رد: اخترنا لكم شعر نبطي وفصيح
 

لا تلتفت للناس مهما يقولون
خـل القفـا لأهل القفـا لا تحاكت

.....

رد: اخترنا لكم شعر نبطي وفصيح
 

لا لاحت الفرصه على شي تهواه
امسك بروس اطرافها لا تحير

ما كل يوم يجيب لك ما تمناه
العمر فرصه والزمان ايتغير

.....

رد: اخترنا لكم شعر نبطي وفصيح
 

‏اشوف حاجات واجد خاطري فيها
والنفس تبغالها عزم يروضها

كم خلت النفس شيٍ من مشاهيها
لله وانا واثق ان الله يعوضها

.....

رد: اخترنا لكم شعر نبطي وفصيح
 

‏انصاحب الطيبين وناخذ ونعطي
على الشرف والوفا والعز والنخوه

والا ترا صحبة الرديان ما تبطي
اهدافها ساقطه وحبالها رخوه

.....

رد: اخترنا لكم شعر نبطي وفصيح
 

عادت الضيقه على الوجه الحزين
‏طبع من ضاقت عليه وما شكى

‏ما قدر حتى يرتب كلمتين
‏ان سكت مخنوق وان سولف بكى

.....

رد: اخترنا لكم شعر نبطي وفصيح
 

الناس تغريهم ملذات الحياه
والخالق امره بين كاف وبين نون

تبي الحياه المستقره والنجاه
خلك مع اللي يركعون ويسجدون

.....

رد: اخترنا لكم شعر نبطي وفصيح
 

العمر غالي وانا بعته عشان اشتريك
قبلك كرهت الحياة ومعك حبيتها

ازعل على الوقت والدنيا ولا ازعل عليك
يا اكبر من ظروفي اللي ما تعديتها

لو اتمنى حياتي قلت ضحكتك ذيك
ضحكتك ذيك الحياة اللي تمنيتها

.....

رد: اخترنا لكم شعر نبطي وفصيح
 

‏لا تخاف من الليالي وظلمات الدروب
‏دامك اللي ماغدرت وظلمت ولا وجعت

‏لا تعاند فرض الأقدار سلّم للغيوب
‏تظلم حظوظك لو إنك تعادي ماجهلت

‏يمكن اللّه شال من دربك مخاليق وقلوب
‏لأنه شاف اللي ما شفت وسمع مالا سمعت

.....

رد: اخترنا لكم شعر نبطي وفصيح
 

‏ما تركته في حدود الممكنه والمستحيله
‏كنت اداري خاطره لو خاطره مدري علامه
‏
‏إن ثقل همّه على متنه فانا اوّل من يشيله
‏وان تمادى بالسهر ليله فانا اخر من ينامه

‏يدري ان الدمعه اللي في طرف عيني ثقيله
‏وادري ان عيونه اللي صدّت ابلغ من كلامه

.....

رد: اخترنا لكم شعر نبطي وفصيح
 

‏يا قلبي إتفائــل ولو فيك ما فيك
ما فايـــده يا قلـــب كثــر التمني

إغنـم حياتك واسأل الله يهديك
وعيـش عمــرك بالرضا والتأني

يا قلب لا تلحق ورا الياس يبكيك
ما من ورا الضيقات غير التعني

وكٌل امورك رب الارباب يكفيك
ولا خاب من في رحمة الله ظني

.....

رد: اخترنا لكم شعر نبطي وفصيح
 

رميت الاحلام في وجه الزمان البخيل
‏وعزيت نفسي وعز النفس عصيانها

‏وعن الحضور المهمش مرحبا يالرحيل
‏ما دام تحفظ كرامة نفسي وشانها

.....

رد: اخترنا لكم شعر نبطي وفصيح
 

‏إستعذت من الدروب اللي نهايتها حسافة
‏قبل ترميني ملذات الزمن في جوف غبة

‏شيمة الانسان ميزان اعتداله وانحرافه
‏تنذره لا شافت الاوضاع ما هي مستتبه

‏إن عجزت إنك ترد النفس عن شيٍ تعافه
‏ماقدرت تحط نفسك فالمكان اللي تحبه

.....

رد: اخترنا لكم شعر نبطي وفصيح
 

الي يقـــدر قيمتك يرفعـك فوق
وإذا تكدر خاطرك جاك يرضيك

يسقيك من عذب السواليف والشوق
مهما حصل في دنيتك ما يخليك

.....

رد: اخترنا لكم شعر نبطي وفصيح
 

‏ليش البشـر صارو غريبيـن الاطوار
وصـارو ابو وجهيــن مخلـص وبايق

من كثرهــم مقـدرت اميز بالانظار
ولااقدرت افرق بين كاذب وصادق

حتى الصديق اللي أعـــده للاخطار
واللي أضنه للصحـب شخص لايق

يتقـــــن ويتفنــن بتمثيــل الادوار
وفي طلتي صــادق وخلفـي منافق

.....

رد: اخترنا لكم شعر نبطي وفصيح
 

معي زهد المعري مامعي صوفية الحلاج
‏وروحً فيك ماهي عن كلام الناس نشاده

‏اذوق من الهوى ماذاقت الكوفه من الحجاج
‏وش يعالج لواعج لهفتي والليل وسهاده

‏ياسمار المساء ملحه حديث الكاعب المغناج
‏رهيفات السوالف تاخذ الملهوف لمراده

.....

رد: اخترنا لكم شعر نبطي وفصيح
 

‏ياللي تزعلّك المواعيد وتراضيك الصدوف
‏وش يرضي اللي جاته الحاجه بعد ما عافها ؟

‏لا تبتئس لا خانك الواقع وعادّتك الظروف
‏الناس من عاشر رماديها ظلم شفّافها

.....

رد: اخترنا لكم شعر نبطي وفصيح
 

تمرّك ذكريات العام نوقٍ شدها المسراح
‏وأمرك ليلةٍ تتعب رجولي من مساريها

‏غريبٍ ما لمح وجهك وجيه وطبعه اللمّاح
‏خذا كف القصايد لين سلّم لك نواصيها

.....

رد: اخترنا لكم شعر نبطي وفصيح
 

قل للسنين اللي تراهني على كسرة عصاي
‏ضربت الأرض لين ثوّرت الغبار من الصدور

‏أنا على ما تشتهي نفسي و وين ألقى هواي
‏محدٍ يحرك وجهة شراعي على السبع البحور

‏ليا رضيت أطيّر الحاجة وأوصلها سماي
‏وليا زعلت أخلي الحاجة دبورٍ في دبور

.....

رد: اخترنا لكم شعر نبطي وفصيح
 

يا فتّاك اللواحظ كيف تطعني بدون يدين
‏أنا ما كنت أعرف ان العيون السود قتّاله

‏عليك الله وأمانه من طعوني لين يوم الدين
‏مشاريهي قصايد والقصايد فيك مختاله

‏توادعنا وفي خاطرك علم وفي رقبتي دين
‏وتواجهنا وروحي ذايبه وخطاك ميّاله

.....

رد: اخترنا لكم شعر نبطي وفصيح
 

‏حنّيتك من العتب يوم ان بعض العتاب
‏اقطع من السيف واصدق من دموع اليتيم

‏اهديت لك ورد و اهديتيني اخطر صواب
‏محدٍ رمى الورد غير انتي و عبدالحليم

‏شكراً على مامضى لي معْك حتى الغياب
‏انتي غيابك صنع لـ الناس شاعر عظيم

.....

رد: اخترنا لكم شعر نبطي وفصيح
 

‏عسى خيـــــر بعـــد اتعابنا يــوم نرتاح
وعسى الامــل يأتي بطيــب الاماني

وعسى ورا الاحـــــــزان تأتينــا الافراح
وعسى السعــاده ماتفـــارق كياني

وعسى حظوظ الوقت تنسينا الاجراح
وعسى القدر يمحي جروح المحاني

وعسى الزمن يضحك لناعقب ماطاح
وعسى المـرح يبقى طوال الزماني

.....

رد: اخترنا لكم شعر نبطي وفصيح
 

‏ياعظيمه وأنتي الأشياء الجديده والقديمه
‏وأنتي اللي لو تصد الأرض ماصديت عنهـا

‏وأنتي اشجع الانتصارات وملذات الهزيمه
‏وأنتي اللـي وين مالقيت قلبـي قال عنهـا

‏وأنتي اعجوبـة زمان الشاعر اللي هل ديمه
‏وارتوت جدب القصايد لين صح الله بدنها

.....

رد: اخترنا لكم شعر نبطي وفصيح
 

‏قد شبعت من الموادع وجزت من الغرام
و اعتزلت الحب كله و هملّت النديم

بس ذا اليومين مذهب عيوني ما تنام
كنّها عادت على حالة العشق القديم

.....

رد: اخترنا لكم شعر نبطي وفصيح
 

‏رفيق الدرب تذكرك الليال الموحشه بالخير
‏وعينٍ لا تناست شافتك وسط القمر صوره

‏تمّتع واضحك بوجهي كِبر واللي يصير يصير
‏ابيك تغيض حزني لين يطلع عن مدى طوره

‏يصبرني على بعض الشعور انّك لا زلت بخير
‏انا احوالي .. ليا منّك غديت بخير ..مستوره

.....

رد: اخترنا لكم شعر نبطي وفصيح
 

‏يثور من الزعل في كل ليله و الفجر يرضيه
‏يحس إن الصباح مسامحه عن جملة ذنوبه

‏أحب من السوالف ما يقرّب غالي لـ غاليه
‏و أعاف من السوالف كلمةٍ ماهي بـ محسوبه

.....

رد: اخترنا لكم شعر نبطي وفصيح
 

في حفظ الله يا وجهٍ حداني لين حديته
‏على درب الغياب اللي يسجّه كل ملتاعي

‏تمادى بالخطاء و الظلم و البهتان و أهديته
‏خروجً ما يجي عقبه رجوعٍ ولا تجماااعي

.....

رد: اخترنا لكم شعر نبطي وفصيح
 

‏بعض البشر لا غاب عن ناظر العين
احـس كل الناس في الكـون راحت

وبعض البشر لو غاب ايام واسنين
مااشتاق له قلبي ولا النفس ناحت

انا اشهد ان البعـض ماله شبيهين
بافعاله اللي مثلما الطيـب فاحت

غالي وحُبـــه حــل بين الشرايين
ومكانته وسـط القلوب استباحت

.....

رد: اخترنا لكم شعر نبطي وفصيح
 

‏ياليـت لو للجســــــم ورشــة صيانه
للبرمجـه قابـــل على الفــك والربط

من شان افرمــت بالجسد كل خانه
واعالــج أوضاعـــــي بإعادة الضبط

اما كــذا؟ حالــــي تدهـــــور امانه
فيرس نظامي خابطن داخلي خبط

كثر السهر هــد الجســد من كيانه
وكثر القلق والهم رافع لي الضغط

.....

رد: اخترنا لكم شعر نبطي وفصيح
 

ماني عميل التصنع والكبر والغرور
‏على النوايا النظيفه خطوتي سقتها

.....

رد: اخترنا لكم شعر نبطي وفصيح
 

‏يحق لها التباهي بالجدود و عودها الريّان
‏و أنا مالي حقوق إلا محبّتها و ضحكتها

‏محبتها حياه وبعدها عن ناظري حرمان
‏وش أسباب المحبه فالحياه الا ابتسامتها

ضيدان بن قضعان

رد: اخترنا لكم شعر نبطي وفصيح
 

لا تخاوي البخلان وتساير اللاش
‏تسلك مساليك الردى وانت جيّد

.....

رد: اخترنا لكم شعر نبطي وفصيح
 

‏أنا اللي كل ما قالو تطيح من الحمول متون
‏وقفت بوجه ثورات الظروف وموجها العاتي

‏و لأجل أبقى على هذا الشعور العاقل المجنون
‏كفرت بكل خيبات الزمــن و آمنت في ذاتي

.....

رد: اخترنا لكم شعر نبطي وفصيح
 

‏قبل تغريك الليالي وتاخذك الظروف
‏كنت ابيك .. ويمضي العمر ولَا زلت ابيك

‏انت عيش اللي بقى لك من الدنيا عيوف
‏ولا انا يا ميتٍ منْك .. يا ميت عليك

.....

رد: اخترنا لكم شعر نبطي وفصيح
 

كل البشر بأنواعها تملك إحساس
لا يغرّك الي ما بعد جاك يشكي

ترا الي يضحك دايم ويسعد الناس
لو سولف وقال الحقيقة بتبكي

.....

رد: اخترنا لكم شعر نبطي وفصيح
 

من شاور الناس ماحقق طموحاته
يلقى من الناس من يكسر مجاديفة

.....

رد: اخترنا لكم شعر نبطي وفصيح
 

‏أخفي همومي وسـط قلبي ولا انهار
واجامــل العالـم بضحكـة شفاتي

وادعس على حزني ولوصار ماصار
ولا خلـي الحُسـاد تعـــرف شتاتي

هذا انا الصامـد على ضيق الاقدار
صامــل ومعلـن فـي حياتي ثباتي

وصابــر على الدنيا وما ربي اختار
وعايش ولوضاقت بوجهي حياتي

.....

رد: اخترنا لكم شعر نبطي وفصيح
 

بـ علمـــك عـن درس فـــن التعامــل
واليـا فهمـت الـدرس يلزمــــك نقلـه

اضحك وغض الطرف واصفح وجامل
واعـط العـرب كلـن علـى قــد عقلـه

.....

رد: اخترنا لكم شعر نبطي وفصيح
 

عطيتك من سما فكري غلا لكن بدون حدود
‏قوافي تنزف حروف العتب وتصوّر إبداعي

‏مشيت الدرب لحدود الوفا صعبٍ عليّ اعود
‏أبمشي لين ما تجفل عظامي وتنتهي قاعي

.....

رد: اخترنا لكم شعر نبطي وفصيح
 

لولا صواديف الزمـان الثقيلات
ما ينعرف طيب العرب من رداها

مشكور يا وقت ٍ غـدا فيه ميلات
عرفتني بـالناس وش هو مداها

.....

رد: اخترنا لكم شعر نبطي وفصيح
 

صحيت من أحلامي نسيت سواد أحزاني وماضيها
على صوت ضحكه رقتها جمعت احلى معانيها

بسمتها طفت حزن في داخلي بجمال ضحكة مثانيها
وأبحرت في خيالها وعشت بداية حب بأجمل موانيها

انطر ردها يمكن استعجلت أذوق من الحلى حاليها
ولو كان ردها رفضي ماينقص غلاها في عين مغليها

محمدالشمري