رد: اخترنا لكم شعر نبطي وفصيح
 

نفسي عن مجالس اهل السوء تمنعني
عن مجلس السؤواهل السؤ ممنوعه

أعزنفسي ولي شيمه وترفعني
يوم الدني شيمته ما هيب مرفوعه

لمجالس الطيب واهل الطيب تدفعني
تسعد وتنساق بالاشواق مدفوعه

اسعد بيوم براع الطيب يجمعني
اللي صفات الرجوله فيه مزروعه

رفيقي اللي علي العليا يشجعني
كل الخصال الحميده فيه مجموعه

اخذ منه راي واعطيله ويسمعني
وله كلمتن غاليه عندي ومسموعه

ابوي عن رفقت الخايب مودعني
ما رافق اللي قصيرٍ فالثنا بوعه

مامشي مما شيه وابعد لا يوقعني
كلن على منهجه ويعيش بطبوعه

لا تابعن له ولا باغيه يتبعني
يركض ورا شلته ويروح مع نوعه

ما رافقه لان بطن الارض يبلعني
وعلاقتي معه منتهيه ومقطوعه

كلن بفكره ونا فكري يسنعني
وهوه يقفي على ماله وموضوعه

الكذب حبله قصير ولا يسبعني
لابد مايكشف الكذاب بسبوعه

الصدق ما اجزع منه والظلم يجزعني
الظلم اله ناس مختصين بفروعه

والذم والظلم للاجواد يوجعني
من بربرين شبع وهوه علي كوعه

معطن طماعة خجولن ما تطمعني
ولا ثمن باعتن ما هيب مشروعه

المال كثره وقله ما يضيعني
ياللي تحط الردى لراس قبوعه

المال فوق الثريا ما يطلعني
ماني بمن يفتدي دنياه بربوعه

اللي كتبلي من الرحمن يقنعني
ما يمنعه من يشيل الحقد بضلوعه

انا الي قيمه وعز النفس يقنعني
وهوه فقير المعزه قاطعن جوعه

الكلب ينبح ونبحه ما يروعني
يلهث ويجرع من الخذلان قرطوعه

مالي بهزل الكلام اقوله دعني
وانا اعرف العلم مصداره وينبوعه

اباسفهه واتركه واقول مايعني
ون عادها الصبح نكشف عنه برقوعه

من لا نفع في حياته كيف ينفعني
وما طال طعمه يقل وقل منفوعه

.....

رد: اخترنا لكم شعر نبطي وفصيح
 

أحدٍ عرف في البنك كم هو رصيده
وأحد بمخباته رصيده بطاقة

وأحد رصيده مايحصر تعديده
وأحد رصيده عشر معزا وناقة

وأحد ركب سيارة لة جديدة
وأحد مشى حافي على عظم ساقة

وأحد وقف عجزان فوق الحديدة
صارع زمانة لان ضيق خناقة

وأحد عزوم وقصر الوقت قيده
واشتال حملة لوفوقه وساقه

وأحد جزوم وبيد الدهر بيده
يبا ستر وجهة على غير طاقة

وأحد يقدم باليمين الزهيدة
وأحد عطا ربعة غزايز نياقة

ومد الزهيدة للفتى ماتفيدة
وقولت تعال وروح مر مذاقة

ومالاً ما يستر صاحبة ما يفيده
ان ما ستر راعية ما سد فاقة

يلومني معطي المواجيب حيدة
اللي موثقاً حزامة وثاقة

ماغار مثل الضب ياكل رديدة
وتحصلة دايم هروجة دقاقة

واللي يشوفة قال وش هالوليدة
وهو ليا جات اللوازم علاقة

لاماد خير ولا هروجة سديدة
تحداة عن جزل العلوم الحماقة

واللوم للي ماوقف مع عضيده
وللي يقصر في حقوق الرفاقة

والرزق عند الله ولا أحسد عبيده
ودقني ما قربها لموس الحلاقة

قلته وربي فاعلن مايريده
والبنك ما بيني وبينة علاقة

.....

رد: اخترنا لكم شعر نبطي وفصيح
 

بين وقفة صديق وبين غدرة صديق
ضعت والله يجازي من بدا بالغدر

ياعسى الله يسامح من يشب الحريق
دام له في زوايا صدري الواسع قدر

.....

رد: اخترنا لكم شعر نبطي وفصيح
 

لولا الملامه وخوفي الناس يدرون
لكتب على جدران بيتك أناني

وأنظم قصيده وأجعل القاف موزون
فيها من الشلفات فكر ومعاني

.....

رد: اخترنا لكم شعر نبطي وفصيح
 

ما عاد لك في داخل القلب منزال
ولا عاد لك شوق وغلا وإهتمامات

انت السبب والحب في كل الاحوال
صعبن عليه يعيش من بعد مامات

.....

رد: اخترنا لكم شعر نبطي وفصيح
 

أنا أشهد إن النوم ما هو بسلطان
دامه تسلطن طار نومي عليّه

الحب هو سلطان يا شيخ غلطان
يالي تقول النوم ماهي سويّه

.....

رد: اخترنا لكم شعر نبطي وفصيح
 

بيني وبينه ودي اقول له ليه
واحيان اقول السالفه من ظروفه

انا تعبت من العتب والمشاريه
وهو عليه يسوي الي يشوفه

وان مر طيفه واتعبتني طواريه
غنيت له من ما بدعت معزوفه

.....

رد: اخترنا لكم شعر نبطي وفصيح
 

خل قلبك يسج وخل عينك تنام
وانظر الى الحياه بـ عينها الفانيه

سولفي للهبوب اللي تدف .. الغمام
كيف تاخذك مني مرةٍ ثانيه

ضايق من ثلاث شهور واصحى وانام
من شعور الجريمه في يد الجانيه

كيف كانت وكيف الوصل بعد الملام
بعد كانت ايدينه بالغلا .. حانيه

.....

رد: اخترنا لكم شعر نبطي وفصيح
 

من عز نفسه زاد رفعه وقيمه
لو ان رزقه مثل رزق اشقر الريش

ياصاحبي ودروبنا مستقيمه
لو فتّشت عنا نقاط التفاتيش

مايرخص البندق ولا شداد ريمه
الا الضعيف اللي يدوّر عراميش

بعض النفوس تصد لو هي محيمه
تقبل وهي ظمياء وتقفي معاطيش

.....

رد: اخترنا لكم شعر نبطي وفصيح
 

اذا خربت الدعوى مع عيال تسع شهور
ما كلٍّ نجي له بالسوالف على جوه

ما نعرف نداهن ونتسلق ونلعب دور
على حاجةٍ في نفس يعقوب مرجوّه

.....

رد: اخترنا لكم شعر نبطي وفصيح
 

اما نمر ويعقب السيل ديمه
مروراً ألطف من هبوب الرشاريش

والا ابتعدنا والعلاقه مقيمه
بعدٍ يكبّرنا بعين المداغيش

فينا على صكّات بقعا عزيمه
وحمولنا لو ثقلت حمولنا ريش

ولنا على ارقاب الجمايل وسيمه
جميلةٍ تشبع بطون الدراويش

.....

رد: اخترنا لكم شعر نبطي وفصيح
 

ما تكنّ القلوب وما تشيل المخابي
بوحها يلحق الرجّال شكه وريبه

بين هرجة عذول وبين شخصً حكابي
العرب صدقوا وانا دفعت الضريبه

لو نواياي تستر ما انكشف من ثيابي
المجامل بمن لا يستحقه مصيبه

.....

رد: اخترنا لكم شعر نبطي وفصيح
 

لا تحسب ان دمعي يبل المناديل
لا والذي منعم عليك بنعيمه

إن رحت عني جعل دربك تساهيل
وان جيتني غالي وقدر وحشيمه

طبعي كذا ما اركض خلاف الاقاويل
وحسيبنا محيي العظام الرميمه

.....

رد: اخترنا لكم شعر نبطي وفصيح
 

أقدّر الوجه الرضي واسمع عن الوجه السخيط
اللي لا يذكر خير من دونه ولا يذكر وراه

واحيط في بعض الامور وبعضها والله ماحيط
حتى شويري في بعض الاحيان ما امشي في هواه

حتى الخطأ وهو الخطأ مهما حصل أمره بسيط
أما جفا ولاّ وفا واللي رحل الله معاه

لعل مرواح الليالي الماضية روحة مقيط
ولعل مقبلة الليالي غير عن ماضي الحياه

.....

رد: اخترنا لكم شعر نبطي وفصيح
 

اسرجت للمسراح خيل وحن للمرواح ذود
وعدتني الشيمه وخوف الناس لا يعدونها

اللي تقيدني وانا يابو فهد مالي قيود
ولازال تطعني وانا لا زلت اشيل طعونها

اللي مشكل حزبها فيني ولا حزب الليكود
فديتها عسى هل النمات ما يدرونها

.....

رد: اخترنا لكم شعر نبطي وفصيح
 

ابتديتك علاقه وانتهيتك غرام
ومن سقيتك قصيدي وانت بذرة غلا

حتى غنت ببستانك طيور الحمام
وصرت احصدك لبيت الشعر شوق وولا

مايمر الغلا الصادق مرور الكرام
كان ماكتب قصيدي فيك ولا فلا

جيت مثل الغمام ورحت مثل العسام
كنك المكرم اللي عن دياره جلا

الله اكبر جبرني الشوق جبر العظام
لين شرب السهر مني ليال وكلا

روح لا تعتذر والحمل فوق السنام
منت اول حبيبن عن حبيبه سلا

.....

رد: اخترنا لكم شعر نبطي وفصيح
 

الجادل اللي يسوق القلب طاريه
وتسوقني مثل ما تساق البعاريني

وانا نظر عينها وان طحت بإيديه
اوهي ما بين الظلوع وفي شرايني

وليتها الحكم فيني قل واليه
اوايضا كسرت القواعد والقوانيني

يرعد ويبرق قصيدي فوق واديه
احتى اصبحت بين غدران وبساتيني

حتى القصيده بصوتي قمت اغنيه
اولو ان صوتي ماهو مثل المغنيني

حاديني البعد واهي الخوف حاديه
اوصابر وانا جمرة الأشواق تكويني

في حبها قد عطيت القوس باريه
اوسلمتها الجرح واهي اخطر سكاكيني

ومادام طعناتها في قلب غاليه
امحدن بناشد وراها لو تذكيني

الورده اللي روت من فيض ساقيه
اوتصدرت بالقصيد أول دواويني

ماهو بكيفي ليا من جيت ساريه
االوصل والشوق والذكرى تعنيني


يصيبها الحظ نوب ونوب يخطيه
اوانا مجرد حنين الشوق يكفيني

يسعدلي ايامها ويسعد لياليه
الو ان دربي يسار ودربها يميني

الله هو اللي ليا مالت يسويه
او الله يزين امور العبد وتزيني

.....

رد: اخترنا لكم شعر نبطي وفصيح
 

ليلة تذّكرنا الليال الجميلة
وليلة تذكرنا معاناة وانكاد

وليلة مضت وانقول عنها بخيلة
وليلة نقول بوقتها عل ما عاد

وليلة تذّكرنا الرجال الأصيلة
اللي فعايلهم على روس الاشهاد

وليلة نعيش احلامنا المستحيلة
وليلة مع الاحزان في حرب واجهاد

وليلة تذّكرنا الطفولة وجيله
وليلة تذّكرنا بتاريخ الاجداد

وليلة وليلة والف ليلة وليلة
بنت لها في داخلي صرح وامجاد

بيني وبين الليل قصة طويلة
مواقفٍ مع طول الايام تزداد

الليل وافي صاحبي واشتكي له
واسامره والا البشر فيه هجّاد

الليل خلٍ مايخون ابخليله
يوم ان خلان الرخا خانو الزاد

يحفظ لك اسرارك وهمك يشيله
ولا يشمت فيك عاذل وحساد

ذكرى ليالينا الدهر مايزيله
وفي كل ليلة ذكرى الاحباب تنعاد

.....

رد: اخترنا لكم شعر نبطي وفصيح
 

راحت حياتي كلها دان لا دان
ياليل دان ودان ياليل داني

ولا تزعلين ان قلت نكّبة حزيران
انتي تراكِ اليوم نكبّة زماني

اما اقبلي كلك تباشير خلان
والا رجاءً فا اتركيني وشاني

وابوعدك ترك القوافي والاوزان
شعري بدونك ماله ايّة معاني

.....

رد: اخترنا لكم شعر نبطي وفصيح
 

لا عاد تحسب زمانٍ .. مرّك و فاتك
إحسب زمانٍ تعيشه .. علّك تعيشه

العيشة اللي تدور لك على آهاتك
ماهي بعيشه .. قسم بالله مو عيشة

لو علموك الحكي إحرص على سكاتك
سّكاتك أعذب .. من العوّاد والريشة

يموت بعض الحكي في صدرك وذاتك
أكرم من إنه يعيش .. بـ فضل تنعيشه

حاول تحدد مسافات .. لـ مساراتك
يغيب سر العقل .. لو خالطه طيشه

وإن أزعجوك البشر .. وسّع مداراتك
يزعجك بعض الحكي لو كان تهويشه

عاشرت ناس وحكوا لي بعض مأساتك
وعرفت إن البسيط .. يجوز تطنيشه

و قابلت من مرني .. وأعرف معاناتك
إن كنت تنفخ ألم ، غيرك نفخ شيشة

.....

رد: اخترنا لكم شعر نبطي وفصيح
 

باين عليك اليوم زعلان مني
حبيب قلبي قلي اشفيك زعلان

لا يكون احد جاك وحكى شي عني
غلطان لوصدقت والله غلطان

مفروض ماتسمح لأحد يتهمني
تعرف غلاك وتعرف القلب ماخان

انا من اول يوم شفتك وكني
غريب لا قاله وطن بين الاوطان

لاينشغل بالك حبيبي لأني
ولهان بغيابك واذا جيت ولهان

لو اخسر العالم ابفرح واغني
رابح انا بحبك ولو كنت خسران

انت الوحيد اللي بحبه شغلني
عجزت توفيك القصايد والألحان

ماأشوف انا غيرك حبك سكني
ما كن في الدنيا ابد غيرك انسان

.....

رد: اخترنا لكم شعر نبطي وفصيح
 

ما درت عن حبها ياليتها تدري
ليتها ياليتها لو قدرت مره

ان قلبي من كثر شوقي ملا صدري
وان صدري من كبر قلبي نفذ صبره

من ( صباح الخير ) لين الشمس ما تسري
ومن ( مساء الخير ) لين نصير في بكره

والغلا في داخلي مثل النهر يجري
ليتها تدري بغلاها داخلي شكثره

هي تحسب اني طلبت الشهره بشعري
والله ان حبي لها نساني الشهره

من يقول ان الشعر بيزيد من قدري
بس انا شعري لها بيزيد من قدره

ليتغزلت بحلاها يصطفق بحري
والقصيد يروق لي في عجزه و صدره

وان بديت الوصف دوم اختار في امري
م الجبين او م العيون او أ وصف الغره

والخدود اللي من الله لونها زهري
وفمها من زود زينه زاد في صغره

مشيها لو هو فتني والله بعذري
قدها المياس يشبه ميلة الزهره

كل شي فيها من الله خلقته مغري
وقلبها خيره يغطي دايماُ شره

العطرهو يشتريها لو نوت تشري
وردة ٍ والورد دايم يعرف بعطره

هي هواي وهي بعد لي قلبي وعمري
وابتسامة خاطري لو خانت العبره

ليتها تدري عن اللي يدور في صدري
وليتها تدري بغلاها داخلي شكثره

.....

رد: اخترنا لكم شعر نبطي وفصيح
 

الغيمه اللي تهل بطيبه ورقه
ماهي تدور على منهو يخايلها

والجرح ماله دوى على الاقل وقه
لا تشرح اية مسائل وانت تجهلها

ثوبك اذا ضايقك ياصاحبي شقه
لا تحد نفسك على ناس اتثاقلها

وقتك غدر بك وكان بمنتهى الدقه
واقبل زمانك على الناقص وكملها

والصاحب لصاحبه ياخذ معه حقه
وماني بناسي همومك دوم شايلها

كل ما لمحت العباير تسرقك سرقه
احس مالي بذا الدنيا ولا هلها

ويصيح صدري ينادي كفي اتدقه
ابشر وانا محزمك ياخوي وازهلها

.....

رد: اخترنا لكم شعر نبطي وفصيح
 

الكبر لله ودوم ابن آدم صغير
مهما تعلى مكانه يرجع لأصله

من طين ربي خلقنا كيف نتغير
دام الخطايا تزود طيننا بله

انسان مخلوق دايم طبعه يحير
تتبع خطاويه تلقى شغلته شغله

احيان تلقى ضميره صاحي وخير
واحيان من قسوته مايعترف بأهله

ياأبن آدم احذر زمانك دامك مخير
لو ترجع احسن مدامك ب أول الزله

سهله تخون الغرايز قلبك النير
لكن عقلك يوافق ما هي بسهله

.....

رد: اخترنا لكم شعر نبطي وفصيح
 

لك عين تتكلم بعد ما تسببت
بجروحي وتسأل بعد ويش سويت

اخطيت في حقي ولا كنك اذنبت
اللي يشوفك ما يقول انك اخطيت

انا احسب ان عقلك تعافى وقد طبت
اثرك على نفس العقل ما تعافيت

ياثقل دم اليوم ليسمي السبت
وياثقل دمك كل ما اصبحت وامسيت

انت اتحرى جيتي كل ما غبت
وانا اتحرى غيبتك كل ما جيت

اذنبت في عرفك ولكنني تبت
الله يسامح زلتي يوم زليت

الصدر يتفجر بعد حالة الكبت
انا اشهد ان صدري تفجر ومليت

اغسل يدينك اني اجيك لو شبت
معروف عني دام صديت صديت

.....

رد: اخترنا لكم شعر نبطي وفصيح
 

لعيونك اللي علمت قلبـي الطيـش
والبسمه اللي نـورت لـي مكانـي

ورموشك اللي كنها للعـدو جيـش
اني لأخلي الليل لـه شكـل ثانـي

دامك وصلتي والحكي صار بشويش
وشلون انا ماأقول شعـر وأغانـي

طفل المشاعر بيننـا علـه يعيـش
يلقى له ام ٍ تحرسـه واب حانـي

وشللي دخل بالنوم ووسادة الريـش
ما دام حضنك ضمنـي واحتوانـي

طيفك يشاركني على لقمـة العيـش
ان ما لقيتـه ف المحانـي لقانـي

والعاذل اللي قال لي قلت له ايـش
رح رح ترى مالك لـوى يا أنانـي

تبغاني انساها وانـا احبهـا ليـش
من جدك انساها وأضيـع زمانـي

.....

رد: اخترنا لكم شعر نبطي وفصيح
 

كبرنا وصارت الدنيا تصف أحزاننا بالدور
وتهدينا الألم والهم غصب عن عين رغبتنا

تعبنا من بلاوينا أحد ضايق وأحد مقهور
وكلٍ غارق بهمه وفالآخر تشتتنا

وانا ما أقول غير الا حلالاه الزمان يدور
ويرجع للورى فتره نعّدل وضع عيشتنا

.....

رد: اخترنا لكم شعر نبطي وفصيح
 

عليك يابو عيون تقطر ألماسه
عليك يابو عيون ذقت موردها

أذكر هدب عينك اللي تبري أقواسه
لا صابني قلت تكفى يا حلو عدها

وأذكر جبينٍ ليا مر الهوى باسه
وأذكر صباحاتك اللي جد فاقدها

وش جابني للمكان اللي على ساسه
ناسٍ بعزلة وقلت أروح وأسعدها

.....

رد: اخترنا لكم شعر نبطي وفصيح
 

ما غبت والله غياب الشاعر إحساسه
لكنها غيبة ما كنت قاصدها

لا تلومني بالقصيد الروح حساسه
شهر وأنا بين أجاهدها واكابدها

سمحت للناي يدرس روحي دراسه
حتى عزفها شعر وأشعل مواقدها

لكن قبل لا يطيح الجوخ والطاسه
بقّلب أبوساحه الشعر و قصايدها

.....

رد: اخترنا لكم شعر نبطي وفصيح
 

الصمت هذا تسكنه سكرة البوح
وانا بصمتي حافر ٍ قبر بوحي

كنت احسب انه كل مذبوح مذبوح
اثره حيا واحيا بقايا جروحي

تعرف سفينة نوح وش سوّت لنوح
وانا غرقت ولا نفع فيك لوحي

ادري شربت الملح سموك مملوح
وادري شربتك كان هذا طموحي

.....

رد: اخترنا لكم شعر نبطي وفصيح
 

ما نسيتك جعل ينساني زماني
كيف تبغى انساك وانت العمر كله

دوك هذي كلمتةٍ بلت لساني
والله احبك واموتك حب والله

عاد ودي يوم جيتك لو عشاني
جادلك هذا ابي كفك تفلّه

ودي أبحر فيك يا بحر الاماني
كل عرقٍ من عروق القلب بله

ليه تضحك حط نفسك في مكاني
اغنتك عن شوفتي صورة مجلة

.....

رد: اخترنا لكم شعر نبطي وفصيح
 

ماني من اللي يتبعون المقفين
ولاني من اللي يعبدون الزوايا

ترى التطاول شي مايرضي الدين
هذي صفاةٍ للحفاة العرايا

ياسيدي مابيك في ليلي تبين
بالله قلي ويش أبي بالهدايا

أبيك بس تفك قيد المساجين
اللي أياديهم تهز الحنايا

.....

رد: اخترنا لكم شعر نبطي وفصيح
 

تلمست لك عذر وتاملت بك ميعاد
من العام واقدامي على الدرب دواجه

اجي من هنا وانتي تروحين بي من غاد
تقل ما خلق ربي مواعيد ومواجه

ولا حن لك قلب ولا غصن فرعك ماد
ولا ارخصتي الدمعه وهي ملح وهماجه

ابسلبك من يمكن وبحاول وما فاد
وابذخرك لظروف المواعيد والحاجه

وابتليك لين اني واجهاد عليك جهاد
اذا اصلك والا دونك الموت وخلاجه

لك من السعه عين ومن الحاجبين حداد
انا وين اوديني عن الرمش وحجاجه

ولا انتي من اللي يظهر بحسنها الاضداد
ولا عينك النجلا تبي كحل ودعاجه

يصوت بك المخطر على الروس والاشهاد
عليك العوض كانك تمنين بعلاجه

حرام اننا نقضي على بعضنا بعناد
متاييه في بحر تلاطم بنا امواجه

اذا احتجت يا قلبي على الظلع الاطول ناد
على واحد عرض السموات محتاجه

.....

رد: اخترنا لكم شعر نبطي وفصيح
 

مرت من الغيد الفوارق وحده
ما هيب مثل العالم المراره

هذي حريقه جاهزه ماباقي
ما باقي الا وتشتعل شراره

عطر يداوره الهوى وتضمه
وتجامله وتهدي استنكاره

تتشقلب وجيه البشر لاعدت
وتعلق الدنيا على مسماره

خطواتها وحده وراها وحده
مقسمه بالشبر والمتاره

تمشي خطاويها برتم ونغمه
كنك تمشيها على القيثاره

واليا انثنت للارض تاخذ حاجه
اتقول طعم في طرف سناره

تحرق صدور المترفات ان مرت
اكثر من السيقار والسيقاره

اتوزع البسمه على اللي معها
اياك اعني واسمعي ياجاره

ارق من نسمة عبير غادي
تحت النحر وشوي فوق زراره

.....

رد: اخترنا لكم شعر نبطي وفصيح
 

ما عشقت من النجوم إلا السواري
وما كرهت من النفوس إلا الرديه

من خيوط الشمس يغزل لي نهاري
من يدين أمي الحنون الاجوديه

وفي بقايا الامس كان اخر وقاري
وكانت اخر خطوتين المقدريه

غرفتي قبري بعض حظي مزاري
حيز يعكس دنا الدنيا الدنيه

.....

رد: اخترنا لكم شعر نبطي وفصيح
 

ابيك بكل ما ربي عطاك من الحلا والزود
وابي كلك وابي قلبك وابي خيره وابي شره

قضى عمري وانا واقف على باب الرجا الموصود
واخاف اني ما عاد اقدر اصبر نفسي الحره

غيابك لعنبو هذا الغايب اللي ما منه فود
كسر حجر الضلوع وضيق الخاطر ولا سره

طلبتك لا تخلين العواذل تكثر المنقود
انا مضطر وطباع العواذل حيل مضطره

.....

رد: اخترنا لكم شعر نبطي وفصيح
 

دام المعارك صغيره ما علينا لزام
ينوب عن سيفي البتار اصغر جفير

قرات في ما قرأته من بلوغ المرام
اللي ترك شي لله عاضه الله بخير

.....

رد: اخترنا لكم شعر نبطي وفصيح
 

الشخص يلدغ من جحر ويتركه
وأنا لدغت عشر مرات لاكني

مازلت انوخ ركابي في مرابعه
يجفاه رأيي ورجليني يودني

ما كان صبراً عزيز النفس يمنعه
بل كان ضني وأضنه خايب ضني

هوجاس ياللي مضى لي وقت أصارعه
أنا سكين وهو ذا الحين ساكني

لابد أبين خصيمي قاتلي من هو
وادفنه حياً قبل برضاي يدفني

أنا سكيعً مشرد في شوارعه
وهو عزيز مكرم مادرا عني

القرش يرفع بيت لاعماد له
والفقر يهدم بيت العز ويدني

الله.. وربي..وديني لا أضيعه
شاء القضاء وجاني من يجنني

أبو جديل أليا منه نطق شنهو
شنه يشقق حشاي أو يلفعني

عين الحمام صفاءً في محاجره
ورمش ضليل لكن مايضللني

حاز الكمال جمالاً حتى أصبعه
والعين والخد والأذنان والسني

الله وأكبر عليه وكل مامعه
لاشفت زوله مقفى تقل يلفعني

غرونً وضعني جزافاً وسط مدفعه
و عقل قليبي وحاول بي وأقنعني

أن الذليل عزيز النفس يتبعه
والضن ضني وأضنه صايب ضني

.....

رد: اخترنا لكم شعر نبطي وفصيح
 

صاروا خبول الناس هم صفوة الجيل
والــســاده العقال مــاهــم بعـقـال

العقل وسلوم الــرجـــال المشاكيل
لو تنجلب في السوق ماجابت ريــال

.....

رد: اخترنا لكم شعر نبطي وفصيح
 

لو معك عرفٍ عن العوجا يردك
كان أخذنا معك بالهرج و عطينا

قد درسنا خارطة مزحك و جدك
و التزمنا الصمت عقب اللي لقينا

تخطي الأسناع لو ما هو بودك
من علومك قد شبعنا وارتوينا

ما يجاري لخبطة جزرك و مدك
غير من يقدر يشيل جبال سينا

إن تساهلنا معك جاوزت حدك
وإن هرجنا صارت الشرهه علينا

.....