رد: اخترنا لكم شعر نبطي وفصيح
 

يا عذولي فآلهوى خل قلبي في عنآه
‏ خله يسلك في طريق آلمحبه ويغـدي

.....

رد: اخترنا لكم شعر نبطي وفصيح
 

ماكل كلمة حق تنقال للناس
اكثر جروح الناس من كلمة الحق

.....

رد: اخترنا لكم شعر نبطي وفصيح
 

مدام القلب لك شاري مراسيل الغلا بظروف
‏ تراني أشتقت تقراها وتعجل باللقى ليتك

.....

رد: اخترنا لكم شعر نبطي وفصيح
 

لنا مجد يملا الراس قدام يملا العين
‏ولنا سـمـعـةٍ يـفـخر بها من يخاوينا

......

رد: اخترنا لكم شعر نبطي وفصيح
 

مَتى تجمع الْقلب الذكي وصارماً
وأنفاً حمياً تجتنبك الْمَظَالِم

.....

رد: اخترنا لكم شعر نبطي وفصيح
 

‏ما يجعل القلب بين الوجد والحيره
الا غرام القلوب اللي على الصامت

.....

رد: اخترنا لكم شعر نبطي وفصيح
 

‏ما كل شخصٍ يملاء الطيب عينه
‏بعض البشر لو زاد طيبك تمرد

....

رد: اخترنا لكم شعر نبطي وفصيح
 

لاذل راس الشجيع وهاش وجه الذليل
وكبر مقام الصغير وغاب راع المقام

وراع الجهل صارشيخ في زمانه جليل
والشيخ سلم يدين الجاهلين الزمام

واتعب سليم النواياابو ضمير عليل
وطعن بخصرالرفيق اللي يعده حزام

هذي علامات للساعة عليها دليل
يالله عفوك وفي حسن العمل في الختام

محمد القت

رد: اخترنا لكم شعر نبطي وفصيح
 

من يشكر انعام ربي زاده الله خير
وشكر النعم فيه ناسٍ مايعدونها

ايو الله انا بخير وخير ربي وفير
ليت النعم كل خلق الله يحمدونها

يارب من غدرها ومن الكفر نستجير
ياخالق الخلق واللي قايم بشؤونها

يارب يسر حسابي في النهار العسير
يوم الخلايق لهوله تشخص عيونها

محمد القت

رد: اخترنا لكم شعر نبطي وفصيح
 

ياكــريــم الجــود يا خــالق عــباده للــعباده
يــاعــظيم الشــان يالــمعبود يـا رب الــبريه

معتلي عرش الألوهيه على عروش السـياده
السمــاء والارض مـلكــه والحــياه البرزخيه

نطلبك عـفوك وغفرانك وتلهمـنا الشـــهاده
قبل تـوديع الحــياه وقــبل سـاعـات المنيه

.....

رد: اخترنا لكم شعر نبطي وفصيح
 

اسياد و انصادم شغاميم و اسياد
قبل يسود الحكم مكه و طيبه

واليوم حنا اخوان وامجادنا امجاد
مثل القريب اللي ينومس قريبه

.....

رد: اخترنا لكم شعر نبطي وفصيح
 

ما كل بشت تشوف راعي فعايل
كم بشت يبغى بشت غيره يذريه

ولا كل رجلٍ كل ما قال طايل
بعض الرجل قوله فلا يعدي يديه

كم واحدٍ يتعب عيال الحمايل
تجملو به بس ما بينت فيه

.....

رد: اخترنا لكم شعر نبطي وفصيح
 

ما نزّل الدمعه سوا فقد غالين
يطيح لو نلبس قناع الشجاعة

احدٍ يجي طاريه من حين لا حين
واحدٍ يجي طاريه في كل ساعة

.....

رد: اخترنا لكم شعر نبطي وفصيح
 

يا زين مكتوبك و ياحي ذا العين
و حنا على ما قيل سمعٍ و طاعه

ما نزل رقاب الكفو و السلاطين
الا الهوى و الموت ما به شفاعه

.....

رد: اخترنا لكم شعر نبطي وفصيح
 

ترا مزحنا في مخالط الناس كله ذوق
ولا يكسر العزّة ولا يخدش الحشمة

ضعيف الروابع كل ما زم خشمه فوق
عطيناه درس من التواضع على خشمه

.....

رد: اخترنا لكم شعر نبطي وفصيح
 

ان شفت لك باب مسكر ومسدود
غيره ميـة باب وطـريقٍ تـدله

محدن بميّت في رجا شخص محدود
كم شخص يكره حاجةٍ خيرةٍ لــه

.....

رد: اخترنا لكم شعر نبطي وفصيح
 

يا من تبسم فَمْك هذا ماهو فم
هذا من الحان السماء الكريمة

لمة خدودك مثل جمعة بني عم
تجمعوا من شان رد الظليمة

.....

رد: اخترنا لكم شعر نبطي وفصيح
 

ايه اعترف اني معك حيل حساس
اضيق لو ماقلت لي كيف حالك

كريم لكنّك معي ابخل الناس
في شوفتك في مواصلك في اتصالك

تعال واسمعني من الراس للراس
الـبيت هـذا ثـبته وسـط بـالك

عطني عمر ثاني وقلبين وإحساس
وانا اوعدك أنساك واعشق بدالك

.....

رد: اخترنا لكم شعر نبطي وفصيح
 

يا لعبد لا تشكي همومك على العبد
اشتك على اللي في يدينه مصيرك

تشكي على المخلوق من دبلة الكبد
واللي دبل كبدك دبل كبد غيرك

.....

رد: اخترنا لكم شعر نبطي وفصيح
 

يا صاحبي خـذ الهدوء من ناحيه
ومن ناحيه اخرى خذ الشي الأصح

مالك ومال العالم المتناحيه
اللي علينا بالكلام تلْح لَح

حنّا بلشنا فالعقول الصاحيه
مهوب عاد اللي عليها قلّ صَحّ

.....

رد: اخترنا لكم شعر نبطي وفصيح
 

من يحب سلومنا حنا نحبه
ونتمنى كل يوم إنّا نشوفه

من قوانين الشجاعة والمحبه
ما تبعنا اللي يعرضنا كتوفه

.....

رد: اخترنا لكم شعر نبطي وفصيح
 

ياللي تدرّق عن وجيه المواجيب
جنّب نحور نحورها وإجتنبنا

ما انته بغالبنا على مزارق الطيب
والا الردى تقدر عليه تغلبنا

.....

رد: اخترنا لكم شعر نبطي وفصيح
 

يهب يا مجلسٍ لا جاله الشايب
يجلس فالاطراف والجهال في صدره

يقفّي الشهم عنه وخاطره طايب
لا رافعٍ قدره ولا طارحٍ قدره

.....

رد: اخترنا لكم شعر نبطي وفصيح
 

اساير الوقت وعيوني على الساعة
والـهــم يـــزداد لا دارت عقاربها

يالله دخيلك من الهجران ووجاعة
ومن دمعةٍ ترقـب لمـرجـاع غايبها

....

رد: اخترنا لكم شعر نبطي وفصيح
 

لا بــارو الاصحـاب فـي وتـــردو
يالحيتي في شـاربي مـا تهونين

لا.شفتهم في حزة الضيق صدو
مالي بهم في حـزة الـيسـر والين

.....

رد: اخترنا لكم شعر نبطي وفصيح
 

من قال قل المال عوق الرياجيل
قولوله ان الـمـال تـبـت يدينه

العوق والله طيحته في يدبخيل
ولا الكريــم معان والله معينه

.....

رد: اخترنا لكم شعر نبطي وفصيح
 

ترى الردي لو تدفنه بالمعاريف
لا غاب عن عينك ليالي نساهــا

ولا جاء لزومك ما لقيته ولا شيف
ما بان به طيب الرجال وعطاهــا

.....

رد: اخترنا لكم شعر نبطي وفصيح
 

سلام الله على الصدر الوسيع ودامح الزلات
مخيب ظن نقال الهروج وراعي الفتنه

تقول مركبٍ بذنه جهازٍ لنكر الأصوات
يعرف الهرجة اللي طالعة من جيفةٍ نتنه

إليا جته العلوم التافهه راحت تقل ما جات
وإذا جته الحمول الكايده عرض لها متنه

....د

رد: اخترنا لكم شعر نبطي وفصيح
 

الله يمحق بارد الوجه والحيل
في كل مجلس بالنميمة مساهم

خبلٍ عجز يلحق فعول الرياجيل
وقام يتردى بالحكي في قفاهم

.....

رد: اخترنا لكم شعر نبطي وفصيح
 

خلّك مع نظاف النفوس البسيطين
اللي ما تربطهم معاك استفادة

الطاهرين الطيّبين النقيّين
ما لك مع أصحاب السعادة سعادة

.....

رد: اخترنا لكم شعر نبطي وفصيح
 

غفلنا وإنشغلنـا بـالزمن يـا ربـنـا رحماك
ورجعنـا خاشعيـن ولا معنا الا هقـاويـنـا

وقفنا عند بابك مالنا مطلوب غير رضاك
معاصينا كبار وعفوك أكبر من معاصينا

.....

رد: اخترنا لكم شعر نبطي وفصيح
 

الوجيه اللي على الحشمه تربت
من نواها بالردى يفدى لحاها

والوجيه اللي على الفزعات لبت
جعل منهو ينقل النمه فداها

.....

رد: اخترنا لكم شعر نبطي وفصيح
 

ترى التواضع يجعل الشخص غالي
والكبر شين وعادته يقتل الحي

ناسن تشوف نفوسها بالعلالي
والواقع الملموس تطلع وﻻ شي

.....

رد: اخترنا لكم شعر نبطي وفصيح
 

جنّب دروب مكسرين المجاديف
اللي نجاحاتك تسبب مرضهم

وأبعد عن اللي يجحدون المعاريف
ان مالقوا ضيفه تعشوا بعضهم

.....

رد: اخترنا لكم شعر نبطي وفصيح
 

بين الردى والطيب فرق وعلامات
وترى المواقف تكشف اللي تخفى

صيت الكفو يبقى ولو قيل لك مات
وألا الردي ينسى نهار يتوفى

....د

رد: اخترنا لكم شعر نبطي وفصيح
 

الله ولا خوة ضعيف الروابع
الي على ربعه يحد السكاكين

صحيح ماتشبه بعضها الاصابع
وحنا عن ضعوف الاوادم غنيين

.....

رد: اخترنا لكم شعر نبطي وفصيح
 

طابت خواطرنا من مطارد الناس
من طردهم مدري وش اللي جنينا

اللي يبينا منزله هامة الراس
واللي يبى الصـده لا يشره علينا

....د

رد: اخترنا لكم شعر نبطي وفصيح
 

اول شروط الصاحب الله يسلمك
الصاحب اللي صحبته ترفع الراس

إن شاف لك هفوة سترها وعلمك
وإن شاف لك ميزة يعلم بها الناس

.....

رد: اخترنا لكم شعر نبطي وفصيح
 

تجاهل الجاهل على شان ترتاح
وأسمع من العارف لا منّه تكلّم

لاتندفع وتنطّح اصياح بصياح
أصمت وحاول تستفيد وتعلّم

.....

رد: اخترنا لكم شعر نبطي وفصيح
 

يا أهل المصالح مالكم عندنا شي
نعرف خوافيكم ونعرف خطاكم

لـو نكشف الاوراق ونـزيـد بالكي
نلقى العجاج اللي يلوث سماكم

.....