رد: فوق هام السحب ( الشعر الشعبي) على متن القوافي
 

دايم يجي من بيني وبينك خناق
وتطول لسانك واطول لساني

وتسبني وتروح وتشين الاخلاق
واحس في ضيقه واغير مكاني

ولمن تفارقنا تعذبنا الاشواق
وكل يجي الثاني من الشوق عاني

وناخذ بعضنا لهفة وضم وعناق
ونقضي الليلة غرام واماني

.....

رد: فوق هام السحب ( الشعر الشعبي) على متن القوافي
 

مسـاء المحبـه والسعاده والاشواق
مســـاء يليـق بحضرتك واحترامك

ذوقك رفيع وغيــر عن كل الاذواق
واجمل بيوت الشعـر قيلت عشانك

.....

رد: فوق هام السحب ( الشعر الشعبي) على متن القوافي
 

مني لاعز الناس حلو التراحيب
مضمونها تقدير من قلب صافي

سلام ياراعي الوفا والمواجيب
سلام يازين مع الناس وافي

لك منزل بين الضلوع المحاديب
عساك دايم بالوجود متعافي

.....

رد: فوق هام السحب ( الشعر الشعبي) على متن القوافي
 

‏وادع لـوجه الله ولا تجرح إنسان
وإترك بعد فرقاك .. ذكرى جميله

وضعي قبل ماهو مثل وضعي الآن
عرفت فرق الغايه من الوسيله

.....

رد: فوق هام السحب ( الشعر الشعبي) على متن القوافي
 

يشتاق لك قلبي وينشد عن الحال
ياللـي عليـك الحـال واصل لحـده

الـود جـوا الـقـلـب لازال.. مـازال
قلبــي علــى كيفـك تتـل وتشـده

لك داخله منـزل وبالعرق مدهـال
يوفـــي لك العهـد مـاباح ســـده

اسقيتك من الحب يا قلب فنجال
وبهاره مـن العشق صـدق ومــوده

......

رد: فوق هام السحب ( الشعر الشعبي) على متن القوافي
 

عش كمَا شئت لا مُكره ولا مُضطهدْ
‏و أيقنْ إن ما ورى غيب المنايا دليل
‏
‏من رضى الهينه ما جابت امه ولد
‏لو تسامى بمال و جاه يبقى ذليل
‏
‏و لا تحاول تكون المنتصر للأبد
‏أصعب من الجميل إنك ترد الجميل

.......

رد: فوق هام السحب ( الشعر الشعبي) على متن القوافي
 

اجلس مع اللي راسه الشيب ماليه
‏واللي تجاعيد الزمن في جفونه

‏يعطيك من خبرة حياته وماضيه
درس كثير من البشر يجهلون

.....

رد: فوق هام السحب ( الشعر الشعبي) على متن القوافي
 

أبشرك ، متعافين ولا عَلينا خلاف
‏نرِد السلام . . ونناطِح الي يناطحّنا

‏يوم الضعوف اتطيح في ساعة الميقاف
‏لك الحمد يا ربي . . وقفنا ولا طحنا

......

رد: فوق هام السحب ( الشعر الشعبي) على متن القوافي
 

يا شارعٍ في طرفك الداخلي بيته
والله ما جيت متسكّع و متطفل

تسوقني لهفة الأشواق ناحيته
وانا ادري اني بلاقي بابه مقفل

الوصل ! فرضٍ على العشاق تأديته
مهما قطعه الزمن ماهوب متنفل

خلّ التواصل على الرقم ولا دقيته
سمّعني النبره المعسوله و قفّل

......

رد: فوق هام السحب ( الشعر الشعبي) على متن القوافي
 

منابر السنه اللي للعقيدة منار
ننطح سهوم المنايا قبل تدويلها

ولضيف بيت الكريم اكرم واعز اعتبار
اقلط خدمك الملوك ومن يوالي لها

في وادي غير ذي ريبه عزيزً مجار
والمستحيلات لـ اجلك تم تذليلها

البس حرامك وامانك والحفاوة مدار
وسحب السكينه عليك اضفت شماليلها

ولاللحديا مطير بكبد جو الحرار
مادام اهل مكة ابخص في مداهيلها

نجم الاسلمي