|
رد: اخترنا لكم شعر نبطي وفصيح
على مغنّ الشمس باقي دمعتين
بتطيح و يقوم الضيا من مرقده أنا آتحرى الفجر لي حول شهرين كني عقيمٍ يحتري شوف ولده يامعشر الي فوق كبدي سامرين ما مرّكم صبحٍ يباريه جعده هزيمتي لا مرّة و لا مرتين لا قام مجدوله يمازح عسجده العاتق المنتوق قبل أربع سنين واعدني ب ليلة ولا اوفى بوعدهْ كل المحبة نظرتين و كلمتين ياقلبٍ تكذّب مناشيه رعدهْ نصيبك البارح لعنةٍ الوالدين و نصيبك اليوم إلتفاته و لهده آحايل البسمة من الثغر الحزين لاقام جمره يصطلي دون بْردهْ كم لي و انا اواسيه بالعذر السمين و اسهر على ناره ولا آذوق شهده خلوني استنطق عيون الشعر لين اقلّطه مثل الخليفة فبلده في ضفّي الشعار و المتذوقين مرّه تصفّق له و مره تحسده تعدّ ما قدامك إلا الفرقدين في واديٍ تهوي إليه الأفئدة يا بِعد بيتك من ظنون الشامتين قلته و لا قالو ياوجه الله عدِه ليه تصدد عن بقايا الراحلين ؟ الموت مثل العمر مره وحّْده العقلٍ ضيفٍ رايه الرأي الرزين و القلبٍ ضيفٍ غدّه ولا تنشده اللقمة الي دونها أنياب و عرين آحلى من الي باردة و مبرّدة يالله بيومٍ فرجته فرجه سجين يشيّخ الايام قبله و بعده يا اقسى طعوني شايبٍ سمّاك لين وش عذره ان وارى طموحي فلحده خلي يديني لين آشوف الدرب زين انتي عذية و المسافة مجهدة قلبي يقول بنلتقي لو بعد حين ياوجهٍ اعرف قيمته قبل افقده اقرى كلامك في وجيه العابرين و اعمي عيوني قبل اترجم مقصده وشلون ما اداريك وانتي ياسمين أنا معك حتى السكوت افقّده اغضي بسودك لين اشوف طويق طين و ميِلي بعودك لين ظلّه يسنده الي عظامه ما تشيله خطوتين تقتاده طيوفك و يقتاد سهده ان قال مابعد الحنان إلا الحنين قولي بيرجع لي و يبشر بسعده آنتي و أنا و الليل و الجرح الدفين لحالنا يوم القلوب مجنّده شوقٍ على حدّه كلامك ما يبين أنا آعرف عيونك ماتقدر تجحده و حبٍ تساومه الحياة بطعنتين ما يملك إلا روحه الي فجسده يآ اعذب قصيدي شاعرك خالي يدين لو وقّف الدنيا على راحة يده متعب البقيلي |
رد: اخترنا لكم شعر نبطي وفصيح
ياحبيب الناس .. مدري يا حبيبي
لا تعدّ مْن الشعر ما لا أحبّه الحقيقه .. قلبي الخوّاف عيبي دارَه مْن الخوف .. ولّا عنك خبّه ودّي اعطي حظّ عمري ما بجيبي لجل اعيش الحبّ من بارد مهبّه وأنت يا من ساقه الله من نصيبي افهم اللي شاف بك جرحه وطبّه انتبه تجحد وفاء قلبي وطيبي وارفق بجرح الهوى الغضّ وتنبّه مثل ما يفرق شروقي عن مغيبي يفرق احساسي عن احساس الأحبّه ..... |
رد: اخترنا لكم شعر نبطي وفصيح
لا مال غصنك ما لصبحك مداخيل
والحقّ واضح دون عذرِك وظرْفه علَّم عصافيْرك إليَا خيَّم الليْل تستأذن اسمك بَيْن كرْسي.وشرْفه أنا أتفدَّى الناعسات المظاليْل طالبك شف لي لا اِنتهى الحبّ صِرْفه بعض الكلام يجيب روس الرياجيل مثل الكلام اللي حبيبي يعرفه محمد السلطان |
رد: اخترنا لكم شعر نبطي وفصيح
تعوّدت الدروب، ولا سلا طرفي، ولا لي دار
بعد بدّد سكوني كلمةٍ ماني بـْ حاسبها على ساق اِنتظاري كنْ تغريب الهوى مشوار خذيته من معاقيل السّنين ومن تجاربها يمرّ العمر وعيوني بحور وفي يدَيني ثَار وأخاف أملّ دربي قبل لا أستقصي مآربها تهقويت اللّيَالي من ظمأ خاطر، وْدمٍ حار وأنا اللي كلّما جادت يدي شحّت مشاربها لقيت إن كل قلبٍ له حبيب وكل بيت أسوار ولقيت إن العيون أقوى من الشلف ومضاربها قديمي وأنت غافل عن مداي ولا سردت أعذار أنا كم لي أصالح ماضي أيّامك، وأحاربها تضيع شموسك اللي دونها صوت وهوى وأسرار تشعبت بـْ سماها ما لقيت إلّا مغاربها أنا وإن كان خلفك شَحّ زاد.. وجفّت الآبار تعمّدت الهلاك إن ما هديت العين صاحبها ولاني والله بـْ مرخص عيونك عاد مهما صار لها عندي مكانة لو قدرت أقسى وأعاتبها تخيّر فالسنين، وفالدروب، وفالسماء، والدّار أنا كل حاجةٍ ترضي غرورك قِلّ، وأجيك بها. محمد السلطان |
رد: اخترنا لكم شعر نبطي وفصيح
كِل كلمة من لسان الشمْت ما هزّت مقامك
دامك اللي بين ضلعيني على عرشك مقيمه أحسب إنّ الخيزرانه في يدْي و اثره قوامك لا تثنّى قلت يمكنْه انخلق من بطن غيمه آتلذذ في حرُوبك حُب ، و ارغب في سلامك والصحيح إن السلامه خير ، و وصالك غنيمه الحيا في وجهك البدري ، و موتي من كلامك يوم قلتي لي نوايانا من الباطل سليمه كل ما مالت ضلوعك من غَيا ، عيّا حزامك لا تمايلتي ، تمايل كل نفسٍ مستقيمه ما عشقت إلا عيونك كثر ما تَرسل سهامك في فواد اللي مشرّع لك من اللهفه صميمه ولا غبَطت مْن النسيج إلا خيوطٍ في لِثامك ليه تاقف بيني وبينك و انا نفسي محيمه اسلبيني ما معي سلطه على فرض احترامك اخذي اللي تستحقينه عطا ، ماهو ظليمه مستعد اقطف لك النجمه و اخليها زمامك شاعرك حتى الفضاء من نشوته يقدر يهيمه فهد بن بجاد |
رد: اخترنا لكم شعر نبطي وفصيح
أثْر انّ ما للّيل والي لا استفرد بالعليل
يحدّ نابه والبن ادم حفنة عظام ووصال يا رب صبحك ما بقى فيني على هالليل حيل يا رب حيلك ما بقى فيني على التمزيع حال لا تحرم الواقف على بابك من شموسك فتيل لو كان ما له مع صفو خلقك ولا احبابك مجال أنت الكريم اللي يقولونه ولو خصمك بخيل وش عاد لو خصمك كريمٍ حدّته سود الليال اكرم دخيلٍ يومها بيديه ما ردّ الدّخيل ما جاك عاني لو معه في نافذ قْضاك احتيال لا تجبره يطلب وجيه النّاس من شح القليل ولا تعلّق حاجته باللي يذلّه بالسؤال لو ما بقى في متسّع ساحتْك لحصاني صهيل اباترجّل وانت لك غيري صناديدٍ عتال سرّح شجاعٍ ما ركع يوم انّ للوقفة سبيل من قبل تفرغ بندق عزومه وترديه الرجال يارب طالت فيني الرحلة ولي حمْلٍ ثقيل ما مال ظهْري من ضنا شيله لَكَنّ الحظّ مال ان كان كاتب لي بهذا الدرب مشوارٍ طويل عطني على قد الطريق عْتاد صبْر وطول بال وان كان ما في شجرة الراحة بتقسم لي مقيل خذني وصيّرني لمن ذاق الشقا مثلي ظلال هاجر |
رد: اخترنا لكم شعر نبطي وفصيح
البارح الروح من بعد البطى والجفاف
استبشرت بالهنوف ونالت مرادها حفيدة الطّهر بنت الغيم روح العفاف ملت طريق الغياب وفكت آحدادها لدت بعين التغاضي بعد طول الخلاف ورحب بها القلب قبل تشرف ابلادها جتني تقود الرضى وتقدم الاعتراف الشوق يحدا ضعنها والغلا قادها رغم الجفى في ملامحها المحبه تشاف والنبره اللي يغير مودي اقنادها الحسن في وجهها واقف على اخر مطاف والملح مولود في تاريخ ميلادها فيها من الغطرسه طيش وكبر واختلاف وفيها من اللين ما يطغي على عنادها قالت ما تشتاق قلت اخاف قالت تخاف قلت ايه واعطيتها رايي ولا فادها تبيني اعتاد وانا بين وقفه وقاف وبعض الاماكن من الصعب اني اعتادها مضحي وراهن ٍ عمري مابين الف گاف ومجاهد ٍ نفسي اللي يصعب اجهادها لي شيمه وللمحبه فالصدور النظاف مشاعرٍ من بنود العفه امدادها ان بدلت لحظة الاقبال بالانصراف ماني بخرمان دلتها وبرادها لا صار مافيه لنهاية غلانا زفاف قبلي ضحايا الهوى يا كثر تعدادها يكفيني اضم من بين الضلوع النحاف سيرة وفاء في جبين الحشمه آسنادها محسن بن مترك |
رد: اخترنا لكم شعر نبطي وفصيح
لو أسمح للطواري والصحيفة والقلم والبوح
طعن رمح الهوى شعري وسال الدم من قافه .... |
رد: اخترنا لكم شعر نبطي وفصيح
رغم مفهومي للارض وديرتي وترابي
الوطن يمكن يكون انسان ولا انسانه ..... |
رد: اخترنا لكم شعر نبطي وفصيح
اسرفت في حبك جهر مانيب مثل المستحين
اللي يحبك يعتزي ويشوش ويرد البرا مشاعري لك لو توزّع باليسار وباليمين صاروا جميع الناس عشاق ونشامى وشعرا مبارك آل خليفه |
رد: اخترنا لكم شعر نبطي وفصيح
ترا الشده أول مرحله لـ إنتشال اللّين
على الهون لا تشكين يا نفس لا ضقتي ظروف الليال تحطني بين زين وشين لكن الفراق اللي خذا عقلي ووقتي يا وجه الغلا مهما غيابك يطول سنين تراني على حطة يدك كانك أشتقتي رحلتي وخليتي لقلبي غلا بيتين تعلّقت فيها يوم فيها تعلّقتي ناصر بن مفلح |
رد: اخترنا لكم شعر نبطي وفصيح
شعوري يوم أحس إن النصيب أقوى من الاهداف
شعور اللي تصيبه فالضلوع رْصاصة المحتلّ ..... |
رد: اخترنا لكم شعر نبطي وفصيح
كنت ابيك تكون شي وصرت شيٍ ثاني
والخطا ماهو خطاك انا الخطا بعيونه يوم اهيم بصوتك الفيروزي الرحباني وآتخيل كل كلمة من فمك موزونه خاب ظني ليت ظني فيك ماخلاني ابني احلامي على حاجه ماهي مضمونه وليت ماجاني من احساس الندم ماجاني شيٍ يحطم صميم القلب قبل ركونه الجفا اللي عقب لذة وصلك الإنساني والسلام البارد اللي عقب طول المونه اعتذر لك عن خطاب اسلوبي الوجداني الآدمي مهما حصل يبقى رهين ظنونه مزيد الوسمي |
رد: اخترنا لكم شعر نبطي وفصيح
رهن للمتعبين من الحنين غوايته وخطاه
وصار اول مطاف لشرهة احساسه وغاوينه يهيجن كل ما عنّا شعوره طرقه ومعناه ما دام الشعر يجري في دماه وفي شرايينه هو اكثر من يقول بخير واكثر من يحسّ بـآه يبيّن ثلث من صدق الوجع ويدسّ ثلثينه حياته غربته حزنه شعوره موطنه منفاه دروبه سجته حلمه صدى صوته عناوينه وهو يا هند يوم انّه يغنّي لك على ليلاه تبنّي غربته يا هند وإلاّ لا تحبينه نايف عبدالرحمن |
رد: اخترنا لكم شعر نبطي وفصيح
مكبوت وشْعوري من الصبح مكبوت
والليلة من الخوف ليلة اخيره مطر وليل ٍ أدلم وْوحشه وْنوت واطراف ترجف برد واطراف غِيره وانا احترق ماهو من الضوّ والكوت قلبي يساومني على اخر ذخيره الله يجعلني من جْروحه آموت ولا آتعافى منْه وآحبّ غيره نوف العثمان |
رد: اخترنا لكم شعر نبطي وفصيح
تمثنَى روْض صدري واسترحْ يالخاطِر المرَّار
عسى ما يَجذب السُّود الوساع إلَّا مغاتيْري أشدَّ الرِّيح لـْ غصون القصيْد وتستلذّ الدار وأقدِّم لك عباير خاطري.. وأغلى معاذِيْري معي مِنْ وِين ما هبَّت ظنونك فالحياة أسرَار أشوفك بعد زلَّات السنين، وقبل تقصيْري تبَعتِك وأنت تَقدِيْر المصيْر، وَسطوة الأقدار مقادِيري كثيرة وأنت واحد من مقاديْرِي فدى وَجهك مشاريه المدى، والحزن، والأعذار وغصنٍ ميَّله صفق الهبوب، وفزّ له طيري أحبَّك.. وأختلي في جِفْن عينك والحقوق كْثار معاك أعذب مسافات الهوَى وأحلى مشاوِيْري يا مِلْح الوَقت قلبي ما عليه من السكوت أسوار لا زلت أشوفك فسانح هواي، وشرِّي، وخيْري أنا بَيْن أتعلَّق في ديَارك.. والهوَى سيَّار وبيْن تمرّ في عيني رضا، وتشدّ تفكيْري أخافك كلّ ما هبَّ الهوَى وارتابَتْ الأشجار مثل ما أخاف لا طال الوداع ألقاك مع غيْري محمد السلطان |
رد: اخترنا لكم شعر نبطي وفصيح
قلبي اللي مابعد ذاق للراحه طعم
يوم واحد والله اني ماخبره ذاقها عايشٍ مابين همٍ شديد وبين الم يالله انك ترحم الحال ياخلاقها ارحم اللي جسم حاله غدا مثل القلم تلعب الارياح به لعبها باوراقها انبرى من مايرى من ظليمه من وهم من هموم طاقها القلب محدٍ طاقها لي ثمان سنين او اكثر على ساق وقدم ترعد المزنه ولا لاح لي براقها واتجبر واتصبر لاياصبر الندم ضاقت الدنيا بعيني وضاق خناقها جادلٍ سبحان ربٍّ خلقها من عدم مع حلاوتها حلو خلقها واخلاقها احسب إن القلب يسلم ولكن ماسلم صابته واستبدلت وصلها بفراقها محمد أحمد الناصر |
رد: اخترنا لكم شعر نبطي وفصيح
لي ثمان سنين او اكثر على ساق وقدم
ترعد المزنه ولا لاح لي براقها ..... |
رد: اخترنا لكم شعر نبطي وفصيح
آه من قلبي اللي دايمٍ في ذهول
والله انه ثقيلٍ لين جوه الثقال ياقطاة العبيه ياهيام الذلول ياعيون النداوي يارقبة الغزال نور وجهك على من شاف منك القبول نور صبحٍ تبسم في رهاد الجبال كني اقرا على طُرّة جبينك تقول انا قلبي يحبك ياحبيبـي تعال المحبه جملها مرسلٍ ومعقول لنعنبو من يقول ان المحبه خبال كان قدمي حدٍ فالحب راح مهبول والله انه خطيرٍ لايجيني هبال والذي ليلة الاسراء عرج بالرسول ان حبك لحال وحب غيرك لحال سعد بن جدلان رحمه الله |
رد: اخترنا لكم شعر نبطي وفصيح
ما كل من يضحك سعيدٍ بدنياه
وما كل من يبكي دموعه حزينه أحدٍ بكى والكل يدري عن بكاه واحدٍ مع الضحكه تحس بونينه ..... |
رد: اخترنا لكم شعر نبطي وفصيح
عرفت اكتب شعوري ما عرفت ابكيه
أثر جرح الهوى مبلي من ضماده كتبت الحزن والآه وشعور التيه وجتني مفردات الشعر منقاده لا تحسب في قصيدي كسْر يا قاريه هذا قلبي كسره الوقت بـ مهاده اعاتب حرفي اللي فيه ما يكفيه عتاب مْحبّ خاف الكلمة الساده أعرف اكتب قصيدٍ يرضي مْحبّيه وينال اعجاب جمهوره ونقّاده ولكن غايتي اسمى من الترفيه ومن كلمة مديح تقال في غاده انا مثل العرب مع فارق التشبيه احنّ الشعر من موته وميلاده قصيدي غالي و يبكي على غاليه و بحاجة كلمةٍ ماهيب منعاده وحبيبي من كثر ما انا اتغنّى فيه يرى بيت القصيدة بيت فبلاده ولا ينلام دام الشعر هو راعيه وسيّد فكرته واستاذ ميعاده ولا الوم الحروف احيان لو تنخيه اشوفه مُلهمي بالشعر كالعادة وهو دربه طويل وخايفه يسريه وحيدٍ ما معه غير الشعر زاده جعل من حطّ حبّه في صدر مغليه يحفظه من صدوف الوقت واجهاده تقلّدت الهوى درءًا عن التشويه وحفظته مثل ما احفظ أثمن قلاده تخيّرت الهجر حلّي وانا ما ابيه وحبيبي من هجرته زاد بعناده يقول الورد ما حُرّم على ساقيه وانا يا وردتي محروم بزياده وضحكت بحسرتي لاني عجزت ارضيه وعانقته بقلبٍ حنّ رعّاده تمنّاني وانا حلمٍ محال يجيه وتمنّيت اقدر احقق له مْراده عرفت اكتب شعوري ما عرفت ابكيه أثر جرح الهوى مبلي من ضماده من يعالج جروح القلب من يشفيه حسبت الشعر بيفيده ولا فاده ..... |
رد: اخترنا لكم شعر نبطي وفصيح
الله على ذاك الطريق الي مانبغا منتهاه
يادرةٍ ناقش على صدر القصيد حروفها رحنا ولا راح الشعور ولاسترحنا من وذاه الحظ مايعطي المواليف قلب اشفوفها في بحر عينيك الجميله مانفع طوق النجاه سحرٍ تلحفه الجفون الي تشيل سيوفها لا تلحقيني لوم فالي فات يامال الغناه انا شجاعٍ واجه الايام تحت ظروفها راضي لو اشوف الهجر واللوم واعوف الحياه الا الدموع الي على خدك لاعاد اشوفها هاني حمّاد |
رد: اخترنا لكم شعر نبطي وفصيح
يا حبيبي ليتني اقرب من انفاسك لروحك
كان ماخلّيت في دنياك حاجه تشتهيها ليتني اقدر اضمك و اهدم بحبّي صروحك والظروف اللي تباعد بيننا تبّت يديها يرضي شْعوري قليلٍ من سواليفك وبوحك وبسمةٍ تُرسَم على طارف شفاهك ارتجيها كم تمنّيت اصبح بحلمك وأمانيك وطموحك مثلما كنت الحياة اللي مضى العمر احتريها للكتب، لـ الصبح، لعيون السهر، للناس ابوحك المشاعر صوبك قلادة على الجيد ارتديها قلبي اللي بين يدّينك يبي منّك وضوحك وكلمةٍ لو قلتها ببقى على خبرك ابيها لو تبي تجرح خفوقي جعلني فدوة جروحك الجروح اللي تجيني منك بسم الله عليها ..... |
رد: اخترنا لكم شعر نبطي وفصيح
من يدري ان الحبّ فنجاله مهيّل
لا يحرم الغالي من ملاقاة غالي الحُبّ مهما زاد! بعيوني قليّل وقلبي شغوف بحبّك مْن اول وتالي حتى لو اني من مجافاك آتويّل انت انت ماغيرك مناي وراس مالي ياليتني بعيونك الثنتين أقيّل ماكان ساهرت العنا بـ قشر الليالي من قلت لقيانا قدر وآنا اتحيّل وارسم خيالاتي واعلّقها قبالي وارقص من الفرحه واغني وآتميّل لا مرّني طيفك وبالغ في دلالي وصرت آتخيّل .. واتخيّل .. واتخيّل يوم اللقى مرهون في واسع خيالي ..... |
رد: اخترنا لكم شعر نبطي وفصيح
يا أخير الكلام ومنتهى دورة الأفلاك
عسى خير غيرك شر وجروحك الخيرة أموتك شهيد وتبنعث لهفتي وأحياك وأعيشك حياة و لذة العمر تعميرة يخوفني إني قبل لا أفارقك و أنساك تمرين عادي وأنتِ الشك والغيرة ..... |
رد: اخترنا لكم شعر نبطي وفصيح
كلّما ضاقت علي دنياي شفتك يا جفول
في عيونك شيّ ردّ المغترب لأغلى هله يالحبيبه والكلام اللي من شفاك معسول عاتبيني انتي عتابك - له بقلبي صله- واسمحي لي آتأمّل وجهك الغالي واقول: بإن صمتي في حضورك كان أكبر مشكله ان تخيّرت السكوت فلا يجي منّك فضول يا جميله كيف أملّك وانتي اجمل سنبله ؟ اعذري صمت المشاعر لا انتهت كلّ الحلول واعذريني كلّما لديت صوبك من وله وإن زعلتي من سكوتي ما على الدنيا قبول الشعور اكبر تجاهك من كلامٍ يخذله صاحبك ياوردتي يخشى عليك من الذبول سامحي قلبٍ من الأحزان ضيّع منزله ..... |
رد: اخترنا لكم شعر نبطي وفصيح
سالب الألباب لا تطلب على الفرقا سبايب
و العمر شجرة تدانت لك من اللهفة ثمرها إن عطيتك ما عطيتك من ورا خشم و طلايب و إن تعففت ، النفوس الطيبة لـ الله خبرها ما قدرت أنساك وجروحي عقب وجهك عطايب كل يوم ألوم نفسي في هواك ولا أعذرها ليه تاخذ شكة الأحباب لظنونك ركايب و المحبة ديرةٍ من برها ينضح بحرها يا بعد كل السنين و يا بعد كل الحبايب وش بعد خطواتي اللي عذرك الواهي قصرها كان ما كفّاك قلبٍ فـ القوام الصب ذايب أختر من الأرض لو ودك ذهبها مع دررها جيت لك و الشوق يشعلني كتايب في كتايب لين ماقام يتفجر بالمحاديب و دمرها لا تفكر في مدى سيل الشعور إن جاك جايب ولا تفتش في كسورٍ وقتي الفايت جبرها عطني الكف الرقيق اللي له المعلوق تايب ولك علي أطوّل الدنيا بكيفك و أختصرها أنت في خدك سلام و في وسع عينك حرايب و أنا أسيرٍ حاول بحريّته ولا قدرها أطعن برمشك نسانيس الذواري و الهبايب لين أصحي ليلةٍ غافي على نحرك قمرها عبيد فهيد |
رد: اخترنا لكم شعر نبطي وفصيح
رفرفي يا راية التوحيد من عصر المؤسس
لين عيسى يذبح الدجّال وتقوم القيامه دام عزك ياوطن |
رد: اخترنا لكم شعر نبطي وفصيح
اقبّل حروف اسم الوطن كل ليل ويوم
لو اسم الوطن له روح وايدين عانقته دام عزك ياوطن |
رد: اخترنا لكم شعر نبطي وفصيح
نفاخر يوم نحمل فالهويه نخله وسيفيـن
سعودييـن وهممنا على الطـالات ورّاده دام عزك ياوطن |
رد: اخترنا لكم شعر نبطي وفصيح
صباح الخير من قلبٍ يشوف إن الحياة بخير
مادام إن الغلا محفوظ والدولة سعودية ..... |
رد: اخترنا لكم شعر نبطي وفصيح
ليا حنّت جديل الليل شمس عصير قبل تغيب
وعدنا في صباحن عيده احلى من نسانيسه على كل الوطن تشرق بوجهك يا وريث الطيب مضارب ملْك ابوك و ملْك جدّانك و تكريسه جمع شمل القبايل كلبوهم بعد ملْك كليب عقب ما فرّق الله شملهم وأعاد تأسيسه تقلّب قادة كبار الدول تحت يدك تقليب مثل ما قلّب العمسان بنّه في محاميسه فارس السميري |
رد: اخترنا لكم شعر نبطي وفصيح
وطن جوّد حبالك يا وطن لأحلامك، ومبداك
ترى ما ضاع بك حقّ المواقف، وأنت دافعها كبرت فـْ حضْنك، ومرَّت حياتي في دواك وداك وعدت أغنّي.. فـ صحراء ظماك، وفي مرابعها أشوفك جنةٍ خضرا، وغصن، ونسْمة، وشبَّاك وأعرْفك.. غصَّةٍ ذابت عيوني من مدامعها وطن وش يعذر أبيات القصايد يا وطن وأسماك كثيرة لو تناقلها الليالي كيف أبى أجمعها أقدِّم لك ولاي، ورأس مالي وقلمي، وإعداك: أدوس رقابها، وأغرز سيوفي بين أضالعها تغيب الناس، وتجف الحلوق.. ولا حياة إلَّاك معك مرْبط خيْول جدودنا.. وأطيَب مقالعها معك سلمان بن عبد العزيز العاقد الفكَّاك وسيفه، وفرِسه، وآل سعود، وطيب مَرْجعها شف عيالك، وشعبك وبلدك يا سيدي يفداك ترحّب بك حيود جبالها.. وأعذب منابعها لو إنك ترفع لـ عرض السماء ونجومها، يمناك ما يسبقنا على خطف النجوم إلا مطالعها عسى وقفة محمّد في مداك وضحكة محياك وعسى كلمتك تبقى فـ العقول وفي مسامعها وأنا يا هامة العزّ الرفيع.. ودورة الأفلاك أعرف أنه عيون رجالها، وأكبر مطامعها وأعرف إنه محمّد فعل، ومحمّد نبا، وإدراك ومعه رأيٍ يشدّ رحاب نجد، ونور مَفْرِعها عسى الأحلام لا شدَّت خطاك، وطوّلت مسعاك ما ترجع يا ولد عبد العزيز إلَّا السعد معها محمد السلطان |
رد: اخترنا لكم شعر نبطي وفصيح
كبرت فحضنك ومرَّت حياتي في دواك وداك
وعدت أغنّي فـي صحراء ظماك وفي مرابعها ..... |
رد: اخترنا لكم شعر نبطي وفصيح
ما احدٍ يعلّمنا نحب الوطن كيف
و لافيه احد يملي علينا ، ولانا جَمّ الشرف مالين منه المغاريف و لا نقص من وارد الجمّ ، مانا على وطنّا ، ما حسبنا التكاليف دونه تروح ارواحنا مع دمانا . مازورته مجد ، و فَخَرنا مراجيف و نصفّ من جزل القصايد هوانا ديرة هل العوجا و الامجاد و السيف معشوقة العزّ ، و خصيمة ضمانا نحبها من دون كثر المعاريف والله يقدّرنا نبرهن وفـانا .. حنّا رقينا باسمها للمشاريف عهدٍ علينا ما نمنّ بـ عطانا الله ياقاها ، الفتن و الصواديف و اللي عن دروب الحقيقة توانى وارفه |
رد: اخترنا لكم شعر نبطي وفصيح
تباهي بحسنك على كل الديار
وامشي كِبر بين السماء و مزونها سيفك يقيم العدل ويعدل المسار ونخلتك كل الخير في عرجونها وعَلمك لونه لوّن الدنيا خضار وهي من اوّل كان باهت لونها يا حرّةٍ ما تنجبين الا حرار تشيل هم المسلمين متونها دار الفخر قصر السطر بيت القرار لا شبّت الجمرة على غليونها من وحّد حدودك على قب المهار سلّمك لـ رجالٍ تعرف تصونها لا دقّت اجراس الخطر والعج ثار بـ اللي ما يشرى بالذهب يفدونها محبتك ورث الصغار من الكبار الله على اللي حافظٍ مكنونها ما فيه مغرض شافك بعين احتقار الا وتنزع من عيونه نونها فارس عايض |
رد: اخترنا لكم شعر نبطي وفصيح
يكفنك السحاب وميّ زمزم يغسلك والروح
تسابقها ملايكة السما وتهلّي الجنة أبارك للوطن في يوم توحيده وهو مجروح وأقول ان الفرح واجب علينا وحزننا سنة غانم الشراري |
رد: اخترنا لكم شعر نبطي وفصيح
لي سنة خطوتي عجله وصدري سناوي
ياعيون المها اللي بين ضلع وعدامه يوم أشدّ الركاب ويوم أحثّ الخطاوي كنّ عيني تشوف الأرض فوق الغمامه يالله بصبح يومٍ ينتصر للهقاوي مثل نصر الإمام اللي بيوم الرغامه أتركيني تحت نجمٍ على الليل ضاوي وش تبين بكلام اللي تثاقل كلامه مابقى لي من دروب الليالي سلاوي غير صوتٍ يصحّيه الشعر من منامه قد غدا الحلم في عين الدريك الهواوي أبعد من المدى في عين زرقا اليمامه يوم أشوف الوجيه اللي بعضها حياوي ودّي انه مايبقى فالوجيه إبتسامه سمّعيني قصيدة من قصيد العطاوي ولا طرقٍ من طروق الهلالي سلامه دبلت كبودنا من كل شاعر وغاوي وملّت سموعنا من كثر نوح الحمامه أشربي من قراح الشعر شرب القهاوي وأقربي من مضارب محتمين الجهامه في حما قايد العنّه بعيد النحاوي وفي ذرا كل شغمومٍ خواله عمامه جيشهم كل ماحان الطلب ما يراوي فوق وسق الذلول وفوق سرج النعامه لو تموت النفوس ولو تموت الرجاوي التخاذل هزيمه والتقاعس رخامه العرب نصرة الدين الحنيف السماوي صفوة الخلق وأكثرهم وقار وكرامه كل ذيبٍ يغنّي للعروبة حمّاوي من طوارف طريف إلين ساحل تهامه يحتمون الدخيل وينطحون البلاوي تحت رأي الزعيم اللي زهته الزعامه أصوّكٍ كل ما هاز الطويله رهاوي تذعن ملوك الأرض لهيبته ولمقامه سيّد الشرق الأوسط في جميع الدعاوي قبل يلبس عقال وقبل يبلغ فطامه طلعته في سماء التاريخ نجمٍ سماوي والسعودي على طاريه يذبح كرامه عاش راس المواطن تحت حكمه غناوي وعاشت المملكة في بشته وفي حزامه يابو سلمان ماننشدك ويش أنت ناوي حط لك درب وتشوف السعودي امامه يتكل بالله الواحد على كل قاوي ويحتزم بالحزام ويعتصب بالعمامه أضرب الأرض ويطيح الجميع متساوي أنت كفّك شداد وكفّ غيرك مسامه ما لجرح العروبة غير فعلك مداوي ولا يبشّر سعدها غير قصر اليمامه عاشت العزوة اللي في نهار العزاوي ترفع الراية الخضرا ليوم القيامه مشاري بن محمد |
رد: اخترنا لكم شعر نبطي وفصيح
كُتبت الأبيات على لسان محمَّد الكبير
إلى محمَّد الصغير: سمّوك يا محمَّد علي واستبشر العالم معاي من جيت للدنيا وانا بحضن السعادة أرتمي عشت الفرح في جيّتك كنّي مبشّر في ضناي و من بشروني بك وقلبي من شعوره معتمي اغليك من حبّي لابوك اللي من آعز اصدقاي حتى لو ان ما بيننا عرق ودمك خالف دمي كان الأمل اللي يبدد ضيقة أيامي وراي و لا ضاقت الدنيا علي شفته دواي ومحزمي خوّتْه تشرى بالعمر كله ولا يكفي غلاي ابوك يا محمَّد فخر يا بخْت من له تنتمي من جيت يا أغلى ولد والبسمة تعانق شفاي جعلك تعيش بعزّ ابوك الغالي يا أغلى سمي |
رد: اخترنا لكم شعر نبطي وفصيح
بدأ طيفك يراوِد ليلتي بيْن السّفر والحِلّ
ترى ما شدّ عيني في هواك إلَّا مسافاته أردّ آخر معاذِيْر الرِّضا.. وأجاذبك، وأزِلّ وأنا قلب بدويٍّ شاف فيك أيَّامه، وْذاته عساني كلَّما صدَّ الكلام من الكلام، وْملَّ أقوْله لو يموت من السنين البِيْض ما فاته حبيبي لو أفرّ من الظمأ، وأشدّ لك، وأعِلّ أبى أركض لين أساقي ماطرك عن كلّ وِجْهاته أرتِّب كلمتي.. والجوْع عابث، والليالي قِلّ مضى لي عمر والشعر المعتَّق يَجمع شْتاته! لو إني ما تجوَّدت الركايب؛ ما قدرَت أظلّ.. أعرْف إن الهوَى ما يترك الواحد لـْ مشهاته تبعتك رغم عثرات الزمان، ولا لقيتك خِلّ ورجَعت وما سرقته من يدي، ما قلت لك: هاته أعرْفك عابرٍ ضاعت عيونه فـ القصِيْد، وْدَلّ.. وأعرفك.. بيْن طيَّات السنين، وبيْن طيَّاته! وِش الأيَّام، وأحداث الليالي، والرِّضا، والغلّ؟ إذا ما سلَّمك درب الهوَى.. لآخر محطَّاته أنا لي عين طَاوَلها الحنين؛ ودمعةٍ تنسلّ أخاف أردَّها، ويملّ قلبي — من تنهَّاته يا مِلح الوَقت لو طالَتْ عْقَدك أخاف ما تنحلّ أمانة لا تخلي خاطري.. يصحى من سبَاته! أشوفك فالبروْق، وفالسَّحاب الممتلي لا هلَّ أنا وين أتِّجه لا صرت أشوفك بيْن قطراته! أعرِف إن الليَالي جارحَة، وإنّك رحلْت بـْ حِلّ طلبتك، كلَّ ما مرَّك قصيدي.. ردَّد أبياته! ترى بين أتجلَّى في متاهاتك.. وبيْن أضِلّ؟ كتابٍ ضاقت الدنيا عليه، وشقّ صفحاته.. خذ اللي وِدَّك إن هبَّت رياحي فالغصون، وخلّ نهارٍ فيه عاتقك الطوِيْل؛ يحبّ نسماته! على شان أتردَّد في مشاوِيْرك: براد، وظِلّ.. وأصدّ من المقيظ، ومن لواهيبه، ولفحَاته يا أبو وجهٍ على شانه يِدَّق من الغلا ما جلّ ترى لولاك.. ما سِقَت القصايد في متاهاته! فداك العمر وأحداث الزمن والمشكلة والحَلّ وقلبٍ.. ما يعرْف من الغزال إلَّا تلفَّاته أنا من شاف وَجْهك يا حبيبي في وجيه الكلّ وفزَّتْ روحه لـ ضحكة عيونك قبل خطواته محمد السلطان |
| الساعة الآن 01:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية