رد: فوق هام السحب ( الشعر الشعبي) على متن القوافي
 

اذا ابتـلاك الله بـأمـر و تأذيـت
اصبر وربي يغفر الجهل والعمد

يا شينها لا قلت انا ويش سويت
ويا زينها لا قلت ربي لك الحمد

......

رد: فوق هام السحب ( الشعر الشعبي) على متن القوافي
 

‏أبتسـم للنـاس وأضحـك للحيـاه
ولو تضيق اليوم قل بكره تزين

أعــرف أن اللـه وحـده لا سـواه
قـادر إنـه يبهج الصـدر الحزين
......

رد: فوق هام السحب ( الشعر الشعبي) على متن القوافي
 

‏خلك كريم الفعل والطيب والجاه
‏و اسلك طريق النعم بالطول والعرض

‏ضعيّف الوقفه يمن بـ عطاياه
‏والا ترى الطيّب يشوف الكرم فرض

‏الغيم لا منّه عطى الارض من ماه
‏ماينتظر رد العطايا من الارض

.....

رد: فوق هام السحب ( الشعر الشعبي) على متن القوافي
 

انـا احبـك ياهوى البـال ، واغليـك
وان غبت عني يالغـلا ضاق صدري

قلبـي يحبـك لـو دروبـك تهاليـك
وش حيلتي لا صرت مغرور تـدري

انت الوحيد اللي احبك واداريـك
انت الحيـاه يانبض قلبي وعمري

امـر تدلل يالغـلا " عند غاليك "
قلبي يحبك يالغـلا وانت تدري

.....

رد: فوق هام السحب ( الشعر الشعبي) على متن القوافي
 

يا جميله كان للعمر فرصه ما تعاد
الليالي كيف ترحم قلوب الصّابرين

إن نشدك الوقت عني تراني فالمراد
قولي إنه ما تعدا سلّوم الأولين

ما شكى من قل مشرب ولا من قل زاد
إلا من قل المواصل ومن كثر الحنين

.....

رد: فوق هام السحب ( الشعر الشعبي) على متن القوافي
 

صبرك على جمرة معاديك منقود
وصبرك على جمرة قريبك شجاعه

لو هي على قول العرب علة كبود
اهون ولا نار الجفى . . والقطاعه

....

رد: فوق هام السحب ( الشعر الشعبي) على متن القوافي
 

من نصائح "بندر بن سرور" الشعريّة
المخلدة بالذاكرة :
يا بنت عيـفي واحــدٍ مايصلي
تارك عمــود الدين مــالك وماله

رد: فوق هام السحب ( الشعر الشعبي) على متن القوافي
 

على البال ياللي كل ما مرني طاريك
بدت كل تنهيده .. تمارس هوايتها

انا لو ينسيك الزمن ماني بناسيك
محبتك قصّة ما اقدر اكتب نهايتها

لو الوقت يرجع قبل اعرفك وقبل اجيك
وقبل الهقاوي تنثني دون غايتها

بأروح انتظر فأول مكان ٍ جمعني فيك
وبأعيد تجربتي معك من بدايتها

.....

رد: فوق هام السحب ( الشعر الشعبي) على متن القوافي
 

لا تغرك ظنون الطيب فـ اول مواجه
المقادير تفجع والهقاوي غشيشه

يوم للخيل في سوق المنايا عجاجه
مايسرّ اشجع الشجعان سرج الكديشه

ينقل الحمل هرشٍ في رقبته عواجه
وابرق الريش ماردّه من الموت ريشه

خل قلبك جسور وواجه اللي تواجه
مامع الذل عز ومامع الذل عيشه

.....

رد: فوق هام السحب ( الشعر الشعبي) على متن القوافي
 

ساحر*وفاتن*زين*وفوقگ* لثامه
فكيف*لا شلت اللثام* في يدك شيل

تطل*مثل*النجم**خلف*الغمامه
من هيبتگ والحسن* ينهد بي الحيل

لبسمتگ*باعماق**قلبي*** ابتسامه
لا*شفتها*يصبح*نهار* عندي*الليل

ريقگ*عسل يشفي*لقلبي* سقامه
حالي كما*القهوه**وزايد*به** الهيل

وصوتگ*كما*تغريد*طير الحمامه
وفي*جبينگ*ضي*شمعه** وقنديل

روعة* وذوق يابن*السمو* والفخامه
من فرقتگ سالت دموعي كما السيل

ارجوك*جاوبني*وقلي*علامه
هذا*الدلع**والغنج والصد والميل

وانا*الذي لك* ذل* وارخئ* زمامه
وقبَّلك*بالحرف*والشعر تقبيل

....