|
رد: ديوان شعراء السعودية في العصر الحديث (متجدد)☘️☘️
بســــــــم رحمــــــن ٍ رحيــــم .. سعد بن جدلان بســــــــم رحمــــــن ٍ رحيــــم نعبــــده و نستعيـنـه بالنـــــوايـا نيتـه تبطـــــل حقـــــــــايـق كـل نـيّـة بالربوبيـة و بالشــــــان العظـيــــــم موحــــــديـنـه الـــــرقيـب المطلـع فالبينـات و فـي الخـــــــفيّـة لا مفــــــرٍ من قضــــــــــاه و لا هـروبٍ مـن يقينـه و لا حمايـة للحصــــــون إلا حمــــــــايتـه القويّـه يا بنات الفكـــــــــر هاتـي لـي نـوادرك الثمينـة في نبا سلمـــان بن عبدالعـــــزيـز أمشـي جريّـه في سنام طـــــويق يزرع لك من الياقـــوت عينـه في زاد و فيه شـــــــــرب و فيه كـن و فيـه فيّـه جودته تغني الفقارى و ارجــــــــحٍ خطـلاً يمينـه لطمـــــــــته تعمي عـداه و نفـح جـوده مسفطيّـه طول الله في بقــــــــــاه و مـدد الله فـي سنينـه الخصـــــــال الطيبه في شيـخ أهـل نجـد العذّيـه شايل الحمل الثقيــــــل و معتق النفـس الرهينـه بالدليـل و طــــــايـع ربــه و متـبـــــــــــع نبـيـه يـا ولـد قايـد مســـــــــــيرتنـا وربـان السفينـه الزعيم الفيصـــــلي مرسـي الحــــدود الفيصليـه صبح المـــــــــــديون قبـل الفجـر ثـم ارتـد دينـه قمتـه سـت الــــــــــركايـب و ار بعيـن بوارديـه لا يغـــــــــدر و لا يخـون و لا يحقـر محـاربينـه يرفع البيرق على وضح النقـــا و الشمس حيّـه بعد ما سيطر على الخزان و استولى الخـــزينـه صوتوا بالحكـم بيـن مقيبـره و الناصــــــــريـه كانت اقلوب أهلهـــــا شتـى و كـلٍ لـه ضغينـه في جهـــــل و أعمالهم سلب و نهب و عنصريـه جاتـه الأسيـاد تعطـــــــــــيـه الـولا و مبايعنـيـه بعد شافوا ضرب أبو تركي و مركاض العبيّـه كان في الشبه أربعين و كان به عشره بطينـه فأشهد إن عبدالعـــــزيز الفيصلي مـا فيـه زيّـه سيدي قدام أجيــــــك القلـب مـا يظهـر كنيـنـه أتلـزا بالعـزوم اليــــــــــــوم و الصبـح و قفـيّـه و عندكم يا بو فهد تبدا الظـــــواهـر و البطينـه انتـــــــوا اللي بعـد رب البيـت منصـى للشكيّـه سيدي ترك الحقـــــوق اللازمه مـا هيـب زينـه خص عند اللي يقول حـــــــقٍ علـي و حـق ليّـه إن بغيت أصد لا الصــــده عن الماجـوب شينـه و إن بغيت أجود شحّـــــن المصاري مـن يديّـه في و جهك و وجه أبوك أو جاه مكه و المدينه و جاه من صام رمضان و جاه من حج الضحيّه من قيادٍ عند أخـس النــــــاس ورّانـا الغبينـه و الدهر يا كثـر قشرانـه و ياقـل أجــــــوديّـه يا صلاة الله على من دين أهل الاســــلام دينـه و السلام و رحمـة الله و بركـــــــاتـه و التحيّـه |
رد: ديوان شعراء السعودية في العصر الحديث (متجدد)☘️☘️
شدوا يا النشاما .. سعد بن جدلان شدوا يا النشاما فوق حمر ٍ حرار حيل منوة كل مشتاق على الهجن مترحّل نبّاي الفقار أجسامهن من اللحم نحيل أباهر غواربهن عن أكوارهن سحّل فج عضود كن زغونهن للسباع دحيل عنها نسع الأزوار ورقابهن نحّل سواد المدامع في بياض الخدود ذحيل تقول إنها تضرب مكاييج و تكحّل تنصا فيصل الخالد ربيع لكل محيل لا قلّت مزاهبنا أو ناب الدهر قحّل جناب الزحل لا منهم طروا الزحّيل شيخ في سنام المجد شايخ و متفحّل في فيصل خواطر خاطري تندفع بالحيل و أنا و الله إني في صنايعه متوحّل |
رد: ديوان شعراء السعودية في العصر الحديث (متجدد)☘️☘️
الجــــهــــالــــة .. سعد بن جدلان الجهاله في بنـي آدم توليـه الـدبـور لـو طريقـه غـادي يحسبنـه متـجـه يحسب ان ما مثل شوره مع الاشوار شور رما يعرف أن له مزاج وللنـاس أمزجـه يمكـن ايلاقـي مـزاج يبتدلـه الشعـور وهو على فلم الشطـارة وفلـم الدبلجـه وآخر المشوار لا حصلت ما في الصدور كل زور فيه شور لمـن ضـاق هرجـه يحسب أن معه أفضليـه توليـه العبـور ان لقا الملح أزعقه وان لقا الحلو أسمجه القمر والشمس كنها تسلـف منـه نـور والحبال تصيـر تحتـه خيـول مسرجـه والسما عجزت تصل له جناحين الطيـور مـا وصلـه إلا محمـد بليلـه معرجـه يـا بنـادم يلعـن الله مختـال فـخـور من تواضع تحـت ربـه يعليـه درجـه لأجل ما تدخل جهنم على شـأن الغـرور للعرب حاول تواضـع وتعطيهـم وجـه من لقا عذب المشارب ومثمـرة الزهـور ما قعد يغرف من البحر ويسوق أحدجـه |
رد: ديوان شعراء السعودية في العصر الحديث (متجدد)☘️☘️
سبحان واليك ياليلٍ .. سعد بن جدلان سبحان واليك ياليلٍ سـرى برقـه أراقبه والعرب في نومهـا غرقـا ماصدّت من شوفك الاّ الهم والحرقه بعض الملاقا تعوّضني بـه الفرقـا حبٍ مع حبّ غيري ماظهر فرقـه غديتّ كنّي شفيـع وحبّـه الزرقـا |
رد: ديوان شعراء السعودية في العصر الحديث (متجدد)☘️☘️
ياكبديّ الليّ .. سعد بن جدلان ياكبديّ الليّ من الحرمـان منهشــــمـهفيها مـن العـام نجـارٍ بشــاكــــوشـه والليّ هشمها شفاتٍ دونهـا حشــــمـه أرهى على الليّ تبي نفسي ولا أنوشه حجزٍ يرّد الرجاوي من ورى خشــــمـه وأنّ رده الحجز والاّ ضاع فالطـــوشـه عمّر بيـوتٍ علـى بيبانهـا رشــــــــمـه وبطونها بأفخم الشيـراز مفــــروشـه |
رد: ديوان شعراء السعودية في العصر الحديث (متجدد)☘️☘️
يامل قلبن .. سعد بن جدلان يامل قلب(ن) تقول يقلا على صيخ خلت به الدنيا حزازات ومشوخ دنيا تنوخ راعي العقل تنويخ وينداش فيها صاحي الفكر ويدوخ تغيرو فيها العيال المطانيخ وسبابها شمل العرب صار مشلوخ خلتهم الدنيا مناشف طبابيخ حتى الاقارب بينها الذيب مصلوخ ماعاش فيها الاأعيال الطخاطيخ خطوا البعير اللي من المدح منفوخ من شان ماله صار شيخ ولد شيخ وامشيخٍ نفسه على النصب والجوخ بالحكي لعتازوه وياك مريخ وليا جاء لزومٍ عندهم صاروا فروخ |
رد: ديوان شعراء السعودية في العصر الحديث (متجدد)☘️☘️
يا شديد الخطب .. سعد بن جدلان يا شديد الخطب من بعض الدعاه اللي دعوني كل ما هبت هبوب منك شفت النار حيه من بجاحة طيشي البذاخ لا غنت شجوني في منصات الكلام اليوم والصبح وقفيه أصطغيبك راقي الأسماع وأبهج بك عيوني وارتقيبك في منصات الشهير العالمية هرجك يدغدغ طهوم الشوق وسسط التلفوني وطايفك عندي سواة الراك قدم الآركية أسفهل بعزلتك خلٍ وفي حتى الجنوني واغرق الأسماع في دهشة خيال الواقعية والله إني ما اسفهل بونس غيرك لو عطوني قصر في حي المصيف و قصر في حي العلية بس !! لا تيقظ سبات الهم وتثور سكوني ثم أخلي باقي علومي وأدن الهاشمية |
رد: ديوان شعراء السعودية في العصر الحديث (متجدد)☘️☘️
موجز النشرة .. سعد بن جدلان بعدالأمل تتعب دونه الناس ماوصلوه حتى تجتمع فى ساعةالحشر منحشره الوجه المشبب كلمته مالها مسفوه والأقشر يواجه قشرالأنصاد من قشره تلقى مبغضين الآدمي كثر من حبوه على وجه سابعة الأراضين منتشره والدنيا تمد الناس بالخير والمكروه في خيراتها شتّى وفي شرّها خشره و سمات البخت لا شافوا النور ما غطوه واقوى رابطة في الزاد والملح والعشره واللي يجهل المشروه لا يلحق المشروه ورجّال تعداه المشاريه لا يشره والألباب لآمر الكلآم المفيد أوحوه وتفصيل الخبر يكفي عنه موجز النشره |
رد: ديوان شعراء السعودية في العصر الحديث (متجدد)☘️☘️
الطيب .. سعد بن جدلان ودّنا بالطيب بس الدهر جحّاد طيب كل ماتخلص مع الناس كنك تغشها يدك لامدت وفا لاتحرى وش تجيب كان جاتك سالمه حب يدك وخشها كل ماشبيت نار المحّبه مع حبيب قام يسحب في مشاهيبها ويرشها كل ماواجهت لك في الزمن وجه غريب مثل ما قال المثل دام تمشي مشها وذمةٍ ماهيب تندان للحق المصيب جعل قشاش الحطب لاسَرح يقتشها |
رد: ديوان شعراء السعودية في العصر الحديث (متجدد)☘️☘️
كرمة ودمت .. سعد بن جدلان الا ياالله ياللي تحت هيبة سلطنتك اسلمتلك المسلم يسبح لك بحمدك ولك الاسلامي احمدك واشكرك واثني عليك بما علي انعمت تزودني وفا قدر العشير ووصل الارحامي ولجك الفجر ياليل الذهول اللي علي اضلمت يعرضك واقع الماضي بعيني عرض الافلامي ولهتك يالنديم اللي على صافي وفاك اضرمت بصفحة ذكريات العام واللي من ورا العامي بعد تقرير مشوار التجارب نجحك واجزمت بان السيف سيفي والعصا والمحزم احزامي عطتني عزلة اخلاصي معك نسيان من نادمت كتبتك وانطوت صحفي عليك ورفعت اقلامي اباهي لا ابالي واتبيسط كل ماقدمت اشب النار قدام العرب واشيد اخيامي نهاري حر شمسه يستحي منها لسان الشمت وليلي ترقب نجومه ملامة كل من لامي على ضو الكلام اللي كشف عنا ستار الصمت عرفت اني تحت برق الامل في روض الاحلامي احسب انك تيمم با اتجاهي وين ما يممت واثر ما انت بورايه في الطريق ولانت قدامي مصيبه لاتدنت قيمتك في عين من قيمت يشوفك بالسهل وانته تشوفه بالسما السامي كثر ماحن قلبي للونيس وكثر ما درهمت فجر صدري حنيني واتعب الاقدام درهامي عيون الصد وعيون التجافي حول مهما اكرمت تشوف المجتهد كسلان والبناي هدامي مدام ان جانبك شام لجنابي وانت عني شمت كثر خيرك وانا مانيب لاجايع ولاضامي اشوف انه علي واجب ليا مريتكم سلمت مرور اكرام تربطه الكرامه عند الاكرامي على شان الخفوق اللي على عرشه قعدت وقمت حجب عنك الدجى لين اشرقت لك بيض الايامي ختام السالفه ياطيب العشره كرمت ودمت هذا حقك علي وحق شرهاتي على اوهامي مصير الوقت يشرح لك دروسه وان غفلت ونمت يصحيك الزمان اللي يصحي كل من نامي تذكرني لامنها خابت اوهامك فمن وهمت وشفت الفرق في حب الخشوم وحب الاقدامي |
| الساعة الآن 07:44 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية