رد: فوق هام السحب ( الشعر الشعبي) على متن القوافي
 

‏على كثر ما أشُوف انِّ يدينك تشح دواي
‏أجيك الحزين اللى من الهجر مستدرك
‏
‏مع إنِّ الزمان في كل ليله يجيب أقصِاي
‏لكنّي ما اعرف اهين قدري ولا قدرك
‏
‏لو تغيب يكفي شوف طيفك على يمناي
‏ترى لِك بصدري شيءٍ ماهوب في صدرك

......

رد: فوق هام السحب ( الشعر الشعبي) على متن القوافي
 

‏زهدت بكل لحظه كنت اغنيها على الشباك
‏بعد شفت الجفا رجفة هبوبه ترهق عظامي
‏
‏سَلك دربك بعد لحظة وداعك من خفيف خطاك
‏وانا دربي عن الممشى بدونك يثقل اقدامي
‏
‏قديم الحب ضحكه في عيوني ما ابرقت لولاك
‏احبك يوم انا لاقلت احبك هانت آلامي

‏تساهلت الجروح وكل لحظه موجعه تفداك
‏الين ايست من صبري عليك وكثرت اوهامي
‏
‏تعال ألقاك عن طاري نهايتنا تعال ألقاك
‏رغم ياسي تنفست العطور وزان هندامي

‏واذا جيت لوعدنا موّت احساسك عشان انساك
‏ قديم ايامك الحلوه تزعلني على ايامي

.......

رد: فوق هام السحب ( الشعر الشعبي) على متن القوافي
 

من عذاب الشوق يا ربّي طلبتك نَجّه
‏لا تعوّر قلبه بفرقاي لـو خلّاني ..

‏الطرق واجد بدوني .. والبدايل فَجّه
‏حتى لو ما من شبيه لضحكتي ولساني

‏ولّا انا وجهي معه من وين ماهو وجّه
‏لو يبي يلقاني بجنبه .. يبي يلقاني

.......

رد: فوق هام السحب ( الشعر الشعبي) على متن القوافي
 

كل سنين الهوى والحبّ والذكريات
‏في قلب عيّا يعاف وخاطرٍ ما سلا

‏أهديلك من العمر وأسبرلك الشاردات
‏وأفرش لك الأرض تقدير وغرام وغلا

‏وأرخص لك الشعر والأيام والأمنيات
‏وأجدّد البيعة لقلبك وأعيد الولا

‏حبّيتك وصرت أشوف أن المحبة حياة
‏ونطقت أحبَّك علانيَّة وأمام الملا

.......

رد: فوق هام السحب ( الشعر الشعبي) على متن القوافي
 

‏بابٍ طرقته كثير وماانفتح خلّه
‏تلقى لك ابواب مفتوحة ومبلولة

‏اختار لك غيم ما تشفق على بلّه
‏تنسى الظما من كثر ما مرّك هطوله

‏واختار لك حلم ما تغفى تحت ظلّه
‏لو يذبل النور، سال النور بـ سهوله

‏ما يكفي الحُب لو ما عشت به كلّه
‏وما يكفي العمر للي ضاع بـ فصوله

.......

رد: فوق هام السحب ( الشعر الشعبي) على متن القوافي
 

يا مرحـبا بإنسـان أحـبه وأداريـه
بإحساس يتـفـجر إذا مــر طـرياه

وإن كان لجلك باقي العمر بقضيه
وأنا انتظـر إللي هـويـته وأبـغـاه

ولو كان كل من يدخل القلب يغريـه
ما كانت عـيوني وروحي تـمـنـاه

بعدك سقم والقرب للجسم يشفيه
وأنته هــدف مـبعـد عـلـيا بـمـرمـاه

الوصل يلحـم قلب والهجر يفريـه
لولاه ما بنشد على العشق والله

.......

رد: فوق هام السحب ( الشعر الشعبي) على متن القوافي
 

‏من عف كف ومن تألم تعّلم
‏ومن عاش بالواقع ما تغريه الأحلام
‏
‏ما يندم الساكت كثر ما تكلم
‏ولا يامن العاقل صواديف الأيام
‏.......
‏

رد: فوق هام السحب ( الشعر الشعبي) على متن القوافي
 

‏اساير الحظ والا اساير احلامي
الحظ مكتوف والاحلام مكتوفه

احيان باب الفرج ينسد قدامي
واحيان يفتح بوجهي بس مااشوفه

......

رد: فوق هام السحب ( الشعر الشعبي) على متن القوافي
 

‏يا عنفـوان الصباح المشرق الباهي
طلــــي علينا وضـــوي نورنا منك

لاتنشغــل عننا وتكــــون متلاهي
والله مالـي بطاقــه ابتعـــد عنك

كيف اقدر ابعد وقلبي بالهوا تاهي
وانا في الحـب ماخيبت في ظنك

وافي معك دوم لاناسي ولاساهي
وانت ياخي عسى ما انحـرم منك

.......

رد: فوق هام السحب ( الشعر الشعبي) على متن القوافي
 

ذي عشـر ذي الحجه بها فضـلٍ عظيم
فـيـهـا رضى الله والسـعـاده والـثـواب

من يغـتـنـمـهــا فـاز بالخـير الـعمـيم
يا حظ من فيها اجتهد واخلص واصاب

يـالله يـالـمـعــبــود يـالـرب الـكـريـم
تقبل عمل عبـدٍ لك اذعـن واسـتجـاب

.......