|
رد: فوق هام السحب ( الشعر الشعبي) على متن القوافي
القلب زاره من الشوق مرسال
يامرحبا بالشوق وراع المراسيل هنا اقول الحب يبقى ولا زال وهنا يعيش الحب عزف ومواويل .... |
رد: فوق هام السحب ( الشعر الشعبي) على متن القوافي
بعض البشر طبعه مقدر ومحشـوم
وبعض البشر عيبٍ عليك احترامه اللي ستر عيبه عن الناس بهـدوم وش يستره لاصار عيبـه كلامـه |
رد: فوق هام السحب ( الشعر الشعبي) على متن القوافي
الله هو اللي وزع الرزق بقياس
ومن دنيتك ماتاخذ الا نصيبك ان زاد رزق الناس لاتحسد الناس الله حسيب الناس والله حسيبك .... |
رد: فوق هام السحب ( الشعر الشعبي) على متن القوافي
انا على كف الزمن عايش الجو
لو الظروف اقسى من اللي تجينا عشت الحياه وقلت ياخاطري سو محدٍ تفضل بالوناسه علينا .... |
رد: فوق هام السحب ( الشعر الشعبي) على متن القوافي
بنك المحبه لك على طول مديون
لو زاد صرفك مايخلص رصيدك انتي الذي يفداك ماملك بها لكون وانتي الوحيده اللي قلبي يريدك .... |
رد: فوق هام السحب ( الشعر الشعبي) على متن القوافي
خاويت بالدنيا خلايق وفارقت
انا الوحيد اللي لنفسي بقالي ماني بمحتاج البشر لاتضايقت اقدر اكمل نص عمري لحالي .... |
رد: فوق هام السحب ( الشعر الشعبي) على متن القوافي
الصمت صوت الصبور اللي بلاه الكلام
والصد عين الحليم اللي يقود العمى من يبغى يعيش بالدنيا رفيع المقام لاشاف بالارض غبنـه يرتفع لـ السما .... |
رد: فوق هام السحب ( الشعر الشعبي) على متن القوافي
ياليت عنـدي قلـــب ماعنـده احساس
من شان اطنـش من جرحنـــي غروره واتجاهل اللـي شاف حاله من الناس واصـد وجهـي واقهــــره في حضوره بس انخلق لي قلـب طيب وحساس فيه الوفــاء والطيـب ساكـن شعوره .... |
رد: فوق هام السحب ( الشعر الشعبي) على متن القوافي
لاتتبع المقفين وتقـول غاليين
مادامهم أقفوا هـمّ مرخصينك خلهم مثل مايرخصونك رخيصين أكبـر خساره تشتري بايعينك .... |
رد: فوق هام السحب ( الشعر الشعبي) على متن القوافي
انا على كف الزمن عايش الجو
لو الظروف اقسى من اللي تجينا عشت الحياه وقلت ياخاطري سو محدٍ تفضل بالوناسه علينا .... |
رد: فوق هام السحب ( الشعر الشعبي) على متن القوافي
عندي سؤال ومن له القدره يرد
وش رايكم في شخص يترك اخوته هل هو تكبر يوم انه يبتعد او هو اناني منخدع في قوته بالله قولوا رايكم وش تعتقد هل هكذا ربوه اهله واسرته .... |
رد: فوق هام السحب ( الشعر الشعبي) على متن القوافي
من خبر للحب دكتورٍ مداوي
من عشير حط وسط القلب كيه لعنبو ترف الحشا ماهوب ياوي قاسيٍ قلبه ولا به مرحميه صاحبي عرض على قلبي مكاوي ما سقاني من شفاياه العذيه واحدٍ دايم يرجوي بالعطاوي هو يمنيني ولا شفت العطيه .... |
رد: فوق هام السحب ( الشعر الشعبي) على متن القوافي
يمكن عنيده لكن اعشق عنادي
عندي ثقه بالنفس والاساس موثوق الله خلقني للقيم والمبادي أعرف حدودي واحترم كل مخلوق .... |
رد: فوق هام السحب ( الشعر الشعبي) على متن القوافي
ياليت إلي بالبنك اربع ملايين
واربع عماير كلهن بالعليا واربع حريمٍ كلبوهن مزايين ارداهن اللي مثل نجم الثريا .... |
رد: فوق هام السحب ( الشعر الشعبي) على متن القوافي
ماني مفتش في خفا كل مدسوس
ولاني براعي صحبة مالها ساس خذيت من وقتي تجاريب ودروس وعرفت وشلون اتعامل مع الناس .... |
رد: فوق هام السحب ( الشعر الشعبي) على متن القوافي
توسعوا يامدورين المشاريه
خذوا من ارض الله شبر واتركوني من يسمع اول هرجكم عاف تاليّه لكن قبل لا تسترشدون أسمعوني رضاكم الله لايحييه ما ابيه والبعد عنكم مايحرك شجّوني .... |
رد: فوق هام السحب ( الشعر الشعبي) على متن القوافي
لاعادها ظروف تاخذك ولا عاده فراق
الفرحه تشح والضيقه تجي تدهر والله من رحت والروتين ماله مذاق الصبح ماينقعد والليل ماينسهر .... |
رد: فوق هام السحب ( الشعر الشعبي) على متن القوافي
يكفيك عن بعض الردود ابتسامه
والرجل ماكل السوالف تهزه ناسٍ تعاملها بقدر و كرامه وناسٍ تجاهلها لنفسك معزه المحترم يفرض عليك احترامه وترفاه عن شيٍ بنفسه يحزه والمجلس اللي ماينومس مقامه عجل بفنجالك وكرّم وهزه .... |
رد: فوق هام السحب ( الشعر الشعبي) على متن القوافي
متابعيني كلهم قمة الذوق
من حبهم حتى التواصل هويته اناوهم تشبيه عاشق ومعشوق وغلاتهم داخل خفوقي بنيته هذا كلام القلب من كل الاخفوق من قلب صادق بالمحبه حكيته ارسل لهم حبي مع كامل الشوق لكل غالي في حياتي هديته بقلمي |
رد: فوق هام السحب ( الشعر الشعبي) على متن القوافي
انشهد ان الوقت هذا تغيّر
ياراحت الميت ويابلشة الحي حتى ولو جيت ابن عمك مسيّر قالو ترى ماسير الا يبي شى .... |
رد: فوق هام السحب ( الشعر الشعبي) على متن القوافي
مثل البريق اللي على طلعة الغاط
ابريق شاهي بس مافيه شاهي ديكور ماهو حق جلسه ومقلاط على الطريق مصمم ٍ للتباهي .... |
رد: فوق هام السحب ( الشعر الشعبي) على متن القوافي
أحيانًا الصمت هو افضل وسيلة هروب
عن قولة الناس هذي ليت ماقالها والكلمة الطيّبة مـفـتـاح كـل القلوب لـو انّها كـلّ يـوم تـبـدّل أقـفـالـهـا .... |
رد: فوق هام السحب ( الشعر الشعبي) على متن القوافي
الصمت أدب ومعاندك بالخطا عيب
وشيمتك عن زلة رفيقك جماله وإن ماقدرت تجازي الطيب بالطيب باب الخطا صكه وقفل مجاله .... |
رد: فوق هام السحب ( الشعر الشعبي) على متن القوافي
جنوبية ﺗﺴﺘﺪﺭﺝ ﺍﻟﻐﻴﻢ ﻭﺗﺼﻴﺪﻩ
ﺗﺮﺳﻢ ﻧﺠﻮﻡ ﺍﻟﺴﻤﺎ ﺷﻌﺮ ﻭﻗﻼﻳﺪ ﺣﻠﻤﻬﺎ ﺗﻜﺒﺮ ﺗﺒﻲ ﺗﻜﺘﺐ ﻗﺼﻴﺪﻩ ﻟﻴﻦ ﻛﺒﺮﺕ ﻭﺍﻧﻜﺘﺐ ﻓﻴﻬﺎ ﻗﺼﺎيد .... |
رد: فوق هام السحب ( الشعر الشعبي) على متن القوافي
لاتلومني لاجيت كلي من أقصاي
مافيـه غيرك لاتضايقت جيتـه جيتك ولا غيرك ذكرته بمسـراي جيتك وكل إنسان غيرك نسيتـه جيتك وأنا ماني بـ أنا تايه الـراي جيتك وأنا مدري وش اللي بغيته .... |
رد: فوق هام السحب ( الشعر الشعبي) على متن القوافي
الناس تفرح ب الرواتب وانا اضيق
اموزعه كله قبل لايجيني امشي الدنيا بسلفه وتلفيق وأقول من حافزك يمه عطيني .... |
رد: فوق هام السحب ( الشعر الشعبي) على متن القوافي
لك من عطور الشعر ماينعش الروح
ولك من مواجيب الغلا نبض واحساس ولك في خفوقي بيت مازال مفتوح مايسكنه غير انت يانقوة الناس .... |
رد: فوق هام السحب ( الشعر الشعبي) على متن القوافي
أتركوني فالصغار من الأمور مغيّب
وأذخروني لا احتمى ضرب السنين القشره ودك إن اللي يحز الخاطر من قريّب مايجي بينك وبينه سَلم ولا عشره صرت مثل الطيّب اللي في محل الطيّب ورعهم يخطي عليه ومستحي لايشرهه .... |
رد: فوق هام السحب ( الشعر الشعبي) على متن القوافي
تحبك الارض والغيمه وسرب الحمام
وتشتاق لك عاصمة نجد ومطاراتها ويشتاق لك كل حيٍ في طريق الامام وكل الاماكن مبانيها ولوحاتها وقلبي وانا يااخر احبابي ومسك الختام ونفس معك شفها واغلى طموحاتها ماني بحبك شوي الا علي الحرام انك دواي وهوى نفسي ومشهاتها .... |
رد: فوق هام السحب ( الشعر الشعبي) على متن القوافي
ذكريات العاشق اللي ماتمحاها السنين
تنطح العاشق مع الوجه ولّا تختله يدري ان مايقتله شوق وغياب وحنين التفاصيل الصغيرة هي اللي تقتله .... |
رد: فوق هام السحب ( الشعر الشعبي) على متن القوافي
خوفي من الله وإتكالي على الله
لاخايفٍ هذا ولا راجياً ذاك ياخالقي يرجع لك الامر كله المد مدك والعطايا عطاياك .... |
رد: فوق هام السحب ( الشعر الشعبي) على متن القوافي
اقفت نجوم القيض واقفت سمومه
وسهيل جاء له بالهبايب ذعاذيع من لامني فالبر ربي يلومه الـبر طب ٍ للقوب المواجيع .... |
رد: فوق هام السحب ( الشعر الشعبي) على متن القوافي
الجاهل اللي يخونه سوء تعبيره
خلك معَ غلطته لاجتك متساهل تراك وان كان عاملته بتفكيره ماعاد تدري من اللي فيكم الجاهل .... |
رد: فوق هام السحب ( الشعر الشعبي) على متن القوافي
لاصرت طيّب وقوت أعيالك أيسدهم
هذي ترى نعمةٍ في حدها كافيه تحّمد الله ترى به أغنيا ودّهم بفلوسهم يشترون الستر والعافيه .... |
رد: فوق هام السحب ( الشعر الشعبي) على متن القوافي
اسمع واشوف وكن مانيب شايف
سوالف سجلتها ضد مجهول سد المغفل مثل باب مسايف ماغير دفه ينفتح لك على طول .... |
رد: فوق هام السحب ( الشعر الشعبي) على متن القوافي
عوّدت نفسي ما تحسّف على شي
لأن العمر مايحتمل للحسايف بعيش لحظات الفرح دامني حي وبزرع الضحكه بجرد الشفايف ولا ألحق الهقوات شيٍ ماهو لي ولاعدت اجزع من فراق الولايف إن غاب غالي فـ الحزن باخذ شوّي أيام وتروّح علومه طرايف .... |
رد: فوق هام السحب ( الشعر الشعبي) على متن القوافي
مزاجي بحاجة لدكتور نفساني
يرتب أفكار مافكرت أرتبها احيان أصلح علاقاتي على شاني وأحيان ما ارتاح لين إني اخربها .... |
رد: فوق هام السحب ( الشعر الشعبي) على متن القوافي
يالله بوسمٍ مبكّر قبـل ميعاده
نشوف سيله ونفرح في تباشيره يسقى جذور النبات وتزهر اعواده والأرض تخضَرّ بامر الله وتقديره ويزين جو الخلا ويذعذع بـراده من بعد قيضٍ حبسنا داخل الديره .... |
رد: فوق هام السحب ( الشعر الشعبي) على متن القوافي
رأسي الليله مزاجه راعيً سوداني
لابس ثوب جديد وشنطته في كفه لاتحاول تقنعه يصبر ليومً ثاني سلمه باقي الحساب ووصله لـ اللفه .... |
رد: فوق هام السحب ( الشعر الشعبي) على متن القوافي
ذبحني الشوق واتعبني وعناني
كله على شان حبك يابعد حالي أبا اعترفلك وأبا اقول لك بلساني إني أحبك وحبك مشغلن بالي .... |
| الساعة الآن 11:19 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية