رد: اخترنا لكم
 

‏عطورات يوم الجمعه الظهر دايم غير
كأنها من أرواح المسلمين معصوره

سعد علوش

رد: اخترنا لكم
 

‏من عشقتك صابني حب التملك
‏ومن عرفتك وانا في حالةجنون
‏
‏قال وش تبغين قلت أبغاك كلك
‏قلبك وعقلك وروحك والعيون

.....

رد: اخترنا لكم
 

عساني للهلاك إن خنت لعهد الحب والنجوى
وعساكِ للغياب اللي ينسيني حياة الأه

إذا ماترحمي قلباً يحب التيه والسلوى
يحبك ماعشق غيرك وفارق كل شي يهواه

غلا حبك وأعلنته وما جيت أرفع الشكوى
أنا جيتك حبيب صادق مدور من الوفاء أحلاه

فلا غيرك يناسبني ولا غيري إلك يحوى
ولا غير الحنان منك بيعطي الروح ذي سلواه

أبا أرفع لك يدين اليأس إلهي إرفع البلوى
فنا مصطاب من خلي وهو يعلم بما سواه

.....

رد: اخترنا لكم
 

يالقمر لا تباهى وانت بين النجوم
لو نزلت ارضنا حصلت مثلك قمر

يا قمر لو كثر حولك سواد الغيوم
يختفي النور وتكدر علينا السمر

مير خلي وهو يلبس سواد الهدوم
ان مشى يفتحون الناس قبله ممر

جل من كمله بالزين نسل القروم
ماله أشباه حتى بالهنود الحمر

يا قمر كم على نورك طوتنا الهموم
وكل ما شفت خلي زاد فيني عمر

.....

رد: اخترنا لكم
 

‌‎ولقَد غَفَوتُ على رسائِلِ حُبِّها
والصُّبحُ أنظُرُ إذ أنا محظورا

فَعَفَوتُ عن كُلِّ الّذين حَظَرتُهُم
ونَحَرتُ عنهُم ناقَةً وجَزورا

.....

رد: اخترنا لكم
 

مثل المطر ياصافي النفس طاريك
‌‏يغسل هموم النفس ويروي ظماها

.....

رد: اخترنا لكم
 

‎اللي يبي يرحل ترى الباب مفتوح
‎ماني بشآري خاطر انسان مرّه

‎ما عاد تفرق من يجي ومنھو يروح
‎بس المهم من راح يكفيني شرّه

.....

رد: اخترنا لكم
 

‏لـو الخلايـق علـى حبك تنـازعني
‏يبـطون ماحركوا فيني مغز إبره

‌‏ماغيرك أحـد ٍقوى قلبي وولعني
‏وغلاك عندي بوسط القلب ياكبره

.....

رد: اخترنا لكم
 

أنت الوحيد اللي مع الوقت نبغاك
ونرخص لأجل عينك نوايا كريمه

خلك بجنبي كان وقتك تحداك
وشوف الفعول الراقيه والعظيمه

في ذمتي لأشيل حزنك وما جاك
واسقيك حبي من مشاعر رحيمه

.....

رد: اخترنا لكم
 

‏اي والله احـبـه وشـاري وصـالـه
ماخون عهده لو رماني بالاخطار

من بد جميع الناس قلبي صفاله
عـالي مقامـه لـه معـزه ومقـدار

نـادر وجـوده ويـن ابلقى بدالـه
هو الوحيد الي له القلب يندار

.....

رد: اخترنا لكم
 

‏يغويني الليل لا خيم عليه السكون
ويصير للحزن صوت وللفكر دندنه

البارحه وين ودتني عليك الظنون
وانا احسب اني تجاوزت الهوى من سنه

يغلبني الشوق وتفضفض عليه العيون
وانا بشر والاوادم ما هي بمحصنه

الذاكره عيت تخونك انا كيف اخون
فالعمر حاجات واجد ماهي بممكنه

.....

رد: اخترنا لكم
 

الصدفه اللي كنّها ليلة العيد
اخير وابرك عندي من الف ميعاد

في ذمتي جتني على كيف ماريد
وانا من اول كن في رجلي قياد

لو اكتب الاشعار واعيد وازيد
مايشفي الشاعر كثير التوجاد

.....

رد: اخترنا لكم
 

‏ياللي غلاك من غلا النفس والروح
‏وشلون اعبر لك عن احساس شوقي

‏روحي تراها انت كان للجسد روح
‏وقلبي على طاريك دايم شفوقي

‏سبحان من سخر غلا بعض الارواح
‏بعض البشر تفديه لو يطلب الروح

.....

رد: اخترنا لكم
 

خواطر الناس بحر وكل عاشق غريق
وانا غريق العيون اللي عليها الكلام

عيونك إن سلهمت للحب تفتح طريق
ما كنها إلا عصا موسى عليه السلام

.....

رد: اخترنا لكم
 

والله انك ياعديل الـروح غالي
واثمن من السر بأعماق الضمـاير

فـرحه عيّــوني ليا شفتــك قبالـي
فرحه الكسبان مـن بعد الخـساير

.....

رد: اخترنا لكم
 

‏دام الغلا يمّك ولجلك سبقني
‏حاول تجي وتكون يمي عشاني
‏
‏والله ورب الكون واللي خلقني
‏ما ابيك تتركني بدونك ثواني

.....

رد: اخترنا لكم
 

وين اودي شوق قلبي والوله
لوغديت بعيد عني ما اسمعك

تملك احساسي وفكري تشغله
ترحل طيوفك وفكري يجمعك

هاك قلبي هاك ليتك تقبله
خذ سنين العمر او خذني معك

انت تالي الحب عندي واوله
من يقول إني نسيتك يخدعك

.....

رد: اخترنا لكم
 

صدري سما والامر عندي سهالات
‏مدام ذكر الله يرطب لساني

‏ماهمني وقتي ولو زاد عثرات
‏دام الرجا في واحدٍ مانساني

.....

رد: اخترنا لكم
 

ياساكنه بين نبض القلب وشعوره
يابلسم الجرح ياروحي وأنفاسي

مافيه احد فالبشر يسعدني حضوره
إلا انت يامن غرامك عانق إحساسي

.....

رد: اخترنا لكم
 

خل عنك الثقاله والتفت لي وقول
كيف يرضى ضميرك لي بهٰذا العذاب

لاتقول مايخصك والله ان الفضول
غصب عني وعنك منتظر للجواب

.....

رد: اخترنا لكم
 

القلـب ضــايق بِضيقه
والخاطر اليوم مكسور

قلبـي بيحـرق حـريقه
من قهر حطم له السور

كــان الفتى في طريقه
ويعيش بالعــز مستـور

لين اصبح الوقت يِعيقه
واصبح لدى الحزن مأسور

لاعد درى من صـديـقـه
ولا سمع صوت مـعذور

نـفسـه بـغلبه غــريـقـه
والغلب بالغلب محجور

ماضيه حـزنه عشيقه
ومستقبله ماله إشعور

حفرة جراحه عميقه
من عمقها صار مذعور

ضيَّـع بـ يأسه بريقه
وأضحى بـ دربه بلا نور

الصمت صاير رفيقه
وكاهله زاد به جور

يارب ادعيك تِسيقـه
للخير وإبعده عن إشرور

ويالله تِبِان الحقيقه
ويصبح الجرح مجبور

.....

رد: اخترنا لكم
 

اضحك وفي قلبي براكين تشعل
اضحك ونار الجرح تحرق ضلوعي

اقول انا في خير للي بيسأل
واقول حالي زين ومسح دموعي

.....

رد: اخترنا لكم
 

الصدق مثل العود الازرق لاقام يفوح
‏تعطّر به دقون الرجال وشواربها

.....

رد: اخترنا لكم
 

يافجوج القاع ريت القاع قاعي
والوطن بالعافيه ريته وطنى

موطني مسلوب والغربـه ضياعي
يامعين الصابرين اليوم عنا

اليالي تنطوي طـي الشراعي
والمواطن في الوطن ماقد تهنى

والله ان الوقت هذا مايراعي
ضيعة الضيعه ضياع الوقت منا

يامحبين التواصل لاجتماعي
كيف يسعد صاحب القلب المعنى

والتواصل ضاعف ايام انقطاعي
قطع اوصال المحبه وامتحنا

والامل والياس تتصارع صراعي
العواصف عاتيه واليل جنى

والاماني حلقت بقصا ارتفاعي
واستجارت بالقمر والشمس منا

والطموح اقفى مع النقل الجماعي
متجه لسويسرا والا فينا

يادقيق الوشم ياسر التياعي
علق النظرات بالكف المحنى

غـن بعلا صوت ياريم المراعي
حي والله صوت من دندن وغنى

.....

رد: اخترنا لكم
 

‏لُغة غلاك الي طغت داخل البوح
ترسم لعشاق الهوى مفرداتي

دام الشعر يتنفسك داخل الروح
ارتاح يانبض الغلا وسط ذاتي

.....

رد: اخترنا لكم
 

‏لا تعترف لي بحبّك خلني سارح
فعيونك اللي تشوف الحب فعيوني

أدري انْك تحبني من ليلة البارح
من جدك إني ماعرف اللي يحبوني

.....

رد: اخترنا لكم
 

يا لابسه البرقع على هونك شوي
من شوفتك ضيعت وزن القصيده

طلة جبينك بالسماء تشعل الضـي
ونظرة عيونك في حلاها فريده

.....

رد: اخترنا لكم
 

‏انت الحلا كلك حلا والنعومه
وانت الهنا وانت الغلا والموده

القلب جالك دون بايع يسومه
احفظ خفوقي اوطلبتك ترده

هذا خفوقي دوم هذي علومه
وافي مع اللي بالوفا بان جده

.....

رد: اخترنا لكم
 

سكرك واجد وانا مريض سكر
‏وانت نكهة سكرك تجري بوريدي

‏من سمع صوتك يذوب ومنه يسكر
وإلا أنا لا من سمعته حان عيدي

.....

رد: اخترنا لكم
 

‏اقلط تسيد في ايسر الصدر من فوق
هذا مقرك وانت تعرف مقرك

الا ان مالك في الغلا شف وطروق
قلها واغادر عنك بحرك وبرك

انا الرفيق ولا ارخص القدر وابوق
وتغـيب ما يقفاك وان جيت سرك

.....

رد: اخترنا لكم
 

‏ابوي رباني وزرع بي مواجيب
‏يجني ثمرها كل منهو عرفني

‏اقّدر الطيّب واجازيه بالطيب
‏ولا الردي ماهمني وش وصفني

.....

رد: اخترنا لكم
 

اقلطي ملعون من شافك ولا رحّب وهلّا
‏اقلطي يا ثامنة سبع العجايب لا تراوي

‏لعنبوك انتي بشر والا قمر بدرٍ تجلّى
‏وش يساوي كل حسن الخلق جنبك وش يساوي

‏صرت اشكّ انّك بحر نورٍ دنا حتى تدلّى
‏من كواعب جنّة المأوى من النور السماوي

ناصر الفراعنه

رد: اخترنا لكم
 

لاتخضّع ولاتخشى سوا المفني الخلاق
ترا الناس لا تفني ولا هيب خلاقه

ولا ترتجي غير الله المانع الرزاق
ترا الناس لا تمنع ولا هيب رزاقه

وحياة البشر مابين لمّة شمل وفراق
ولا يفقد إلا طيبٍ يوجع فراقه

.....

رد: اخترنا لكم
 

كل مادلهت قلبي وارجهني
‏هيضتني دمعة العين الحزينه

‏اشهد ان لوعات الايام ابعدنّي
‏وانقطع حبل الرجا بيني وبينه

.....

رد: اخترنا لكم
 

على بساط الليل نسّري بالأحلام
ونسامر نجوُم السماء بالأماني

.....

رد: اخترنا لكم
 

‏اقول له مسيٺ بالخير ياخير
‏ويقول انا مسائك ونور دربك

‏اي والله انك يامسائي مسا غير
‏شمالك وشرقك وجنوبك وغربك

.....

رد: اخترنا لكم
 

‏ما بين الصعب وبين الخوف والتجريب
‏أحاول ما أميل بيوم ولا تتشرّد أفكاري

‏أمر بمرحلة صح أو خطأ أو صدق أو تكذيب
‏كأني تايه في شيء ولاني عارف أقداري

‏أنا ياربّ ما أدري وش اللي ينكتب بالغيب
‏ولكن رحمتك أكبر من اللي فيه أنا داري

.....

رد: اخترنا لكم
 

‏أنا مابي من الدنيا بعد هالمرحلة رغبات
‏عسى الله بس يكفيني هوى نفسي وزلّاتي

.....

رد: اخترنا لكم
 

‏تضيق بوجهي الدنيا والاقي في رحابك باب
‏واحسك مثل شيٍ كان ينقصني وكملته

‏اجي صوبك وانا لوجهك يسابق وجهي الترحاب
‏واشوفك مثل نجمٍ فالسما كم لي تخايلته

‏حبيبي والمدى حاِلك وانا في غيبتك مرتاب
‏ولا غيرك هوى قلبي ومن قلبي أنا نلته

.....

رد: اخترنا لكم
 

‏عرفت إن القدر فرصة سعيدة والحياة أعراف
‏لو إن الشوق من كثر البعاد المُرّ صالينا

‏أنا ماكنت في عمري إلى هالمُنتهى شفّاف
‏لقيتك والزمان حالف يخون أطهر أمانينا

‏أزورك حلم من خلف الحقيقه والشعور لحاف
‏ما دام إن الوَلـه واقف على سكّة هقاوينا

.....