|
رد: فوق هام السحب ( الشعر الشعبي) على متن القوافي
يانعمة النسيان يارحمة الله
لولاك أنا عزاه وش كان سويت لو أذكر اللي كان دقه وجـله مـاكان سـاعة في حيـاتي تهنيت لولا أسلي خـاطر جـاه عله وأرتاح لين أرسلت بعض التناهيت لاضعت بالنسيان وقتل يدله وليت ياوقت العنـا كيف عييت خل الفكر يرتاح والقلب خـله في غيمة النسـيان يلقى بها بيت اسج بعض الوقت وماهو بكله وأعود كني ماعن الحـال سجيت وأشوف كلش ثـابت في محلـه عن واقع الأيام ماكنــــي أقفيـت هذا ضحى شمسـي وهـذاك ظله والليل رعشة سـاليات المواقيت الأمير خالد الفيصل |
رد: فوق هام السحب ( الشعر الشعبي) على متن القوافي
على الله تكلت الشون كلـه وانـا لله
من الراجعون إليـه بالعـز والذلـه الله يقطع الحاجه ومشي بلا مشهـاه والله يقطع اللي كل من قاربـه ملـه والله يقطع اللـي لابغينـاه مانلقـاه والله يقطع اللي لا صفا ماصفا كلـه سلامي على حثلان واللي مثل شرواه اي والله ثم اي والله ويقفاهم اي والله أنه مسند الأصحاب في وجه ولا جاه وانه اللي خلقه الله على طبع وجبله لعل الله يعطـر قبـر شايـب ربـاه ويعطر قبر من علقت ميـزب شلـه لولا الله تعالى بعض الأحيان ثم لولاه غدينا جفيـر لا نصـاب ولا سلـه سعد بن جدلان |
رد: فوق هام السحب ( الشعر الشعبي) على متن القوافي
صنايع الجُمل والمعروف دين السَلَف
ومن تسلَّف قضاء بالالف مثله الوف بعض الصداقات ماداعي عليها الأسف والعابره ماعليها لو تولِّي حسوف وداعة الله ياصحبه سببها الصدف ظروف قد جمّعتها وابعدتها ظروف صحبه تشوف المصالح عندها اكبرهدف لها العمى ياجعلها عمرها ما تشوف ماصحبه إلا على مبدأ وفيها شرف فيها الوفاء ساعة الحاجه تشب النكوف في نصرة الحق من ظالم شديد الصَلَف في دعم مظلوم يلقى كل يوم الحتوف ذيما لها ساس ماكن فالوسط والطرف تطيح الاركان واتهاوت عليها السقوف وماسقط من نجوم البرد ينقص و خف وتكتسي كل حدباء من وَبَرها و صوف ومن تجمَّل لقي جُمله مع اهل النصف الوقت دوَّار وايام الشدايد تطوف |
رد: فوق هام السحب ( الشعر الشعبي) على متن القوافي
لاصرت مستانس وعايش حياتك
فلا عليك من العرب وش يقولون ! إكسب رضا الشيبان وإحفظ صلاتك ومالك ومال الناس صاحي ومجنون!! |
رد: فوق هام السحب ( الشعر الشعبي) على متن القوافي
ياللي صنعت الجهاز اللي يغسل الكلى
ليتك صنعت الجهاز اللي يغسل القلوب قلوب بعض العرب مرضى و فيها بلا يجمّعون الهروج العوج من كل صوب |
رد: فوق هام السحب ( الشعر الشعبي) على متن القوافي
ناسٍ بدون اسباب تلقى جفاها
يا كثر ما شفنا من الناس مرضى سود الليالي علمتني غثاها مهما تسوي طيب .. ماعنك ترضى |
رد: فوق هام السحب ( الشعر الشعبي) على متن القوافي
ياما وقفت بوجه الأيام ماطحت
وياما وثقت بناس والناس طاحو مشيت بالدنيا وتعلمت وارتحت اهل المصالح لاخذوا شي راحو |
رد: فوق هام السحب ( الشعر الشعبي) على متن القوافي
قفلت بيبان العتب والمشاريه
وفتحت بيبان الرضى والكرامه اللي يجينا جعل ربي يحييه ومن صد مانكثر عليه الملامه اكثر كلام الناس ما كني اوحيه بعض التغافل طيب ماهو رخامه |
رد: فوق هام السحب ( الشعر الشعبي) على متن القوافي
ياسعود مايجرح الرجال ويهمه ..
الا الخطأ والجفأ والغبن والحاجة واخوك ماهوب شرط انك جنين امه اخوك من لا ضهدك الوقت تحتاجة |
رد: فوق هام السحب ( الشعر الشعبي) على متن القوافي
اليا بدا النقص في حالي وفي مالي
على كثير العرب ،، ماني ،، بـ متجري ً اترك ملايين ،، وانصى واحدٍ ،، غالي اما قضى لازمي ،، ولا حفظ سري سفر الدغيلبي |
رد: فوق هام السحب ( الشعر الشعبي) على متن القوافي
ياقدرة الله والصدف والمعاوين
صار الزعل ومعاتب الخلق موضه يشوف حاله صح والناس مخطين ومـن لا يطاوع رايـه الله يعوضه من لا هداه الله على المنطق الزين ضيع مقاسيمه وشانت حظوظه حنا ترانا يا ابيض الوجه صاحين درب الخطا والهيـنه مانخوضه |
رد: فوق هام السحب ( الشعر الشعبي) على متن القوافي
رغم خيبات الظنون اللي تهد الطاقه
الامـل بالله كبير و رحـمـته تكفيني رحمة الرحمن لاجت للبشر منساقه تبهج نفوس ٍ عناهـا صـايرٍ روتيني |
رد: فوق هام السحب ( الشعر الشعبي) على متن القوافي
غفلت عن عمري وسايرت الأيام
والعمر مثل العصر والعصر فوات وكسبت من كثرالاماني والأحلام حلمٍ تعلق لا تحقق ... ولا مات |
رد: فوق هام السحب ( الشعر الشعبي) على متن القوافي
العذر يقبل لاحصل فيه تبرير
من الرجال الي صريحن هدفها وفي كل شيء قد تجوز المعاذير الا على اعراض الرجال وشرفها !! عبدالرحمن بن بديع |
رد: فوق هام السحب ( الشعر الشعبي) على متن القوافي
من بغى فزعة رفيقه في نهار الشده
لا يقصر في لزومه لا بداله حاجه من حفظ قدر الرجال الرجال تعده لاوطاه الوقت يبشرمايضيق حجاجه الوفاء عند العرب ..عودٍ يذعذع نده باقيٍ دام الجمايل.. نارها وهاجه مع هل المعروف كفك بالجمايل مده بالوفاءوطيب العلوم الغانمه ومواجه ضيف الله أباالعون |
رد: فوق هام السحب ( الشعر الشعبي) على متن القوافي
وطن عظيم وشعب مخلص وقاده
وأرضٍ عَلَمْهَا غير عن كل الاعلام أرضٍ عليها صارت أطهر ولاده أرض النبي وأصحابه الغر الأعلام أرض الرسول وعمر وأبو قتاده منها سطع نورٍ غشى الشرق والشام واليوم أخو نوره وهذي بلاده المملكه حضن العرب قلب الإسلام يقودها وأنعم بها من قياده خادم بيوت الله وللأمه إمام سلمان سلمان العزم والإراده أعظم ملوك الأرض من عرب وأعجام هو امتداد ابوه وانت امتداده للدين خدامٍ وللشعب حكام بك سطوة معزي وبك من سداده عبدالعزيز الملهم الصارم الهام كن المؤسس جا على شكل إعاده ‫نفس الفكر نفس الشكل نفس الأجسام‬‬‬ وشابهت تركي هيبته واجتهاده يومه على شان الحكم حث الأقدام هذا الإمام اللي له العفو عاده تركي ابن عبدالله بسِلم وخصام والله جمع لك بين ملك وعقاده وشعب تحيزم فيك وأنت أطلق حزام فاخر ومثلك يفتخر في اجداده واحد بنى دولة وواحد فخر يام جدَّك معزي فوق صهوة جواده أسس كيان وملك في عدة أعوام وراكان جدك وأنت وارث شداده ومن مثل ابن حثلين فارس وهَمّام خوالك الحثلين شيخة وسادة بيت المفاخر والبطولة والإقدام يمضي بنا محمد بعزم وجلاده للمجد ويسابق بنا بيض الأيام كنه يقول لمن يبون انتقاده قدام يا بيض المقادير قدام خليتو الفاسد يعيش النكاده يدفع وهو صاغر ثمن ذيك الآثام حنا نشوفك حلم حناه مداده واصل الحقايق كان مجرد أحلام رؤياك مستقبل وطن واستفاده من كبرها تصعب على بعض الأفهام ونستبشر برؤياك خير وسعاده ونشوف واقعها حسابات وأرقام بلد على البترول كان اعتماده تعددت مصادره بس في عام رفعت من شان الوطن واقتصاده في كل درب إصلاح لك بصمة إبهام ذي غرسة محمد وهذا حصاده وهناك أثر كفه على وجه الإجرام حرب على الفاسد بليا هواده وحرب على زمرة سفهاء الأحلام وعلى المخدرات أعلنت حرب الإباده يـخـوضـها بـأمـرك عسـاكـر وخـدام خل البلد يشفى وينظف زياده مثل الجسد لا عالجو منه الأسقام واللي عن اليمّه تشوف ابتعاده اجتث من راسه بيمناك الأورام قد قلت لن ينجو أحد من فساده ونفذت ما قلته على الخاص والعام خلـيتو الفـاسد يعيش النكاده يدفع وهو صاغر ثمن ذيك الأثام هـذي نـتايـج رؤيـته واعـتقاده أصبح سموه للعرب مصدر إلهام لكم على الدنيا وأهلها سياده وبارقابنا بيعة لكم والعهد تام حنا فتيل الحرب وانتم زناده اقلط بنا وابشر بنا درع وحسام معالي الأستاذ سعود بن عبدالله القحطاني “ضاري” |
رد: فوق هام السحب ( الشعر الشعبي) على متن القوافي
ياحلو مدري ياحبيبي ياحبيبي ياحلو
من باب دافع الاشتياق اللي تبي منها اختره إي والله احبك وصايبني على حبك غلو اشد من غلو التزام الدين عقب الهستره الناس شدوا من محل الجهل الأول ونزلوا في دار كل ينقل أقلامه وينقل دفتره اليا عطاك الله قبول الناس يمك لااقبلوا ابرك من اللي لاعطيته وجه يعطيك اظهره سعد بن جدلان رحمه الله |
رد: فوق هام السحب ( الشعر الشعبي) على متن القوافي
نطوي مع الأيام عـام ٍ ورا عـام
وتمر ساعات الفـرح فـي دقايـق أيام راحت بالعمر مثـل الأحـلام يوم ٍ بهـا زعـلان وأيـام رايـق درست من دنياي وأتعبت الأقـدام وبدلت عن بعض الطرايق طرايـق وكفخت بأفكاري كما الطير لا حام وما عاقني عن ماكـر العـز عايـق يا صاحبي خذني معك سيف وحزام وياك في وقت الرخـا والضوايـق وترى البشر يا خوك منقسمه أقسام بين الردي والطيب شفت الحقايـق لقيت من صلى وزكى ومن صـام ولقيت من هو لأقرب النـاس بايـق ولقيت من قلبه حقـود ٍ ونمـام ولقيت من قلبـه يعـز الرفايـق ولقيت من يبني الأمل فوق الأوهام واللي يموت ولا يعـرف الاالعوايـق ولقيت من يملك بساتيـن وأنعـام واللي من الحاجة ينـام متضايـق الله خلق هالخلق سـادة وخـدام ذي دبـرة الرحمـن رب الخلايـق وآخرك يابن آدم ترى قطعة الخـام أمـراً أكيـد وما يبيلـه وثايـق يالله عسى ما أكون قطاع الأرحـام وعساي من عقب القبر في حدايـق جاك الكلام وخذ معه بصمة إبهـام إن العمـر كلـه مجـرد دقايق مطلق الثبيتي |
رد: فوق هام السحب ( الشعر الشعبي) على متن القوافي
ياللي بحاجه .. للتجارب والدروس
بعطيك درسٍ دوّنه في صفحتك الصحبه اللي تشبه أوجاع الضروس مابين يوم ويوم ... تقلق صحتك هي صحبة أللي لايراس ولا يروس حذراك منها كان .... تبغىَ راحتك |
رد: فوق هام السحب ( الشعر الشعبي) على متن القوافي
بعض المشاريه* مدري*وين اوديها
مبادي* الذوق* ...*عيت* لاتحملها ،، مكانها* الصح** تبقى* عند* راعيها اسوقها * لين* تبرك**في* محاملها ،، اللي*يخم**السوالف*ثم* يخطيها شرهاته* العوج**والله* ما نجاملها ،، سلم* على* اللي* مواجيبه**يبديها واللي ماهي واجبه يمشي ويهملها ضيف الله أباالعون |
رد: فوق هام السحب ( الشعر الشعبي) على متن القوافي
عودت نفسي ما تحسف على شي !
لو كان غالي ارخصه لنهِ قفا من عاش بالظلمة ترى يكره الضي وأنا بوسط الليل صرت أتخفا ! خلف السراب اركض , أدور على في ما مال لي ظلٍ ولا نلت شفا داويت جرح القلب مجبور بل كي كود اللهيب إلي تزايد يخفا زودت في ضيمه تعذب وهو حي من حسرتي صكيت كفٍ بكفا خسران في دنياي لا ذي ولا ذي طال العنابي لين كفا ووفا يا زينها الظلمة ولو ما بها شي يكفي أألف من خيالي وصفا بنات فكرٍ جافله تكره الغي يلها بها الشقيان لا يستخفا !! الشاعره نبض الحيارى |
رد: فوق هام السحب ( الشعر الشعبي) على متن القوافي
لاتحرق أعصابك وتجرح مشاعرك
اللي مضا ماهو على الكيف راجع هون على نفسك وريّح الْ خاطرك ترى الهموم تزيد كثر المواجع مافات فات و خل همّك بحاظرك واصل طموحك وانتبه لاتراجع وسارع لفعل الخير والرب ياجرك والصبر وقت الضيق لك حل ناجع سعود عايد الحربي |
رد: فوق هام السحب ( الشعر الشعبي) على متن القوافي
تدري متى يلعب بك ألفين وسواس
وتحس نفسك فاهم الناس توّك اليا ظلمك إنسان كان أقرب الناس وأنصفك شخصٍ تحسب إنه عدوّك |
رد: فوق هام السحب ( الشعر الشعبي) على متن القوافي
الذكريات بكل الاحوال تشقيك
مافيه روح من الحنين استراحت تحزن على ذكرى حزينه تبكيك وتضيق من ذكرى جميله وراحت |
رد: فوق هام السحب ( الشعر الشعبي) على متن القوافي
ما يلحق التقصير عزمي وباسي
لكن ظروف الوقت عيّت ترفق ما عاد ابي عقل الذكي والسياسي اليوم ابي حظ الغشيم الموفق |
رد: فوق هام السحب ( الشعر الشعبي) على متن القوافي
من طبعنا نسمع عبارات الاعجاب
ونشكر مصادرها بعرف ولباقه لكن بعضهم لاسمع بعض الالقاب لو يحصل له ضافها بالبطاقه |
رد: فوق هام السحب ( الشعر الشعبي) على متن القوافي
والله لو نتبع من الناس زلات
لا غير نبقى بالمجالس وّحدنا لكن نصد ونحتفظ بالعلاقات ونبقى على الخوّه ونوفي وعدنا وصدورنا مثل الفجوج الوسيعات وعن الدروب الغانمه ما ابتعدنا |
رد: فوق هام السحب ( الشعر الشعبي) على متن القوافي
حتى معاديك لا تفرح بهفواته
خله وتلقى كلامه يشبه سكوته الادمي عمره اقصر من عداواته يكفيه عايش ولا يدري متى موته |
رد: فوق هام السحب ( الشعر الشعبي) على متن القوافي
غفلت عن عمري وسايرت الأيام
والعمر مثل العصر والعصر فوات وكسبت من كثرالاماني والأحلام حلمٍ تعلق لا تحقق ... ولا مات |
رد: فوق هام السحب ( الشعر الشعبي) على متن القوافي
تعايش مع العالم وتسلم من الاحراج
وبعض العلوم التافهه لا تكبرها ودور لزلات المعرب مية مخراج وزلة ضعيف الرابعه لا تعبرها وترى من يبيح السد ياطيب المنهاج مثل مشتكي ظروفه لمن لا يقدرها احمد ال سليم |
رد: فوق هام السحب ( الشعر الشعبي) على متن القوافي
مايوفق للصواب الا من الله دلّه
جعلنا لامن دعانا الحق مانستكبر قانعين ان الحياه موليّه ومزلّه عندنا عنها خبر والله هو الي اخبر الآدمي ماهوب قاعد حي عمره كله والله ان يجيه يوم يموت فيه ويقبر احمدك واستغفرك يالله وسبحان الله ولا اله الا الله المعبود ( والله اكبر ) مطحس بن حمد |
رد: فوق هام السحب ( الشعر الشعبي) على متن القوافي
نمشي بهالدنيا ولا نعلم الغيب
وننسج من خيوط الامل عمرثاني العاقل يآخذ من حياته تجاريب يدري بأن العمر لوطال فاني مسكين منهو كسى راسه الشيب مازال في غيٌه عيانن بياني الموت قبله شال عكف الاشانيب والقبر بيته لو يطول الزماني |
رد: فوق هام السحب ( الشعر الشعبي) على متن القوافي
ياللي علينا زعلت وشانت أخلاقك
وش غيّرك والغلا لك ينبت ويرقا أول تقول الممات أهون من فراقك واليوم أشوفك تموت بطاري الفرقا |
رد: فوق هام السحب ( الشعر الشعبي) على متن القوافي
عيش بصراحة وابتسـآمةوطيبة..
وتصير لجلك معظم الناس عشاق ... إنك فقـير المال مـاهـي مصيبة.. بس المصيبه تكون معدوم الأخلاق |
رد: فوق هام السحب ( الشعر الشعبي) على متن القوافي
تجاهلي لبعض الاوادم من الله
ماهيب شوفة نفس والا كِبر في احب انزل كل شخص بمحله ولا احب اجي لي في محلٍ مهو لي . |
رد: فوق هام السحب ( الشعر الشعبي) على متن القوافي
يالله ياعالم بهمسي ولسرار
فيك الرجا مانطلب اسواك ثاني يالله زدني وعي ويمان وصرار وافرغ علينا الصبر يارب عالي لاتخزني يوم القيامه ب لوزار القاك وجه ابيض وشامخ كياني ياناصر اجنودك على كل جبار وعلى يدينك ننتقم كل داني اوفي سبيلك نحمل الحمل لو جار نحمل عنا المستضعف اللي يعاني |
رد: فوق هام السحب ( الشعر الشعبي) على متن القوافي
شعوري معك يحتار يبدا معك من وين
تلوم السكوت ومن يشوفك معه عذره لا عمّ الشعور الصمت ناظر عيوني زين كلام العيون اصدق من الصوت والنبره |
رد: فوق هام السحب ( الشعر الشعبي) على متن القوافي
مساحة الليل ما كانت تكفّينا
كنا نسولف ثواني والفجر يطلع والحين عقب المفارق صار يمدينا نشبع هواجيس من 1 الين 4 |
رد: فوق هام السحب ( الشعر الشعبي) على متن القوافي
اعتبر صمتي محبّه يا الحنون المُدرك
انت غير الناس هذي لا بغيت الزبده علّق الشطر الاخير .. قلادةٍ في صدرك من فقد مثلك فقد له قطعةٍ من كبده |
رد: فوق هام السحب ( الشعر الشعبي) على متن القوافي
استانسي واخذي القلب النزيه الغيور
يالفتنه اللي زمام الامر .. في يدينها َ الى غشاك الكبر ولا غشاك الغرور هذي من حقوقك اللي تستحقينها ! |
| الساعة الآن 10:56 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية