رد: اخترنا لكم شعر نبطي وفصيح
 

هب الهوى واقبل علينا شمالي
وانعش عروقٍ بعضها كان مشيول

ارتاح قلبي يوم خلي وفالي
وأنا من اول حاير الفكر مشغول

لابعد من حب أول وتالي
وأنا أشهد ان انتا من البيض مدلول

الصاحب اللي ما بخل في وصالي
يفداه عمري وعن هوى كل مجمول

بس اسمعوا ياللي سمعتوا مقالي
مير لا اخطيت في بعض ما اقول

.....

رد: اخترنا لكم شعر نبطي وفصيح
 

رحال عن ديرتك رحال
أسلم عليكم فمان الله

يا بعد عمري وراس المال
يا أعز وأغلى عباد الله

صبرت واليوم صبري طال
ودعتكم وأمرنا لله

رحلت يومك بريت الحال
أهوم انا في بلاد الله

طاوعت بي نمت العذال
وأقوالهم منكم لله

واشعلت نار الغرام اشعال
ما رفت حالي لاجل الله

ليتك ترى دمعي الهمال
سحايب تشتكي لله

وافراقكم ما طرى في البال
واليوم يا قلبي استعن با الله

.....

رد: اخترنا لكم شعر نبطي وفصيح
 

الأيام دواره حذيرك نذيرك
وما فات منها مات لاترتجيها

ومن حد ها التاريخ ماني عشيرك
محبه تنزل روسنا ما نبيها

تعوضني الأيام عنك بغيرك
وكلآ له اعماله يحاسب عليها

أبا راقبك من بعد واعرف مصيرك
أنا وأنت في الدنيا وذا الناس فيها

أنا كنت في كل الامور استشيرك
أتلقى الاوامر منك واعتز فيها

ومن وين ما تمشي مصيري مصيرك
أبا اقابلك في اي ديرة تجيها

واذا كان قلبي ما هوى شخص غيرك
فباقي حياتي وش ابي بس فيها

.....

رد: اخترنا لكم شعر نبطي وفصيح
 

الا يا حمامة صوتها للعرب مسموع
سلامات هل جاها من الوجد ما جاني

عليك البكى وانا عليه سيول دموع
وكل يساعد في البكى مننا الثاني

فلاني بحزنان ولا خاطري مفجوع
ولكن سبب ما بي نزح دار خلاني

مساكين من حبل الوصل بينهم مقطوع
وكان السبب في قطعته بعد الاوطاني

فرحمة على اصحاب الهوى لو يموتوا جوع
بعيشون في برخلا بين ظلعاني

الا يا حمامة والعتب بيننا مرفوع
تعيشين في وحده وانا اعيش وحداني

تعالي نساعد بعضنا لو غدينا ربوع
تخفف من احزانك واخفف من اشجاني

.....

رد: اخترنا لكم شعر نبطي وفصيح
 

فوق بحر الهوى تجري مراكبنا
نقضي الليل كله فوق موجاته

نرضي احبابنا نوفي بواجبنا
من نقض عهدنا نقطع علاقاته

ما لنا غير خالقنا يحاسبنا
نبلغ اهدافنا والنفس مواته

با الصراحة نخاطب من يخاطبنا
لين يظهر لنا قصده وغاياته

الردي لا حشى ما هو بصاحبنا
حيث عاداتنا ما هي بعاداته

الوفى عند جاهلنا وشايبنا
راعي الطيب ما يحسب خساراته

نعرف اللي من الغيرة يحاربنا
الغلط حيلته والغيض قواته

انتهينا وصفينا تجاربنا
نعرف الهرج الى من جاء مجالاته

.....

رد: اخترنا لكم شعر نبطي وفصيح
 

يا عشيري لفاني منك ما حس بالي
شايفٍ الجفا من عقب هاك اللباقه

صعب رد الجزا في وقتنا يا حلالي
كيف تقدر فراق اللي عناكم افراقه

كان قلبك تنكّر والهوى عنه زالي
او صفّها لك من العربان غيري عشاقه

انت تلقى وانا القى من يمضّي الليالي
كلها عبر دنيا ما بها راس طاقه

سالمٍ راس مالك لك وانا راس مالي
سالمٍ لي وبعض الزود مرٍ مذاقه

من جفاني جفيته يا حسين الدلالي
فان ما يتبع المقفين كود العلاقه

الملك فيصل رحمه الله

رد: اخترنا لكم شعر نبطي وفصيح
 

ألا يا من لقلبٍ كل ما جا الليل جاه خلاج
يلوج ويجتلد بالصدر والعربان ممسيني

انا متحيرٍ ما ادري عن المدخال والمخراج
الا واعمس رايي ما لقيت اللي يقديني

الا يا مجيب دعوة من تصافق قوقه الامواج
أنا بحماك يا وال الخلايق لا تخليني

ألا يا وجْد روحي وجد من خلّوه بالمسهاج
كسير الساق بنحور المعادين المغلّيني

الى من دك هاجوسي ولو اني على ديباج
ولو جَنّي جميع البيض غيره ما تسليني

الا واهَني مخلوقٍ يفرّج ضيقة الادلاج
الى منه دخل بالسوق غادٍ له مياديني

ترى بعض العرب عمْلَه بروحه مثل عمل سراج
يضوي للعرب والنار في قلب المسيكيني

الملك فيصل رحمه الله

رد: اخترنا لكم شعر نبطي وفصيح
 

الجود مبداه الندى والعز للبيت المكين
وايامنا تلقح ويالد خيرها مع شرها

والامر لله وان بغاها ماتعدى كلمتين
يجري مراويح السحايب الليال يفرها

والذل وجه اهل الردى والعفو مبدا الطيبين
واللي نفخ تال الرماده في عيونه ذرها

والرجل من قبل الدحم يتكي على الضلع المتين
والا يعقل الطرقه اللي ما ربح من برها

الليل ياجزل القصيد الله يعين الصابرين
ان ما قطعنا خبة سحب الذياب تمرها

مثلي ومثلك فالمواقف والمساري والسنين
اثنين خوتهم على برد الليال وحرها

روح على صدر معودني على صرف الثمين
واسمع بيوت قبل تكتب قيل لله درها

اونس لوقتي خنجر فاقصى ضلوعي من يمين
كنه ليا هسست عيوني من غليل يجرها

ادرك مياسمها على كبدي وتسري فالوتين
واتبع سهرها في عيوني واتطعم مرها

وافز واقف وادرج قبل المطيح من الدفين
واغشى ولا ميزت عود من جديد يكرها

لي غاية تتعب لها روس الرجال الخالدين
وانا سمى اهل المسمى وان شعلت اسرها

ماجوز لين الحق مداها يامعين انك تعين
والا ان روحي نازع الارواح قام يغرها

من عقبها ياللي مضالك فالمجافي ليلتين
الله وكيلك تكفي الدنيا ويكفي ضرها

عيني حجاب احبابها والراحلين الراحلين
اشوم عنها وانت ميز فالعلوم وزرها

لحدت قبلك غالي من غالي من غالين
وقفيت ماسيلت عبره والضلوع تجرها

.....

رد: اخترنا لكم شعر نبطي وفصيح
 

الا يالغرام اللي بدايتك كاين حي
نهايتك كاين حي كالمبتدى والا

سكنت القلوب العاشقه منت ساكن حي
وياما وياما من سبايبك كم والا

نهايتك شمسٍ حارقه ماتحتها في
ولا لك من الوافين صاحب ولاخلا

اخاطبك من مبدى جروحٍ تبقت في
وعذابٍ على دروبك مابقى ولاخلا

وانا والله اني لابخيلٍ ولا لاشي
معاش الذي يقضي مدى العمر ماهلا

لكن انت دايم كل مشيك ولا لاشي
هلالٍ عليك ايهل واهلال ماهلا

كشفناك عبر النت والـ f وام بي سي
وصبرنا عليك وصبرنا المنتظر كلا

هذا الشكل والمضمون لكن وضعك سي
ماتنفع معك حاشا ولو اختها كلا

قبل لاتهيا ياغرامي لنفسك هي
مناخٍ ملايم فيه تسكن وتتسلا

.....

رد: اخترنا لكم شعر نبطي وفصيح
 

المملكه بيت العرب والعروبه
ما هيب بيتٍ للمفاسد والارهاب

عن كل خدشٍ فالحياه محجوبه
ومحصنه عن كل شيطان بكتاب

ومضفي عليها العدل بشته وثوبه
ومن دونها حدبٍ يقصن الارقاب

دام عزك ياوطن

رد: اخترنا لكم شعر نبطي وفصيح
 

جيتك مسلّم مسالم لا تحداني
أقول لك كلمة ماهي على بالك

أقول الأول تراه أنته وأنا الثاني
في سيرة الحب أوقع لك على ذلك

يا صادق الود ليه أعلنت هجراني
أن كان من جد فال الله ولا فالك

ماني مصدق ولو أتغيب تنساني
وإذا تناسيت تأثيرك على حالك

صحيح أبا اعيش في لوعه وحرماني
لكن أبا أصبر ولجمع صبري ألا لك

أنا عطيتك عهد والصبر برهاني
وأن كان فكرت أبا أنساك إتهيالك

وأنا مفوضك تأمرني وتنهاني
عيوني لخاطرك والقلب منزالك

.....

رد: اخترنا لكم شعر نبطي وفصيح
 

الهنوف اللي ملامحها تشد الناظرين
قا بلتني كيف مدري كيف انا قابلتها

المهم اني وقفت وكان عندي كلمتين
قلت وحده مرتبك والثانيه ما قلتها

قلت كلمة من خايف كنت اباكمل منين
مير يا حسرة لضيق الوقت ما كملتها

كل ما فالامر نظرة ساحرة من طرف عين
ارسلتها لي وانا رد اعتبار ارسلتها

قلت ابكتب قصتي في جملة للعاشقين
ما طلعت بجملة تكفي اذا حللتها

واختصرت الامر صبرا يا معين الصابرين
واعرف اني معك يا قلبي نعم طولتها

والغلا يا قلب تذكر وقتها وداك وين
لو معك حيلة قبل تضحك علي احتلتها

يا معاتبني معذبني على طول السنين
رحلتي من حيث ما وديتني واصلتها

.....

رد: اخترنا لكم شعر نبطي وفصيح
 

قال الوداع وقلت وين انت ماشي
قال استفزك قلت طلعت روحي

قال امتأكد قلت رغم اندهاشي
ارجوك قدّر موقفي لا تروحي

قال استريح ومن عظيم ارتباشي
اضحك فرح وانا دموعي تفوحي

قال انت تضحك ليه والدمع جاشي
مدري كلامك جد والا مزوحي

قلت انتفاهم قال ليه النقاشي
اسمح لقلبي بالصراحه يبوحي

هذا صحيح الحب والا بلاشي
يا حبي الاول وبلسم جروحي

يا غيث قلبي من صدوق المناشي
يفداك برق" في جبيني يلوحي

رمش" لك الحاف"ورمش"افراشي
يا منتهى عزّي وغاية طموحي

.....

رد: اخترنا لكم شعر نبطي وفصيح
 

احلم ترى ما صار فيه الكفايه
العفو عند المقدرة وانت قادر

ان كان لك رغبة ومقصد وغايه
حققتها لكن بالعفو بادر

من البداية لين حتى النهايه
وافي معك ما كنت في يوم غادر

والعكس بالهجران تحسن جزايه
ومجندٍ لك في حياتي كوادر

يا منتهى درب الشقا يا شقايه
انته من انواع الشقا نوع نادر

اكسب رضا نفسك وترهن رضايه
مدري متى عنك التكبر يغادر

مدري خطاك الصبر ولا خطايه
نبا نتأكد من جميع المصادر

.....

رد: اخترنا لكم شعر نبطي وفصيح
 

ان شفت لي حاجة ما هيب تعجبني
أصد عنها تقل ماشفتلي حاجه

وماصد عن واحد بالضيق يندبني
أوقف معه وقفة يقدح بها سراجه

أجامل الناس والا وأكبر غبني
من واحد يدرج العالم بمدراجه

محابل السوء ماتحبل وتقضبني
لا والذي فضل محمد بمعراجه

كف تطالب وراء حق وتطلبني
فزعة ضحى مال و لاجاه ومواجه

أقوم واثني ولابه شي يرهبني
مايغلي الموقف إلا شدة أحراجه

مواقف تنسب السالم وتنشبني
أبلش بها كان وقتي مطلق حجاجه

.....

رد: اخترنا لكم شعر نبطي وفصيح
 

هات لي علم الغرام من أوله
ما بقى إلا كلمتين قولها

لا تقصر شرحها لي طوله
ولا تنقص عرضها من طولها

اصغر الأخطاء تفضل هوله
وكان ما صبت الهدف جت حولها

هات سلطان الشكوك وخوله
حجة المحتج من مدلولها

وكان نفسك من عهدك محوله
السوالف طحت في مجهولها

ظن ظنك والشكوك تموله
هرجة العاذل ظهر مفعولها

الغلا يضحك على من دوله
والقضايا عزها بحلولها

.....

رد: اخترنا لكم شعر نبطي وفصيح
 

وحالي اللي من الهجران منذويه
كما ذوى نبت قاع ٍ يابس الجذري

واالجفن جافى الكرى والكبد منكويه
وهاذي نتيجة معاناة الهوى العذري

عزالله اني حريص ولااقرب الهويه
ونذرت ما امرّها غير آخذٍ حذري

وهويت لي هويةٍ مع دربها دويه
ولا عاد لا فاد لا حذري ولا نذري

ظامي ونفسي من الاسقام مرتويه
والحال ماعاد منها الاّ النسم يذري

على وليفٍ عليه الروح ملتويه
لو قالوا الناس عامي قلب ومهذري

وفاتي وعيشٍ بليّاه مستويه
الاّ انّ في عيشٍ بليّاه وش عذري

.....

رد: اخترنا لكم شعر نبطي وفصيح
 

سرى الليل يا قلب العنا بين غيظ وهيض
تحسّب لمستقبلك وتراجع الماضي

أخذك الرجا والياس بين الرضا والغيظ
لأمانيك والذكرى عن اللازم الحاضي

ألا واه من ذكرىً لهمّ الحشا تنقيض
تطرّي على الزعلان مايزعل الراضي

ما فدت من الاستعجال غير الندم والريض
وطغت حسرة إقبالي على سلوة إعراضي

لاعادت طواري الهقوه اللي مع التخفيض
هاك الحين دوب تشيلها سبع الاراضي

تهقويت بالاثمار والظلّ فى الحمّيض
ما دامه نبات وقمت اداريه وآحاضي

وعدّلت له كل السواقي بعذب الفيض
وعوّدت لاجله عالم اثار ورياضي

وصبرت وتحمّلت الشقا فى الشتا والقيظ
وكمّلت خمس سنين فى الشاظي اللاظي

جميع الليالي سود حتى الثلاث البيض
يروح التعب والصبر فيها على الفاضي

.....

رد: اخترنا لكم شعر نبطي وفصيح
 

فيني الهدوء اللي سكن فيه الأزعاج
‏نرفز حدود الصـبر واجتاح حـدي

‏سجين فكر وغفوة عيوني ازعاج
‏واللي بودي ما هو بكيـف ودي

‏أنام وابني في سماء أحلامي أبراج
‏واصحى وتصحى عيون الأيام ضدي

‏محتاج اعيش العمر ماني بمحتاج
‏ولو باح سـد الناس ماباح سدي

.....

رد: اخترنا لكم شعر نبطي وفصيح
 

بين الضياع وبين كثرة شتاتي
محتاج انا لي برّ يا كثر امانه

يا كثر ما حاولت بمحاولاتي
ووقتي بدى يكثر عليّ اللعانه

مليت من روتيني وأغنياتي
ومليت من قلبٍ تزايد حنانه

اطلع وانا والله ماعرفّ جهاتي
وارجع وانا مدري وش ارجع عشانه

خايف يروح العمر دون امنياتي
واخاف حلمي ما يجي في مكانه

واخاف ما أخشع وازل بصلاتي
واخاف قلبي لا يخل اتزانه

واخاف اموت ولا احصل نجاتي
واخاف اضيع بلحظة الاستهانه

يارب وحدك عارفٍ في مماتي
ووحدك تعين الي طلب استعانه

تجعلني ابقى في ثباتي ثباتي
واعوذ بك من ذل وقت وهوانه

وتغفر جميع ذنوبي وسيئاتي
ويا رب تجعلني اصون الامانه

آمين

رد: اخترنا لكم شعر نبطي وفصيح
 

جف صوت الحروف وشح فكر الكلام
‏وانعقد حبل .. فوقه عبرة جانيه

‏كل ماقلت هانت بذكر الله .. وانام
‏ناخ ركب الجروح اللي لفت عانيه

‏كل ليلة بـ صدري .. مؤتمر لسلام
‏وينقصف ما يكمل بالفرح ثانيه

‏الطف الكذب قولة بـ أن حالي تمام
‏والمعارك بـ صدري طحن متفانيه

بين خابت ظنوني بين كثر الملام
ارجي الله جزانا ثمرة دانيه

كيف بقنع عزومي تستمر ل الامام
وانا حكمة حياتي فانيه فانيه

.....

رد: اخترنا لكم شعر نبطي وفصيح
 

‏ياصدري فتحت ازرار ثوبي وشلت الكوت
‏ابي تنطفي نار في الأضلاع مشبوبه

‏انا معي ضيقة شايب سمع طاري الموت
‏يشوف الحكي صوبه وهم ماهم صوبه

‏يعرف ان وقته زل وان العمر موقوت
‏ولا هو بعايش كثر عمر انقضى دوبه

‏فنو جيله اللي عمرو في البلاد بيوت
‏ليا شافها من عقبهم ضاق به ثوبه

ولا عاد به ناس تزوره ترد الصوت
‏يقضي فراغه منطوي يحسب ذنوبه

‏الا ياصدر لا ضايقك همك المكبوت
‏توجه لـ رب يشفي ويقبل التوبه

‏لو انك ب ليل وموج بحر وفي بطن الحوت
‏اذا انك دعيت الله .. نجاك بأعجوبه

.....

رد: اخترنا لكم شعر نبطي وفصيح
 

أخلفني الوقت مخلف كل متنبّي
‏أنا اشهد إني بحاجة من يواسيني

‏بين الرفاقه مثل خطوات متصبّي
‏أكنا من اللي على يسراي ويميني

‏أسرق من الونّه اللي ضيقت لبّي
‏ولا أزعج الدمع إلين الدمع يعميني

.....

رد: اخترنا لكم شعر نبطي وفصيح
 

‏كنّي بديت أخاف عُمر الثلاثين
‏خايف لا اجيه بدون حلم وهوايه

‏بفقد شعور القادم افضل وبعدين
‏وبفقد آمان التجربّه و الغوايه

‏وبتغيب عني الوان و ابقى بـ لونين
‏ويبدا يناظرني القلق فـ المرايه

‏وبشوف فـ عيوني شعور المسنين
‏و المنتصف ما بعده الا النهايه

.....

رد: اخترنا لكم شعر نبطي وفصيح
 

‏أغلب رفوف الكتب ما حرَّكت ساكن
‏كثر ما حرَّك شعور القلب "مسودّة"

‏مثل الهوامش وأمان شْعوري الراكن
‏يدرى إختلاس العيون العابرة : ودّه

‏وش أنتظر له ؟ لـ طيف أن مرَّ الأماكن؛
‏صدري يجرّ النسم، كنّ النسم نِدّه؟

‏قرَّبت منّه قميصي ليلة ، ولكن
‏لا من دُبر قدَّه ، ولا من قُدم قدَّه

.....

رد: اخترنا لكم شعر نبطي وفصيح
 

وجودي على اللي لا ذكرته جلست ابکیه
‏خذاه الذي يجعل جدا الناس في العبره
‏
يوم ان راسه حي هم الدهر ما اشكيه
‏يا طيبه على زلة خطايه ويا صبره

اشوف الحياه امان في ضحكة حجاجيه
واشوفه سند المجتمع كله بكبره
‏
لا جات الامور الكایده یاقف ويكفيه
‏ويدرا على غاليه حتى من الابره
‏
ضغوط الحياه القاسيه عودتني اجيه
‏اسلم عليه واشكي همومي على قبره
ِ

.....

رد: اخترنا لكم شعر نبطي وفصيح
 

‏ينتابني ضيقٍ من أوجاع وآلام
‏وينتابني ضيقٍ على غير سبّه

‏رجعني التفكير عامٍ ورا عام
‏في غرفةٍ ما زارها إلا الأطبّة

‏وعرفت وش تعني تفاهات الأيام
‏وتصاغرت نفسي شعور المحبّة

‏الي عليه أعلق آمال وأحلام
‏وراعيه يجرحني ولا خاف ربه

‏الله يجيب العافية والتبسام
‏وتقبل علينا أوضاعنا المستتبّه

.....

رد: اخترنا لكم شعر نبطي وفصيح
 

‏والله اني ما قدرت أنساك بالمره مع إني
‏كل يوم احاول اشغل نفسي بحاجه جديده


لكن النسيان شي اكبر من عزومي ومنّي
‏يا شريط بذاكرة راسي وراسي يستعيده

‏انت ياللي منك دموعي ومنك ضحك سنَي
‏ما قدرت أذوق بعدك طعم الأيام السعيدة

.....

رد: اخترنا لكم شعر نبطي وفصيح
 

خذ السهر من عيوني خل عيني تنام
‏الليل نفسه تعب مني كثر ما أسهره

.....

رد: اخترنا لكم شعر نبطي وفصيح
 

‏السهر بيّن على العين و اتعبها كثير
لاتلوم اللي فقد شي خايف يفقده

.....

رد: اخترنا لكم شعر نبطي وفصيح
 

صديت عن بعض المخاليق بالعمد
لا هو كبر مني ولا هي حماقه

لكن بعض الناس يالله لك الحمد
ما فيه امل معهم تدوم العلاقه

.....

رد: اخترنا لكم شعر نبطي وفصيح
 

يا مدور الرخص دوّر للغلا
الهم تعذيب والحاجة حرج

ان ضاقت بعينك فجوج الخلا
لا تشكي الفقر والحظ العرج

توجّه لخالقك جلّ و علا
واصبر ترى الصبر مفتاح الفرج

اما تولاك والهم انجلا
ولا جعل لك من الضيق مخرج

لا حبك الله دفع عنك البلا
وخلاك ترقا الطوال بلا درج

سخّر لك ارحب وحاضر وشهلا
وكفاك من حارب و برضوه هرج

لولا اختلاف المواقف والملا
تساوت الحصن والخيل المرج

.....

رد: اخترنا لكم شعر نبطي وفصيح
 

آمالنا فيكم كبيرة ودارنا
نبغي معزتها ما نبغي خضوعها

العالم الثالث لا بد نتجاوزه
ونكبر الفرحه ونوقد شموعها

ندرس جديد التقنية ونتعلمه
ونعرف طرايقها ونعرف سنوعها

ونبني لنا صرحٍ يليق بمقامنا
له طلعةٍ يشوف الاعمى طلوعها

عدواننا عارٍ علينا سلاحنا
ان كان ما قمنا نفرق جموعها

حنا لدولتنا جنودٍ مجندة
حنا ذخايرها وحنا دروعها

.....

رد: اخترنا لكم شعر نبطي وفصيح
 

بريةٍ ما طب في السوق نوعها
بهارها غالي وحالي قدوعها

خيرة ثمار الباسقات المشمرخة
خضر الجريد اللي طوال فروعها

عز الله ان فنجالها يبعد الخوا
وهاذي مواطنها وهاذي ربوعها

.....

رد: اخترنا لكم شعر نبطي وفصيح
 

من كثر ما أموت فيه أموت في حيه و ميته
بيني وبينه ما بين سهيل و الركن اليماني

و إن نويت الصبر و السلوان دونه ما قويته
صورته فعيوني الثنتين و اسمه في لساني

.....

رد: اخترنا لكم شعر نبطي وفصيح
 

من كثر حبّي للمهمات الكبار
بلغت أشدّي قبل سن الأربعين

وشلون أهين اللي لهم قدر ووقار
وانا احترم حتى قبور الميتين

.....

رد: اخترنا لكم شعر نبطي وفصيح
 

لو لا صواديف الزمان الثقيلات
ما ينعرف طيب العرب من رداها

مشكور ياوقـتٍ غدا فيه ميلات
عـرفتني بالناس وش هـو مداها

.....

رد: اخترنا لكم شعر نبطي وفصيح
 

لا جيت لك في مجلس فيه مغتاب
سوالفه خلف المقفى شنيعه

اما ابذل لتغييرت المنكر اسباب
دافع عن الطيب بما تستطيعه

والا اخذ لك فنجال واخرج مع الباب
نزه جنابك وارض ربي وسيعه

هل تعلم ان اهل التنابز بالالقاب
بين الاخوان يسببون القطيعه

والناقص اللي للعراقيب شذاب
غير جبل ولا تغير طبيعه

تلقاه نمام لا ودى ولا جاب
وان صار له فرصه خذاها ذريعه

والا حسود مفترى والا كذاب
ما يعجبه صيف الزمان وربيعه

.....

رد: اخترنا لكم شعر نبطي وفصيح
 

الحق يأتي له بعد حين طلاب
اليوم والا الصبح والا تبيعه

والرابح اللي لا ذكر زلته تاب
لا خالف سلوم ولا خالف شريعه

.....

رد: اخترنا لكم شعر نبطي وفصيح
 

وهامور الاموال وش عاد يتلفتله
امتص دم الضعوف وجاتله عاده

مادام هذا غلاها عاده شتله
اكيد لا جاء ثمرها غليت زياده

ياليت والله فلوسه عن ابن ختله
ماجد مطور طريب وباني امجاده

شيخ ليا احتاج ابن عمه وصوتله
ايواعده ويحضر قدام ميعاده

.....