|
رد: فوق هام السحب ( الشعر الشعبي) على متن القوافي
لاقلت لك خلني تكفى تخليني
النفس ضاقت وتعرف من مضيقها ماني بحاجة علومك لو تسليني بعّد عن العين واحسن لو تفارقها .... |
رد: فوق هام السحب ( الشعر الشعبي) على متن القوافي
راسك علامك رافعه يوم أحاكيك
الظاهر إني فوق حجمك عطيتك لحظه نبي نرجع دقيقه لماضيك بذكرك في أي حاله لقيتك كان الضياع ودمعتين تخاويك منهار وفي عز انهيارك خذيتك وأرخصت عمري لجل أحبك وأداريك هدمت قصر الذل فيك وبنيتك كان الغلا شمعه تنور لياليك لوأظلمت دنياك جيت وحتويتك .... |
رد: فوق هام السحب ( الشعر الشعبي) على متن القوافي
رفعت نفسك لين نزلت قيمتك
معاد لك قيمة وصرت اتحداك كرامتي تسوى اهلك وكرامتك نفسي عزيزه م تنزل لـ شرواك ابعد وانا ببعد وتلقى معرفتك ربعك ترا واجد ويمشون ممشاك لاععاد تذكرني ولابي محبتك عندي ترا هاليوم هو يوم فرقاك .... |
رد: فوق هام السحب ( الشعر الشعبي) على متن القوافي
ابنصحك واخذ النصيحه مغطاه
من دون ما تتعب ومن غير تشفير كل شئ لك ترضاه للغير ارضاه وكل شئ ما ترضاه كفه عن الغير .... |
رد: فوق هام السحب ( الشعر الشعبي) على متن القوافي
درب يجيبك مرحبا فيه مليون
يا فرحة احساسي وقلبي وعيني حتى القصائد بحرها فيك موزون يرفض كسور القافية يا ضنيني .... |
رد: فوق هام السحب ( الشعر الشعبي) على متن القوافي
لاجاء تالي الليل والناس هجّاع
ناديت باسم اللي على الكون ظلّه عبدك رفع كفيه مع عشر الاصبّاع بليلة دجا تحت النجوم المطلة قبل السحر ياقف على عود بركاع مكه وبيت المصطفى قبلة الله يا مسكّن الروعات في قلب مرتاع عبـدك على درب الهـداية تدلّـه .... |
رد: فوق هام السحب ( الشعر الشعبي) على متن القوافي
تسامحت مع نفسي وهوّن عليّ دعاي
خصوصاً دعاي اللي دعيته وأنا ساجد غمرني شعور من الرضا للزمان الجاي ولا صار عندي خوف من عضة الناجد أثر من عطاه الله نزاهة ضمير ورأي يغيب الغياب اللي يخلّيه متواجد لاتشره عليّ يوم أبتسم في وجيه عداي محبّيني أكثر من معاديني بـ واجد .... |
رد: فوق هام السحب ( الشعر الشعبي) على متن القوافي
نضحك وكن اللي حصل مافهمناه
وحنا نشوف لكل خمله دلايل واللي حصل ماكن بالعين شفناه ذي ميزةٍ في كل طيّب سلايل .... |
رد: فوق هام السحب ( الشعر الشعبي) على متن القوافي
يا أطهر من لمح في طارفي بسمـه
وأصدق من ظنون الهاقي الخايف تجي لي مثل صبحٍ يجلي العتمـه وعمرٍ قبل أعرفك كان لي مؤسف عوض صبري على أيامي الظلمـه وعطا ربي عطاني قلبك المرهف معك عشت العمر في رأفـه ورحمـه ولقيت بشمس عمري ظلك مـوارف .... |
رد: فوق هام السحب ( الشعر الشعبي) على متن القوافي
سمح خاطري واستثقل الصبر والمقعاد
لو انك الوحيد الفارع وصفوة الصفوه مراحي جهاد ورجعتي لك عنا وجهاد بدا غافل الايــام يصحى من الغفوه برود المشاعر شــاخ بين القلوب وساد ماعاد اعرفك بالشكل والاســم والحفوه .... |
رد: فوق هام السحب ( الشعر الشعبي) على متن القوافي
لي أيام ما عندي مشاكل مع الاحساس
معاد أفرح بـ غالي ولا أزعل لجل غالي أنا ويش جاني صرت ماني بمثل الناس أنا فاقدٍ ليّ قلب ولا يورالي .... |
رد: فوق هام السحب ( الشعر الشعبي) على متن القوافي
اما تجيني كلك ادناك واقصاك
والا على ماقيل درب السلامه مابيك نص ونصك الثاني هناك اما كمال الحب والا عدامـه انا على وصلك وشوفك ولاماك والمبسم الي غير كل ابتسامه .... |
رد: فوق هام السحب ( الشعر الشعبي) على متن القوافي
الشـوق ما يهدأ علـى غيـــر مشتاق
ياللـي غـــلاك بداخـل القلـب باقي يا طيــر ياللـي بالجناحـــين خفاق بلـــغ سلامـي والوفـــاء واشتياقي للي خذا مابــين جوفـي والأعماق واللي ملك كـل الشعــور العماقي قله رفيقـك مـات مابـين الأشواق بين البعـــاد وبين جمـــر الفراقي .... |
رد: فوق هام السحب ( الشعر الشعبي) على متن القوافي
لاتكابــر شـــوف لك نظــــره وعدي
ماعلى النظــره على اشعاري حساب ادخــل اقـــراء ماكتــب قلبي بيدي من قصايد شــوق واشعــار العتاب كلها لك وانت مقصــودي وقصدي وانت تدري بــس ما تعطـي جواب طبعك القاسـي حـرق قلبي وكبدي وذقت منه الويل واصناف العذاب .... |
رد: فوق هام السحب ( الشعر الشعبي) على متن القوافي
أرهقــت نفسي بإنتظـارك ولا جيت
والناس حولي شافـت الشوق فيني لامرني بيتن عـــن الحـب صديت شعـــرن جـرحني وزاد فيني حنيني ياغايبــــن عني تـــرا عني ابطيت بُعــــدك علينـا ايـام كِنهـا سنيني كل ماتذكرتك من الشــوق حنيت ودموع شوقي واضحه وسط عيني .... |
رد: فوق هام السحب ( الشعر الشعبي) على متن القوافي
أنا وإنت في الحب ماعندنا ذوق
دايم أنا بيني وبينك مناوش نهجر بعض مده ونرجع من الشوق واليا رجعنا بعد يوم انتهاوش .... |
رد: فوق هام السحب ( الشعر الشعبي) على متن القوافي
نمشي على بيض النوايا والاسباب
لاهمنا المقفي ولا من جفانا لانسأل الواشي عن العيب لاعاب ولا ننشد اللي خاننا في قفانا بعض الصداقـه مثلها مثل الاسراب تغري نظـرنا وقت لحظه ظمانا وإن جيتهم ظميان صارو لنا اغراب حتى قريب الناس ماعد لفانا .... |
رد: فوق هام السحب ( الشعر الشعبي) على متن القوافي
ياقلب لاتنجرح وفر لي احساسك
انا ادري انك تجي دايم على النيه لاتفكر تحب شيل الحب من راسك كل العلاقات هاليومين وهميه .... |
رد: فوق هام السحب ( الشعر الشعبي) على متن القوافي
لاتعترض للي طريقه مجنبك
ولا تترك اللي فالشدايد يخاويك وإعرف مواجيب العرب قبل واجبك إن كان عقلك في حياتك يقديك .... |
رد: فوق هام السحب ( الشعر الشعبي) على متن القوافي
تدري وش اللي تعتبرها غريبه
إذا فقدت انسان غالي وهو حي وتدري وش اللي تعتبرها مصيبه إنك تضحي والمقابل ولا شي .... |
رد: فوق هام السحب ( الشعر الشعبي) على متن القوافي
ماني بفاضي للمشاريه واللوم
ولحداً يدوّر من ورا الهرج زله تمسكوا فيني تراني من اليوم عادي أخربها مع الشعب كله .... |
رد: فوق هام السحب ( الشعر الشعبي) على متن القوافي
لاتلبسين الخوف وأنتِ شجاعه
لو المواقف بعض الأحيان تنهاب ولاتقبلين القل وأنتِ كثيرة ولاتطلبين الحل وانتِ الأجابات .... |
رد: فوق هام السحب ( الشعر الشعبي) على متن القوافي
اخوك شيله في عيونك وزيده
تقدير واخلاص ومحبه وناموس من لا يعز اخوه روّح طريده تحدّه الدنيا وتبري له القوس تعلموا يا اهل العقول العنيده وخذوا عِبَر من فعل الاطفال ودروس .... |
رد: فوق هام السحب ( الشعر الشعبي) على متن القوافي
اخوك اليا خاب خلّه مع الدرب
وإن طاب لاترفع على الناس نجمه خلّك مثل ( 1) وسَط جـدول الضرب ما يعطي اللي قابله فوق حجمه .... |
رد: فوق هام السحب ( الشعر الشعبي) على متن القوافي
ياقلب صارحني هل الحب حالي
لوكنت صادق ليش عمرك معذّب أرجوك ياقلبي تجاوب سؤالي أو تلتزم بالصمت واجلس مهذّب الحب قال القلب فيه المعالي من يجهله يفقد سروره ويتعب بالحب يبقا القلب رايق وسالي أيضاً ويخسر كل من فيه يلعب .... |
رد: فوق هام السحب ( الشعر الشعبي) على متن القوافي
مشكور يا بايع مشاعرك مشكور
العام ذنب وهالسنة ذنْب ثاني وش عاد أقول ولا بقى شيّ مستور ما طعتني يوم إبتسم لي زماني لاتعتذر لو خاطري منك مكسور لاتفتكرني دام قلبك نساني .... |
رد: فوق هام السحب ( الشعر الشعبي) على متن القوافي
ياليت الزمن يرجع معي يوم كنت صغير
الأحلام محدوده والايام تقزيره ماكنت أتضايق ضيقه اللي غدا له طير في جو خلا موحش ولا حولهم ديره على اللي تعبت انسى غلاه وتعبت اسير على جرته من يوم قفت مظاهيره حداني على شينين بالموت بالتهجير بعد مَ كنت في بيت الغلا اغلى مساييره .... |
رد: فوق هام السحب ( الشعر الشعبي) على متن القوافي
ياربّ وأنت القوي واللي معك ما يُضام
ومشاعر اليأس يا ربّي ما هي في يدي أنهكني الضيق.. وأستنزفني الإنهزام وأنت أعلم إنّي بذلت ولا ذخرت جهَدي جنّبني الياس وأزرع وسط روحي سلام فيه أتجاوز طريق أحلامي الجرهدي .... |
رد: فوق هام السحب ( الشعر الشعبي) على متن القوافي
كل صمت بداخلي خلفه كلام
حزني المهجور مامنه مفر افتح أيدين الوصل محتاج انام نومه التعبان من طول السهر .... |
رد: فوق هام السحب ( الشعر الشعبي) على متن القوافي
رفيقنا لا لحقه من العلوم العلوم
ماعندنا غير سنّد واحتزم وازهله نفتك وجهه ليا صكت عليه الخصوم نشوش له ونتجمّل فيه ونجمّله .... |
رد: فوق هام السحب ( الشعر الشعبي) على متن القوافي
الأصيله لو رخيت لها الرسـن
ماتروح لغــيرك وانت خيّالها الأصــيله وافـيــه بـليّا رسـن ماتخــون ولو قــسى خــيالها .... |
رد: فوق هام السحب ( الشعر الشعبي) على متن القوافي
من لاشرب من كف يمناه باالطيب
شربه على اكفوف النشاما مهونه ومن لايعدي طايلات المراقيب الراس ما بين بليا متونه ومن لايشيل اسمه بطيب المشاريب الاسم ما شاله وقوى اركونه كم واحدن جده مهو من هل الطيب وابنه طلع من دون اسمه ودونه .... |
رد: فوق هام السحب ( الشعر الشعبي) على متن القوافي
يارب وان ضاقت عليّ الوسيعة
أنت الذي لاضاق صدري أناجيه وعبدك لو إن الوقت عيا يطيعه ما ينحني راسه لغيرك ويرجيه .... |
رد: فوق هام السحب ( الشعر الشعبي) على متن القوافي
يالله وانا طالبك من خير هالساعه
عطفك ولطفك وعن تقصيرنا ترضى.. واشرح لنا صدورنا بالذكر والطاعه وان ترحم الميتين وتشفي المرضى .... |
رد: فوق هام السحب ( الشعر الشعبي) على متن القوافي
والله اني بخير وكل اموري بخير
لو كانت دمعه عيوني ماتشوفونها أنا اكثر انسان في صمته كلام كثير ويخفي اشياء كان الله في عونها .... |
رد: فوق هام السحب ( الشعر الشعبي) على متن القوافي
والله ماعندي حبيب ولا شي
اجمع أحساس الخلايق وأصبه المجتمع وأحد والأعذار هي هي هو فيه أحد يستاهل أني أحبه بقلمي |
رد: فوق هام السحب ( الشعر الشعبي) على متن القوافي
يارب عفوك لانقطعنا من الناس
وهلو علينا من تراب المقابر نخطي ونذنب بليا حد وقياس العبد دايم من ذنوبه يكابر .... |
رد: فوق هام السحب ( الشعر الشعبي) على متن القوافي
مال اللزوم الا قويين العزوم
وترديد بعض الهرج ما له فايده المرجله سهله على عيال القروم اما على اضعاف الروابع كايده .... |
رد: فوق هام السحب ( الشعر الشعبي) على متن القوافي
دايم مواقفنا على الدرب النزيه
عند اللوازم مانغيب وما نصد ولا يزعّـلنا حكي سود الوجيه ما نلـتفت لأهل الردى واهل الحسد .... |
رد: فوق هام السحب ( الشعر الشعبي) على متن القوافي
ضرينا على بيض الفعايل وكبر الشان
وعلى كل علمً يطلق الوجه واليمنى ما نرخي مناكبنا سوا لـطاعة الرحمن ولا تعترض فـ نحورنا الا محازمنا بقلمي |
| الساعة الآن 11:09 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية