رد: فوق هام السحب ( الشعر الشعبي) على متن القوافي
 

‏تغانموا كل نفحة جود من ربي
‏بـ نيّةٍ خالصه وبـ قلب متوجّه

‏من فاته إنه مع الحجاج ويلبّي
‏فلا تفوته ليالي عشر ذي الحجة

.....

رد: فوق هام السحب ( الشعر الشعبي) على متن القوافي
 

‏يتوه فيك النظر و لا اقدر ارده
‏في طرفك الناعس وفي خصرك الناحل

‏اللي خذا منك الالهام من قده
‏انتي محاسن قصيد الشاعر الراحل

‏الحب مثل البحر في جزره ومده
‏وانا غريقك من الهامة إلى الكاحل

‏غريق ولا لقوه الا بعد مده
‏ميت بعد مارماه الموج فالساحل

.......

رد: فوق هام السحب ( الشعر الشعبي) على متن القوافي
 

‏يا راعـــي الـورد وينــــك ماتواصلني
هــو خلّـص الـورد ولا يبســت أوراقه

لا تحـرم القلــب حكاينــي وجاملني
مادام قلبـــي هداكــم باقـــة أشواقه

أرسل غرامـي واشوفـك ماتراسلني
وأعطيـك قلبــي وزدت اليوم بحراقه

بطـــل غـــرورك وبطــــل لا تغافلني
الحـب ماهو مواسـم داخـل أسواقه


.......

رد: فوق هام السحب ( الشعر الشعبي) على متن القوافي
 

‏تدري وايش اللي يجعل الصف خارب
لو صـــار بين القوم بانـــي وهـــدام

وتدري واش اللي يجعل الـراي صايب
الـــراي لـو قالــوه شــجعان وكــرام

وعند العـــرب ما ديرة الا بشـــايب
و لا هيـــبة الا لو في القوم مقـــدام

‎......

رد: فوق هام السحب ( الشعر الشعبي) على متن القوافي
 

تخطي علي وتقول وشفيك زعلان
زعلان من غلطاتك المستمره

مماهو صحيح اني ع طول غلطان
اخطيت فعلا لكن اخطيت مره

عشان ما نخسر بعض اشره احيان
ما هو ... بلازم كل يوم ، اتشره

من تسعة وعشرين مايو إلى الآن
وأنا بـ حالة ما هي بـ مستقرة

لا حالتي زانت ولا خاطري زان
ياني بحاجة لـ الفرح والمسرة

ظلمت لك قلب مليء طهر وإيمان
ما يحمل من الحقد مقدار ذرة

يا محترم ترى أبسط حقوق الإنسان
اذا : ما تقدر .. تنفعه لا تضره


فهد بن شويمي

رد: فوق هام السحب ( الشعر الشعبي) على متن القوافي
 

شابت بنا الدنيا والايام شابت
والعالم الله كيف حضي معاها

ياما حلمنا بالسعادة وغابت
وشمس الاماني غايبة من سماها

أخفي ألم صدري والاشجان ذابت
والنار تكوي خافقي من لضاها

حتى الرفاق اللي بها الظن خابت
ونقصت في خافقي مستواها

كم ناس في وقت المزاح استجابت
لا وقت ماتحتاجها ما تراها

لا طابت الدنيا ولا الناس طابت
كتبت هذا القافية في عزاها

مشكور يادنيا اوعدتني وعابت
راحت وراح اجمل سنيني معاها

......

رد: فوق هام السحب ( الشعر الشعبي) على متن القوافي
 

تضيق بنا الدنيا من كثر الجراح
‏ونقول عسى الايام تغير خطاها

‏وكل ما قلنا عسى القلب يرتاح
‏عادت لنا الاحزان من مبتداها

.......

رد: فوق هام السحب ( الشعر الشعبي) على متن القوافي
 

‏اصعـب شعــور انك تصارع حياتك
واقرب قراب الناس ماهمهم فيك
تعيـش وحدك في المواجع بذاتك
وحولك كثير ولا تجد من يواسيك

تجيك كم صدمـات تنهـك قواتك
ويرميك حظك بالشقا والمهاليك

ولا تلاقــي حـــد يجمــع شتاتك
حتى الذي تتعــب عشانه يخليك



.......

رد: فوق هام السحب ( الشعر الشعبي) على متن القوافي
 

‏اصـد عن بعض الخطا والتفاهات
اللي تضـيّع وقت من خاض فيها

ودك ترتب قائمــه للعلاقات
وتحط مجموعه ما يشره عليها

.....

رد: فوق هام السحب ( الشعر الشعبي) على متن القوافي
 

تعال خل القلوب تبوح خافيها
ترا المفارق عذاب وحيّة رقطا

بكره ليا جرّت الفرقا خطاويها
وش فايدة طقة الابهام بالوسطى

عطيتك اوّل طموحاتي وتاليها
وقلب ٍ ليا هام في بحر الغرام ابطى

ماباقي الا الكرامه مقدر اعطيها
كرامة النفس لا توخذ ولا تعطى

.......