|
رد: اخترنا لكم شعر نبطي وفصيح
تبعتك رغم عثرات الزمان ولا لقيتك خِلّ
ورجَعت وما سرقته من يدي ما قلت لك هاته أعرِف إن الليَالي جارحَة وإنّك رحلْت بحِلّ طلبتك كلَّ ما مرَّك قصيدي ردَّد أبياته فداك العمر وأحداث الزمن والمشكلة والحَلّ وقلبٍ ما يعرْف من الغزال إلَّا تلفَّاته ..... |
رد: اخترنا لكم شعر نبطي وفصيح
تنفستك صباح ٍ يلثم الظلمى بسيف النور
ويدفن سيرة الليل البهيم ومُبهَم أسْئِلْتهْ قم اِعزفني على صوتك ودوزنّي ولَه وغرور أنا دربي طويل ومعْك مابه حلم ما طِلْتهْ تسامى يَـ الشعور اللي يخلّيني بدون شعور أحبّك لا سرقت إحساسي من لساني وقلْتهْ خالد القصيِّري |
رد: اخترنا لكم شعر نبطي وفصيح
ما كان القصيد اسلوب شهره ورب البيت
ولا كنت اشوفه غير عن باقي طبوعي على البال ما خليت فكره ولا بقيت ولا فيه مطلع قاف ماحس في لوعي قضيت السنين الممحله بين ليت وليت اجاهد ظروف الوقت مابيّن خْضوعي حبيبي تعال الله يخليك .. مامليت انا كل يوم يمر صوتك على سموعي ويمر النسيم العذب صدري ليا مريت ويطرق معاليقي ويزبن على ضلوعي خذاك الزمن واغرتك الايام واغتريت وانا ماعرف غير إن طاريك موضوعي الأعشى |
رد: اخترنا لكم شعر نبطي وفصيح
تسير الحياه الفانيه بين نضج وطيش
وانا الهادي الّي يشحنه نايح القُمري أشوف البشر غالب تفاصيلها تغبيش انا المختلف ولا البشر وضعها مُزري ياليت المَعَرْفه قبلها نقطه وتفتيش على شان أميّز طعمها المُر من بدري عزمت أبتعد عن كلّ شيء وقدرت أعيش معا عزلتي لو مابها . . واقعٍ مُغري وأنا لو قدرت اتجاوز البعض بالتطنيش تراك الوحيد . . الثابت بذاكرة عُمري مع انّك رحلت أزريت ماقلتها لك "ليش؟" تثاقلتها . . ماودّي أحطّ من قدري مابين السواد الحالك تمرّني بشويش مثل ماتمرّ . . النسمه البارده صدري هذا طيفك الّي يوم شحّ الوصال تعيش على ناصيته عروق قلبي . . ولا تدري لك الطلّه الّي نورها يرفض التهميش تفاصيل وجهك عندها يزدهر شِعري مثل مالغصن يحتاج للماء عشان يعيش تعيش القصايد في ذرى وجهك الخمري ظافر النهدي |
رد: اخترنا لكم شعر نبطي وفصيح
تسير الحياه الفانيه بين نضج وطيش
وانا الهادي الّي يشحنه نايح القُمري أشوف البشر غالب تفاصيلها تغبيش انا المختلف ولا البشر وضعها مُزري ياليت المَعَرْفه قبلها نقطه وتفتيش على شان أميّز طعمها المُر من بدري عزمت أبتعد عن كلّ شيء وقدرت أعيش معا عزلتي لو مابها . . واقعٍ مُغري وأنا لو قدرت اتجاوز البعض بالتطنيش تراك الوحيد . . الثابت بذاكرة عُمري مع انّك رحلت أزريت ماقلتها لك "ليش؟" تثاقلتها . . ماودّي أحطّ من قدري مابين السواد الحالك تمرّني بشويش مثل ماتمرّ . . النسمه البارده صدري هذا طيفك الّي يوم شحّ الوصال تعيش على ناصيته عروق قلبي . . ولا تدري لك الطلّه الّي نورها يرفض التهميش تفاصيل وجهك عندها يزدهر شِعري مثل مالغصن يحتاج للماء عشان يعيش تعيش القصايد في ذرى وجهك الخمري ظافر النهدي |
رد: اخترنا لكم شعر نبطي وفصيح
مالقيت اصعب من الفرقا على قلوب الولايف
ومالقيت اصعب من علاج الخطايا بالخطايا والفراق اللي بدون اسباب يازين الوصايف اوجع فوادي وعذبني وسوا بي سوايا كل يوم اقدم اعذاري والحّقها الحلايف وانت ماتدري عن اللي صار ياعذب السجايا الوكاد اني على شانك تعرضت الحتايف والوكاد انك خذيت القلب من عوج الحنايا علي الدعيه |
رد: اخترنا لكم شعر نبطي وفصيح
لو جيت ادور لصوتي فالحناجر بديل
اخترت صوت يهب الحزن من مطلعه اخترت لي ضحكةٍ صفراء وظلٍ هزيل وجرح ٍ يوزّع على كل البلاد وجعه الغاير المندفن والوارف المستحيل هذا مصبه وسط روحي وذا منبعه نويحي البديري |
رد: اخترنا لكم شعر نبطي وفصيح
يارب عطني اكثر مْن اللي رجيت
وانت الكريم اللي عطاءه سرمدي آنا امنياتي اكبر من اللي سعيت ياربّ تشرق لي مثل صبحٍ ندي دخيلك من الدرب لا مال وبكيت واعووذ بك ياربّ من حظٍّ ردي طلبتك تحقق دعاي اللي دعيت تعبت اشيل احلامي براحة يدي مها |
رد: اخترنا لكم شعر نبطي وفصيح
معذور قلبي لو بكى فـ فراقهم عذرٍ وجيه
راحوا وغزّة عقبهم لبْست لنا ثوب الحداد غابوا وما غابت جمايلهم على الشخص النزيه كانوا ضماد لجرحنا ولعجزنا كانوا عتاد اخوان واجتمعوا لوجه الله وافترقوا عليه الله يجمعهم سوى في جنّته يوم التناد الشهداء صالح الجعفراوي وأنس الشريف رحمهم الله |
رد: اخترنا لكم شعر نبطي وفصيح
معذور قلبي لو بكى فـ فراقهم عذرٍ وجيه
راحوا وغزّة عقبهم لبْست لنا ثوب الحداد غابوا وما غابت جمايلهم على الشخص النزيه كانوا ضماد لجرحنا ولعجزنا كانوا عتاد اخوان واجتمعوا لوجه الله وافترقوا عليه الله يجمعهم سوى في جنّته يوم التناد الشهداء صالح الجعفراوي وأنس الشريف رحمهم الله |
رد: اخترنا لكم شعر نبطي وفصيح
والله ان الشامه اللي على الخد اليسار
فارقتني راحة البال من فارقتها ..... |
رد: اخترنا لكم شعر نبطي وفصيح
مع اني خابر ان الشمس عقب غيابها بتبين
احس انها ليا غابت من عيوني تودعني واشك انها ليا غابت تروح وتطرد المقفين وانا الي شيمتي عن طردت المقفين تمنعني ذرفت الدمعه الي عالقه حروه ثلاث سنين لو ان الدمعه الي تنذرف ماهي ترجعني ابي ذيك الدروب الي توديني ولا ادري وين انا محتتاج دربٍ كل ماجيته يضيعني احبك كثر ماذعذع هواك وسال دمع العين وكثر ماقلت انت تحبني وتقوللي يعني سعد بن خالد |
رد: اخترنا لكم شعر نبطي وفصيح
ظبيٍ يتّعب مداويره
و وصاله أبعد من شبوحي المح بقايا تباشيره في كل جرحٍ من جروحي كنت اتبعه لو مشاويره ضياع عمري و مصلوحي ماهو مبدّى على غيره إلا مبدّى على روحي متعب البقيلي |
رد: اخترنا لكم شعر نبطي وفصيح
يطل الفجر وتعم السكينه والهوى ذعذاع
عسى نسمة هواه تطفّي الجمره من ضلوعي جذوعي ضاميه والبعد موحش والعيون جياع على رشفة ثغرك احيا وتروى ضامي جذوعي اعرف انك سرابٍ من تهقوى في بريقة ضاع ووصلتك مستميت وحازمٍ بطني على جوعي لقيت بعينك النجلا حياةٍ برقها لمّاع وانا اللي قبل اعرفك ما اعرف شهري من اسبوعي تكلم في حروفك ما يداوي قلبي الملتاع انا لولا حديثك ياحبيبي ما هدى روعي مقباس |
رد: اخترنا لكم شعر نبطي وفصيح
رد طارفك العتيق و لحّف الليل الاهلّه
و اذكر إني غارقٍ في ضحكتك و الليل هادي غايبي و انت السنين الاوله والشوق كلّه وش يردّك عن هوى بالي و شفي و إتّقادي الظما.. شدّد هواي لـ نظرة العين المقلّه لحظةٍ فيها الجفاف اول مشاريبي و زادي يا حبيبي و إن عرفت ادلّ دربك ليش ادلّه ؟ خابرٍ في صوتك ايامي و فـ عيونك بلادي و إن تخيّرتك ظنون.. ولوّحتك الريح زلّه اترك الشاعر ورى عنقك يهيم فـ كل وادي من مسافات الحياة اسري مقامك و استحلّه و آتردد في مشاويرك و اسوق العمر حادي دِق هَرجك يستلبّ السمع كيف إن مر جِلّه ؟ شفت في سيفك هواي وشفت في رمحك ضمادي اتبسّط بك، و اعرف إني احبك و انت والله منتحي عن ريبة شعوري و جدّي و اجتهادي وش يحلّ الحزن يا ملح الحياه او من يحلّه؟ اتعبتني بعدك الايام، وارهقني عنادي جعلني لا مرّت ظنونك و جاء فـ الامر خلّه آقف بـ وجه الليالي موقفٍ ما هو حيادي ما لحقني في رجاك من السنين العوج ذلّه انت من يلمحك في ديرة ولا يتبعك غادي محمد السلطان |
رد: اخترنا لكم شعر نبطي وفصيح
الشعور الليلة اكبر من مدا استيعابي
معتقَل في ظِل سَقفه وأربعة جدرانه كلّ ما فيني من التقصير غير ثيابي يشتكي لي من كثر خوفه وقل آمانه أدعي إنّ الله يهيّي للرشاد اسبابي ما يذرني للهوى ولوسوسة شيطانه لا نويت آحثّ في درب الرحيل ركابي ردّني صوتٍ .. لا زالت نبرته رنانة الحنين المرتبط .. في لحنه الزريابي سطوته سطوة عقيد القوم في عدوانه ليه آولّي نفسي لـ غيره .. وهو اولابي كيف آسلّي قلبي بـ غيره وهو سلوانه البعيد اللي لا زلت آعدّه من أقرابي فاقده فقد الضمير الحي لاطمئنانه يا موقّفني بعد فرقاك على اعصابي ما يزيد الحب غير محاولة نسيانه جرحك الآخير ينعَم في كنَف ترحابي ما تقول الا آخر العنقود بين أخوانه صرت ادوّر في جروحك مايثير اعجابي الخطا في عيني أهون من فراغ الخانه يوم حبّيتك شَعَرت ان الجميع احبابي كنت اشوف بعين قلبي واعترف بلسانه لم يكن بامكان قلب الشاعر المتصابي إنّه يحاول يكون اكثر من اللي كانه من كثر ماهوب عن زود الزلل متغابي حسبة الفرقا ما كانت يوم في حسبانه رغم مفهومي للارض وديرتي وترابي الوطن يمكن يكون انسان ولا انسانه في محطات القطار اخر فصول كتابي ماحسبت حساب عمري لين فات اوانه وينه اللي كل ما ضاقت علي رحابي أترك الدنيا واهلها وارتمي فأحضانه عبدالله السراهيد |
رد: اخترنا لكم شعر نبطي وفصيح
الله هو المعبود ماله لا شريك .. ولا شبيه
جل وعلا .. عرشه علا كل العروش الفاخره عز اليتيم ؟.. إللي فقد فـ أول حياته والديه رغماً عن خشوم الوجيه الحاقده و الساخره عم النبا و آهل القرى مابين رشد و بين تيه آوايل العلم القوي ؟.. تنبي لـ عظم آواخره أبو جهل : تبت يده .. و أبو لهب : تبت يديه و إللي بعد على الضلاله جل جهده صاخره أستنكروه ؟.. و قالو إنه ساحر و عقله سفيه أهل العقول إللي مثل " مخ العظام الناخره " ما يدركون ؟.. إنه ذكي و إنه نبي و إنه نبيه منٍ .. من المولى يدلك ( لـ لحياه الزاخره ) فضايله ؟.. ما تنحصر والله يبي من " يتقيه " أشرف نسب و أعظم فخر يا العالم المتفاخره محازمه قومٍ معه .. تدعس على اللي ماتبيه لا قام كلٍ يلتفت " فـ المحزم إللي ذاخره " من بطن طيبه و جهو لـ النصر بيضان الوجيه بواسلٍ؟.. بر الأمان أرست عليه " الباخره " آعجوبة التاريخ ما توفيه .. مهما تقول فيه ( المجد ) كله سطره من أوله : لين آخره هذا النبي المصطفى صلى الله وسلّم عليه " الله يجمعني و يجمعكم معه فـ الآخره " ناصر بن مفلح |
رد: اخترنا لكم شعر نبطي وفصيح
يا قلبٍ عثا فيك الزمان .. وطواك الياس
لا تبدي ملام .. ألا على وضعك ، الحالي تشوف المحبة شي اساسي على اي آساس ما دام المحبة !.. تدبل الكبد ، من تالي تحدك على الضيق وتحدك على الهوجاس وأنا كل !.. ( داعي شوق ) يثّر على حالي يهوّن عليّ الشعر !.. لا انفضوا الجلّاس يضمّد جروحي ويتطمّن ، على أحوالي ياشين القصيد ان صار خالي من الاحساس يمر المسامع عجل !.. ويموت طوالي إذا ما تحرّك منه قلب و تمايل راس ما يطري على مهموم !.. ولا على سالي يقوله من استولى على القصر والحراس قبل يصدر المرسوم في حضرة الوالي عطاه الله من الشعر ما يحبس الانفاس يسولف على الشعار من برجه العالي أحسب إني أسلا كل ماذعذع النسناس تعبت أبتسم وأرجع على نفس موالي أثر ما يسليني كلامٍ ما بين ( أقواس ) عن الصورة !.. اللي ما تخليني لحالي عليك السلام الوافر اللي بدون قياس ياا عنقٍ عليه !.. ( معلّقٍ ) باقي آمالي مع إنك بعيد وطرقتك تتعب العساس أنا أشوف حلّي فيك .. وآشوف ترحالي إذا ما بقى لي عودك المبري المياس من أحلام عمري مااعرف وش تبقالي يطل القمر ولا يغيب القمر .. لا باس الأغلى تهون بـ حضرته ، قيمة الغالي عن الطلة اللي تنتظرها جميع الناس أنا فـ انتظار !.. الطلة ، اللي على بالي عبدالله السراهيد |
رد: اخترنا لكم شعر نبطي وفصيح
طَـرَق صوت الهوى بابٍ على وجه السما مفتوح
تميّـله الهبايب والسحاب يبلل أطرافه ياليته من خشب وأحط قطعه من سفينة نوح لكنه : من مشاعر صافيه .. وهموم شفافه بعد ماكان فيه السيل يجري والبروق تلوح ويقطف سيّد الدنيا مرابيعه وميلافه تولاه الغياب اللي بدون إذن ، وبلا مصلوح رعى فيه الهجير وشان لونه والدهر لافه بقايا أطلال وظلال وعروشٍ خاويه وصروح ماعاد يبين فيها بيت راعيها ومضيافه على ماها يحوم الطير الأشقر والحمام ينوح متى ياواردين الما يموح الدلو غرّافه تعبت من السكوت اللي يزيد من الغموض وضوح لو إن عمري كتابٍ مالقى عنوان لـ غلافه لو أسمح للطواري والصحيفة والقلم والبوح طعن رمح الهوى شعري وسال الدم من قافه نثرت الذكريات اللي ملت صدر السنين جروح وشافت عيني اللي من زمان أخشاه وأخافه ماعاد أدري وش أوقف على شانه ، ووين أروح وأنا اللي تنحسب له خطوته ، ويشاف ميقافه تجرّعت الحنين اللي يقطّع صوتي المبحوح ومليّت الجبل لو برّني ظله ومشرافه تباطتك الليالي والمساري ياللطيف الروح وفقد طلّتك صبحٍ من جبينك ياخذ أوصافه إذا جيت النهار : تزيد نوره ، والورود تفوح ولـ جيت الليل : قالت لك نجومه ، عاش من شافه حمد الميموني |
رد: اخترنا لكم شعر نبطي وفصيح
بعيد من التصنع والتكلف والكلام الجاف
أقول اللي يجول بخاطري وأترجم شعوري عرفت إن الشعور أعمق وأجل من الوزن والقاف ولقيت إن صوت صدري ما يشابه صوت حنجوري تركت اللي يمرّه فالظلام الساري الحوّاف وأخذت من النهار اللي كشف وجه الثرى نوري تبـيّن جرتي بالوادي الموسوم والمشراف معا سرب الطيور العابره ما طارت طيوري ماني بمدوّر اللي يسمع بذكره ولا ينشاف ولاني واقفٍ في موقعٍ ما يعرف حضوري ورى وجه الكتاب اللي تشوفونه بدون غلاف ربيع الجنة الخضرا عسل سدر وزهر جوري لو بوّصف المشاعر جايز التبذير والأسراف ولا من حقي أكنز جوهرة عمري وبلوري كتبت أطراف صوتي في طريق العاشق الميلاف وقدمت لمجاريح الليال البارده شوري ورى الألقاب والنور الصناعي ما رسمت أهداف مع إني قد نحت صخور نجد براس باكوري ولا يخذلني اللي لاكتبني يكتب إسمي حاف ولا يزعلني اللي في طريقي طوّفوا دوري ماني محتاج للتصفيق والتعليق والإنصاف وأنا أحس الليالي والنجوم البيض جمهوري حمد الميموني |
رد: اخترنا لكم شعر نبطي وفصيح
تفاصيل وأحداث ومشاوير رايح جاي
تهاويل وجروح وطواريق وزياده طريقي ضياع ومجرياتي قصيد وناي أحاول عشان أدلّ وأضيع كالعاده أوقّف وأهدّي خاطري وأستعيد قواي وأشوف الوجيه اللي تلوّن وأنا ساده أنا الراي لا قالوا هل الراي وين الراي وأنا الحرب والتاريخ والسيف وغماده تكفّيني الفزعة ليا جات من يمناي عن الفزعة اللي في يدّ الشعب والقاده تعرف الليالي طيب راسي وطيب أباي ليا سولف اللي ينسب الطيب لأجداده على العز يا روسٍ تحاما على الحمّاي الأيمان مدّاده والأرقاب سدّاده عذلني من يقول الليالي تجيب أقصاي وأنا الصامل اللي تعرفونه من عناده عشان الأمان اللي يقيّد مسير خطاي تجلّدت ويدين المقادير جلّاده ما أعرف أتواضع عند حقي وعند عداي أعرف أذبح الصيّاد وأكسّر شداده عسى كلمتي ورسالتي وزعلي ورضاي فدا الضحكة اللي غرّبتني ورى غاده حياتي وأنا أسعى بين صوتي وبين غْناي حياة الغريب اللي تغرّب عن بلاده تنازلت لكن ما تنازلت عن مبداي وجيه الرجال تخلّي النار وقّاده يا غاده ماقصّرت الخطاوي ورى مسعاي معي صبر لكن صبر الأيام ما فاده لا زلتي رهينة خاطري وثمرة دنياي وحلمٍ تزلّ سنين ما زلّ ميعاده تغرّبت واجد عن ديارك وعن مرباي جعل ماضي سنين المحبين منعاده ياكبر الكلام اللي بصدري من أمس وجاي على قلبي اللي نسمة الدار تقتاده مشاري بن محمد |
رد: اخترنا لكم شعر نبطي وفصيح
البارحة سامرتني يا اتلع الجيد
بالخايع اللي موطنه في خيالي قلدتك القمرا ولبستك البيد وحطيت في كفّك رياض ومفالي قامت تمد إلك السحايب عناقيد وشفت الصباح يسيل من خد غالي شمسٍ تهايق من علو الأخاديد ما تدري انك مشرقٍ وسط بالي ليت الهوى من يمّكم يزهم العيد إلين أشوفك مرتكي في ظلالي بعدك يذوب قاسيات الجلاميد وشلون عاد إنسان عاش انعزالي اعروق قلبي ممحلاة وجراهيد صب القراح وعلّه يطيب حالي مد المواصل يا قناد المواعيد الارض ارضك من قديمٍ وتالي يا صاحبي كل الأوادم شواهيد من عقبكم ما عاد صدري شمالي يا صاحبي وظلوع صدري مواقيد هات البراد وهات وضح الليالي مريتني عجلٍ وثارت تناهيد متى الزمان يوقفك في مجالي البارحة ودعتني يا اتلع الجيد نفيتني عن واقعي في خيالي وليد بن مانع |
رد: اخترنا لكم شعر نبطي وفصيح
يـا غُربة النفس الشَغوف الطمُوحة
الرفق لا اعـوّد من الدرب حـافِي مـا اخاف لو حلمي تدَاعى صُروحه اخاف ما يدْفي عِظـامي لحَافي نفسي على طرد الأمـاني لَحوحة والمجْد قدْمي والهـوانة خِـلافي فيني تأنّـي لـوّ نفسـي جـمُوحة وفي صمتي الواضِح بلُوج إختلافي عيني على رِفعّة طويق وْوضوحه اليا تساوت في عيوني ضفـافي يـا بعْد من دمّل غيـابك جروحه البُعْد يقْصر والليـالي تِشـافي لو نرْجي اليدّ المنون الشحُوحة مـا نلْحق مْن العمر غير السوافي يـا كثر ما اسْقتني حياتي ملُوحة لا شفت بعيونك سنـا العمر طـافي واللي رخص فمْجاهد الرزق روحه عليه من حرّ الدعـا ثوب ضـافي تبكيه مع عيني محـاجر طفوحة اللي معَ حتى مواشيه وافي أبكيه لا طرّو حكـاه ومُزوحه واتخيّله كنّه بمجلسه غـافي من عقبه ووجهي للأحزان لوحة لا الدار يأويـني ولا الحِـجر دافي اللي على الزلات نفسـه دموحة لو جـافته دنياه مـاهو بجـافي يـا نظرة عيون الحزين الفضوحة لا تبيّنين مْن الـوجع شيّ خـافي مـا بين أكتم همِّـي وبين ابـوحه آحسّ حتّى البوح مـا هو بكافي واكبدي اللي حـاجته لك تلـوحه أصبح مكـانه فيه سجن ومنافي عن كلّ شيّ إلا إحتيـاجي سموحة وعن كلّ نظـرة راهنت بإنجرافي لو تكفي المخطين كلمة نصوحة مـا تكفي الموجوع كِلمة عوافي ويـا غُربة النفس الشَغوف الطمّوحة اللي جرى لي من عنَى الوقت كـافي نوران |
رد: اخترنا لكم شعر نبطي وفصيح
تمهَّل قبل لا تَطرقك: نَفحة النسناس
ورا ليلةٍ فيها التعب مسْرِج جْياده معك ما يخلي خاطري للهوى حسَّاس.. معك ما يخلِّي عاصي الخيْل.. منقاده! أحبَّك ليالي، وأختلي بك رضا، وإحساس وأعاوَد ضميرك، وأعشقه، وأعشق عناده! أبي مِن غياهب ليلتك لو قليْل نْعاس: على شان أداعب جادله، وأسرق شْداده! حبيبي ترى ما لك ورا صفحتي مقياس تغنَّيت بك.. وأثر المخاليْق نقَّادة! إذا قلبي احتالَت سنينه معك، لا باس! أنا أشوف في ضحكتك موْته، وميلاده ذبحني الجَفاف، وجِيْت لك بَيْن يَاس، وياس أعرْفِك ظمأ.. لو في طوارِفك ميراده يكفِّيني إن طالَ الزعل: طلَّة، ومجَلاس وأسوْلف لوَجهك عن غثى الوَقت، وجهاده تمادَى على صدرٍ عروْقه عليك يْبَاس.. أبي غفلةٍ بَيْن أسوَد الرمش، وسهاده! وش الجِيد لولا عقدك اللي بدون ألماس؟ عساي أنتهي له؛ كلَّ ما ذابت قلادة.. أحنَّك مثل ما أحنّ نفسي: من الوَسواس وأحبَّك محبَّة «شايبٍ لأوَّل أحفاده..» أمانتك لا تنسى اسمي إن غابوا الجلَّاس أنا طالبك -لا طوَّل غيابنا- نَاده ترى الحِلَّ لا خابَت مع الرامي الأقواس: مرور الغزال اللي على غفلته، صادَه! حبيبك لو إنه في ديار الهوَى عسَّاس يشوف الدروب اللي تودي لك؛ بلاده! وش أسوي إن زاد الحكي في عيون الناس وأنا كلّ يوم.. أحبَّك أكثر من العادة! محمد السلطان |
رد: اخترنا لكم شعر نبطي وفصيح
ذا وجهك .. اللي بياض الوجه ما يجهله
لو كنت ناسي بياضه يا شبيه الغمام ! حيران تسأل من أنت ؟ و حيرتك موغلة فـ الصمت وجروحك اللي ما لحقها منام حتى المرايا قرت ف عيونك الاسئله تكسرت من عتب نظره وصمت انهزام في ذاكرتك : الليال المقفيه مقبله شفها وهي ترجع بحزنك ثمانين عام بعض الاسامي تضيع وبعضها مهمله فتش عن اسمي .. يلوح لك .. وبعضه حطام ! نسيتني ؟! ما نسيت الدين والمرجلة كأنها حالفه تبقى معك لـ الختام اخاف يطري عليك الفجر وتعجّله وتروح للمسجد ب قلب ٍ يشق الظلام المسجد اللي تبيه ابوابه مقفله باقي من الليل ليل ، ارجع عليك السلام هذا الجماد المسمى بيت لو مدخله له قلب .. ماغالطك وانته دليل الكرام كريم حتى بصوم الفرض والنافله تقول غدوا ضيوفي في نهار الصيام ! والدمعه تويق من عيني مثل سنبله تعصف بها الريح وتشاور عليها الحمام يا حزني اللي طعنت ولا قدرت اقتله من وين لك حيل تطعني بنفس السهام ؟ يا ليت لي قلب لا زادت جروحه ، دله ماكان صمتي على شفاهي يحطب الكلام حمد المشيعلي |
رد: اخترنا لكم شعر نبطي وفصيح
والله أن حبك جريمه وانا ماني بريء
وأدري أني مرتكبها وأنا اللي قدها ..... |
رد: اخترنا لكم شعر نبطي وفصيح
ماني ورا العالم مسيّر وملزوم
أمشي مخيّر بين خلقه بكيفي ..... |
رد: اخترنا لكم شعر نبطي وفصيح
ان جيت تلقاني على العهد باقي
وان رحت منت أغلى من اغليه وقفى من عزتي لو يكسر الشوق ساقي اعرج بها وامشي ولا أقول تكفى ..... |
رد: اخترنا لكم شعر نبطي وفصيح
الجرح دامه منك جعله ما يبرى
يشفيني الله وانت ربي يسلمك سعد علوش |
رد: اخترنا لكم شعر نبطي وفصيح
أطهر من الضحكه اللي في عيون الصغار
وأعذب من النسمه اللي مع صلاة الفجر ..... |
رد: اخترنا لكم شعر نبطي وفصيح
يا صاح لا تشغلك دنياك يـا صـاح
تقطع حبال الوصل بينـك وبينـي ..... |
رد: اخترنا لكم شعر نبطي وفصيح
لا مر طرّق بخدراته سلامٍ لي
كنه يسلم علي بصوته الغالي خلوني اسج عن موضوعه احسن لي ولا الغلا والله ان يبطي وهو غالي سعد بن جدلان |
رد: اخترنا لكم شعر نبطي وفصيح
ما كل دار يا وجيه الخير دار
وما كل من رافقته يسمى رفيق الأولة ذكرى ومربى واعتبار والثانية صحبة لها عهدٍ وثيق تأمن بها في الليل وإن بان النهار تأنس بها مع متاهات الطريق رفيقي اللي له مقام وله وقار ما أضيق منه لو لحقني منه ضيق لا صار من جور الزمن قبّاس نار حقه علي أصير طفاية حريق هذي مفاهيم الصداقة باختصار يا جاهلين أهل الصداقة والصديق محمد الذيب |
رد: اخترنا لكم شعر نبطي وفصيح
لا تنظر لماضيك لأنّه ما يعود
فكّر بحاضرك الجديد وسنّعه وابذل عشان أحلامك أضعاف الجهود وباب الأمل بين المحاني شرّعه واثبت لنفسك بين خلق اللّه وجود ودوّر على اللي قَدر نفسك يرفعه وإذا فتر عزمك وحسيت ببرود حفّز خفوقك بالطموح وشجّعه ..... |
رد: اخترنا لكم شعر نبطي وفصيح
عساك فداي ياحلمٍ سرى مايلحقه سرّاي
تجيبك ليلةٍ فيها السحاب يلاعب كفوفي ..... |
رد: اخترنا لكم شعر نبطي وفصيح
يا ربّي لا تجعلني على يمّتك محتار
تولّاني وخذني بيمناي وأصلحني ذنوبي كبار مالها إلّا أنت يا غفّار إذا صار ما سامحتني من يسامحني عسى مغفرتك تحول بيني وبين النار وعسى فضلك إن خابت ظنوني يفرّحني ..... |
رد: اخترنا لكم شعر نبطي وفصيح
المال في جيب الكفو عابر سبيل
إليا جلس يومين في جيبه رحل لكن لا من طاح في جيب البخيل يقضي حياته كلها راعي محل سعود الرساسمة |
رد: اخترنا لكم شعر نبطي وفصيح
تموت الرغبه إن جاء بالمحبة شح
وتموت الكلمة إن جاء ردها تأخير حبيبك مو حبيبك لا بغاك تلح وكلامك مو كلامك لو يبي تفسير وإذا حسيت مو هذا مكانك رح ترا بعض الجلوس أحيان مابه خير ..... |
رد: اخترنا لكم شعر نبطي وفصيح
امسينـا بامرك يا عزيز الجلالي
يا من مفـاتيح المقـادير بيـديه احفظنا واحفظ لاجلنا كل غالي واكتب لنــا كل ما نحبّه ونرجيه آمين |
رد: اخترنا لكم شعر نبطي وفصيح
حنا كذا في صف الايام طلاب
نقراء من عيون الزمن ونتعلم ..... |
| الساعة الآن 07:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية