رد: اخترنا لكم شعر نبطي وفصيح
 

يا نسيم الليل سلّم لي على اللي ما نسيته
وبلّغه شوقي وبشّرني لعله ما نساني

واهنيّك يوم تاصل ديرته وتمرّ بيته
أما انا شفقٍ على شوفه وحاديني زماني

ما أبغي الا اللي لامن غيره بغاني ما بغيته
أشري اللي باعني لجله وابيع اللي شراني

فاطمٍ قلبي على حبه وحُب حيّه وميَته
كن ما غيره على قيد الحياة انسان ثاني

وانء بغيت الصبر والسلوان دونه ما قويته
صورته في عيوني الثنتين واسمه في لساني

.....

رد: اخترنا لكم شعر نبطي وفصيح
 

أبي راس مالي عقب ما أفلست من الأرباح
ومحاجر عيوني بأزرق الدمع غرقانه

وعين تكحلها عييرن الندم وترتاح
لو تظهر عليها نجمة الصبح سهرانه

حسافه على المسرح وحسره على المسراح
ووجودي وجود اللي فقد خيرة أخوانه

ياليت الزمن طير يحول على الملواح
برده ولا ادري ويش ارده على شانه

.....

رد: اخترنا لكم شعر نبطي وفصيح
 

ماني بقلط الرجال واضحك له لأجل مده
ادسم مخلبي وإلا آتلحف ريش جنحاني

ودون الدم والعرض النزيه وهيبة البده
ارحب بالقشر ترحيب قوماني لقوماني

ورفيقي لا عمدني الخطا مالحقه حده
أخفي زلته وأرفى خماله والعمر فاني

أجنب عنه وإلا اشد والشده هي الشده
صيور الغرب وحبال المحاله تتعب الساني

فجوج الله وسيعه والحصان بشده وعده
أفاوله المفارق واذكره لو كان ينساني

.....

رد: اخترنا لكم شعر نبطي وفصيح
 

اعتزلت الناس واسرفت في نظم القصيد
من هجوس في ظميري تفوح دلالها

بين تجار الردى مالي أسم ولا رصيد
ما أعرف ارسال النميمه ولا استقبالها

اعرف رقم الحواله واسم المستفيد
في اعتقادي كل حسنه بعشر امثالها

أثرها نار على كف شيطان مريد
الله يخلي لبعض الرجال رجالها

هيه ياللي غرك الوجد واغراك المزيد
شرهة اجمال المحامل على جمالها

اضرب سمان المعاريف بيد من حديد
والثقة يبس شجرها وهد جبالها

واعزف أوتار المناقيد واطرب من جديد
غن للشرهة ومول على موالها

واذبح الحشمة من أقصى الوريد الى الوريد
وقيد الشيمة وكثر عقود حبالها

تحسب انك متعب الخيل والسيف الحديد
وانت كاين حي في حالة يرثى لها

مهرة جود رسنها العنيد ابن العنيد
إتعقب منت بفحلها ولا خيالها

.....

رد: اخترنا لكم شعر نبطي وفصيح
 

حنا عيال ادم وحوا كلنا مابه فرق
يا شيوخ يا باشات يا سادات مادري يازلم

الم ترون انه خطا في الوجه تسكير الطرق
الم ترون الم ترون الم والم والم والم

الم ترون ان التكبر شرك لونه برق
شركٍ بمن نزّل عبس وانزل تبارك والقلم

يابهوات ايش رايكم ناخذ لنا صكت ورق
والمنهزم ياخذ من الفايز على وجهه الم

.....

رد: اخترنا لكم شعر نبطي وفصيح
 

يكفيني أني مالحقتك بنقصان
‏وحتى الخطا منك قبلت وعذرته
‏
‏وعلى كثر ما صابني منك خذلان
‏الا ان قلبك بالجفا ماكسرته

‏حاولت اداري خاطرك قدر الامكان
‏ويا للأسف طيبي جحدت ونكرته

‏رح والدروب وساع والطيب ومعان
‏ولا تلفت في قلبي اللي دمرته

.....

رد: اخترنا لكم شعر نبطي وفصيح
 

قلبي اللي لواه مْن الصواديف لاوي
جرّحته الليالي و الحظوظ الرديّه

و الله أنّي بوسط الناس كنّي خلاوي
من يلوم المفارق عقب فرقا خويّه

أشهد ان المفارق من عظيم البلاوي
مير هذا نصيبك يالعيون الشقيّه

أتجلّد و أقول أنّي على البعد قاوي
و الله أعلم بقلبٍ فيه الأشواق حيّه

.....

رد: اخترنا لكم شعر نبطي وفصيح
 

تاتيني الضيقه بلى سبّه احيان
‏مدري وش اللي ضايقٍ منه صدري
‏
الضيق زايد والحزن مالي الاجفان
‏واليا سألوني بالسبب قلت مدري
‏
والصدق مدري وش الاسباب للآن
‏ولا قيل وش بك مختفي وش عذري

‏انا اعتذر ياناسي ظروف الانسان
‏زادت علي همومي وزاد كسري
‏
ياصدر ضايق باقي الشيب مابان
‏ياصدر خف الضيف وشفيك بدري

.....

رد: اخترنا لكم شعر نبطي وفصيح
 

‏من دموع الوداع ومن جرُوح السنين
‏يبحَث الوقت خافي واحد ماحكى

‏ ادري إن العربَ ماتدري اني حزين
‏ اتعامل مع حزنيِ بصبر وذكى

‏ ممتلى ذكريات وضيقه ودمع عين
‏ وموجع صدري الي للعرب ماشكى

‏ اسعفوني بقلبً مايعرف الحنين
‏ واسعفوني بعين ماتعرّف البكىَ

.....

رد: اخترنا لكم شعر نبطي وفصيح
 

ماني ضعيف إيمان لكني انسان
‏تجرحني الكلمة ويقتلني الظن

‏قصة مشاعر خلفها الف خذلان
‏عاشت وكبرت مثل مايكبر السن

‏انا ضحية صمت في ظلم الأزمان
‏صابر واقول الجاي يارب احسن

‏ياكثر شرهاتي علئ ماضي كان
‏وياكبر هقواتي علئ احلام ماجن

.....

رد: اخترنا لكم شعر نبطي وفصيح
 

‏صحيح ما عندي سبب للحزن لكني حزين
‏احس بالضيقه وانا والله ما اعرف اسبابها

‏مدري بدايه ياس ولا شوق ولا قل دين
‏ولا ان نفسي من عيون الناس شيٍ صابها

‏قلبي غدا مدينه اشباح وبقايا راحلين
‏مدينةٍ ما تسمع الا صوت صفق ابوابها

‏اللي خذا منها غرض واللي ترك فيها حنين
‏واللي رمت للريح سبحتها على محرابها

‏يا نفس مدري اسوي بك ولا ادري وش تبين
‏اتعبت عمري فالامور اللي مغير اسعى بها

‏ان جتني الاحلام اقلطها على سمن وسمين
‏وان كأنها ماجات لابوها لابو من جابها

.....

رد: اخترنا لكم شعر نبطي وفصيح
 

‏كانه سأل قله انا بكل الاحوال
‏طيب عسى ما شافت الهم عينه

‏ولو ما سأل لا تنتظر مني وصال
‏بيعينني ما كان قبلي يعينه

‏من يوم هان الدمع في عين رجال
‏ما عاد للقياء والأحلام زينه

‏ما إخترت نبعد يوم الحق ينقال
‏ما اختار للفرقى دروب ومدينه

قولو له اني ما تكلمت وان طال
‏كل الكلام اللي يعز ويهينه

‏في لحظه ما وافقت حال بحال
‏وكل مشى دربه وقلبه بيدينه

‏لا لا تضيق صدور ولا ينشغل بال
‏راح الزمان ان عاد فيني حنينه

‏ما كان يسوى فراقنا بكل الاحوال
‏لو هو ذبحني دمعه بوسط عينه

.....

رد: اخترنا لكم شعر نبطي وفصيح
 

‏والله من قلبٍ من الوقت مفجوع
‏والله من نفسٍ تزايد وجعها

‏متغيرٍ حالي من أسبوع لسبوع
‏والناس كني كارهن مجتمعها

‏بلا شعور أجلس مع الناس وأفوع
‏وأكتم جزع نفسٍ تزايد جزعها

‏فقدت لي حرّ على الصيد باتوع
‏والأرض عقبه ضاق بي متسعها

‏ما كني الا اللي على الوجه ملفوع
‏أقدار والأقدار محدن منعها

.....

رد: اخترنا لكم شعر نبطي وفصيح
 

أون ورياح الليالي توِّني
والبرد في جوفٍ كما الغار خاوي

ما كن لي قلبٍ ولا عقل كني
جذع وقف في وجه الايام ذاوي

وبي عبرةٍ محبوسةٍ تمتحني
في عيني وحلقي وصدري شكاوي

وبي من قديم الوقت جرحٍ مكّني
وبي من جديد أيام وقتي مكاوي

إن قلت زانت خالف الوقت ظني
وإن قلت هانت عاجلتني بلاوي

أجامل أيامي ولا جاملني
هامت بي الدنيا هيام الخلاوي

الوقت جاير والليالي اسهرني
والحزن ما بين الضلوع متلاوي

أون وكلٍ يحسب إني اغني
عليل وكلِ يحسب إني مداوي

.....

رد: اخترنا لكم شعر نبطي وفصيح
 

الشِّعر الانسان كسر انسان متسوّي
عشان يجبر خواطر ناس مكسوره

راحت ثلاثين يا عمري و انا توّي
طِفل يتلمّس على سطح الورق صوره

أضوا من الشمعدان و شمعهم ضوّي
و اصدق من الشاعِر المتواضع غروره

شوفي وانا ما كتبت احلاك متبوّي
عَرش اعذبه وانتي بشاعِرك مغروره

......

رد: اخترنا لكم شعر نبطي وفصيح
 

إن كان ما قدّرت لحية بناخيك
ما أنته محشّم وجه غيره بلا شك

خلاص ماأنته حول هاذي ولا ذيك
يا صاحبي لا عاد يكثر نقاشك

كبّر فراشك و أنسدح لين يأتيك
الموت و أنته منسدح في فراشك

خل الغنايم من نصيب الصعاليك
قوماً تطل بربع نظره معاشك

.....

رد: اخترنا لكم شعر نبطي وفصيح
 

حتى الورود تغار من وجه شادن
في كل حال أجمل من البدر واغلا

أموره أغلى من نفيس المعادن
أحلى من التفكير في كلمة احلا

.....

رد: اخترنا لكم شعر نبطي وفصيح
 

لو إن السعاده والآماني تجي بفلوس
لكانت بسيطه كل واحد يدبرها

على الهون يادنيا تدوس إبن آدم دوس
لو إنه يعرف أسرارها ما يعمرها

لكنّ السعيد اللي عطته الحياة دروس
أخذ ما يكفي حاجته ثم يهجرها

.....

رد: اخترنا لكم شعر نبطي وفصيح
 

اللي نشوفه في نفوس الأكثرين
يدمي العيون ولا يبشر بالسعد

مثل المحبه في قلوب الضرَتين
حقد وحسد لا بارك الله بالحسد

أشوف هاذا في كثير المسلمين
رغم إنهم بأعز حال وفي رغد

والله ماهي من صفات الغانمين
والحقد ما يترك لخلق الله سند

.....

رد: اخترنا لكم شعر نبطي وفصيح
 

ابوي وصّاني قبل تثبت أخطاي
من عرض ما وصّاني الله يثيبه

علمني إن اصل السعاده بدنياي
لا صار نفسك من صلاتك قريبه

وأهتم في ربعي ولا أكثّر أعداي
ربعي حزامي بالليالي الصعيبه

إن كان مدة كأسة الطيب يمناي
لا تنتظر لا عوّدت ويش تجيبه

.....

رد: اخترنا لكم شعر نبطي وفصيح
 

يا رب عيّشنا بخير وخذ نواصينا لخير
عند الرحيل أسألك تلهمنا جواب الأسأله

والله ما ينحاش منها لا صغير ولا كبير
تجيك والأحباب فوق القبر والجسم أسفله

من ربك و ما دينك و من بُعث فيكم بشير
ثلاث يُكشف من بعدها عن مُصير المنزله

.....

رد: اخترنا لكم شعر نبطي وفصيح
 

أقعد يسار وخلها تجلس أيمنك
من قبل تدخل باب بيتك عظيمه

غير المحبه والغلا وش تبي منك
متى تعلمت الوفاء يا البهيمه

ازعلتها ربي يعّيشك في ضَنِكْ
وخذلتها بعد الحياة الكريمه

.....

رد: اخترنا لكم شعر نبطي وفصيح
 

الهلائم يظهرون ويختفون
مع سقوط الأقنعه تسقط بحت

يا عديل الروح يا القلب الحنون
يا بخت عيناً على عينك صحت

تدري إنك مثل رمشي والعيون
حافظين النون من فوق وتحت

لو نصف حساب للي يعذلون
كان شطبت العلاقه وأنتهت

.....

رد: اخترنا لكم شعر نبطي وفصيح
 

اسمع نصيحة من يحبك بالمفيد المختصر
لا عاد تزعل وأنت تدري ما على الدنيا آمان

افرح و جامل و اسفهل و خلها رحلة عمر
ما أنته مطولها ثوان ولا مقصرها ثوان

ولا تغرك الدنيا تراها ما وراها إلا القبر
لا تطلق لسانك ترى أكثر ما يدهورك اللسان

.....

رد: اخترنا لكم شعر نبطي وفصيح
 

تمضي الأيام و أحنا غافلين
و ما ذكرنا الأخره و أهوالها

ليتنا نذكر مصير الأولين
إنطوت صفحاتهم بإعمالها

الف واربع مئه وخمسه وأربعين
أبتدأت و اليوم هل هلالها

عمّروها بالتسامح و اليقين
لا تزل النفس عن منزالها

.....

رد: اخترنا لكم شعر نبطي وفصيح
 

لا تضيق صدوركم يا أهل الغرام الصافي
طالما النيات بيضاء و المشاعر حيّه

من يبي قربك يبادلك الشعور الدافي
و ما يهمه ويش تقول العالم الدونيه

الزمن هذا ليا جاك الصدوق الوافي
أحفظه مثل الأمانه ما تحّصل زيّه

.....

رد: اخترنا لكم شعر نبطي وفصيح
 

ما هو لزوم إنك تمادى بالخطأ وأتعب وراك
ترى المهم إن الصداقه في شروط مقننه

يا كثر غلطاتك علي وكل صبري من غلاك
و الا انا في كفي اليمنى رماح مسننه

إن كأنها بمصامخ الأبطال تبشر في عماك
وإن كانها بالطيب مد الطيب يأصلك ثمنه

.....

رد: اخترنا لكم شعر نبطي وفصيح
 

ما ينخلق في داخل الجوف قلبين
ما هو بقولي قول رب البريه

اهل النوايا الطيَّبه فالهم زين
و اهل الرديه يحترون الرديه

دار الزمان و بُدل الزين بالشين
حتى الخوي ما عاد يأمن خويه

.....

رد: اخترنا لكم شعر نبطي وفصيح
 

‏ليت وجهك ما يخون الذاكرة ويقرّب
لأجل أعيش العمر كله مستريح وهادي

لو قضيت الوقت أقارن بالبشر واجرّب
كل وجهٍ لو أصفه جنب وجهك عادي

.....

رد: اخترنا لكم شعر نبطي وفصيح
 

بعض البشر قلبه من الحقد عايب
لا فيه طب وقلبه أسود من غراب

عنده نجاحك من كبار المصايب
وأذا سمع مدحك من الغير ينصاب

لولا الحيا سالت دموعه سكايب
مسكين من نار الحسد ماكل تراب

.....

رد: اخترنا لكم شعر نبطي وفصيح
 

يابحر ماني نادم ان فات مافات
نص الحزن راح العمر ما شرحته

مبطي هذاك الحلم في ناظري مات
ابكي علي فقده وانا ما فرحته

تدري وش اللي يشغلن كل الاوقات
اندم علي قلب الوفي لا جرحته

.....

رد: اخترنا لكم شعر نبطي وفصيح
 

يا شوق يدفعني على شوفك أشواق
والقلب عندك يتلع الجيد ماسوق

أنا لشوفك طول الايام مشتاق
عليك لي واجب وعندي لك حقوق

واجبك تفرج ضيقة الصدر لى ضاق
وانا عليّ أرفعك بين الملا فوق

قلبي عليكم بين الاضلاع خفّاق
حلو الكرا من فقدكم حارب الموق

في ناظري غيرك من البيض ما لاق
ما شاقني غيرك من الناس مخلوق

للحب بعيون المحبين مصداق
النظره أبلغ فيه عن كل منطوق

حرام ما مثلك مشى وسط الاسواق
بين العذارى كامل الزين والذوق

بيني وبينك ياهوى البال ميثاق
عهد الغلا مابين عاشق ومعشوق

.....

رد: اخترنا لكم شعر نبطي وفصيح
 

يحق لك يا ام الرموش المظاليل
سلي مظاليل الهدب واطعنيني

انا قطعت لشوفتك هجعة الليل
وانتي زرعتي ليل الاحزان فيني

لا تتركيني لليال المقابيل
صدي تغلي بس لا تتركيني

كل المشاكل في عيوني تساهيل
دامك بخير وساكنه وسط عيني

اشواق صدري قامت تحط وتشيل
وانا الذي لا اشتقت لك تعرفيني

لمصافحك بعانق الحزن والويل
حتى لو افني ما بقى في سنيني

مادامك اقربلي من الجدي وسهيل
بيجيك يوم وبلمسك في يميني

من يعشقك تسهل عليه الغرابيل
ويكفيني انك بس ما تجرحيني

وانا بلا نقص بجميع الرجاجيل
اطلق شنب ما ياخذج من يديني

لاني ليا حبيت حبيت بالحيل
ودامي عشقت استاهل اللي يجيني

حامد زيد

رد: اخترنا لكم شعر نبطي وفصيح
 

بلّغ سلامي للرجال المواجيب
أهل الفعول الطيبة والفريدة

اللي مجالسهم تفوح بـ الطيب
ووجيههم بيضا والملامح سعيدة

حنا هل الطولات وأهل التراحيب
وقت الرخا وأيامنا الشديدة

نندا على صوت الضحى للمعازيب
والجار له حشمة وقيمة أكيدة

ما نعرف دروب الردى والعذاريب
ونمشي على درب السلف والعقيدة

ورث ورثناه من معطّبين المضاريب
ساسٍ من ماضي الوقت حنا نشيده

والضيف ليا جانا له القدر والمواجيب
نقلط له اللي ما نحسب رصيده

من حاتم الطائي كسبنا المكاتيب
بالجود والإحسان وهذي وكيدة

وإن ثارت الهيجا وجتنا المناكيب
نارد حياض الموت ونجر بيده

سيوفنا تروي عطاش المشاهيب
وخيولنا تعرف نهار الوقيدة

.....

رد: اخترنا لكم شعر نبطي وفصيح
 

‏ليت الزمان الي مضى يرجع اليوم
‏وترجع لنا ايام القلوب النظيفه

‏ايامنا هالحين ظالم ومظلوم
‏ونيات بعض الناس ماهي عفيفه

.....

رد: اخترنا لكم شعر نبطي وفصيح
 

رفيق الرخاء لو عد نفسه من العراف
تبين علومه في الصعايب وفي الخوه

.....

رد: اخترنا لكم شعر نبطي وفصيح
 

البيوت اللي تضيعها الحواري والمدينه
شرقّت بارض القصيد وغربّت باللي كتبها

جيتها منا ومنا وابتلشت بكلمتينه
لا قدح للنار درب ولا سلمنا من لهبها

في شماله لعنتين ومغفرتها في يمينه
راحة ٍ قال يتغانمها وعود ّ في نشبها

لو تبيّن وجهه البارح كسرنا له يدينه
مير غطاه الظلام وعني عيونه حجبها

لو يدينه بعض علمه بعض علمه مايدينه
مختلط حابل رواياته بنابل من نسبها

لكن اعراس الخطايا لوحت لي بالحزينه
بنت ابوها والمسافه والزمان اللي نهبها

.....

رد: اخترنا لكم شعر نبطي وفصيح
 

انشد منيره عن اللي قال ذا لا تخسرينه
والحظيظ اللي تهنا حقق الحلم وجذبها

خذت حينك بعد حيني يوم حيني بعد حينه
والكراسي في زمن دوار نضحك من عجبها

لكن افهم والحروف اللي كتبنا لك رصينه
لا تعودها وربي لا حرقك داخل حطبها

القصيد اللي عسفته لي تمايل كفتينه
والعلوم الباقيه ماظنتي تسوى عتبها

.....

رد: اخترنا لكم شعر نبطي وفصيح
 

جاء يعايدني وهو يختال في ثوبٍ جديد
قال أظنّك ناسي أن اليوم هو عيد الضحيّه

قلت وش تفرق ثلاث سنين معك أعيش عيد
كلّ يوم ٍ يابري حالي تجيب العيد فيّه

.....

رد: اخترنا لكم شعر نبطي وفصيح
 

يا يبه وان قصرت ايديني ودارت بي المصايب
بارمي اعذاري على الغربه وقلّ المقدريّه

هاجسي المذنب رجع دمعة طفل بعيون شايب
وإغتسل من نزعة ذنوبه وتاب من الخطيّه

.....