|
رد: فوق هام السحب ( الشعر الشعبي) على متن القوافي
حظ من حول لوجه الله تعالى دمعه
وكل ماضاقت به الدنيا سجد ماكلّم وتدري الخسران منهو في نهار الجمعه اللي ماصلى على وجه الرسول وسلّم اللهم صل وسلم وبارك على نبينا محمد |
رد: فوق هام السحب ( الشعر الشعبي) على متن القوافي
نكتم ونشكي من الاحزان في خلوة
واليوم في صمت لانكتم ولا نشكي لو ان دنيا الشقا يا صاحبي حلوة ماكان شفت الطفل يولد وهو يبكي .... |
رد: فوق هام السحب ( الشعر الشعبي) على متن القوافي
ان مر طيفي على بالك بليلة ربوع
اسأل غرورك وش الدنيا بليّا متاع وأنا بحافظ على جرحك مابين الضلوع وإليّا ذكرتك تنحرت الفجوج الوسـاع .... |
رد: فوق هام السحب ( الشعر الشعبي) على متن القوافي
لاتامن الدنيا وحظك والمصير
دنياك مهي طول وقتك صافيه تكبر مثل مايكبر الطفل الصغير وتصغر من عقول الكبار العافية .... |
رد: فوق هام السحب ( الشعر الشعبي) على متن القوافي
ياما هقينا ف الاوادم وياما
راحت هقاوينا لاهذي ولا ذي ي صاحبي حنّا ماحنّا يتاما بس الليالي تطوي عزومنا طي ليت الليال القادمه والقداما ترفق على الوافين وتهدّي شوي وليت الظروف اللي تمر النشاما تمر ناسٍ لانشاما ولا شي .... |
رد: فوق هام السحب ( الشعر الشعبي) على متن القوافي
ادري كبرت وصارت احلامي كبار
وبديت احس ان الليالي عجوله واللي اكتشفته بعد ما هالعمر دار إن اجمـل سنين الحياه الطفوله بقلمي |
رد: فوق هام السحب ( الشعر الشعبي) على متن القوافي
تجاهل الجاهل على شان ترتاح
واسمع من العارف لا منّه تكلّم لاتندفع تنطح لك صياح بصياح اصمت وحاول تستفيد وتعلّم .... |
رد: فوق هام السحب ( الشعر الشعبي) على متن القوافي
اقول ياصدري من الضيق لاباس
إن مرّ في بالك لحظن حزن غنّه لازم تذوق اللي يذوقونه الناس هذا الفراق اللي يقولون عنّه .... |
رد: فوق هام السحب ( الشعر الشعبي) على متن القوافي
ليت قلبي يشبه لـ قلب ابو نوم ٍ ثقيل
اللي لو يشب فـ اطراف ثوبه ماصحى بس انا من كثر ماني شقي نومي قليل والهموم تدور في خاطري دور الرحى صرت لـ الاحزان ملجى ولـ الضيقه عميل واتظاهر بـ السعاده وانا حالي محى وسالفة بـ اعدل النوم هاذي مستحيل والله يا بعض الليالي ماانام الا الضحى .... |
رد: فوق هام السحب ( الشعر الشعبي) على متن القوافي
إن زرعت الطيب في قلب الأصيل
لو تمر سنين على طيبك مانساه والردي لو ماي عينك له سبيل ينكر المعروف ووقفاتك معاه .... |
رد: فوق هام السحب ( الشعر الشعبي) على متن القوافي
بين القدوم وبين نار الانتظار
تمضي ليال العمْر وأخرها رحيل الدنيا هذي كنّها صالة مطار تْودع مْغادر وتستقبل بديل .... |
رد: فوق هام السحب ( الشعر الشعبي) على متن القوافي
ياصاحبي لوتذكر الناس ب الخير
ماكان أشوفك طول الأيام عابس رفرف بجنحانك على الغصن ياطير حلو الثمر ماطاح من غصن يابس .... |
رد: فوق هام السحب ( الشعر الشعبي) على متن القوافي
مايهز المشاعر مثل عذب الكلام
ليت كل الكلام اللّي يقال محسوب حرفك اللّي تدلى وارتوى واستقام غردت به حناجر وارتوت به قلوب .... |
رد: فوق هام السحب ( الشعر الشعبي) على متن القوافي
هبت رياح الشوق من روض الاحباب
واهتز غصن القلب من طيب ريحه سلام يللي زادني شوق واعجاب ويامرحبا باهل النوايا الصريحه .... |
رد: فوق هام السحب ( الشعر الشعبي) على متن القوافي
انت الذي قلت والله لو سماي امطرت
وتلاطم البحر بامطار السحاب الثقال ماحب غيرك ولا الفرقا ببالي طرت اما معك أنت ولا قبر تحت الرمال .... |
رد: فوق هام السحب ( الشعر الشعبي) على متن القوافي
خذيت من خير العلوم إعتبارها
وشفت من كل الوجوه المعانده وما عرفت الناس عند إختبارها كمى عرفت الكل عند المسانده .... |
رد: فوق هام السحب ( الشعر الشعبي) على متن القوافي
يا قــرة عيــون الغــلا مــانسيتك
أحس بأحساسك وانا في مكاني تبقى القلــوب كبار مهمــا جفيتك ويبقى غلاك بداخلي مــاجفــاني .... |
رد: فوق هام السحب ( الشعر الشعبي) على متن القوافي
الله يزيل الضيق عن شاكي الضيق
ويعوض الضايق سرور وسعادة ويحقق الأحلام للناس تحقيق ويزود الصابر صمود وجلادة .... |
رد: فوق هام السحب ( الشعر الشعبي) على متن القوافي
تفاصيل شخصيتي لو أخذ عليها زوم
يجوز أكتشف لغز التناقض ولا أحلّه َ غموضي يوضحني وصمتي سوالف قوم ورحيلي بدون عتاب وأسباب وأدلّه َ تكاثرت خذلاني وقفّلت باب اللوم ملامي على روحي وصبري على حِله َ من العمر كله ما أعرف كم باقي يوم لكن جعل باقي يوم يسوى العمر كله .... |
رد: فوق هام السحب ( الشعر الشعبي) على متن القوافي
ماني ضعيف إيمان لكني انسان
تجرحني الكلمة ويقتلني الظن قصة مشاعر خلفها الف خذلان عاشت وكبرت مثل مايكبر السن انا ضحية صمت في ظلم الأزمان صابر واقول الجاي يارب احسن ياكثر شرهاتي علئ ماضي كان وياكبر هقواتي علئ احلام ماجن .... |
رد: فوق هام السحب ( الشعر الشعبي) على متن القوافي
تربعي بين الحشى والأزارير
وأخذي على ترويقة البال فلّه وإلا أصبري بطيّر القلب تطيّير وأنتي تعالي وأجلسي في محلّه .... |
رد: فوق هام السحب ( الشعر الشعبي) على متن القوافي
يامل قلب ٍ يلوعه طاري الفرقا
كما يلوع الحمام الورق شيهانـه إن حوّلن حوّلت وإليا رقن ترقـا متعليّتهـن وهـي حدمه وجيعانـه على وليفٍ نحا مع روق عن برقا عليه عيني بصاف الدمع غرقانه أبوثـمـانٍ رهــاف ودقــةٍ زرقـــا موتي ولا صدته عني وهجرانـه .... |
رد: فوق هام السحب ( الشعر الشعبي) على متن القوافي
لاشفت لك مجروح حاول تداويه
داوه ولو من باب الإحسان داوه وإن شفت من يبكي ف لاتسأله ليه الدمع ماعمره نزل من فضاوه .... |
رد: فوق هام السحب ( الشعر الشعبي) على متن القوافي
المبسم النرجسي والنظره الخجلا
تناقضاتك تزيد اهل الهوى عله وش هو له تكٌحلين عيونك النجلا انتي الكحل في عيونك وهبه من الله .... |
رد: فوق هام السحب ( الشعر الشعبي) على متن القوافي
يالله بدعوه صادقه من ظهر غيب
من واحدٍ محبتا لك من الله تفتح لك ابواب السماء والدواليب وتظلك بيوم الحشر تحت ظله دعوة محبن ما وراها مكاسيب من قلب مؤمن لاخطا أستغفر الله .... |
رد: فوق هام السحب ( الشعر الشعبي) على متن القوافي
مؤمن بالقدر والصبر إتخاذي
مابعد ضيق الصدور إلا سعتها وش يحزّن خاطري والارض هذي كل حي ٍفوقها يرجع تحتها .... |
رد: فوق هام السحب ( الشعر الشعبي) على متن القوافي
دام المساء في حضوري شي ثاني
أنا حضرت واسعد الله مساكم يسعد مساء اللي يواصلني بذوقي ويسعد مساء اللي منور مسائي .... |
رد: فوق هام السحب ( الشعر الشعبي) على متن القوافي
خل الشماته يابن عمي وقل خير
ماتضمن اللي صابهم مايجينا يمكن تجي حاجاتنا في يد الغير من عقب ما حاجاتهم في يدينا .... |
رد: فوق هام السحب ( الشعر الشعبي) على متن القوافي
لي عدة ايام متعُومس ولا نمت زين
وليا اقبل الليل زاد الهم بين الضلوع فِي خاطِري شي مدري شوق ولا حنين ماباقي الا اردِف الونه واهل الدموع ماني بخايف من العذال والحاسدين خايف من الغيبه اللي مابعدها رجوع .... |
رد: فوق هام السحب ( الشعر الشعبي) على متن القوافي
يالله بدعوه صادقه من ظهر غيب
من واحدٍ محبتا لك من الله تفتح لك ابواب السماء والدواليب وتظلك بيوم الحشر تحت ظله دعوة محبن ما وراها مكاسيب من قلب مؤمن لاخطا أستغفر الله .... |
رد: فوق هام السحب ( الشعر الشعبي) على متن القوافي
ماعطيت المقبلين من اهتمامِي
ولا خذيت من الحظوظ الا القراده لايغرك ضحكي وصافي كلامي لي مزاجٍ ما عرف وش هو قناده ان رضييت ارسلت للعالم سلامي وان غضبت ارخيت راسي للوُساده .... |
رد: فوق هام السحب ( الشعر الشعبي) على متن القوافي
إذا تبيھا بالغزل انت مزيون
وإذا تبيھا بالادب أنت راقي وإذا تبيھا بـ الحلا أنت مجنون يعني على ماقيل كل شي راهي .... |
رد: فوق هام السحب ( الشعر الشعبي) على متن القوافي
من مُنطلق مالك شبيه ولا شريك
ذي قاعدة مدري متى وظّفتها عندي شُكر ماهو بلِك لوالديك افخم سلالهَ في حياتي شفتها .... |
رد: فوق هام السحب ( الشعر الشعبي) على متن القوافي
يامعشر اللي عمركم بالثلاثين
عن مجريات ايامكم طمنونا هل عمرنا فاول شبابه وبادين والا خلاص المجتمع مايبونا .... |
رد: فوق هام السحب ( الشعر الشعبي) على متن القوافي
الله خلق والله فـرق بين هالناس
والله جعل فيهم سمات ومواري فلا تنزعج لاشفت لك ناسٍ أنجاس لولا الردى مـا بـان للطيب طـاري .... |
رد: فوق هام السحب ( الشعر الشعبي) على متن القوافي
ماعاد تكْفي خرمة الراس فنجال
زيدوا مع الفنجال فنجال ثاني من دلةٍ في بطنها خمسة اشكال يطغى عليها لونها الزعفراني .... |
رد: فوق هام السحب ( الشعر الشعبي) على متن القوافي
لولا التغاضي بيننا والتسامح
ماشفت بين الناس ود ومحبه والقدر يبقى للكريم المسامح ومن يحترم الناس كلن يحـبه .... |
رد: فوق هام السحب ( الشعر الشعبي) على متن القوافي
ان كان عندك كلام بخاطرك خله
مافيه داعي انا مجروح من دونه بعيونك اشوف تلويح وفمان الله انا أعرف اللي يبي الفرقى من عيونه .... |
رد: فوق هام السحب ( الشعر الشعبي) على متن القوافي
ياقلبي لاتشره على كل مخلوق
كلن يشوف الناس في عين طبعه قلبي واعرفه ابيض اللون موثوق لايجرح اصحابه ولا يخون ربعه .... |
رد: فوق هام السحب ( الشعر الشعبي) على متن القوافي
ابتسم للوقت واضحك للحياه
لايروح الوقت في هم ونكد عيش يومك واحتسب للي وراه من يعد الوقت يبلش في العدد .... |
| الساعة الآن 01:23 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية