رد: فوق هام السحب ( الشعر الشعبي) على متن القوافي
 

مشتاق له لاكن حروفي تكابر
واالخل مثلي طايحً في غروره

ودي رساله منه تسعد للنضار
مادام في قلبي وروحي حضوره

محتار من حبه انا سرت محتار
ما الحل قولو له مراقب مروره

....

رد: فوق هام السحب ( الشعر الشعبي) على متن القوافي
 

‏الله يـعين القلب لاساقه الشوق
صوب الـديار اللي سكنها وليفي

الصدر من كثر الهواجيس مخنوق
والوقت ماجاني على كيف كيفي

....

رد: فوق هام السحب ( الشعر الشعبي) على متن القوافي
 

القلــب دولــه والمشاعـــــر عساكر
والحـــــب غـازي كل دولــه ومحتل

لاقـد غـــزاء للقلــــب حاذق وماكر
يتمــلك السلطــه بقــــــوه ويحتل

القلب تحت امــره يطيـــع الاوامر
والجيــش مايملي له الحب يفعل

والعقل مثل الشعب بالحب ساكر
يفقد نظامـه فـي المحبـه ويختل

....

رد: فوق هام السحب ( الشعر الشعبي) على متن القوافي
 

يا الله إنك تغفر ذنوبي وتشرح صدري
ولا تشمّت بي عدوّ ولا تضحّك ناقد

أنت مَن يدري بحزني والبشر ماتدري
البشر لا غبت عنها تحسب أنّي راقد

....

رد: فوق هام السحب ( الشعر الشعبي) على متن القوافي
 

عليك السلام ورحمة الله والرضوان
ياقلبٍ تعب واخفى عن العالم اوجاعه
ㅤㅤㅤㅤㅤ
يذوق الالم ومكابد الضيق والّاحزان
ولا يشتكي لو تلوي الضيقه ذراعه
ㅤㅤㅤㅤㅤ
توشح بصبر ايوب والصمت له عنوان
ولا غيرت ضيقات الايام باطباعه

....

رد: فوق هام السحب ( الشعر الشعبي) على متن القوافي
 

عواطفي للماضي اشواقها شرد
تجرني واعطي يديني يديها

ملت مقاديري من ايامي الجرد
حتى الوجيه اللي تبيني ما ابيها

....

رد: فوق هام السحب ( الشعر الشعبي) على متن القوافي
 

مرّات تلقى شخص ترتاح له حيل
ودّك تسولف له ويسمع ھمومك

ومرّات تلقى الھم والغم والويل
واقرب قريب تخاف يعرف علومك

....

رد: فوق هام السحب ( الشعر الشعبي) على متن القوافي
 

‏المحب دائماً لايرى عيوب محبوبة
تلقاها دائما محسن الظن ويدمح الزلات مثل ماقال
جابر النشيرا :
يخطي واروح التمس له عذر واعذره
‏من صوبه العين عورا والاذن صقها

رد: فوق هام السحب ( الشعر الشعبي) على متن القوافي
 

أصعب إجابه قلتھا في حياتي
ماعاد لي خاطر وأنا خاطري فيك
-
وأقفيت أحمّل في ضلوعي شتاتي
عجزت من زود الغلا لا ألتفت فیك

....

رد: فوق هام السحب ( الشعر الشعبي) على متن القوافي
 

وجهك يرحب وقلبي في عيونك قلط
وأنا كرهت المجامل واعتبرني صريح

ان كان وصلك غلط ليتك تعيد الغلط
أحيان الأغلاط خطوه للطريق الصحيح

....

رد: فوق هام السحب ( الشعر الشعبي) على متن القوافي
 

‏القناعة كنز والطيب للطيّب رصيد
‏لاحصل طيب وقناعه فهذي كافية

‏مانبي مركز خليفه ولابرج الوليد
‏والله انا مانبي الا الستر والعافية

...

رد: فوق هام السحب ( الشعر الشعبي) على متن القوافي
 

وفّر كلامك ولا تنشد عن أخباري
لو ماني بخير قلت بخير وأفهمها

نفسي عزيزه وأظنك تعرف و داري
النفس ماتحشم إلا من حشمها


...

رد: فوق هام السحب ( الشعر الشعبي) على متن القوافي
 

احبّه واعرف ان سلطة الحب جبّاره
تجيه العرب صاحين وتروح منهبله
مدغم ابو شيبه

يحق لها التباهي بالجدود وعودها الريّان
وانا مالي حقوق إلا محبّتها وضحكتها
ضيدان بن قضعان

رد: فوق هام السحب ( الشعر الشعبي) على متن القوافي
 

والله إني بعض الأحيان كن فيني بلا
اتعومس دون سبه ولا ادري ويش بلاي

اللتفت حولي من الضيق كني في خلا
لو انا من بين ربعي وبين اخوياي

....

رد: فوق هام السحب ( الشعر الشعبي) على متن القوافي
 

رعى الله صدرٍ محدٍ داري بـ خافيه
يكن الحكي واقفاله سنين مانعته

على شيمته باقي ولو كان فيه وفيه
على كثر مالدنيا مع الحكي موجعته

....

رد: فوق هام السحب ( الشعر الشعبي) على متن القوافي
 

مافيه ثاني ولا ثالث ولا رابع
أنت أول أحبابنا وأقرب قرايّبنا

عزالله أن الهوى والحب له طابع
والشوق لو نسّفهه جايبنا جايبنا

قام يحدانا لـ قربك شوقنا النابع
إلين ناخت على بابك ركايبنا

ترى فراغاتنا اللي بين الأصابع
ما خلقت إلا عشان أيادي حبايبّنا

....

رد: فوق هام السحب ( الشعر الشعبي) على متن القوافي
 

صبّحك باشواقي إللي ودّها تسرح بك
لين ترسي بك على بحر الغلا من حدرى

يا حبيبي كل صُبح وكل يوم أفرح بك
غير لاتنشد عن أسباب الغلا وأنت أدرىّ

....

رد: فوق هام السحب ( الشعر الشعبي) على متن القوافي
 

دوّري لي شبر فالشام ولا فالجنوب
مايجيه إلا الهوا والمطر وأنتي وأنا

ان لقيتيني خذيني لصدرك دوب دوب
قبل ترمينا المنيّه ويلحقنا الفنا

وان تعبْتي مالقيتي من الواقع هروب
قولي إنّي ما عرفتك واقول الله لنا

مدغم ابو شيبه

رد: فوق هام السحب ( الشعر الشعبي) على متن القوافي
 

طيفك يحاصرني مع كل اتجاه
يا اجمل مواضيع القصيد ولبها

شفهم لا قالوا انته تحب الحياه
اتخيلك واقول اي والله احبها

....

رد: فوق هام السحب ( الشعر الشعبي) على متن القوافي
 

تقول....

‏تروح لـ الأبل وتتركني وأنا ودّي
أجيك وأشوفك الليله قبل بكره

لولا الحياء وأسمي الرنّان مع جدّي
إللي على الطيب والعليا طغى ذكره

لاقول لك قولةٍ وأبيح لك سدّي
والصقر ماله ترى مجناب عن وكره

تعال هذي هي رقبتي وذا خدّي
إن شفتني بنت ولا شفتني بكره

رد: فوق هام السحب ( الشعر الشعبي) على متن القوافي
 

التقيـنــا اغــراب فـي أول لـقى
وانتزعنـا الحب من فك السراب

يـاعـديل الـروح قلـي وش بقى
مـن جنـون الحب ضيعنا الصواب

....

رد: فوق هام السحب ( الشعر الشعبي) على متن القوافي
 

‏وليفي عساك من الزمان وغثاه مجار
‏نسيت الوعد ولا تناسيت صارحني

‏من أيامنا وش عاد باقي من الاعمار
‏اذا ما انت بمداوي جروحي لاتجرحني

‏اظنّي سمحت من المواعيد والاعذار
‏مع اني مهوب ادناة حاجه تسمّحني

....

رد: فوق هام السحب ( الشعر الشعبي) على متن القوافي
 

‏حدثوني عن اللطف والحنيّة اقولكم ابيات
سليمان المانع يوم قال :

‏وزعي عمري لك أخوان وقرايب
‏بس لاتشكين من قولة وحيده

‏لاحداك الوقت ماني عنك غايب
‏عاندي بيّ جور دنياك العنيده

رد: فوق هام السحب ( الشعر الشعبي) على متن القوافي
 

والله اني بدونك خاطري ماسلا
والمشاعر من الفرقا تحط وتشيل

ديرة ما انت فيها ماعليها حلا
لو سحايب مطرها كل ليله تسيل

....

رد: فوق هام السحب ( الشعر الشعبي) على متن القوافي
 

حل الفراق وفتك الجـرح لـجـروح
راع الهوي يامـن يـداوي جروحـه

عقب الطرب صرت أقضي الليل بالنوح
والدمع حّرق محجـر العيـن فوحـه

بأمر الوحيد المعتلي منشـي الـروح
كلٍ يجيـه اللـي كتـب لـه بلوحـه

أثر النصيب وماكتب لي على اللـوح
فرقا الذي روحه لورحـي نصوحـه

الجادل اللـي بالتواصيـف مملـوح
قبل أمس جاني نور عينـي بروحه

ودنق وحلفنـي عـن السـد لابـوح
وأقفا كما تقفي عـن الحـي روحـه

....

رد: فوق هام السحب ( الشعر الشعبي) على متن القوافي
 

محبوبتي لازال كوعي على مركاي
تحلويت صكّات الليالي وهي مرّه

أنا أجر قلبي مع طريقك وأجر خطاي
وأخاف أجرحه ويسيل دمّي على الجرّه

تغرّبت حتى عن ربوعي وعن مرباي
أحس الوطن ما فيه عارض ولا حرّه

بعدك الليالي صوتها صوت عازف ناي
يهيّض جروح القلب ويقلّب صوره

....

رد: فوق هام السحب ( الشعر الشعبي) على متن القوافي
 

المكابر مشكله والثقل مافيه خير
اعـرف ان العمر مره ودنيانا سعه

كان ودك تعرف اللي يحبك من ضمير
واحدٍ يدعي لاصلى ويدعي لك معه

....

رد: فوق هام السحب ( الشعر الشعبي) على متن القوافي
 

طريت فبالي وفجاءة ابتسمت
‏وغمضت عيوني من لذة خيالي

‏الليل والذكرى وطاريك والصمت
‏هالاربعه في غيبتك سامروني

....

رد: فوق هام السحب ( الشعر الشعبي) على متن القوافي
 

العز هيبة والشرف يرفع الراس
والكذب سلعة مالها أي قيمة

والبيت مايبنى على غير مقياس
لابد توضع له قواعد سليمة

خذلك من الدنيا تجارب مع الناس
واسلك دروب أهل العقول الحكيمة

واعلم بأن الناس آلاف الاجناس
والعيب يجلب لك عواقب وخيمة

....

رد: فوق هام السحب ( الشعر الشعبي) على متن القوافي
 

اللي يحبك تحـس بحبّه وحرصه
يخـاف يجرح شعـورك لأنه يحبك

لمواصلك يستميت ويصنع الفرصه
مايعترف بالسعاده غير في قربك

....

رد: فوق هام السحب ( الشعر الشعبي) على متن القوافي
 

‏عامل الناس بالحسنى ولين الجناب
لاجل ترضى عليك وتكسب قلوبها

وقبل تفتح لذكر عيوب الأجواد باب
لد عينك لـ نفسك واصلح عيوبها

....

رد: فوق هام السحب ( الشعر الشعبي) على متن القوافي
 

درّةٍ بانت إلين استسمح البدر وجبينه
العذر منها وقفّى يوم فكّت له حلاها

جات تمشي كنها تسأل تقول الزين وينه
يوم صار الليل مجدولٍ تفلّه من وراها

لو يناظرها من استأمن بدعوة والدينه
تنحبس نفسه ليامن وقفت عنده وجاها

....

رد: فوق هام السحب ( الشعر الشعبي) على متن القوافي
 

الجادل اللي يمر القلب شارعها
بين الحنايا تعدّى ما تطالعني

تقفي مع الدم بعروقي وأتابعها
وأحس كنها على نفسي توزعني

بين الحنايا تثنّى في مرابعها
كنها تقول أتحدى من يطلعني

....

رد: فوق هام السحب ( الشعر الشعبي) على متن القوافي
 

تملك جمال العالم وهي عادها عشرين
شيخه ياسبحان من سواها وسترها

العنق شي والرمش يقسم الرجل نصفين
والخد خد يعطي العالم الليله دررها

والردف يوهه ياسبحان خلاق الملايين
ودك تفرق بين القمر عن نحرها

نهايه كلامي والحرف داخل القوسين
يازينها زيناه من وجهها ولا ظهرها

....

رد: فوق هام السحب ( الشعر الشعبي) على متن القوافي
 

‏الا ياغزال في عيونك سهوم الموت
وفي مبسمك جنة وفي شوفتك راحه

ياحلو المعنق والسوالف وحلو الصوت
زما صدرك الي لالبستي عليه الكوت

تضايق من الملبوس خوخه وتفاحه
على خصرك يقيس عقاله ومسباحه

شموخ ودلال وقدرك اغلى من الياقوت
وفيك الجمال اليوسفي يلبس وشاحه

....

رد: فوق هام السحب ( الشعر الشعبي) على متن القوافي
 

وليفي عساك من الزمان وغثاه مجار
نسيت الوعد ولا تناسيت صارحني

من أيامنا وش عاد باقي من الاعمار
اذا ما انت بمداوي جروحي لاتجرحني

اظنّي سمحت من المواعيد والاعذار
مع اني مهوب ادناة حاجه تسمّحني

....

رد: فوق هام السحب ( الشعر الشعبي) على متن القوافي
 

ان بغيت اخلي اعصابي تلين
قمت اطالع وجهك وسماحته
َ
وانتي الله يحفظك لاتستحين
خلي المشتاق ياخذ راحته

....

رد: فوق هام السحب ( الشعر الشعبي) على متن القوافي
 

القناعه كنز مامثله مثيل
أتريّح وأستريح بظلّها

وأعرف إنك بالهوى عابر سبيل
لو دموعك للغرام تهلّها

أنت كم مرّه مسوي لي جميل
ما أجحده بس الجمايل خلّها

كل حاجه بالوفا تصبح قليل
الوفا أغلى من حياتك كلّها

إن بغيت البعد ودّع ياجميل
أمسك سيوف الفراق وسلّها

والله ان طبع الجفا دمّه ثقيل
لكن حموله لزوم أشلّها

حسبي الله بس ونعم والوكيل
صارت الفرقا وهذا حلّها

رح تمخطر ياعسا عمرك طويل
بين ريحان الدروب وفلّها

رح عساك بذمّة الله ياخليل
سج رجلك والدروب تدلّها

....

رد: فوق هام السحب ( الشعر الشعبي) على متن القوافي
 

سلم على قلبك وقله تراني
باقي على عهد الغلا ماتغيرت

مهما خذا مني الزمان وعطاني
تبقا انت قصة حب فيها تأثرت

....

رد: فوق هام السحب ( الشعر الشعبي) على متن القوافي
 

فنجال قهوة وإبتسامه ووسع بال
نلقى الصباح يروق لو كنت ضايق

ﻻتقول مالي خلق وتكدر الحال
حاول تعيش من التفاؤل دقائق

....