصيح
 

‏كيف حال اللي من أشياء الشعور قريّب
‏وين بلقى لي جوابٍ صدق دون إحراجه
‏
‏الملامح لو تغيّييير والشعر لو شيّب
‏ما تشيب الذكريات ولا تغييير حاجه
‏
‏والله إن حالي يطيب أن قالوا أنّه طيّب
‏لو تمر أيييامنا حتى بدون مواجه

.....

رد: اخترنا لكم شعر نبطي وفصيح
 

دريت إنه لغيري وأقتنعت ولا بقى مقعاد
‏تفارقنا ويا مكثر غلاه وكثر تقصيره

‏كتبه الله لعمري جرح و لغيري كتبه مراد
‏وتذبحني ظنوني لا صحت بي جمره الغيره

‏خذا كل العمر وأقفى بلا عذر وبلا ميعـاد
‏وأنا أقفيت ما والله في قلبي سكن غيره

.....

رد: اخترنا لكم شعر نبطي وفصيح
 

‏أن مرّتك ذكرى المواصيل وأشتقت
‏قل للقلوب اللي من الشوق تجمح

‏حنا وقفنا بين الأوضاع والوقت
‏لا الوقت يمدّينا ولا الوضع يسمح

.....

رد: اخترنا لكم شعر نبطي وفصيح
 

لاتنشد الناس عن سبة تقاطعنا
الحمدلله يوم اغناك واغناني

وقت مضى كانت الحاجه تجمعنا
واليوم كل شبع واقفى عن الثاني

.....

رد: اخترنا لكم شعر نبطي وفصيح
 

‏المساء دونك ظلام ودنيتي دونك ظلام
‏وش ودي في حياة بدون شوفك مظلمه

‏والله لا راحة في اغيابك ولا عيش السلام
‏خاف ربك في محبك لآ تجور وتظلمه

‏وانته اكبر من بيوت الشعر وعتاب الكلام
‏والذي لك وسط قلبي أدري انك تعلمه

.....

رد: اخترنا لكم شعر نبطي وفصيح
 

ما تغانمت الفرص لكن تغانمت السنين
‏يوم شفت ان المحبّة موذيه جنبتها

‏من هقى بي هقوةٍ شينه مع الوقت بتزين
‏ومن هقى بي هقوةٍ زينة فلا خيّبتها

.....

رد: اخترنا لكم شعر نبطي وفصيح
 

تبعتك بالهوى و أسرفت في حبك ولا لي رأي
‏لقيتك وأشرقت شمس المحبة حزة غروبي

‏معك ما همني اللي راح من عمري ولا اللي جاي
‏أحبك كثر ما العذال قالوا بك وقالوا بي

‏طلبت من الحياة أشياء كثير وصرت كل أشياي
‏وش أبغى من الحياة أكثر من إنك صرت محبوبي

.....

رد: اخترنا لكم شعر نبطي وفصيح
 

وآلّله ما مثـل آلتـوكـل على آلّله
يملآ لك آلدنيـآ سـعاده و توفيق

وآللـي يردد دآيـم آستغفر آللـه
تلقآه ما يدري عن آلهم وآلضيق

.....

رد: اخترنا لكم شعر نبطي وفصيح
 

‏ما تركته في حدود الممكنه والمستحيله
‏كنت اداري خاطره لو خاطره مدري علامه
‏
‏وكنت اوقّف له على ساق وقدم في كل ليله
‏لين اعدّلها عقب ما وهيب ميله واستقامه
‏
‏إن ثقل همه على مَتْنه فانا اول من يشيله
‏وان تمادى بالسهر ليله فانا آخر من ينامه

.....

رد: اخترنا لكم شعر نبطي وفصيح
 

جليس البال لو ما أنت بقريب العين والجلّاس
‏عزيزات الطواري كل ليل تمرّ قدّامي

‏قريب العام وأنت أكثر حديث الشعر والهوجاس
‏تمرّ الذاكرة أعذب من المّا في فمَ الضامي

‏تشرّدني مخايل ضحكتك لي عن عيون الناس
‏وأنا أكثر شخص فالدنيا شرودي رحلة آلامي

.....

رد: اخترنا لكم شعر نبطي وفصيح
 

الكلمه الطيبه للود عماره
مودتك في صدور الخلق تبنيها

والكلمه الضايعه للناس نفاره
ما فيه احد يستلذ لقرب راعيها

خليل بن هدلان

رد: اخترنا لكم شعر نبطي وفصيح
 

تدري اني رغم طعنات سكينك شجاع
‏الهوان وذل الأنفس حشى ماهوب لي

‏كل يوم اقول يمكن ماتدري واندفاع
‏بس مصّخت المحبه وعشرتنا شويّ

‏لك علي ان مر طاريك حسن الاستماع
‏مستحيل اكل لحم صدك وطاريك نيّ

‏دام في عينك يهون الغلا ويوم الودااع
‏هذا وجهي كان جيتك ومشروهك علي

.....

رد: اخترنا لكم شعر نبطي وفصيح
 

‏لا ترخص الدمعة وأنا منّك وفيك
‏لا ضاق صدري من سواياك من ليّ

‏مكتوب أحبّك وأتحفّى طواريك
‏لو كان لك طبعٍ ماهو جايزٍ لي

.....

رد: اخترنا لكم شعر نبطي وفصيح
 

ما زلت مشتاق وعيوني لشوفك جياع
‏يالغالي اللي خذاك الشوق مدري لوين*

‏من لحظة غيابك اللي ماسبقها وداع*
‏عرفت وش غارة الدنيا على الغافلين

.....

رد: اخترنا لكم شعر نبطي وفصيح
 

‏في زحام المغريات وليلها المتمادي
‏من ترك لله شيٍء ،، عاضه أبرك منه

‏ياعظيم الملك وانت المستعان الهادي
‏باب جودك جعل ماني بـ محجوبٍ عنّه

‏كل ظنٍ في سواك من الخلايق غادي
‏وانت عبدك عند ظنه لا أحسن بك ظنّه

.....

رد: اخترنا لكم شعر نبطي وفصيح
 

‏سكّان صدريّ جلو من سوّر صدري بعيد
‏ولا عاد يسكنه غير الصمت من حينها

‏استغفر الله باقي فيه ساعي بريد
‏عنده رسايل عتب ضاعت عناوينها

.....

رد: اخترنا لكم شعر نبطي وفصيح
 

‏مشتاق لك واحسـاس قلبي يناديك
وعينـي على شوفك تخايل بصـرها

الروح ذابــت يابعـــد روح مغليك
والنفس تعبت مـن غيابك كسرها

يا كم سهر قلبـي وشوقــه يناديك
يحاكي السما منك ويسال قمرها

وينك قسم نفسي ترى ذايبه فيك
والروح مشتاقه وبُعـــدك أسرها

.....

رد: اخترنا لكم شعر نبطي وفصيح
 

احيان تدري ان الخطا ما يمشى
لكن عشان اللي تحبّه تمشيه

.....

رد: اخترنا لكم شعر نبطي وفصيح
 

‏صرت انعزل في غيابك واستلذ السهر
‏مدري عشان الجفا ولا عشان الحنين

‏انام حول التسع واقوم حول العشر
‏تكفيني الساعه وتكفيني الساعتين

.....

رد: اخترنا لكم شعر نبطي وفصيح
 

عشان تشوف قيمة غيبتي وتقدرّ حضوري
‏تركتك والليال السود تكفي يا أبيض الغرّه

‏بدا دور الليالي وإلا أنا معك أنتهى دوري
‏ومعك معاد تنفع شرهتي وحكاي بالمرّه

‏فمان اللي زرع حبك بقلبي وأصدق شعوري
‏وأنا شخصٍ ليّا ترجم شعوره ينكشف سرّه

.....

رد: اخترنا لكم شعر نبطي وفصيح
 

‏يا حضــرة الشـــوق عبّــر كل مافيني
البوح عاجــز عــن التعبيــر له فتره

قــل للرفاقــه غلاهـم ساكنن عيني
مافارق الروح والإحسـاس والنظره

مهمـــا ابتعدنا وفاهـم شي يعنيني
كل المشاعــر لأعـز الناس منتظره

حماهــم الله وهـــذا الـي مكفيني
دعـــوه من القلب للي نال تقديره

.....

رد: اخترنا لكم شعر نبطي وفصيح
 

‏تحريتك على رجوى وصالٍ ما بعده غياب
‏وتمنيتك وانا حزني عليك اكبر من الجيه

‏تراودني تعاليل المحبه والشعور أسراب
‏واغض البال لا مني سرحت وقلت منسيه

‏على هون اليدين اللي على جرحي تطق الباب
‏وانا بابي ذرى عابر سبيل وصوت طرقيه

.....

رد: اخترنا لكم شعر نبطي وفصيح
 

‏يا رب غفرانك ليا اصبحت وامسيت
مـن الخطـايا والذنـــــوب الثقيله

ادعيك تغفر لي خطايا إذا اخطيت
وكــل ذنـبن يا إلهـــــي تزيله

يارب أنا فــي دعـــوتك ما تونيت
وحاجتي ما هــي عليـك مستحيله

ارزقني الراحـــــه علـى ما تمنيت
وسهـل برزقي في السنين المحيله

.....