معليش تعقيب اخر لاهنت يبو سيما :
بعض الاخوان قالوا الطلب عن طريق التلفون (( طلب ايه بالتلفون )) اللي انت جي تقول عليه !!!! الا بنزيد الطين بله ويصير توصيل منازل !!!!!!!!!! يا سااااااااااااااااتر مين اللي راح يوصل الطلبية حرمة تتوقع بتسوق سيارة ...!! والا لبناني بيجي الحريم اللي مايخافون الله لحد البيت لالالالالا .... هذا ليس حلا ابدا .............. |
اقتباس:
والله راحت عن بالي هالنقطة فعلا ربما يستغل هالشي من بعض النفوس الضعيفة وعموما يابوخالد المحترمة محترمة واللي بتلف وتدور بتلف و بتدور بالاف الطرق لكن احنا قلنا البنت المحترمة اللي ماتبي تتعرض للاحراج تطلب واللي يستلم محرمها كذا ما اظن منها خوف ابدا والا وش رايك؟ تحيتي لك يابوخالد |
اقتباس:
استغربت ردك لما تقولي باضيف :14: والله يابوخالد اني اكره هالحركة لما يجي البائع ويطارد الزبون يعني انه مسوي دعاية لازق ومايسكت عندنا ذي وعندنا ذي وشو رايك في هذي :angry: انا اطردهم احيانا لما اشوفهم مزودينها بالنسبة للمحلات المغلقة ذكرن بعض الاخوات انهن يخافون منها طبعا مادري وش الاسباب بالضبط وانا ذكرت بموضوعي ان احيانا الرجال يبون مثل هذه المحلات من اجل شراء هدية مثلا وفعلا يابو خالد لو كل من الرجل والمرأة اتقوا الله لما رأينا المشاكل والفضايح ولكن نسأل الله العافية بالنسبة للموسيقى طال عمرك اضيفها لما ذكره اخي احمد الشمراني باللبناني والفلسطيني تعرف انت لازم يكون البائع وسيم والجو رومانسي والله ياخي مصاااااايب تحيتي وشوقي لك ياغالي واعذرني قلبت الردود بس لان ردك الاخير كان في اول الصفحة وماشفت اللي قبله اخر الصفحة السابقة احس انك مافهمتني :14: لاني حتى انا مافهمت وش قلت :GIF_38: سعد ال عدول |
السلام عليكم ورحمة الله وبركاته
بصراحه عندما ندخل محل ملابس نسائيه تتغير معالم ملامح الوجه والي كنا نبغاه ننساه لاننا لا نستطيع طلب شي نريده ويتفلسف العامل ونقعد نفارع بين اخوي ولا ابوي والعامل فلذالك تعاملنا معي بايعه تجي لحد البيت وناخذ الي نبي بدون مشاكل ولا تفلساف واتمني من المعنيين بان يعجلو باخذ قرار وجود اسواق نسائيه وتشدد عليها الرقابه وسلامتكم |
والله فشيلة لكن وش نسوي شر لابد منه وأتمنى تكثر الاسواق النسائية التي تحوي جميع احتياجات المرأة
لاننا والله تعقدنا من الاسواق مانقدر ناخذ حريتنا في الشراء والرجال ماعندهم صبر لاقلت لهم سوق كاني اقوله نروح العراق ههههههههههههه الله يعين ويريحنا وشكرا على طرح الموضوع الهام |
بصراحة الموضوع رائع واشكرك اخي سعد على طرحك هذا الموضوع المفيد وهذا الذي يحدث داخل الاسواق والمجمعات شيئ يقهر وارجو من عمل اسواق خاصة للنساء بذات في هذا الزمن لايوجد حياء من النساء ولا من الرجال تقبل مروري اخوك لاتحاول |
اقتباس:
حياك الله اختي الكريمة شمرانية وفعلا جميع الفتيات اتفقن على ان الوضع محرج كثيرا وطريقة الشراء من موزعة او بايعة تجي للبيت اراها حل ممتاز ومريح كثير ونتمنى فعلا وجود الاسواق النسائية الخاصة وبكثرة ولو انها موجودة الان بندرة ولكن يعيب عليها ارتفاع الاسعار مقارنة بالمحلات في الاسواق المفتوحة استغلالا للنساء بارك الله فيك |
اقتباس:
فعلا نتمنى وجود الاسواق النسائية بكثرة وتكون خاصة فقط بالنساء ويكون عليها رقابة أما بالنسبة للرجال وصبرهم فهذا موضوع آخر والناس موب سوا والاسواق النسائية ماراح تغير شي من صبر الرجال لانه هو اللي يودي وهو اللي بيجيب أشكرك على مداخلتك |
اقتباس:
العفو عزيزي فالروعة تكمن في مرورك ومداخلتك اللطيفة ان شاء الله نرى الاسواق الخاصة منتشرة ونرتاح ولو انها موجودة ولكن بقلة والناس اجناس يا اخي ففيه اللي يستحي واللي مايستحي يعني به الزين والشين نسأل الله العافية أشكرك على مرورك ومداخلتك الجميلة تحيتي لك |
لا والله ما نرضاها
بس ترى الدنيا لسى بخير وفيه محلات محترمه وهذا الغالب والمشكله ليست في محلات الملابس الداخليه المشكله في السواق بالكامل محلات العطور المكياج و و و و و بس عندك محل اعضم من نعومي اسمه او لا لا هذا بلاااااااااااااااااااااااااوي ولا يفوتك الهيئه قفلته اكثر من مره ولا حياه الله يحمي بناتنا اشكرك على هذا الطرح الجريئ والهام |
اقتباس:
أشكرك على مداخلتك واضافتك وكلنا عشم ان الدنيا لسى بخير وعلى قولك المشكلة بالسوق كله نسأل الله العافية والله يهدي كل شباب وبنات المسلمين أما المحل اللي ذكرته والله ما اعرفه بس اذا انه يتقفل من الهيئة ويرجع يفتح هنا علامة استفهام كبييييييرة !!!!!!!!!! لاهنت ساغالي احترامي لك |
جاري استبدال محلات النسائيه من بائعين رجال الى نساء
وفيه الان عدة محلات تبيع فيها نساء نتمنى ان يكون الوضع افضل في السنين القادمه |
اقتباس:
نتمنى ذلك ولكن المهم صراحة برأيي ألا يكون هناك اختلاط في المجمع من حيث الباعة لأن المصيبة ربما تكون أعظم أشكرك على مداخلتك بارك الله فيك |
موضوعك جدير بالاهتمام اخوي ايو سيما وجدير بالمناقشة
ولكن السؤال ماذا نعمل ؟؟؟ نحن مجبورين على الاسواق والواحد ينقهر لما يشوف البائع يتحدث للمرأه بطريقة فيها من الخبث الشي الكثير وكم كنا نطالب ببائعات حتى تأخذ المرأه راحتها في الشراء ويرتاح ولي امرها ولا يخاف عليها المهم الواحد لابد انه يأخذ حذره من بعض البائعين طرح مميز ابو سيما ولاهنت يالغالي |
اقتباس:
فعلا بعض الباعة خباث ولكن المصيبة عندما تجد فتاة تسايره ومبسوطة نسأل الله العافية وانا اخوك والحل وانا اخوك يكون السوق كله نسائي فقط ولا رجال واحد والحذر واجب في كل امورنا أشكرك على مداخلتك المميزة الله لا يهينك تحيتي وتقديري |
الدنيا لسه بخير
الله يحمي بنات وشباب المسلمين من كل شر تقبل مروري المتواضع |
بصراحة الموضوع جداً مهم ، والكل يلاحظ هذا الأمر والكثير يتمنى ان يكون التغيير بأن تقتصر الأماكن الخاصة بالنساء والتي تبيع الأشياء الخاصة ان تقتصر على نساء ، فلا يبيع فيها الرجال ، ولكن من يرضى منا ان تذهب زوجته يومياً الي السوق أو اخته أو أبنته لتفتح محل لها بالسوق وتبيع على النساء ؟؟؟؟؟
وأرى أن الحل بيد المرأة المتسوقة فيجب عليها أن تحتشم وتلبس الساتر من اللباس وتبتعد عن العري والتبذل في اللبس ، وعن التخنج والخضوع في القول مع البائع امتثالاً لقوله تعالى ( يَا نِسَاءَ النَّبِيِّ لَسْتُنَّ كَأَحَدٍ مِنَ النِّسَاءِ إِنِ اتَّقَيْتُنَّ فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَعْرُوفًا (32) وَقَرْنَ فِي بُيُوتِكُنَّ وَلَا تَبَرَّجْنَ تَبَرُّجَ الْجَاهِلِيَّةِ الْأُولَى وَأَقِمْنَ الصَّلَاةَ وَآَتِينَ الزَّكَاةَ وَأَطِعْنَ اللَّهَ وَرَسُولَهُ إِنَّمَا يُرِيدُ اللَّهُ لِيُذْهِبَ عَنْكُمُ الرِّجْسَ أَهْلَ الْبَيْتِ وَيُطَهِّرَكُمْ تَطْهِيرًا (33) وهذا الخطاب ينطبق على جميع نساء المسلمين ، فيجب ان تقتضي حاجتها بأدب وحشمة ولا تعطي فرصة لضعاف النفوس للحديث معها ، كما يجب ان يكون التسوق قدر الحاجة ، وليس للنزهة والترويح عن النفس 0 والله الموفق ، وجزاك الله خيراً أخي سعد على طرح هذا الموضوع الهام 0 تقبل تحياتي وتقديري ،،،،، أخوك / المطاعــــــــــــــــــــــي 0 |
اقتباس:
أسعدني مرورك اخي فارس لاهنت ياغالي |
اقتباس:
صراحة ودنا ان المحلات اللي مايرتادها الا النساء يكون الباعة فيه نساء بس العملية ميب سهلة يعني برضو فيه مشكلة بغض النظر عما ذكرت انت من سلبية في الموضوع تخيل يصير في السوق موظفين وموظفات كذا المصيبة بتصير اعظم لكن الاسواق النسائية الخاصة يكثرون منها وهي الحل الاصلح ان شاء الله وكما ذكرت بارك الله فيك يجب على الفتاة ان تكون محتشمة بحجابها ولا تدع مجال للبائع بأن يتمادى معها وأن تخاف الله في تصرفاتها نسأل الله العافية وانا اخوك أشكرك على مداخلتك واضافتك تقبل فائق احترامي وتقديري |
مشكووووووووووور موضوع يستحق النقاش خاصه في زمننا هذا |
العفوو اختي همس الغلا أشكرك على مرورك تحيتي لك |
الساعة الآن 12:13 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لـ منتديات شمران الرسمية