رد: اخترنا لكم شعر نبطي وفصيح
 

كن الهبايب يوم تمحا الخطاوي
عاشق بكفه يمسح دموع معشوق

والحزن عمره ما يبيّت خلاوي
ولا يرقد إلا مفترش عين مخلوق

ياورد علمني وش العطر ناوي
أوتدري أسكت(يمكن أنساه وأفوق)

وإن ما نبت بأطراف صوتي شكاوي
حاولت أسافر غيم وأعوّد بروق

......

رد: اخترنا لكم شعر نبطي وفصيح
 

من عاتب الوقت ماتجدي معاتبته
ذب الورق في مهب الريح واتبعني

قل للزمن يا زمن خذ كل ماجبته
ما دام فيني تسامي ذات يرفعني

.....

رد: اخترنا لكم شعر نبطي وفصيح
 

يا صاحبي وقف لزيف الصحاري
وبشر هجير الشمس عن موعد السيل

حاول تغير في ملامح نهاري
واعط القمر مفتاح بوابة الليل

مدري لشنهو موعدي وانتظاري
ما دامت أيامي قليلة محاصيل

في داخلي نزعة خفوق انتحاري
حلم تكسر في ثنايا التفاصيل

واثر انكسار الحلم يعني انكساري
بغيت اكمل وانكسر فيني الحيل

.....

رد: اخترنا لكم شعر نبطي وفصيح
 

حرية الفكر هي ابسط حقوق الحياه
والعاقل اللي يعرف حدود حريته

من سكر ابواب قلبه لا تفتش وراه
من حقه يعيش بالدنيا خصوصيته

.....

رد: اخترنا لكم شعر نبطي وفصيح
 

الله تـوفـيقك وتـسـهيل الأرزاق
يـا كافي بفضلك جميع المخاليق

منك الفرج يالله لا خاطري ضاق
انـت الـكريم اللي بيدك التوافيق

.....

رد: اخترنا لكم شعر نبطي وفصيح
 

يا صاحبي وقف لزيف الصحاري
وبشر هجير الشمس عن موعد السيل

حاول تغير في ملامح نهاري
واعط القمر مفتاح بوابة الليل

مدري لشنهو موعدي وانتظاري
ما دامت أيامي قليلة محاصيل

في داخلي نزعة خفوق انتحاري
حلم تكسر في ثنايا التفاصيل

واثر انكسار الحلم يعني انكساري
بغيت اكمل وانكسر فيني الحيل

.....

رد: اخترنا لكم شعر نبطي وفصيح
 

صدق من يقول الفجر فيه الفرج والأجر
وتارك صلاة الفجر مهموم ويعاني

اشوف التشابه في حروف الفرج والفجر
ولا ادري من اللي ماخذ اسمه من الثاني

عبدالله الطلحي

رد: اخترنا لكم شعر نبطي وفصيح
 

‏محلا المساء بطلتك دامك النور
ولا تلومني لا قلت معك المساء غير

معك مسائي ممتلي شعر وشعور
الله يمسي وجهك النـّير بخير

.....

رد: اخترنا لكم شعر نبطي وفصيح
 

‏اتعبوا لأهدافكم ياهل الحلم الشغوف
‏عنفوان زهور الأعمار قافيها المراح

‏الضعافة ويش ودت وجابت للضعوف
‏غير صبرٍ ما يواجر وهمٍ ما يزاح

‏الفشل لا تجعلونه ذريعة للوقوف
‏هو تراه أول مراحل محطات النجاح

‏ما يعديك المهونة ويلحقك الشفوف
‏غير ممشاك بشجاعة وعزمٍ من كفاح

.....

رد: اخترنا لكم شعر نبطي وفصيح
 

مدري عن التوبة يجي علم تالي
خلوني ابعد حالي اللي معنيه

انا خوي اللي ثنته الليالي
واللي بعد عيت لياليه تثنيه

.....

رد: اخترنا لكم شعر نبطي وفصيح
 

اروى وانا جرحي ثمل طين وتراب
قاع ٍ خطب ود الغيوم ونفاها

اروى وتكسر ضحكتي دمعة اسباب
وكم فرحة بعت بكدرها صفاها

تبعثرت في ذاكرة صيف كذاب
ادركت باديها ولذت بجفاها

كلي رجا ومنادمة ليل وعتاب
وجروح تركض عكس نقطة شفاها

اغمّض عيوني على برد الاهداب
واتذكر احضان امنحتني دفاها

والليل درويش ٍ حمل رفض الابواب
خبل ٍ شرب زيت الشموع وطفاها

وانا على جال السهر ظل وكتاب
احاول استرجع لاولى جفاها

.....

رد: اخترنا لكم شعر نبطي وفصيح
 

‏سبحان من يعطي قبول المخاليق
‏ وسبحان من يفرق عطا عبد عن عبد

‏ بعض الأوادم شوفها يجلي الضيق
‏ وبعض الأوادم شوفها يلوع الكبد

.....

رد: اخترنا لكم شعر نبطي وفصيح
 

تغانموا فعل الجمايل مع الناس
‏الناس صعبات الظروف اجرحتها

‏فعل الوفاء والخير فالناس نوماس
‏الطيب فوق الأرض ماهو تحتها

.....

رد: اخترنا لكم شعر نبطي وفصيح
 

‏إما تجي حكمة وتغلب على الصّمت
‏والا إلتِزم بالصمت والصمت حكمة

‏سعد بن جدلان رحمه الله

رد: اخترنا لكم شعر نبطي وفصيح
 

مد كفِّك للسلام ومد كفِّك للوداع
لا تبالغ بالتمسّك تنجرح قلب ويدين

.....

رد: اخترنا لكم شعر نبطي وفصيح
 

يا ساحة الشعر والشعّار والساحه
وش حيلة اللي جمال الكون في شَفّه

بعض القلوب الرهينه جات مرتاحه
لكن فؤادي من اللي واقف بصفّه

حسبي على اللي أخذ قلبي ومفتاحه
وعرق الهوى في ضميري لفّه بلفّه

أبو عيونٍ كحيله .. سود .. ذبّاحه
وغمازتينه دمارٍ تغزو الشفه

وليلٍ تحدّر ياكنّه لفّة وشاحه
ورموش عينه غرامٍ جات مصطفه

والخصر ياكثر ماني شايف لحاحه
على الردايف يقول بليز يالعفه

ما كنّه الا زجاجة عطر فوّاحه
زيِنه بكفه وزين الناس في كفه

عزّاه ياهب نفح الشرق ورياحه
ولبيه لامن وصلني من كذا هفه

.....

رد: اخترنا لكم شعر نبطي وفصيح
 

العاذل اللي يدوّر عثرة دروبي
ما يدري انّي عنيدٍ بايعٍ فادي

ياما طلبت وجاني عكس مطلوبي
يا ما خذلني رفيق وقلت له عادي

أحدٍ رجمْني بغيبٍ والتفت صوبي
أقبل يكيل المديح ويطلب ودادي

واحدٍ طلبني وعطيته يافهد ثوبي
لا ما هقيته يصير الدّ حسّادي

طيّب وصار الطيب عوقي وعذروبي
أشْره على النوق والا اشره على الحادي

استغفر الله عسى الله يغفر ذنوبي
مايغفر الذنب غير الواحد الهادي

مع كل شمسٍ جديده تشرق عيوبي
طالت دروب الخطايا وين انا غادي

رد: اخترنا لكم شعر نبطي وفصيح
 

علّم الريح تصهل واستثار الغمام
وعلّم الغصن الأرعن ينحني للنسيم

علّم الشمس تشرق من هديل الحمام
وعلّم الليل يضحك عقب ما هو كظيم

وعلم الحرب تخجل من رصيف السلام
والمشاعل تعيّي لا تشب الهشيم

أه يا ليت شعري ويش يفيد الكلام
الليالي غدت لي تقل خصم وخصيم

.....

رد: اخترنا لكم شعر نبطي وفصيح
 

اسرجت خيلي وامتلت روحي اصرار
هذا وانا اوّل عاشقٍ يشعل النار

ماجيتك اشكي غربة الاهل والدار
ولاجيت افلسف بالحكي بعض الافكار

انا خوي اللي يبي يآخذ الثار
وانا اليقين اللي به الشك يحتار

قلبي وطن للحب وظلوعي اوتار
إنْ جيت ريحٍ قابلك منّي اعصار

.....

رد: اخترنا لكم شعر نبطي وفصيح
 

كان الوفا نجر وفناجيل ودلال
يابوي انا مبطي مبهر دلالي

صبيتها للناس فنجال فنجال
ماهمني يقضون والا قبالي

ماعزني عمٍ ولاعزني خال
أنا الذي باعز عمي وخالي

ورّتني الدنيا خفيفات وثقال
الله يجيرك شفت غبن الليالي

أهْدتني الفرقا وانا طالب وصال
ماقدّرت يابوي صرخة سؤالي

يوم انّي اكتب ماخطر لي على بال
إنّ القصيد اعزّ واغلى عيالي

اكتب ويسري في المخاليق موّال
اكتب وتصهل مهرةٍ في خيالي

يابوي لاتجزع على كل الاحوال
ما تلحقك شمسٍ وانا لك ظلالي

ان قالها الله غير ابرهن بالافعال
ومافاتني أوّل أجيبه بتالي

.....

رد: اخترنا لكم شعر نبطي وفصيح
 

‏عن مناوي غايه النفس تقنعك السنين
ما صفت عوج الليالي و لا دامت لأحد

.....

رد: اخترنا لكم شعر نبطي وفصيح
 

ابتسم للضيف واضحك للمسير
‏الكرم يبدا بضحكة وابتسامة

‏اطلق حجاجك ووجهك لا يتغير
‏الحجاج المنطلق نص الكرامة

.....

رد: اخترنا لكم شعر نبطي وفصيح
 

لا تترك اللي خوته تجلب الطيب
أحرص على قربه لو الفقر غطاه

واحذرمن اللي خوته تجلب العيب
لو كثر ماله واعتلى سور مبناه

الصنف الأول يرفعك بالمواجيب
والصنف الآخر للمذمات ممشاه

هذي تجارب من علا راسه الشيب
واصبح خبير في صواديف دنياه

.....

رد: اخترنا لكم شعر نبطي وفصيح
 

لا تزعجون الناس بافعال الاموات
كفـوا وقفـوا كاسبين الجميلـه

عد انت وش سويت من فعل بالذات
اما كسبت النـعم والا بديلـه

سعود العتيبي

رد: اخترنا لكم شعر نبطي وفصيح
 

ظني انه صار شوف الطيبين شفاقه
‏والمراجل عقبهم قدها على تاليها

‏خالد بن مدعث

رد: اخترنا لكم شعر نبطي وفصيح
 

يبعث الله في المصلين السكينه
‏دون قرب الله حياة الشخص مُرّه

‏من يحط - الله تعالى - بين عينه
‏حطه الله في المقام اللي يسرّه

جابر بن علوش

رد: اخترنا لكم شعر نبطي وفصيح
 

أعلم ترا فيه وحده من صلواتك
‏في عمرك اخر صلاة لك تصليها

.....

رد: اخترنا لكم شعر نبطي وفصيح
 

يا رب ترزقني وترزق صديقي
‏تعطيه من خيرك وتعطيني اعطيه
‏
‏قبل امس وقفني وانا في طريقي
‏وقام ايتشكى لي وانا قمت اهدّيه
‏
‏ازريت لبلع من شكاويه ريقي
‏وانا ما عندي غير روحي وتفديه
‏
‏جاني من الاحراج شي ٍ حقيقي
‏في موقفاً ما ودي احدن يجي فيه

.....

رد: اخترنا لكم شعر نبطي وفصيح
 

اللي ما تبغي تلاحقها عيون الرجال
‏تلبس عباية ستر ما هي عباية خصر
‏
‏لا تظهرين المفاتن والدلع والجمال
‏وتطالبين الرجال تغض عنك البصر

.....

رد: اخترنا لكم شعر نبطي وفصيح
 

في ضلوعي طفل لامن جاع أغني
وأجرح الدنيا بنظرات الذهول

أنقسم ثلثين إنس وثلث جني
وأترك الصرخة تقول وما أقول

صاحبي مثل القصيدة ما فتني
لا تعرت حلم للقلب الخجول

في ملامحها الخفية شي مني
آيتي للناس والشاعر رسول

إن بكت تمطر غيوم بوجه ظني
هي سما روحي وأنا أوجاعي فصول

لا تبرقعها ظنونك بالتجني
عن ضما الوردة يكلمك الذبول

صاحبي خانوا ربوعي والتمني
ما بقا عندي سوى مهر جفول

إنكفوا شدوا وشد الصبح عني
خلوا الظلما تشكل ألف زول

عيشوني الخوف كله لكن إني
ما عطيت الشمس لأنصاف الحلول

ما خذيت الشعر طفل بالتبني
ولا تركت لخطوه الرفض القبول

دست بعنادي ظروف عاندني
قلت أباصل لو غدى الموت الوصول

سليمان المانع

رد: اخترنا لكم شعر نبطي وفصيح
 

كَأَنَّها إِذ خُضِبَت حِنّا وَدَم
وَالحُرُضُ العن وَالهَرمُ العُصُمْ

.....

رد: اخترنا لكم شعر نبطي وفصيح
 

على الوعد طال انتظارى هنيّا
وان جيت ابمشى شفت مانى بقالي

اصفق بكفينى واقلّب يديّا
حيره وتاخذنى خروص وهقاوي

واقول يمكن "ياجميل المحيا"
نسيتنى والا على الصد ناوي

راعى غنم ومعلقه بالثريا
روحى وقلبى للسحايب هواوي

تصلانى اشواقى واجيك اتفيّا
عنها بظلك وانت عنى نحاوي

فديت منّك أى شى ايتهيّا
عليه أعلّق غايتى والرجاوي

بس لاتخلينى أمانه كذيّا
على جمر طول انتظارك خلاوي

.....

رد: اخترنا لكم شعر نبطي وفصيح
 

أحلى تيراميسو على كوفى لاتيه
وانتى على بالى تزيدى حلاته

توى أذوق من الزمن طعم حاليه
معاك يا أحلى وأجمل بناته

ياكن هالمقهى وانا أستحضرك فيه
تغيب ناسه من على طاولاته

ألقاك حولى تجلسين بكراسيه
هنا وهنا وهناك وبكل جهاته

يلوح وجهك المحه عدة وجيه
فى وجه واحد تجتمع بالتفاته

آخذ قلم أرسمه أسرح أراعيه
ألقاه مثلى غارقن فى سكاته

.....

رد: اخترنا لكم شعر نبطي وفصيح
 

صباح النوايا الصافيه والقلوب البيض
وصباح الفرح والشوق والحب والطيبه

قضى يوم من عمرك وبدا يوم للتعويض
تجنب به اعراض المخاليق والغيبه

.....

رد: اخترنا لكم شعر نبطي وفصيح
 

‏أحدن يجي وأن راح محدً درى فيه
يعني حضوره و العدم شي واحد

و أحدن حضوره غير وان غاب ندعيه
واحد و يسوى بالعرب ألـف واحد

.....

رد: اخترنا لكم شعر نبطي وفصيح
 

انشوفها عوجا ونترك عوجها
تكرم لحانا عن هروج الرديين

وان كان نقال النمايم هرجها
انصد ما كنا عن الهرج دارين

.....

رد: اخترنا لكم شعر نبطي وفصيح
 

‏صباح الرضاء والحمد والذكر والتسبيح
صباح النفوس السامية والجناب الزين

أوصّل تحياتي مع كل نسمة ريح
عسى الله يجمّلنا ونوفي مع الوافين

عبدالله أبو عيون

رد: اخترنا لكم شعر نبطي وفصيح
 

‏أحلامنا طارت سما كنها ريش
نشأ السحاب وفرّق الريح شمله

أثر الزمن دوار وأيامنا طيش
ومصادم الأيام تحتاج صمله

الطير يأكل نملة الأرض ويعيش
وإن مات لحم الطير تأكلة نمله

رايد بن هلال

رد: اخترنا لكم شعر نبطي وفصيح
 

‏نعيــــش ونقــــاوم زمنــــا وما فيه
ونمشي ولا نشكــي لحــــد ما كتمنا

نكفــــن اوجاع الجـــوارح ونخفيه
ولا نبــــدي اللي فـي الحشايا دفنا

نضحك بوجه الناس والفرح نبديه
ونحاول اسعـد البشــر غصب عنا

ونصنع سعاده تحـرق اللي نعاديه
ونحفـــظ كرامتنا ونحفــظ قيمنا

.....

رد: اخترنا لكم شعر نبطي وفصيح
 

‏ليت الوجـع ما جاء على يد الاحباب
جرح الحبايب صعب نوصف علاجه

لو هو غريب الناس مابحسب احساب
امـا قريــــــــب الناس يا الله خراجه

جرح الحبايب داخــل الصدر ماطاب
اوجاع تفـــــرق عـن وجع كل حاجه

تبقــى معـي طول العمـر جرح لهاب
واكسار قلبــي مثل كســـر الزجاجه

.....