|
رد: فوق هام السحب ( الشعر الشعبي) على متن القوافي
يامرحبا باللي يدور حضوري
يامرحبا مليار من داخل الروح ناسن تواجدهم يداوي كسوري بلسم مداوي كل ضايق ومجروح غاليين في قلبي وغايه سروري شمعه حياتي قربهم راحه الروح ملزوم انا في قربهم شي ضروري اصبح تواجدهم بالاعماق مطروح .... |
رد: فوق هام السحب ( الشعر الشعبي) على متن القوافي
حي الرفيق اللي له الطيب منهاج
اللي ليا جيته يضوي سراجه لو ماقضى حاجتك لاصرت محتاج على الاقل تكفيك ضحكة حجاجه .... |
رد: فوق هام السحب ( الشعر الشعبي) على متن القوافي
كل ما أسبلت بين الزاميات الذوايب
فاح نسناس عطر ولاح مطلع قصيدة الدِجى شعرك اللي سرّحتْه الهبايب والسناء مبسمك والقلب لقياك عيده أنت لا جيت ما يبقى من الناس غايب في مساء الغايبين أنت الوحيد الفقيدة توبوني عن عيونك ولانيب تايب القصايد لوجهٍ غير وجهك زهيدة .... |
رد: فوق هام السحب ( الشعر الشعبي) على متن القوافي
اضحك ترى عوج الليالي مدابير
وما للخلايق في قضاء الرب حيله أضحك لو هموم قلبك طوابِير وما يقسمه ربك تروح وتجي له لو ضاقت الدنيا تراها مقادير وخلك جبل ماهزته كل ميله .... |
رد: فوق هام السحب ( الشعر الشعبي) على متن القوافي
🇸🇦
اما نعيش وبيرق العز مرفوع ولا نموت ووبيرق العز ماطاح |
رد: فوق هام السحب ( الشعر الشعبي) على متن القوافي
اللي يتابعني عسى الله يحييه
أهلاً هلا لي الفخر واتشرف واللي تعداني عدته المشاريه كافي حسابي في مروره تشرف بقلمي |
رد: فوق هام السحب ( الشعر الشعبي) على متن القوافي
🇸🇦🇸🇦
لك معزه لك محبه وأحترام دام عزك ي وطنا في ذراه والسعودي لايُهان ولا يُضام قالها محمد وشعبه من وراه شعبنا ي طويق عالين المقام رددو عاش الوطن حنا حماه |
رد: فوق هام السحب ( الشعر الشعبي) على متن القوافي
بعض البشر مثل العسل والجواهر
مهما وصفته بالحلا ماله اوصاف بعض البشر طيبه على الناس ظاهر مايختفي مثل القمر دوم ينشاف .... |
رد: فوق هام السحب ( الشعر الشعبي) على متن القوافي
سكرت انا باب العتب والنقاشات
ماعاد لي خاطر افتش وابرر كثر العتب شوّه جميل العلاقات خل النوايا البيض عنك تقرر .... |
رد: فوق هام السحب ( الشعر الشعبي) على متن القوافي
الـطب مايوصف دواء للمحبين
ولا في مسكن للغلا والـحنيـني الشوق طبه يجتمع فيه قلبين تــروح الموآجع بشتــبآك اليديـني شيهانه |
رد: فوق هام السحب ( الشعر الشعبي) على متن القوافي
من فضل ربي عالم السر والغيب
عشنا على حشمه وشيمه وقيمه تزيدنا الأيام طيب على طيب وتزيدنا العثرات صبر وعزيمة .... |
رد: فوق هام السحب ( الشعر الشعبي) على متن القوافي
يالله طلبتك يا ولي التدابير
يالمعتلي من فوق عرشه يرانا حنا قضينا العمر سجه وتقصير منك العفو يالله وإدمح خطانا .... |
رد: فوق هام السحب ( الشعر الشعبي) على متن القوافي
اسـرجت لك بـنات فـكري أصايل
وضـويت لك ليل الشعر بالقناديل ورسمت لك شوقٍ على القلب صايل وسقت القوافي لجل عينك فناجيل .... |
رد: فوق هام السحب ( الشعر الشعبي) على متن القوافي
احفظ لسانك لابلوك المعاثير
و الكلمة اللي دون ميزان خفها يجوز ترمي كلمةٍ دون تفكير والصبح سودان القلوب تخطفها .... |
رد: فوق هام السحب ( الشعر الشعبي) على متن القوافي
ما كل بنت تحادثك صارت عشيقه
احيان تثق وتشوفك اخوها الوهم لايعميك عن شوف الحقيقه صون الامانه واعتبر نفسك اخوها .... |
رد: فوق هام السحب ( الشعر الشعبي) على متن القوافي
ياحبك اللي توسد وريدي وتمكن بي
عليم الله انه تغلغل في شراييني اشوفك حلم ياحلمٍ يسليني عن احلامي واشوفك فرحة ايام العمر يافرحة سنيني .... |
رد: فوق هام السحب ( الشعر الشعبي) على متن القوافي
هلا فيك ياروح الغلا والوله منقاد
هلا فيك من نفس ٍ من البعد مكتوفه هلا فيك تبقى للهوى والعشق وقاد هلا والغلا في داخلي ضاعت وصوفه ياغاية حبيب ٍ هام بك يوم ربي راد عرفنا الغلا منك والأسباب معروفه .... |
رد: فوق هام السحب ( الشعر الشعبي) على متن القوافي
ضُمُّوا أَهْلَ غَزَّةَ فِي دُعَائِكُمْ
فَوَاللَّهِ لَقَدْ بَلَغَ فِيهِمُ الحُزْنُ مَدَاهُ وَوَصَلَ بِهِمُ الكَرْبُ مُنْتَهَاهُ بقلمي |
رد: فوق هام السحب ( الشعر الشعبي) على متن القوافي
لاحبـتك بنت وبعدين قفـت
لايحتويك الشر وتنشر صورها احفض غلاها لو عيونك جفت يمكن على اسمك تنادي ولدهها .... |
رد: فوق هام السحب ( الشعر الشعبي) على متن القوافي
حي المساء اللي نشوفك تجي فيه
ياللي عليك الروح كل يـوم تـولـه يالذ واجمل شي تطري طواريه ياغاية المشتاق واللي يـقـولـه .... |
رد: فوق هام السحب ( الشعر الشعبي) على متن القوافي
مانّي بمحتاجه نصايح من الناس
ابوي رباني على العِز والطيبّ ابوح على كّيفي واغرد من الرَاس ومجنبه نفسيِ عن اللي بهم عّيب .... |
رد: فوق هام السحب ( الشعر الشعبي) على متن القوافي
اغْنَ عن المخلوق بالخالقِ
وَاغْنَ عِن الكاذبِ بالصَادِقِ واسترزِق الرَحمنَ مِن فَضلهِ فَليسَ غيرَ الله مِن رَازِقِ مَن ظنَّ أن الرِزقَ في كفِّهِ فَليسَ بالرَحمنِ بالواثقِ أو ظنَّ أنَّ الناس يُغنونهُ زلَّت بهِ النَعلان مِن حَالقِ .... |
رد: فوق هام السحب ( الشعر الشعبي) على متن القوافي
عندي قصيده حب ماله حبيبه
وعندي مشاعر حب من غير خلّان ياللي لكم احباب حسّوا لهيبه احساس شاعر بعض الاحيان فنّان كتبتها من جرح عانا طبيبه اسال مجرب واترك فلان وفلان بالحب ندفع للمدامع ضريبه اللّي دفع للحب يعطيني برهان انا عجيب وقصتي مو عجيبه حبّيت لى انسان ماهو بأنسان .... |
رد: فوق هام السحب ( الشعر الشعبي) على متن القوافي
ياطير في عالي سماك ايش الاخبار
هل من خبــر ياطيــر للي عشقته ذاك الذي له داخل القلب مقدار بالله هــل ناظـــرت زوله وشفته لامـــــر لك قله انا حيـــل منهار من كثر غيباته ترى العيش عفته وقله انا عايــــش بدونه على نار وخايف اموت بيـوم ماقد نظرته .... |
رد: فوق هام السحب ( الشعر الشعبي) على متن القوافي
احيان عـن معنــى المحبــة لـي ابيات
واحيان عـن شـوقي ولهـفــة ســروري احيان اعھتب عن مدى الضيق حـالات واحيــان همــي ينقطــع بـه حـظـــوري .... |
رد: فوق هام السحب ( الشعر الشعبي) على متن القوافي
لو طلبت الروح خذ روحــي هديه
وان طلبت القلب خذ قلبي فداك انت اغلا مـن معـــي بين البريه مامعــي مخلوق يتساهل غلاك قلتها لك والقسـم من طيب نيه من شعور انسان ميت في هواك ولو تحب اكتب على هذا وصيه مستعد اوصـي لهم كلي فداك .... |
رد: فوق هام السحب ( الشعر الشعبي) على متن القوافي
عن الغلاء والذوق تبقى الوحيد انت
لك قــدر فـي قلبي وهيبـــه وهامه اسمك في الاخـلاق والطيـب دونت وانت الرفاهيـــــــه وانت الفخامه ادمنت في عشقك انا اليوم ادمنت والقلـــب ياقلبي هـــداك احترامه ياكيــف ما احبـــك وفيني تمكنت واسمك نحتـه فــي خفوقي علامه .... |
رد: فوق هام السحب ( الشعر الشعبي) على متن القوافي
الطيب قصرٍ ما تجيه العذاريب
والتربية هي سور قصره وساسه فمن لاتربى في شبابه على الطيب ماهوب متربي ليا شاب راسه .... |
رد: فوق هام السحب ( الشعر الشعبي) على متن القوافي
أجمل حياتي لحظتي يوم أشوفك
وأصدق دموعي دمعتي يوم فرقاك ذقت العسل وقلت هذي وصوفك والشوق حرك خافقا حيل أغلاك نقشت وسط القلب كامل حروفك قلي أمانه كيف أنا أقدر أنساك .... |
رد: فوق هام السحب ( الشعر الشعبي) على متن القوافي
الله يزيل الضيق عن شاكي الضيق
ويعوض الضايق سرور وسعادة ويحقق الأحلام للناس تحقيق ويزوّد الصـابر صمود وجلاده .... |
رد: فوق هام السحب ( الشعر الشعبي) على متن القوافي
دنى الفجر وعيون المفارق على ماهي
سهيره وفيها من لظى الشوق مافيها ياعيني علام الحزن فيك غير متناهي دخيلك دموع الحزن والقهر كُفيها .... |
رد: فوق هام السحب ( الشعر الشعبي) على متن القوافي
ياهوىٰ البال عدّاك العتب والملام
لو غـيابك مـسـوّي شـيء ماهو قليل تقتل احزان صدري منك كلمة سلام مـثلـما تقتل الافـــراح يـــوم الرحيل من ثناياك سم ومن رموشك سهام لين ماطاح حزنـي من ضلوعي قتيل من بقــــايا تناهـيد وبقـــــايا حطام كل ماهب نسناس النسيم العليل انتظرتك على بحر الهوا والغرام وانت ماجـيت حـتى مثل عابر سبيل .... |
رد: فوق هام السحب ( الشعر الشعبي) على متن القوافي
رسالتي لك....
امضِ كأنك لم تسمَع اصمُت كأنك لمَ تفھَمْ تجاهل كأنك لم تَرى وانسَ كأنك لم تذكر فبذلك ستنال حياة هادئة جميلة وتعيش مرتاحًا بقلمي |
رد: فوق هام السحب ( الشعر الشعبي) على متن القوافي
العقل زينه والوفاء يرفع الراس
والصدق شجاعه ما تقدر تهزه ومن عز نفسه مايذلونه الناس ومن ذل نفسه لأ يدور معزه بخيل النفس فقير الاحساس مايملكه يخفيه على لي يعزه وكريم النفس طيب الانفاس محبوب وكل الناس حوله تعزه .... |
رد: فوق هام السحب ( الشعر الشعبي) على متن القوافي
ليت الوفاء في الناس مثل العبادة
ليته ركن ثابت من أركان الإيمان حتى يثاب المجتهد في إجتهادة ويعاقب العاصي على كل عصيان .... |
رد: فوق هام السحب ( الشعر الشعبي) على متن القوافي
شفت فيك احساس يجذبني إليك
بكل يوم اقرا كلامك أبتسم الشعور اللي ورى ضلوعي يبيك مالقيت لروعة احساسه إسم .... |
رد: فوق هام السحب ( الشعر الشعبي) على متن القوافي
خلك وسيع البال وتحصل الخير
وخلك مع العالم بحسن التعامل وسامح رفيقك لاحصل منه تقصير واصبر ترى مافي المخاليق كامل .... |
رد: فوق هام السحب ( الشعر الشعبي) على متن القوافي
رساله لي ولك....
من علامَاتِ محبَّةِ اللَّهِ سبحانه للعبد : انزعاجُ القلبِ من التفريطِ فإذا فاتهُ وِرده من القرآن حزِن وإذا شغله مُهِمٌّ من أمرِ الدنيا تحسَّرَ على ما فاته من الذكر والعبادة وفي هذا يقول حمّاد بن مسلم : إذا أحبَّ اللَّهُ عبدًا أكثرَ همَّه فيما فرَّط بقلمي |
رد: فوق هام السحب ( الشعر الشعبي) على متن القوافي
اما تسابقني على العز والطيب
والا معي يا صاحبي لا تردى فلا تدوّر من ورانا عذاريب حنا نشوف أهل الردى وانتعدى .... |
رد: فوق هام السحب ( الشعر الشعبي) على متن القوافي
مساء ذويقة الشعر والبوح
ليل الشعر مايحلوا الا بلقاكم نهدي لكم ابيات شعرٍ من الروح يسعد مساء الشعر ويسعد مساكم مني لكم |
| الساعة الآن 02:18 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية