رد: فوق هام السحب ( الشعر الشعبي) على متن القوافي
 

أكتب قصيدي فيك وأشطب حروفي
أغار من شعري عليك أنت بالذات

وأحيان أحس الحرف ماعاد يوفي
لأنك بقلبي فوق كل العبارات

...

رد: فوق هام السحب ( الشعر الشعبي) على متن القوافي
 

مشاعرنا ضحايا الصمت والڪتمان
‏وڪرامتنا تخـيرنا مابين أمرين

‏جميل الصبر والا نعمة النسيان
‏عسى ربي ما يحرمنـا من الثنتين

...

رد: فوق هام السحب ( الشعر الشعبي) على متن القوافي
 

عالَم منافق
يكافِىء المجرم
ويُعاقِب الضحية
اعتذارات العالم أَجمع
لن تكفي خيبة إنسان خُذلتموه ياسادة
نـــدين نشجب نستنكر ننـــدد
إلى متى

وديني دِينُ عِـزٍ لستُ أدري
أذِلّـةُ قومِنا مِـنْ أَيـنَ جـاؤُوا

بقلمي

رد: فوق هام السحب ( الشعر الشعبي) على متن القوافي
 

المحبوب مُستثنى حتى في الجراح
يقول مدغم أبو شيبة

أعذريني يوم اقابل طعونك بإرتياح
كيف لا والجرح مملوح والجارح مليح

وضيدان بن قضعان ايضًا قال
تحاليت الجروح اللي تجيني في يدينك لين
دريت أن كل جرحٍ في حشاي أغلى من الثاني

رد: فوق هام السحب ( الشعر الشعبي) على متن القوافي
 

لغة العيون والشعراء ....

نظرة العين تنبي عن كنين الجوف
غط صدرك وعينك لاتغطيها
ملفي المورقي

ياكثر ما تلزم الصمت وعيونك تنوب
لحظةٍ فيها لسانك رهين الاعتقال
جابر النشيرا

قبل ليلين من ذا الليل شفت عيونك الثنتين
ودريت اني هذاك الليل اخر مره اشوفك
عبدالله ال لزيوح

متحلفٍ فالسـانه اِنه ما يـقول
وعـينَه ماخلت شيءٍ اِلا قالته
عُمر بن خلف بن هذال

خل الكلام من اللسان واخذ الكلام من العيون
اذا بغيت تترجم شعور العرب واحساسها
محمد الشمالي المري

رد: فوق هام السحب ( الشعر الشعبي) على متن القوافي
 

ذكرته و انا أبادل يديني على الطاره
بدارٍ خلا و الخاطر أضيق من الدبله

هذي دار أبوه ودار جده وذي داره
سقى الله ليالي عنتر العبسي وعبله

...

رد: فوق هام السحب ( الشعر الشعبي) على متن القوافي
 

علم الرسام لا يتعب يدينه
وعلم المرسوم ماله فيه حاجه

طاح في موقف عسى ربي يعينه
وحاول ايخبي عن الناس انزعاجه

واحتقر رسماته وخبرة سنينه
وحال خوفه دون فالرسم اندماجه

رسمته للمستحيل اكبر غبينه
مثل من يصلح تكسّار الزجاجه

مستحيل يجيب خشمه فوق عينه
ابتلش عاده يبي يرسم حجاجه

...

رد: فوق هام السحب ( الشعر الشعبي) على متن القوافي
 

ياشينها لا صار خصمك قريبك
خصومته بين المعاليق تجرحك

إن طبت به ماشاف فعلك وطيبك
وإن شنت به عند الرياجيل يفضحك

...

رد: فوق هام السحب ( الشعر الشعبي) على متن القوافي
 

‏من حلاها ماتوصفها الحروُف الابجديه
كيف توصّف وردةٍ يبري العلة شذاها

الورود تغار منها مزهرية مزهرية
وان تباهت عذرها معها يحق لها تباها

ما يشابها شبيه ولا يحاليها حلية
جل ربٍ يوم صورها فرقها عن سواها

...

رد: فوق هام السحب ( الشعر الشعبي) على متن القوافي
 

أوعدك تلقاني جنبك وأحتويك
يوم غيرك كان حلمه أوعده

إيه أغار وما أبي احد يجيك
حتى ظلّك لو أطوله ببعده

قلبي مثل المملكه وإنت المليك
يعني قلبك واجب اني أسعده

ما أبيك تروح عنّي بس أبيك
تقرا أوّل بيت وإفهَم مقصده

...

رد: فوق هام السحب ( الشعر الشعبي) على متن القوافي
 

أحمد الله مابقالي على الدنيا حسوف
الفرح يلقى شكر والحزن دفعة بلا

الليّالي علمتني وأنا طبعي عيوف
أرتجي ربّ الملا ماترجّيت الملا

والله إني ما تضيعف مع الناس الضعوف
أقفي ليا صار مالي لاقبول ولا غلا

...

رد: فوق هام السحب ( الشعر الشعبي) على متن القوافي
 

الغيم مايحزن على موت الأشجار
والشمس تشرق لي وتشرق لـ غيري

والناس تتزاحم على شرب الأنهار
وانا مكفيني عن الناس بيري

ويوم الطيور تهاجر وتقطع إبحار
انا مبرقع داخل الصدر طيري

ماني لكل مضيّع دياره ديار
ولاهو ضروري كلِ يذوق خيري

انا فدى اللي ينتظرني على نار
ان غبت عنه مايعوضه غيري

...

رد: فوق هام السحب ( الشعر الشعبي) على متن القوافي
 

ياراع الوساع السود يا ناسع الخمري
علي الحرام اني على شوفتك ضامي

خصال الجمال اليوسفيه يغلب امري
عذاب ٍعلى من حج لله ومن صامي

يا راسي ويا صلب عضامي وياعمري
يجيني بلا لاشفت صورتْك قدامي

اشوف الحياه اللي يغني لها القمري
على حاجبيك السود في دمك الشامي

...

رد: فوق هام السحب ( الشعر الشعبي) على متن القوافي
 

مواري غلاك تبين ف عيوني الثنتين
وانا ودي اخفيها عن الناس واكتمها

ابعطيك نُبذه ممكن اتفيدك لـبعدين
قبل لا يغشاها الشوق والبعد ياسمها

مدامي اشوفك شي فارق عن الثانين
دروس الوفا والحب حاول تعلمها

بعيداً عن التغيير ياقبلة الحييّن
هنا اجمل محطاتك وحقي ارممها

...

رد: فوق هام السحب ( الشعر الشعبي) على متن القوافي
 

ياليت الزمن يرجع معي يوم كنت صغير
الأحلام محدوده والايام تقزيره

ماكنت أتضايق ضيقه اللي غدا له طير
في جو خلا موحش ولا حولهم ديره

على اللي تعبت انسى غلاه وتعبت اسير
على جرته من يوم قفت مظاهيره

حداني على شينين بالموت بالتهجير
بعد كنت في بيت الغلا اغلى مساييره

...

رد: فوق هام السحب ( الشعر الشعبي) على متن القوافي
 

اكبر خطا واكثر غباء فـ المحبه
انك تحب انسان قد جربّ الحب

اما قعدت تشكّ فـ اللي يحبه
واﻻ اعترف لك عاد ذي مالها طب

...

رد: فوق هام السحب ( الشعر الشعبي) على متن القوافي
 

ماعاد لي خاطر ولا عاد لي نفس
ولا قمت أدور وصل من لا يجيني

من قرب بخطوه أقرب له بخمس
و من هو تغير عمد لا يحتريني

...

رد: فوق هام السحب ( الشعر الشعبي) على متن القوافي
 

أنا وعمري وكل وجهاتي فدى
لـ عيونك من أول هدب لاخر هدب

أسهل من غيابك ومن طول المدى
جرحً ينوش الكبد بالسيف الحدب

وشلون اصد أي والله إن مالي جدى
كلك نظر كلك خجل كلك ادب

...

رد: فوق هام السحب ( الشعر الشعبي) على متن القوافي
 

رحت انا ويا الهواجيس في روح وتعال
القوافي شيّبت والنصوص مقوله

كل ما لديت فالنايفات من الجبال
شفت جرة شرهتي طالعه ومحوّله

...

رد: فوق هام السحب ( الشعر الشعبي) على متن القوافي
 

التمادي كسر خاطر والوقوف اجباري
والرجوع ارخص ثمن من عمري اللي سقته

وانت ماعادك بالاول وانا قدني داري
حتى عطرك لو يسولف عنك ماصدقته

ياجديد الشعر والا ياقديم اخباري
لايموت الحب خل الحب ياخذ وقته

بري حالي منك مدري وش يجيب الطاري
وانت حلمٍ لاعتق روحي ولا حققته

...

رد: فوق هام السحب ( الشعر الشعبي) على متن القوافي
 

يا مقهوي قهوني جعل كيفك ما يهان
الصداع اللي عبث بالخلايا وقفه

صب لي فنجال قهوة بريح الزعفران
والقبس يلهب وصفر الدلال مطرفة

قهوةً ماهي من ستاربكس ومن كيان
مدري اغلبها من ايات نوع مؤلفة

...

رد: فوق هام السحب ( الشعر الشعبي) على متن القوافي
 

مال الشجاعه عمر وانتي كبيره
نظراتك بوجه العدا سيف ذبـاح

لو كان ما عندك جيوش وذخيره
من قو باسك شوكتك صارت سلاح

...

رد: فوق هام السحب ( الشعر الشعبي) على متن القوافي
 

من تولع له بـ غيداً نسبها يستثير
لا تقول انه مع الوقت يمكنه يمل

أسمها من اربع حروف شرً مستطير
مقبرة عدوان الاسلام وشيوخ الشمل

فارقه بـ الطول والعنق والوجه النظير
كنها غزيزة الشيخ فالذود الهمل

زينها ماهوب يعرف كبير ولا صغير
في هواها تشبك الحر وتسوق الجمل

...

رد: فوق هام السحب ( الشعر الشعبي) على متن القوافي
 

حتى لو ان الضيق ماله مواثيق
ماتوقف الأيام بـ اسباب ضيقه

تضيق ثم تضيق وتضيق وتضيق
لكن فرجها عند ربي بـ دقيقه

...

رد: فوق هام السحب ( الشعر الشعبي) على متن القوافي
 

عذرك تحبين القصايد وعذري
انك طموحات القلوب النبيله

أنا اختصرت الناس بـ إبداع شعري
وأنتي اختصرتي كل أنثى جميله

...

رد: فوق هام السحب ( الشعر الشعبي) على متن القوافي
 

لاتطري الفرقا ولو كنت مزاح
فيني من فراق المحبين خرعه

تبي تأكد من كلامي وترتاح
اطر الفراق وشوف وجهي بسرعه

...

رد: فوق هام السحب ( الشعر الشعبي) على متن القوافي
 

كم غايب ماغاب ذكره عن البال
وكم حاضر يشبه حضوره غيابه

ماكل من يبعد عن العين ننساه
بعض البشر طيبه يعوض مكانه

...

رد: فوق هام السحب ( الشعر الشعبي) على متن القوافي
 

من شرب من سم لذّات الغرايم
مانفعه وصفة طبيب وصوت قاري
مطحس بن حمد

لا وأهني قلبٍ من الحب مصدوف
ما ذاق لذات الغرام وعذابه
سعود بن جمعان

رد: فوق هام السحب ( الشعر الشعبي) على متن القوافي
 

جوارحي للغياب المرّ مضطرّه
والوصل مانيب فيه اليوم متجوّد
ٰ
ان كانك تروح مرّه وتحضر مرّه
انا اقدر اروح لكن ماقدر اعوّد

...

رد: فوق هام السحب ( الشعر الشعبي) على متن القوافي
 

اخفيت وجه الحزن وظهرت وجهٍ ضحوك
‏ وجبرت نفسي على تمثيل بعض الوجيه

‏احيان تِجبر على تمثيل بعض السلوك
‏تظهر بمظهر ماهو مظهرك لو ماتبيه

...

رد: فوق هام السحب ( الشعر الشعبي) على متن القوافي
 

أهديتك الحلم وأنت أهديت حرمانك
‏إلى متى وأنت في حزني تسـاومني

‏هذي سوايا الغياب وهذي أحزانك
‏وهذا شتات الخفـوق اللي تقاسمني

‏تبقى المواجع معاك ويبقى تحنانك
‏وتبقى أنت عندي أعزّ إنسـان ظالمني

...

رد: فوق هام السحب ( الشعر الشعبي) على متن القوافي
 

مدح النشاما واجب دون مصلوح
والا الردي مامدحه لو هو بنا خي

نمدح رجال بالفخر تبني صروح
‏ربع على كبد الردي تنجح الكي

بقلمي

رد: فوق هام السحب ( الشعر الشعبي) على متن القوافي
 

‌‌‌‎بانت خفايا ناس كانوا عزيزين
‌‌‌‎جابت لنا الايام ما كان فيهم

‌‌‌‎ماني معاتبهم عتاب المحبين
‌‌‌‎الله يسامحهم ويستر عليهم

...

رد: فوق هام السحب ( الشعر الشعبي) على متن القوافي
 

اللي يبي ودك وقربك ورضاك
يدور لك العذر لو بغلى بضاعه

واللي يبي صدك وبعدك وفرقاك
يدور لك الزله عشان القطاعه

...

رد: فوق هام السحب ( الشعر الشعبي) على متن القوافي
 

ترا الغلا لا صار كله مكابر
ينعاف لو راعيه بالحيل غالي

بقلمي

رد: فوق هام السحب ( الشعر الشعبي) على متن القوافي
 

وشلون أسج القدم وأرتاح من كل ضيق
ومساحة الضيقه أوسع من فجوج اوطني

الضحكه الدايمة في مبسمي ماتليق
كنها قصيدة فقيرٍ مشتريها غني

...

رد: فوق هام السحب ( الشعر الشعبي) على متن القوافي
 

كوت قلبي اللي قبل لاينكوي مجروح
واحبها واحب جروحها واعتذر عنها

وهي كلما تبرى جروحي تحط جروح
واجيها واداوي جروح قلبي واطمّنها

رغم ذلك يتسائل :
لكن عقب فرقاها ليّا غبت وين اروح
وانا كلما يكفخ خيالي تزينها

...

رد: فوق هام السحب ( الشعر الشعبي) على متن القوافي
 

صَرت أَهاب المَساء وَالشّمس عند الزّوال
تَـاخـذ الـقَـلْـب في مَــنـها وَحـالة عَـزل

وأوصل لَـكـل مَـا فـيـني يَـنـادي تَـعال
لَـيتـك تَـشوف الـشَّوق بَــداخلي مَـخْتزل

مَـن يـقول الـمَفـارق في الـمَحبه حَـلال
وَالله أَنّــه حَــرام وَ منّـه حَــالـي هَـزل

...

رد: فوق هام السحب ( الشعر الشعبي) على متن القوافي
 

غرو كساه الجمال وزاده عذوبه
ومن الحلا كن وجهه سكر زياده

بياض غر السحاب وطلت نصوبه
من حسن وجهه خذا حكمه مع اسناده

ونور القمر من جماله بان عذروبه
ياخذ على احلا معاني وصفه سياده

صارت حقوق الحلا في الناس مسلوبه
من كثر ما الله من اوصاف الحسن زاده

...

رد: فوق هام السحب ( الشعر الشعبي) على متن القوافي
 

بين القلب والعقل اتأرجح قائله :

أتوه ونصي مهتدي والنص الاخر ضال
تجاذبني طقوسي بين مرفوضه ومرغوبه