رد: اخترنا لكم شعر نبطي وفصيح
 

كل دقّة في وريدي تناديــه
والحشا من دون وصلك ما سلاك

يا غرامٍ ساكنٍ في مهجتيــه
يا أمل عمري وعِزّي في رضاك

لو غدت دنياي ضدّي ما أذريه
دامني حيٍ على العهد معاك

إن رضيت العمر كلّه أهديــه
وإن غضبت الموت يحلا في فداك

.....

رد: اخترنا لكم شعر نبطي وفصيح
 

‏نام الجميع وكيف النوم يطرقني
والنار في قلبي المشتاق تضطرم

ناموا هنيئا لكم إذ ليس يشغلكم
من الهوى أَمل مثلي ولا أَلم

أبيت وحدي في الظلماء تؤنسني
ذكرى الحبيب فتدميني وأَبتسم

يرفرف المجد فوقي والغرام معا
كلاهما خافق مايخفق العلم

.....

رد: اخترنا لكم شعر نبطي وفصيح
 

غــابــت عــن عيوني وجـيـه الـمـحـبـين
ومآ غـاب ذكـراهــم مـن الـقـلـب والروح

لـو يـعـلـمـوا يـاصــدورنا كــم تـخـبــيـن
مــــن الألــم والــحــزن والـهــم والــبـوح

عـقـب الـوصـال الـلـي فـرحنـا بـسـنـيـن
جـانـا الفـراق وخلّـف الجـرح مجروح

يا صاحبي والشوق فينا يعـزف حنين
ما ينطفي لولا يزول العمر والروح

كـم ليـلـةٍ عيـني تـرجّـت غـفـا ويـن
والـدمـع يـسقـي خـدّ يـنـوح مـن بوح

......

رد: اخترنا لكم شعر نبطي وفصيح
 

‏ليت الهـوى ياشـوق يسمحلي القاك
وآخفيك من شوف البشر في عروقي

وآروي ضمــاَ قلبــــي بطلة محياك
واذوب فـي لقياك ياشـــوق شوقي

والله انــــي كــل لحظـــــه تمناك
والشوق لك فالروح محرق خفوقي

ودايم على بالي وطيفـــك وذكراك
يسـري بدمــــي يا الغلا في عروقي

.....

رد: اخترنا لكم شعر نبطي وفصيح
 

‏ناديت لك مــن بين الايام ويـــن انت
محتاج أفضفض لك حديث المحاني

تعال وابعدنـــي من الحــزن لا هنت
ما غيـــرك انـت اللي يلطـــف زماني

يا حب ضايـق خاطـري وانت ما بنت
وشوفــك علاجــي لو مجــرد ثواني

يا مــن بعشقك وسـط قلبي تمكنت
ومحبتـــك حلــت بداخـــل كياني

.....

رد: اخترنا لكم شعر نبطي وفصيح
 

‏يا رب غفرانك ليا اصبحـت وامسيت
مـن الخطـايا والذنــــــوب الثقيله

ادعيك تغفـر لي خطايا إذا اخطيت
وكــل ذنــبن يا إلهـــــي تزيله

يارب أنا فـــي دعـــوتك ما تونيت
وحاجتي ماهــي عليــك مستحيله

ارزقني الراحــــــه علـى ما تمنيت
وسهـل برزقي في السنين المحيله

آمين

رد: اخترنا لكم شعر نبطي وفصيح
 

‏أمشي على درب السلامه موادع
‏ما عاد لي في درب الأحباب مسيار

.....

رد: اخترنا لكم شعر نبطي وفصيح
 

سرى الليل يامن ضيع الليل بالتمثيل
بقلبك كلامٍ ما تبيهم يعرفونه

وانا فاطنٍ لمبعثر الكحل والمنديل
وخدٍ تورد بالخجل واختلف لونه

وزفراتن اخفى من عتب وردتين وليل
على حالمن يشرب نداهن على هونه

احنّ المشاعر من تعب رحلة التحليل
خيالي (جريح) وساحة العذر مسكونه

على الهون ياللي من خلاك بخلاك تشيل
على عاشق تقرا خفاياه بعيونه

تهادت على دافي شواطيك غربة جيل
غريبة قرار ..بلعبة النار مفتونه

بغيتك تعيش الدور واتعبني التفصيل
تعب ( عاقلٍ ) راهن على احلام مجنونه

كسيتك ترف واستغربت عينك التدليل
مواري غرور ..وحسن ظني هفى دونه

تعلمت (فنّ) معاند الجرح للتجميل
ملامح سلام ولثغة الحرف ملحونه

غصون الخصوصيات يومي بها التدويل
واخاف الورق تسري به الريح وتخونه

.....

رد: اخترنا لكم شعر نبطي وفصيح
 

مدامك عاجز الحيلة وراك تحدني لاقصاي
ويوم ان الوفاء كايد وعودك ليه تعطيها

تضيعنا الثلاثه في دروبك والغريب الجاي
مثل سيلٍ يضيع ولا يمري في صباخيها

قريت آخر خبردمعة عتاب ولوم واستجداي
تقول ان الرها في بعض الاشياء سر غاديه

وبانت لي حياتي يوم فكرت بجميع اخطاي
زهر عباد شمس ضيع ايامه يراعيها

.....

رد: اخترنا لكم شعر نبطي وفصيح
 

واجهنّي ثلاثٍ موقفات
يالله إنّك تقدّي رابعتهن

بين ظلين وقفه والتفات
سايفن عن خززهن وافختتهن

قلت ياراعي الوقفات هات
ما بقى ألاّ انت ماتفهم لغتهن

لك زمانين وايامك فوات
ما ارثعنن في حوالك باركتتهن

لو فطامك على سكّر نبات
ريحة الحمض تمْرِي بمرقتهن

.....

رد: اخترنا لكم شعر نبطي وفصيح
 

ومريتي بموكب فرح كنّ مالي دور
تجرين عمرك فوق رحلة معاناتي

تلهين وانتي خابرتني غشيم قصور
ثقيلة على سجادة الفرو خطواتي

على اقل تقدير اجبري خاطرن مكسور
خذي واردي ماهوب من كثر جياتي

.....

رد: اخترنا لكم شعر نبطي وفصيح
 

يا هل البل خبّروا من كان ناسي
في مفال الشرف للشقحا غناجه

ايه اغنّي والدجر طيّر عماسي
زين مدح الروح لو فيها سماجه

روحن مثل القطا والعج كاسي
بكرتينن ما لهن بالطرش حاجه

.....

رد: اخترنا لكم شعر نبطي وفصيح
 

أشم ريح انفاسها بين الابيات
كن الصور تشعل باثرها مناير

وانا رهين الذات ومحاسب الذات
وذكرى صورها فوق كسري جباير

سيلتها حصبى ذهب واديٍ مات
حولين ما علّه يكود العباير

وانا رهين الليل والموت بسكات
لا شار بالمسرى خفيّ السراير

.....

رد: اخترنا لكم شعر نبطي وفصيح
 

عسى الله يفرج كربة اللي براه الشوق
أسير العيون السود ما في يدي حيله

سحره البها والملح من حسنه المنطوق
قليل العزى ماحدٍ من الناس ياوي له

نطحني على الكدلك حبيبي بعرض السوق
وعرض بخدٍ يجرحه لمس منديله

أبو وجنةٍ حمراً غشاها الهدب من فوق
تكاشف سناها من ورى طرقة الشيله

أنا إن ما حصل لي من ثمه حبةٍ بارفوق
فباقي حياتي ياهل العرف وشي له

ترى اللي يرد الروح للعاشق المعيوق
متى ما سمح سيده وقال أقبل الليله

عبدالله الفيصل

رد: اخترنا لكم شعر نبطي وفصيح
 

اشتقت لك يا فرحة العمر وين انت
يا للي عيوني منك ينبع ضياها

لولاك بالغايه بدنياي ما كنت
اشفق على ايامي يطول مداها

سرقتني مثل الكرى لي تمكنت
من مهجةٍ ما قبلك أحد غشاها

أشوف حسنٍ كل شئ تحاسنت
لو به ذهاب النفس أشوفه مناها

ما خبر يوم في منامي تطامنت
إلا أن بعثت الطيف لي في دجاها

أهين نفسي لك بمرضاك لاهنت
واتبع هواك بعسرها عن هواها

رجلي تيامن غصب كانك تيامنت
وان خذت باليسرى تياسر اخطاها

كلٍ بعينه زين ويلا تبينت
كلٍ زهد في خلقته ما بغاها

لوفات لك تسعين بالعمر ما شنت
في عين نفسٍ علقت بك رجاها

آمنت بك في عالم الحب آمنت
يا متلفٍ روح العنا يا دواها

عبدالله الفيصل

رد: اخترنا لكم شعر نبطي وفصيح
 

يا مِرْسِلْ الورد للولهان
الطَفْ من الورد مكتوبِك

نَغَشْتِني به ونا وجعان
ملكت باللّطف محسوبك

به ريحتك يا غصين البان
متعطرٍ نايشٍ ثوبك

.....