رد: اخترنا لكم شعر نبطي وفصيح
 

لا شفت لي شخصٍ علي متغيّر
ماني على شوفه وروياه منحد

انا ليا مني توريت أسيّر
سيرت يم اللي ليا جيت ما صد

علاقتي بالناس مع كل خيّر
لو كان مالي في نسوبه نسب جد

وجه السعد في كل الأحوال نيّر
من مذموم الطبيعه تعقد

ماني رفيق اللي ذراعه قصيّر
لا صار ماهو بالمهمات مسند

انا من ابطال الرجال متخيّر
اللي مساعيهم شريفه وتحمد

ولاني من اقوال الغشوم متذيّد
راس على سرد السوالف تهدد

واللي يعيب الناس عقله صغيّر
لا شايف عيبه ولا حافظٍ سد

ماقلتها للناس قصدي معيّر
انا عن القول الرخيص اتبعد

ولا ني على فكر الأوادم مجيّر
الطبع تيارٍ بالافكار يصعد

.....

رد: اخترنا لكم شعر نبطي وفصيح
 

من لا يقدر واجبي ما رجيته
كان أجنبي والا من اقرب لحومي

اللي ليا مني بحاجه بغيته
عقد حجاجه تقل مصاص لومي

لو هو بكيفي يعلم الله رميته
واشوم للطيّب قوي العزومي

اللي يقدر عنوتي لا نصيته
يفرح ليا جيته ويقضي لزومي

وجه السعد فعله ورى اللي هقيته
لعل يفدونه جميع الرخومي


اللي مشرّع للمسايير بيته
مزاح ماهو دوبليٍ كظومي

.....

رد: اخترنا لكم شعر نبطي وفصيح
 

كان انت لا دورت تلقى طرايد
شد الرحال ومتر البر تمتير

خل الكسل لمكبرين الوسايد
ياللي مع الصحراء تدل المعابير

.....

رد: اخترنا لكم شعر نبطي وفصيح
 

الوضع اشوفه منعكس ومتغيّر
مهما بغيت تعدل الوضع عيّا

دورٍ به العاقل صحيح متحيّر
واللي يريد بخاطره ما تهيّا

واكبر مصيبة كل ما جا مسيّر
وقال الجماعه قلت ماهم هنيّا

دام القريب من القريب متذيّر
وسوس له الشيطان من غير شيّا

هذا خطا مايقبله كل خيّر
ما كان سلم اسلافنا هالسويّا

راحوا هل الجيره وحق المجيّر
ابعد علينا من نوال الثريّا

ولا اقول ماباقي للأجواد ديّر
ما أذم عشاق الشرف والحميّا

.....

رد: اخترنا لكم شعر نبطي وفصيح
 

ياللي تحيل والدهر فيك محتال
هاك الزمان اللى به الوجه مسهوج

ايام فيها عشت في خوف واذلال
مثل المريعي يسبر الحوم ويلوج

واليوم مامثلك ولا صار رجال
وعندك لتحريف السواليف كتلوج

عن جيلنا الحاضر وعن ماض الاجيال
تخفاك عادات العرب وانت مرجوج

وان طعتني تعرض عن القيل والقال
تراك مهما غرك الزود مفلوج

انعم بظل اللي لنا درع واظلال
للي يقودون السفينه مع الموج

قياد رايتنا صناديد الابطال
اهل السيوف اللي بها السم ممزوج

عيال الحرار اللي بها تضرب امثال
والا انت لو يضرب بك الوصف فروج

.....

رد: اخترنا لكم شعر نبطي وفصيح
 

يا رجل لا تنقل نباء كل نقال
به ناس حتى الميت ما يتركونه

والقيل عندي له مفاتيح واقفال
معناي ما كل العرب يفهمونه

ولا اقول انا زايد على كل رجال
كم واحد مايقصر العرف دونه

خص الرجال اللي يجيدون الامثال
البيت عن معناه ما ينقصونه

اخص لي ناس يحوسون الاقوال
البيت لو هو معتدل يكسرونه

لو هم كبار اعمار بالعرف جهال
ومن عمي قلبه ما تفيد عيونه

ينبيه عن حظه تواريخ الاجيال
يجهل خبر والناس ما يجهلونه

يشوف نفسه وين ما مثله امثال
ترميه باحضان الجهاله ظنونه

والناس تعرف بالطبايع والافعال
واللي تعزه سمعته يمدحونه

والماء يجيبه عذب ويجيبه احثال
والكون به من كل كاين نمونه

.....

رد: اخترنا لكم شعر نبطي وفصيح
 

العيب باللي به عن الطيب تقصير
اللي ليا أوجس نايبه غار لونه

وشعاد لو يملككنوز ودنانير
محروم ماله غير نظرة عيونه

لا قربوا عند الضريح الحفافير
والمال ضاع وصاحبه يدفنونه

ما نال به طوله ولا نال به خير
حصل غثاه وورثته يقسمونه

ويبقى الثناء لأهل الثناء يالمعاثير
وجزاء الكريم من الكريم المعونه

.....

رد: اخترنا لكم شعر نبطي وفصيح
 

صح بالعادات عنوان الدبور
تكثر الغلطات وأسباب النزاع

ان تحملنا الزعل فج الصدور
وان تكلمنا لنا حق الدفاع

كيف يترك كل نباحٍ عقور
تزعج العربان بحلوقٍ وساع

قامت الادياك تطمع بالصقور
والثعالب ما تهاب من السباع

وش هدفكم يامخوشة الجحور
مدة الفاره على الافعى الذراع

والوضيع اللي عن الراي امحقور
صار له بالمجتمع منطق وذاع

كيف ينسى قيمته ماض العصور
يومها بالملح والملحه يباع

كل شيٍ يامماليكمخبور
لم ربي شملكم عقب الضياع

في ظلال اللي لهم بالمجد دور
الاسود اللي لهم بالمجد باع

شبرهم زايد على كل الشبور
آل سعود اللي لهم امرٍ مطاع

ضدهم مكسور باسه ومعثور
وارثين المجد من ليثٍ شجاع

.....

رد: اخترنا لكم شعر نبطي وفصيح
 

ماني غديرٍ يرشح القيض نبعي
انا من الصافي تصدر رواتي

ولاني بحال اللي ضحك عقب شبعي
واصبح يحلل منطقي وكلماتي

قانع بعرفي لو ضحك كل هبعي
ناسٍ يحركها النسيم لشماتي

ادامها من حلق دبٍ وضبعي
ادرجتها في سلة المهملاتي

.....

رد: اخترنا لكم شعر نبطي وفصيح
 

ليت الذي تحت المقابر يشوفون
اللي عن البل جاهدوا بالعزايم

عنها بميدان المعارك يهوشون
يوم الرمك تعطي هجوم وهزايم

هذا وانا ما افرض على الناس قانون
وجهة نظر ما افرض عليهم لزايم

واللي عطوها حقها ما يلامون
بعناية البل مالحقهم لوايم

.....

رد: اخترنا لكم شعر نبطي وفصيح
 

الكريم اللي نزل عند البخيل
ضايقه ما يحتمل فعل الخيار

الكرم يصعب على الرجل الرذيل
ضعف نفسه عيّفه حسن الجوار

والكديش يهس عن شوط الاصيل
والصويتي ما يجاريه الثبار

الجزيله مايحصلها الهزيل
والتحرص ما يطّول بالعمار

والتويبع لا طلع ما سال سيل
والكرم كالغيث والبخل الغبار

والجزالة مستوى الرجل النبيل
والردى يمناه محسوب اليسار

الرجوله سلّّمٍ صعب وطويل
يمنع الرديان عنها الانهيار

.....

رد: اخترنا لكم شعر نبطي وفصيح
 

الناس تعرف طيور الصيد والبومه
والطيب تعرف رجاجيله وحزاته

المرجله بين كل الناس مقسومه
إلا الذي ما تطول الجود هقواته

هذاك نفسه من التقدير محرومه
محدود رزقه على بطنه ومخباته

شهامته من صميم الراس معدومه
الله يمحق تقاليده وعاداته

لا صار يجهل مجال الطيب وسلومه
احسن يغمض على ما فيه باسكاته

يغر من لا يعرفه وسع حلقومه
جعل الدركتر يضفه بين ويلاته

لا صار ما ياصل اهل الحق ولحومه
قدره وماله تحت رجليه واحذاته

.....

رد: اخترنا لكم شعر نبطي وفصيح
 

رجلٍ عن المنقود في راس تبه
يحفظ كرامة سمعته ويحماها

ماهوب مغرورٍ غروره نصبه
عشاق عميا عند وجهه قفاها

يجي لها باللي عشقها مغبه
والا النشاما ما تخثع أخطاها

وراع النميمة لا تداريه هبه
خله يروح بكلمته ما حكاها

.....

رد: اخترنا لكم شعر نبطي وفصيح
 

مدري حياة الزيف لازالت
والا البشر كلما لها واردى

قال الصحاري جرد ماسالت
قلت السما من فوقها جردى

.....

رد: اخترنا لكم شعر نبطي وفصيح
 

بلشت بك يا ضايع الراي واحترت
قبل امس اشوفك ذيب واليوم راعي

يا متّقي سم العقارب تعثرت
من غير ما تدري بسم الافاعي

.....

رد: اخترنا لكم شعر نبطي وفصيح
 

نسى صوت الحبايب لا يناديني وخفت انساه
وقلت املى يديهم بالقصايد قبل ينسوني

وطيت ارض القصيد وكل زادي دمعتين وآه
على الله ما حسبت حساب لضيوفٍ تحروني

.....

رد: اخترنا لكم شعر نبطي وفصيح
 

موعد وكوبين شاي وبنت تغليني
زعّلتها البارحه واليوم أصالحها

جتني وداع ولقا واحتارت يْديني
ما ادري ألوّح لها والا اصافحها

قلت استريحي هنا يرتاح تخميني
والشوق يفضح نواياها ويفضحها

في وجهها كل طهر الغيم يسقيني
تشرب من الشاي واشرب من ملامحها

قلت ابتديها قصايد مني وفيني
كتبتها والغموض العذب يشرحها

.....

رد: اخترنا لكم شعر نبطي وفصيح
 

لازال فيني حطب قادر على الإشتعال
لازال فيني شعر لازلت قادر عليه

والشعر سحر الكلام وهمهمات الخيال
غامض ولا ينتبهله غير قلبٍ نبيه

يجي كأنه سحابه والسحاب احتمال
اما احتواه المطر والا الظما يحتويه

كم شاعرٍ في أجاباته يضيع السؤال
وكم شاعرٍ يبتديه ولا عرف ينتهيه

والتاجر اللي معه سلطه وهيبه ومال
يموت ما يكتب حروفه ولا يشتريه

.....

رد: اخترنا لكم شعر نبطي وفصيح
 

لا تشتكي من جور الايام للناس
ادفن همومك في ثرى الصمت كله

اسرار عمرك خلها تحت الانفاس
لا صار هراج القفا فاطن له

هذاك يفرح لا لمس جرح الاحساس
وهذا مناه ايلا لقى فيك عله

تعيش بالوجدان ما عاش هالراس
لولاك قل لي ويش انا عايشن له

ان زانت الايام يا شوق لا باس
ولا صبرنا لين ربك يحله

.....

رد: اخترنا لكم شعر نبطي وفصيح
 

دام اللقاء ينتثر دمه من الفرقى
عطني وداع على لقياك يغريني

استقبلك والسماء بعيوننا زرقا
واودعك والمزون السود في عيني

راح اللقاء يلتهب باعصابنا الحرقى
يشعلني الخوف بعيونك ويطفيني

كل السوالف غدت بدموعنا غرقى
في موتها ما لقيت اللي يعزيني

إلا كفوفٍ غدت بمصافحك عرقى
كن الدقايق تطارد في شراييني

مع نبض وقتي عباير ساعتي ترقى
كيف الثواني بسيف الوقت تدميني

عبرة لقاء في جبين موادعك تبقى
تعطيك ميعاد ليتك منه تعطيني

عطني فراق تشيل أحزانه الورقا
لاجل اللقا كل حزن منك يرضيني

.....

رد: اخترنا لكم شعر نبطي وفصيح
 

ملتني احوالي كثر ماني احتجت
من عاهر ظروفي شويّة كرامه

تلجمني الحاجه ليا قمت واسرجت
ظني على رجلٍ خذلني كلامه

وتذبحني العزه ليا رحت واحرجت
نفسي مع اللي ما يذري مقامه

تعتب اوآسيني على كذبة ابهجت
وجه الزمان اللي لحقني ملامه

ياوقت تكفى بس يكفى ترى ازعجت
جيبٍ ملته قروش جرحي ندامه

موحش عويل الليل لامن تهودجت
السرمدي منه ليا اقبل عسامه

.....

رد: اخترنا لكم شعر نبطي وفصيح
 

لا تبروز اعذارك على وجهك أن جيت
دام الخطايا ترسم اكثر ملامحك

لو هي على قلبي مسامح لو أخطيت
المشكله عيّت جروحي تسامحك

.....

رد: اخترنا لكم شعر نبطي وفصيح
 

الصراحة لو تقول الناس راحه
في زمان اليوم ما صارت مريحه

كم صريحٍ عرقلو سكة نجاحه
كل ذنْبه دايم أقوال صريحه

والصراحه دامها صارت فضاحه
إحفرو لموضح الكلمه ضريحه

.....

رد: اخترنا لكم شعر نبطي وفصيح
 

أرسمي لي لوحة الوهم الكبير
وإمزجي لون الكواكب بالسحَر

وأرسمي شئٍ يصير وما يصير
قصر لؤالؤ نورشمعة بالبحر

وشعر عذرى يرتهش مثل الحرير
وشامةٍ تسمر تحت نور النحر

وعين ترقب عودة الخل الاسير
ودم عاشق طال صبره وأنتحر

ووردةٍ ذبلت على جال القدير
وطائرٍ حاول يرفرف وأندحر

.....

رد: اخترنا لكم شعر نبطي وفصيح
 

كالنخلة اللي فاقدٍ جذعها الري
رُغم العطش ما تنحني في سهولة

بأخر رمق تمتص من جذرها ألمي
وتبقا تقاوم دون أدني ميولة

يبقا على مر الزمن غصنها حي
وشموخها الأخّاذ يفرض مثولة

وكل ما احترق من غصنها اليابس الني
تعطي ثمرها بأكتماله وحولة

وأنتِ كذلك رغم تصديدك السي
يا كاسبة بالحسن كاس البطولة

.....

رد: اخترنا لكم شعر نبطي وفصيح
 

اشتاق لك لو غيبتك بالثواني
وشلون لو انها دقايق وساعات

جريت لك صوتي لحون واغاني
نقيت لك من ذوقنا عدت ابيات

انت الوحيد اللي تنير المكاني
في روحتك ذوقتني منك مأسات

اشقيتني وصبرت وصبري كواني
امرضتني يادواي ولابه سلامات

.....

رد: اخترنا لكم شعر نبطي وفصيح
 

‏لا تنزعج من جفاي و طبعي الشارد
أنا اكثر إنسان يمشي عكس رغباته

.....

رد: اخترنا لكم شعر نبطي وفصيح
 

الا يالزمان المقبل إقبل علي بزين
أنا سايلك بالله لا تلحق على الباقي

أنا من قبل يومين وأكثر إلين الحين
لا عينّت لي مخرج ولا زانت أخلاقي

غدا كل شيء فالعين ما عاد يملا عين
ولا عاد والله عندي في لحية أرزاقي

أدوّر شتات أوراق ضاعت قبل عامين
وأنا يالله ألقاني قبل أدور أوراقي

خريطة حياتي وقفتني على سيدين
تحيّرت كن القيد فيدي وفي ساقي

أنا عارف أن الصمت إبن سته وستين
ما أعده من أعدائي ولا ضمن عشاقي

لكن حالفٍ بالله ثلاث وقطعت يْمين
ما أعوّد على دربٍ نثر صافي أحداقي

أنا ما معي وجهين ولا ألعب على الحبلين
واذا جيت أعاتب شخص أعاتبه بفراقي

أغيب بهداوّه لين حتى الامور تزين
مع كامل الحب ومع خالص أشواقي

اذا الله كتب نرجع سوا زينٍ على زين
واذا عادك بتبقى كذا كمّل الباقي

.....

رد: اخترنا لكم شعر نبطي وفصيح
 

الغالي الي لا فارقني غديت اثنين
وان جاني اصير واحد لا شعوريا

وان شانت اخلاقه ، اخلاقي علي تشين
وارتاح نفسيا اذا ارتاح نفسيا

مشكلتي لاغليت شخص اطيح بين امرين
بين ابتعد منه ولا ازعجه يوميا

من زود ما اغليه ودي لو معي قلبين
اخاف قلبي يجي مختل قلبيا

.....

رد: اخترنا لكم شعر نبطي وفصيح
 

تغلا على كيفك مدامك غلا مغليك
يا محلا الغلا ياللي تغلا ويا مروعك

أحب الحياة اللي تضمك وبين يديك
أشوف الحياة اللي تضمك ولا توسعك

لأنك قمر أقول سبحان من يخفيك
شبيه القمر في كل مطلع شهر مطلعك

تحب المطر وأنت المطر ينزل يحاكيك
وتحب العطر وأنت العطر منك ومنبعك

تحب الغلا وأنت تغلا على غاليك
وأنا ودي أودع حياتي ولا اودعك

تكبرت ياللي مكبرك في عيوني ذيك
وأنا اللي نثرت لك القصايد عشان اجمعك

تغيب تعرف أني بعاني عشان اجيك
وتسترجع الذكرى وأنا اعرف وش رجعك

تعرف أني احبك محبه بلا تشكيك
ولو انك توزع للفقارى بوزعك

لا تزعل ولا يأخذك مني الزعل ،ابيك
تعرف أني اكثر شخص لو توجعه ما اوجعك

أنا احاول أني بقدر الإمكان ما اخليك
ولو يخدعك وقتك أنا مستحيل اخدعك

افكر وأنا ما ودي افكر الا فيك
وأسافر وأنا ماودي اسافر الا معك

.....

رد: اخترنا لكم شعر نبطي وفصيح
 

ما للرجا في بعض الأحوال قيمه
وما للعمي صبح ولو بات سهران

لو للزمن عن نية الغدر شيمه
ما فرق أحباب ولا بعد أوطان

.....

رد: اخترنا لكم شعر نبطي وفصيح
 

بالعقل والتركيز والصبر والعزم
لا بد من تحقيق اسمى المطامح

في ساعة يبحل بها اللاش والقزم
وفيها يفوز اللي عن الذل جامح

ومن لا بدى مسعاه بالجهد والحزم
ما نال صيت وصار للعزم رامح

ومن يمتلك شيئ لعانيه لازم
ما ينفعه لا شح والمال قامح

ماله وِقار وقيمته قيمة البزم
لو قيل جدّه كان للمجد طامح

ماهي ثقة بالنفس ولا هو بعد جزم
دمحه مذلّة ما قصد به تسامح

اللاش لو يملك خزاين خوازم
ما بان له بالطيب ذكر وملامح

يقضي حياته سالك مسلك الهزم
وان انشتم طبعه مع الناس دامح

.....

رد: اخترنا لكم شعر نبطي وفصيح
 

التفاؤل دافع المرء لنجاحه
فيه تحقيق الهدف مهما يكون

عكس معنى الياس مدعاة المطاحه
من يحيطه يكره الكون بجنون

.....

رد: اخترنا لكم شعر نبطي وفصيح
 

السفينه والبحر والهبايب والشراع
اختصار لعمر الانسان فالوقت الغوي

عمره وعقله ودنياه تبقى في صراع
لين ياصل للنهايه غني ولاّ خوي

والهوى والنفس وابليس ثالوث الضياع
من يعاندها على الخير يكويها كوي

والحياه تغرّ الانسان والدنيا متاع
والذهين اللي مشى صح فالدرب السوي

واوّل الدنيا لقا واخر الدنيا وداع
والوداعه في يد الخالق الفرد القوي

بعدها يمّا على نعمةٍ دون انقطاع
أو على نيران تشوي فرايصنا شوي

يالله إنّك لا تورّدني ادروب الخداع
والزمان الشين لا يلوي ذراعي لوي

يوم افكّر فالحياه وتفاصيل النزاع
أثرها حفنة ليالي ونطويها طوي

ما اسرع الأيام تمشي خطاويها سراع
كنّها ناقة هجن فوقها ورع بدوي

.....

رد: اخترنا لكم شعر نبطي وفصيح
 

ترى الخوي وقت الشدايد يجيبه
والا الرخا كل ٍ يجي فيه فزاع

نسيت عشرة صاحب ٍ تلتجي به
ونسيت يوم نقسّم الهم بالصاع

اي والله اشره والعتب ويش ابيبه
دام العتب مثل الصدى وسط الاسماع

واحذر ترى دنياك هذي عجيبه
ووقتك ترى يا صاحبي دوم خداع

.....

رد: اخترنا لكم شعر نبطي وفصيح
 

يا ربي يا اله الكون يا رحمان يا وهاب
طلبتك بعد غفران الذنوب ودمح زلاتي

تليّمني على العذب الرقيق الفاتن الجذاب
خوي الما وسط حلم الحناجر في بداياتي

وتسكن ثورة امواج الحنين بقلبي المرتاب
وتكبر في عيون الناس روحاتي وجياتي

.....

رد: اخترنا لكم شعر نبطي وفصيح
 

يا شعري اسلم وسلم لي على شعري
الين ترقى عقول فلان وفلانه

ان كان يدري عنه وان كان مايدري
يشرب دوى زمزمه ويشم ريحانه

ويعش وسط الورق ويموت في صدري
عشان قشة غريق مالها خانه

.....

رد: اخترنا لكم شعر نبطي وفصيح
 

الخوف ما يلحق اللي خاف من ربه
تلقاه بين الاوادم رافع الهامة

ولافيه شيٍ يصير الا وله سبه
والذيب عينٍ خلاف وعين قدامه

كم واحدٍ من رصاص القوم متنبه
ولا صابه الا الرصاص اللي من حزامه

.....

رد: اخترنا لكم شعر نبطي وفصيح
 

ما تِشيل الحمول إلا كتوف الرجَال
ولا تِهين الرجال إلا ظروف السنين

.....

رد: اخترنا لكم شعر نبطي وفصيح
 

الحر مثلك يستحي يصحب الديك
وان صاحبه عاعا معاعات الأدياك

صديقك اللي بالعطايا يمانيك
انصه بقضيا حاجةٍ قبل ينصاك

أما تجي منه العطايا تباريك
وإلاَّ تعذر دون مالك إلياجاك

.....