رد: فوق هام السحب ( الشعر الشعبي) على متن القوافي
 

‏تعبنــا من الدنيا علينـا تســوق اللــوم
ضغــوط الحيـاة وحـالة النــاس تعبانه

ولغبنا من اللي يعطف القوم فوق القوم
عيونه بشوف العيـب والبغــض مليــانه

وصبــرنا وقلنا يا عسى الجاي غير اليوم
على شـان بعض الناس وايضآ على شانه

ومشينـا على عادات اهلنا وفــا وعـزوم
نعــز الرفيـق ونحسـب انا من اخــوانه

ونحـمي الصديق ولو غلط تونا محشوم
وايش الطيـب لوما صرت بيته وعنـوانه

لان الحيـاة اتــزول .. والباقيــات تـدوم
ولا بــاقي .. الا رحمــة الله ســبحــانــه

......

رد: فوق هام السحب ( الشعر الشعبي) على متن القوافي
 

اثر البيوت بدون اهلها ولا شي
يجلب محبتها غلا من سكنها

في مامضى نشفق على البيت والحي
واليوم لا مريت صديت عنها

......

رد: فوق هام السحب ( الشعر الشعبي) على متن القوافي
 

عزالله إني نمت نومه واناحاج
‏الذّ نومه نمتها في حياتي

‏حلمت بالجنة وانا لابس التاج
‏والله مسامحني على سيئاتي

‏لاحدٍ يصحيني قبل بعث الافواج
‏في نومتي حققت كل امنياتي

‏ماودي ارجع للمشاكل والازعاج
‏ويصير حلمي شي من ذكرياتي

‏روحو ونامو بالفنادق والأبراج
‏وانا اتركوني نايم في حصاتي


‏⁧ نايف ابا العون ⁩

رد: فوق هام السحب ( الشعر الشعبي) على متن القوافي
 

أرسلت لك شوقي ولك تم الأرسال
‏بس الغـلا كـيف الغـلا يـرسلــونـه

‏مـاهو مجـرد شعر يرســل بجوال
‏ولا مـن اهل المدح ذي يمدحـونه

‏أغليك مـن قلـبي غـلا قول وفـعال
‏ والطيـب مثـلك بالـوفا يذكــرونه

......

رد: فوق هام السحب ( الشعر الشعبي) على متن القوافي
 

النيه الطيّبه مــن طيـــب منبعهـــا
وكلّن على قدر طيبه يسرج خيوله

مـثل القصيده يدلّـك طيب مطلعها
عنها وتبقـى بكـل لسـان مقيــولــه

......

رد: فوق هام السحب ( الشعر الشعبي) على متن القوافي
 

لاتســـــمع الي قال واللي يقولون
بعض البشر ماهمـــهم غير قالــــو

ولا تميل لو شفت الخلايق يميلون
خليك جبل في ضــلك الناس مالؤ

.......

رد: فوق هام السحب ( الشعر الشعبي) على متن القوافي
 

‏اخاووووي اللي ما تغيرّ مباديه
واسراااارنا فالعمر بير وغطاها


يفهم مبادي نظرتي قبل احاكيه
يعني قبل لا اقوووولها له قراها

.....

رد: فوق هام السحب ( الشعر الشعبي) على متن القوافي
 

الضرس لامنه دخل وسطه السوس
مافيه طب الا تشيله بسوسه

هذا زمانٍ يعطي العالم دروس
والرابح اللي يتعظ من دروسه

......

رد: فوق هام السحب ( الشعر الشعبي) على متن القوافي
 

لا تكــره الدنيـــا ولا تلعــــن الناس
لِ آلحين فيها ناس مثلك نظيفة

و كانك تفكر وين تقدير الاحساس
غيرك يفكر وين ياكل رغيفـه

......

رد: فوق هام السحب ( الشعر الشعبي) على متن القوافي
 

‏أحب راعي الوفـاء و أحـب منهاجه
واقــدر الطيب المطنــوخ واحشمه

واللي يسد اللزوم ويقضي الحاجه
بلـغ سلامي عليه وحب لـي خشمه

......