منتديات قبائل شمران الرسمية

منتديات قبائل شمران الرسمية (http://vb.shmran.net/index.php)
-   المنقولات الأدبية (http://vb.shmran.net/forumdisplay.php?f=153)
-   -   فوق هام السحب ( الشعر الشعبي) على متن القوافي (http://vb.shmran.net/showthread.php?t=46693)

الحمدان 10-06-2024 12:49 AM

رد: فوق هام السحب ( الشعر الشعبي) على متن القوافي
 
لاصكت الناس بيبان العمل والدوام
بيبان عفوك ياربي مايصكونها

‏نعوذبك من عذابك والبرص والجذام
‏وجرثومةٍ ماتراها الناس بعيونها

خلت عقول الاطباء مدعين العلام
‏مذهولةٍ كل طبٍ مايجي دونها

انت العظيم القوي محيي هشيم العظام
بطشك يهدالجبال ويسقط ركونها

بامرك يزول الوباء ويحل فينا السلام
رحمتك يارب كل الخلق يرجونها

....

الحمدان 10-06-2024 01:24 AM

رد: فوق هام السحب ( الشعر الشعبي) على متن القوافي
 
يشوف الغلا بعيونك الناعسات الحور
مثل من يشوف الموت بعيون ذباحه

يبين لك انه هادي وخاطره مسرور
وهو والله انّه يزعجه صوت مسباحه

شجاع حذف لك بندقه والرصاص يثور
ولا تذبحينه عقب ماسلم سلاحه

....

الحمدان 10-06-2024 01:25 AM

رد: فوق هام السحب ( الشعر الشعبي) على متن القوافي
 
مابقى عندي لياقة لـ تفسير الكلام
السوالف معك ماهيب بيت محاوره

سولف بكل اريحيه ولذه وانسجام
مثل حكي الشايب المنصح لمن شاوره

....

الحمدان 10-06-2024 01:29 AM

رد: فوق هام السحب ( الشعر الشعبي) على متن القوافي
 
‏وش فيك تزهد بي وتلحقني الياس
‏قلبٍ مثل قلبي ماظنّيت تاجد

‏معطيك شيٍ ما انعطى لأغلب الناس
‏أنا سلامي لأغلب الناس واحد

....

الحمدان 10-06-2024 01:33 AM

رد: فوق هام السحب ( الشعر الشعبي) على متن القوافي
 
ماودي افتح مع العالم ملفاتي
ولاني من اللي يدوّر عندهم خِله

أنا على نيتي وامشي بنيّـاتي
ولاني بمجبور اجيب اللغز مع حله

خليت لفظ المحبّه من حساباتي
إلا محبة الي احبه لوجه الله

ماهمني ساعة الفرقى متى تاتي
مادام عندي قناعة تبري العله

....

الحمدان 10-06-2024 01:35 AM

رد: فوق هام السحب ( الشعر الشعبي) على متن القوافي
 
ياللي تعلمني على النحو والصرف
ماعلموك شلون جبر الخواطر

عطني حروف الجر واختار لك حرف
خابرك في جر المعاليق شاطر

....

الحمدان 10-06-2024 01:36 AM

رد: فوق هام السحب ( الشعر الشعبي) على متن القوافي
 
كان المسافة ترفض اني اشوفك
خل اتصالك غصب عنها يجيني

وكان اتصالك يمنعنه ظروفك
تكفي الرسايل شوق بينك وبيني

وان كان مالي حظ حتى بحروفك
خلك بعيد ومسكنك وسط عيني

....

الحمدان 10-06-2024 01:44 AM

رد: فوق هام السحب ( الشعر الشعبي) على متن القوافي
 
رسالتي لك....

وضعفت علاقتهما
ليس بسبب مشاجرة
أو موقف عنيف
إنما بسبب حالة
من الإهمال التدريجي

الطرف الأول
وثق بتواجده الدائم فأهمله

والآخر لايتحمل
أن يكون هامش
بعد أن كان قريب
‏تذكروا أن ماينتهي ببطء
لايعود أبدا بسهوله

بقلمي

الحمدان 10-06-2024 01:46 AM

رد: فوق هام السحب ( الشعر الشعبي) على متن القوافي
 
‏الرفيق اللي يسّر العين وينومس رفيقه
نشتريه ونشتري عرفه وحنا الرابحين

بقلمي

الحمدان 10-06-2024 01:48 AM

رد: فوق هام السحب ( الشعر الشعبي) على متن القوافي
 
الله اكبر يوم ميّل عودها واكبر ظلاله
وانثنت يمّي وغطى جيدها الاتلع شعرها

احسب انها ميّلت يمّي غلا ولا جمالة
مادريت ان غصنها المسكين يتعب من ثمرها

....

الحمدان 10-06-2024 01:49 AM

رد: فوق هام السحب ( الشعر الشعبي) على متن القوافي
 
ضحيت في كل حاجه في رجا حاجه
والحاجه اللي لها ضحّيت ضحّت بي

بقلمي

الحمدان 10-06-2024 01:50 AM

رد: فوق هام السحب ( الشعر الشعبي) على متن القوافي
 
‏طرف الليل حتى ساد صمت المدينه
وانتهت جلسة السمّار والجو هادي

لو نسيم الهوا لاهب هب بسكينه
في ضلوعي من الفرقا منادٍ ينادي

....

الحمدان 10-06-2024 01:52 AM

رد: فوق هام السحب ( الشعر الشعبي) على متن القوافي
 
‏خايف يطول البعد وتسج مني
وياخذ مكاني شخص ماهوب يسواك

وش عاد أسوي يومك أقفيت عني
لا انا أتبع المقفي ولا أحب فرقاك

....

الحمدان 10-06-2024 01:54 AM

رد: فوق هام السحب ( الشعر الشعبي) على متن القوافي
 
يازين المحبه لاتوافق عليها إثنين
ويا زين اللقى لاصارت النفس مشتاقه

أنا طحت في زين ماقد شفت مثله زين
وعلى زود زينه ياعرب ما ازين اخلاقه

فانا بوصفه في بيت من خوف شر العين
وعمت عين حسد في مزاياه تواقه

....

الحمدان 10-06-2024 01:56 AM

رد: فوق هام السحب ( الشعر الشعبي) على متن القوافي
 
رسمها في جسمها فـ اطخمتها
تلقى وصوفً للظبي وابرق الريش

حَسنا بدو ما كل نفسً هوَتها
ورغم البداوه عطرها دايمً نيش

سلسالها يومه يضم ارقبتها
كنه يداعب حبة الخال بشويش

حتى الزهور ان جاتها عانقتها
ومن رِقّها تسلب قلوب المداغيش

....

الحمدان 10-06-2024 01:59 AM

رد: فوق هام السحب ( الشعر الشعبي) على متن القوافي
 
اوصافها شي من الله ماحوله قصور
البدر في وجها في ليله عشر كمل*

ام الجمال وتبخترها يجيها غرور
هيكل بشر حطها الله في خليه نحل

يامترفه كن منتي خلق تسعة شهور
من الرزانه وزود والكبريا والعقل

....

الحمدان 10-06-2024 02:00 AM

رد: فوق هام السحب ( الشعر الشعبي) على متن القوافي
 
صباح اللي على بالي صباحه
صباحاً غير عن كل الخلايق

صباح الخير والخير استباحه
بعطر الورد وأنفاس الحدايق

...

الحمدان 10-06-2024 02:06 AM

رد: فوق هام السحب ( الشعر الشعبي) على متن القوافي
 
اعد شرهين الحمايا هل الصيت
من باب عد الحق لاهل المواقف

من يحسب ملهي شريدة عناتيت
هذا مايدري وش علوم ال عاطف

روس الجحادر من قبل طفرة الزيت
تقلط سربهم والمنايا تخاطف

تاردهم الامداح ميراد اهل هيت
وان صدرت عيت لاهلها تناكف


‎ملهي سلامه بن سعيدان

الحمدان 10-06-2024 02:08 AM

رد: فوق هام السحب ( الشعر الشعبي) على متن القوافي
 
وليفي عساك من الزمان وغثاه مجار
نسيت الوعد ولا تناسيت صارحني

من أيامنا وش عاد باقي من الاعمار
اذا ما انت بمداوي جروحي لا تجرحني

اظنّي سمحت من المواعيد والاعذار
مع اني مهوب ادناة حاجه تسمّحني

....

الحمدان 10-06-2024 12:54 PM

رد: فوق هام السحب ( الشعر الشعبي) على متن القوافي
 
يامل قلب ٍ يلوعه طاري الفرقا
كما يلوع الحمام الورق شيهانـه

إن حوّلن حوّلت وإليا رقن ترقـا
متعليّتهـن وهـي حدمه وجيعانـه

على وليفٍ نحا مع روق عن برقا
عليه عيني بصاف الدمع غرقانه

أبوثـمـانٍ رهــاف ودقــةٍ زرقـــا
موتي ولا صدته عني وهجرانـه


....

الحمدان 10-06-2024 12:55 PM

رد: فوق هام السحب ( الشعر الشعبي) على متن القوافي
 
غفلنا وانشغلنا بالزمن ياربنا رحماك
ورجعنا خاشعين ومامعانا إلاهقاوينا

وقفنا عند بابك مالنا مطلوب غير رضاك
معاصينا كبار وعفوك أكبر من معاصينا


مشعل الزعبي

الحمدان 10-06-2024 12:56 PM

رد: فوق هام السحب ( الشعر الشعبي) على متن القوافي
 
الصيف قفى وانتهى لاهب القيض
والوسم مقبل والمطر في حراويه

يالله بغيثً يروي القاع ويفيض
ويلوح برقه والرعد في مناشيه

يحيّ هشيم الارض والخاطر يهيض
لاشاف نبت العشب تزهى مفاليه


رجا عوض العتيبي

الحمدان 10-06-2024 12:59 PM

رد: فوق هام السحب ( الشعر الشعبي) على متن القوافي
 
احب الغرور وخص لا جا على المملوح
يجي له طعم ثاني وانا اللي مجربها

انا لي حبيبٍ من غروره شبعت جروح
وعشقت الجروح اللي غروره سبايبها

....

الحمدان 10-06-2024 01:12 PM

رد: فوق هام السحب ( الشعر الشعبي) على متن القوافي
 
يافاتنه كل شي على شانك يصير
ما دامني راعي الحمول وجملها

قبلك ماكنت اداني الصيد والطير
والحين ارحّب بالطيور وباهلها

....

الحمدان 10-06-2024 01:14 PM

رد: فوق هام السحب ( الشعر الشعبي) على متن القوافي
 
قال من غنّا وعينه لمحبوبه
مبطيٍ ماجـر صوته ولا غنّا

جادلٍ عوبـا وفارق ورعبوبه
قالت إقصد فيني وحبني منّا

...

الحمدان 10-06-2024 01:15 PM

رد: فوق هام السحب ( الشعر الشعبي) على متن القوافي
 
طيفك مثل طبع الهواء وين ماكان
ألقاه حولي وين ماكنت واكون

انت السماء والارض وانواع الالوان
وانت القمر والشمس والغيم والكون

...

الحمدان 10-06-2024 01:17 PM

رد: فوق هام السحب ( الشعر الشعبي) على متن القوافي
 
مايبرد الشوق لو نبطي من الثاني
الشوق لازال حي وجمرته حيه

شعري وشوقي وعاطفتي ووجداني
ماهزها الا محبتها الحقيقيه

طرقاً تغيب وتجي وان جات تلقاني
حبيبها اللي يحب بكل عفويه

من سلهمة رمشها الي ماتعداني
الى سوالف شفايفها الرمنسيه

ياماكله توت ولاشاربه شاني
مع ان حمرة شفايفها طبيعيه

...

الحمدان 10-06-2024 01:21 PM

رد: فوق هام السحب ( الشعر الشعبي) على متن القوافي
 
ﻧﺤﻦ ﻻﻧﺮﻳﺪ ﺍﻟﻨﺼﺎﺋﺢ ﺩﺍﺋﻤﺎً
أﺣﻴﺎﻧﺎً كل ﻣﺎ ﻧﺤﺘﺎﺟﻪ ﻫﻮ
أيادي ﺗﻤﺴﻚ ﺑﺄﻳﺪﻳﻨﺎ
ﺃﺫﻥ تسمعنا
ﻭﻗﻠﺐ يفهمنا

بقلمي

الحمدان 10-06-2024 01:25 PM

رد: فوق هام السحب ( الشعر الشعبي) على متن القوافي
 
أحتياج المرحلة أختصرها
ناصر الحمادين في :

محتاج للعزلة عن العالم وعن وجه السنين
مثل ماتحتاج البيوت العامرة شيبانها

الحمدان 10-06-2024 01:27 PM

رد: فوق هام السحب ( الشعر الشعبي) على متن القوافي
 
عضت شفايفها وأنا جاني الموت
تغمز بعينٍ وزادت الطين بلّه

كن الثنايا ثلج وتعض في توت
ومن خدها تقطف من الورد سله

ومعلقه في نحرها عقد ياقوت
ومن البياض العقد ضيع محله

عنقا طويلة راعية خصر منحوت
البطن ضامر والفواكة مطله

اذا أقبلت هيبة لها تقطع الصوت
واذا أدبرت من ردفها جاك عله

...

الحمدان 10-06-2024 01:30 PM

رد: فوق هام السحب ( الشعر الشعبي) على متن القوافي
 
رساله لي ولك....

أحيانًا تجد أن كل شيء
يسير عكس ما تريد
وكل الظروف والعوائق ضدك
وكل الطرق قد سُدت أمامك
عندها تتذكر قوله سبحانه :
( لاتدري لعل الله يحدث بعد ذلك أمرا)
حينها توقن بأن هناك دائمًا أمل
وأن الفرج والفوز قريب

بقلمي

الحمدان 10-06-2024 04:33 PM

رد: فوق هام السحب ( الشعر الشعبي) على متن القوافي
 
صبـّرنا على الغالين والحظ والايام
‏لكن الظروف احيان تكسر خواطرنا

بقلمي

الحمدان 10-06-2024 04:41 PM

رد: فوق هام السحب ( الشعر الشعبي) على متن القوافي
 
‏الإسراف في حبّك لعب في حياتي دور
‏والإسراف حتّى بالمشاعر ماهو طيّب

بندر الدويش

الحمدان 10-06-2024 04:43 PM

رد: فوق هام السحب ( الشعر الشعبي) على متن القوافي
 
عادالمساء والقلب ينبــض مساءخير
عســى يــدوم الخيــر دائــم عـليكــم

أسعد مساكــم ماسبح بالسمـاء طيــر
يا من فــؤادي بالـــــوفـاء يحـتـويـكم

بقلمي

الحمدان 10-06-2024 04:46 PM

رد: فوق هام السحب ( الشعر الشعبي) على متن القوافي
 
‏تقولين أحبك قلت ما للشعور لسان
على قلبي المغرم وروحي تمكنتي

أحبك مع أفراحي وأحبك مع الاحزان
وأحب الحياه اللي معك كيف ماكنتي

على كثر ما شافت عيوني من الغزلان
عليّ الحرام إن ما ملا عيني الا أنتي

...

الحمدان 10-06-2024 04:49 PM

رد: فوق هام السحب ( الشعر الشعبي) على متن القوافي
 
دام القصيد يحسسك في شعوري
‏لبى قصيدي والمشاعر لياجات

كل يوم لعيونك بسجل حضوري
‏وأسمعك أحلى الـحكي والعبارات

...

الحمدان 10-06-2024 04:52 PM

رد: فوق هام السحب ( الشعر الشعبي) على متن القوافي
 
ياطير تعال بعطيك كامل حناني
واعيشك ياطير في سعد ومزاح

ليش كذاء ياطير طبعك اناني
خليك معي ياطير صدق بترتاح

...

الحمدان 10-06-2024 04:53 PM

رد: فوق هام السحب ( الشعر الشعبي) على متن القوافي
 
الطير عقله قد اصابه جناني
والقلب حقه قد تعباء بـ الجراح

ماعــد يهم الـحـب ولا الحناني
السعد مـن قلبه تغيب وقد راح

الهم وسـط القلب دائــم هناني
نسيت كل السعد حقي ولفراح

قلبي من الاجراح صدق عناني
ماعاد قلبي مثل ماكان مــراح

خليك بعيد ترك جميع الوناني
ماباتحصل غير همومآ واجراح

فكر كماء قــد قلت انـي اناني
لاعدتجي وتطرح القول طراح


....

الحمدان 10-06-2024 06:09 PM

رد: فوق هام السحب ( الشعر الشعبي) على متن القوافي
 
‏انا كل ماجيت انتظر جيت المحبوب
‏تركني اسير الوقت وقصده يجنني

‏وهذي دروب الحب والحظ والمكتوب
‏يالله عسى المحبوب ظنه على ظني

...

الحمدان 10-06-2024 06:11 PM

رد: فوق هام السحب ( الشعر الشعبي) على متن القوافي
 
لبى حروفك كل ماشفتها ارتاح
ويا فرحتي بإسمك اليا لاح بالعين

احس بحروفـك معانق للأرواح
همزة وصل تجمع ع الود روحين

...


الساعة الآن 01:12 AM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لـ منتديات شمران الرسمية