رد: اخترنا لكم شعر نبطي وفصيح
 

الا يازين يا ضاف الجديله
على مغليك وش علمك تغلا

يردك واحد ٍ غاد ٍ دليله
يحسب انه على العالم مولا

وانا اللي منك حالي مستزيله
حشا لله مانيب آتسلا

مرادي وصلكم بأيت وسيله
الا يابدر ياليتك تجلا

على اللي عقب عرفك شال شيله
وجيب الثوب من دمعه تملا

رد: اخترنا لكم شعر نبطي وفصيح
 

آخذ واعوّد على كساب الامداحي
لعل بمعزبي مايختلف ضني

يا راعي الجود انا مانيب مرتاحي
الا أني انخاك تكفا قم وشل عني

انا رفيقك قبل لا اسلم اسلاحي
على النقا والجهات الست يدرني

من فعلنا كم عديم ٍ عط بصياحي
سحم الضواري على راسه يحامني

والمنه ألكم بعد ربي بالاصلاحي
و بيض الايادي بمثلي ما يضيعني

رد: اخترنا لكم شعر نبطي وفصيح
 

يا ربي اعوذ بك من سوء العذاب
من لا سواكا لا إله الا انت ألي

اعوذ بك والوذ وإليك المآب
ما خاب من لك يا إلاهي يسألي

رد: اخترنا لكم شعر نبطي وفصيح
 

ما يلوق لكل أصيله مثل خيالها
كم صبي ٍ يأكل تراب بالعلم الوكيد

والبلاد العامره خابرين رجالها
أعتزي يأم المداين بهارون الرشيد

من لها غيره الى زلزلت زلزالها
وارجفت سوق النحاسه بصقلات الحديد

رد: اخترنا لكم شعر نبطي وفصيح
 

ينعاف يا صاحبي ينعاف
من وضعه النفس منكزّه

ولا أقول أنا كامل الأوصاف
ماني بمعصوم ومنزّه

أصيب وأخطي ولي محراف
ولا همّني لابس البزّه

شاعر وناقد وأصون القاف
اللي عراويه منجزّه

وان جيت للحق يا نواف
الشعر ما عاد له مزّه

رد: اخترنا لكم شعر نبطي وفصيح
 

وين انت يا توم الحياة اليتيمه
فوق الثرى وإلا عليك الثرى ثار

كان انت حي وفي ظروفٍ سليمه
عز الله إنك جرت يوم الزمن جار

كان أنت ميت فالمصيبة عظيمه
الدمع ما يكفي ولو صب مدرار

تصبح حياتي كلّها دون قيمه
ونور الأمل في مهجتي ينقلب نار

رد: اخترنا لكم شعر نبطي وفصيح
 

يا بَحْرْ يا بَحْر اللآلي والاصداف
يا حافظ اسرار الغُبَبْ والبواخر

يالهادر السّادر ورى جُرف وضفاف
ياللي بكل أطياف الألوان زاخر

غامض ولا يقراك ساحر وعرّاف
لو يحرقون يدينهم في المباخر

صحيح مالي فيك مركب ومجداف
ولا عايشوك أوايلي والأواخر

جيتك غريبْ وصرت للشط ميلاف
وسافَرْت معك وصِغْت لي حلم فاخر

خيال شاعر يوم فكّر بالإنكاف
شاف الحقيقة كنها فيلم ساخر

روايته من دون عنوان وغلاف
تبدأ من الآخر وترجع للآخر

رد: اخترنا لكم شعر نبطي وفصيح
 

أنا أدخل على الله من هوى النفس والشيطان
عساني مع الأثنين ما نيب وحداني

رد: اخترنا لكم شعر نبطي وفصيح
 

فقدت الثقة في ناس واجد من اصحابي
وأنا ما هقيت إن الثقة فيهم أفقدها

أراهن عليهم وآخذ السلبي إيجابي
وأشوف الحقايق قِدْم عيني وأعاندها

وأعاتب وأنا خذلاني أكبر من عتابي
وأقارب مسافات الفجيعه وأسدّدها

أحب الوضوح ورحلته تتلف اعصابي
وأثر نعمة الناس البليدة تبلدها

رد: اخترنا لكم شعر نبطي وفصيح
 

بين باب وباب في لمحة خيال
عرَّضَتْ عن عِلْم ما ادري عن جَهَلْ

فاتنة وتعيد تعريف الجمال
شبه وضحاً ساقها بدر مهَلْ

رد: اخترنا لكم شعر نبطي وفصيح
 

قدّام جرح الهَدَبْ يا شِين جرح الكلام
وأنا جريح الكلام الملتهب والهدب

سمعت لي كلمةٍ تكسر صليب العظام
من محتواها الضلوع العُوْج صارت حطب

يا ورد يا ناعم الملمس وغض الكمام
من علّمك تزرع الشوكة وتشعل لهب

رد: اخترنا لكم شعر نبطي وفصيح
 

ياللي توَنَّسْ بين لندن وباريس
عزّ الله إنّك ما تْعَرْف الوناسه

وناسةٍ ماهيب مع حادي العيس
في راس راعيها عَطَبْ وانتكاسه

من فاته الوسمي ونفح النسانيس
ودّك عليه يشدّدون الحراسه

رد: اخترنا لكم شعر نبطي وفصيح
 

عامنا اللي راح ما نأسف عليه
راح باللي فيه من خيرٍ وشرّْ

وعامنا المقبل نبيه ولانبيه
جعل ماهو من هذاك أدهى وأمرّْ

رد: اخترنا لكم شعر نبطي وفصيح
 

قال العروبة قلت وين العروبة
قال العرب قلت العرب صوتهم ذاب

قال السبب قلت السبب لودَرَوْا بِه
ما غيّروا مثقال ذرّة بالاسباب

عدوّهم من ضَعفهم رحّبوا به
وحطّوا يديهم كلّها في فم الدّاب

والدّاب زانت له وهبّت هبوبه
قام يْتغدّى ويْتعشّى بالاعراب

يأكل ثناديهم وينفخ ذروبه
ولْيا شَبَعْ منهم وصَفْهم بالارهاب

رد: اخترنا لكم شعر نبطي وفصيح
 

مرت سحابة واستهلّت سحابه
والبرق يفتح باب ويسكّر أبواب

همس المطر للريح همس الربابه
وألاّ كلام أحباب في حضرة احباب

همسه يزيل اعن النفوس الكآبه
يا زين صوته بين الاسماع ينساب

رد: اخترنا لكم شعر نبطي وفصيح
 

كن قلبي طفل اخطا وانظرب
وكنك الحكمه عقب طول السنين

آه لولا الدلو وش يملا القرب
وألف آه ان مارضى القاسي يلين

للطرب عبره وفي صدري طرب
للحزن نبره وانا صوتي حزين

رد: اخترنا لكم شعر نبطي وفصيح
 

والله وخطت شوارب جرحي الثاني
والجرح الأول نبت له لحيه وشابت

يا كلها شف بعضها وين وداني
يا ظلها النور وجروحي متى طابت

من ينقل عتاب عدواني لخلاني
من ينزع الهم كانه بالصدر ثابت

يا بنت جيت ألحق أعذارك ولا أمداني
والشمس ما تشرق إلا إن كانها غابت

طيب نقول الرعد خاين وخلاني
بس المزن عقب هالغيبات وش جابت

كان الخطا بأن أنا مانيب أحد ثاني
فأنا أعترف رميتك يا عاذلي صابت

رد: اخترنا لكم شعر نبطي وفصيح
 

يا ليت بعض الحكي ما جا على لساني
أو ليتني ما هقيت الهقوه وخابت

واليوم لو أملك النسيان لأنساني
وأهز صملان عين بالبكا رابت

والله مأسأل من المجني من الجاني
لكن هي شموعنا تندم إذا ذابت

مدري أنا أكبر بكم دمعه من أحزاني
بس أدري بساعتي من عقربك هابت

والخوفه أنسا من اللي فيهم أشقاني
الحظ وإلا خفوق بالرجا سابت

من وين أنا جيت؟مدري! اسأل أوطاني
الظاهر أني مثل بعض الشجر نابت

والموت ياناس لوجرحي تعداني
والصالبه من ركيزات الصبر عابت

والله لأحلق شوارب جرحي الثاني
كان آخر أربع جروح من القهر شاب

رد: اخترنا لكم شعر نبطي وفصيح
 

ما لقيت اخس من حب التواصل
يحرق اعصابك على فاضي بلاش

لا طفش منك قـطع عنك المواصل
وعطاك الحظر في نص النقاش

والمصيبة يـمكن تـكافـح وتـاصل
وتنصدم بعد التعب في شخص ماش

رد: اخترنا لكم شعر نبطي وفصيح
 

العين تلمح من البشر مليون
والقلب يعشق من المليون وحده

رد: اخترنا لكم شعر نبطي وفصيح
 

كني ما بين المملكه والفيصليه بيت طين
من غربته تشكي شبابيكه على جدرانهـا

محتاج للعزله عن العالم وعن وجه السنين
مثل ما تحتاج البيوت العامره شيبانهـا

.....

رد: اخترنا لكم شعر نبطي وفصيح
 

گلً ب هـذا الزمان يقول انا الطيب
والطيب اللي يگف الناس من شره

.....

رد: اخترنا لكم شعر نبطي وفصيح
 

يالله عساني على طاعتك متوّجه
الوجهه اللي على طاعتك ترضاها

.....

رد: اخترنا لكم شعر نبطي وفصيح
 

سقى الله وصالك يوم درب المواصل سمح
يا طيب الزمان اللي مضى بك ويا طيبك

.....

رد: اخترنا لكم شعر نبطي وفصيح
 

فـي الليلة اللي قمرها خافتٍ نوره
يرسم خطوطٍ ظلام الليل يغشاها

الذكريات حضرت بالصوت والصوره
تكميل رسمي من اولها ليا اتلاها

تعرض تفاصيل حبٍ ولت عصوره
ما باقي من المحبه غير ذكراها

.....

رد: اخترنا لكم شعر نبطي وفصيح
 

‏سامح وغض الطرف لو كان ما كان
‏عمر البحر ما ضاق من لطمة الموج

‏ لو تلتفت في كل زلة من إنسان
‏شفت البشر من حولك أرقابهم عوج

.....

رد: اخترنا لكم شعر نبطي وفصيح
 

مرحوم يامن قال لي خلك عشير الغانمين
المشكلة فالغانمين اللي ما عاد نشوفها

عز الله ان المـال عذروب الرجال الطيبين
تزرع سنابل مرفعتها والهبوب تلوفهـا

.....

رد: اخترنا لكم شعر نبطي وفصيح
 

كل فتره زعليني وازعلي من غير سبّه
ابغي ارضيك لان رضاك يرفع من مقامي

مشاري المري

رد: اخترنا لكم شعر نبطي وفصيح
 

مدام راسك حي سقهـا وقدهـا
وان سقتها سقها وقدها على الزين

النفس متعهـا ودور سعدهـا
بحدود مايسمح به العقل والدين

.....

رد: اخترنا لكم شعر نبطي وفصيح
 

‏حزمت في قلبي تفاصيل ذكراك
‏وحددت للفرقا من العام ميعاد

‏واخترت تاريخ مميز لعيناك
‏تاريخ فرقا كل مًامت ينعاد

‏في يوم ميلادك تعمدت فرقاك
‏ابغيك تذكرني مع كل ميلاد

.....

رد: اخترنا لكم شعر نبطي وفصيح
 

تكفين ياحال الشقا تكفين
حني خفوق العاشق المسلول

ولو مأدري إنك بالبلا تدرين
هانت ولا عشت العمر معزول

يالله ألا والحين إيه ألحين
يا جيته وإلا تمام القول

وحذراك يالجمعه من الأثنين
وش لك بمن تحفا وراه رجول

.....

رد: اخترنا لكم شعر نبطي وفصيح
 

أنت اللقا دام المخاليق فرقا
أنت النفس وألا أطيب الناس كتمه
يا نازل ٍ للزين والكل يرقا
وجنات ظلك جنبها النور عتمه

والحفل عينك والمعازيم غرقا
ولحن الزمن غيرت عزفه ورتمه

خلّ القلوب تموت بالشوق حرقا
والشوف لامن غبت خلّه ليتمه

عشقك غصن تفاح والقلب ورقا
ولك نظرة ٍ صابته مثل أم صتمه

جرّيت حبل الوصل والكف عرقا
ورغم اني أحفظ حبك أعجز لأختمه

وعينك عسل ولظلك عيون زرقا
يا من هلاك النور مسراك حتمه

وهجرك وصل ومواصل الناس فرقا
لكن تراك ان غبت باموت كتمه

.....

رد: اخترنا لكم شعر نبطي وفصيح
 

هي لهم كل الأماكن لا غدا قدري مكان
التعب لرقابهم لا صرت بالصف الأخير

وإن ضحك وجه البنفسج وأستمال الخيزران
في ثنايا الجرح جرح وما بقا إلا الكثير

طال عمرك يالليالي ما نبي غير الامان
في نهار ٍ لو رضينا مارضى باللي يصير

طال عمرك وش بيدنا دام كوكبنا جبان
ماقدر يكون شمس ولا قمر دايم ينير

.....

رد: اخترنا لكم شعر نبطي وفصيح
 

راح علم وجاك علم وكل خافي له بيان
هرجةٍ قلنا وتمت من ورا خشمك تصير

من عوايدنا الصلافه لو نعم وجه الزمان
ومن يحقر الناس عند الناس هو أصلا ً حقير

ودعك يالجرح نزفي من جت الساعه ثمان
ونامت عيون الأوائل صرت انا الحلم الأخير

.....

رد: اخترنا لكم شعر نبطي وفصيح
 

يا مهمهي المحبه وش بقا تخفي
إن كان ما هو بوصلك فأتركه خافي

أنت الرجا بالعمر والخوف من حتفي
وأنت أبعد أحلام عمري وأقرب أهدافي

يا كثر ماتشبه أغصان الأثل نحفي
ويا قل مالملح سولف عنك لضفافي

والكرسي اللي عقب ذاك المسا مجفي
مثلي مريض الوله ويقول متعافي

.....

رد: اخترنا لكم شعر نبطي وفصيح
 

يا عنّها ما جت حياتي لو أقفيت
وش ينفع المجداف عقب السفينه

ياللي تتم اليوم عامك من أخطيت
وأنكرت من شالك بقلبه وعينه

إن كثرت البيبان لاتامن البيت
وأذكر ترى بعض الأغاني حزينه

ياشمع بلغ وردتي كم تمنيت
إن الشوارع تفهم أهل المدينه

واني غريب وكل ماقلت حنيت
تعلقت في رجل الإحساس طينه

.....

رد: اخترنا لكم شعر نبطي وفصيح
 

انتي مثل نجد وانا مثل اهلها
مالك الى من غبت يابنت مقدار

والنظره اللي تنكسر من خجلها
ماهيب لعيوني ابد سلم وكار

والقصه اللي مات فيها بطلها
صارت مع الأيام للناس تذكار

ولو الجروح تجاوب اللي سألها
ماعشت بين الدم والدمع محتار

تشبهني الايام لولا عجلها
وأنا أشبه اطراف المداين والأسوار

.....

رد: اخترنا لكم شعر نبطي وفصيح
 

انتي مثل نجد وانا مثل اهلها
مالك الى من غبت يابنت مقدار

والنظره اللي تنكسر من خجلها
ماهيب لعيوني ابد سلم وكار

والقصه اللي مات فيها بطلها
صارت مع الأيام للناس تذكار

ولو الجروح تجاوب اللي سألها
ماعشت بين الدم والدمع محتار

تشبهني الايام لولا عجلها
وأنا أشبه اطراف المداين والأسوار

.....

رد: اخترنا لكم شعر نبطي وفصيح
 

عفرى تقول مضايقتها الجدايل
قولوا لعفرى لاتقص الجديله

والنظره اللي راح فيها قبايل
هذا وهي طرقة غطاها ثقيله

وإلا ثغرها مكنز ٍ للهوايل
مايلحق يرد الشهاده قتيله

تجلس ونلقا عن قمرنا بدايل
تاقف ويكره كل خل ٍ خليله

عفرى وترتج الكبار الثقايل
والنور يرجع للسراب ويشيله

عفرى وتبرد وجنتين القوايل
والجدب يرضع شفتين المخيله

عفرى وتبدي من دلعها خصايل
ورد ٍ جمع قطر الندى في شليله

عفرى واشوف الفجر راح يتمايل
والليل راح بسكرته يرتكيله

عفرى واشوف طويق ذايب وسايل
والرمّه موقف يبيها تجيله

عفرى وينعس جفن رفحا وحايل
ويجي لهامة نجد قصه طويله

والحب مابه عند عفرى جمايل
ياوالله اللي شوف عفرى جميله

وعفرى تقول أحلى بدون الجدايل
قولوا لعفرى تنقض (أم) الجديله

.....

رد: اخترنا لكم شعر نبطي وفصيح
 

ساقك اللي يسوق الما بعرق الضمير
عقب ما أمسيت ميّّّّس من حياة الغراس

وان غدا الشعر غيرك ماورا الشعر خير
يامن رضاك يسوى عندي ألفين راس

.....