رد: اخترنا لكم شعر نبطي وفصيح
 

‏لا طاح معكاز الهقاوي على القاع
‏اثبت على ساق الصبر في محلك

....

رد: اخترنا لكم شعر نبطي وفصيح
 

‏تدري متى توصل الراحة وطعم الحياة
‏لا صار ما هوب همّك تعجب الآخرين

.....

رد: اخترنا لكم شعر نبطي وفصيح
 

غشاني نسيمٍ تل قلبي وجاب أقصاه
براده يثير آلقلب يا الصاحب الساحب

وتقفي وشوقي يا وليفي على مجراه
وتشري آلعداوه يوم أنا للهوا صاحب

.....

رد: اخترنا لكم شعر نبطي وفصيح
 

‏ما كـل غالـي يسـد بـغيبته غــالـي
‏هذا مكانك وذا بيتك ومقدارك

‏كـم حاولوا يشـغلون بـغيبتك بالي
‏بس اشغلوا حالهم وانا على خبـرك

.....

رد: اخترنا لكم شعر نبطي وفصيح
 

‏الكفو راع الجمايل سمعته ما تموت
جمايله فالنشامى ذايعٍ صيتها

واللاش ماله جميلة غير فالعنكبوت
اللي على باب بيته بانية بيتها

.....

رد: اخترنا لكم شعر نبطي وفصيح
 

‏اكرم كريم اللي مع القل يعطي
وابخل بخيل اللي بخيل بجاهه

بعض العرب عن قمة المجد يبطي
لو قالو كبار المدايح تجاهه

.....

رد: اخترنا لكم شعر نبطي وفصيح
 

‏الله خلقنا عبيدٍ مثل باقي العبيد
لاكن لا ضاع بعض الخلق حنا ندل

اليا هرجنا نقول اللي يقص الحديد
الحق يظهر وميْل الكيل يصبح عدل

.....

رد: اخترنا لكم شعر نبطي وفصيح
 

‏اللي هرج فالقفاء ما هو بقدامك
من حسن حضك يخفف شي من حملك

ياخذ من اسواء ما تملك طيلت ايامك
ومن دون يشعر عطاك اعز ما يملك

.....

رد: اخترنا لكم شعر نبطي وفصيح
 

‏في الوقت مقياس الرجال المواقيف
اللي تقدم لك تقارير عنهم

عزالله ان الحاجه ام المعاريف
اللي تعلّمك الرجاجيل منهم

.....

رد: اخترنا لكم شعر نبطي وفصيح
 

‏لا تصغر كبير ولا تجادل غبي
والمثل قال ما كل بيضةً بشحمه

النشاما تبي وحقوق ربي تبي
واحسن الله عزا من يحتزم برخمه

.....

رد: اخترنا لكم شعر نبطي وفصيح
 

يا صاحبي لا تشكي ظروف دنياك
ترى ظروف الناس تشبه ظرووفك

لكن ليا حـدك زمانـك علـى اقصـاك
اسجـد بنــص الليل وارفـع كفوفـك

فـي ذمتــي ما ينفعـك غيـر مـولاك
والا الخــلايق ما تشــوف معــروفك

دنيـاك هـاذي تلتـوي مثـل الاســلاك
مــــرات تـوقفلك ومــرة تطـووفــك

ان قـام حظـك قامــت النـاس ويـاك
وان طاح حظك طحت ماحد يشوفك

.....

رد: اخترنا لكم شعر نبطي وفصيح
 

‏رد للناس الجمايل ولو ردك قليل
في عيون الناس تبقى على راس الهرم

وكان ما تقدر على الرد لا تنسى الجميل
من جحد أهل المعاريف ما هو محترم

والبخيل اللي اذا احتجته ومالك بديل
لا تعزّه فيك دامه من الطيب انحرم

ما يحز بخاطري غير لا شفت البخيل
ما يسولف عند خلق الله إلا بالكرم

.....

رد: اخترنا لكم شعر نبطي وفصيح
 

‏انا ليا شانت نفوس الاصحايب
‏وغلب على طيب النوايا رداها

‏اقفيت عنهم مثل ما يقفي الذيب
‏وخليت لعيال الثعالب عشاها

‏ قبل الردا يطري على بالي الطيب
‏ونفسي لغير الله ما علقّ رجاها

.....

رد: اخترنا لكم شعر نبطي وفصيح
 

‏مظاهر الناس ما هي مثـل خافيها
لا تنخدع وأكثـر الازوال خداعه

أكثر نفوس البشر لو شفت ما فيها
ما عاد تقبل مقابلها ولو ساعه

.....

رد: اخترنا لكم شعر نبطي وفصيح
 

إنطقي كل الكلام اللي يمرك
خاطرك به كلمتينٍ ماهتفها

حتى بعتابك غنَج، لله درك!
كل عبره صوتك الليّن خطفها

من سماك، إلين نوصل حد بَرّك
بينهم غلطه لي سنين أقترفها

ضاع عمري بين تفاحك وسرك
جنةٍ، يغني عن الدنيا ترفها

والنسيم أن لاعب عتامك يبرك
والنجوم اللي تضيّح مكتشفها

لي شعورٍ لا لمح عينك تحرّك
دوريني بين الأهداب وطرفها

ما أذكر أول صبح به خيرك وشرّك
أذكر آخر ليلة الحزن إنتصفها

مايمر من السراب إلا صورك
لـ السحاب اللي دموعه ماذرفها

لو يموت الشوق، والفرقى تغرّك
والقلوب برودها يجرح شغفها

إذكريني .. كل ماينفكّ .. زِرّك
الفتن مايستريح اللي كشفها

وإسلكي كل الدروب اللي تجرّك
السكك ماتامن إلا اللي عرفها

وإعرفي وش ينفع، ووشهو يضرّك
الحياه ظروفها تذبح صدفها

وأبشري باللي يراضيك ويسرّك
لي خفوق أن غنوّا الفرقى عزفها

.....

رد: اخترنا لكم شعر نبطي وفصيح
 

‏أغلب رفوف الكتب ما حرَّكت ساكن
‏كثر ما حرَّك شعور القلب مسودّة

‏مثل الهوامش وأمان شْعوري الراكن
‏يدرى إختلاس العيون العابرة ودّه

‏وش أنتظر له لطيف أن مرَّ الأماكن
‏صدري يجرّ النسم كنّ النسم نِدّه

‏ قرَّبت منّه قميصي ليلة ولكن
‏لا من دُبر قدَّه ولا من قُدم قدَّه

.....

رد: اخترنا لكم شعر نبطي وفصيح
 

ثلاث سنين من ظهري ولا كففت سهاد
تخالط ساكني ثوره وتغلب عتمتي ضوحي

ثلاث سنين أو أكثر أحنّ ولا عرفت أعتاد
هنا ماني بأنا حتى جروحي ما هي جروحي

رفيق الذاكره كل الطواري ترتهنك بلاد
رفيق البال ما أظنك تحن وأنت ما توحي

تعبت ألمحك في صدع المرايا وأرقب الميعاد
وألملم ناثر الذكرى لعلّ تشوفني روحي

حصادي يوم وسنيني جراد وبالمحان جْياد
تدك الصدر لامنّي سليت وتصهل بلوحي

.....

رد: اخترنا لكم شعر نبطي وفصيح
 

‏في ظلام الليل يارب المشارق
‏من يزيل الدمع من وجه المدينه

‏الرسايل آخر آمال المفارق
‏لا أنتهت كل الوسايل من يدينه

.....

رد: اخترنا لكم شعر نبطي وفصيح
 

فقدتك والضياع اللي بعد فقدك ماهو بيديّ
أنا في غبّة وداعك وضايع في مراثيها

توحشتّك وأحس أن الأراضي تنطوي بي طيّ
عليك من الرحابه كثر ما صرت أختنق فيها

.....

رد: اخترنا لكم شعر نبطي وفصيح
 

‏لو نسى وجه الفجر صبحٍ يصبّر ساهرينه
‏ ما نسيتك يا اوَّل أحبّك نطق فيها لساني

.....

رد: اخترنا لكم شعر نبطي وفصيح
 

اذا ارتخت هاك الوساع المظاليل
‏حلفت بان الصبح والناس عميا

‏انا البدو وانتِ مطر باول سهيل
‏عليك كبد القوم يا نجد ضميا

.....

رد: اخترنا لكم شعر نبطي وفصيح
 

بقى ذنب واحد من ذنوبي عجزت انساه
‏بعد ما هداك الله يا قلبي على التوبه

‏لك الشوق يا ذنب تركته لوجه الله
‏عسى سيئات الشوق ماهي بمحسوبه

.....

رد: اخترنا لكم شعر نبطي وفصيح
 

‏فاقدٍ سمعي هلاه ومرحباه بلا سبايب
‏واقفٍ صوتي على آخر سالفه لحظة رحيله

‏يوم تتركني وأنا وجهي من الأيام هايب
‏وانت ما كانت تهيّبك المسافات الطويله

‏لين مرّت ليلةٍ كنت انتظرها وانت غايب
‏صبحها كنت احسب انه عاد عيدك ياجميله

‏وعاد انا اللي كنت اشيل الذنب لين اجيك تابب
‏واتحامل لأجل حبٍ من وراء صدري سبيله

‏كيف رحت وخاطرك طايب وهو ما كان طايب
‏من جبر کسره ومن عدّل مع الأيام ميله

‏من رسم في وجهك المهجور ضحكات الحبايب
‏بعد طفّى سرمديّ الليل قمراه وفتيله

‏من نفض صدرك وعرض حزنك وجيه الهبايب
‏يوم كنت تجامل الضحكة في الأيام الثقيله

‏من ذكر معك البعيد ومن نسي معك القرايب
‏لين صرت اصحابه وربعه وغاليه وخليله

‏من عطاك سنينه اللي راح ماضيها نهايب
‏وقال يا كثر السنين اللي معك لو هي قليله

‏يوم أفز لشوفتك وافرح واحث لك الركايب
‏كنك الماء اللي تفز لشوفه البدو المحيله

‏اعشقك عشق الطفل وأقدرك تقدير شايب
‏واحتويك عن الليالي اللي سوالفها بخيله

‏ما دريت الا بعد ما رحت مرواح الذهايب
‏ومرّك اسمي لين عيت ضحكتك ل اترتكي له

.....

رد: اخترنا لكم شعر نبطي وفصيح
 

ولا زلت أحبك وأدري أنك أهم أشياي
وأشوفك أمانٍ كل ما أحتجته أجي له

ليا أشتقت لك والأرض راحت قصيد وناي
يا صبر المحب ليا بكى من مواويله

لو أمشي على الماء لا ذكرتك نبت ماطاي
خزامى وورود وكل وادي دَرج سيله

عسى باقيٍ لي معك ضحكه ترد رضاي
ولي عمر مهما فاتني معك باقي له

.....

رد: اخترنا لكم شعر نبطي وفصيح
 

يعمّ الصمت وتطول المسافه والوله ما قلّ
وأنا ما عشت أدور فرصتي وأمرها عادي

أتلّ خطاي في عرقٍ من الصحراء وأنا ما أدلّ
طريقٍ لو تعلّق فوق جفني طوّل سهادي

تمثنيت الحنين وضاع صوتي فالسهلّ والتلّ
هنا ما هبّت أنسام الهوى مع مفرق الوادي

يا رب الآدمي والليل والبيداء ورب الكل
أنا لولاك أضيّع صيدتي وأكسّر شدادي

يا كم ضاعت ليالي وأنجرح صبح ورفيقٍ زلّ
على نفسٍ قدايمها علي تعاتب جدادي

ما بين أذكر وبين أنسى وبين أسعى وبين أملّ
مراحل والمراحل بينها موتي وميلادي

.....

رد: اخترنا لكم شعر نبطي وفصيح
 

تنازعني عليك النفس والنفس آفة الغاوين
‏يا صعب مجاهد شفوف الهوى والنفس غوّايه

.....

رد: اخترنا لكم شعر نبطي وفصيح
 

أنا لا بغيت أسج وأسلى مع الهوجاس
تذكرّت همٍ في الحشا صار له مده

ذبحني غلا من دونه الباب والحرّاس
وهو بينهم دمعاته مجرحّه خده

ألا يا عيونٍ لجلها خاطري حسّاس
ترا الوقت مجبرني على البعد والصده

فإذا جاء نصيبك وافقي له يا بنت الناس
ولا تحترين اللي زمانه وقف ضده

.....

رد: اخترنا لكم شعر نبطي وفصيح
 

‏على سكة متاهات المشاعر وآخر المشوار
‏خذتني لهفة أشواقي على ذكرى بداياتي

‏غريب استوطن أعماقي وسبب حالة استنفار
‏وضيع كل تفاصيلي بعد ما شتت شتاتي

‏نطق حرف ونزف جرح وتحرر عقلي المنهار
‏وكتبتك للسكوت اللي تكلم عن متاهاتي

.....

رد: اخترنا لكم شعر نبطي وفصيح
 

‏أنا مهما جفيتك.ردّني لك يا حبيبي الشوق
‏وأجي كنّي مسولف لك قبل ليلة عن أحلامي

‏مكانك هو مكانك ما وصله بغيبتك مخلوق
‏يا أول من فتح باب الكلام وصدّق أوهامي

‏حبك والله إنّي ما قدرت أقولها مخنوق
‏وخايف أخسرك لو أخسرك وش قيمة أيامي

.....

رد: اخترنا لكم شعر نبطي وفصيح
 

كل ما بانت خيوط الشمس من شرق المدينة
‏ما ذكرت إلا سناك وما فقدت إلا مجيّه

.....

رد: اخترنا لكم شعر نبطي وفصيح
 

جليس وحولي الدنيا دمار ولا عليها باس
أنا مستمتع بحزني لو أنه زوّد الجيَّه

أعيش مع الحزن مُتعه عجزت أعيشها مع الناس
وتعبت أرجي الدنيا تجيب أيام ورديّه

أنا أذكر حزني التافه وأنا أذكر ضيقة الأنفاس
أنا أذكر دمعة عيوني وأنا أذكر رجفة يْديّه

بعدك الوقت غيرني وصرت أجلس مع الجلاس
بعد ما كنت في عزله وفي حاله رماديه

بعد ما كنت أزرع لك وأجيك وفي يديني فاس
ترا أرضك بعد فقدك تموت ولا هي بـحيّه

تغيّر كل شيء فيني وبدلّت الأمل بالياس
وكل أشياءك اللي تهمّ ما هي ذات أهميّه

رد: اخترنا لكم شعر نبطي وفصيح
 

وين انت ياللي عالـمـشاعر تسـلـطـنت
واشـغلـتـني عن كـل كـائـن ومخـلـوق

كل الـعـيـون تطـيح من عـيني الا انـت
الـيـا ذكـرتـك هـزنـي طــاري الــشــوق

.....

رد: اخترنا لكم شعر نبطي وفصيح
 

يا وجودي كل ما هب نسناس الشمال
وجد من حده زمانه على الي ما يبيه

ويا وجودي كل ما اضحيت ثم مال الظلال
لاغفت عيني ولا ذقت شي مشتهيه

وجد من قفى وهو في رجا كلمه تعال
والتفت من عقب ما اقفى ولا احد لد فيه

وياعذابي لا دنا الليل من روس الجبال
وانقضى يوم من العمر ماعاد ارتجيه

وانتي ابعد من سمى الحلم ووصالك محال
يابعد من هل دمعي ضحى الفرقى عليه

ياغناتي لا تحسبين دمعي يوم سال
ضعف ولا خوف ولا كذا ولا كذيه

والله اني من رجال يضدون الرجال
لكن الحظ الردي ساق دمعي كلبيه

والله اني كل مادار حوليك الجدال
قمت كن الموت يشر على قبري بيديه

والله ان قد لي وانا اصد لا جالك مجال
صدت الي لا تضايق تذكر قبر اخيه

ومن سألني قلت مدري واذا عاد السؤال
قلت له تكفى سؤالك ترى ماهو وجيه

وش تبيني اقول عن من ترى ذبحي حلال
والخطاء منها علي صرت احبه واهتويه

عذرها لو ماتعذر مثل واضرب مثال
واحد ما يعرف الحر الاشقر يشتويه

وان رجعنا للتواصيف لله الكمال
لانتهى ليل المزايين جاتك تبتديه

كنها غفل مع البدو طاويها الحيال
ما يميز وصفها الا نبيه من نبيه

واهني الي وصلها وذاق من الزلال
رشفه مع غفله الناس من فيها بفيه

وعزتي للي سواتي عشق ما لا يطال
ويوم طاله ضيع الحلم بين امه وابيه

ياول احلام الطفوله على حد الخيال
الرجا بالي حمى البيت من حمله بريه

حال دونك سيف عنتر وتاسع حول حال
باثر حول حال دونك وانا ادعي هيه هيه

هيه يالي غرك الحسن واطغاك الجمال
والله ان اموت ما شفت لاوصافك شبيه

لو يسام الحسن والتيه بجنيه وريال
ما بقى في سوق غيرك ريال ولا جنيه

كيف اهدك للمقادير وانتي راس مال
راس مال ومال والمال ما يعطى السفيه

حافظك حفظي لعيني ورمشي لك جلال
وانتي تشحين بالماء وانا شفي مويه

شايف ظلمك وساكت وطال الليل طال
لاتركتي طعن قلبي وانا ما قلت ليه

لو بقى للهيل صبر على فوح الدلال
ما بقى للقلب صبر على شي يجيه

كنت احسب ان الغلا زال واثره لا يزال
في الحشى ما كنه الا دخيل في الوجيه

ساقني حبك على الموت وسنيني هزال
والظروف اقسى من الظلم للعرض النزيه

وانتي تسوقين عقلي على حد الهبال
تحسبين ان من بغى شي يقدر يشتريه

ولا انا ياوجد حالي وجود ما يقال
وجد من ضحى بغاليه لرضى والديه

ويا وجودي ياول العمر قبل البس عقال
وجد من باع اخر العمر في رغبه ذويه

ويا وجودي كل ماهب صوتك من شمال
وجد من حده زمانه على الي ما يبيه

ضيدان بن قضعان

رد: اخترنا لكم شعر نبطي وفصيح
 

راكب الي ماتجيبه بالبيد
ولايجيبه بهبهاني ولا وضيحي قطر

ادهم وسم الجميح على جنبه جديد
مهبل الي يوم عرض يحسبنه شفر

جمس شكمانين ملقبينه با الوليد
من سرابه ما يغبط القصيبي والجبر

كاتبين في ضمانه حديده ما يبيد
تمرة قاري عليها حفيد ابوبكر

كن وجهه لانطحته تشعشع يوم عيد
وانقفيته كنه السيل لاسال وحدر

وان عرضلك في مزاياه من عنق الفريد
وان ركبته تحسب انك على سطح القمر

دقته نغمة عبادي على سلم فريد
لا عزف الاول وجاوب عاشر وتر

لاشتغل قالت شكامينه اركد يا حديد
والقزوز تقول للقاع روح يا فقر

كن شكمانه الايمن صدا عبد المجيد
وكن شكمانه الايسر صدا نايف صقر

والبلوف تقول للكهربه هل من مزيد
والسيور تقول للمروحه اين المفر

كل اغانيهم على درب واصل يا عنيد
لين تلفي قصر شيخ العليا شهر

سايقه من صلب ربعي وله باس شديد
ما يخاف البعد والليل والموت الحمر

.....

رد: اخترنا لكم شعر نبطي وفصيح
 

العذر لويحسب على الرجل تقصير
فرضٍ ليا اخطا للرياجيل يبديه

وبعض الخطايا تحتملها المعاذير
وتدمح وتحسب شبه غلطه وتنبيه

وبعض الخطايا ما لها اي تبرير
ولا عاد فيها لا لماذا ولا ليه

لكن على شان الرجال المناعير
يدمح خطا المخطي من الهيه للهيه

الا ليامن عادها عقب تحذير
واخطا علي بالعمد مالله بحاديه

واصبح بحلقي من حساب الزارير
وبذ الخفا واطغى غروره تماديه

آقف واضيع كل حشمه وتقدير
ومن قال يا ضيدان ما قلت لبيه

واجيه لو دونه جموع وطوابير
واسوي اللي ما تمنيت اسويه

واللي يصير يصير ويصير
لابو صبيٍ ما يعادي معاديه

واهل النخل لوحسبوا للعصافير
ماتهيوا ماء بيرهم في سواقيه

والنوخذه لو ما احتمل للاعصاير
امداه لاقفى يقطع الياس راجيه

ضيدان بن قضعان

رد: اخترنا لكم شعر نبطي وفصيح
 

ياهل الذيدان أبوجعشه لحاله
ودها بالجمل والا بالتحدي

راعي الوضح الغوالي ساق ماله
لين جاب اللي مع الغدرا تشدي

وكن غلاها مخيم أصحاب الجلاله
ومن لمحها مسرع عود يهدي

والفحل لامن عرض لك كن سباله
مقدم المزنه على النو إمتبدي

لاعطتك انحورها كلا طراله
إن راعيها على المدح إمتعتدي

من محمد محزمن له طاب فاله
في نهار ذاك طاب وذا إمتردي

طيب من طيب إبيه وطيب خاله
وكل بيهم صلب أبوي وصلب جدي

ولو أبذكر خصلتين من خصاله
بيحت بيت القصيد وباح سدي

كن ربي خالقه طيب وجماله
يوم ولد اللاش يسفه ما يهدي

ضيدان بن قضعان

رد: اخترنا لكم شعر نبطي وفصيح
 

طلي علي من شرفه القصر من فوق
وتبسمي لي واضحكي في وداعي

أومي بكفين الغلا واشعلي الشوق
في قلب شيخ جاك في ثوب راعي

حده غلاك يجيك ياشيخة الذوق
لو كان ما للحب والذوق داعي

واقفى يتل القلب معلوق معلوق
في درب فرقا ما وراها اجتماعي

ما يتبع المقفين ياكود مطفوق
وانا رصيدي ما تحوشه ذراعي

لو كنت ضايع كل مطرود ملحوق
يكفيني انك كنت سبة ضياعي

.....

رد: اخترنا لكم شعر نبطي وفصيح
 

البارحه يوم شمس الشعر تسطع بي
وانا أتحرى لشمس الله من الشرفه

ولعي على واحد قبلي تولع بي
ما يوم غنى ولا أسهر للهوى طرفه

الين حتى تولع بي وولع بي
نار من الشوق صاليها لحق طرفه

من بعدها ياشقى حالي ويا تعبي
نفسي عن الشعر واهل الشعر منصرفه

مانيب يم الشعر يالشاعر الشعبي
يا بتوع مش عارف وشي ما أعرفه

تبي تهز الجبل بمسدس لعبي
والناس من وارد المنصور منجرفه

لاتستفز القصيد ولا ترفع بي
الشعر ما هوب مهنه لأجل تحترفه

وأن كان يا محترف تقدر على لعبي
خلك على جنب لين اشوف لك صرفه

ما أحد عبالك ولا لك عندنا معبي
يا كود باب مداه أكبر من الغرفه

وأنا من الناس ياسهلي ويا صعبي
بحر تشوفه ولا تقدر على غرفه

مسكون بالشعر من راسي ليا كعبي
والشعر ملكي وكل الناس معترفه

أنا ملك مير يوم أصبحت من شعبي
حذفت تاج القصيد وصابني قرفه

.....

رد: اخترنا لكم شعر نبطي وفصيح
 

يا موزع النعم خل النعم لصحابه
ما ينعطي غير للي يستحقونه

النعم ينعطي لرجلٍ فاتحٍ بابه
للضيف وليا بغوه بحال يلقونه

اللي بوقت اللزوم يبين مضرابه
سيف تحده لزومه ما يحدونه

والاالردي لاتقول ونعم يظرى به
يرهي على نعم وهوه قاصر ٍ دونه

ليا قلت له نعم قام يفتل أشنابه
يحسبك صادق ما يدري نعم وشلونه

يطمع بشيٍ يموت الخبل ما جابه
ثم قال أنا جبت نعم اللي يقولونه

بعض البشر يحلمون احلام كذابه
ومن لاعرف قدر نفسه عدّ طبلونه

يجيك مسرع مايدري ويش يبلابه
من قلة العرف ما يمشي علىهونه

اما على الاقربين اشتال مشعابه
والابعرض المقفي سلّ مسنونه

تناول الغايبين و كثروا أحزابه
اللي على قلة الخيره يدفونه

واهل العقول سكتوا ماقالوا الجابه
لا ينقصونه بشي ولا يزيدونه

قالوا هذا فيه عاهة وابتلشنا به
والا هذا فيه شي ٍ ما يعرفونه

وخلوه يسرح ويمرح خاب من جابه
ما نومس اللي من الصغر يترجونه

.....

رد: اخترنا لكم شعر نبطي وفصيح
 

انا ويش اسوي في زمانى يا بن الناس
زماناّ مغامر والثقه فيه تخدعني

يحاول يوقفني على شفه من ياس
وعيت دروباّ تاسع الناس تاسعني

اخذبي على درب الشقاء والعناء مرواس
ولا باقي الا في المهامه يضيعني

تحملت من جور الليالي بدون قياس
ولو حملها ميل على المتن واوجعني

وصبرا ّ على الشده شجاعه وقوه باس
لكن الضروف القاسيه ما تطاوعني

ليا اجتمعت الثنتين حاجه وشيمه راس
وهذي تنزلني وهذيك ترفعني

رفعت النظر والله عطاني نظر واحساس
وهي ميزه في كل الاحوال تنفعني

ولو كان بين الصم والبكم لي مجلاس
هذا ما يكلمني والاخر ما يسمعني

حياه التجارب علمتني وانا حساس
وخلتني اعرف نظره العين وش تعني

وانا لو بدت لي حاجه عند بعض ناس
اريد الكلام وعزه النفس تمنعني

.....