رد: اخترنا لكم شعر نبطي وفصيح
 

الدرب يبغى له خوي لو طال دربك مايمل
‏وإليا حصل شد الحزام الكايدات يدوسها

.....

رد: اخترنا لكم شعر نبطي وفصيح
 

‏يا الله يامن فــــوق عرشـك تعليت
يامــن تدبــــر كل زينـه وشينه

ادعيك تغفر لي خطايا اذا اخطيت
وتمسح ذنوبي كل ذنبٍ بحينه

يارب يااللي لك عبــدتك وصليت
عبــدك لجا لك يا إلهي تعينه

ترزقني الراحـــه علــى ماتمنيت
وتملا حياتي بالفرح والسكينه

.....

رد: اخترنا لكم شعر نبطي وفصيح
 

‏يهدك الضيق وإلا الضيق ماهدك
‏أطلب من الله قليل ويعطي الواجد

‏ماتنفع الناس لو تكشف لها سدك
‏أشرح علومٍ بقلبك وأنت له ساجد

.....

رد: اخترنا لكم شعر نبطي وفصيح
 

مصيبة عزيز النفس دايم من الكتمان
يكن الوجع ما يبغي الناس تشعر به

.....

رد: اخترنا لكم شعر نبطي وفصيح
 

يقولون الصدور وساع واقول الصدور قبور
‏دفنّا وسطها شرهة عتب وهموم وقّاده

‏وانا يا حلم لاطايش ولا منهي ولا مامور
‏سمعت الشور واثر السم فيه ولا الله آراده

‏وجودي يوم وادعت اول احلامي وانا مجبور
‏وجود اللي توفّا بكـرهم في يوم ميلاده

.....

رد: اخترنا لكم شعر نبطي وفصيح
 

سمحت من الديار اللي ربيت بها وعفت الحيّ
‏عجزت آخذ نفس في الدار وأنت تحت أراضيها

‏فقدتك والضياع اللي بعد فقدك ماهو بيديّ
‏أنا في غبّة وداعك وضايع في مراثيها

‏على وجهك سلام الله وأمانه لين يبعث حيّ
‏وعلي من الصبر ما يحبس دموعي ويداريها

.....

رد: اخترنا لكم شعر نبطي وفصيح
 

الحمدلله صرت متعوّد ، على كل الظروف
‏لو كان نفسي في بعض الأحيان تتبع غيّها

‏حتى الحياه إللي من أول كنت الحّقها حسوف
‏ما عاد أفكر لا فـ واجدها ، ولا فـ شويّها

‏سلمي مع ظروف الليالي مثل سلمي للضيوف
‏لا جاتني صكات بقعا قلت يالله حيّها

.....

رد: اخترنا لكم شعر نبطي وفصيح
 

‏اضحك وانا بجلس هناك اتأملك
وخل المشاعر بين نفسي وبيني

ايه ابتسم ما عاش منهو يزعلك
مع كل ضحكة منك تضحك سنيني

بسمتك تشرح خاطر اللي يقابلك
واذا زعلت تضيق الآنفاس فيني

سبحانه اللي في عيوني مجملك
يالأول الآخر بعد والديني

.....

رد: اخترنا لكم شعر نبطي وفصيح
 

ليت القلوب تضمّد الجرح بسكات
وإلا تعآف الحُب وتقول كافي

أو ليتنا عشنا البدَايه نهايات
وعشنا بلا لوعَه ولا جرح خافي

.....

رد: اخترنا لكم شعر نبطي وفصيح
 

‏مابعد عسر الزمان الا تياسيره
‏لو سود الايام تفجعنا حقايقها

‏بنسوقها في رجا اللي مالنا غيره
‏خلاّق الأنفس وكافلها ورازقها

.....

رد: اخترنا لكم شعر نبطي وفصيح
 

سألت ربــــي سامــــــع النمل لا دب
فوق الصخر في ليل مظلم ودامس

ورفعت كفي وارفع الصـــوت يارب
وبكيت وأنا أدعيه في صوت هامس

مالي احد غيره وانا ادعيه من قلب
مذنب وتايب من ذنوبي وعامس

.....

رد: اخترنا لكم شعر نبطي وفصيح
 

لولا ظروف الوقت ما قيل لا بأس
ولولا الأمل ما يبتسم فالزمن حي

....

رد: اخترنا لكم شعر نبطي وفصيح
 

‏من حب له شخص في دنياه يستاهـل
يقيم عرش الغلا ويشيد صروحـه

وانا اشهد الروح ما تنساق بالساهـل
إلّا لـ غالي يعادل بــ الغـلا روحـه

.....

رد: اخترنا لكم شعر نبطي وفصيح
 

‏يالله عسّى همُومنا تواليّـها تباشير
وتنشرح صدورٍ الله عالم بأسرارها

.....

رد: اخترنا لكم شعر نبطي وفصيح
 

لا تنزعج من صدمتك فاقرب الناس ..
أحياناً .. الصدماات حااجة ﻣفيده

تعلمك و شلون تصبـح قـوي بــآس ..
وتضحك ليا من جتك صدمة جديده

.....

رد: اخترنا لكم شعر نبطي وفصيح
 

لا تتلف الروح لجل الناس ترضيها
وهمّ ولا يوم سوّوها على . . شانك

والله ماتندم على الدنيا . . ومافيها
لو تعرف الوقت من موتك لنسيانك

.....

رد: اخترنا لكم شعر نبطي وفصيح
 

الذاكرة شابت وتمسح ملفات ..
شيٍ نبيه وشي منه إسترحنا

لكنها ما تمسح إثنين بالذات..
اللي فرحنا معه واللي جرحنا

.....

رد: اخترنا لكم شعر نبطي وفصيح
 

ولفت السهر ميلاف ، الأجواد ، للأجواد
‏عسى الله لآ يخليني من علومه الدسمه

‏تجمّل علي ، وطاب لي عنده المقعاد
‏وسكن فيه قلبي ، مثل ماتسكن النسمه

‏أنا من كثر ماني مقيّد معه ، بـ قياد
‏تبعت الظلام ، وبيّن بـ هالتي وسمه

‏أراقب نجوم الليل كني خبير أرصاد
‏ما خليت نجمً فالسما ما عرفت إسمه

.....

رد: اخترنا لكم شعر نبطي وفصيح
 

احترم مشاعر الناس لو انك تمون
وثمن علومك وكلمتك حطلها وزن

لا يغرونك لو يسولفون ويضحكون
اغلب الناس شبعانه هم وحزن

.....

رد: اخترنا لكم شعر نبطي وفصيح
 

‏حتى لو اني غبت برضيك مادام
‏قلبي يصون العهد بينك وبيني
‏
‏وان شفتني جيتك بعد غيبة أيام
‏سلامتك ماعندي الا حنيني

.....

رد: اخترنا لكم شعر نبطي وفصيح
 

ضحّيت في كل حاجه في رجاء حاجه
‏والحاجه اللي لها ضحّيت ضحّت بي

.....

رد: اخترنا لكم شعر نبطي وفصيح
 

ما كان سكوتي عن غيابك رضئ ‏
كنت ابكيك شوّق لكن بالخفئ

.....

رد: اخترنا لكم شعر نبطي وفصيح
 

لا تستحي لك الله إن صدري رحيب
‏إن كان في خاطرك نشده هاتها

‏لكن لا تنشدني عن الغايب و أغيب
‏في برزخ الذكرى و في لوعاتها

.....

رد: اخترنا لكم شعر نبطي وفصيح
 

الناس ماتدري عن القلب وشفيه
حتى ضلوع الصدر تسال علامه


.....

رد: اخترنا لكم شعر نبطي وفصيح
 

اعتقوا عيني من الليل الطويل
‏وانثروا كحلي على كتفه شقا

‏ما بقى في جفني الكسلان حيل
‏رتّبوا لرموشي العكفا لقا

‏ليه صار النوم يا حزني بخيل
‏من بعد ما كنت ويّاه اصدقا

‏مُرهقة كثر الهقاوي في الدخيل
‏لا زبن شيخٍ على العليا رقى

‏الارق ما كان لي عابر سبيل
‏قلت له يا مرحبا قال البقا

‏استضفته ما دريت انه ثقيل
‏نادمه يا ليت شعري ما هقى

‏لي ثلاث شهور حبري ما يسيل
‏لو سقيته من عروقي ما سقى

‏ما على وضح النقا غير الرحيل
‏الزمن هذا زمن جهم النقا

.....

رد: اخترنا لكم شعر نبطي وفصيح
 

رجعت افل مجدول القصيدة وانثر التصوير
‏رجعت ارش ضحكات العطر في منحر ابياتي

‏هلابي كل ما هودل على غصن المحبة طير
‏هلابي عد ما تمسح حروفي دمعة سكاتي

‏فهقتك يالغياب وجيت من بطن السحابه خير
‏انا مثل المطر تنبت كفوف الارض خطواتي

.....

رد: اخترنا لكم شعر نبطي وفصيح
 

‏انا الفتاة اللي بداخلها فُتات
‏متماسكة بس المطيح اشوا لها

‏احياناً تكون الهزيمه في الثبات
‏ليت الصمود اللي وقف يغتالها

‏ضحكاتها كانت مجرد امنيات
‏شح الزمن فيها وغيّر حالها

‏لو الدموع تفيد وتطلّع نبات
‏كان الشجر ظله على سلسالها

‏ظنت جميع الناس في الدنيا ثقات
‏واثر القلوب البيض تشبه شالها

‏يا حزن ليه الحزن حب الأغنيات
‏بعض الاغاني يقتلك موّالها

‏يا حزن ما صدّقت ب(اللي فات مات)
‏انا اشهد انه ما صدق من قالها

.....

رد: اخترنا لكم شعر نبطي وفصيح
 

ارسم لنفسك حدودٍ لا تعداها
‏من حط نفسه بدرب الضيق يحرجها

.....

رد: اخترنا لكم شعر نبطي وفصيح
 

يارب عنّا على التقوى وزدنا ثبوت
‏في مغريات الحياه ، اللي علينا تمرّ

‏ نلهى والأيام تجري والليالي تفوت
‏والعمر محدود والدنيا الدنيه ممرْ

‏اجعل لنا كبر حظٍ مع كبار البخوت
‏وصيت ٍمثل نفحة ( الكمبود ) فوق الجمر

‏السمعة يموت راعيها وهي ماتموت
‏والطيب يعيش ذكره بعد عمره عمر

.....

رد: اخترنا لكم شعر نبطي وفصيح
 

يَا رِضَا وَالْعِزُّ طَبْعُكَ مِنْ صِغَرْ سِنِّكَ
هِيبَتَكَ تِمْشِي قَبْلْ لَا تِخْطَا خُطَاكْ

.....

رد: اخترنا لكم شعر نبطي وفصيح
 

زَرَعتُ لهُ في الصدرِ مِنِّي مودَّةً
أقامَت على قلبي رقيبًا مِنَ الحُبِّ

فما خَطَرَت لي نظرةٌ نَحوَ غيرِهِ
مِنَ الناسِ إلّا قالَ أنتَ على ذَنبِ

.....

رد: اخترنا لكم شعر نبطي وفصيح
 

للظروف احكام والله يعين اهـل الهـوى
وانت ياليل الهوى ماطرى لـك تنتهـي

.....

رد: اخترنا لكم شعر نبطي وفصيح
 

دام الفعايل هرج كب المشاريه.
فنجال مد حك لا تسوقه علينا

الطيب حنا ما نقوله نسويه
افواهنا اللّه حطها في يدينا

....

رد: اخترنا لكم شعر نبطي وفصيح
 

حي المساء لا جاء بعطر الخزامي
يفوح عطره من غلا صاحب الطيب

وحي العيون .. الي ترد السلامي
لا سلهمت ترسل مع الشوق ترحيب

.....

رد: اخترنا لكم شعر نبطي وفصيح
 

ليت الحنين اللي خذاني من حلاوة مرقدي
يسري بروحكٍ لين تلقاني على درب السهر

سولفت لسهيل اليماني عنكٍ وأخبرت الجدي
ما لا قدرت أحكيه لعيونك ولا عمره ظهر

أنتي شعورٍ خالج إحساسي وأنا قلبي ندي
وردٍ تفتح وإنسكب عطره على مجرى نهر

.....

رد: اخترنا لكم شعر نبطي وفصيح
 

ليا بدى النقص في حالي وفي مالي
على كثيـر العـرب مانـي بمتجـرّي

اترك ملايين وانصـى واحـدٍ غالـي
اما قضى لازمـي ولا حفظ سـرّي

.....

رد: اخترنا لكم شعر نبطي وفصيح
 

كل المخاليق تمشي في طرف نورك
لاغاب نور القمر نورك سرينا به

بتزورنا يالمها ونجيك ونزورك
ولا تركنا طرف نورك على بابه

.....

رد: اخترنا لكم شعر نبطي وفصيح
 

انت روحي وانت عمري وانت مودي
وانت نبض القلب ولا لك شريك

لو تقاسم عشقي الشعب السعودي
كان كل الشعب صار يموت فيك

.....

رد: اخترنا لكم شعر نبطي وفصيح
 

اشبه باللّي عـسيفٍ من الخِيـل
تلعَب وأنا حَبل الرسّن في ايديّا

خالد الفيصل

رد: اخترنا لكم شعر نبطي وفصيح
 

‏اوصافها تعطيك نبذه عن الملح
وتملى عيون الغيم من قبل عينك

ولو اجرحتني ماني بشاكي الجرح
أحيان حتّى الورد يجرح يدينك

.....