رد: اخترنا لكم شعر نبطي وفصيح
 

يا خل سامحني لقل الكلافه
لو كان قدري غير ما قلت لك ليه

هذبت لك جرحي وشعري وقافه
وعنيت لفراقك ولو كنت شاريه

بالأمس كان الحب والشوق آفه
واليوم ما كنك بكيتي من التيه

جف الغرام ويا سبايب جفافه
مالك وسط روح المعنّى مشاريه

لو كان دمعك بحر يسقي ضفافه
ما لان لك قلب ٍ ابد ما عرفتيه

هذا الزمن عشقه مجرد سخافه
يمكن لاني ما عرفت الهوى فيه

على جدار الوقت بذكر خرافه
واكتب انا يا وقت مجروح غاليه

يمكن يحس اللي كتب بأعترافه
انك حبيبي قالها قلت له لييه

.....

رد: اخترنا لكم شعر نبطي وفصيح
 

بالله قولوا للسّفيه الـلابه
ماهو قبيلي كانها صارت أفعال

وإن كانها بالشّعر يامرحبا به
باشرب قراحه وأترك لمثله حثال

دام السّهر عنده سوالف صبابه
ودام الحنين بنظرته قد مياّل

ودام الشّعر عنده حبيب وغيابه
وأقصى همومه بالشّعر ساعة وصال

أنا السّهر عندي بلى مبتلابه
شيئٍ إذا جاني مواضيعه ثقال

وأنا الحنين إن مرّبي مايشابه
إلا حنينٍ مر برجال لرجال

وأنا الشّعر عندي خوي وقرابه
يشره علي لاخطيت وأفرحة الأنذال

باشعل جفوني للسًهر والكتابه
ودّي بشعرٍ ما بعد قبلي إنقال

ودّي بشعرٍ مايعرف الرًتابه
شعرٍ بعد موتي بيحييني أجيال

بقولها والله ولاني بآبه
ما دامني بالشّعر نقّاض فتّال

أحيان أغلي من غلى رجل لابه
وأحيان أبغض لابه لبغض رجّال

.....

رد: اخترنا لكم شعر نبطي وفصيح
 

يضيع بدفتري شعري..واضيع بزحمة الافكار
ادورني ولا القاني .. وادوّر بي ولا ألقابي

وأحس إني تعبت ولالقيت لها الغياب أعذار
يجمّلني مع منهو .. يبيله عذر لغيابي

وجيتك ياخويّي جرح .. انبت لو نزفت اشعار
جيتك كيف ما أدري .. ولكن جيت واقرابي

قصايدنا غدت حنطه .. تسولف للرحى أسرار
وتنور الزمن يحرق .. رغيف الشاعرالصابي

انا ادري هالزمن يرفض مثل ياكليب شب النار
لانه مو زمن شب وحطبها يمك ايجابي

قرف كل القصيد اللي .. سمعت فجلست السمار
ترف كل القصيد اللي.. حكوا لي عنه اصحابي

ابسأل ليه مانكتب .. نشيد الصبح للأحرار
ابسأل ليه ماننسى.. قصيدة غابوا احبابي

شف الأبطال اطفال.. بنادقهم صبر واحجار
عسى فيهم صلاح الدين يغسل فدمه ترابي

عزاي فـ أمة تنبت .. مع مرالزمن ثوار
وعزاي فأمة ارقى.. بها وارقى وترقابي

.....

رد: اخترنا لكم شعر نبطي وفصيح
 

رجل يبي طاريه عند الأشانيب
ورجل يبي طاريه عند الحبيبه

رجل يودي بالسواليف ويجيب
ورجل سواليفه لفعله تجيبه

رجل يغض الطرف عن جارة صحيب
ورجل عيونه في محارم صحيبه

ورجل تسد بغيبته يومه يغيب
ورجل ولا تقدر تسد بمغيبه

ورجل يغيب ويفقدونه هل الطيب
ورجل ليا من غاب محددريبه

ورجل اذا أخطى يرى نفسه مصيب
ورجلاذا أخطى يراها مصيبه

ورجل تشوف بخوته لك مكاسيب
ورجل تشوف بخوته لك غليبه

قلت الصراحه مابها شك أو ريب
كل على طبعه يجيبه حليبه

اشره وشره كان تبغي المواجيب
عط حق تاخذ حق مابه معيبه

.....

رد: اخترنا لكم شعر نبطي وفصيح
 

الشقاء عذب قلوب الناس واسرف في ألمها
والدموع الي على اوجان الفقارى مستهانة

يستشفون السعادة والاماني من عدمها
والضمير الي حكوله ما تحرك من مكانة

دوروا حل المشاكل والمشاكل وش رسمها
غير تغييب الضمير وغير تضييع الامانة

.....

رد: اخترنا لكم شعر نبطي وفصيح
 

في قلبك القبلة وفي وجهك النور
وفي عينك الطالات وأم المعارك

العز لك منهاج والشرع دستور
والطيب ذكرك والخلود أختيارك

في طولة الأمجاد لاتاخذ الشور
الشعب كله ما يخالف قرارك

أضرب بنا العسرات وأقطع بنا بحور
لا حالكت دنياك شعبك نهارك

دام عزك ياوطن

رد: اخترنا لكم شعر نبطي وفصيح
 

عساه يؤخذ في الضحى قولو امين
اللي بنات الناس شغله وهمه

احداً يحاول ستر عذراء البعيدين
واحد يدور بالردىء بنت عمه

قد قالها بندر قبل عدة سنين
يثور معها الحر ويثور دمه

ولا الردي لو مرته بين قوسين
تزول عن عينه مزول المغمه

.....

رد: اخترنا لكم شعر نبطي وفصيح
 

يا من سجد وجهي لوجهك ولا زال
يجني ثمار السجدة إللي سجدها

أنا بوجهك من عنى الوقت لا مال
وشر النفوس المبغضات وحسده

آمين

رد: اخترنا لكم شعر نبطي وفصيح
 

تقرا الجدار ويقطر الدرب عاري
بردان .. ما تدفي ترابه حروفك

وكنك تهجيت انكسار الذواري
وافسحت للكلمات باطراف شوفك

في جانب المنقد نصبت السواري
ودرت الحديث .. وزاحمنك صفوفك

كان المسا يشخب حليب الصحاري
بالعين ضرع يستدره وقوفك

كنت انتظر تفتح مداين غباري
وتسفح على جوع المداخل طيوفك

او تجترح صمت الرخام بمساري
يمكن على المرآة تصدا سيوفك

لكن . ضربت بقشعريرة نهاري
في موقفك واهتز ليمون خوفك

.....

رد: اخترنا لكم شعر نبطي وفصيح
 

يا البندري جيتك أمسيك بالخير
يسعد مساك الله وينْور مساكا

يا منتدىٍ فايق إستايلك عن الغير
غنجك وذوقك والدلع به شراكا

وصفك ابعيني فاق كل التصاوير
من بينهم مثل القمر في سماكا

صداك وسط الويب عدى المعايير
محال غيرك يوصل لمستواكا

أوحيت في فنك مهاره وتمرير
ما يدركه ولد البرازيل كاكا

أشهد وتشهدلك جميع الجماهير
الي تتابعلك سبايب غلاكا

وعيدها وقو ل مسيك بالخير
يامنتدى ٍ مثل القمر في سماكا

.....

رد: اخترنا لكم شعر نبطي وفصيح
 

في يومها الأول بدت مثل الخطوط الباهته
في لوحة الدنيا .. ولا هي ظلها ولا ضوها

وفي يومها الثاني بدا المجهول ينفض وحشته
سحب تكاثف وانحدار السيل يعلن جوها

وفي يومها الثالث تصدى للشعور ودقته
واصبحت اشوف اروع مزايا حسنها في سوها

وفي يومها الرابع بدا المغمور ياخذ فرصته
ما خلت احساس غريب ماحكته وتوها

وفي يومها الخامس وهذا اليوم يا.. يالهفته
فلت شراعاته وبعد شوي قالت طوها

.....

رد: اخترنا لكم شعر نبطي وفصيح
 

أنالي حبيبٍ إذا ماجبت به طاري
عنه فؤادي سألني إيش سّوا لك

أغليه أناحيل ليته بالغلا داري
واحبه أناحب مايخطر على بالك

مابعته أبداً لأني دوم له شاري
وش لون أبيعه وهو لِفؤادي المالك

هذا وله فوق حبي كل إصراري
على الوفاء دايماً واقسم على ذلك

ياعاذلي ويش لك تترقب أخباري
تموت مهموم أحسن روح في حالك

مافيه مصلوح لك من كشف أسراري
حتى ولو كان بعض الحكي يحلا لك

أنا مفوض أموري دوم للباري
وكيلي الله وحده مالي ومالك

أدري خساره حروفي فيك واشعاري
بس ودي أفضحك وافضح خيبة أعمالك

.....

رد: اخترنا لكم شعر نبطي وفصيح
 

شكى قلبي من عنادك وطُول الصد والهجران
وياليتك شعرت بْلوعة أشواقي وإحساسي

كذا تبعد وتتركني متيم في الهوى ولهان
كذا تقسى علي وتغيب عنّي يابعد ناسي

رسول الشوق نادى لك حبيبي لاتصم الآذان
ابي تسمع صدى صوتي وتقتل بالأمل يأسي

ابي لطفك يرافقني دواما مو بعض الاحيان
أبي أرفع حبيبي فيك مابين الملا رأسي

رسمتك لوحةٍ في خافقي تزهى بك الألوان
كتبتك لين مل من لون حبري وجه قرطاسي

يعين الله كم هي صعبة الفرقا على الإنسان
يعيش العمر في حسرة كبيرة دوم ويقاسي

ملكت الروح ياخلي وعشت بْداخل الوجدان
لك الله صرت لي أقرب الي نفسي من أنفاسي

يمر الوقت لكن لا طريقة لي الى النسيان
نسيت أنساك لا تعجب لاني أذكرك ناسي

هويتك والهوى ما يرتوي من نبعه العطشان
شربت إمن الوله لين أشتكى من شفقتي كاسي

.....

رد: اخترنا لكم شعر نبطي وفصيح
 

كم من مريض يعيش شهور وسنيني
وكم من صحيح رقد والنومة النومه

عبدالله بن زوبين

رد: اخترنا لكم شعر نبطي وفصيح
 

أن كان ما توقف معي وقفة أخو
لا بارك الله فيك والخوه سوى

والرجل مايعرف صديقه والعدو
الإ الى من حبل الأيام التوى

.....

رد: اخترنا لكم شعر نبطي وفصيح
 

أنتي أنتي مآ تغيرتي كثير
آلملامــح وآلبسآطه كلها

مآ يغيرك آلزمن مهمآ يصير
لان روحك طيبها محتلهآ

في غيآبك أرسم آلحلم ويطير
وأكره آلدنيآ وأحس بغلهآ

وشوفي كم مرت سنه مآني بخير
آلهموم تظلني وأظلهآ

.....

رد: اخترنا لكم شعر نبطي وفصيح
 

لا خير في رجلٍ بدون حميا
ما هيب منّه من هشاشة ساسه

سلّم على اللي عل المراجل عيا
من طيب أبوه ومن طناخة راسه

.....

رد: اخترنا لكم شعر نبطي وفصيح
 

غاب الذي ما كان لغيابه عذر
وكبر مع دوامة الحيرة سؤال

اللي على دروب الليالي والسهر
ترك وراه أشياء فيني لا تزال

.....

رد: اخترنا لكم شعر نبطي وفصيح
 

كتبت الشعر واثر الشعر لا يسمن ولا يغني
ولا ينسيني اجروح الهوى بالعكس يحييها

على بالي ابكتب شعر والمجمول يسمعني
ويتعاطف مع احساسي مشاعر حب يبديها

أثار الزين ما يكمل جميله وفكرها يعنى!
جمال الروح ولا حساس تفتقده اراضيها

أجهز دفتري واجي لها عاني ومتعني
ابي تسمع نبض حرفٍ كتبته لجل طاريها

اسمعها بيوت الشعر واقول اسمعي مني
مشاعر عاشقٍ ملهم لغيرك ما يطريها

تناظرني تهز الراس على بالي بتفهمني
وبان انها قليل ادراك ما يفهم معانيها

أنا ما ابي جسد عاري متى ما عاز يطلبني
ولا برضى اكون ابيوم ارا قوزٍ يسليها

ابي وحده عريبةاصل بهاالاقدار تجمعني
رفيعة قدر عريضة صدر مثل البدر اياديها

تبادلني حروف الشعر وابياته تسمّعني
تشاركني قصيدة حب وتسعفني قوافيها

الا ياليت ابلقاها واعيش العمر متهني
تسليني وتسلى بي وراعيها واداريها

.....

رد: اخترنا لكم شعر نبطي وفصيح
 

فكره وليده وامها حوريه
غابت وانا من بعدها محتاسي

تطري على بالي واجر الونه
والبيت يصلى من لهيب انفاسي

لاجيت اعبّر وانثر اللي داخلي
واكتب على بيض الورق بحساسي

ارجف وترجف في خفوقي عبره
دمعي غدى حبري على قرطاسي

وتزيل كُربة خاطري تنهيده
يصحو ا بها جيراني النّعاسي

.....

رد: اخترنا لكم شعر نبطي وفصيح
 

اتنقّى من فريد القاف غالي
عادةٍ لي يوم جا للبدع فاقه

فوق خد البوك اسطر ماطرالي
بيني وبين الشعر فن وعلاقه

كنّي الوالد وكنّه من عيالي
ومن غلاته ضفت انا اسمه فالبطاقه

يا ابو دانه مابقى فيها مجالي
وانت تدري وش مواجيب الرفاقه

يا ابو دانه مابقى فيها احتمالي
والصبر لو طال مر ٍ في مذاقه

انت تدري عن تفاصيل المقالي
وانت ما تجهل حديث ٍ في سياقه

الجمل دربه مع دروب الجمالي
والدوا قد قيل ما فاد الحماقه

والمراجل ماهي بخشم الريالي
والمطفّق ما يكبون الطفاقه

والدنافس مالها غير الحثالي
والبحر لو ديّس ما يخلف زراقه

ماجرالي يا ابو دانه ما جرالي
صك طاقه تنفتح الفين طاقه

خاب ظني فالبعيد وفالموالي
ومن يطيح يهاب درب الانزلاقه

.....

رد: اخترنا لكم شعر نبطي وفصيح
 

لا صرت غالي لا تغلى وانا اخوك
سيب التغلي عنك لا صرت غالي

روحي وقلبي يوم قفيَّت نادوك
يابعد من يشغل ليا غاب بالي

فكر ومرة نادهم كان لبَّوك
والا عليهم صيح وبصوت عالي

انا الوحيد اللي مشالك على الشوك
وان صحت جيتك مندفع لو لحالي

ياصاح تكفى لا تعذرب على اخوك
جتني الهموم وكل همن طرالي

جتني الهموم وداخلي قلب مصكوك
مصكوك صكة بس ياويل حالي

هذا خويك داخله هم مركوك
يخفيه عنَّك وانت مسرور خالي

.....

رد: اخترنا لكم شعر نبطي وفصيح
 

قبالين يا خطٍ قريته وطاب الجاش
أخشه و أرد أقراه و أقراه وأخشه

يضمد جروحي دون أداوي و قطن و شاش
سقا العافيه للجلد و العظم و المشه

أيدهده على قلبٍ بجوف الحشا منداش
و يبري سقم كبدٍ من الحزن منطشه

.....

رد: اخترنا لكم شعر نبطي وفصيح
 

يلوفني عن مقاصد خاطري لايف
وأمشي مع الدرب وعيوني لمرجاعي

لاعاد تنشد عيوني ويش أنا شايف
مافي عيوني يسولف لك عن أوضاعي

.....

رد: اخترنا لكم شعر نبطي وفصيح
 

الحياة أفراح وأحزان ودروس وعبر
والتجارب صفحة ايامنا وكتابها

مهما زاد الشخص في المال والعز وكبر
وأهدته شهوات نفسه جديد ثيابها

وأبرقت له زيف الأيام وأغرته وعبر
المصير أرضه يلحّف عليه ترابها

والمصايب حملها سم ودواها الصبر
ورحمة الله دون خلقه ما سكر بابها

وعن حياة الآدمي شيمته تبعد شبر
وان فقد من شيمته شي نفسه عافها

وانقبر في الغيب لو ما توفى وانقبر
والحياة اللي بها نقص من يرضى بها

.....

رد: اخترنا لكم شعر نبطي وفصيح
 

ما نيب مجازيك في صدك وهجرانك
ودعتك الله وتلقى واحد ثاني

أتعبت الأعيان والأقدام من شانك
وأنت ولا شيء سويته على شاني

فزيت لك يوم قلت أسمك وعنوانك
لو كان ما تنتمي لأسمي وعنواني

ما جيت أدورك ولا أطق بيبانك
وإلا ترجاك مثل فلان وفلاني

أنت الذي جيت لي وأعلنت بلسانك
أنك على شوفتي جايع وعطشاني

صدقت هرجك ومنطوقك من لسانك
وأقبلت لك مندفع من كل وجداني

ما كنت أفكر يجي في يوم نسيانك
وأنساك وأنت معاهدني ما تنساني

إلا بعد ما قريت الكذب في أعيانك
حاولت أوادعك وأنسى كل ما جاني

خلاص ما نيب متعني على شانك
ودعتك الله وتلقى واحد ثاني

.....

رد: اخترنا لكم شعر نبطي وفصيح
 

يا بنت أنا قلبي من البعد محروق
لا تحسبين أني قطعت العلاقه

محبتك في القلب و ابراجها فوق
تشيل صوت اسمك في حلم الصداقه

محبتن ما شالها كل مخلوق
بطاقتن يا حيها من بطاقه

يسوقني طاريك لمشاهدتك شوق
واشفق على لمست يدينك اشفاقه

و الصبر زين و كل مطرود ملحوق
شرهت قدم رجلي على عظم ساقه

زرعت لك زرع له اثمار وعروق
وقدمت لك من زهرت العمر باقه

وان كان عندك شك لا ناشك العود
في قلبي الي لك يزيد اشتياقه

الشوق مشتاق اكثر من الشوق
شوق ابدوي ضاعت نياقه

.....

رد: اخترنا لكم شعر نبطي وفصيح
 

ما كنت احسب لوقتي والليالي احساب
ولا كنت افكر وش اللي في زماني يصير

الا بعد ما نصفت العمر والراس شاب
وفقدت من ربعي الادنين جمعٍ غفير

عرفت ان الحياة مصارعه واكتئاب
واني مودع ولالي غير ربي نصير

ومن لا تزهب من التقوى لنفسه زهاب
لا مات وش حجته يوم النهار الكبير

فالموقف الي مافيه امجادله وانسحاب
منهوله لهاك النهار يشيب راس الغرير

لكن اليا اذنب نبي آدم واعترف ثم تاب
الله يغفر الذنوب وينصر المستجير

.....

رد: اخترنا لكم شعر نبطي وفصيح
 

الصاحب الي دونه الحزم ممدود
بقصى جبالن حيدها عارضن لي

ارسل مراسيله يبى العلم موكود
يا ليت مرسوله جلس ما وصلي

عقب السنين مشيبة كل مولود
اليوم من فرقاه دمعي يهلي

ياسعود قلبي راح ماعنه منشود
كب الظلوع وراح مرواح خلي

.....

رد: اخترنا لكم شعر نبطي وفصيح
 

تسابق زمان المجد بالفكر والتطوير
وتعطي لنا الواقع بصورة حقيقية

ومع كل مطلع عام ترسم لنا تغيير
يبدد عناء الروتين بالفكرة الحيه

تشجع وتعطي درس وافي بلا تقصير
وهذا ديدن الروس الكبار القياديه

لك الراية البيضاء مع الشكر والتقدير
يقولونه اهل البل جهارا علانيه

.....

رد: اخترنا لكم شعر نبطي وفصيح
 

يا حمود لا تنشد عن الحال وتسال
أظن مالك من جوابي مصاليح

لا تكشف المستور ياطيّب الفال
يغنيك عن ذكر التفاصيل تلميح

ارفق على قلبٍ مغلّق بالاقفال
لا عاد به حيلة ولا له مفاتيح

البال به ضيقة من القيل والقال
والضيم سيفه بذّح الكبد تبذيح

يا حمود ما والله بقى شي ينقال
ولا بقى بالهرج راحة وتفريح

.....

رد: اخترنا لكم شعر نبطي وفصيح
 

تعال أنسيك وتنسيني قشر وقت بوجهه شاح
ويصير الحلم والواقع بعين الوقت وأهدابه

تعال افتح معي صفحة جديدة كودنا نرتاح
ونبدا حيث وقفنا نتم اللي بدينا به

أنا أذكر إني أهديتك قلم وكتاب مع مسباح
وصورة بيت به صورة وقلت الله جذابه

وتذكر يوم تهديني عطر في تولته فواح
وشعر فيه تشكي لي عذاب القلب وأسبابه

حلاوة أمسنا هذي نبيها يومنا يا صاح
إذا تسمح توافقني نرد الحق لأصحابه

.....

رد: اخترنا لكم شعر نبطي وفصيح
 

شف يا حمد جرحي وأنا اللي تهيّبت
أبيّن أحوالي لكل الخلايق

يابوك من حظي والأيام شيّبت
لين أودعت بي من لظاها حرايق

شالتني أيامي وأنا ما تزهّبت
وأعطتني الدنيا كثير الحقايق

حلّقت في عالي سماها وغيّبت
لو كنت للتحليق مانيب طايق

تكسّرت جنحاني اليوم وانْصبت
ولا نيب للي ترغب النفس فايق

.....

رد: اخترنا لكم شعر نبطي وفصيح
 

القلب شرع لك من الحب بابين
لو هو على غيرك من الناس ضايق

بس انتبه ما يقبل البيت شطرين
وطروقهن متخالفات النسايق

يا صاحبي لا تدعي النار نارين
ارفق ترى مثلي ومثلك خلايق

وقال الوداع وحارت العين بالعين
كل بنا من علقم الياس ذايق

.....

رد: اخترنا لكم شعر نبطي وفصيح
 

من عاتب الوقت ما تجدي معاتبته
ذب الورق في مهب الريح واتبعني

قل للزمن يا زمن خذ كل ماجبته
مادام فيني تسامي ذات يرفعني

.....

رد: اخترنا لكم شعر نبطي وفصيح
 

يا صاحبي وقف لزيف الصحاري
وبشر هجير الشمس عن موعد السيل

حاول تغير في ملامح نهاري
واعط القمر مفتاح بوابة الليل

مدري لشنهو موعدي وانتظاري
ما دامت أيامي قليلة محاصيل

في داخلي نزعة خفوق انتحاري
حلم تكسر في ثنايا التفاصيل

واثر انكسار الحلم يعني انكساري
بغيت اكمل وانكسر فيني الحيل

.....

رد: اخترنا لكم شعر نبطي وفصيح
 

الرابح اللي يشتري راحة البال
في ذا الزمان اللي همومه كثيرة

مشاكل الدنيا عريضات وطوال
وصوادف الايام في كل ديرة

من عاش بالدنيا يبي يشوف الاهوال
واهل العفن ومطولين القصيرة

يا مال ما شفنا من الوقت يا مال
عقارب الساعة معه مستديرة

.....

رد: اخترنا لكم شعر نبطي وفصيح
 

ان كان تقدر لا طلب منك عازه
عطه الطلب تقدير لا يطوي الياس

واهم ميزه بالنفوس العزازه
والا ضعيف النفس ماهو على ساس

واظن مابه شخص مابه حزازه
يرضى على ناس ويزعل على ناس

ومن لا عرف قدر الشرف وامتيازه
هذاك لا يشعر ولا عنده أحساس
ضمير مايشعر عباره جنازه
ما يجمعه بالمجتمع نبض الأنفاس

وصحبت ضعيف العقل مثل القزازه
مهما تداريها تكّسر وتنحاس

هذا ولو كل المساعي مجازه
ما صار بالدنيا موازين وقياس

.....

رد: اخترنا لكم شعر نبطي وفصيح
 

يالله يا جالي صدى كل كربه
يا للي عن الطلاب ماصك بابه

تفرج لمن ذاق بالعمر طربه
شيبه تكامل قبل يكمل شبابه

امضى حياته بين سفره وغربه
ولا ساعده حظ الشقا بانقلابه
واقرب قريب ليا شكى ما نظر به

خلان وقتٍ اليوم كلٍ هبابه
ما كل طيرٍ يعجب اللي صقر به

ولا كل رجالٍ يثمن جوابه
ولا كل من يبني جدار استتر به

ولا كل جارٍ تستريح بجنابه
ولا كل من يملك رصيد افتخر به

مالٍ بدون حقوق واضح عيابه
الا الذي بالواجبات اشتهر به
يحوز تقدير الشرف باكتسابه

وطاع الذي فعل المكارم امربه
يرجي رضا الخالق ويخشى عذابه

.....

رد: اخترنا لكم شعر نبطي وفصيح
 

انا مع الطيّب على كل بابه
اللي ورى ظني تعدى هقاويه

احسب حسابه واتحمل عتابه
اللي من الحكمه نتايج مباديه

واللي يجي يمي هلا مرحبابه
عندي على الميسور والله يحييه

ومن صد عنّا ما حسبنا حسابه
لا هو برجيني ولا ني براجيه

من زارني زرته وأقدر جنابه
ولا همني شخصٍ عطاني علابيه

كان اجنبي والا من ادنى القرابه
ما اشره عليه ولا يجي لي مشاريه

سلامةٍ من بعض الأشياء كسابه
والرجل يعرف ما يصيبه ويخطيه

.....